موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 2 من 2 الأولىالأولى 1 2
النتائج 16 إلى 26 من 26
Like Tree0Likes

الموضوع: عايزين نعمل قائمة بجميع احتياجات جهاز العروس

  1. #16
    الصورة الرمزية iten_nn
    تاريخ التسجيل
    Nov 2007
    المشاركات
    6,568
    اقتباس المشاركة الأصلية كتبت بواسطة strawberry_a مشاهدة المشاركة
    تسلم ايدك ياتونا بجد تحفه مووووووووت التوبيك ده انتى ماشاء الله افكارك كلها هايله بجد ياقمر وان شاء الله هفكر معاكوا فى حاجات حلوه ومفيده
    والله انت اللي قمراية بجد تسلمي يا غالية ومنتظرين افكارك

  2. #17
    الصورة الرمزية Die Blumen
    تاريخ التسجيل
    Jun 2008
    المشاركات
    1,663
    بجد موضوع جميل اوي ياايتين وان شاء الله اكون معاكوا في الموضوع ده
    قريبا
    أستغفر الله العظيم

  3. #18
    الصورة الرمزية iten_nn
    تاريخ التسجيل
    Nov 2007
    المشاركات
    6,568
    اقتباس المشاركة الأصلية كتبت بواسطة Die Blumen مشاهدة المشاركة
    بجد موضوع جميل اوي ياايتين وان شاء الله اكون معاكوا في الموضوع ده


    قريبا


    ان شاء الله في انتظارك

  4. #19
    الصورة الرمزية conq_106
    تاريخ التسجيل
    Dec 2007
    المشاركات
    352
    الافكار نيش جميله




  5. #20
    تاريخ التسجيل
    Oct 2010
    المشاركات
    17
    السلام عليكم ورحمه الله وبركاته

    كيفكم ياقمرات المنتدي فكرتك حلوه اوى ياايتن والله انا فعلا مبسوطه اني برد عليكي
    انا كمان عروسه وتجوز قريب ان شاء الله وحبيت اشارك معاكم عشان بردوا يمكن افيدكم شويه
    ويارب تتقبلوني بينكم وتتقبلو مشاركتي
    اولا مبروك لكل عرايس المنتدي وعقبال كل البنات يااااارب عاجلا غير اجلا
    ثانيا ياقمرى هكلمكوا النهاردا عن النيش ان شاء الله وانا جيبت ايه
    ولما ارصه ان شاء الله هصورو ليكم واحط صورته ان شاء الله في المنتدي
    بصوا يابنات النيش اول شئ وانتي بتجيبي الكاسات والاطقم ياريت بلاش تكتري من الالوان
    يعني بلاش نجيب مثلا طقم مدهب ومعاه فضي وداخل فيه روز نكتفي بلون او اتنين كفايا




    انا جبت 3 اطقم كاسات للنيش فقط عايزه تكترى مافيش مشاكل بس احسن بلاش تكترى
    وجبت كمان طقم شربات بس رقيق مافيهوش تفاصيل كتير لاني جايبه اطقم الكاسات كريستال وجبت كمان طقم الصيني بس علي فكره مش كل الطقم بيتحط انا بس هحط اطباق الجاتوه علي استندات في النيش والباقي طبعا في البوفيه
    وطبعا طقم الاكروبال بس بردو مش كله بيتحط في النيش يعني يادوب بنعرض منه اجزاء وممكن نجيب طقم شاي وقهوه ومعاه اطباق جاتوه وفيه طقم جيلي او خشاف
    الطقم دا جيباه وجامع بين كل ده
    وطبعا ممكن تجيبي كاسات بوهيمي بتكون شكلها رائعه في النيش هي غاليه شويه بس بصراحه انا جبت منها طقم واحد لانها فعلا غاليه ولو عايزه تزودي اي طقم من عندك انتي حابه تجبيه مافيش مشكله
    بس الاحسن نخلي شكل النيش رقيق
    وطبعا ماننساش نحط لمستنا في النيش وهي طبعا الاكسسوارت زى مثلا دي





    وعلي فكره يابنات ممكن تحطي في النيش مفارش مفرش السفره بتاعك هتلاقي شكلها جميل جدا عشان مفرش السفره مفروش وفي النيش طبعا المفارش بتاعته طبعا هيكون في تناسق حلو جدا زى مثلا المفارش دي


















    واقول لكم علي سر انا هعمله تعرفو طبعا الورد المجفف انا جبت منه 3 اكياس وهحط منه حولين الكاسات واطقم النيش هفرده في النيش بيعطي شكل وريحه رائعه
    واقول لكم كمان علي السر التاني طبعا كلنا بنلبس اكسسوارات اي عقد عندك انتي مستغنيه عنه حطيه في النيش لفيه حوالين الكاس مثلا وحطي في الكاس ورقه ورد مجفف هيدي شكل تحفه
    بس ياقمرات النهاردا النيش واللي عندها اي معلومه بردو تيجي وتقولها
    وان شاء الله المره اللي جايه نقول ادوات المطبخ كلها

    التعديل الأخير تم بواسطة ღ♥ღ J€ŜŜY ღ♥ღ; 08-11-2010، الساعة 01:01 PM

  6. #21
    الصورة الرمزية ღ♥ღ J€ŜŜY ღ♥ღ
    تاريخ التسجيل
    Apr 2008
    المشاركات
    6,914
    و عليكم السلام و رحمة الله
    منورة المنتدى يا لامار
    مشاركتك حلوة اوى و مفيدة و ياريت دايما تبقى معانا و تشاركينا بافاكارك
    و احنا مبسوطين انك بقيتى معانا فى المنتدى و خصوصا فى تجهيز العرايس

  7. #22
    تاريخ التسجيل
    Oct 2010
    المشاركات
    17
    السلام عليكم ورحمه الله وبركاته
    تسلمي حبيبتي جيسي علي ردك الجميل ده وانا والله العظيم اللي فرحانه اوى اني معاكم وبقدر استفيد منكم ياقمرات ويارب اقدر اقدم اي شئ بس يبسطكم وفعلا تطبقوه في حياتكم
    النهاردا ان شاء الله هنكمل بقيت السفره والبوفيه طبعا وهتكلم معاكم الوقتي عن الطربيزه نفسها ممكن اي بنت تقول هي مش مشكله يعني الطربيزه تعرفي بقي الطربيزه دي اللي هتبين مدي جمال سفرتك عارفين ازاي؟؟؟؟؟؟؟؟ ها قولتولي ازاي بصي ياجميلات مفارش السفره دي من اهم شئ موجود عندك في السفره لان المفارش واكسسوارات الشقه تقريبا دي نص جمال الشقه والنص التاني طبعا وجودكم انتم فيها ياقمرات فنتوكل علي الله ونتكلم عن مفرش السفره ودي بعض مفارش السفره اللي ممكن تحطيها في بيتك وبتدي شكل رائع



















    دي طبعا مفارش جميله بس اكيد زوقكم انتو كمان هيكون احلي في الشراء
    طبعا مينفعش نسيب الطربيزه كدا يادوب بالمفرش طيب ايه الحل؟؟؟؟؟؟؟؟
    قولتولي ايه الحل الحل ياقمرات نجيب طبق فاكهه شكله جميل ومحندق كدا ميكونش كبير اوى ويتحط في وسط الطربيزه
    وعلي فكره مش لازم يكون مدور في اشكال منه حلوه اوى زى مثلا الكريستال





    وممكن كمان نجيب من الفضه زى دي








    يبقي كدا حبيباتي خلصنا الطربيزه بالمفرش وطبق الفاكهه
    نيجي بقي حاليا للبوفيه طبعا البوفيه ثالث قطعه في السفرا بعد النيش والطربيزه وعلي فكره مش كل الناس بتجيب بوفيهات في سفرتها انا واحده من الناس للاسف منفعش عندي بوفيه البوفيه طبعا بيلم اكبر قدر ممكن من الصيني طبعا والاركوبال وكمان شنطه الملاعق طبعا احنا رصينا بعض من اطباق الصيني علي استندات وكمان الفناجين وكمان شويه من الاركوبال في النيش الباقي طبعا كله بيتحط في البوفيه من جوه كدا جميل ومش مهم طبعا ترسي بشكل كويس لانه اصلا كدا كدا مقفول مش بيبان زي النيش تعالو باه للي فوق البوفيه بيكون فيه مرايا كبيره طبعا دي بتنورلك المكان كله بس مينفعش بردو نسيبه كدا لازم اي تحفه عليه او اي اكسسوارات ودي صوره البوفيه



    وزى ماقولنا لازم نطبعا نحط اي شئ علي البوفيه من فوق ايه رايكم لو نحط شمعدان عليه من فوق ؟؟؟
    بجد هتلاقوا الشكل في الاخر رائع زى مثلا دا











    وبكدا حبيباتي نكون خلصنا السفره كلها بكل قطعها النيش والطربيزه وكمان البوفيه
    واتمني يارب اني اكون قدرت اوصل اي معلومه وتستفيدو بيها يارب
    ولاتنسوني من دعواتكم لي بظهر الغيب وان الله يمن علي امي بالشفاء العاجل
    وان شاء الرحمن المره اللي جايه هندخل المطبخ ونشوف ياتري هنجيب ايه ونحط ايه واكسسوارات المطبخ باذن الله تعالي
    وتقبلوا مرورى

  8. #23
    الصورة الرمزية ღ♥ღ J€ŜŜY ღ♥ღ
    تاريخ التسجيل
    Apr 2008
    المشاركات
    6,914
    افكارك جميلة اوى يا لامار و مفيدة جدا جدا
    ربنا يكرمك يا قمر و يتمملك بخير يارب و يعجل بشفاء والدتك اللهم آمين
    متابعة معاكى دايما ان شاء الله

  9. #24
    الصورة الرمزية ღღღỸẵŞ๓ξęŋǎღღღ
    تاريخ التسجيل
    Jul 2007
    المشاركات
    5,093
    فكرة جميله اوى ياايتن

    ودى مشاركتى فى الموضوع

    ادوات المطبخ والنيش


    طقم حلل الومنيوم

    طقم حلل استالس

    طقم حلل صاج

    حلل تيفال

    حلل بيركس

    حلل اركوبال

    حلة بمصفاة للمكرونة

    حلة ضغط

    طقم صيني

    طقم أر كوبال

    طقم بيركس

    طقم عشا

    طقم ميلامين

    طقم بيركس صواني فرن

    طقم صواني ألمونيوم مدور

    طقم صواني ألمونيوم مربع

    طقم صواني ألمونيوم للبيتزا

    قوالب للكيك ألمونيوم

    طقم صواني تيفال مدور


    طقم صواني تيفال مربع

    طقم صواني تيفال للبيتزا

    قوالب للكيك تيفال

    قالب للأرز )بر يوش ) ألمونيوم

    قالب للأرز )بر يوش ) تيفال

    طاسات تيفال

    طاسات تيفال بغطاء

    طاسات الومنيوم

    طاسات الومنيوم بغطاء

    طاسة لقلى البطاطس

    طقم كسرولة المونيوم

    طقم كسرولة المونيوم بغطاء

    طقم كسرولةتيفال

    طقم كسرولة تيفال بغطاء

    كتشن ماشين

    كبه للفرم

    فرن أو ميكروويف
    عصارة برتقال كهرباء

    مضرب بيض كهرباء

    شواية

    ميزان للمطبخ

    غلاية

    براد صاج

    براد ألمونيوم

    براد استالس

    براد بيركس

    طقم كنك صاج

    طقم كنك ألمونيوم

    طقم كنك تيفال

    حاملة كنكة القهوة

    لبانة صاج

    لبانة ألمونيوم

    لبانة تيفال

    شنطةالملاعق للاستعمال

    طقم التوزيع

    طقم التوزيع للتيفال

    طقم سكاكين للمطبخ

    سكاكين فرداني ومسن

    طواجن للفرن

    صواني تقديم للاستعمال العادي

    صينية كبيرة للعشاء

    زجاجات المياه الملونة

    شفا شق للعصير

    شفشق بالمعيار(متدرج(

    طقم توابل

    برطمانات بلاستيك كبيرة للتخزين

    ملاعق لطقم البهارات

    علب الثلاجة

    هراسة ثوم

    هون

    مطحنة يدوية للتوابل

    لوح التقطيع

    ولاعة للبوتاجاز
    مانعة فوران اللبن (بيركس)

    شياطة الأرز

    فرشة بيض

    فرشه للسمن

    مبشرة بصل

    فطاعة للبطاطس

    طقم مصافي صغيرة للسوائل

    مصفاة برجلين

    مصفاي بلاستك لغسيل الخضار

    منخل إستانلس

    قشارة

    طقم معلاق خشب

    مضرب بيض سلك

    عصارة يدوية

    مدق للبانيه واللحم

    قمع

    مقوار

    قوالب ثلج

    قطاعه بيتزا

    مساكة الجاتوه

    حوامل سخن

    معلقة ايس كريم

    طقم ملاحات للسفرة

    قرطاس للكريم شانتيه

    طبق غويط للعجن

    مخرطة الملوخية

    فتاحة علب السمن

    مقص بفتاحة سلستين

    فتاحة

    طبق لتقديم الفاكهة

    طقم ماجات للشوربة

    النشابه

    هراسه بطاطس

    غطاء للطرطشة

    ماكينة لف ورق العنب

    صنية تورتة

    سكريه

    مجات

    سرفيس سمك

    طقم جيلي للاستعمال

    فناجين قهوة للا ستعمال

    أكواب شاي للاستعمال

    أكواب ماء للاستعمال

    كاسات للاستعمال

    شيالة البصل والثوم

    مطبقية فوق الحوض

    صفاية الملاعق البلاستيك

    عليقات للمطبخ

    شيالة ماجات

    حامل مناديل مطبخ

    جوانتى بلاستك

    طقم جوانتى ومساكات و مريلة

    فوط للتلميع والتنظيف

    فوط مطبخ لليد

    مفارش النيش


    طقم صيني


    شنطةالملاعق


    طقم كاكاو


    طقم فناجين شاي


    طقم الجاتوة


    طقم شربات للنيش


    طقم خشاف للنيش


    طقم قهوة


    كاسات كريستال


    طقم شاي و ماء مذهب


    تحف للنيش

    كاسات ايس كريم


    كاسات
    *


    المفروشات

    بطانية مفرد

    بطانية مجوز

    لحاف فيبر

    لحاف فيبر ستان

    لحاف اطفال

    مفرش سرير

    كفرتة

    كفرتة بالخداديات

    فوط قطيفة كبير

    فوط قطيفة وسط

    فوط قطيفة صغيرة

    فوط قطن كبيرة

    فوط قطن وسط

    فوط قطن صغيرة

    بشكير قطن

    بشكير قطيفة

    برنس حمام مزدوج

    برنس حمام فردانيملايات سرير كبير سادة

    ملايات سرير كبير منقوش

    ملايات سرير كبير6 قطع

    ملايات سرير صغير ساده

    ملايات سرير صغير منقوش

    ملايات سرير 3 قطع

    مفرش قطيفة

    لحاف صيفي

    مفرش للسفرة

    مفرش للسفرة عادي

    مفارش لترابيزة الصالون

    غطاء لعلبة المناديل

    مفارش الدانتيل لصواني التقديم

    مفارش للتسريحة

    مفارش الدولاب

    مفارش المطبخ

    رول مفارش بلاستك للسفرةحامل لمناديل السفرة

    شيالة كحك سيلفر

    طبق فاكهة سيلفر

    بونبونيرة سيلفر

    طفاية سيلفر

    شمعدانات سيلفر

    صواني تقديم سيلفر

    شيالة كحك كريستال

    طبق فاكهة كريستال

    بونبونيرة كريستال

    طفاية كريستال

    فازات كريستال

    شمعدانات

    فازات عاديه

    طفاية عاديه

    صواني تقديم

    براويز صور

    تابلوهاتغطاء للغسالة

    غطاء للأنبوبة

    قاعدة ( للأنبوبة - للغسالة– للبوتاجاز)

    ترابيزة المكواة

    كيس غساله للشربات

    علاقة للهدوم في الحمام

    كرسي للحمام

    ستارة لشباك (المطبخ - لشباك الحمام)

    ستارة للبانيو

    طقم دواسات للحمام

    معطر للحمام

    فرشة لتنظيف الشبابيك

    فرشة حمام

    فرشة بلاط

    مكنسة ناعمة

    مكنسة خشنة

    مساحة

    زعافة

    جاروف بالفرشاة

    جاروف بالفرشاة صغير للسفرة

    فرشة لغسل السجاد

    سبت غسيل بغطاء

    سبت غسيل للبلكونة

    أطباق بلاستيك أحجام مختلفة

    جردل للمسح

    سلاكة بلاعات

    بخاخ بلاستيك للمكواة

    تعليقة مشابك بلاستيك

    حبل للغسيل

    مشابك ( أحجام مختلفة)

    منشر داخلي

    مشمع الغسيل

    باسكت زباله للحمام

    باسكت زباله للمطبخ

    باسكت زباله للغرف

    مطهر حماماتشماعات بلاستيك للدولاب

    شماعات خشب للدولاب

    شماعات ستان

    أكياس معطره للملابس

    فرشاة الملابس

    بكرات خياطة كل الألوان

    إبر صغيرة و كبيرة

    علبة لحفظ أدوات الخياطة

    طقم مقصات صغيرة وكبيرة

    طقم إكسسوار للحمام

    مسدس شمع

    مناديل رول

    ورق ألمونيوم

    أكياس زبالة صغيرة وكبيرة

    مزيل روائح الثلاجة

    باكيت أكياس للفريزر

    رول بلاستيك شفاف لتغطية الطعام

    ماسحة احديهالديتول

    مسحوق الغسيل

    معطر للغسيل

    كلور

    زهرة

    كلوركس ألوان

    سائل تنظيف الفرن

    سائل تنضيف الأطباق

    مزيل بقع

    جليد لتنظيف الأثاث

    ملمع للزجاج

    سلك للمواعين

    ليف للمواعين + ليفة للتيفال

    صابون يد

    جلسرين

    شبه مطحونة

    فرشاه لغسل الزجاجات



    ادوات الميك اب
    كريم الأساس

    الكونسيلر

    البودرة

    قلم الكحل

    أي لا ينر

    قلم تحديد الحواجب

    ماسكارا سوداءاوزرقاء وشفافة

    علبه أي شادو كبيرة

    بلا شر

    أقلام روج

    قلم تحديد للشفاه

    مناكير ألوان

    سيتون

    بودرة مضيئة لإضفاء لمعة

    كريم لليد

    كريم للقدمين

    مقشر للجسم والوجه

    لوشن أو كريم للجسم

    كريم للبشرة

    كريم بجليتر للجسم

    بودر للجسم رائحة البر فان

    غسول للوجه

    منظف للوجه والعين

    صابون معطر

    برفان

    مزيل عرق

    سبراي

    زيت أو كريم للشعر

    شامبو

    بلسم

    شاور للجسم

    فرش ماكياج مختلفة

    إسفنج لتوزيع الماكياج

    قطن لإزالة الماكياج

    مزيل ماكياج

    مناديل لإزالة المكياج

    طقم العناية للأظافر

    ملقاط

    مشط وفرشاة

    مرايا للشنطه

    بنس شعر

    توك للشعر

    دبابيس

    علبة مجوهرات

    شنطه ميك آب صغيره للشنطه

    حجر لنعومة القدم

    سشوارللشعر

    ماكينة نزع الشعر

    غسول للمنطقة الحساسة

    فوطه صحيه

    فوطه صحيه للاستخدام اليومي

    علبة أعواد قطن للأذن

    ليفة عاديه

    لوفةشاور

    مطهر غسول للفم

    نظاره شمسيه

    بودرة اطفال

    بودره المسك


    بونيهات بلاستيك للشاور


    مناديل معطرة للشنطه

    علبة كريم صغيرة لليدين للشنطه

    قلم ودفتر ملاحظات للشنطة

    مبخرة وبخور

    معطرات مفارش

    معطر جليد بروائح مختلفة

    معجون أسنان

    فرشاه أسنان

    البوم لصور الزواج



    الملابس البيت والخروج ( صيفى وشتوى )

    اسدلات الصلاة

    روب شتوي

    ترنج شتوي

    بيجاما شتوي

    جلاليب شتوي

    بنطلونات سبورت شتوي

    تيشرتات شتوي

    عبايات استقبال شتوي

    روب صيفي

    بيجاما نص كم

    بيجاما برمودة

    بيجاما شورت

    جلاليب صيفي

    عبايات استقبال صيفي

    قمصان قطن للبيت

    بنطلونات سبورت للبيت

    باد يهات للبيت

    شورت للبيتفساتين للبيت

    روب ستان

    بيجاما ستان

    قميص يوم الفرح

    قميص نوم قصير

    قميص نوم طويل

    قميص بروب قصير

    قميص بروب طويل

    قميص نوم بيجاما

    أطقم(اندر+برا)
    برا سيكلون تحت الالنجيري(هوة مش بيبقى لية ضهرولا كتاف)

    أندر للبت

    أندر للخروج

    برا للبيت

    برا للخروج

    قميص داخلي قصير

    قميص داخلي طويل

    شورت داخلي

    باد يهات داخلية

    ايشاربات للخروج

    بنطلونات

    بلوزات

    بلوفرات

    جيبات

    بنطلونات جينز

    عبايات

    باد يهات خروج

    شنط

    محافظ للشنطه

    احذيه

    شبشب استقبال للبيت

    شبشب للحمام

    لكلوك شتوي

    شرابات قطن للبت

    شرابات قطن للخروج

    شرابات نايلون


    الخزين

    زيت ذره أو عباد

    زبده او سمنه

    أرز ابيض أو بسمتي

    مكرونه بأنواعها

    شاي فتله أو عادى

    سكر

    دقيق

    نسكافيه مبيض نسكافيه

    شيكولاته للتقديم

    قهوة

    لبن بودره

    عصير بودره (تانج)

    عصير مشكل

    كاكاو

    بيض

    ملح (ناعم وخشن)

    بهارات(فلفل-كمون-كسبره- شطه.....)
    نشا

    صلصه طماطم

    لوبيا ناشفه

    عدس

    فاصوليا بيضا

    بقصماط

    كتشب و مايونز

    مستطرده

    خل

    زيت زيتون

    جيلي وكريم كراميل

    فانيليا وبكنج باودر

    خميرة

    تونه

    عسل

    مخلالات

    حلاوة طحينيه

    انواع من الجبن

  10. #25
    تاريخ التسجيل
    Oct 2010
    المشاركات
    17
    السلام عليكم ورحمه الله وبركاته
    بجد اسفه يابنات والله اني مكملتش معاكم الموضوع لظروف والدتي الصحيه وكمان علشان العيد وكل سنه وانتم طيبين ياقمرات نكمل مع بعض باذن اله تعالي المطبخ اولا طبعا نقول الاجهزه الكهربائيه اولا طبعا الثلاجه ونصيحتي ليكم متجبيش ثلاجه اقل من 16 قدم لانها بجد بتشيل كتير عن ال14 قدم والفريز بتاعها بياخد طبعا كتير بما انك عروسه وطبعا هيكون عندك اكل كتير محتاجه تشليه في الفريز يباه اتفقنا انها مش اقل من 16 تاني شئ ياقمرات ياريت تجبيها ماركه معروفه وياريت تكون ايديال لان اولا قطع غيارها متوفره والصيانه كمان وبصراحه مشوفتش زى ايديال في جميع منتجتها



    تاني شئ ياقمرات الغساله الاوتوماتيك وددي بردو متجبيش اقل من 18 برنامج وطالع جديد وبصراحه انا جيباها ايديال 6 كيلو 18 برنامج وكمان ميزتها ان بابها بيتفتح للاخر


    كده مش فاضل غير البوتوجاز اقرب طريق لقلب زوجك ان شاء الله
    في 4 شعله وفي 5 شعله طبعا فرن كبير وشوايه انا جايبه بصراحه 5 شعله بس مش عارفه النوع بالظبط لان العريس اللي جايبه بصراحه




    ونصيحتي ليكي بلاش تجيبي اي بوتجاز استانلس ياريت يكون صاج لان الاستانلس بيبوظ بسرعه جدا وبتحسي شكله قديم اما الصاج الابيض بصراحه مش بيبان عليه سنين ودايما تحسي انه لسه جديد واكيد لكل واحده زوقها
    وطبعا مننساش الشفاط في شفاط عادي اللي احنا متعودين علي شكله



    وفي انواع تانيه من الشفاطات بتكون هرميه الشكل وواخده تقريبا حجم البوتجاز وبتكون بمدخنه طبعا دي عايزه مكان واسع
    وانا افضل دي بس طبعا كل واحده علي اد مساحه مطبخها وبصراحه هي مكلفه شويه مش زي العاديه




    نيجي بقي ياقمرات لادواتك المستخدمه في مملكتك الخاصه اظن ان ياسمينا تفضلت وكتبت ادوات المطبخ تقريبا
    ربنا يكرمها ويجازيها خير بس علي فكره متخديش كلامنا هنا قاعده في حاجات انتي هتحسي انك مش عايزاها فمتجيبيهاش
    زى مثلا حله الضغط انا شايفه ان ملهاش لازمه يمكن حد تاني شايف انها لها لزمه عموما شوفي ايه يريحك وبتستعمليه عند مامتك وتجبيه وبلاش تجيبي حاجات مش هتستعمليها علشان مش تكركبي الدنيا عندك وتوسعي مكان لنفسك
    وبصوا معايا ياقمرات في طقم حلل استانلس بيكون غطاها زجاج بيركس يعني اياكي ثم اياكي تجبيه ملوش اي لازمه هاتي الحلل اللي غطاها بردو ستانلس ثاني شئ هاتي اطقم حلل الومنيوم بتكون اديها استانلس دي كمان حلوه اوى
    وبلاش علي فكره تجيبي طقم تيفال كامل هاتي بس من كل حاجه 2 او 3 يعني مثلا كفايا حلتين لانك مش هتستعمليها غير للرز وهاتي مثلا صنيتين وقالبين كيك ولبانه ومقليات3 طبعا احجام مختلفه من الاصغر خالص للاكبر
    والباقي طبعا ياسمينا تكرمت وكتبته
    وكده نكون خلصنا المطبخ كمان وان شاء الرحمن بكرا ندخل مع بعض اوضه النوم باحتياجاتك فيها ياعروسه من لبس وبرفان وماك اب وفرش ومليات وكل شئ
    استودعكم الله تعالي اسالكم الدعاء لي ولامي بظهر الغيب

  11. #26
    تاريخ التسجيل
    Oct 2010
    المشاركات
    17
    السلام عليكم ورحمه الله وبركاته
    مقدرتش بصراحه اصبر لبكرا لاني مش ضامنه ظروفي ياقمرات يلا نتكلم كمان عن اول شئ ف اوضه النوك السرير
    اول حاجه ضيوفك بيشفوها وعيونهم بتكون عليها في اوضه نومك السرير عارفين ليه؟؟؟؟؟ قولتولي ليه طبعااااا علشان يشوفو مفرش السرير شكله ايه لانه بصراحه هو اللي بينور السرير فلازم نختار واحد انيق علشان طبعا يليق بيكم ياقمرات يلا نبتدي علي بركه الله بمفارش السرير





























    طبعا عليكي تختارى اي حاجه فيهم وطبعا بتجيبي واحد منهم او اتنين علي حسب رغبتك انتي
    تاني شئ يا اميرات المنتديات ملايات سريرك بتجيبي طبعا اقل شئ 10 وانا بصراحه مش جايبه زياده عن كده لانك بردو هتدوبيهم وهتحتاجي تشتري تاني كل فتره ولو عندك اوضه اطفال بسريرين بتجيبي 5 اطقم مش اكتر من كده



    كده خلصنا السرير نقول باقي المفروشات طبعا تجيبي لحاف فيبر انا بصراحه جبت اتنين وجبت كمان معاه بطنيتين



    وطبعا مننساش اطقم كوفرته صيفي ممكن واحده او اتنين حسب رغبتك طبعا



    فوط تواليت بعد الاستحمام واستخدامك اليومي


    بشكير كبير
    2برنص







    وممكن نعمل ستاره ورا السرير نسيت اقول لكم عليها اصل انا كمان عملتها بنفس الشكل ده





    وطبعا جنب السرير في 2 كومدينو ممكن نحط عليهم ابجورات بتعطي شكل جميل واضاءه هاديه


    كده تقريبا خلصنا المفارش بالاكسسوارات اوضه النوم مش ناقص غيرك ياعروسه ملابسك الماك اب البرفان الملابس بصراحه شئ خاص باي بنت ومش بحب اتكلم فيها لانها من ضمن اسرارها وطبعا منتدانا شامل الاولاد والبنات فاعذروني حبيباتي اني مش هقدر اتكلم عن الملابس بس اكيد انتم فاهمين هتجيبو ايه ممكن نتكلم عن ملابس استقبال الضيوف طبعا عبايات صيفي وشتوى ولو كنتي حبيبتي هتتجوزي في بيت عائله كتري شويه من ملابسك اللي طبعا لها اكمام علشان اي وقت تكوني جاهزه للنزول تحت او استقبال اي احد من عائله زوجك وطبعا اسدال الصلاه +ملابسك اللي هتخرجي بيها علي حسب لبسك طبعا بس افضل لا تكثري من ملابسك لان الجسم بيتغير بعد الزواج وبتحتاجي تجيبي اكتر يعني كفايا اوى 5 اطقم خروج بالشنط والشوزات تعالي بقي ياقمر للتسريحه طبعا كل واحده فينا نفسها تملي التسريحه دي برفان وماك اب ومش مهم جوزها
    بس بصراحه العدل حلو خليكي في النص بتاعك تعالي نتكلم عن الماك اب طول ماانتي في البيت متقوليش هحط لمسات خفيفه تؤتؤتؤتؤتؤتؤ تقلي ياحبيبتي براحتك والبسي كل مالذ وطاب علشان ميبص برا ولا ايه رايك وعشان كمان ميكونش ليه حجه دي مش بتلبس او مش بتحط ماك اب لاء حطي وتقلي يعني مثلا روج احمر اي حاجه تطلع في بالك اعمليها وليس علي العرايس حرج
    اول حاجه طبعا تجبيها علبه الميك اب


    وطبعا ماننسي كريم الاساس
    البودر
    احمر الخدود
    قلم الكحل
    الاي لينر
    الديب لينر
    قلم تحديد شفاه
    علبه ايشادو لاتقل عن 20لون
    واقلام روج حسب لون بشرتك ولون ملابسك
    ومتنسيش اللون الاحمر بتاع الافلام ده صدقيني هيعمل معاكي شغل كويس عشان منحرمهومش من شئ
    المسكرا
    بدي لوشن
    بدي لوشن بالجليتر
    بعد اي شاور تخديه لازم تحطي منه بيعطي نعومه للجسم
    اما البدي لوشن بالجليتر مش تستخدميه الا في اوقات معينه بس

    ملحووووووووظظظظظظظــــــــــــــــه

    انا عايزه اقول ليكم علي طريقتي الخاصه بصوا ياقمرات طبعا كلنا عارفين زيت بيبي اوييل
    هاتي العبوه بس البخاخ مش تجيبي العاديه ونصي من العبوه دي شويه وكملي اللي انتي نقصتيه باي نوع برفان عندك بتحبيه بس هاتيه اصنص من عند اي حد بتاع عطور تركيب نقسي تقريبا نص الزجاجه وكملي الباقي الاصنص ده اللي بتحبيه وبعد الشور بتاعك متنشفيش جسمك ورشي منه علي جسمك وشوفي هيعمل معاكي ايه دي وصفه مجربه هيعطي نعومه برائحه فظيعه
    جربوها بس يابنات وهتدعولي والله


    وطبعا مننساش البرفانات
    وبرفان العروسه غير اي برفان لازم يكون مميز شويه يعني مثلا في برفان اسمه 212 سكسي حلو اوى وفي نوع تاني اسمه رومانس وفي شانيل وفي كوكو شانيل
    وطبعا ماركيز
    وايهما تحبين بتجبيه ونصيحه ليكي بلاش تجيبي اسبراي او مزيل عرق اولا بيغمق جدا المكان تاني شئ بيجيب امراض كتيره اوى عفانا الله واياكم
    وطبعا مننساش توك الشعر والبنس الالماظ
    وحاولي تكوني متنوعه في شكلك يعني مره لمي شعرك مره افرديه يعني معلش يابنات هتتعبو شويه بس محدش بيكولها بالساهل
    وطبعا هاتي اكسسوارات لنفسك تكون رقيقه وحجمها صغير مثلا سلسله فضه او دهب صغيره يكون قلبها صغير








    ودي اكسسوارا شعر


























































    وبكده تقريبا نكون خلصنا بس ناقص شويه نصائح ان شاء الرحمن نعمل بيها موضوع او نكملها هنا هتفيدك ان شاء الله في حياتك لكل بنت مقبله علي الزواج وربنا يتمم لينا جميعا بخير ويرزقكم جميعا يارب من حيث لا تحتسبوا ولا تنسوني من دعائكم
    السلام عليكم ورحمه الله وبركاته
    التعديل الأخير تم بواسطة لامــــار; 22-11-2010، الساعة 01:04 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك