موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 52 من 57 الأولىالأولى ... 2 42 50 51 52 53 54 ... الأخيرةالأخيرة
النتائج 766 إلى 780 من 855
Like Tree0Likes

الموضوع: عياده الانف والاذن والحنجره

  1. #766
    الصورة الرمزية ledo
    تاريخ التسجيل
    Mar 2004
    المشاركات
    493
    السلام عليكم

    د/ هانى

    انا اعانى من حكة دائمة بسقف الحلق من الداخل منذ صغرى وهى مستمرة الى الان
    الان عمرى 25 سنة و حاسس انه المشكلة بتزيد عندى
    على اوقات متقطعة فى نفس اليوم عندى شعور باكلان داخل اذنى فى العمق + شعور بالم متوسط واحيانا اشعر بوجود ضغط او شىء داخل اذنى
    فى اخر 3 سنين بدات تظهر عندى نوبات صداع خفيفة لاكن مستمرة معظم الوقت + نوبة عطاس ايضا متقطعة طول اليوم و حساسية شديدة بالعين(رمد ربيعى) كتمة دائمة اثناء التنفس
    (عندى هاجس شديد انه هذا كله بسبب الجيوب الانفية)

    كشفت اكثر من مرة و الجميع اجمع انه عندى حساسية طبعا العلاج مختلف من طبيب لاّخر
    لاكن اعتقد انه افضل علاج كان يريح جزء من المشكلة هو Analarg لاكنى اوقفت جميع الادوية منذ حوالى 4 شهور لانى فعلا تعبت منها
    التعديل الأخير تم بواسطة ledo; 01-11-2011، الساعة 09:15 AM

  2. #767
    الصورة الرمزية dr_ahmed_hani
    تاريخ التسجيل
    Dec 2007
    المشاركات
    1,815
    اقتباس المشاركة الأصلية كتبت بواسطة amir mahmoud مشاهدة المشاركة
    انا اعانى من الم فى الاذن الشمال من الداخل

    الم شديد لدرجة اننى استيقظت من النوم بسببه

    الالم كان يأتينى عدة مرات و يروح لوحده ولكن ليس بهذه الشدة

    و انا لا اعانى من اى نزلات برد

    و اشعر معها كأنى عايز اهرش فى اسنانى من الناحية الشمال

    وجزاك الله خيرا

    ده غالبا إلتهاب في الاذن الوسطى وواضح انه مزمن ... حضرتك محتاج كشف للتشخيص وعلشان نعرف نوعه وتتعالج ان شاء الله

    اقتباس المشاركة الأصلية كتبت بواسطة ledo مشاهدة المشاركة
    السلام عليكم

    د/ هانى

    انا اعانى من حكة دائمة بسقف الحلق من الداخل منذ صغرى وهى مستمرة الى الان
    الان عمرى 25 سنة و حاسس انه المشكلة بتزيد عندى
    على اوقات متقطعة فى نفس اليوم عندى شعور باكلان داخل اذنى فى العمق + شعور بالم متوسط واحيانا اشعر بوجود ضغط او شىء داخل اذنى
    فى اخر 3 سنين بدات تظهر عندى نوبات صداع خفيفة لاكن مستمرة معظم الوقت + نوبة عطاس ايضا متقطعة طول اليوم و حساسية شديدة بالعين(رمد ربيعى) كتمة دائمة اثناء التنفس
    (عندى هاجس شديد انه هذا كله بسبب الجيوب الانفية)

    كشفت اكثر من مرة و الجميع اجمع انه عندى حساسية طبعا العلاج مختلف من طبيب لاّخر
    لاكن اعتقد انه افضل علاج كان يريح جزء من المشكلة هو analarg لاكنى اوقفت جميع الادوية منذ حوالى 4 شهور لانى فعلا تعبت منها

    هي الحساسية نفسها مالهاش علاج احنا بنحاول نقلل الأعراض فقط
    انارأيي تكشف عند دكتور كويس لو في بؤرة التهاب مزمن لازم تتعالج هاتريحك جدا
    غير أغطية المخدات كل 5 أيام احرص على تهوئة كويسة للغرفة من غير تلوث خارجي قلل شوية من نشاطك في الشمس وحركتك في الشوارع وادوية الحساسية بتاخدها ساعت الأعراض ماتكون شديدة بس



    كلية طب قصر العيني
    __________________________________________________ ________________________


    مستشفى جامعة هايدلبرج - ألمانيا


    __________________________________________________ ________________________



    كلية طب ومستشفى جامعة أمستردام

    __________________________________________________ ________________________







  3. #768
    الصورة الرمزية الثلاثي المرح
    تاريخ التسجيل
    Dec 2005
    المشاركات
    2,284
    السلام عليكم دكتور احمد
    عيد سعيد ,,

    انا كنت اريد عمل رسم سمع ,, وسوف اتوجه للقصر العيني الفرنساوي ,,

    ممكن تقولي هو رسم السمع ده عبارة عن اية بالظبط اشعة ولا اشعة مقطعية بالكمبيوتر ولا فحص او موجات صوتية ولا يندرج تحت اي قسم ,
    مثال
    http://www.newkasrelaini.org/ray_ar1.htm#3

    وهل فحص السمع هيبيين حالة طبلة الاذن ام اذا كان فيها ثقب ام لا ,, ولو عندك نصائح في مكان احسن من القصر الفرنساوي بس يكون تابع لوزارة الصحة


    وشكرا جزيلا لك :)
    التعديل الأخير تم بواسطة الثلاثي المرح; 05-11-2011، الساعة 01:51 AM
    الحمدلله الذي تواضع كل شي لعظمته . الحمدلله الذي استسلم كل شي لقدرته .
    الحمدلله الذي ذل كل شي لعزته . الحمدلله الذي خضع كل شي لملكه ..

  4. #769
    الصورة الرمزية وتر الحب
    تاريخ التسجيل
    Apr 2006
    المشاركات
    314
    يادكتورة انا كان عندى برد وروحت لدكتور صدر قالى صدرك مافيهوش حاجة روح للانف واذن وكتبلى على كلاريناز ولسة تعبان شوية

  5. #770
    الصورة الرمزية dr_ahmed_hani
    تاريخ التسجيل
    Dec 2007
    المشاركات
    1,815
    اقتباس المشاركة الأصلية كتبت بواسطة الثلاثي المرح مشاهدة المشاركة
    السلام عليكم دكتور احمد
    عيد سعيد ,,

    انا كنت اريد عمل رسم سمع ,, وسوف اتوجه للقصر العيني الفرنساوي ,,

    ممكن تقولي هو رسم السمع ده عبارة عن اية بالظبط اشعة ولا اشعة مقطعية بالكمبيوتر ولا فحص او موجات صوتية ولا يندرج تحت اي قسم ,
    مثال
    http://www.newkasrelaini.org/ray_ar1.htm#3

    وهل فحص السمع هيبيين حالة طبلة الاذن ام اذا كان فيها ثقب ام لا ,, ولو عندك نصائح في مكان احسن من القصر الفرنساوي بس يكون تابع لوزارة الصحة


    وشكرا جزيلا لك :)
    ولا حاجة هاتدخل غرفة معزولة ويسمعوك اصوات معينة ويشوف قدرتك على السمع
    وده بيقيس وظيفة السمع في الأذن ككل بكل مكوناتها

    الفرنساوي كويس وعلى فكرة مش تبع وزارة الصحة


    اقتباس المشاركة الأصلية كتبت بواسطة وتر الحب مشاهدة المشاركة
    يادكتورة انا كان عندى برد وروحت لدكتور صدر قالى صدرك مافيهوش حاجة روح للانف واذن وكتبلى على كلاريناز ولسة تعبان شوية
    معلش هو دور البرد بياخد شوية لو مافيش حرارة عالية استنى على نفسك كام يوم وهاتخف لوحدك ان شاء الله

  6. #771
    الصورة الرمزية الثلاثي المرح
    تاريخ التسجيل
    Dec 2005
    المشاركات
    2,284
    شكرا جزيلا ,, كنت فاكرة تبع وزارة الصحة :)

  7. #772
    الصورة الرمزية الثلاثي المرح
    تاريخ التسجيل
    Dec 2005
    المشاركات
    2,284
    في ناس نصحوني بمعهد السمع والكلام في امبابة علي اساس انة متخصصين, ما رائيك :)

  8. #773
    الصورة الرمزية dr_ahmed_hani
    تاريخ التسجيل
    Dec 2007
    المشاركات
    1,815
    اي مكان في الغرفة المعزولة المخصصة ينفع ده اختبار سهل ومش محتاج دكتور على مستوى معين للتشخيص

    بالتوفيق

  9. #774
    الصورة الرمزية الثلاثي المرح
    تاريخ التسجيل
    Dec 2005
    المشاركات
    2,284
    تعبتك معايا شكرا وهوافيك بالنتيجة ان شاء الله :)

  10. #775
    تاريخ التسجيل
    Nov 2011
    المشاركات
    2
    بادئ ذي بدئ اتشرف بتقديم نفسي لسيادتكم انا اسمي اسلام احمد محمد من محافظة اسيوط ابلغ من العمر26 عاما اعمل كمحاسب في احدي الشركات منذ ثلاث او اربع سنوات بدأت معاناتي مع التهاب الحلق ورشح الانف الذي يأتي باستمرار ويزول مع استخدام المضادات الحيوية لانه بدون استعمال تلك المضادات يتضاعف بأرتفاع درجة الحرارة وفي السنوات الاخيرة بدأ ذلك الدور بالتكرر بأستمرار لدرجة انه يأتي في الشهر مرتين اواكثر ولا يزول الا بأستعمال المضادات الحيوية وقد جربت جميع انواع المضادات وبدا وجود رشح من الانف علي الحلق فأحس بوجود بلغم علي الزور الذي يجعلني اقوم بالسعال لاستخراج هذا البلغم وخاصة عند النوم وكذلك انسداد فتحة الانف اليمين والتي تقوم بالتبديل مع الفتحة اليسري ولكن معظم الوقت تكون اليمني هي المسدودة وقد احترت مع تشخيص الاطباء فالبعض يقول انه التهاب مزمن في الحلق وعلاجه وقائي وليس دوائي مثل الابتعاد عن المثلجات والبهارات الحارة والمخلالات مع العلم انني لا اقترب من تلك الاشياء ابدا وكذلك لست بمدخن والبعض الاخر قال انه التهاب وحساسية في الجيوب الانفية وهي التي تسبب كل تلك المشاكل ومنذ سنة تضاعف هذا الدور بالتهاب في الشعب الهوائية فاعطاني دكتور الصدر مضاد حيوي اسمه ازروليد وكذلك شراب لطرد البلغم واعطاني حبوب لتقوية مناعة الحلق والزور اسمها برونكوفاسكوم واننى دائم الاستعمال للنقط اوتروفين عند انسداد الانف وكذلك غسل الانف بماء وملح لتنظيفها ومنذ شهرين تقريبا اصبت بهذا الدور ولكن مع وجود بعض الطنين البسيط في الاذن اليسري فذهبت للطبيب المتعاقد مع الشركة التي اعمل بها فكتب لي مضاد حيوي اسمه كلاسيد وكذلك نقط اوتروفين للانف فاستعملتهم ولكن لم يذهب الطنين فاخبرني انه من سبب الجيوب الانفية وانه سيزول بانتهاء هذا الدور و كتب لي حبوب اسمها امبزيم لازالة الالتهابات في الاذن وكذلك قناة استاكيوس ولكن الطنين لم يذهب فذهبت الي طبيب اخر فقال لي ان السبب هي الجيوب الانفية واعطاني مضاد حيوي اسمه تارفيد وبخاخة افرين ولم يذهب الطنين ايضا فقال لي قم بعمل مقياس سمع ونتيجة المقياس جيدة للاذن اليمني وناقص خمسة في الاذن اليسري عند التردد ال 4000 وانه الطبيعي عند كل الاشخاص وانه ارتخاء في العصب السمعي نتيجة التعرض لضوضاء عالية

    وانه سيظل معي طوال العمر واعطاني حبوب اسمها لوسيدريل لتخفيف الطنين ولكنه لم يأتى بنتيجة وكنت احس بألم خلف طبلة الأََّذن أو شبه ضغط على الطبلة وتزايدت حدة الطنين وذهبت إلى طبيب أخر فنصحنى بإهمالها وعدم التفكير فى هذا الطنين وعند النوم الجأ إلى تشغيل إذاعه القرآن الكريم والتعايش مع هذا الأمر وزاد الآلم وكنت أشعر بسخونة فى الطبله وأخبرنى صديقى بوجود طبيب فى القصر العينى فذهبت له فشخص لى حالتى على أنها التهاب فى قناة استاكيوس وانها مسدودة وانه يوجد لدى اعوجاج فى الحاجز الانفى ناحية اليمين وانه يريد اشعه مقطعية على الانف بالطول والعرض واعطانى دواء كورتوزن اسمه هوستاكورتين وكذلك حبوب لإزالة الالتهابات اسمها الفنترين وحبوب مضادة للحساسية اسمها ميكيلون فى بادئ الامر خف الالم كذلك حدة الطنين وقد فحص الاشعه واخبرنى انه اعوجاج بسيط فى الحاجز الانفى لناحية اليمين وانه لا يستلزم اجراء جراحه له واخبرنى بالاستمرار على الدواء لمدة 21 يوما وقد بحثت فى شبكة الانترنت عن اسباب الطنين فوجدت من ضمن الاسباب التهاب الاسنان وتسوسها وخاصة ضرس العقل المدفون فذهبت لطبيب السنان لاننى اشعر بالم فى اسنانى وكذلك ضرس العقل فأخبرنى بأنه يوجد ضرسين مسوسين بعض الشئ فى الفك العلوى ناحية الشمال وان ضرس العقل فى هذا الفك سليم ولكن ضرس العقل فى الفك السفلى فيه بعض المشاكل فقام بحشو احد الضروس فى الفك العلوى واخبرنى بانه قد يكون الطنين سببه ضرس العقل السفلى وقد يجتاج للخلع ولكن ليس الان وبعد الحشو زادت حدة الطنين وذهبت الى طبيب اخر انف واذن فاخبرنى انه يتوجب علي القيام بعملية تعديل الحاجز الانفى وكتب لي على بخاخه اسمها بيكلو وعند استعمال تلك البخاخه قبل النوم احسست بانفتاح فتحه الانف اليمنى وعند الاستيقاظ وجدت انسداد تلك الفتحه مره اخرى ووجود بعض الطنين فى الاذن اليمنى ولقطع كل الشكوك قبل اجراء العملية قمت بخلع ضرس العقل ولكن الطنين لم يذهب فذهبت الى طبيب اخر انف واذن اخبرنى بوجود تضخم فى الجيوب الانفية فى الفتحه اليمنى وانه الحاجز الانفى لا يتطلب اجراء عملية وانه من الممكن اجراء عملية تهذيب للجيوب الانفية بالليزر واعطانى حقن مضاد حيوي 1500 جرام وحقنه اخرى مضادة للالتهاب وكذلك بخاخة كرتزون اسمها ناساكورت وكذلك حبوب مضادة للحساسية وللالتهاب ودواء شرب اسم بريدسول مضاد للالتهاب ولكن الطنين لم يخف وكذلك التهاب الحلق فماذا افعل فى هذه المعاناة


    وشكرا جزيلا لسعة صدر حضرتكم


  11. #776
    الصورة الرمزية dr_ahmed_hani
    تاريخ التسجيل
    Dec 2007
    المشاركات
    1,815
    طنين الأذن ده مشكلة صعبة قوي في تشخيصها ومعرفة سببها بتحير الأطباء جدا

    لكن خلينا في اللي ظاهر قدامنا
    بالنسبة للحاجز الأنفي لو مش مسبب لك صداع مزمن يبقى ماتعملش فيه حاجة

    اما التهاب الجيوب الأنفية المزمن ده في عملية بالمنظار بتتعمل بتوسع بتحة التصريف للجيوب بتجيب نتائج ممتازة بس قليلين اللي بيعرفوا يعملوها

    انصحك تزور طبيب كويس في منطقة مركزية زي القاهرة وتاخد رأيه في العملية دي لحالتك وان شاء الله لو اتصلحت المشكلة دي نشوف ايه اللي هايفضل من الاعراض التانية ونتعامل معاه وان شاء الله العملية تكون كافية جدا علشان تريحك

    تحياتي

  12. #777
    تاريخ التسجيل
    Nov 2011
    المشاركات
    2
    اقتباس المشاركة الأصلية كتبت بواسطة dr_ahmed_hani مشاهدة المشاركة
    طنين الأذن ده مشكلة صعبة قوي في تشخيصها ومعرفة سببها بتحير الأطباء جدا

    لكن خلينا في اللي ظاهر قدامنا
    بالنسبة للحاجز الأنفي لو مش مسبب لك صداع مزمن يبقى ماتعملش فيه حاجة

    اما التهاب الجيوب الأنفية المزمن ده في عملية بالمنظار بتتعمل بتوسع بتحة التصريف للجيوب بتجيب نتائج ممتازة بس قليلين اللي بيعرفوا يعملوها

    انصحك تزور طبيب كويس في منطقة مركزية زي القاهرة وتاخد رأيه في العملية دي لحالتك وان شاء الله لو اتصلحت المشكلة دي نشوف ايه اللي هايفضل من الاعراض التانية ونتعامل معاه وان شاء الله العملية تكون كافية جدا علشان تريحك

    تحياتي
    شكرا د/ احمد
    بالنسبة للحاجز الأنفي هو مش مسبب اي صداع و بالنسبة للجيوب الأنفية الدكتور الاخير قاللي انه ممكن نعملها تهذيب بالليزر بس مش دلوقت وياريت لو عند حضرتك اسم دكتور كويس انا مستعد اروحله من بكره ياريت تديني اسمه و عنوانه وانا اكون شاكر لحضرتك خالص لان انا سالت كذا واحد وكل واحد يجيبلي اسم مختلف معرفش مين كويس ومين وحش علي فكرة الشركة بتاعتنا متعاقدة مع مستشفي السلام الدولي والسلام مهندسين

  13. #778
    تاريخ التسجيل
    Sep 2008
    المشاركات
    18
    ارجو المساعدة يا دكتور
    من سنة عملت عملية جيوب انفية ياليزر الدكتور كان طلب مني أشعة وعلي اساسها قالي اني عندي تقريبا تسع جيوب مسدودة تماما و فالي حتي انتي مستحمل ازاي كدة المهم بعد معملتها فضلت ثلاث شهور و التنفس كويس بعد كدة رجع الصداع تاني و افرازات رائحتها كربهة و احيانا نزول افرازات برتقالي و انسداد تام في الانف وفات سنة علي الكلام دة ومعاناة في التنفس فارجو الحل النهائي للمشكلة واسف علي الاطالة

  14. #779
    الصورة الرمزية dr_ahmed_hani
    تاريخ التسجيل
    Dec 2007
    المشاركات
    1,815
    اقتباس المشاركة الأصلية كتبت بواسطة eslam khalaf مشاهدة المشاركة
    شكرا د/ احمد
    بالنسبة للحاجز الأنفي هو مش مسبب اي صداع و بالنسبة للجيوب الأنفية الدكتور الاخير قاللي انه ممكن نعملها تهذيب بالليزر بس مش دلوقت وياريت لو عند حضرتك اسم دكتور كويس انا مستعد اروحله من بكره ياريت تديني اسمه و عنوانه وانا اكون شاكر لحضرتك خالص لان انا سالت كذا واحد وكل واحد يجيبلي اسم مختلف معرفش مين كويس ومين وحش علي فكرة الشركة بتاعتنا متعاقدة مع مستشفي السلام الدولي والسلام مهندسين
    للأسف انا غير محتك بالأطباء في مصر ومش هاقدر اديك اسم محدد لكن الأساتذة في قصر العيني ممتازين لو لعرفت توصل لحد منهم يبقى كويس وفي واحد معين كانوا بيسموه مناخيرجي مصر من كتر ماهو مالوش مثيل بس للأسف ناسي اسمه خالص لو افتكرته هاقولك ان شاء الله

    اقتباس المشاركة الأصلية كتبت بواسطة mizomizo100 مشاهدة المشاركة
    ارجو المساعدة يا دكتور
    من سنة عملت عملية جيوب انفية ياليزر الدكتور كان طلب مني أشعة وعلي اساسها قالي اني عندي تقريبا تسع جيوب مسدودة تماما و فالي حتي انتي مستحمل ازاي كدة المهم بعد معملتها فضلت ثلاث شهور و التنفس كويس بعد كدة رجع الصداع تاني و افرازات رائحتها كربهة و احيانا نزول افرازات برتقالي و انسداد تام في الانف وفات سنة علي الكلام دة ومعاناة في التنفس فارجو الحل النهائي للمشكلة واسف علي الاطالة

    حضرتك محتاج اشعة تانية نشوف الجيوب التهبت تاني والا ايه بالزبط قبل مانحكم على حاجة

  15. #780
    تاريخ التسجيل
    Jan 2011
    المشاركات
    2
    السلام عليكم
    انا عندي ارتفاع في درجة الحراة + شعور بالم في الاذن اليمنى وصداع وحرارة العينين
    اخذت مضاد حيوي emox لمدة اسبوع ولسه الحراة زي ما هيا مرتفعة وصداع والم في الاذن وخروج صهد هواء حار من الانف عند التنفس وحرارة العينين

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك