موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 5 1 2 3 ... الأخيرةالأخيرة
النتائج 1 إلى 15 من 66
Like Tree0Likes

الموضوع: فيلم هندي لاميتاب باتشان هههههههههههههه

  1. #1
    الصورة الرمزية batsha
    تاريخ التسجيل
    May 2005
    المشاركات
    4,491

    فيلم هندي لاميتاب باتشان هههههههههههههه

    المشهد الأول

    >أميتاب باتشان وهوه شباب لسة راكب الفيل بتاعه ورايح الشغل وكالعادة
    >بيشتغل ظابط .. وهوه راكب قاعد يغنى بالهندي أغنيته المفضلة
    >واركب الفيل ...درجن درجن
    >واتفيّل ..درجن درجن .... . ساعتين فى اليوم .. واشد الخرطوم .. ولا
    >هييييييه ..
    >يسمع وهوه راكب صوت طفلة رضيعة بتعيط .. يركن الفيل على جنب وينزل يلقى
    >طفلة رضيعة فى اللفة جنب الجامع
    >يتأثر جدا أميتاب من منظرها الرقيق فيغنى لها نص ساعة وهيه كمان تغنى
    >له نص ساعة ..
    >ياخدها يحطها على الفيل عشان الفيل يوصلها البيت ويروح هوه شغله عشان
    >عندهم النهاردة تعديل دستور الهند .. وهوه ماشى يبص ع اليفط المتعلقة
    >فى كل أنحاء البلد ..; الرئيس شوهان يرفض التوريث يبتسم ابتسامة هندى
    >ويقول بالهندى الشعب ده هندى



    >>المشهد الثانى

    >تفوت سنين ..أميتاب راجع من شغله وعلى فكرة لسة شباب برضه وداخل البيت
    >.. البنت اللى كان لاقيها قدام الجامع كبرت واحلوت .. بقت عروسة هندى
    >يعنى
    >
    >يحبها وتحبه .. ياخدها على الغابه .. يغنى لها نص ساعة وتغنيله نص ساعة
    >..
    >وفجأة تيجى العصابة بتاعة الراجل الشرير حوالى ستين واحد عشان يخطفوا
    >البنت عشان هيه دى البنت الوحيدة فى الهند كلها اللى الراجل الشرير
    >الوِحِش عايز يتجوزها ..
    >أميتاب يحضن حبيبته بإيد وشغال ضرب فى الرجالة بإيده التانية .. يخلص
    >علي الستين واحد كلهم بمسدساتهم بمطاويهم بس للأسف ضافر واحد منهم خدش
    >دراعه .. حبيبته تجرى عليه تغنى له نص ساعة ويغنى لها نص ساعة وياخدها
    >على البيت بسرعة عشان عندهم النهاردة تعديل دستور .. وهوه ماشى يبص ع
    >اليفط يلاقي مكتوب الرئيس هوجو يوجا شاهى شوهان يرفض التوريث



    >المشهد الثالث>

    >تفوت سنين .. أميتاب باتشان راجع من شغله .. وبجد بجد لسه شباب برضه ..
    >يدخل البيت .. يلاقى ست كبيرة عجوزة نكتشف ان هيه دى الطفلة الصغيرة
    >اللى لقاها قدام الجامع .. فجأة تيجى العصابة تخطفها قدامه المرة دى
    >..يجرى وراهم بالفيل الفور باى فور لغاية ما يوصل لبيت الراجل قليل
    >الأدب الشرير اللى أكيد عنده تمساح
    >
    >يدخل البهو الكبير يلاقى الراجل واقف والست متعلقة من رجلها فى السقف
    >.. يدور بعنيه ع التمساح .. يسأل الراجل بالهندى :التمساح بتاعك فين يا
    >عم؟
    >يرد الراجل : فى البير اللى فوقه مامتك .. يتعجب أميتاب بالهندى :
    >مامتى؟ يرد الراجل بشماته : أيوة الست دى أمك ..نياهاهاهاهاهاه ..
    >ينظر له أميتاب وهو يضحك ويقول ف سره : عبيط ده وللا ايه؟
    >>يتأثر جدا أميتاب ويراجع بالهندى نشيد أمى نداء محبة بل إن كل الحب أم
    >ويمسك وجه الست بحنان ويقول لها : انتى أمى؟ ترد الست : ايوة يا أميتاب
    >يا ابنى .. أنا مارضيتش أقوللك ع الحقيقة المُرَّة دى وانا فى اللفّة
    >عشان العار ..
    >>وعشان تصدق شوف دى.. تطلّع له سلسلة فضة عليها صورة واحد مايعرفوش ..
    >أكيد ده ابويا؟ ترد عليه : لا يا بنى دى صورة عشيقى ..
    >يغنى لها نص ساعة وتغنيله نص ساعة .. يحضنها أميتاب بإيد كالعادة ويخلص
    >ع العصابة بالإيد التانية وطبعا يخللى التمساح ياكل الراجل الشرير
    >الثافل الوِحِث .. يخرج من القصر يقول لأمه : انجزى يا حاجة عشان عندنا
    >النهادرة تعديل دستور .. ينظر إلى اليفط المتعلقة الرئيس حادى بادى
    >كرنب زبادى شالو حطو كله علادى هوجا يوجا شاهى شوهان يرفض التوريث



    >المشهد الأخير>

    >تفوت سنين..أميتاب باتشان راجع من شغله .. بجد بجد بجد لسة شباب برضه
    >..راجع البيت يلقى الست أمه بقت عجوزة أوى ..
    >فجأة ييجى واحد شباب على موتوسيكل يطخ الولية عيارين .. يجرى وراه
    >أميتاب بالفيل يكتشف ان الراجل ده يبقى حفيد الراجل الشرير ..
    >يقتله اميتاب باتشان ويرجع لأمه يغنى لها نص ساعة وتغنيله نص ساعة ..
    >الست تقول له وهيه بتموت :
    >أميتاب يابنى أنا عايزة اقوللك على سر .. أنا مش أمك .. أنا أبقى جدتك
    >.. والراجل اللى انت قتلته ده يبقى ابن أخت المخرج .. والراجل الشرير
    >يبقى خالك .. وابن الراجل الشرير يبقى عمك .. والعصابة كلها أخواتك فى
    >الرضاعة ..
    >يصرخ أميتاب باتشان من الصدمة ويغنى نص ساعة وهيه تغنى نص ساعة والواد
    >المقتول يغنى نص ساعة .. الست المجهولة دى تقول له : انت مش مستعجل ليه
    >؟ هوه مفيش تعديل دستورى النهاردة ؟
    >يرد أميتاب : النهاردة الخميس أجازة من التعديلات ..
    >تموت الأم .. يلفها أميتاب بقماش من بتاع اليفط مكتوب عليه: الشعب
    >أساسا يقبل التوريث
    >
    >
    مع الاعتذار لعشاق الافلام الهنديه




    FIGHT_CLUB2000@HOTMAIL.COM

  2. #2
    الصورة الرمزية qazar7
    تاريخ التسجيل
    Apr 2007
    المشاركات
    528
    طفلة رضيعة فى اللفة جنب الجامع
    :sly00000:
    يتأثر جدا أميتاب من منظرها الرقيق فيغنى لها نص ساعة وهيه كمان تغنى
    >له نص ساعة
    :sly00000: نعديها دي
    يخلص
    >علي الستين واحد كلهم بمسدساتهم بمطاويهم بس للأسف ضافر واحد منهم خدش
    >دراعه
    ههههه دي شفتها كتير...
    وبجد بجد لسه شباب برضه
    مصدقك من غير ما تحلف
    يجرى وراهم بالفيل الفور باى فور
    :crazy000:
    يسأل الراجل بالهندى :التمساح بتاعك فين يا
    >عم؟
    قاله يا عم.... الصبر يارب...قووول
    يا ابنى .. أنا مارضيتش أقوللك ع الحقيقة المُرَّة دى وانا فى اللفّة
    >عشان العار
    :crazy000: :crazy000:
    يخرج من القصر يقول لأمه : انجزى يا حاجة
    :no000000: :crazy000: :crazy000:
    بجد بجد بجد لسة شباب برضه
    :shutup00:

    مشوار صغير للعباسيه و راجعلك

  3. #3
    تاريخ التسجيل
    Apr 2007
    المشاركات
    30
    هههههههههههههههه احلىفيلم هندى لاميتاب لغاية دلوقتى لانه كوكتيل لافلامه الف شكر مع انى بموت فى اميتاب بس موضوع فى غاية الروعه

  4. #4
    الصورة الرمزية دايما في بالي
    تاريخ التسجيل
    Mar 2007
    المشاركات
    111
    امال((( جبار سي )))فين يا مان و....محبوبه اه مخبوبه
    وجي ماني هي هي والحاجات دي القصه ناقصه يا معلم
    شكرا يا غالي عالموضوع
    اللهم اني اشهدك اني تبت اليك من سماع الاغاني وتبت اليك من سماع الموسيقي وتبت اليك من سماع كل ما يغضبك فاللهم تب علي واغفر ولا تردني لذلك مره اخري

  5. #5
    الصورة الرمزية elmohtrf_a1
    تاريخ التسجيل
    May 2005
    المشاركات
    4,011
    واركب الفيل ...درجن درجن
    دا كدا مش يبقا شغال ظابط دا يبقا شغال سعد الصغير بس الهندى
    ايه الحلاوه دى يا باتشا
    الصراحه الله ينور عليك يا مان


  6. #6
    الصورة الرمزية bebo bakkar
    تاريخ التسجيل
    Jan 2006
    المشاركات
    529
    ههههههههههههههههههههههههههههه جامد موت
    والله إني أحبكم في الله

    "هذه دار كبد ونكد دارٌ إذا ما أضحكت يوماً أبكت غداً قبحاً لها من دارِ فعليك أن ترفع لافتة لا تحزن إن الله معنا"

    لو عايز تتوب ادخل على الرابط ده
    فالصو .. فالصو .. فالصو
    تعلم أحكام التجويد مع .. تحفة الأطفال و الغلمان

  7. #7
    تاريخ التسجيل
    Dec 2005
    المشاركات
    316
    ههههههههه يخرب عئلط يا بتشا بجد حركة جامدة منك انا فتطست على روحى من الضحك بس انا كنت عايز اسائل ساعتك سؤال بس بعد نص ساعة
    عن الامام الطبراني رضي الله عنه .. عن رسول الله صلي الله عليه وسلم.. انه قال

    من قال: جزا الله محمدا عنا ما هو اهله فقد اتعب سبعين من كتبة الملائكة يكتبون له ثوابها ألف صباح صدق رسول الله صلي الله عليه وسلم

  8. #8
    الصورة الرمزية batsha
    تاريخ التسجيل
    May 2005
    المشاركات
    4,491
    اقتباس المشاركة الأصلية كتبت بواسطة qazar7 مشاهدة المشاركة
    :sly00000:
    :sly00000: نعديها دي


    ههههه دي شفتها كتير...
    مصدقك من غير ما تحلف
    :crazy000:

    قاله يا عم.... الصبر يارب...قووول
    :crazy000: :crazy000:
    :no000000: :crazy000: :crazy000:
    :shutup00:

    مشوار صغير للعباسيه و راجعلك

    ههههههههههه
    شكرا ليك

    على فكره لو رحت مش هترجع

  9. #9
    الصورة الرمزية batsha
    تاريخ التسجيل
    May 2005
    المشاركات
    4,491
    اقتباس المشاركة الأصلية كتبت بواسطة drakola_kiss مشاهدة المشاركة
    هههههههههههههههه احلىفيلم هندى لاميتاب لغاية دلوقتى لانه كوكتيل لافلامه الف شكر مع انى بموت فى اميتاب بس موضوع فى غاية الروعه

    شكرا ليك يا عم دركولا
    وعلى فكره اميتاب شان بيحبك برده
    هههههههههههههههههههه

  10. #10
    الصورة الرمزية batsha
    تاريخ التسجيل
    May 2005
    المشاركات
    4,491
    اقتباس المشاركة الأصلية كتبت بواسطة دايما في بالي مشاهدة المشاركة
    امال((( جبار سي )))فين يا مان و....محبوبه اه مخبوبه
    وجي ماني هي هي والحاجات دي القصه ناقصه يا معلم
    شكرا يا غالي عالموضوع
    شكرا ليك يا دايما فى بالى
    بس الرد بتاعك متكرر
    وخد باللك بعد ده

  11. #11
    الصورة الرمزية batsha
    تاريخ التسجيل
    May 2005
    المشاركات
    4,491
    اقتباس المشاركة الأصلية كتبت بواسطة elmohtrf_a1 مشاهدة المشاركة
    دا كدا مش يبقا شغال ظابط دا يبقا شغال سعد الصغير بس الهندى
    ايه الحلاوه دى يا باتشا
    الصراحه الله ينور عليك يا مان
    حبيبى يا محترف
    ولا حلاوه ولا حاجه
    دى اقل حاجه عندنا

  12. #12
    الصورة الرمزية batsha
    تاريخ التسجيل
    May 2005
    المشاركات
    4,491
    اقتباس المشاركة الأصلية كتبت بواسطة bebo bakkar مشاهدة المشاركة
    ههههههههههههههههههههههههههههه جامد موت

    اى خدمه يا بيبو
    وشكرا ليك يا غالى على الرد والمشاركه

  13. #13
    الصورة الرمزية batsha
    تاريخ التسجيل
    May 2005
    المشاركات
    4,491
    اقتباس المشاركة الأصلية كتبت بواسطة static-x-_- مشاهدة المشاركة
    ههههههههه يخرب عئلط يا بتشا بجد حركة جامدة منك انا فتطست على روحى من الضحك بس انا كنت عايز اسائل ساعتك سؤال بس بعد نص ساعة


    طيب هرد عليك بعد نص ساعه انا كمان
    ههههههههههههههههه
    شكرا ليك

  14. #14
    الصورة الرمزية oriental tales!
    تاريخ التسجيل
    Mar 2007
    المشاركات
    676
    ههههههههههه ههههههههه
    أنا هرد عليك علطول عشان انا مليش ف الأفلام الهندي!!
    من غير تمثيل . موضوعك جميل . وملوش مثيل:clap0000:
    بالتوفيق دايماً يا غالي:bye10000:

    Address people in the language they can understand
    خاطبوا الناس على قدر عقولهم

  15. #15
    الصورة الرمزية G.a.L.a.x.y
      G.a.L.a.x.y غير متصل °¨¨™¤¦ الــديــفـ يـ,ـاقـــ,ــوتـــ,ــة ــيــدي¦¤™¨¨°
    تاريخ التسجيل
    Apr 2007
    المشاركات
    6,369
    ههههههههههههههههههه

    يعني بجد مش عارفه اقولك ايه :harhar10:

    ايه يا بوتا اللي انت عامله ده :crazy000:

    انا اتأثرت اوي بالفيلم ده وهريت نفسي عياط :shutup00:

    بجد موضوع تحفه :icon30:




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك