موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 45
Like Tree0Likes

الموضوع: سؤال يهمني عن تخصص الاشعه ارجو الاهتمام

  1. #1
    الصورة الرمزية abotrikaaaa
    تاريخ التسجيل
    Apr 2007
    المشاركات
    361

    سؤال يهمني عن تخصص الاشعه ارجو الاهتمام

    ياجماعه انا في الامتياز وبفكر في تخصص الاشعه


    ياريت يا رجاله حد يقولي مميزاته وعيوبه بكل صراحه وبالذات مخاطر الاشعه هي فعلا مخاطر ولا ده كلام فارغ

    وفرصه السفر بيه بره

    ولو فيه بيزنس برده يبقي ازاي

    وتنصحوني بيه ولا لاء

    ارجوكم يا رجاله المنتدي

    بالذات يا رجال الاشعه العظام ربنا معاكو ومع كل الناس الحلوه اللي هنا


    اجدع سلام وتحيه علي عيون المنتدي وناسه

  2. #2
    الصورة الرمزية spacer5
    تاريخ التسجيل
    Dec 2003
    المشاركات
    462
    دكتور ابوتريكه ... انت ياراجل دوختنى معاك

    شوية تفكر فى الجراحة وشوية تفكر فى الاشعة

    وشوية تفكر فى الزمالة وشوية تفكر فى المعادلة

    على العموم ياباشا .. انا مقدر موقفك وعارف ان الحيره

    دى طبعا عشان تحدد مستقبلك ... وانا بهزر معاك طبعا

    بخصوص الاشعة ..انا ماليش فيه وان شاء الله تلاقى حد يعرف فيه

    ويرد عليك ... بالتوفيق يادكتور

  3. #3
    الصورة الرمزية abotrikaaaa
    تاريخ التسجيل
    Apr 2007
    المشاركات
    361
    متكشرين يا دكتور احمد علي ردك واهتمامك



    ياريت حد يرد علي سؤالي لان مش سؤالي لوحدي في ناس تانيه عايزه تسمع الرد من اهل الخبره في المنتدي يعني ان شاء الله يهكون الجزاء مضاعف


    ربنا يكرمكو

    انا خلاص هشحت

  4. #4
    بص ياعم الامور

    انا نايب اشعة

    بالنسبة لتخصص الاشعة انا اخترته بعد لفة كبيرة ( فى التفكير يعنى ) على كل التخصصات

    بالنسبة لمميزات الاشعة

    1/ تخصص مريييييييييييح جدا

    يعنى لا نبطشيات ولا كلام فارغ من ده حتى نبطشياته بتبقى عبيطة

    2/ بعيد عن التعامل مع المرضى او زى ما بيسموه ال dirty work ودى ميزة مش بسيطة اطلاقا

    3/ تخصص مطلوب جدا فى السفر للخارج وبسعر اعلى من تخصصات تانية كتير
    وكمان بيبقى فيه بدلات عالية زى بدل ندرة وبدل مخاطر ( الكلام ده بره طبعا مش جوه )

    بالنسبة بقى للمخاطر والكلام ده مش واقعى لانك مابتشتغلش بايدك فى العادة غير السونار وده مفيش منه مشاكل والفنى هو اللى بيقوم بباقى الشغل يعنى الأشعة العادية و CT وحتى MRI ان بس بتبص على الافلام فى الاخر


    بالنسبة بقى لعيوبه

    1/ ماستر صعب جدا ويعتبر من اصعب فروع الدراسات العليا يعنى عاوز مجهود عالى فى المذاكرة

    2/ شغله الخاص قليل فى مصر يعنى لو هتحب تشتغل فى مركز اشعة مش هتلاقى بسهولة

    3/ مكلف جدا لو حبيت تفتح مركز خاص بيك . لازم يكون معاك خميرة تقيلة قوى عشان الاجهزة مكلفة جدا جدا . يعنى سافرلك قد بتاع عشرة خماشر سنة بره حوشلك قد بتاع نص ارنب ولا حاجة وبعدين تعالى افتح مركز نص نص كده هنا لان جهاز المقطعية لوحده تمنه اكتر من مليون جنيه

    4/ لازم تاخد نيابة فى مكان كويس عشان تعرف تتعلم صح
    مكان كويس ده معناها فيه اخصائيين كويسين وفيه اجهزة كمان عشان تعرف تتعلم كويس او انك تعمل نايب زاير بقى لاى جامعة محترمة فيها امكانيات


    دى الحاجات اللى جت فى دماغى الوقتى

    لو لقيت حاجة تانية هحاول ادخل واقولهالك وبالتوفيق ياباشا

  5. #5
    الصورة الرمزية dr-volcano
    تاريخ التسجيل
    Sep 2006
    المشاركات
    333
    اقتباس المشاركة الأصلية كتبت بواسطة eroskid مشاهدة المشاركة
    بص ياعم الامور

    انا نايب اشعة

    بالنسبة لتخصص الاشعة انا اخترته بعد لفة كبيرة ( فى التفكير يعنى ) على كل التخصصات

    بالنسبة لمميزات الاشعة

    1/ تخصص مريييييييييييح جدا

    يعنى لا نبطشيات ولا كلام فارغ من ده حتى نبطشياته بتبقى عبيطة

    2/ بعيد عن التعامل مع المرضى او زى ما بيسموه ال dirty work ودى ميزة مش بسيطة اطلاقا

    3/ تخصص مطلوب جدا فى السفر للخارج وبسعر اعلى من تخصصات تانية كتير
    وكمان بيبقى فيه بدلات عالية زى بدل ندرة وبدل مخاطر ( الكلام ده بره طبعا مش جوه )

    بالنسبة بقى للمخاطر والكلام ده مش واقعى لانك مابتشتغلش بايدك فى العادة غير السونار وده مفيش منه مشاكل والفنى هو اللى بيقوم بباقى الشغل يعنى الأشعة العادية و CT وحتى MRI ان بس بتبص على الافلام فى الاخر


    بالنسبة بقى لعيوبه

    1/ ماستر صعب جدا ويعتبر من اصعب فروع الدراسات العليا يعنى عاوز مجهود عالى فى المذاكرة

    2/ شغله الخاص قليل فى مصر يعنى لو هتحب تشتغل فى مركز اشعة مش هتلاقى بسهولة

    3/ مكلف جدا لو حبيت تفتح مركز خاص بيك . لازم يكون معاك خميرة تقيلة قوى عشان الاجهزة مكلفة جدا جدا . يعنى سافرلك قد بتاع عشرة خماشر سنة بره حوشلك قد بتاع نص ارنب ولا حاجة وبعدين تعالى افتح مركز نص نص كده هنا لان جهاز المقطعية لوحده تمنه اكتر من مليون جنيه

    4/ لازم تاخد نيابة فى مكان كويس عشان تعرف تتعلم صح
    مكان كويس ده معناها فيه اخصائيين كويسين وفيه اجهزة كمان عشان تعرف تتعلم كويس او انك تعمل نايب زاير بقى لاى جامعة محترمة فيها امكانيات


    دى الحاجات اللى جت فى دماغى الوقتى

    لو لقيت حاجة تانية هحاول ادخل واقولهالك وبالتوفيق ياباشا
    بعد الكلام ده ماقدرش اقول غير ربنا يوفق الدكتور eroskid ويكرمه وللدكتور ابوتريكة الراجل لخص لك القصة توكل على الله لا اعتقد ان حد هيديك وصف احسن

    "This part of my life,I call ,riding the bus!"

    "مكبوتة ف قلبى احلام محسورة
    وحطام افكار أيتام مبتورة
    وآمال مطوية بتعافر فيا
    وكأن اوانى كان لسه شوية !"
    dr-volcano

    A man's mind once stretched to a new idea,never returns back to its original dimensions!!

    "ان لى نفسا تواقة"
    عمر بن عبد العزيز رضى الله عنه

  6. #6
    تاريخ التسجيل
    Feb 2007
    المشاركات
    241
    تمااااااااااااااااااااااااااااااااام thats it

  7. #7
    تاريخ التسجيل
    Aug 2006
    المشاركات
    67
    ايه رايك يا دكتور في الاشعه في الصحه؟
    طبعا مستحيل يكون فيها ctاوmri
    الموقف ايه بالظبط
    والطريق ازاي وشكرا
    معلش كمان تفرق لو في مستشفي تعليمي

  8. #8
    الصورة الرمزية d.xx
    تاريخ التسجيل
    Oct 2007
    المشاركات
    53
    سلام انا نائب اشعه تقديرى جيد لو حضرت دبلومه ثم اردت تحضير الماجستير هل سأمتحن 1st ,2nd ثانى ام سأمتحن الرساله فقط

  9. #9
    الصورة الرمزية mostafa039
    تاريخ التسجيل
    Aug 2004
    المشاركات
    460
    يا ريت ردود تانيه يا جماعه على الموضوع ده كل حاجه عنه يعنى عشان انا نفسى فى الاشعه بس خايف
    وكمان ايه موضوع نظره الناس لدكتور الاشعه هل صحيح نظره نص كم ولا ايه


    سبحان الله وبحمده سبحان الله العظيم

  10. #10
    up

    up

    up


  11. #11
    الصورة الرمزية hepatology
    تاريخ التسجيل
    Oct 2007
    المشاركات
    929
    بتقول ايه
    ................زززز
    RADIOLOGY IS THE FUTURE

  12. #12
    تاريخ التسجيل
    Aug 2005
    المشاركات
    493
    ايه موضوع نظره الناس لدكتور الاشعه هل صحيح نظره نص كم ولا ايه
    ايه يعني نظرة الناس ...طز في الناس!!!!

    سترس اقل وفلوس اكثر يبقي طز في الناس ، بس المهم مجموعك يجيبه في حته كويسة.

  13. #13
    تاريخ التسجيل
    Mar 2008
    المشاركات
    13
    يعنى البرايفت بتاعها مش سهل تلاقيه يعنى الواحد هيعيش على مرتب الحكومة و لا فى حل
    و بعدين هل فرص سفرها للfemales حلوة
    ارجوكم حد يجاوبنى علشان انا محتارة بين الأشعة و الجلدية
    حد ينصحنى ربنا يجازيه خير لأنى محتارة اقدم على الأشعة فى النيابات النادرة و لا استنى السنة القادمة و اقدم على الجلدية

  14. #14
    تاريخ التسجيل
    Jul 2005
    المشاركات
    69
    [انا ناوية ان شاء الله اقدم في النيابات النادرة اشعة و كلينيكال باثولوجى تقديرى جيد جدا 78% ممكن تجيلى حاجة منهم داخل القاهرة و لا مجموعى مايجيبش يا ريت اى حد من اللى جالهم النيابات دى يفيدنى فى الموضوع دا جزاكم الله كل خير

  15. #15
    اقتباس المشاركة الأصلية كتبت بواسطة dr.amal مشاهدة المشاركة
    يعنى البرايفت بتاعها مش سهل تلاقيه يعنى الواحد هيعيش على مرتب الحكومة و لا فى حل
    و بعدين هل فرص سفرها للfemales حلوة
    ارجوكم حد يجاوبنى علشان انا محتارة بين الأشعة و الجلدية
    حد ينصحنى ربنا يجازيه خير لأنى محتارة اقدم على الأشعة فى النيابات النادرة و لا استنى السنة القادمة و اقدم على الجلدية
    جلدية ثم جلدية ثم جلدية

    وبعد كده ممكن تفكرى فى تخصص تانى الجلدية مثلا


    بتوع مكاتب السفر لو لقوا دكتور جلدية بيموتوا عليه

    مابالك بقى لما تكون دكتورة

    يابنتى البنات مطلوبين فى اى تخصص حتى لو ممارس عام

    بس انا طبعا ضد فكرة السفر كممارس عام تماما ليه بقى

    دا مش موضوعنا

    هو احنا كنا بنتكلم ف ايه؟

    اه الجلدية والاشعة

    لو انت مفيش في دماغك تخصص معين

    ولو الاختيار مابين الجلدية والاشعة فانا ارشح لك الجلدية بدون تردد

    ليه بقى

    قولتى لي ليه

    أولا اسهل فى تعلمها

    ثانياالمكان مش مهم هتتعلميها فى اى حتة والقراية بتفرق فيها أكترمن الاشعة


    ثالثا شغلها ابسط كتير من الاشعة


    ربنا معاك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك