موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 9 من 9
Like Tree0Likes

الموضوع: نيابه جراحه مخ واعصاب ؟؟؟ ايه رايكم فى مستقبلها

  1. #1
    الصورة الرمزية Insulin
    تاريخ التسجيل
    Jun 2007
    المشاركات
    443

    نيابه جراحه مخ واعصاب ؟؟؟ ايه رايكم فى مستقبلها

    السلام عليكم ورحمه الله وبركاته
    ايه رابكم ياكاتره فى نيابه جراحه مخ واعصاب

    انا حاليا فى الامتياز وان شاء الله كمان شهرين هخلص

    انا من اول الكليه وانا نفسى ابقى جراح

    المهم انا الان فى حيره

    قدامى طريقين :

    اولا : انى اخد نايب زاير جراحه عامه فى مكان كويس وبعدين ارجع الصحه تانى

    ثانيا: انى على كلام بعض الزملاء انى ممكن يجيلى نيابه جراحه مخ واعصاب فى التامين الصحى فى المنصوره وطبعا فيه بعدها تثبيت غير كمان احسن من الصحه!!!

    بس للاسف سمعت كلام مش كويس عن التخصص ده ( ان التعليم مش كويس وكمان صعب تفتح عياده )

    ايه رايكم ياجماعه

    افيدونى افادكم الله

  2. #2
    الصورة الرمزية lakaleko
    تاريخ التسجيل
    Jun 2006
    المشاركات
    1,594
    من الاخر.........................نيابه جراحه المخ و الاعصاب

    1-بره الجامعه...................انسى مش هاتتعلم حاجه

    2-جوه الجامعه........................مش هاتشتغل عمليات لوحدك قبل ما يبقى عندك 35-40 سنه

    بالنسبه للنايب الزاير فى الجراحه فيه مقوله مشهوره الناس بتقولها بتقول ايه بقى
    ماتعملش نايب زاير فى تخصصات فيها intervention
    ايه السبب؟ لأن النواب الاساسيين بتوع القسم اصلا بيحاربوا علشان يتعلموا حاجه فهل تعتقد ان انت هاتشتغل و تتعلم صح؟
    داه رائى المتواضع و ارجو الا اكون احبطك و برد شوف رائى الناس الكبيره زى دكتور تامر و دكتور مصطفى ودكتور senior
    ودكتور محمود

    السلام ختام

  3. #3
    الصورة الرمزية Insulin
    تاريخ التسجيل
    Jun 2007
    المشاركات
    443
    شكرا اخ lakaliko على ابداء رايك
    وننتظر راى دكاترتنا الكبار

  4. #4
    الصورة الرمزية amoom1982
    تاريخ التسجيل
    Dec 2004
    المشاركات
    704
    جوة مصر : ..... جامعه + دكتور قريبك كبير يتبناك ويرعاك ووووووو...
    برة مصر : انت بس بمجهودك وشغلك وتعبك ومذاكرتك هتتعلم من الدكاترة الكبار وهما هيسيبوك تشتغل بعد مايثقوا فيك
    يعنى نفس رأي الاخ lakaliko تقريبا

  5. #5
    الصورة الرمزية dr/ahmed mobare
    تاريخ التسجيل
    Dec 2007
    المشاركات
    323
    السلام عليكم
    اسمحلى اقول رأيى برغم انى لسه اصغر بس انا كمان حلمى ان ابقى جراح مخ واعصاب
    وفعلا الكلام اللى اتقال صح بس مش عارف ليه برده هكمل ان شاء الله فى الموضوع وبقولك اذا كان ده حلمك فمتفرطش فيه وانا بفكر احضر جراحه عامه الاول وبعدين احضر جراحة مخ واعصاب مش عارف كده ينفع ولا ايه بس انا برده كنت بفكر اسافر بره واحضر واتعلم وده اسلم حل ان شاء الله لان هنا التعلم صعب ومش كويس اصلا ومبيعترفوش الا بالاقدميه فهوصل 40 سنه ومكنش عملت عمليه ليه
    واسف على مداخلتى بس انا فرحت لما لقيت حد بيسأل عن التخصص اللى انا بحبه
    وربنا يوفقك فى اى حاجه تدخلها


  6. #6
    الصورة الرمزية lakaleko
    تاريخ التسجيل
    Jun 2006
    المشاركات
    1,594
    اقتباس المشاركة الأصلية كتبت بواسطة dr/ahmed mobare مشاهدة المشاركة
    السلام عليكم
    اسمحلى اقول رأيى برغم انى لسه اصغر بس انا كمان حلمى ان ابقى جراح مخ واعصاب
    وفعلا الكلام اللى اتقال صح بس مش عارف ليه برده هكمل ان شاء الله فى الموضوع وبقولك اذا كان ده حلمك فمتفرطش فيه وانا بفكر احضر جراحه عامه الاول وبعدين احضر جراحة مخ واعصاب مش عارف كده ينفع ولا ايه بس انا برده كنت بفكر اسافر بره واحضر واتعلم وده اسلم حل ان شاء الله لان هنا التعلم صعب ومش كويس اصلا ومبيعترفوش الا بالاقدميه فهوصل 40 سنه ومكنش عملت عمليه ليه
    واسف على مداخلتى بس انا فرحت لما لقيت حد بيسأل عن التخصص اللى انا بحبه
    وربنا يوفقك فى اى حاجه تدخلها
    احب اوضح نقطه بسيطه
    نيابه المخ و الاعصاب بتنزل كنيابه مستقله بذاتها ملهاش دعوه بالجراحه العامه
    لكن

    مفيش حاجه اسمها ماجيستير جراحه مخ و اعصاب...........انت بتحضر ماجيستير جراحه عامه و بعدين اتلدكتوراه هى اللى بتبقى بتاعه المخ و الاعصاب.................يعنى هايبقى معاك ماستر جراحه عامه و مبتعرفش تعمل عمليه الزايده

    بس مع الاصرار و التعب ممكن تحقق حلمك و مفيش حاجه بعيده عن ربنا و ربنا يكرمك و تبقى اشهر جراحين المخ و الاعصاب ان شاء الله







  7. #7
    الصورة الرمزية spacer5
    تاريخ التسجيل
    Dec 2003
    المشاركات
    462
    على فكرة يادكتور تامر

    انا كنت فكرت شوية فى جراحة مخ واعصاب

    بس تركتها لكذا سبب ...

    1- كنت حضرت عملية مخ واعصاب .. كانت على ماأذكر

    لمريض عنده Glioma .. وكان بقى لهم ساعة تقريبا

    ولسه الجراح مافتحش جوه ال Skull

    وكنت ساعتها امتياز تخدير ودكتور التخدير قاللى العملية

    هتاخد وقت كبير اوى .. ولما يكون بيخلص خلاص هيكون قدامه ساعتين

    2- كمان انا بفكر اساسا فى النايب الزاير عشان ماليش تعيين فى الجامعة

    والنايب الزاير اقصى مده له 3 سنين .. إزاى هالحق اتعلم فيهم

    Major Operations .. لان سكة التعليم فى المخ والاعصاب اطول شوية من

    الجراحه العامة .

    3- طبعا عشان نكون صرحاء مع بعض .. كتير مننا دخل الكلية بحلم التميز

    والنبوغ .. وكنا شايفين ان افضل شىء لتحقيق الطموح ده هو جراحة مخ

    واعصاب او قلب وصدر ... طبعا انا بقول كده عن نفسى وعن بعض الامثلة

    من زمايلنا ... بس انا اقتنعت ان التميز مش بس فى دول .. لا .. فى

    تخصصات تانية حتى لو مش جراحية ..

    ---------------

    انا قلت رايى الشخصى ومع ذلك القرار يرجع لك وممكن يكون الافضل

    لك انك تلاقى نفسك فى التخصص ده .. وبالتوفيق ان شاء الله

  8. #8
    الصورة الرمزية Insulin
    تاريخ التسجيل
    Jun 2007
    المشاركات
    443
    بصراحه مش عارف اشكركم ازاى على مداخلاتكم الجميله

    بالنسبه للمخ والاعصاب فالشىء اللى خلانى اعيد التفكير فيها سببين لاثالث لهما:

    1- انها معليهاش اقبال وبالتالى ممكن مجموعى يخلينى اقبل فيها فى التامين الصحى قريب من اقامتى وطبعا فكره ان الواحد يتثبت فى التامين ويفلت من الصحه .

    2- انى كنت بفكر فى التخصص ده من زمان

    غير كده طبعا كل شىء فى صالح الجراحه العامه حتى لو اخدتها زاير

    بس فيه عضو قال فى احد مشاركاته ان الزاير مبيتعلمش كويس !!!!


    طبعا ده مفترق طرق انا فيه ياريت ياجماعه تفيدونى اختار ايه من التخصصين دول

    1- نايب زاير جراحه عامه مثلا فى الدمرداش وبعدين ارجع الصحه

    2- نايب جراحه مخ واعصاب فى التامن الصحى

    انا عارف انى طولت عليكم بس اكيد لاخاب من استشار

  9. #9
    الصورة الرمزية spacer5
    تاريخ التسجيل
    Dec 2003
    المشاركات
    462
    اقتباس المشاركة الأصلية كتبت بواسطة Insulin مشاهدة المشاركة


    بس فيه عضو قال فى احد مشاركاته ان الزاير مبيتعلمش كويس !!!!


    مع احترامى ... للدكتور اللى قال كده

    بس هاقول لك على نصيحة .. صدقنى ماتمشيش ورا الكلام المسموع

    يعنى الواحد سمــع كلااااام كتيررر عن حاجات مختلفة

    عن الزمالة والنايب الزاير ووو .. ويطلع فى الاخر الكلام مش مظبوط

    او كل كلام وله ظروفه

    يعنى ممكن يكون النايب زاير فى جامعة معينة مش عارف ياخد حقه

    فى التعليم .. خلاص بقى يطلع كلام بشكل عام عن كل الجامعات

    من الاخر اسال بنفسك اى دكتور فى القسم اللى تحب تقدم فيه نايب زاير

    فى الجامعة اللى انت عايزها ... وهوه اللى يقدر يفيدك بجد

    انا كنت لسه يوم الجمعة اللى فات ده قاعد مع دكتور مدرس مساعد

    فى قسم 6 جراحة جامعة المنصورة واكد لى ان النواب الزوار اللى معاهم

    بياخدوا حقهم فى الشغل كويس اوى .. وشجعنى جدا اخد عندهم

    ونفى لى الكلام اللى سمعته انى هاتبهدل فى الشغل الديرتى معاهم

    ومش هاعرف اتعلم كويس

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك