موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 34
Like Tree0Likes

الموضوع: بانوراما حرب أكتوبر 1973

  1. #1

    Flag Egypt بانوراما حرب أكتوبر 1973

    *إهداء مني لجميع أعضاء dvd4arab.com وخاصة لأعضاء رابطة محبي مصر وبقولهم أنا كمان مصري وبحب مصر

    بانوراما حرب أكتوبر 1973

    جميع الصور من عدسة كاميرا الموبايل بتاعي وكلهم بتاريخ 25 أبريل 2009 عيد تحرير سيناء اللي فات يعني ، ودي كانت جولة قمت بيها احتفالاً بالذكري الجميلة دي وشعوراً مني بالفخر والإعتزاز ببلدي وتاريخها وانتصاراتها وكرامتها وتصميمها واصرارها وتوفيق ربنا ليها في كل دا :)

    في البداية بتركب أتوبيس 727 من حدائق القبة وقولو ينزلك بعد دار المشارة أو قولو عايز أروح البانوراما وهوا هينزلك ، تنزل تمشي شارع كدا جمب الاستاد وهتلاقي باركينج كدا تمشي شوية هتلاقي البانوراما في وشك :



    هتقرب شوية "احساس شبه أما بتروح المصيف في أول يوم وتبقا عايز تقلع وتنزل البحر في ساعتها " هتلاقي زي فواصل حديد كدا والناس طوابير بتخش وفي المناسبات دي بتبقا ببلاش للمصريين وأنا عمري مروحتها غير في المناسبات أما للأجانب بتبقا ب 10 ج المهم هتخش من البوابة المبدأية هتلاقي المنظر دا في وشك :



    طبعاً المدخل اللي في الصورة دي مش للناس العادية فسيبك منه وركز معايا ، القبة دي هيا اللي جواها البانوراما نفسها والبانوراما يعني تجسيد أشبة بالحقيقة لحرب أكتوبر ودي بتبقا أخر حاجة في جولتك لما بتروح البانوراما ، في البداية بتتمشي حوالين القبة دي مساحة كبيرة جداً معروض فيها الأسلحة والمعدات سواء بتاعتنا أو بتاعت العدو اللي اشتركت في الحرب ومكتوب اسمها وتاريخها وأصلها اتفرجوا معايا :









    ودي جدارية :








    سيادة الريس محمد حسني مبارك :












    ودي جدارية تانية :



    يتبع ، بس عشان المشاركة مش بتساعي صور كتير
    التعديل الأخير تم بواسطة Benson_Bosa; 06-10-2009، الساعة 07:02 PM

  2. #2









    ودي جدارية تالتة :













    يتبع 2 ، بس عشان المشاركة مش بتساعي صور كتير
    التعديل الأخير تم بواسطة Benson_Bosa; 06-10-2009، الساعة 06:54 PM

  3. #3








    دا جزء من حطام طائرة أمريكية استخدمتها اسرائيل :





    دا تقريباً كل المعروض ، بعد كدا بقا بتخش جوا مبني البانوراما نفسه وفيه 3 قاعات ب 3 عروض طبعاً بامكانيات كاميرا الموبايل بتاعي مكنش هينفع أصورهم بجودة حلوة هيا قاعة ملحمة العبور بس اللي قدرت أصور فيها وهيا عبارة عن قاعة بتخشها وفيها كراسي زي السينما بس موجودة فوق أرضية دائرية وبتلف والبانوراما اللي شبه الحقيقة حوالينا وفيها أشياء حقيقية مجسمة زي أرض المعركة وشغال موسيقي تصويرية عمر خيرت وتعليق بصوت أمين بسيوني أبو تامر أمين بتاع البيت بيت صبح صبح :











    وبكدا تكون انتهت الصور بتاعتي في الجولة دي ، كل سنة وانتوا طيبين ويارب دايماً في انتصارات



    *في الجولة دي اتعرفت علي ضباط من اليمن كانوا جايين يتفرجوا علي البانوراما واتكلمت معاهم حول الشئون المصرية العربية وشعور المواطن العربي:D



    أتمني من أي حد ينقل الصور دي يقول إن هوا ناقلها مش مهم يكتب اسمي حتي بس عشان الأمانة
    التعديل الأخير تم بواسطة Benson_Bosa; 06-10-2009، الساعة 07:00 PM

  4. #4
    الصورة الرمزية Poetry-prince
    تاريخ التسجيل
    Feb 2007
    المشاركات
    6,906
    الله عليك تسلم ايديك
    مكان زرته مرتين من قبل و صور كثيرة و شاملة و غاية فى الروعة و نقية جداً
    بس على فكرة فيه قاعتين تانيين بيسعوا لـ 50 مشاهد واحدة فيهم بتعرض فيلم سينيمائى مدته 15 دقيقة بيستعرض أعمال القوات المسلحة
    و القاعة التانية فيها ماكيت يعرض فيه بالصوت و الحركة والضوء
    الضربة الجوية المصرية الساحقة لعمق العدو وتحصيناته ومراكز قيادته واتصالات

    و طبعا ً أكيد زى ما تفضلت بأن هذه الأيام فرصة لدخول البانوراما ببلاش فى أيام الأعياد الوطنية و المناسبات
    و الرؤية على الطبيعة بتكون أمتع

    تم تثبيت الموضوع
    لأنه من إبداعك الشخصى و أهلاً بك فى رابطة محبى مصر

    و أحلى أهداء و هدية منك للرابطة فى يوم السادس من أكتوبر
    تم نقل الموضوع إلى مكانه المناسب بالرابطة
    و هو قسم صور من مصر وإبداعات الأعضاء


    يرجى زيارة هذا الموضوع بالقسم العام للرابطة للأهمية

    مثبت : دليلك إلى منتدى محبى مصر

    و نتمنى منك المزيد من المواضيع بإذن الله


  5. #5
    شكراً ليك ، طبعاً أنا مقدرتش أصور القاعتين التانيين لأنهم بيبقوا في الضلمة والموبايل بتاعي الكاميره مش كويسة وكان الصور مش هيبقا ليها لزمة ، شكراً علي اضافتك وتثبيتك للموضوع

  6. #6
    الصورة الرمزية Poetry-prince
    تاريخ التسجيل
    Feb 2007
    المشاركات
    6,906
    اقتباس المشاركة الأصلية كتبت بواسطة benson_bosa مشاهدة المشاركة
    شكراً ليك ، طبعاً أنا مقدرتش أصور القاعتين التانيين لأنهم بيبقوا في الضلمة والموبايل بتاعي الكاميره مش كويسة وكان الصور مش هيبقا ليها لزمة ، شكراً علي اضافتك وتثبيتك للموضوع
    آه فهمت وجهة نظرك أخى الكريم
    عندك حق فعلاً القاعتين التانيين الدنيا فيهم ضلمة و التصوير عاوز كاميرا إمكانياتها عالية
    بس رغم كده الكاميرا بتاعة موبايلك
    ماشاء الله مطلعة الصور فى الضوء حلوة قوى


    و بالنسبة لتثبيت الموضوع ..
    أنا متأكد إن أى مشرف آخر من مشرفين الرابطة شافوا الموضوع كانوا فوراً يثبتوه
    و ده أقل واجب الصراحة


  7. #7
    الصورة الرمزية maloush7al
    تاريخ التسجيل
    Dec 2007
    المشاركات
    1,898
    موضوع رائع وصور مفصلة لمكان من أجمل ما يذكرنا بحرب أكتوبر المجيدة

    صور متميزة وشكرا لأستاذ أحمد على تثبيته للموضوع وهو يستحق فعلا

  8. #8
    الصورة الرمزية طوفان
    تاريخ التسجيل
    Apr 2007
    المشاركات
    13,805

  9. #9
    الصورة الرمزية GooD MeMbeR
    تاريخ التسجيل
    Aug 2009
    المشاركات
    639
    شكرا حبيبى على الصور

  10. #10
    الصورة الرمزية hamada_fo2ad
    تاريخ التسجيل
    Jun 2007
    المشاركات
    3,105
    موضوع رائع
    وشكرا على الصور الجميله اللى فيه
    تقبل تحيااااااتى
    لا إله إلا الله محمد رسول الله
    لا حول ولاقوة إلا بالله
    الدوام والبقاء لله
    إنا لله وإنا اليه راجعون
    اللهم ارحم والدي واغفر له





  11. #11
    منورين الموضوع يا جماعة وأنا سعيد جداً إن الموضوع عجبكم
    التعديل الأخير تم بواسطة Benson_Bosa; 08-10-2009، الساعة 11:44 AM

  12. #12
    الصورة الرمزية R@M@X
    تاريخ التسجيل
    Apr 2006
    المشاركات
    1,251
    صور جميلـــــــــــــة جدااااا
    الف شكر على المجهود الهايل دة

  13. #13
    الصورة الرمزية دروجبا
    تاريخ التسجيل
    Jun 2006
    المشاركات
    193
    الف شكر على الموضوع الرائع
    والصور احترافيه وجودتها اكتر من ممتازه

    هم مش كانوا بيمنعوا التصوير فى الحتت دى ( الكاميرا يا استاذ )
    ولا الكلام ده كان زمان قبل الموبايلات والكاميرات الديجيتال
    اصل اخر مره رحت فيها المكان ده كان من سنين
    [SIGPIC][/SIGPIC]

  14. #14
    الصورة الرمزية love4u
    تاريخ التسجيل
    Nov 2005
    المشاركات
    401
    مفيش صورة للرئيس محمد انور السادات هناك ليه هو مش كان موجود اثناء الحرب و لا ايه

  15. #15
    الصورة الرمزية cinderella _ hearts
    تاريخ التسجيل
    Jun 2007
    المشاركات
    23,281

    Flag Egypt <<< بانوراما أكتوبر>>>

    بانوراما أكتوبر



    نشأة بانوراما أكتوبر



    لقد سجل أبطالنا النصر وكان حقاً علينا أن نسجل أعمالهم وسيبقى نصر أكتوبر العظيم نبراساً للأجيال ، وسيظل مضيئاً بقدر تضحية الشهداء ، وعزم الرجال .
    تم إنشاء بانوراما حرب أكتوبر 1973 تخليداً لتلك الحرب المجيدة وبما يتناسب مع نصر أكتوبر العظيم والبطولات التي حققها شعب مصر وأبناؤها من أبطال القوات المسلحة في هذه الحرب .






    الموقع

    يقع مبنى البانوراما في مدينة نصر وتطل واجهتها الأمامية على طريق صلاح سالم بالقرب من إستاد القاهرة الرياضي وهو مقام على مساحة 31 ألف متر مربع مع وجود ساحة انتظار سيارات بمسطح 6 آلاف متر مربع .






    الأقسام الرئيسية للمبنى


    1- ساحة العرض المكشوف :
    منصتان للعرض المكشوف أحدها لعرض نماذج من أسلحة قواتنا التي شاركت في حرب أكتوبر 1973 ، والأخرى لنماذج من الأسلحة التي تم الاستيلاء عليها .
    المبنى الرئيسي :
    مبنى أسطواني قطرة 44 م وارتفاعه 27 م ، يعلوه برج من الحديد والنحاس ، وارتفاعه 10.5 متر .
    2- قاعات العرض الرئيسية :
    أ- القاعة الدائرية .
    ب- قاعة العرض رقم (1) وتسع 50 مشاهداً : يعرض بها أعمال القوات المسلحة منذ عام 67 حتى عام 73 .
    جـ- قاعة العرض رقم (2) وتسع 50 مشاهداً : قاعة العرض الرئيسية يصور المسرح الدائري ملحمة العبور .
    د- قاعة العرض رقم (3) وتسع 50 مشاهداً : تصور أعمال الأفرع الرئيسية للقوات المسلحة خلال حرب أكتوبر 1973 .
    هـ- قاعة العرض رقم (4) وتسع 50 مشاهداً : مكتبة تاريخية مزودة بقاعة للإطلاع .
    حاسب آلي لاستدعاء بيانات شهداء حرب أكتوبر 1973 .





    لقطات مصورة






    واجهة بانوراما حرب أكتوبر





    نموذج من الأسلحة المصرية دبابة روسية الصنع استخدمت فى حرب أكتوبر المجيد
    ضمن نماذج الأسلحة التى شاركت فى الحرب





    الطائرات المصرية تعبر القناة والمهندسون العسكريون يفتحون الثغرات بالساتر الترابى بواسطة خراطيم المياه





    القتال المتلاحم – أبطالنا يقتحمون النقط القوية للعدو ويرفعون العلم المصرى شامخاً على إحدى النقاط القوية






    نموذج للقوات المصرية أثناء عبور قناة السويس بساحة العرض المكشوفة بالبانوراما










ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك