موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 36
Like Tree0Likes

الموضوع: كيف تنشئ مستوصف او عياده طبيه

  1. #1
    تاريخ التسجيل
    Oct 2006
    المشاركات
    132

    Love كيف تنشئ مستوصف او عياده طبيه

    بسم الله الرحمن الرحيم
    عايزين نعمل موضوع عن كيف تنشئ مستوصف او عياده التراخيص والورق المطلوب التكاليف كيف تختار المكان باختصار ماهو المطلوب لتنشئ مستوصف او عياده ناجحه ان شاء الله من الالف الى الياء
    سبحان الله وبحمده عدد خلقه ورضا نفسه ومداد كلماته

  2. #2
    الصورة الرمزية eagle_sniper200
    تاريخ التسجيل
    Nov 2007
    المشاركات
    473
    فعلا موضوع مهم مستنيين

  3. #3
    تاريخ التسجيل
    Oct 2006
    المشاركات
    132

    Love

    عايزين نبدء من اول التراخيص والاشتراطات فاللى عنده اى معلومه يكتبها يا جماعه وجزاكم الله خيرا
    التعديل الأخير تم بواسطة ahmmad_1982; 17-07-2008، الساعة 01:45 PM

  4. #4
    تاريخ التسجيل
    Jun 2008
    المشاركات
    65
    اكلمك عن العيادة الخاصة فهذا ما اعرفه
    اول حاجة تختار مكان مناسب وقانوني ويكون اما ملكك او عقد ايجار لا يقل عن خمسة سنوات ويستحسن تسجيله في الشهر العقاري
    خدوا بالكم الموضوع من شقين
    شق وزارة الصحة وشق نقابة الاطباء
    تبدا بنقابة الاطباء
    وهي النقابة الفرعية تبع محل عيادتك وليس النقابة العامة
    تطلب منهم هناك طلب تسجيل عيادة خاصة
    الورق المطلوب
    عقد الايجار لا يقل عن خمس سنوات
    شهادات التخرج والتخصص لو عاوز تفتح عيادة متخصصة يعني صورة من الدبلوما او الماجستير او البكالوريوس فقط لو عيادة ممارس عام
    وتكون مسدد الاشتراكات بتاعتك في النقابة العامة بس سهلة بيعدوها لانها بتتخصم من المرتب اساسا
    تملا الطلبات وتدفع رسوم المعاينة التي تكون صورية في الغالب وتكتب عيادتك فيها اجهزة ايه كلام فاضي الرسوم حوالي 250 جنيه (بناء علي حالتي)
    تنتظر حوالي شهر لغاية ما يبتعت لك شهادة تسجيل العيادة
    تاخد صورة منها توديها مديرية الصحة تبعك وتطلب هناك من ادارة العلاج الحر انك تفتح عيادة مرخصة وتدفع الرسوم حوالي 130 جنيه
    وتصبر شهرين لغاية ما يجيلك الترخيص
    تعلقه في عيادتك
    وكان الله بالسر عليم يبقي كده انت بتشتغل في النور

    تحياتي

  5. #5
    تاريخ التسجيل
    Oct 2006
    المشاركات
    132
    جزاك الله خيرا على المعلومات القيمه دى

  6. #6
    تاريخ التسجيل
    Oct 2006
    المشاركات
    132
    بالنسبه للمستوصف الطبى لو حد عنده فكره عن الورق والاشتراطات يضيفه وجزاكم الله خيرا

  7. #7
    تاريخ التسجيل
    Jun 2008
    المشاركات
    65
    اظن يا دكتور نفس الاجراءات بس اظن لهم اشتراطات صعبة لو هتعمل عمليات فيه انما لو عيادة مشتركة
    زي الاجراءات العادية بالضبط ولكن باسم مدير للمكان من زمايلك او انت وهما يقدموا معاك في نفس الطلب

    ونفس الخطوات
    طلب ومعيانة ورسوم تسسد وروتين بسيط
    الموضوع سهل ان شاء الله

  8. #8
    تاريخ التسجيل
    Oct 2006
    المشاركات
    132
    جزاك الله خيرا

  9. #9
    تاريخ التسجيل
    Oct 2006
    المشاركات
    132

    Love

    فيه اى اسئله او استفسارات او اى معلومات اضافيه قبل منتنقل لجزئيه تانيه

  10. #10
    تاريخ التسجيل
    Nov 2007
    المشاركات
    248
    موضوع مهم جدا جدا يا دكتور و خاصة اني ماشي في موضوع انشاء عيادة تخصصية لواحد طبيب قريبي خارج مصر

    لكن عندي شوية اسئلة عاجلة اتمني الرد عليها و هي :

    1- من المسموح له بتسجيل عيادة تخصصية ؟ هل يمكن لطبيب مصري مقيم بالخارج ان تؤسس باسمة ؟

    2- ما هي التجهيزات الازمة المطلوب تواجدها في عيادات الاطفال - الباطنة - النسا والتوليد - الجراحة ؟

    3- كم يبلغ سعر تلك التجهيزات ؟ و هل هناك شركة معروفة تستطيع مساعدتنا في توريد تلك التجهيزات ؟

    4- هل يشترط ان يكون عقد الايجار لمده خمس سنوات ؟ حيث ان معظم الاماكن التي نفكر فيها لا يوجد بها سوي ايجار جديد سنة واحدة او سنتين ؟ و هل يمكن تقديم عقد ايجار غير رسمي اي غير مسجل في الشهر العقاري ؟

    راء الرد بسرعة .

  11. #11
    تاريخ التسجيل
    Jun 2008
    المشاركات
    65
    اظن مسموح ولكن يتوكيل رسمي عام تمشي في الاجراءات ويكون هناك مدير للمكان متواجد في مصر بس صاحب المكان ممكن يكون في اي حته

    لازم العقد يكون خمس سنين علي الاقل عاوز تعمله صوري هيقبلوه منك عادي
    اه نسيت لازم تعمل رسم كروكي للمكان اي حد في هندسة يرسمهه لك اي كلام
    التجهيزات انزل محلات التجهيزات الطبية جنب القصر العيني محطة مترو السيدة
    ادخل المحلات كلها وقول لهم المطلوب وانك عاوز عرض اسعار لتجهيز مستوصف مثلا وقارن بينهم
    الاسعار تتباين حسب النوعيات بس مثلا اقل سرير كشف ب400 جنيه
    عيادات الاطفال والباطنة متحتاجس تجهيزات كتير الا لو عاوز سونار والكلام اللي بالك عليه
    النسا مكلفه
    متوسط التجهيز لمستوصف لن يقل عن 35 الف جنيه لو جبت سونار ومن غيره اظن 15 الي 20 الف
    هذا علمي الضعيف فسامحني

  12. #12
    تاريخ التسجيل
    Oct 2006
    المشاركات
    132
    جزاك الله خيرا على المشاركه المتميزه فى الموضوع

  13. #13
    تاريخ التسجيل
    Oct 2006
    المشاركات
    132

    Love

    عندى سؤال هوا لازم مدير المستوصف لازم يكون اخصائى ولا ممكن جى بى والسؤال التانى ايه هيا الشروط المطلوبه لو المستوصف هيكون فيه نسا او جراحه وجزاكم الله خيرا

  14. #14
    تاريخ التسجيل
    Nov 2007
    المشاركات
    248
    اقتباس المشاركة الأصلية كتبت بواسطة qenawy8 مشاهدة المشاركة
    متوسط التجهيز لمستوصف لن يقل عن 35 الف جنيه لو جبت سونار ومن غيره اظن 15 الي 20 الف
    هذا علمي الضعيف فسامحني
    يا دكتوري العزيز ...

    سعر السونار فقط 75 الف جنية ...

    ياريت لو عندك ايميل او فاكس لشركة من شركات المستلزمات الطبية دي علشان اتواصل منعهم لاني لست في القاهرة حاليا .

    تحياتي .

  15. #15
    تاريخ التسجيل
    Jun 2008
    المشاركات
    65
    يا صديقي السونار انواع بس فيه انواع صيني رخيصة وتمشي المواضيع
    انت عاوز تقنعني ان السونار اللي الناس بتشتغله فاهمين فيه حاجة اساسا
    للاسف كله شغل سوق
    انا اعرف دكتور كان بيكشف علي ركب جمع ركبة الناس بالسونار
    ففيه اسعار رخيصة جدا لاجهزة مشي حالك وهذا ما قصدت
    انما الحاجات المحترمة قوي براحتك وعموما انزل القصر العيني واسال هتلاقي ارقام غريبة بس قولهم عاوز عرض اسعار وتكلم كانك بتاسس مستشفي عشان يا خدو الموضوع بجدية
    انا ما اعرفش اسماء كلهم زي بعض بس فاكر في الشارع اللي بيوصل لمحطة مترو السيدة معرض كبير اسمه اسلامي
    المدينة المنورة حاجة زي كده علي ايدك الشمال قبل ما تعدي الشارع للقصر الفرنساوي الجديد ناس كويسين

    بالنسبة للمدير ينفع اي دكتور بس طبيب بشري طبعا ممارس عادي جدا

    موضوع ان فيه نسا كعيادة عادي
    انما لو فيه ولادات
    انسي
    شروط صعبة ومكلفة جدا علي حد علمي البسيط

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك