موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 1 من 5 1 2 3 ... الأخيرةالأخيرة
النتائج 1 إلى 15 من 67
Like Tree0Likes

الموضوع: ***كل ما تودين معرفته عن براون سيلك ابيل الجديده(بالتصوير الممل)***

  1. #1
    تاريخ التسجيل
    Nov 2005
    المشاركات
    121

    Yes ***كل ما تودين معرفته عن براون سيلك ابيل الجديده(بالتصوير الممل)***

    باختصار اخيرا بعد بحث طويل قررت شراء براون سيلك ابيل والحمد لله اشتريتها وسأضع بين ايديكم كل معلومه عرفتها عن هذه الاله المدهشه (والمنقذه)

    يلا بسم الله نبدأ

    اولا هذه صورتها واسمها silk epil Xpressive

    هذه صوره العلبه من الخارج

    وهذه صوره الماكينه الجديده

    وهذا طقم هديه من اولاي Olay عباره عن
    1-كريم تفتيح البشره الطبيعي
    2-كريم الليل لتفتيح البشره
    3-غسول الوجه لتفتيح البشره

    وهذه عبوه مناديل بها 16 منديل من تصميم اولاي ايضا وتوضع على الجسم قبل نزع الشعر

    وهذه اهم صوره وارجو التركيز واعذروني عن سوء التصوير
    عند شرائي براون سيلك ابيل واجهت صعوبه في الاختيار لاني وجدت اصلي وتقليد
    التقليد شبه الاصلي تماما ولكن بلد الصنع مكتوبه على قطعه بلاستيك صغيره وموضوعه على الجهاز
    اما الاصليه فمحفوره على الجهاز نفسه بدون فواصل عند نزع السلاح او راس الملاقيط
    لاحظوا اول سهم مكتوب Made in germany
    والسهم الثاني هو شعار واسم الشركه Braun

    وهذه صوره الشاحن وهو صنع في الصين وليس الماني

    وهذه فرشه لتنظيف الاسلحه او الملاقيط

    [center][SIZE=5]يتبع صور تفصيليه لباقي الرؤوس

  2. #2
    تاريخ التسجيل
    Nov 2005
    المشاركات
    121
    الاتي صور لجميع الملاقيط او الرؤوس وفي نهايه الموضوع سأضع تجربتي مع كل سلاح

    اولا هذه صوره لرأس الملاقيط الخاصه بالوجه


    وهذه صور للرأس الخاصه بالحلاقه


    وهذه من زاويه اخري وهنا لكي حريه الاختيار (حلق او تشذيب)


    وهذه صوره لراس الحلاقه من الداخل بعد نزع الغطاء(وطبعا لا يمكن الحلاقه بها وهيا بهذه الحاله )ws:-)


    وهذه توضع على راس الحلاقه للتسهيل اثناء الحلاقه وتعمل على تسريح الشعر وتفريقه وتهيئته للحلاقه وذلك لسهوله الحلق


    وهذه صوره بعد تركيبها


    وهذه صوره من زاويه اخري جانبي


    وهذه راس توضع على راس الملاقيط الكبيره وهي خاصه بالمنطقه الحساسه والابط


    وهذه بعد تركيبها والسهم يشير الي لمبه صغيره موضوعه للاناره لكي اثناء نزع الشعر

  3. #3
    تاريخ التسجيل
    Nov 2005
    المشاركات
    121
    من خلال بحثى على الانترنت وجدت في منتدى تركي بعض الصور للماكينه ولكن اكثر دقه واضعها الان بين ايديكم

    اولا هذه فرشه التنظيف


    الشاحن


    وهذه راس الملاقط الكبيره ولكن بدون الغطاء


    وهذه الغطاء الخاص بالابط والمنطقه الحساسه ويوضع على الرأس الكبيره السابقه


    وهذه الصوره بعد تركيب غطاء المنطقه الحساسه على رأس الملاقط الكبيره


    وهذا الغطاء يوضع أيضا على رأس الملاقيط الكبيره ويعمل على تدليك الجسم اثناء النزع(Massage system)


    وهذا الغطاء الخاص برأس نزع شعر الوجه


    وهذه رأس نزع الشعر من الوجه بدون الغطاء السابق


    وهذه المناديل الموضوعه مع براون



  4. #4
    تاريخ التسجيل
    Nov 2005
    المشاركات
    121
    ودلوقتي بقى هاتي ودنك واسمعي كل حاجه انا عرفتها عن براون سيلك ابيل الجديده

    واسمحولي حتكلم بالمصري شويه

    نبتدي بمميزات الماكينه الثوريه براون سيلك ابيل

    من خلاص تجربتي البسيطه فهيا ماكينه راااااااائعه خصوصا لو مزاجك من رايق لانها سريعه ومنقذه وتنزع الشعر في وقت قياسي بعكس الحلاوه وهذا غير عن نضافتها نفسها يعني لا تلزيق وغيره

    بالنسبه لنزع الشعر فبراون سيلك ابيل محتاجه شويه خبره منك اثناء نزع الشعر لان لو استخدمتيها ستلاحظين انها من الجائز ان تقصف الشعر ولا تنزعه وذلك يرجع لان الشعر طويل اطول من اللازم وايضا طريقه وضع الاله على الجسم

    بالنسبه لي (وانا من صاحبه الشعر القوي والغزير) فاحسن طريقه للنزع والشعر قصير وهذا مفيد جدا لانك ستظلين دائما ناعمه كالحرير يعني مش تستني لما الشعر يطول علشان الحلاوه تقدر تنزعها

    وبالنسبه لطريقه النزع فكانت افضل طريقه هيا ان تكون الماكينه عموديه على الجسم

    اما عن نزع شعر الوجه والذي لاحظت تساؤلات ومخاوف كثيره

    فقد قمت بنزع شعر الوجه كاملا براس نزع شعر الوجه وكانت مؤلمه قليلا لكن ليست اكثر ولا اقل من الفتله

    اما عن وجهي فانا من صاحبه الشعر الكثيف الاسود وخصوصا الذقن وكانت مشكلتي اني كل اسبوع اعمل فتله اما الان من يوم ما اشتريت براون ولا اذهب للكوافيره نهائي

    اما عن مشاكلها فهيا محتاجه ان تتعودي عليها لان في اول استخدامها ستلاحظين احمرار مسامات الجلد قليلا وفي الوجه لو اكثرتي منها في منطقه معينه سيظهر وجهك كأنه ملدوغه بالنحل

    هذا ما استطيع قوله الان ولو فيه اي استفسار او تساؤلات ان شاء الله سأقوم بالرد عليها

    اخر شيء اود قوله

    الماكينه صنع في المانيا

    العلبه الخارجيه صنع في الصين

    المناديل الموضوعه لكي تستخدميها قبل نزع الشعر صنع في هولندا

    بالنسبه لسعرها في مصر سمعت انها عرض في كارفور ب 650 جنيه
    ووجدتها في فتح الله ماركت(اسكندريه) ب 744 جنيه

    اما عن نفسي اشتريتها من السعوديه ب 380 ريال اي ما يعادل 540 جنيه مصري

    واخيييييييرا اود ان اوضح ان الموضوع متعوب عليه ووضعته للاستفاده ولا اطلب اي شيء سوى الدعاء بتسيير زواجي ورزقي بالذريه الصالحه واي استفسار انا في الخدمه



  5. #5
    الصورة الرمزية romanza
    تاريخ التسجيل
    Dec 2005
    المشاركات
    13,627

    22

    تم التثبيت
    دي أول حاجة لازم أقولها

    تاني حاجة مش عارفة إيه الفرق بين اللي فيها لون أزرق واللي فيها لون أحمر
    لأن الأحمر فيها نفس القطع

    ومعاها المناديل لكن مش معاها باقي مجموعة أولاي

    تالت حاجة أحب أضيف ان موديل اللي انا بتكلم عنها وبنفس القطع هو 7681

    واللي يحب يشتريها

    أرخص مكان لقيتها فيه كانت بـ 750 جنيه عند كارفور المعادي

    مالقيتهاش أرخص من كده في حتة تانية
    ونصيحة هاامة جداااااا

    لازم لازم تقرأي الكتيب اللي معاها
    لأن فيه أخطاء كتير أوي ممكن تقع فيها كل واحدة
    كطريقة غسيلها لأن من مميزاتها انها بتتغسل بالميا عادي

    وكمان طريقة مسكها لأنها لازم تكون عمودية وملامسة للجلد وإلا عملت التهابات وتعوير في الجلد
    وحاجات تانية هتلاقيها في الكتيب اللي معاها هتفيدك

    جزاك الله كل خير على الموضوع الأكثر من رائع ومفيد لكل عروسة

    التعديل الأخير تم بواسطة romanza; 29-04-2009، الساعة 05:13 PM

  6. #6
    تاريخ التسجيل
    Nov 2005
    المشاركات
    121
    اقتباس المشاركة الأصلية كتبت بواسطة romanza مشاهدة المشاركة
    تم التثبيت
    دي أول حاجة لازم أقولها

    تاني حاجة مش عارفة إيه الفرق بين اللي فيها لون أزرق واللي فيها لون أحمر
    لأن الأحمر فيها نفس القطع

    ومعاها المناديل لكن مش معاها باقي مجموعة أولاي

    تالت حاجة أحب أضيف ان موديل اللي انا بتكلم عنها وبنفس القطع هو 7681

    واللي يحب يشتريها

    أرخص مكان لقيتها فيه كانت بـ 750 جنيه عند كارفور المعادي

    مالقيتهاش أرخص من كده في حتة تانية
    ونصيحة هاامة جداااااا

    لازم لازم تقرأي الكتيب اللي معاها
    لأن فيه أخطاء كتير أوي ممكن تقع فيها كل واحدة
    كطريقة غسيلها لأن من مميزاتها انها بتتغسل بالميا عادي

    وكمان طريقة مسكها لأنها لازم تكون عمودية وملامسة للجلد وإلا عملت التهابات وتعوير في الجلد
    وحاجات تانية هتلاقيها في الكتيب اللي معاها هتفيدك

    جزاك الله كل خير على الموضوع الأكثر من رائع ومفيد لكل عروسة


    والله فوجئت بسرعه تثبيت الموضوع ولكي كل الشكر

    اما عن الفرق بين الزرقاء والحمرا ففعلا الاتنين نفس القطع ولكن الفرق ان الحمرا تعمل بالشحن اي انه يتم شحنها ثم فصلها عن الكهرباء وتعملي بها بدون توصيل كهرباء ...انما الزرقاء لا تعمل الا اذا كانت موصله بالكهرباء

    اما عن موديل الزرقاء فهو 7680 (type 5375)

    وبالنسبه للكتيب فلقد قرأت جميع تعليماته واي استفسار من الاخوات ان شاء الله سأجيب عليه

  7. #7
    الصورة الرمزية romanza
    تاريخ التسجيل
    Dec 2005
    المشاركات
    13,627
    أيوة فعلا

    عشان كده الزرقاء أرخص أنا عن نفسي بحب جدا ميزة الشحن دي فيها

    ممكن استخدامها في أي مكان دون عناء الجلوس بجانب الفيشة عشان السلك

    وفعلا لقيتها في كارفور بـ 650

    وفيه أماكن بتبيعها بـ 711

    التعديل الأخير تم بواسطة romanza; 29-04-2009، الساعة 06:09 PM

  8. #8
    تاريخ التسجيل
    Nov 2005
    المشاركات
    121
    اقتباس المشاركة الأصلية كتبت بواسطة romanza مشاهدة المشاركة
    أيوة فعلا

    عشان كده الزرقاء أرخص أنا عن نفسي بحب جدا ميزة الشحن دي فيها

    ممكن استخدامها في أي مكان دون عناء الجلوس بجبنب الفيشة عشان السلك

    وفعلا لقيتها في كارفور بـ 650

    وفيه أماكن بتبيعها بـ 711


    فعلا الزرقاء ارخص لنفس السبب ده لكن ميزه الشحن سمعت انها والله اعلم مع الوقت تقل كفائه البطاريه وعلشان كده اشتريت الزرقاء اضمن وبعدين سلك الشحن طوييييل يعني مش متعب ولا بيضايقني

    الشحن مفيد للناس اللي معندهومش فيشه في الحمام لان مره واحده قالت لي المشكله ده فاقترحت عليها تغيرالشقه :
    التعديل الأخير تم بواسطة contesa; 29-04-2009، الساعة 06:07 PM

  9. #9
    الصورة الرمزية romanza
    تاريخ التسجيل
    Dec 2005
    المشاركات
    13,627
    الشقة كلها مرة واحدة؟
    فكرة مش بطالة هههه

  10. #10
    تاريخ التسجيل
    Nov 2005
    المشاركات
    121
    اقتباس المشاركة الأصلية كتبت بواسطة romanza مشاهدة المشاركة
    الشقة كلها مرة واحدة؟
    فكرة مش بطالة هههه

    ماهو لو كان ينفع كنت نصحتها تغير الحمام بس

    انتي جربتي السيلك ابيل ولا لسه بتفكري تشتريها؟ ... لانها لسه جديده عندي وبرضه عايزه اعرف خبرات اكتر من اللي جربوها

  11. #11
    الصورة الرمزية romanza
    تاريخ التسجيل
    Dec 2005
    المشاركات
    13,627
    أيوة جبتها من كارفور المعادي اللي هي 7681 بـ 750 جنيه

    جميلة جدا وأهم حاجة لازم تاخدوا بالكوا منها ماتبعدوهاش عن الجلد دي نقطة
    عشان بتوجع أكتر

    تاني نقطة تاخدوا بالكو منها هي انها تكون عموووودية

    نقطة مهمة جدا عشان لو الملاقط على الجلد علطول من غير ماتكون عمودي هتعور

    تالت حاجة اوعي اوعي اوعي تستخدميها من غير كاب (غطا الرأس بتاعتها)

    هتبهدل الجلد

  12. #12
    الصورة الرمزية ღ♥ღ J€ŜŜY ღ♥ღ
    تاريخ التسجيل
    Apr 2008
    المشاركات
    6,914
    الموضوع فعلا يستحق التثبيت جزاك الله كل خير على المعلومات دى
    و ربنا يوفقك فى جوازك يارب و يتمملك بخير و يرزقك بالذرية الصالحة
    و ميرسى يا قمر على المجهود دة
    التعديل الأخير تم بواسطة ღ♥ღ J€ŜŜY ღ♥ღ; 29-04-2009، الساعة 08:29 PM

  13. #13
    تاريخ التسجيل
    Nov 2005
    المشاركات
    121
    اقتباس المشاركة الأصلية كتبت بواسطة ღ♥ღ j€ŜŜy ღ♥ღ مشاهدة المشاركة
    الموضوع فعلا يستحق التثبيت جزاك الله كل خير على المعلومات دى
    و ربنا يوفقك فى جوازك يارب و يتمملك بخير و يرزقك بالذرية الصالحة
    و ميرسى يا قمر على المجهود دة
    تسلميلي يارب ويارب يجازيكي خير على اد نيتك الطيبه

  14. #14
    الصورة الرمزية nouraaaaaa
    تاريخ التسجيل
    Aug 2007
    المشاركات
    224
    الموضوع اكتر من رائع بجد و مش قادرة اقولك انت اد ايه افدتينى لان الماكينة اللى عندى قدمت اوى و عايزة انا كمان اشترى واحدة قبل ما اتجوز ان شاء الله
    بجد جزاكى الله كل خير و ربنا ييسرلك زواجك و يكون شخص صالح يستاهلك و يكون منه المال و منك العيال يا رب اللهم امين
    و ربنا يتمملك على خير يا رب و تكون حياتك كلها هنا يا رب و انا كمان يا رب

  15. #15
    تاريخ التسجيل
    Aug 2008
    المشاركات
    4,441
    ميرسي يا جميل

موضوع مغلق
صفحة 1 من 5 1 2 3 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك