موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 15 1 2 3 11 ... الأخيرةالأخيرة
النتائج 1 إلى 15 من 214
Like Tree0Likes

الموضوع: منوعات مضحكة كتييير جدا ومتجددة باستمرار

  1. #1
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707

    Lock

    منوعات من الحمقى وبخلاء!!!
    ضيف على ضيف

    حكي ان ضيفا نزل على ابن حفصة الشاعر المعروف باللبخل الشديد وعندما راى ابو
    حفص ضيفه يقترب من الدار وهرب منها مخافة ان يبقى الضيف بالدار فيضطر الى اطعامه وتحمل نفقاته
    فاخذ الضيف يبحث في ثنايا الدار عن طعام لياكله لكنه لم يجد شيئا فخرج واشترى
    بعض من الطعم من السوق ثم عاد الى المنزل الشاعر وعلق رقعه كتب عليها :

    يايها الخارج من بيته وهاربا من شدة الخوف
    ضيفك قد جاء بزاد له فارجع وكن ضيفا على الضيف


    الفرج :
    سال احدهم صديقه عن معنى الفرج بعد الشدة ؟
    فاجابه : الشدة هي ان يزورني ضيف وقت الغداء والفرج هو ان يقول : انه صائم !
    هاهاها


    1- يقولووووون فيه مشرفة جابت توأم حطت واحد منهم في قسم المواضيع المكررة ....

    2- وفيه مشرف وصلت له فاتورة التلفون كبيييييييييييييييييييرة فسوى لها تعديل ...


    3- وسمعت أنه مشرف يبغي يتغزل بخطيبته قال لها إنتي موضوع عمري ومشاركة حياتي..انتي كل صلاحياتي ...


    4- و مشرفة ودها تعرف اذا حبيبها يحبها وإلا لا قامت تحذف المواضيع.. يحبني.. مايحبني...

    5- و مشرف حاااااااقد على عضو مميز حط حشيش بموضوعه وبلّغ
    .........................

    تحياتي لجميع المشرفين ع راسي والله
    وللجميع فديتكم والله

    نكتـــة النهاردة

    [] واحد جاب تلاته صعايده وحب يختبر زكائهم سأل الاول قاله مين اللى كسب اخر مره الاهلى ولا الزمالك قاله الاهلى طبعا سأل التانى مين اللى كسب فى الحرب المانيا ولا الحلفاء قاله الحلفاء طبعا سأل التالت فهمت ايه من اجابه زمايلك قاله المانيا هاتلاعب الزمالك على التالت والرابع


    أحلى نكتة

    مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها


    أرخم نكتة

    مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت


    عيـــال

    في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ


    واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد


    مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربت



    مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.



    مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."


    توأم قال لأخوه انت كنت فين من الصبح يازفت. ماما حمتنى مرتين





    ولد سأل مامته الحامل مشير الى باطنها وقال مين ده يا ماما قالت له اخوك وقال الولد وانت بتحبيه؟ قالت له أيوة فقال لها أمال اكلتيه ليه ؟



    ولد بيقول لابيه عايزة2جنية علشان رايحة عند محمدين فقال الاب تاخد جنية وتروح عند محمد




    واحد فشار اوي جاله واحد صحبه قعد يقوله امبارح جالي ابو لهب و حنظله و كنا بنتغدا مع بعض قاله يا عم انت هتشتغلني قاله و هشتغلك ليه امبارح كنا على طرابيزه واحده صحبه كان هيتجنن المهم نزل من عنده لقى ابن الراجل قاله صحيح الكلام ده قاله كلام ايه يا عمو قاله ابوك امبارح جاله ابو لهب و حنظله وكانو بيتغدو مع بعض؟ قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش





    مره موجه جغرافيا دخل الفصل ووقف تلميذ قالله انا هارسم رسمه وانت تكمله الموجه رسم دايره الواد رسم خط فى النص،الموجه رسم خط يقسم الدايره اربعه الواد رسم له نقطه .. الموجه طلع من الفصل سعيد وانت مدرس ممتاز وقعد يشكر فى المدرسه وقال انا وقفت طالب رسمت له الكره الارضيه رسم لى خط الاستواء رسمتله خط جرينتش رسم لى نقطة مركز الكره الارضيه .. وطلع الواد يقول عالموجه ده راجل طماع ده عينه فارغه وقاللهم رسم لى رغيف عيش عالسبوره قلتله انت النص وانا النص قاللى لا انا التلات ارباع وانت الربع قلتله لا بقه دانا هاخلع لك عينك
    التعديل الأخير تم بواسطة ™RemoKing; 06-07-2008، الساعة 04:55 AM







  2. #2
    تاريخ التسجيل
    Feb 2007
    المشاركات
    7,882
    ههههههههههههههههههههههههه

    جميلة وتسلم ايدك


  3. #3
    تاريخ التسجيل
    Feb 2007
    المشاركات
    7,882
    هههههههههههههههه

    انتى كدة اتوقفتى رسمى

    ادعى بقى ريمو وميمو مش يشوفوا الموضوع ههههههه

    جميلة وتسلم ايدك

  4. #4
    الصورة الرمزية elnasabelkeber
    تاريخ التسجيل
    Sep 2007
    المشاركات
    799
    موضوع لذيذ
    جزا الله محمدا( صلى الله علية وسلم )عنا ما هو اهله








  5. #5
    الصورة الرمزية حسام 1992
    تاريخ التسجيل
    Sep 2006
    المشاركات
    1,812
    هههههههه

    شكرا على النكت الحلوة

  6. #6
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707
    غـــباء

    مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت



    مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه



    مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك




    واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد




    غـــباء

    مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"



    مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!





    احد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق





    بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعد عدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع.




    مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس واليانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه



    واحد راح لطبيب نفسانى وقاله "مشكلتى يادكتور انى باحس ان الناس كلها مش طايقانى ومخنوقين منى" الدكتور للممرضة "بسرعة المريض اللى بعده"



    أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون



    واحد غبى لقى قرد فى الشارع .فراح لعسكرى المرور وقاله اود يه فين . قاله وديه جنينه الحيوان فراح ورجع تانى يوم لعسكرى المرور والقرد معاه. قاله العسكرى مش قولتلك ود يه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما


    مرة مدرس بيسأل طالب : من اين ياتى البن ؟ رد : لااعرف فحب المدرس يسهلهاله قاله انتم بتجيبوا البن منين؟ قاله من عند الجيران!!




    مره واحد ندل فتح مصنع بيبسى وكتب على كل ازازه (رج جيدا قبل الفتح)

    بخـــلاء

    سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله



    واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك




    واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس




    مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه
    التعديل الأخير تم بواسطة ™RemoKing; 06-07-2008، الساعة 05:00 AM

  7. #7
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707
    صـور خـداع بصـرى








    أنت شايف حاجة بتتحرك !




    كم شخص في الصورة ؟






    ماذا ترى في هذه الصورة ؟





    حاول تركز
    التعديل الأخير تم بواسطة ™RemoKing; 06-07-2008، الساعة 05:04 AM

  8. #8
    الصورة الرمزية Sher!f
    تاريخ التسجيل
    Nov 2004
    المشاركات
    2,002
    ههههههههههههههههههههه
    موضوع هايل جدا دى عجبتنى اوى

    مشرفة ودها تعرف اذا حبيبها يحبها وإلا لا قامت تحذف المواضيع.. يحبني.. مايحبني...والنكت جامده موووووت

    بس ليا تعليق على موضوع الفيديو ياريت تخليه فى مكانه المخصص علشان الموضوع يبقى منظم اكتر
    شكرا
    تقبلى تحياتى

  9. #9
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707
    افشات مضحكة



    اللى بيته من إزاز ميغيرش هدومه فى الصالون ¦

    فاقد الشىء يدور عليه ¦

    اقلب القدره على فومها الفول يقع منها ¦

    تأتى الرياح محمله بالأتربة ¦

    ياخبرالنهارده بفلوس بكره ينزل عليه أوكازيون ¦

    اللى معاه قرش محيره يجيب حمام ويحمره ¦

    جت الحزينه تفرح شغلت شريط حكيم وقعدت ترقص ¦

    قال يامحشحشين يكفيكوا شر الكمين ¦

    اللى ياكل لوحده يشبع ¦

    لاتبكى على اللبن فى البسكوت ¦

    اقطع عرق و حته بتلو ¦

    اطبخى ياجاريه الأنبوبه فاضيه يا سيدى ¦

    لو حبيبك عسل ما تحطلوش طحينة ¦

    اللى يتلسع من الشوربه يتصل بالمطافى ¦

    وبكره ترجع ريما من عند خلتها فى مارينا ¦

    ياداخل بين البصله وقشرتها حط قطرة علشان هادمع من ريحتها ¦

    اصوم اصوم وافطر على المدفع ¦

    القرش الأبيض بيعوم فى البحر الأحمر ¦

    ضربوا الأعور على عينه قالهم كسرتوا النضاره ¦

    اللى ميشفش من الغربال يكشف نظر ¦

    المال السايب يعلم الطلبه ¦

    نام وارتاح وكل عسل نحل التمساح ¦

    من خرج من داره مينساش يأخد المفتاح معاه ¦

    الباب اللى يجيجلك منه الريح شيله وركب قبنورى ¦

    المضطر يركب التاكسى ¦

    رب صدفة خير من ألف ليلة و ليلة ¦

    اللى يخاف من العفريت يعمل عبيط ¦

    حجه البليد بصرف فلوسى على الوييد ¦

    المركب اللى فيها رايسين يلعبوا طاولة ¦

    اللى خدتوا الأرعه تخدو ام الخلول ¦

    أكل العيش يحب الطعميه ¦

    قاوا للحرامى أحلف قالهم وحياة قلبى وأفراحوا


    ايام زمان ............... تيجوا نفتكر مع بعض اهم افشات نجوم زمان


    ********************

    *****************

    ************

    ********

    *****

    ***

    **

    *


    أكيد في جملة من فيلم أو مسرحية او مجموعة جمل الواحد بيفتكرهم باستمرار و ساعات يبتسم بينة و بين نفسة لما يبجوا على بالة أو بيحب يقولهم لما تييجي مناسبة مشابهة ......


    وا اســـــــــلامــاه

    جهااااد ..... انتى فين يا جهااااااد .... فين محمود يا جهاد........... سلامة انا هنا يا سلامة

    من فيلم ابــــن حميـــــدوو

    لأ تعالى جنبى يا سيدى أنا ................ زينات صدقي . لما كانت بتقولها لاسماعيل يس
    الوحش الكاسر الاسد الغادر انسان الغاب طويل الناب ............ في المطبخ مع اسماعيل يس
    يرد عليها عبدالفتاح القصري ::
    انسان الغاب طويل الناب لا يسلم الشرف الرفيع من الاذى حتى يراق على جوانبه الدم
    صلاه النبى أحسن .... توفيق الدقن
    لا والله فتشني فتش ..... اسماعيل يس في المشهد بتاع لما اللجنة وقفتهم
    ايها الاخوان المجتمعين في هذا الصوان من سالف العصر والاوان نسلم حسن افندي القبطان وابن حميدو افندي القرصان المفتاح الذهبي للباخرة العظيمة نورماندي تو.. تو..تو
    انا قلت كلمة وكلمتي لا ممكن تنزل الارض ابدا..... خلاص حتنزل المرة دي....... خلاص هتنزل المرادي بس اعملي حسابك المرة الجاية لا ممكن تنزل ابدا


    مسرحية ريــــــــــــا و سكينــــــــــة


    حرااااام الاكل ف الميت حرااااااااام ......... عيدالمنعم مدبولي
    شيلوا الميتين اللي تحت....... عبدالمنعم مدبولي
    أنا أتجلبت .... هو أنا نايم جنب مرتى و لا فى محطة مصر .... احمد بدير
    انا بطرقع .... بطرقع يا حسب الله و اناااااااا بفرقع .... و انا مطنش .......... حوار عبدالمنعم مدبولي مع شادية و سهير البابلي

    فيـــلم مطاردة غرامية

    بوز جزمتك يا هانم بيدل على انوثة طاغية و كعبها بيدل على رقتك و طيبة قلبك ..... طبعا دي مقولة الفنان القدير فؤاد المهندس

    فيـلم اشاعـــــــة حــــــــــــــب

    مش هى دى هند اللى كنت عايز تدفع نصف عمرك عشان تشوفها .. يالا بقى أدفع عمرك كلة
    ياللصاعقة......يوسف وهبي
    كدة برده يا سونة يا خاين ... ماتسألش فيا .. احبك مؤ اعبدك مؤ اموت في هواك هستناك يا حبيبي هستناك العمر كله ........ صوت هند رستم و اداء عبد المنعم ابراهيم
    فلتسقط بنت سلطح باشا ........ يوسف وهبي

    فيــلم شئ مـــــــــــــن الخـــــــــوف

    جواز عتريس من فؤاده باطل

    فيلم ياسميـــــــــــن

    ول يا ول ول يا ول
    هو يعني من خيبته يتجوز وحدة اد بته ........ و قال يعني من همه يتجوز وحدة اد امه (حوار فيروز مع زينات صدقي)

    مسرحيـــــــــة الا خمســــــــــة

    انتى جاية اشتغلى اية .................... ماري منيب

    فيلم ريــــــــــا و سكينـــــــــة

    قطيعة محدش بيكلها بالساهل

    فيــلم شاطــئ المــــــرح

    شبر برم أيه أيه، شبر برم أه أه ........ حسن يوسف مع ثلاثي اضواء المسرح

    فيـــلم اسماعيل يـــــس في الاسطـــــــــــول

    واحد إتنين تلاتة بوروروم .... بوروروم شغلتك على المدفع بورورم يا عسكري
    مخالي شل مخالي شل يا عسكري
    هو بعينه بغباوته بلماضته بشكله العكر ......... رياض القصبجي
    مخالي شل ... مخال شل يا عسكري .... يا جماعة اللي اسمه مخالي يرد عليه..... مخالي جمع مخلة يا عسكري ................ حوار رياض القصبجي مع اسماعيل يس

    فيــــــلم حماتـــــــي مــــلاك
    إسأليني أنا ... حماتك .. مدوباهم إتنين ..... ماري منيب
    إنت كلت الزبون يابن المفجوعة ........... والنبي مانا يا معنمي دي منبى يا معنمي منبى

    فيــــلم سكــــر هانـــم

    ست!!! انا مش شايف ادامي ايها ست (عبد الفتاح القصرى).
    ست .....؟ دانتي ست اشهر...... ده جنبك ابقى مرلين مورنو....... سكر هانم
    ياعشرين مليون مرحبا إسكيوزيه موا مودام ......... عبدالفتاح القصري
    انا صحيح شيشة والعة شيشة نارها للجو... انا عاوز اقولك حاجة .... عايز اقابلك على إستفراد .......... عبدالفتاح القصري لعبدالمنعم ابراهيم لما كان عامل نفسه ست
    فتافيت؟ انا اتجور فتافيت؟ لا يا عم انا مااحبش الفتافيت... انا احب الكتاكيت .......... حسن فايق

    فيــــــلم دعــــــــــاء الكــــروان

    دمك مش هيروح هدر يا هنادي ....... فاتن حمامة
    الجول جولك والحج ماهو عليك ........ فاتن حمامة

    فيــــلم صاحــــب الجـــــلالة

    طويل العمر يطول عمره و يزهزه عصره و ينصره على مين يعاديه هاي هيئ .......... فؤاد المهندس

    فيلم الزواج على الطريقة الحديثة

    انت مش واخد بالك اصل دة موضوع عائلي....... جورج سيدهم لما كانوا العيلتين بيجروا ورا سعاد حسني و حسن يوسف و هو كان ينزل م العجلة اللي كان راكبها و ياكل من اكل الباعةالجائلين
    و لما حد منهم يسالوا عن اللي بيحصل يقولوا الجملة دي ههههههههههه
    انا هخليه يبكي من الندم ......... وانا هخليه يبكي من البصل (حوار جورج سيدهم مع الضيف احمد لما كانوا بيحضروا مقلب مع سمير غانم و سعاد حسني و حسن يوسف لعبدالمنعم ابراهيم)

    مسرحيــــــــة العيــال كبرت

    كل واحد يخلي باله من لغاليغه عادل امام فى مدرسة المشاغبين ...... طبعا كلنا فاكرين المقولة دي لعاديل امام
    بتقولي اقف !!!!! 25 سنة خدمة ف ثانوي و تقولي اقف !!!! ........ هههههههههه بردح دي لعادل امام

    فيلم عفريــــت مراتـــــــي

    قولي لجوزك إذا مكانش حيرجع زي زمان حنحط السيخ المحمي في صرصور ودنه>>> عادل امام

    مسرحية المتزوجون

    مات يا مسعودي الصوريصار.......... شيرين لسمير غانم

    فيــــــــلم كابتن زيـزو حبيبـي
    الشيكشيكليطة يا عم مبلولي

    البحـــــــث عن فضيحـــــــــة

    عريسي يا بوي دة حلو جوي يا بوي طخه بس ماتوروش يا بوي
    غلط غلط اوعى تعمل كدة احسن يحصلك زي واحد صحبي ماتعرفوش


    احسن م الشرف مافيش ........توفيق الدقن

    لا مؤاخذه يا بنى انا عندى شعره ساعه تروح و ساعه تيجى هههههههههه ........ مش فاكرة اسمه ايه الممثل دة بس هو كشكل معروف

    كتاكيتو بنى ............... زينات صدقى

    يا صفايح الذبده السايحة يابراميل القشطة النايحة يا حلو ياجميل.........عبد الفتاح القصرى

    انا الانسة حنفي يا مهدى الى الحديقة يا وارد افريقا...... زينات صدقي

    شفيق يا رااااااجل ...... احمد نجم

    بت يا فكيهة... فكيهة يابنت الوارمة الولعة يابنت المجعلصة... حاسبى يابنت المبطرخة.... كفاية يابنت............ عبدالفتاح القصري

    هه قولى ديه واحدة ست؟ ... هاها ياحفيظ ديه عليها خلقة تعلم إبليس الفضيلة ........... حسن فايق

    شكرا لكم :
    شكرا على رسم الابتسامة على وجوهنا
    شكرا على ما قدمتموه لنا من فن راقي بعيد الاسفاف و الابتذال
    انتم في قلوبنا مهما طال الزمن
    الــــــــــــــــف شكـــــــــــــر


    ياريت يا جماعة اللي فاكرة اي افشات من بتوع زمان يفكرنا بيهم
    عشان نضحك مع بعض شوية
    و اتمنى الموضوع يعجبكم
    دمتم بالف خير

    *******

    *****

    ***

    **

    *


    التعديل الأخير تم بواسطة ™RemoKing; 06-07-2008، الساعة 05:15 AM

  10. #10
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707

    Lock

    قصص طريفة

    فسحة العيد
    ريهام


    كنا فى العيد واتفسحنا ومروحين انا وبنات خالتى الاتنين وصاحبتى فبنت خالتى وهى بتركبنى جم حبة شباب وعاكسوا قعدت تقولهم لو ما مشتوش انا ها انده العسكرى واحد منهم ما صدقش كان على النحية التانية فيه فعلا عسكرى قامت صرخت بأعلى صوت وقفت العربيات كلها وقالت يا عسكررررررررررررررى وقف المشروع على صوتها فركبت فيه ا نا وصاحبتى السواق قعد يضحك ضحك ويقولى اوعى تعملى زيها وقعد يقلدها وهى بتصوت المهم بعد لما روحت بسألها عملتى ايه قالتلى انا روحت للعسكرى وقومت مزعئة له وقولتله انت مش شايفنى بصوت ما جتش ليه








    ادام موجهين الادارة كلهم والمدرسة
    dodada


    مره كنا بنعمل عرض بس ايه جامد اخر حاجة و كل الاداره كانت عندنا فى المدرسة و بنعرض وسط الحوش كان عرض غربى عمله انا و شلتى وكنت وقفة اول وحدة فى وش الناس المهم عملين نرقص ونعمل فجأة الشوز اتألع عملت هبلة و عدلته ومرة تانى و انا بلف اتألع مش مشكلة عدلته و ربنا ستر واخيرا خلص العرض وطلعين الشله كلها بتجري وراح الشوز اتألع خالص و ادام موجهين الادارة كلهم والمدرسةجريت من غيره حافية


    و جوووووووووووول يا أندال
    MidO


    و أنا فى ثانوى ، كنا تلاتة اصحاب أنتيم و كنا كل يوم نخلص و نروح نلعب بلاى ستيشن قدام المدرسة (ده لو كنا حضرنا اساسا ) المهم جه يوم و واحد صاحبنا من التلاتة نام فى الفصل ، قلت لبقية الفصل يسيبه و انا هاصحيه و كل الفصل مشى و مش فاضل غير انا و الواد الانتيم التانى ، قولتله بقولك ايه احنا نسيبه نايم و نروح نلعب ماتشين كده و نرجع نصحيه قالى خلاص ماشى روحنا بقى وانتوا عارفين سحلة البلاى ستيشن ، نسينا الواد ساعة اتنين تلاتة و فى عز ما احنا مندمجين فى اللعب ، حد فينا جاب جول مش فاكر مين بالظبط المهم مرة واحدة لقيت واحد من ورانا بيقول : جووووووووووووووووووووووووول يا أندال وهات ياضرب فينا احنا الجوز ، بس بهزار طبعا وانا والواد التانى كنا ميتين من الضحك أما ايام الله لا يعودها هههههههههههههههه






    جنااااااان
    كرمالك


    مرة كنت عايز اكلم واحد صحبي على موبايله لانه تاخر علية اتصلت عليه وانا كنت معصب جدا عليه !!! طبعا هو كان في الحمام وموبايله بره انا اتصلت واول ما فتح الخط انا قولتله انت فين يا ابن الحمار لهو بيقولي الحمار بنفسه معاك !! طلع ابوه اللي رد عليه مش هو






    خوافة
    soso


    كنت مره بعمل شاى لاخواتى وليا ففتحت شباك المطبخ لقيت صرصور مره واحده جى عليا رحت مصوتة وصحيت البيت كلو جم قلولى ايه فى ايه قلتلهم صرصور اخويا حدفنى با ولاعة وقلى فكرنا المطبخ ولع





    المفتش
    AHMED ELQZAZ


    كنت لسه فى 4 ابتدائى ودخلنا مفتش كبير فسألنا عن ال(ل) الشمسيه والقمريه فعرفناها طبعا فقال انا هقولكم انا حاجه هتخليكو تفتكروها بسرعه: مش انتم بتشوفو الشمس اه طبعا والقمر بتكونو نيمين ما بتشفوهوش يبقى ال(ل)القمريه ما بتتنطأش علشان القمر مابتشفوهوش والشمس نفس النظام الاستاذ بتعنا العادى وقع على نفسه من الضحك







    يا بتاع النعناع
    Nunny


    كنت لسه صاحي من النوم، عالصبح كده، المهم ماما قالت لي إلحق الراجل بتاع النعناع قبل ما يمشي، عشان تجبلنا منه. جريت عالبلكونة، يا عام يا بتاع النعناع انت يا عاااااااام. الراجل جاني، طلبت منه ، جهز طلبي و انا بفك السَبَت علشان متكعبل في بعضه، الراجل زهق منّي. قاللي:"القف منّي يا بيه" ، المهم رمالي النعناع، سيبت السبَت و مسكت النعناع، دلوقتي انا معايا النعناع و الراجل معاه السبَت. رمالي السَبَت فسيبت النعناع عشان امسك السبَت. الراجل افش عليا و قاللي: "دخل السَبَت الاول و بعدين خد النعناع". سمعت الكلام وتحملت التوبيخ و اخدت النعناع وفرّجت المنطقة عليّا و كل ده عشان لسة مقلوب من عالسرير







    انا وصحابى
    بنت النيل


    فى مرة كنت انا وصحابى خرجين وكان السواق هو الى بيسوق ووقفنا اشترينا حاجات واتفسحنا وجينا نرجع الجراج لقينا كل العربيات نفس نوع العربية بتعتنا وانا مكنتش وخده بالى وفى واحد طالع من العربية بيشاورلنا فأنا قلت ايه الراجل الاهبل ده بلاش تلف ودخلت عربية والعربية مكنتش بتعتى بصيت لقيت واحد تانى بيبصلى مستغرب ايه المجنونة دى طلعت بسرعة من العربية ولسه الراجل بيشاور بنبص كويس لقيت السواق ركبنا العربية وصحابى فطسنين على نفسهم من الضحك عليه







    الكدب ملهوش رجلين
    emy


    انا و صحابى متعودين لما نتكلم على ولد معانا فى الكلية نتكلم على اساس انه بنت عشان لو موجود ميحسش اننا بنتكلم عليه فمرة واحد معانا مشفنهوش من فترة وكان جاى و دقنه طويلة رحت انا و بصوت عالى جدا قلت لاصحابى الحقوا يا جماعة ميرنا مربية دقنها الناس اللى كانوا فى المكان ماتوا على نفسهم من الضحك وعرفوا اننا بنتكلم على الولاد باسامى بنات






    قلم سخن
    marmr


    وانا ماشيه فى الشارع ومش عجبنى حاجه واعت اقول يارب الى انت بتعملو معيا دى نفسى فى اى حاجه تفرحنى مكملتش الكلمه كانت فى بنت مختله عقليا راحت ادتنى حتت قلم مختوش فى حياتى وكنتش اقدر اتكلم عبيطه اقوله ايه من سعتها حرمت اتكلم او اعترض








    الجرى نص الجدعنة
    محمد المصرى


    مرة وانا ماشى بالعربية عملت حادثة مع واحد بس كانت خبطة بسيطة يعنى المهم الراجل اللى انا خبطته وقف وانا وقفت وروحت نازل من العربية وهو راح نازل من العربية اول لما هو نزل من العربية ومشى ناحيتى روحت انا راكب تانى وجريت بالعربية





    احراج ما بعده احراج
    noody


    لآلالا انا اكتر موقف محرج حصلى انى كنت قاعده فى الفصل وبعدين قاعده اقلد مدرس عندنا والفصل كله فى وشى بيضحك على وكان فى قفايا الباب وبعدين لقيت العيال وشها احمر وكلهم بيقوليلى بصى وراكى وانا اكمل برده غباء بعيد عنكم هههههههههه المشكله مش فى كده بعد ربع ساعه قلت ابص ورايا لقيت المدرس كمان فطسان على روحه من الضحك قمت ناطه من الشباك بتاع الفصل الحمد لله كنت فى اول دور الحمد لله فعلا بص بعد كده المدرس وانا بقينا اصحاب








    العمى
    هانى


    مرة كنا قاعدين عند واحد صاحبنا و كان عنده قريبه نايم فى القوضة و كان فى ماتش ساعتها رايحين نتفرج عليه راح هو قالنا على فكرة علشان نصحى قريبه روحنا طافين كل النور الى فى الشقة وقافلين الستاير كلها لحد ما كانت الدنيا ضلمة على الاخر و شغلنا الراديو على الماتش ونهيص و نزعق بصوت عالى لحد ما صحى وهو مفكرنا بنشوف الماتش على التلفزيون واحنا عاملين نشجع و نهيص على اساس ان احنا بنتفج على التلفزيون بالظبط لحد ما شك انة اتعمى










    قصة مضحكه
    السلام عليكم يا اخواني


    > >مرة أب رجع من السفر وكان ابنه في استقباله و لما سأل الأب عن الأحوال في غيابه، قال
    >الابن: نحن بخير لكن....
    > > > فقال: الاب ماذا هناك؟
    > > > قال الابن: انكسرت ايد الشاكوش(امطرقة)..
    > > > قال الأب: شو يعني؟؟!
    > > > قال الابن: مهو اخوي الصغير رما الشاكوش على الكلب فمات الكلب وانكسرت ايد
    >الشاكوش.
    > > > قال الاب: وليش اخوك رما الشاكوش على الكلب؟
    > > > قال الابن: مش هربو البقرات فلحقهم الكلب فرما اخوي الشاكوش على الكلب فمات
    >الكلب وانكسرت ايد الشاكوش ....
    > > >قال الاب: :وليش هربو البقرات !!!
    > > > قال الابن: مش انحرقت المزرعة فهربوا البقرات فلحقهم الكلب فرما اخوي الشاكوش
    >على اكلب فمات اكلب وانكسرت ايد الشاكوشز
    > > > قال الاب: شو ابتحكي.....انحرقت المزرعة!!!!
    > > > قال الابن : مش انحرق البيت فانحرقت المزرعة فهربوا البقرات فلحقهم الكلب فرما
    >اخوي الشاكوش على الكلب فمات الكلب وانكسرت ايد الشاكوش.
    > > > قال الاب: ولك شو ابتحكي انت البيت انحرق !!!!! شو اللي حرقوا؟؟!
    > > > قال الابن: كان اخوي الصغير بدخن فوقعت السيجارة على الارض فانحرق البيت
    >فانحرقت المزرعة فهربوا البقرات فلحقهم الكلب فرما اخوي الشاكوش على الكلب فمات الكلب
    >وانكسرت ايد الشاكوشز
    > > > قال الاب وهو يكاد يموت: واخوك الصغير صاير يدخن؟؟؟
    > > > قال الابن: مهو يابا من يوم مماتت امي فلت البيت


    قصص مضحكة جدا قصيرة

    * عربي وهندي يهودي/ وكانوا ماشيين تعبانين بالغابة // لقوا بيت دقوا بابه //طلع لهم واحد قالولة : "نحن تعبانين ولو تسمح نبات عندك اليوم.//قال, "ناموت في الزريبه لأن الأهل موجودين في البيت.// وافقوا// الهندي دخل الزريبه,,طلع بسرعه// سألوه ؟ قال ((بقوان)) في داخل انا ما في نوم داخل مع بقر // العربي دخل طلع بسرعه// سألوه ؟قال: في خنزير ومستحيل انام في مكان فيه خنزير.// اليهودي دخل طلعوا البقر والخنزير سادين خشومهم..
    * 1) (قصة قصيرة )واحد راح المطعم ، لقى لافته كتب عليها ( إذا اردت ان تعرف سر بـغـبـغ..أشتر همبرغر)// شرى همبرغر لقى داخلها فيها رسالة اذا اردت معرفة سر بغبغ أطلع من المطعم و روح يسار// طلع و راح يسار ولقى لافتة كبيرة مكتوب عليها اذا اردت معرفة سر بغبغ أذهب بيتكم وشغل التلفزيون// شغل التليفزيون وجد أخبار تقول اذا اردت معرفة سر بغبغ اشتري تذكرة سفر//اشترى تذكره لقى مكتوب على التذكرة (اذا اردت معرفة سر بغبغ اذهب الى المطار وسافر ألان) لما راح المطار ركب الطيارة و لبس حزام// عندما ركب و الطياره و وأقلعت الطياره.// شاف لوحة مكتوب عليها اذا اردت معرفة سر بغبغ نط بالبحر// وعندما نط وجد زجاجة فيها رسالة!!!!!:إذا أردت معرفة سر بغبغ أحذف الزجاجة وستسمع صوت!!؟؟ فعندما حذف البطل طلع صوت(بغبغبغبغبغ)!!!!!
    * 1) واحد عنده مشكلة في حرف الشين //كل ما يقول كلمة فيها حرف الشين يقعد حوالي ربع ساعة// مرة اراد يشتري شاورما // لكنه قعد يفكر ما العمل // لانة لو راح المطعم ، ربع ساعة لن تكفيه حتى يقول شاورما و الناس تزهق // فكر في حل ، اول ما يركب التكسي يحاول يقول شـــاورما لما يوصل للمطعم ويكون عند نهايتها //راح وهو يقول شششششششششششششششششششششششششششششششششششش // وصل المطعم واول ما فتح نافذة زجاجة التاكسي //جاء الجرسون يقول :ايش ؟//صاحبنا ما صدق قالها : شاورما واحد // الجرسون قال :ما بسمع ايش ..مرة ثاني //من العصبية قال له : ينعل ابوك عطيني واحد فلافل .
    * 1) دكتور متعين جديد بمستشفى المجانين أخذهم رحلة للحديقة \وقال للنزلاء :كل واحد يجيب لي كائن حي \ واحد جاب مسمار \واحد عصايه\ واحد كرتون \الخير جاب بغبغاء فرح الدكتور وقال له: من وين جبته؟ \ قال المجنون :لقيته على الشجرة تعال اوريك من وين. \ ولما وصلو الى المكان \شاف الدكتور بغبغاء ثاني على نفس الشجرة \فحب انه يختبر ذكاء هذا الشخص /فقاله:ليش ما جبت البغبغاء الثاني؟ \ فقال له المجنون: الي انا جبته احمر واللي على الشجره اخضر بعد
    * 1) سيدة أخذت زوجها للدكتور //فحصه الدكتور وقال لها : يا مدام زوجك حالته خطيرة يمكن يموت بعد 3 شهور الا اذا عملت اللي اقول لك عليه //فقالت له : بسرعة قول علشان يعيش!!//فقال ليها : لازم كل يوم الصباح تقعديه الساعة 6 وتاكليه فطور صحي والغدا والعشا نفس الشي ولا تزعجيه وحاولي كل يوم تطلعيه يشم هوا لمدة 6 ساعات واسمعي كلامه ..اهم شي الطباخ//و بعد ماطلعوا من المستشفى سألها الزوج: ها قالك الدكتور ؟؟!!//فقالت له : بتموت بعد 3 شهور!!
    * 1) (هذه قصة قصيرة )جحا ذات يوم كان يتسوق //فجاء رجل من الخلف وضربه كفا على خده// فالتفت إليه جحا وأراد أن يتعارك معه // ولكن الرجل اعتذر بشدة قائلا: إني آسف يا سيدي فقد ظننتك فلانا // فلم يقبل جحا هذا العذر وأصر على محاكمته // ولما علا الصياح بينهما اقترح الناس أن يذهبا إلى القاضي ليحكم بينهما ، فذهبا إلى القاضي ، وصادف أن ذلك القاضي يكون قريبا للجاني // ولما سمع القاضي القصة غمز لقريبه بعينه ( يعني لا تقلق فسأخلصك من هذه الورطة ) ثم أصدر القاضي حكمه بأن يدفع الرجل لجحا مبلغ 20 دينارا عقوبة على ضربه // فقال الرجل : ولكن يا سيدي القاضي ليس معي شيئا الآن //فقال القاضي وهو يغمز له أذهب واحضرها حالا وسينتظرك جحا عندي حتى تحضرها ، فذهب الرجل وجلس جحا في مجلس القاضي ينتظر غريمه يحضر المال // ولكن طال الإنتظار ومرت الساعات ولم يحضر الرجل //ففهم جحا الخدعة خصوصا أنه كان يبحث عن تفسيرا لإحدى الغمزات التي وجهها القاضي لغريمه//فماذا فعل جحا؟//قام وتوجه إلى القاضي وصفعه على خده صفعة طارت منها عمامته وقال له : إذا أحضر غريمي الـ20 دينارا فخذها لك حلالا طيبا ، وانصرف جحا .

    التعديل الأخير تم بواسطة ™RemoKing; 06-07-2008، الساعة 05:10 AM

  11. #11
    الصورة الرمزية ™Mo7aMMeD SaLeM
    تاريخ التسجيل
    Aug 2007
    المشاركات
    4,627
    موضوع جميل يا جماعة ...


    فعلا جامد وأنتوا هاتمتينى من الضحك ..
    هههههههه
    هههههههه




    هههه
    الرياح قاسية تحرك أغصان الأشجار فيصدر حفيفـا يحذر من قدوم العاصفـة ,
    تلبدت السمــاء بالغيــوم الداكنــة التى تنذر بهطـول الأمطــار السوداء ,
    على أنين الذين يستظلون بسعف النخيل يدفؤون أجسادهم الشبه عارية بأنفاسهم الحارة المتعبــة
    ومع تماوج أشباح الهزائم كالوحوش الضاريات أمام عينى على الجسد المسجى بالأخضــر ,
    أجلس فى الغرفة المظلمـة خلف الشرفة وأنظر إلى البعيد ,ولا أعرف أين أنا !




  12. #12
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707

    Lock مواقف طريفة بين الطلاب والمدرسين اقرأ واستمتع واضحك

    مواقف طريفة بين الطلاب والمدرسين اقرأ واستمتع واضحك


    مواقف طريفة بين الطلاب والمدرسين
    مواقف طريفـــه ومضحكــــه بين الطلاب والمدرسيـــــــــن
    طالب فقد الأمل في الأختبارات بأن يأتي بكلمه صحيحه , فقام بتكرار عباره واحده على جميع أوراق دفتر الأجابه وهي :الأجابه خلف الورقه , ثم كتب في الصفحه الأخيره بدور على ايه ياأستاذ ؟

    =====================
    طالب في المرحله الأبتدائيه لم يذاكر جيدا , فكتب لأستاذه على ورقه الأجابه :" نجحني واعطيك ريال"

    =====================
    اتفق احد التلاميذ الكسالى مع زميله على أن يكتب له أجابه الأسئله في ورقة خارجيه , ويعطيه اياه اثناء الامتحان , وبالفعل نجحت الخطه , ولكن عند تصحيح الأوراق وجد المدرس عبارة في آخر ورقة الطالب الكسول : اذا شافك المدرس قطع الورقه ...

    =====================
    اثناء احد الامتحانات قام احد التلاميذ بالغش فنقل قاعدة الرسم الهندسي من الكتاب . ومع العجله كتب الهامش انظر الشكل رقم (....)

    =====================
    طالب خلط بين طول قطر الدائره , وطول محيطها فرسم دائره كبيره لم تستوعبها ورقه الاجابه , فكتب للمدرس :" باقي الدائره مرسومه على الطاوله"

    =====================
    طالب اخذ يشرح حديث (حتى لو دخلو جحر ضب لدخلتموه) فلما وصل الى كلمه (اخرجاه)اي البخاري ومسلم - قال : وتعني هذه الكلمه انهم أخرجوا الضب !

    =====================
    طالب كسول جدا وكان المدرس دائما يحثه على المشاركه والتفاعل لكن بدون فائده , وذات مره سأل المدرس سؤال فرفع يده بسرعه فشعر المدرس بالسعاده ,
    فقام الطالب وقال :أستاذ تسمح لي اذهب الي دورة المياه
    كان أحد الأساتذه يتميز بصلعة كبيره ملساء , وذات يوم بينما كان يحك صلعته بكلتا يديه قال له طالب متفلسف :" ياأستاذ، يقولون ان علاج الصلع هو ان تجعل بقره تلحس رأسك" فما كان من الأستاذ الا ان حنى رأسه ، وقال : " اتفضل ...الحس"

    =====================
    كان هناك مدرس سوداني في احد المدارس , وكان يشرح لطلابه حديث النبي صلى الله عليه وسلم ( ثلاثه جدهن جد ، وهزلهن جد (النكاح والخلع والطلاق) فسأله أحد الطلاب : " يا أستاذ ..احنا فهمناالخلع والطلاق بس مافهمناش النكاح" فقال الاستاذ:"يعني زي ما أقول لك زوجتك بنتي "فقال الطالب بسرعه:"وانا قبلت الزواج" فذهل الاستاذ وصاح :"طلقها ..:فرفض الطالب؛فقال المدرس وهو يكتم غيضه :"عليك الله يازول تطلقها" فصمم الطالب على الرفض ، وهو يهز راسه "لا..لا "فثار المدرس , وخلع العمامه ورمى الطباشير , ووصلت الى المدير الذي اجبر الطالب على الطلاق بالقوة "

    =====================
    سأل المعلم احد طلابه :مامعنى كلمة سبيل؟ فقال:تعني طريق.ثم سأل طالبا آخر:مامعنى كلمة سلسبيل؟ فأجاب:طرطريق!!

    =====================
    قرر احد التلاميذ الهرب من المدرسه في منتصف الدوام ,فقام بالتسلل الى احدى نوافذ الدور الأرضي , وقفز منها الى فناء المدرسه، ثم اسرع راكضا الى السور، وقفز منها الى اعلاه ثم قفز الى الارض، ليقع على .....
    في نفس تلك اللحضه كان هناك احد المدرسين الذين يسترقون وقت الفسحه لاستغلاله بالتدخين بعيدا عن الاعين,و..(طراخ) فوق رأس المدرس الذي اصيب بضيق التنفس، وفقد الوعي ،وتم القبض على الطالب بتهمة اشتباه في الشروع بالقتل الخطأ


  13. #13
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707

    Lock هههههههههه قصص جحا بتفطس من الضحك هههههههههههههههههههههههه

    انا شايفه الكل حاط حطه المحششين وناسين جحا
    تعالو نرجع كم سنه لوره لما كانا صغار كانو اهلنا بيخرفونا قصص جحا المضحكه والجميله
    بصراحه انا من معجبين قصص جحا يلا شوفو



    جحا والخروف

    كان جحا يربي خروفا جميلا وكان يحبه ، فأراد أصحابه أن يحتالوا عليه من أجل أن يذبح لهم الخروف ليأكلوا من لحمه .ـ
    فجاءه أحدهم فقال له : ماذا ستفعل بخروفك يا جحا ؟
    فقال جحا : أدخره لمؤنة الشـتاء
    فقال له صاحبه : هل أنت مجنون الم تعلم بأن القيامة ستقوم غدا أو بعد غد!ـ هاته لنذبحه و نطعمك منه .ـ
    فلم يعبأ جحا من كلام صاحبه ، ولكن أصحابه أتوه واحدا واحدا يرددون عليه نفس النغمة حتى ضاق صدره ووعدهم بأن يذبحه لهم في الغـد ويدعوهم لأكله في مأدبة فاخرة في البرية.ـ
    وهكذا ذبح جحا الخروف وأضرمت النار فأخذ جحا يشويه عليها ، وتركه أصحابه وذهبوا يلعبون ويـتنزهون بعيدا عنه بعد أن تركوا ملابسهم عنده ليحرسها لهم ، فاستاء جحا من عملهم هذا لأنهم تركوه وحده دون أن يساعدوه ، فما كان من جحا إلا أن جمع ملابسهم وألقاها في النار فألتهمتها . ولما عادوا اليه ووجدوا ثيابهم رماداَ . هجموا عليه فلما رأى منهم هذا الهجوم قال لهم : ما الفائدة من هذه الثياب إذا كانت القيامة ستقوم اليوم أوغدا لا محالة؟

    جحا وحماره

    ماتت امرأة جحا فلم يأسف عليها كثيرا ، وبعد مدة مات حماره فظهرت عليه علائم الغم و الحزن ، فقال له بعض اصدقائه : عجـباَ منك ، ماتت امرأتك من قبل ولم تحزن عليها هذا الحزن الذي حزنته على موت الحمـار.ـ
    فأجابهم : عندما توفيت امرأتي حضر الجيران وقالوا لا تحـزن فسـوف نجد لك أحسن منها ، وعاهدوني على ذلك ، ولكن عندما مات الحمار لم يأت أحد يسليني بمثل هذه السلوى ... أفلا يجدر بي أن يشـتد حزني ؟


    جحا والسائل

    كان جحا في الطابق العلوي من منزله ، فطرق بابه أحد الأشخاص ، فأطل من الشباك فرأى رجلا ، فقال : ماذا تريد ؟
    قال : انزل الى تحت لأكلمك ، فنزل جحا
    فقال الرجل : انا فقير الحال اريد حسنة يا سيدي . فاغتاظ جحا منه ولكنه كتم غيظه وقال له : اتبعني .ـ
    وصعد جحا الى أعلى البيت والرجل يتـبعه ، فلما وصلا الى الطابق العلوي التفت الى السائل وقال له : الله يعطيك
    فاجابه الفقير : ولماذا لم تقل لي ذلك ونحن تحت ؟
    فقال جحا : وانت لماذا انزلتني ولم تقل لي وانا فوق ؟

  14. #14
    الصورة الرمزية فتاه اسلامية
    تاريخ التسجيل
    Nov 2007
    المشاركات
    1,707

    Lock سندريلا: مجموعه من قصص جحا


    كان جحا مسافرا إلى بلدة بعيدة وأخذ معه جوالا من السكر فسأله بعضهم لماذا تأخذ معك جوالا من السكر فقال لهم لأن الغربة مرة

    *****************************************

    رأى جحا رجل يغرق في البحر فقام ينقذة وبعد ما طلعة جحا رماه الى البحر تانى فقال الرجل لماذا رميتني مرة اخرى ؟؟ فقال جحا (أعمل الخير وارميه البحر)

    *****************************************

    دخل جحا أحد المحلات التي تبيع الحلوى والفطائر......وطلب من البائع أن يعطيه قطعة من الحلوى.....
    لم تعجب الحلوى جحا.......فطلب من البائع أن يستبدلها بقطعة من الفطير.....
    أخذ جحا قطعة الفطير......وأنصرف دون أن يدفع ثمنها.......
    نادى البائع على جحا وقال له: لم تدفع ثمن الفطيرة يا جحا؟!!!
    فقال جحا : ولكنني قد أعطيتك قطعة الحلوى بدلاً منها
    فقال البائع : ولكنك لم تدفع ثمن الحلوى أصلاً!!
    وقال جحا: وهل أخذت الحلوى وأكلتها حتى ادفع ثمنها؟؟؟!!!

    *****************************************

    ضاع الحمار
    ضاع حمار جحا فأخذ يصيح وهو يسأل الناس عنه: ضاع الحمار . والحمد لله.
    قيل له: فهل تحمد الله على ضياعه؟!
    قال: نعم، لو أنني كنت أركبه لضعت معه، ولم أجد نفسي..!

    *****************************************
    أعطى خادما له جرة ليملأها من النهر، ثم صفعه على وجهه صفعة شديدة وقال له: إياك أن تكسر الجرة، فقاله: لماذا ضربتنى قبل أن اكسرها؟ فقال: أردت أن أريك جزاء كسرها حتى تحرص عليها.

    *****************************************

    قيل لجحا: عد لنا المجانين في هذه القرية. قال: هذا يطول بي ..ولكني استطيع بسهولة ان اعد لكم العقلاء.

    *****************************************

    تزوج جحا وبعد ثلاثة أشهر أخبرته زوجته أنها ستلد و طلبت منه أن يحضر لها الدايه
    فقال لها : نحن نعرف أن النساء يلدن بعد تسعة أشهر ، فما هذا ؟
    فغضبت منه و قالت : إن أمرك لعجيب ، كم مضي علي زواجنا ، ألم يمضي ثلاثة أشهر
    قال : نعم
    فقالت : و قد مضي عليك متزوجاً بي ثلاثة أشهر ، فصاروا ستة ، أليس كذلك ؟
    فقال : نعم
    فقالت : و قد مضي علي الجنين في بطني ثلاثة أشهر ، فهذه تتمه التسعة
    ففكر جحا قليلاً وقال : الحق معك فأنا لم أفقه هذا الحساب الدقيق فعفواً عني لقد أخطأت في حقك

    ******************************************

    سال جحا شخص إذا أصبح الصبح خرج الناس من بيوتهم إلى جهات شتى، فلم لا يذهبون إلى جهة واحدة؟
    فقال له: إنما يذهب الناس إلى كل جهة حتى تحفظ الأرض توازنها أما لو ذهبوا في جهة واحد فسيختل توازن الأرض، وتميل وتسقط

    *******************************************

    واعد جحا الحاكم أن يذيقة وزة من طهي زوجتة وقرر أن يفي بوعدة، فأوصة زوجتة أن تعد أكبر وزة عندهم، وأن تحسن طهيها وتحميرها، لعل الحاكم يعطى لة بمنحة من منحه الكثيرة...
    وبعد أن أنهت زوجتة من إعداد الإوزة، حملها إلى قصر الحاكم، وفي طريقة جاع واكل أحد فخذي الإوزة...
    وعندما وصل إلى القصر، وقدمها بين يدي الحاكم، قال لة الحاكم مضيق:
    ما هذا يا جحا؟! أين رجل الإوزة؟!
    فقال له: كل الإوز في بلدتنا برجل واحدة، وإن لم تصدقني فتعال وأنظر من نافذة القصر إلى الإوز الذي على شاطئ البحيرة.
    فنظر فإذا سرب من الإوز قائم على رجل واحدة كعادة الإوز في وقت الراحة.
    فأرسل أحد الجنود إلى سرب الإوز، وهو يحمل العصا، ففزع الإوز، وجرى إلى الماء على رجليه.
    فقال الحاكم:
    ما قولك الآن؟
    فقال:
    لو هجم أحد على إنسان بهذه العصا لجرى على أربع.... فما بالك بالإوز؟

    ********************************************

    تزوج جحا امرأة حولة ترى الشي شيئين ، فلما كان يحين موعد الغداء أتى برغيفين ، فرأتهما أربعة ، ثم أتى بالإناء فوضعه أمامها ، فقالت له : ما تصنع بإناءين و أربعة أرغفة ؟ يكفي إناء واحد و رغيفان . ففرح جحا و قال : يالها من نعمة ! و جلس يأكل معها ، فرمته بإناء بما فيه من الطعام و قالت له : هل أنا فاجرة حتى تأتي برجل آخر معك لينظر إلي ؟ فقال جحا : يا حبيبتي , أبصري كل شئ اثنين ما عدا انا

    ********************************************

    ترك جحا كمية من الحديد عند أحد التجار , و عندما عاد للتاجر يطلب منه الحديد , أخبره التاجر بأن الحديد أكله الفأر , تظاهر جحا بالتصديق , بعد عدة أيام رأى جحا أبن التاجر فخطفة , فاخذ التاجر يبحث عن أبنه , و عندما رأى جحا سأله عن أبنه , فأجابه جحا : قد سمعت زقزقة و عندما أستعلمت عن الأمر رأيت عصافير يحملون طفل , اجابه التاجر : أتستطيع العصافير أن تحمل ولدا !! , رد عليه جحا : البلد التي تأكل بها الفئران الحديد بها الطيور تحمل الأطفال ! , ضحك التاجر و قام بإعادة الحديد لجحا .

    ********************************************

    سأل جحا يوما : إذا دخل القمر الجديد فأين يكون القديم ؟
    قال:انهم يقطعونة ويصنعون منة نجوما

    ********************************************

    تنازع شخصان وذهبا إلى جحا – وكان قاضيا – فقال المدعي : لقد كان هذا الرجل يحمل حملا ثقيلا ، فوقع على الأرض ، فطلب مني أن أعاونه ، فسألته عن الأجر الذي يدفعه لي بدل مساعدتي له ، فقال ( لا شيء) فرضيت بها وحملت حمله . وهاأنذا أريد أن يدفع لي اللا شيء . فقال جحا : دعواك صحيحه يا بني ، اقترب مني وارفع هذا الكتاب . ولما رفعه قال له جحا : ماذا وجدت تحته ؟ قال : لا شيء . قال جحا : خذها وأنصرف
    .

  15. #15
    الصورة الرمزية ™MoHaMMeD ElHaGaR
    تاريخ التسجيل
    Apr 2008
    المشاركات
    6,054
    هههههههههههههههه
    اية الكلام الجامد دة تسلم ايدك يقمر


    The Former Director General Previous

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك