موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 18
Like Tree0Likes

الموضوع: سؤال هل حلاقة الشعر بالموس مفيده أم مضره؟

  1. #1
    الصورة الرمزية hjackal
    تاريخ التسجيل
    Jul 2007
    المشاركات
    288

    سؤال هل حلاقة الشعر بالموس مفيده أم مضره؟

    سؤال هل حلاقة الشعر بالموس مفيده أم مضره؟

    أرجو من "شخص متخصص" يرد على سؤالي ده : هل حلاقة الشعر بالموس مفيده؟
    لأن انا شعري في تساقط مستمر بكميات كبيره عندما أجي اسرحه كل يوم وجربت معاه كل الادويه سواء موضعيه او عن طريق الفم وانواع كتير من الزيوت ورحت عند دكاترة ولكن من غير فائده ومش عارف أعمل ايه والموضوع ده مضايقني.
    عشان كده بسأل هل لو حلقت شعري بالموس هايتقل ويقوى ويقلل تساقطه ولا هيقصف الشعر ويخربه وهل بيختلف من شخص لأخر سواء بإفاده ولا بضرر...............أرجو الرد من حد متخصص فى هذا الموضوع.

  2. #2
    الصورة الرمزية ospery1
      ospery1 غير متصل ألا بذكر الله تطمئن القلوب
    تاريخ التسجيل
    Jun 2009
    المشاركات
    2,128
    طب انت لما رحت للدكتور قالك اية المرض الى عندك اساسا ؟؟ اسم المرض اية علشان نقدر نساعدك
    وبالنسبة للموس مش هيفيدك قوى لان تساقط الشعر مش من فراغ الاول نشوف سبب تساقط الشعر اية ونحلة هو دة الى هيحل المشكلة فاهمنى ؟
    بص هو الشعر بيقع على شكل بقع ؟؟ ولا كلة بيقع ولااية ويا ريت اسم المرض علشان اقدر افيدك
    تحياتى وربنا يشفيك ويعافيك اخى الحبيب


    لله در أبي محجن .. لم تمنعه معصيته من الجهاد في سبيل الله
    قصة توبة الصحابى ابى محجن روعة



    لا تنسوا اخواننا فى سوريا بالدعاء
    اللهم انصرهم
    اللهم امنهم فى اوطانهم
    اللهم انصرهم على عدوهم


  3. #3
    الصورة الرمزية hjackal
    تاريخ التسجيل
    Jul 2007
    المشاركات
    288
    أخي الكريم شكرا على ردك واهتمامك.... انا شعري بيتساقط زي مابيتساقط عند شباب كتير فى سني على مشارف الثلاثين................................ انا رحت لدكتور اسمه شريف الجابري دكتور أعشاب طبيعيه ................. لكن لا قاللى انت عندك مرض ولا مش مرض كاتبلي على زيوت وفيتامينات وحاجات تشرب وأعدت أربع شهور استعملها وماجبتش نتيجه للتساقط فوقفتها عشان بلا فائده وانا شايف ان علاج تساقط الشعر لحد دلوقتي مالوش علاج مضمون ومعروف واللى فى النهايه هاينتهي لصلع..............وقبل الدكتور ده كنت بستعمل مينو اكسيدل وعملى حبوب فى منطقة الوجه فوقفت استعماله بعد 3 أسابيع من الاستخدام وانا مش عارف اعمل ايه دلوقتي.....................

  4. #4
    الصورة الرمزية ospery1
      ospery1 غير متصل ألا بذكر الله تطمئن القلوب
    تاريخ التسجيل
    Jun 2009
    المشاركات
    2,128
    طب انت لازم تروح لدكتور امراض جلدية وتشوف اية السبب علشان العلاج فى مسألة تساقط الشعر لازم يكون دقيق علاج الثعلبة غير علاج القراع غير الصلع الوراثى فياريت تروح لدكتور امراض جلدية و انا مش عايزك تقلق خالص من العلاج ان شاء الله لكل مرض علاج وربنا لم يخلق داء الا ولة دواء انا ممكن اقوللك نصائح عامة بس مش هتفيدك قوى لانى مش عارف اية المشكلة بالضبط عموما لو مش ناوى تروح لدكتور ::::
    1- هل الصلع وراثى فى العائلة ؟؟
    2- هل عندك مشاكل نفسية حاجة مضايقاك ؟؟
    3- شكل المنطقة المصابة فى راسك ؟؟ هل عندك تساقط شعر الحواجب / رموش / اى منطقة اخرى ؟؟
    4- شكل راسك اية ؟؟
    1


    2



    3



    وبدات المشكلة من امتى ؟؟
    هل تعانى من مرض تانى ؟؟


  5. #5
    الصورة الرمزية hjackal
    تاريخ التسجيل
    Jul 2007
    المشاركات
    288
    أنا تساقط الشعر ابتدا عندي من ساعة مادخلت الجيش بسبب لبس الكابات والخوذ الزفت الحديد بتاعت الجيش ............وبعد الجيش فى 2007 ابتديت اطول شعري ولقيت مقدمة رأسي ابتدت تفرغ من الشعر ودلوقتي الدائرة اللى فوق فى رأسي ابتدا الشعر يبقى خفيف فيها وسمك الشعرايه بقى ضعيف على عكس الجناب فى رأسى الشعرايه فيها قويه وسميكه .................بخصوص الصلع وراثي ولا لأ ، انا أشبه كتير لأاخويا وهو أكبر مني ومحتفظ بشعره بالكامل وأنا لأ..................انا فى مشاكل مضايقاني كتير فى حياتي............ أنا ماعنديش تساقط لا فى حواجب ولا رموش ولا منطقة أخرى..........انا شكل رأسي فى الغالب هايوصل لا قدر الله زي الصورة اللى فى رقم 1......................كنت عايز أقولك ان القشرة كتير فى فروة رأسي وبستعمل لها خل التفاح والخل الابيض، بس ملازماني بقالها فترة كبيرة جدا من سنتين.
    التعديل الأخير تم بواسطة hjackal; 06-03-2010، الساعة 09:15 PM

  6. #6
    الصورة الرمزية ospery1
      ospery1 غير متصل ألا بذكر الله تطمئن القلوب
    تاريخ التسجيل
    Jun 2009
    المشاركات
    2,128

    22



    اخى الحبيب

    الادوية دى دكتور الى قايل عليها دكتور جلدية مشهور واحد صاحبى راحلة وكان برضة الصلع بدا فى راسة ::

    1- من الصيدلية hair back spray هير باك فية مادة فعالة تساعد على احياء بصيلات الشعر وتنشيطها من جديد وهنحط منة مرتين كل مرة 6 بخات تغطى المناطق الى فيها سقوط الشعر و المناطق الى الشعر فيها ضعيف مع التدليك الخفيف لفروة الرأس لانة بينشط الدورة الدموية وبالتالي بصيلات الشعر أما التدليك الشديد فيمكن أن يؤذي البصيلات وخلى باللك ان علاج الشعر بياخد وقت ما تيأسش و مع الوقت هتحس بنتيجة ان شاء الله



    2- كبسولات كبسولة الصبح وكبسولة باليل VITAZINC

    هام جدا
    بس لو هتستخدم الدوا دة لازم الاول تروح لدكتور علشان مينفعش انا انقللك روشتة واقوللك دى مناسبة ليك انا بس كاتبهم علشان ممكن تسأل الدكتور اخد دة وهو يقوللك وبرضة علشان لو هوا اداهمللك لوحدة تتطمن وتتأكد زيادة فاهمنى بس ممكن تاخد فيتا زنك عادى بدون دكتور لانة كدة كدة مفيد فى علاج سقوط الشعر فى معظم الحالات



    العلاج الطبيبعى بالزيوت والاعشاب جربة لمدة شهر قبل الى فوق وان شاء الله مش هتحتاج حاجة تانية :

    1- من الحواج او حراز هات زيت البصل وكل يوم بعد يوم *يوم اة ويوم لا * باليل تغسل شعرك بالماء الدافى وتجيب 2 حبة ثوم وتفركهم كويس فى طبق صغير تخصصة للعملية دة وتضيف علية معلقة صغيرة زيت البصل او عصير بصل
    وشوية من مسحوق حبة البركة وتدهن بية فروة الراس مع العلم انك لازم تقصر شعرك او تحلق زلبطة خالص بس لو مش هتليق عليك قصرة بس علشان تعرف تعالج شعرك كويس المهم تدعك بالثوم كويس وتحك بية المنطقة الضعيفة مع التدليك الخفيف لفروة الرأس لانة بينشط الدورة الدموية هتحرقك راسك شوية وريحة المكس دة اكيد هتكون صعبة معلش استحمل وحاسب يخش فى عينك لانة اكيد هيحرق عينك جامد بس لو دخل فى عينك اغسلها عادى بس حاسب برضة اوك ؟
    وطبعا احتسب الاجر عند الله واصبر على المرض واحمد ربنا عزوجل علشان الآمك وتعبك ومجهودك فى العلاج تاخد ثواب عليهم
    نرجع لكلامنا تقعد تدعك 3 دقايق متواصل لحد لما تحس بتهيج شديد فى فروة الرأس وبعدين تستنى 5 دقايق تانى لحد لما الجلد يهدى واستحمى بس خلى بالك متستخدمش اى صابون على دماغك لا استخدم شامبو جونسون للأطفال لان المادة الكاوية فية اقل وخفيف على شعرك مش هيوقعة .




    2- هتعمل خليط من زيت اللوز الحلو والزيتون و الخروع بنسب متساوية وكل 3 ايام تدهن بية شعرك هتجيبهم من الحواج او الحراز او اى عطار ثقة
    منتجاتة مسجلة بوزارة الصحة



    3- ممكن لو تحب كمان تجيب صبغة يوم وتدهن بيها المنطقة المصابة 1-3 مرات فى الاسبوع الثوم على فكرة كفاية جدا بس برضة اية علشان تبقى انت ماشى مية مية برفكت وبتستخدم علاج شامل ومتنوع



    **ركز فى اكللك على السبانخ والجزر والكرنب والجرجير و البصل والثوم وحبة البركة والخضراوات الورقية والفاكهة الطازجة



    خلى بالك من نقطة فى غاية الاهمية

    لازم لازم تبعد عن اى مصادر للقلق والضغط النفسى وعدم كبت مشاعر الغضب أو الاحباط أو القهر أو الحزن امال تعمل اية ؟؟؟ خرج الحزن والقلق عن طريق ::

    1- اللجوء للة عزوجل والدعاء بأخلاص وقيام الليل واصلا العلاقة بين العبد والرب لما تكون انت مخلص ومطيع بتديك راحة نفسية رهيبة وتحس ان كل مشاكل الحياة دى تافهة جدا ولا ليها اى قيمة و الله ودى حقيقة يعنى لو انت مشكلتك مش فى دينك اية الى يزعللك عيشتك فقر ونكد ونحس و.....مش مهم المهم انك متدين ومطيع للة قدر المستطاع لانك فى الاخر هيكون ليك جنة عرضها كعرض السماء والارض يبقى اية بقى مشاكل الدنيا الى بتضايقك دى ؟؟؟ مش بزمتك ولا ليها اى قيمة ؟؟



    2- ممارسة الرياضة مهمة جدا بتديك ثقة وراحة نفسية وبتخرج الكبت



    3- فضفض لحد تكون بتحبة وتثق فية ما تحبسش مشاكللك جواك علشان ما تتعبش



    4- اشرب شاى خفيف بالروزمارى لانة بيريح الاعصاب واشرب ينسون




    ** لمعلومات عن اماكن وتليفونات الحراز او الحواج ممكن تبص على الموضوع دة
    https://dvd4arab.maktoob.com/f961/1881003.html

    وربنا معاك وان شاء الله نسمع منك خير قريب
    واى حاجة او سؤال ما تترددش انا اخوك عبد الرحمن اوك بس يا ريت لو اى سوال بسرعة لانى قدامى 4 ايام وبعد كدة هسيب النت مؤقتا
    و مش هدخل على النت لحد اجازة الترم
    طبعا فية ناس ما شاء الله احسن منى ممكن يجاوبوك بس قصدى لو حاجة فى الوصفات دى او فى طريقة الاستخدام


    وان شاء الله تطمنى قريب يا جميل انك بقيت زى الفل والوصفات الى انا كاتبهاللك مجربة مئات المرات وكمان الثوم لعلاج الثعلبة مذكور فى الطب النبوى اطمن وربنا يشفيك ويعافيك ويشفى جميع مرضى المسلمين
    التعديل الأخير تم بواسطة ospery1; 07-03-2010، الساعة 12:18 AM

  7. #7
    الصورة الرمزية hjackal
    تاريخ التسجيل
    Jul 2007
    المشاركات
    288

    شكرا أخي الكريم

    شكرا أخي الكريم على اهتمامك وردك عليا....................وكنت عايز أقولك حاجه بخصوص الوصفات اللى انت كاتبها اني هاستعملها بأذن الله ماعداااااااااااااااااااااااا hair back spray

    لأن انا قولتك قبل كدا اني استعملته ولقيت شعري بيقع جامد فاوقفته ده غير كمية الحبوب اللى عملها فى اورتي..............وبخصوص حبوب الزينك انا استعملتها 4 شهور وماعملتش نتيجه فى تقليل سقوط الشعر بس هاسمع كلامك فيها وهارجعلها التاني وهاعمل الوصفات بأذن الله اللي انت قولت عيلها......................................بس كان نفسي ترد على سؤالي الرئيسي وهو : هل أحلق شعري موس وهل ده هايكون مفيد ليا ولا لأ فى تتقيل سمك شعر رأسي.

  8. #8
    الصورة الرمزية ospery1
      ospery1 غير متصل ألا بذكر الله تطمئن القلوب
    تاريخ التسجيل
    Jun 2009
    المشاركات
    2,128
    اة احلقة انا قريت انة احيانا بيكون مفيد وعموما انت كدة كدة هتضطر لحلقة علشان تعرف تعمل الوصفات
    والهير باك فعلا بيوقع الشعر فى بداية الاستخدام و دة مكتوب على العلبة بس بعد كدة لا وما تستخدموش دلوقت عموما

  9. #9
    الصورة الرمزية مشتاقة ليك حبيبي
    تاريخ التسجيل
    Jun 2008
    المشاركات
    3,128
    الف شكر يا عبد الرحمن
    بس احب اوجه للاخ صاحب المشكلة لابد من معرفة السبب اولا ممكن يكون السبب داخلي
    لابد من عمل تحليلات اولا ان كنت ما عملتها وتعرف السبب
    وانصحك بزيت الثوم لتساقط الشعر
    خواطر انسانية رائعة كتبها والدي رحمه الله
    بحبك يا مصر
    وبكره قناة الجزيرة
    ولاكرامة للعرب بدون كرامة مصر
    لك الحمد ياربُّ إنْ فاضَ دمعي
    وأصبحتُ رهناً لضيقِ المدَى
    لك الحمدُ إن هدّني طولُ صَمتي
    وبتُّ أواصلُ فيكَ الرجَا
    إذا أنتَ ياربِّ لم تعفُ عني
    وضاعَت علي الحياةُ سُدى
    فمن لي سواكَ أعلِّقُ فيهِ
    رجَائي ، وحُبي ، وكلُّ المنى

    اللهم اجعل لنا من كل ضيقٍ مخرجاً، ومن كل همٍ فرجاً، ومن كل بلاءٍ عافية.
    الهُدوء مِنْ أروَع الصِفَاتْ التِي أعشَقُهَا.
    لا أعلمْ مَا السَببْ!
    وَلكنْ رُبمَا هِي لُغَة بِداخِلي !!.

    عنـــدمـــا يغـــمرنـــي شخـــص بأخـــلاقــــه وطـــيب أفـــعالــــه فـــإنـــي أقــــف حــــائــر بين الـــصمــت والـــــكــــلام. ســأختـــــار الـــــكلام عندمـــــا يكـــون الـــــكلام مــــن فــــضه ولـــكنني ســــأفضــــل الــــصمت أمـــــام شخـــــص أصلـــــه مــــن ذهــــــب


  10. #10
    الصورة الرمزية hjackal
    تاريخ التسجيل
    Jul 2007
    المشاركات
    288
    شكرا أيها الأخت الكريمة على ردك.......................

  11. #11
    تاريخ التسجيل
    Jul 2009
    المشاركات
    6
    احذركم من حلق الراس بالموس
    و هذا رابط يوضح اضرار هذه العاده

    http://www.lakii.com/vb/showthread.php?t=630674

    و اذا كان الرابط لا يعمل فهذا النص جاء به

    مخاطر حلاقه شعر الراس بالموس

    1- جز الاعصاب الطرفيه فى فروه الراس التى ينتج منها التهاب الاعصاب الطرفيه فيشعر المرض بالم فى فروه الراس
    2- التهاب الاجربه و البصيلات الشعريه فينتج منها الم عندما تحريك الشعر
    كما ان الجروح التى حدث فى فروه الراس حتى لو كان جرح صغير يستطيع اى بكتيريا او فطريات او فيروس
    ان يدخل فيه ويدمر بصيلات الشعر و التهابها علاوه على التهاب الجلد بالبكتيريا او بالفطريات او الفيروسات التى اذا اصيب بها الجلد يحتاج الشخص الى سنين لعلاجها
    علاوه على كم التكاليف التى يتكبدها الشخص للعلاج
    3- كما ينتج من الحلاقه جلد الرأس بالموس موت بصيلات الشعر واتلافها حيث ان الحلاقه بالموس تعمل على اتلاف البصيلات و يحدث موتها بعد فتره
    4- نقص الكثافه العدديه لشعر الراس حيث ان من المعروف ان فروه الراس تحتوى على ما يقر 100.000 شعره و الحلاقه بالموس تعمل على اقلال هذا العدد الكمى ليصبح قليل جدا فى حدود 50.000 شعره نتيجه اتلا بصيلات الشعر
    وهذا عكس ما يعتقد البعض بان الحلاقه بالموس تزيد الكثافه
    لان هناك اختلاف بين نوعيه شعر الذقن وشعر الرأس
    فى ان جلد الذقن يتقبل الحلاقه بالمسو اما جلد الرأس فحساس جدا لاى مؤثر
    5- التهاب الجلد التماسى و ينتج من وضع المعاجين الحلاقه على جلد الراس
    ويشعلر المريض بالم فى فروه الراس
    6- وضع المعاجين على فروه الراس تعمل ايضا على اتلاف بصيله الشعر و التهابها
    7- عدم غسيل شعر الراس لفتره تزيد عن 7 ايام يعمل على تجمع الدهون
    على الفروه مما ينتج عنه التهاب جلد دهنى و التهاب تحسسى و فطريات يتنج منها الم فى فروه الراس و لهذا يفضل غسيل الشعر مرتان اسبوعيا
    بصابون متعادل القلويه او اى شامبو مناسب بدون بلسم

  12. #12
    تاريخ التسجيل
    May 2005
    المشاركات
    366
    سيبك من الرغى ده كله

    ربنا بعتنى ليييك

    انا كنت زيك بالظبط و عنيت معاناه فظيعه

    و صرفت اكتر من 10 الاف جنيه على شعرى

    و فى الاخر طلع الحل بسييييييييييييييييط جدا

    فول الصويا

    انا مصدقتش فى الاول ... و جالى اكنئاب انى مش لاقى حل

    جربته عشان يبقى اسمى عملت كل حاجه .. و اتخضيت بعد شهر من النتيجه


    اسمع كلامى و قربعلك كل يوم كوبيتين فول صويا

    بس استحمله .. و بس فى مشكله انك هتشربه طووول عمرك

    طول ما بتشربه طول ما شعرك ثابت و تقيل

  13. #13
    الصورة الرمزية ospery1
      ospery1 غير متصل ألا بذكر الله تطمئن القلوب
    تاريخ التسجيل
    Jun 2009
    المشاركات
    2,128
    جزاك الله خيرا

  14. #14
    الصورة الرمزية hjackal
    تاريخ التسجيل
    Jul 2007
    المشاركات
    288
    تسلم يا غالي ع المعلومة القيمة دي.............ربنا يكرمك....هاجرب وارد عليك..

  15. #15
    تاريخ التسجيل
    Jan 2009
    المشاركات
    195

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك