موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 40
Like Tree0Likes

الموضوع: الزماله العربيه فى مصر !!!!!!!؟؟؟؟؟

  1. #1
    الصورة الرمزية Insulin
    تاريخ التسجيل
    Jun 2007
    المشاركات
    443

    الزماله العربيه فى مصر !!!!!!!؟؟؟؟؟

    السلام عليكم ورحمه الله وبركاته

    سمعت ان فيه زماله عربيه بس للاسف عندنا فى مصر مفيش اى معلومات عنها مش عارف ليه ؟؟؟؟
    مع انى اعرف انها تفوق الزماله المصريه ومعترف بها بالدول العربيه كلها عكس المصريه
    محدش يعرف ازاى يتم الالتحاق بيها من مصر ؟؟؟
    وهل لها مستشفيات يتم التدريب بيها زى الزماله المصريه ولا نظام امتحانات بس زى البريطانيه
    ياريت حد من دكاترتنا يكلمنا عنها

  2. #2
    تاريخ التسجيل
    Apr 2008
    المشاركات
    169

    48 السلام عليكم

    الزماله العربيه او مايطلق عليه البورد العربى...شهاده عربيه مقرها الرسمى سوريا وهى معترف بيها فى معظم الدول العربيه......واخيرا تم الاعترراف المتبادل بينها وبين الزماله المصريه والبورد السعودى والبورد الاردنى....والمكان الوحيد الى بيتم اعتماده الان فى البورد العربى هو....مستشفى بنها التعليمى........ادعو لاخيكم دعوه بظهر الغيب...السلام عليكم

  3. #3
    الصورة الرمزية waleed mohamad
    تاريخ التسجيل
    Aug 2007
    المشاركات
    1,231
    ياخي مش عارف هوا كل شويه بقه حيخترعوا في شهادات وكورسات ؟

  4. #4
    الصورة الرمزية Insulin
    تاريخ التسجيل
    Jun 2007
    المشاركات
    443
    احمد 006
    شكرا على الرد
    بس هل انت متاكد ان هناك اعتراف متبادل بين الزماله المصريه والعربيه ؟؟؟؟
    اعتقد ان المعلومه دى غير صحيحه
    المكتوب فى دليل النيابات ان التسجيل فى الزماله المصريه يتيح لك التسجيل فى الزماله العربيه فقط وليس اعتراف
    ده بالنسبه لنقطه لاعتراف
    بالنسبه للتسجيل بها فهل هى نفس نظام الزماله ؟؟
    اعلان وتقديم تخصصات ملحه وعاديه ولا نظامها ايه بالظبط ؟؟؟؟؟


  5. #5
    الصورة الرمزية neu12299
    تاريخ التسجيل
    Jul 2004
    المشاركات
    245
    اقتباس المشاركة الأصلية كتبت بواسطة ahmed 006 مشاهدة المشاركة
    .....واخيرا تم الاعترراف المتبادل بينها وبين الزماله المصريه والبورد السعودى والبورد الاردنى....والمكان الوحيد الى بيتم اعتماده الان فى البورد العربى هو....مستشفى بنها التعليمى......
    الكلام ده مش صحيح البورد المصرى لا يساوى البورد العربى و فى مستشفيات كتيرة فى مصر معترف بيها من البورد العربى

  6. #6
    تاريخ التسجيل
    Apr 2008
    المشاركات
    169
    ياجماعه مع احترامى للجميع.....فى دلوقتى بروتوكولات اعتراف متبادل بين البورد العربى والسعودى والزماله المصريه. انا لسه راجع من السعوديه من شهر...وشايف بنفسى كتيب التقويم بتاع الهيئه السعوديه للتخصصات الصحيه فبلاش بعد ازنكوا حد يشكك فى الكلام وخلاص من غير دليل.....

  7. #7
    تاريخ التسجيل
    Jul 2005
    المشاركات
    141
    ياريت ياجماعه اللى عنده معلومات اكتر عن البورد العربى
    وازاى نقدر نسجل فيه؟؟؟؟؟
    والنظام فيه ايه؟؟؟؟؟
    يشرح لينا
    وممكن نكون مجموعه ونكون من اوائل الناس اللى يقدموا فيه؟؟ ماهو المانع؟

  8. #8
    الصورة الرمزية neu12299
    تاريخ التسجيل
    Jul 2004
    المشاركات
    245
    اقتباس المشاركة الأصلية كتبت بواسطة ahmed 006 مشاهدة المشاركة
    ياجماعه مع احترامى للجميع.....فى دلوقتى بروتوكولات اعتراف متبادل بين البورد العربى والسعودى والزماله المصريه. انا لسه راجع من السعوديه من شهر...وشايف بنفسى كتيب التقويم بتاع الهيئه السعوديه للتخصصات الصحيه فبلاش بعد ازنكوا حد يشكك فى الكلام وخلاص من غير دليل.....
    و أنا حضرت اجتماع من أسبوع و كان موجود فيه عصمت شيبة رئيس الزمالة و سألتة فى الموضوع ده وقالى احنا لسة بنحاول لكن لسة محصلش .... و اللى عايز بورد عربى نوزعة على مستشفى فيها بورد عربى و يمتحن امتحانتها و يدفع المصاريف بتاعتها

  9. #9
    الصورة الرمزية Insulin
    تاريخ التسجيل
    Jun 2007
    المشاركات
    443
    السلام عليكم ورحمه الله
    يادكتور احمد 006 مش قصدنا نشكك فى كلامك
    احنا بس عايزين نوصل لحقيقه الموضوع ده لانه غير واضح تماما
    انا دخلت على موقع الزماله العربيه وبعت ايميل به كل الاستفسارات عن الزماله العربيه بمصر وان شاء الله هيردوا
    اما بالنسبه لدليل نيابات 2008 فمكتوب فيه:
    يوجد اتفاقيات علميه واعتراف متبادل بالتدريب والامتحانات بين الزماله المصريه والبورد السعودى والبورد العربى
    وفيه حاجه جميله شوفتها على موقع الزماله العربيه وهى انى دخلت على النتائج وشوفت لقيت مصريين متخرجين
    عام 2007

    بس الغريب ان 90% من المصريين كانوا متخصصين بالطب النفسى

  10. #10
    تاريخ التسجيل
    Apr 2008
    المشاركات
    169
    ياجماعه انتو بتخلطوا ليه بين الزماله المصريه والبورد العربى......كل واحده فيهم شهاده مستقله بزاتها ....يعنى انا مش فاهم هو فى حد متوقع انه ياخد جزء اول زماله وبعدين يقول لا انا ماليش دعوه انا هاكمل الباقى بورد عربى ....ده كلام برده....احنا الى يهمنا...الاعتراف المشترك...يعنى انا لو معايا زماله مصريه وسافرت السعوديه مثلا....هاخد نفس الدرجه والمرتب بتاع زميلى الى معاه البورد العربى ومعاه نفس عدد سنين الخبره....هو ده الكلام مش نضيع وقتنا فى جدال عقيم...صح

  11. #11
    الصورة الرمزية د.وليد
    تاريخ التسجيل
    Oct 2007
    المشاركات
    46
    فعلا البورد العربى موجود فى بنها التعليمى بس هو ممكن تكون المستشفى فيها اقسام معينة معتمد فيها ولا طالما هو موجود فى المستشفى يبقى فى كل الاقسام ؟؟؟؟؟؟؟؟؟؟؟؟
    لان لو فى اقسام معينة يبقى بنها مش فيها غير قسم الاطفال بس اللى اعتمد

  12. #12
    الصورة الرمزية Insulin
    تاريخ التسجيل
    Jun 2007
    المشاركات
    443
    يادكتور احمد الله يبارك فيك
    انت فاهمنا غلط
    النقط محور الخلاف هى :
    هل الزماله المصريه طالما زى مابيقال ان هناك اعتراف متبادل بينها والزماله العربيه معترف بيها فى جميع الدول العربيه؟؟؟؟؟؟؟؟؟؟؟؟؟؟؟؟؟؟؟؟ مثل الزماله العربيه؟؟؟؟؟
    وهل التقديم فيها نفس نظام الزماله المصريه ؟؟ ولا انا اختار التخصص اللى انا عايزه وادفع الفلوس واخد التخصص ؟؟؟
    وهل بعد انهاء الزماله العربيه ايضا اترقى الى رتبه اخصائى
    النقط دى لم يتطرق ليها احد

  13. #13
    تاريخ التسجيل
    Jun 2007
    المشاركات
    336
    وزاره الصحه المصريه كانت بتطلع دكاتره النفسيه منح علشان ياخدوا الزماله العربيه

  14. #14
    الصورة الرمزية hepatology
    تاريخ التسجيل
    Oct 2007
    المشاركات
    929
    000000000
    up up up
    RADIOLOGY IS THE FUTURE

  15. #15
    تاريخ التسجيل
    Apr 2008
    المشاركات
    169

    48

    اقتباس المشاركة الأصلية كتبت بواسطة Insulin مشاهدة المشاركة
    يادكتور احمد الله يبارك فيك
    انت فاهمنا غلط
    النقط محور الخلاف هى :
    هل الزماله المصريه طالما زى مابيقال ان هناك اعتراف متبادل بينها والزماله العربيه معترف بيها فى جميع الدول العربيه؟؟؟؟؟؟؟؟؟؟؟؟؟؟؟؟؟؟؟؟ مثل الزماله العربيه؟؟؟؟؟
    وهل التقديم فيها نفس نظام الزماله المصريه ؟؟ ولا انا اختار التخصص اللى انا عايزه وادفع الفلوس واخد التخصص ؟؟؟
    وهل بعد انهاء الزماله العربيه ايضا اترقى الى رتبه اخصائى
    النقط دى لم يتطرق ليها احد
    يا دكتورى الغالى ومين الى قال لحضرتك ان البورد العربى معترف بيه فى كل الدول العربيه.....الا فى حاله واحده لو دخلت فى متاهات انه تحت مظلة جامعة الدول العربيه......ولوكانت الدول العربيه كلها احترمت اتفاقيات جامعة الدول العربيه...يبقى كانت هاتعترف كلها ...بالبورد العربى......بجد انا عاوز اقولكم نصيحه واجرى على الله....علشان الكلام دخل فى جدل عقيم وانا شكلى مش هاكمل.....الى يعرف ياخد شهاده ان شالا من جامعة كفر البطيخ ياخدها...وبعدين يفكر يعادلها....لكن ..تضيعوا عمركوا مره زماله مصريه لا عربيه طيب اضمن بريطانيه ...اقولك المعادله الامريكيه من الاخر...لا يسيدى الكنديه دى انضف...بصوا بقى مافيش غير الاستراليه دول هما الى بيجرو ورا الدكاتره .....وبقوا قابلونى لو عملتوا حاجه فى الاخر...على ماتستقروا ..يدوب تكون جبت الخمسين مستريح.....اسمعوا كلام اخكو ........ركزوا.....وادعولى ... بالنسبه لالااساله بتاعت حضرتك البورد العربى يعتبر اسهل من الزماله المصريه والكلام ده انا جبته من استشارى نسا مصرى كان واخد البورد العربى واشتغلت معاه فى السعوديه ...على فكره هو طلع عينه على ماعترفوا بيه لانه كان واخده من زمان...المهم مشكلة البورد العربى...انه المستشفى الى بتدرب فيها لازم تكون معتمده من البورد ويكون المشرف عليك معترف بيه من هيئة البرد العربى...والنظام يادكتورى الغالى انك الى بتحدد التخصص الى بتختاره وكمان لغة الامتحان..طبعا عارفين ليه..لان اخوانا السوريين الى هما اساس البورد العربى بيدرسوا بالعربى......يا كفايه كده النهاره...حد يدعيلى بقا.....سلام عليكم
    التعديل الأخير تم بواسطة ahmed 006; 10-06-2008، الساعة 03:00 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك