موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 14 من 14
Like Tree0Likes

الموضوع: الفرق بين الجامعة المفتوحة والانتساب

  1. #1
    الصورة الرمزية superkenwood
    تاريخ التسجيل
    Aug 2006
    المشاركات
    423

    الفرق بين الجامعة المفتوحة والانتساب

    أنا خريج طب بشري أرغب في دراسة الحقوق
    كنت عايز أعرف ايه الفرق بين الالتحاق بالجامعة المفتوحة وبين الانتساب ؟
    وشكــــــــــرا

  2. #2
    الصورة الرمزية drb0sy
      drb0sy غير متصل ~*¤ لƒ¦القـلـبلƒ¦الطيــبلƒ¦ ¤*~
    تاريخ التسجيل
    Jul 2007
    المشاركات
    4,083

    Yes


    السلام عليكم

    معلومات عن مركز جامعة القاهرة للتعليم المفتوح ويتضمن :

    1- البرامج الدراسية
    2-شروط الالتحاق
    3-الاوراق المطلوبة للالتحاق

    يقدم مركز جامعة القاهرة للتعليم المفتوح البرامج الدراسية التالية التى تمنح الدارس درجة البكالوريوس أو الليسانس، وتتم الدراسة بنظام الساعات المعتمدة



    اولا البرامج الدراسية لكليةالحقوق ـ ليسانس الدراسات القانونية العملية:

    يمنح الدارس درجة الليسانس فى الدراسات القانونية العملية من كلية الحقوق، بعد اجتيازه بنجاح (52) اثنين وخمسين مقرراً دراسياً (ويجوز للدارس التسجيل فى أى عدد من المقررات بحيث لا يتعدى فى تسجيله الحد الأقصى من المقررات المسموح بتسجيلها فى الفصل الدراسى الواحد).


    ثانيا: شروط الالتحاق


    1.الحصول على الثانوية العامة أو ما يعادلها، أو الدبلومات الفنية، أو الحصول على مؤهل عالى دون التقيد بسنة الحصول عليه، وبشرط مضى فترة خمس سنوات على الأقل على تاريخ الحصول على الثانوية العامة أو الدبلوم المتوسط، وبشرط ألا يقل المجموع فيها عن نسبة 50%.

    2.يقبل ببرامج التعليم المفتوح الدارسون الحاصلون على الثانوية الأزهرية، بشرط ألا يقل المجموع عن نسبـة 50%.


    ثالثا :الاوراق المطلوبة :.
    1- أصل استمارة الثانوية أو الدبلوم الفنى أو مستخرج رسمى منها، وبالنسبة للطلاب غير المصريين تكون موثقة من خارجية الدولة التابعين لها أو من سفارة هذه الدولة من جمهورية مصر العربية.

    2- أصل شهادة الميلاد أو مستخرج رسمى منها.

    3- عدد 4 صور شخصية.

    4- صورة البطاقة الشخصية أو صورة جواز السفر.

    5- أصل الموقف من التجنيد بالنسبة للذكور المصريين.

    6- شهادة البكالوريوس أو المؤهل فوق المتوسط إذا كان حاصلاً على مؤهل أعلى من الثانوية.

    7- بيان بتقديرات المواد التى سبق أن درسها الطالب فى المعهد أو الكلية، حتى يمكن النظر فى إعفائه من المواد السابق دراستها والنجاح فيها، وبحد أقصى عشرة مقررات
    .

    ملاحظات :

    *لايعفى الطالب المفصول بسبب استنفاذ مرات الرسوب من معهد أو كلية من المواد التى سبق له دراستها والنجاح فيها قبل فصله منها وذلك تطبيقا لقرار المجلس الأعلى للجامعات فى هذا الشأن )


    *لا يحق للدارس سحب أى مستند تقدم به إلا بعد حصوله على البكالوريوس أو عند انسحابه من البرنامج نهائياً

    اما عن الانتساب فهو يشترط الحصول على الثانوية العامة والحصول على مجموع مؤهل للكلية المطلوب الالتحاق بها فى سنة حصول الطالب على الثانوية العامة والالتزام بالمناهج الدراسية المقررة لكل سنة بنظام الكلية

    وبالنسبة لحضرتك اعتقد ان الاتنين سيان الا ان الدراسة بنظام التعليم المفتوح قد تكون أفضل لاتاحة حرية اختيار المواد الدراسية وعدم التقيد بوقت معين

    واى معلومات جديدة جارى اضافتها ان شاء الله

    بالتوفيق
    التعديل الأخير تم بواسطة drb0sy; 26-08-2008، الساعة 05:17 PM

  3. #3
    تاريخ التسجيل
    May 2005
    المشاركات
    54

    استفسار

    هو ينفع ادخل حقوق واقدم فى النيابة بعد ماخلص لو انا انتساب مع العلم انا واخد كليه تجارة قبلها ؟

  4. #4
    الصورة الرمزية drb0sy
      drb0sy غير متصل ~*¤ لƒ¦القـلـبلƒ¦الطيــبلƒ¦ ¤*~
    تاريخ التسجيل
    Jul 2007
    المشاركات
    4,083
    اقتباس المشاركة الأصلية كتبت بواسطة taker87 مشاهدة المشاركة
    هو ينفع ادخل حقوق واقدم فى النيابة بعد ماخلص لو انا انتساب مع العلم انا واخد كليه تجارة قبلها ؟
    اكيد ينفع تقدم للنيابة انا اعرف ناس كتير عملوا الحكاية دى

    بس بيبقى فى شروط للتقدير وكدة

    ربنا يوفقك

  5. #5
    الصورة الرمزية Wanna Help
    تاريخ التسجيل
    Nov 2007
    المشاركات
    3,998
    اقتباس المشاركة الأصلية كتبت بواسطة taker87 مشاهدة المشاركة
    هو ينفع ادخل حقوق واقدم فى النيابة بعد ماخلص لو انا انتساب مع العلم انا واخد كليه تجارة قبلها ؟
    طب أنا ليا سؤال رخم كدا معلش؟؟؟؟؟

    ليه يعني العذاب دا كله؟؟؟؟

    يعني يا عم طارق بيه تخلص طب بشري وبعدين تاخد كلية تجارة وبعدين عاوز حقوق؟؟؟؟؟؟

    مش حرام عليك تضييع وقت؟؟؟؟؟

    هو دا حب تعلم منك ولا انت اصلا مكنتش عاوز تدخل طب؟؟؟؟؟

    أعتقد كدا يا عم طارق بيه انك كدا مش محدد انت عاوز ايه ولسه ماستقرتش علي حاجه

    استخير كدا وقرر انت جاي منين ورايح فين وكفايه تشتت

  6. #6
    تاريخ التسجيل
    May 2005
    المشاركات
    54

    Sarcastic

    اقتباس المشاركة الأصلية كتبت بواسطة drb0sy مشاهدة المشاركة
    اكيد ينفع تقدم للنيابة انا اعرف ناس كتير عملوا الحكاية دى

    بس بيبقى فى شروط للتقدير وكدة

    ربنا يوفقك
    طيب تمام التقدير مقدور علية بإذن الله بس المشكلة انة يجى بفايدة فى الاخر لما نخلص الكلية
    بس انت متاكد ان فعلا فية ناس عملت كدا بعد ماخد كلية تانية ؟

  7. #7
    الصورة الرمزية drb0sy
      drb0sy غير متصل ~*¤ لƒ¦القـلـبلƒ¦الطيــبلƒ¦ ¤*~
    تاريخ التسجيل
    Jul 2007
    المشاركات
    4,083
    اقتباس المشاركة الأصلية كتبت بواسطة taker87 مشاهدة المشاركة
    طيب تمام التقدير مقدور علية بإذن الله بس المشكلة انة يجى بفايدة فى الاخر لما نخلص الكلية
    بس انت متاكد ان فعلا فية ناس عملت كدا بعد ماخد كلية تانية ؟
    اه انا واثقة انك ممكن تقدم فى النيابة لو واخد كلية تانية قبل الحقوق
    بس المشكلة الحاجات دى محتاجة وسايط بقى وحاجات يعنى لان العرض كتير والطلب قليل جدا

    وربنا يوفق الجميع ولو انى انصحك انك متضعش احلامك كلها فى حاجة واحدة يعنى لو عاوز تدخل حقوق متحطش املك كله على النيابة وتعيش 4 سنين على امل ممكن جدا ميتحققش لظروف خارجة عن ارداتك اما لو انت حابب الدراسة فده شىء جميل وربنا يوفقك ان شاء الله الى مايحب ويرضى

  8. #8
    الصورة الرمزية superkenwood
    تاريخ التسجيل
    Aug 2006
    المشاركات
    423
    أشكر بشدة الأخ العزيز drb0sy على هذا الشرح الوافي الكافي

    اقتباس المشاركة الأصلية كتبت بواسطة drb0sy مشاهدة المشاركة
    اكيد ينفع تقدم للنيابة انا اعرف ناس كتير عملوا الحكاية دى

    بس بيبقى فى شروط للتقدير وكدة

    ربنا يوفقك
    أهم من موضوع التقدير .. موضوع السن .. يجب أألا تزيد عن 27 سنه !!!

  9. #9
    الصورة الرمزية romanza
    تاريخ التسجيل
    Dec 2005
    المشاركات
    13,631
    الفرق بين الانتساب وبين الجامعة المفتوحة

    ان الانتساب انت بتخلص الكلية في أربع سنين وبتدفع مصاريف خاصة لكل سنة

    أما الجامعة المفتوحة مش بتكون محددة بوقت

    وانت اللي بتحدد عايز تاخد ايه في الترم وبتدفع مبلغ لكل مادة بتاخدها

  10. #10
    تاريخ التسجيل
    Apr 2007
    المشاركات
    144
    موضوع النيابه ده صعب يا كجماعه وكل الناس بتجيب بقدير

  11. #11
    ياهههههههههههههههههههههههه

  12. #12
    تاريخ التسجيل
    Aug 2008
    المشاركات
    21
    شكرا ليك على التوضيح

  13. #13
    الصورة الرمزية cowboys
    تاريخ التسجيل
    Aug 2008
    المشاركات
    436

    Rules

    السلام عليكم
    اود ان اوضح شىء انا متاكد منه لانى ادرس حقوق تعليم مفتوح
    -الفرق بين الانتساب و التعليم المفتوح هو حريه اختيار المواد الدراسيه فى الترم واكيد مبلغ المصاريف فقط لا غير
    انما عن الشهادات فهم متعادلين تماما
    -اما عن موضوع تقديم النيابه بعد التخرج فده قبل اى شىء نصيب وتوفيق من الله عز وجل وموضوع السن فى القانون لم يرد صريح ولكنه قانون عرفى بين اعضاء الهيئة القضائيه (سن 30 سنه وقت التعين) وليس 27
    يعنى لو عندك وحد تقيل شويه ممكن تتلاشى موضوع السن ده
    انما موضوع السن فى مجلس الدوله مهم جدا وانك لا تتجاوز 30 وقت التقدم بالاوراق
    -اتمنى يا دكتور اكون وفقت فى توصيل الاجابه وهذه المعلومات مؤكده من اعضاء هيئة نيابه ودكاترة فى الجامعه
    التعديل الأخير تم بواسطة cowboys; 05-09-2008، الساعة 09:03 AM

  14. #14
    تاريخ التسجيل
    Jan 2005
    المشاركات
    478
    سبحان الله ... نفس الموضوع وبرضه عايز اسجل انتساب حقوق ...

    أنا قرأت معلومة في الموضوع ده غريبة شوية .. هل التعليم المفتوح والإنتساب الاتنين زي بعض بيديك ليسانس حقوق وممكن تمارس المحاماة أو النيابة بهم؟

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك