موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 22
Like Tree0Likes

الموضوع: الأكاديمية الحربية وأكاديمية الشرطة

  1. #1
    تاريخ التسجيل
    May 2007
    المشاركات
    392

    الأكاديمية الحربية وأكاديمية الشرطة

    يا ريت حد يكلمنا الأكاديمية الحربية وأكاديمية الشرطة
    لكلية الطب
    عن كل حاجة مميزات وعيوب

    ومرتبات

    والشروط والمواعيد وكل حاااااااجة

  2. #2
    الصورة الرمزية hema882000
    تاريخ التسجيل
    Aug 2009
    المشاركات
    375
    هو محدش بيرد ليه؟

  3. #3
    الصورة الرمزية mooody2
    تاريخ التسجيل
    Jun 2007
    المشاركات
    631
    yemken asrar aw elnas elly fehom mbyd5losh hena asasn

  4. #4
    الصورة الرمزية hema882000
    تاريخ التسجيل
    Aug 2009
    المشاركات
    375
    مش معقوله..... امال بيدخلو فين عشان نسألهم؟!!!!!!!!!!!

  5. #5
    الصورة الرمزية mooody2
    تاريخ التسجيل
    Jun 2007
    المشاركات
    631
    yemken asrar mehna :)

  6. #6
    تاريخ التسجيل
    Oct 2004
    المشاركات
    47
    المرتب يقلبى مبيزدش عن 1500 جنيه مصرى اول التعيين ولو وصلت لواء ممكن يوصل 3500,4000 اما الامتيازات فهى انك بتدخل النوادى ببلاش وبيبقالك تخفيض فى تذاكر الهيئات الحكوميه دا غير انك مبتتعاملش معامله خريج الكليه الحربيه او الشرطه يعنى بتفضل ادارى ملكش دعوا بالمهمات الا فى حالات خاصه واعتقد ان جمال الكليتين دول بيكون فى الخطر الوظيفى بتاعهم بس دى وجةه نظرى الشخصيه يعنى اللى مدخلش من الاول يريح دماغه وبردو فى نقطه مهمة لازم تعرفها وهى ان اللى بيدخل اى مجال من دول مبيحطش فدماغه فلوس بيبقى عايز يعيش لهدف نبيل وسامى بعيد عن الفلوس

  7. #7
    الصورة الرمزية hema882000
    تاريخ التسجيل
    Aug 2009
    المشاركات
    375
    اقتباس المشاركة الأصلية كتبت بواسطة meeeros مشاهدة المشاركة
    المرتب يقلبى مبيزدش عن 1500 جنيه مصرى اول التعيين ولو وصلت لواء ممكن يوصل 3500,4000 اما الامتيازات فهى انك بتدخل النوادى ببلاش وبيبقالك تخفيض فى تذاكر الهيئات الحكوميه دا غير انك مبتتعاملش معامله خريج الكليه الحربيه او الشرطه يعنى بتفضل ادارى ملكش دعوا بالمهمات الا فى حالات خاصه واعتقد ان جمال الكليتين دول بيكون فى الخطر الوظيفى بتاعهم بس دى وجةه نظرى الشخصيه يعنى اللى مدخلش من الاول يريح دماغه وبردو فى نقطه مهمة لازم تعرفها وهى ان اللى بيدخل اى مجال من دول مبيحطش فدماغه فلوس بيبقى عايز يعيش لهدف نبيل وسامى بعيد عن الفلوس
    اولا شكرا ليك ع الرد....بس برضه معظم كلامك مش فاهمه!!...الى انا فهمته ان المرتب مش ضخم و ان ليك بعض الامتيازات....لكن حتة المهمات دى مش فاهمها و برضه حتة الهدف النبيل......وحتة الى مدخلش يريح دماغه.....
    ياريت كلام تفصيلى شوية...ويكون عن كل حاجه.....معلش هتعبك....أصل الواحد معندوش اى معلومات عن الموضوع خالص....وألف شكر ليك

  8. #8
    تاريخ التسجيل
    Nov 2004
    المشاركات
    100
    اقتباس المشاركة الأصلية كتبت بواسطة hema882000 مشاهدة المشاركة
    اولا شكرا ليك ع الرد....بس برضه معظم كلامك مش فاهمه!!...الى انا فهمته ان المرتب مش ضخم و ان ليك بعض الامتيازات....لكن حتة المهمات دى مش فاهمها و برضه حتة الهدف النبيل......وحتة الى مدخلش يريح دماغه.....
    ياريت كلام تفصيلى شوية...ويكون عن كل حاجه.....معلش هتعبك....أصل الواحد معندوش اى معلومات عن الموضوع خالص....وألف شكر ليك
    باشا...سيبك من الكلام ده كله
    كل اللى بيتكلموا دول ما عندهمشى أى فكرة عن أى حاجة..أنا نقيب طبيب شرطة..
    كلمنى على الخاص و هقولك كل حاجة بالتفصيل الممل..
    و على فكرة إحنا فعلا ما بنتعاملشى معاملة خريج كلية الشرطة..لأن إحنا حتة الجاتوه اللى فى الداخلية..

  9. #9
    تاريخ التسجيل
    Oct 2004
    المشاركات
    47
    يباشا مش مهم تعرف انا مين وشغال ايه وعلى فكرة الحمد لله انا عندى فكرة كويسه المهم حته جاتوة او تورته دا كله كلام ميأكلش عيش ومتفهمنيش ان انت بتقبض 20000 الف جنيه شهريا المهم للاخ اللى سال انت بتشتغل بتخصصك يعنى دكتور يبقى اكيد حتشتغل دكتور بتخش الاكاديميه 9 شهور طالب وبتخرج تعلق نجمه وبتكتب عقد بمده مع الوزاره يعنى مينفعش تمشى الا بعد انقضاء المده المنصوص عليها فى العقد اما اللى اقصد بالمهمات ان انت لا حتبقى مامور قسم مثلا ولا حتقف فكمين ولا الكلام دا كله ولو فى غلط فكلامى يريت الاخ النقيب يصلحه يبقه جزاة الله خير طبعا الدكتور بيبقى دكتور فى اى حته وبرضه بتتوقف على شخصيتك وحبك للشغل والكلام دا فى اى حته طبعا يعنى فى بعض الادارات اللى مبتقربلهاش زى المخدرات او الاداب ولو مثلا اتنقلت المخدرات يبقى وظيفتك طبيب شرعى يعنى تشوف اذا كانت الماده دى ممنوعه ولا لبن اطفال مثلا ودا بيرجع طبعا للتخصص يعنى مبتقبضش على مجرمين ولو فى اى حاجه تانيه مش فاهمها انا موجود

  10. #10
    تاريخ التسجيل
    Sep 2007
    المشاركات
    177
    ياجماعه الى بيدخل الاكاديميه بعد كلية الطب بيبقى واحد عارف كويس هوا داخل على ايه دا واحد هيبقى ظابط دكتور كفايه الوضع الاجتماعى احنا هنا مشعايشين الحياه علشان الهدف النبيل والسامى فقط اكيد دا موجود طبعا بس فى جوانب تانيه انا مش داخل اكاديميه علشان ابقى مامور ولا كمين انتا دماغك متتحصرش فى كدا انا داخل الاكاديميه علشان الوضع الاجتماعى وانى اشتغل فى مستشفى عسكرى الى هيا احسن مستشفيات على مستوى الجمهوريه طبعا والوضع المادى مهم طبعا بس اعتقد الى بيفكر فى الاكاديميه بيكون علشان اللقب دا فقط يبقى ظابط دكتور ممكن يبقى فى جوانب تانيه بس هنا اقصد بيفكر بالوضع الاجتماعى اولا دا بعد الاهداف النبيله والساميه الى هيا خدمة الوطن طبعا وطبعا الظابط الدكتور دا احسن من مليون ظابط واحسن من مليون دكتور لانه ماسك اهم سلطتين فى البلد فى ايده بمعنى اصح فعلا حتة الجاتوه الى فى الداخليه بل فى البلد بحالها
    التعديل الأخير تم بواسطة kartona2; 12-11-2009، الساعة 02:48 AM

  11. #11
    تاريخ التسجيل
    Oct 2009
    المشاركات
    17
    ممكن اقولكم على حاجه اولا انا مش دكتوره انا زوجة ضابط شرطه وجوزى من سنتين عمل حادثة جامده جالو فيها قطع رباط صليبى امامى وخلفى واربطه جانبيه المهم انه فضل يتعالج فى ستشفى الشرطه سنه كامله طبعا قعد لمدة شهرين كاملين فى المستشفى وانا كنت مرافقه معاه امهم اللى انا عايزه اقوله ان كل الدكاتره الضباط اللى قابلتهممحدش منهم مستريح اولا انت بتشتغل كل يوم عيادات الصبح لغاية الساعه 2 تقريبا وبعد كده عمليات وليك يومين اذا مش اكتر طبيب مناوب يعنى تبات فى المستشفى غير كده انت متقدرش تفتح عياده مش عشان ممنوع بس عشان هما بيستنزفوك لاخر نقطه بس برده بيدولك حقك حاجه اسمها بدل عياده مش فاكره 6 ج ولا 60 جنيه سيبك من اللى يقول وضع اجتماعى كل الحكايه عشان لما تعدى فى كمين تقول انا فلان بالعكس فى حاجات كتير مش هتقدر تعملهابسبب انك ضابط . فمحدش يفتكر ان ضابط يعنى هنا انا واحده من الناس قاعده فى الصعيد اهو داخله فى السنه 6 مش عارفه ادخل بنتى مدرسه هنا ولا عارفه اشتغل هنا وبعد ده كله تفتكروا جوزى بيقبض كام هو بقالو سنتين رائد بيقبض كله على بعضه 1500 تقريبا وده عشان فى الصعيد يعنى حوافز وبدلات. يا جماعه خدوها نصيحة من اخت ليكوا بلاش شرطه لانكوا فى الخر هتيجوا على حاجات كتير فى حياتكوا واذا على المستوى الاجتماعى فلو اتقيتربنا فى كل حاجه بتعملها واحترمت نفسك قبل اى حاجه فتاكد ان كل الناس هتحترمك عشان شخصك مش عشان حاجه تانيه
    و

  12. #12
    الصورة الرمزية hema882000
    تاريخ التسجيل
    Aug 2009
    المشاركات
    375
    الواحد احتار أكتر........ يا ترى هبقى حتة جاتوه ولا هيستنزفونى لآخر نقطه!!!!!!!


  13. #13
    الصورة الرمزية Dr.Mahmoud Gemi
    تاريخ التسجيل
    Dec 2008
    المشاركات
    64
    اعتقد الموضوع ده كافى شافى وحيفيد جدا

    https://dvd4arab.maktoob.com/f993/1838235.html



  14. #14
    الصورة الرمزية hema882000
    تاريخ التسجيل
    Aug 2009
    المشاركات
    375
    اقتباس المشاركة الأصلية كتبت بواسطة dr.mahmoud gemi مشاهدة المشاركة
    اعتقد الموضوع ده كافى شافى وحيفيد جدا

    https://dvd4arab.maktoob.com/showthread.php?t=1838235

    متشكر جدا ........فعلا موضوع ملوش حل

  15. #15
    تاريخ التسجيل
    Apr 2009
    المشاركات
    28

    نصيحة

    من اخ لاخواته الكلام ده وهم واللي بيقولك انه بيقبض كام الف والكلام الفاضي ده يبقي كداب . انت حتضيع عمرك وانت مربوط ووراك التزامات وعمر ما حد حيصدق بس انا عايش في الوهم ده وشايف الواقع بعيني ابعد عن الميري وكلام الاخت اللي جوزها في الشرطه جزء صغير وده اللي هيه شايفاه بعينها انما هوه اكيد شايف كتير من المشاكل دي ( الحرية تاج علي رؤؤس الاحرار لا يراه الا العبيد)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك