موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 3 من 19 الأولىالأولى 1 2 3 4 5 13 ... الأخيرةالأخيرة
النتائج 31 إلى 45 من 279
Like Tree0Likes

الموضوع: لقاء جندى من الانس مع قائد من الجن "لست بكاتب و لكن اتمنى ان تحوز قصتى على اعجابكم"

  1. #31
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593
    have a dream مش عارف أقلك أيه على التشجيع الرهيب ده ليه ربنا يخليك كلك ذوق و الله طبعا أنا على فكره مش بقصد اقلد حد بس يمكن يكون فى شويه تأثر فعلا المهم القصه تعجبك و يا رب الدخله بتاعت موقعه 14\11 تكون أحسن من دخلاتى هههههههههههه و ربنا يوفقك فى الشغلتين و يقويك
    و طبعاااااااااااااااااااااااااا
    الأهلى فوق و عالى
    و هيفضل فى العلالى
    و نجومه اهى بتلالى
    تعلالى يا تريكه تعلالى

  2. #32
    تاريخ التسجيل
    Feb 2009
    المشاركات
    145
    جزء جميل جدا مشكور عليه ويا سيدى ربنا يباركانا فى دخلاتك ويقوينا قدام الجزائر و طبعا الاهلى فوق الجميع هههههههههههه

  3. #33
    الصورة الرمزية haveadream
    تاريخ التسجيل
    Oct 2007
    المشاركات
    697
    ياريت يا جماعة نقوم بتقييم الموضوع لان كده تهريج
    انا عن نفسي هاقيم واقول ايه القرف ده
    هههههههههههههههههههههههههههههه
    بهرج
    المشكله ان في ماتشات مصر عمري ما شفت دخله ولا خارجه ولا ناس بتشجع خالص
    هيه يادوب ناس بتهيص بس
    انا نفسي اشوف بس الشماريخ ومعاها اعلاف السنارة
    علشان بتدي منظر جامد
    سبحان الله والحمد لله ولا اله الا الله ولا حول ولا قوة الا بالله
    اللهم اعني علي ذكرك وطاعتك وحسن عبادتك
    اللهم اني اعوذ بك من عذاب جهنم ومن عذاب القبر ومن شر المسيح الدجال ومن شر فتنة المحيا والممات
    اللهم لك الحمد والشكر
    سبحان الله وبحمده سبحان الله العظيم
    موضوع مهم جدا
    لو زهقت من المرفقات
    اهلاوي مصري

  4. #34
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593
    darkjnight يا بابشا ده مرورك هو اللى حميل جدا و االله و ان شاء الله مصر فى جنوب أفريقيا و الأهلى فى الأمارات و سلملى على بتوع الدورى لسه فى الملعب هههههههههه.

    have a dream أنا بقول بلاش التقييم و خلى الطابق مستور يا عم
    تعرف أنا قعدت مع راجل من قدامى مشجعى النادى الأهلى كان فى ماتش الأهلى و حرس الحدود فى الماكس الراجل ده قلى كلمه مهمه جدا مش ناسيها ابداقلى أنا سافرت مع كابتن الجوهرى و المنتخب كأس العالم فى ايطاليا و شوفت المشجعين من الدول المشاركه كلها بيعملوا ايه و بيشجعوا ازاى قلى و الله المشجع المصرى أكتر مشجع عنده حماس بس عيبنا ان حماسنا زياده عن اللزوم فتلاقى المشجع المصرى أول ما يدخل الأستاد و يشوف النجيله الخضره زى ما يكون أتسعر يفضل يشجع بحماس مع ان اللعيبه ممكن تكون لسه مصحتش من النوم أصلا و لسه بتاع 4 ساعات على الماتش ويفضل كده لحد ما يجى معاد الماتش تكون الشمس لحست دماغه و صوته أتنبح مهو كل انسان و له طاقه برده بيكون من الأخر قطع شحن و يكون مشجع الفرق التانيه لسه بيبتدى تشجيع و بشحنه كامل نتقطع فى التشجيع كل ماتش قلى أنه فى ماتش هولندا بالذات فضلوا يشجعوا من قبل الماتش ب 3 ساعات و جمهور هولندا عمال ياكل و يشرب و ميت من الضحك علينا و قول ما بدأ الماتش لقينا طوفان تشجيع من هولندا و احنا مفيناش حد قادر ياخد نفسه و هو ده الفرق بينا و بينهم فى كل حاجه ان احنا مش بنستغل مواردنا بطريقه صح من الأخر مش بنشغل دماغنا خالص بس المره ده لأ ان شاء الله هيكون فى شكل جديد فى كل حاجه و الجمهور هو اللى هيكون الاعب رقم واحد فى الماتش قول يااااااااااا رب

  5. #35
    الصورة الرمزية haveadream
    تاريخ التسجيل
    Oct 2007
    المشاركات
    697
    اقتباس المشاركة الأصلية كتبت بواسطة mohamed_hamdy81 مشاهدة المشاركة
    darkjnight يا بابشا ده مرورك هو اللى حميل جدا و االله و ان شاء الله مصر فى جنوب أفريقيا و الأهلى فى الأمارات و سلملى على بتوع الدورى لسه فى الملعب هههههههههه.

    Have a dream أنا بقول بلاش التقييم و خلى الطابق مستور يا عم
    تعرف أنا قعدت مع راجل من قدامى مشجعى النادى الأهلى كان فى ماتش الأهلى و حرس الحدود فى الماكس الراجل ده قلى كلمه مهمه جدا مش ناسيها ابداقلى أنا سافرت مع كابتن الجوهرى و المنتخب كأس العالم فى ايطاليا و شوفت المشجعين من الدول المشاركه كلها بيعملوا ايه و بيشجعوا ازاى قلى و الله المشجع المصرى أكتر مشجع عنده حماس بس عيبنا ان حماسنا زياده عن اللزوم فتلاقى المشجع المصرى أول ما يدخل الأستاد و يشوف النجيله الخضره زى ما يكون أتسعر يفضل يشجع بحماس مع ان اللعيبه ممكن تكون لسه مصحتش من النوم أصلا و لسه بتاع 4 ساعات على الماتش ويفضل كده لحد ما يجى معاد الماتش تكون الشمس لحست دماغه و صوته أتنبح مهو كل انسان و له طاقه برده بيكون من الأخر قطع شحن و يكون مشجع الفرق التانيه لسه بيبتدى تشجيع و بشحنه كامل نتقطع فى التشجيع كل ماتش قلى أنه فى ماتش هولندا بالذات فضلوا يشجعوا من قبل الماتش ب 3 ساعات و جمهور هولندا عمال ياكل و يشرب و ميت من الضحك علينا و قول ما بدأ الماتش لقينا طوفان تشجيع من هولندا و احنا مفيناش حد قادر ياخد نفسه و هو ده الفرق بينا و بينهم فى كل حاجه ان احنا مش بنستغل مواردنا بطريقه صح من الأخر مش بنشغل دماغنا خالص بس المره ده لأ ان شاء الله هيكون فى شكل جديد فى كل حاجه و الجمهور هو اللى هيكون الاعب رقم واحد فى الماتش قول يااااااااااا رب
    انا معاك ان اهنا كده بس روابط الجماهير بقيت بتعمل شغل دلوقتي
    بس انا نفسي يبقي في ترابط بين كل روابط الجماهير
    انا بروح ماتشات كتير في الاستاد وبقولك ان روابط الجماهير دلوقتي بتعمل شغل جامد جدااااااااااا
    بس مافيش رابطه للاسف لمنتخب مصر
    اما موضوع التقيييييييييييييييم لا ده لازم وان شاء الله كله هايقيم ميه ميه
    وبعدين انت اشتغلتنا فين الجزء الرابع
    انا مستني

  6. #36
    تاريخ التسجيل
    Aug 2008
    المشاركات
    26
    شكرا ياستاذ محمد علي القصة الجميلة دي بس فعلا عجبني اسلوبك في السرد ربنا يوفقك دايما وياريت متتاخرش علينا في الجزء الرابع عشان انا اتشديت ليها علي الاخر فعلا القصة جميلة وانت كاتب موهوب وشكرا

  7. #37
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593

    Flag Egypt أسف على التأخير و لكن لظروف انقطاع الانترنت و اليكم الجزء الرابع

    قصه جندى من الأنس مع قائد من الجن (الجزء الرابع)

    نعم نعم أعلم , تريدنى أن اذكرك بأحداث الأجزاء السابقه اليس كذلك؟
    حسنا و لكن سأذكرك بأحداث الجزء الأخير فقط حتى لا أطيل عليك و احترس فلقد أصبحت عاده عندك.
    عاده مؤلمه حقا لى فهى تجعلنى أستعيد باستمرار أحداث و ذكريات كنت أتمنى نسيانها للأبد.

    بعد أن قابلت القائد محمد الثانى داخل القلعه المهيبه و أدركت أنهم يمرون بحاله حرب مع أعدائهم ذهبنا للقاء الملك ناصر ملك مصر لأعرف منه سر أستدعائى بتلك الطريقه توجهنا لقاعه كبيره للغايه يكاد نظرك يعجز عن رؤيه أخرها و الأغرب أنها كانت ممتلئه و مزدحمه للغايه , و لذلك سبب فكل هؤلاء هم سكان مصر من الجن فى اجتماع مع ملكهم ليعرض عليهم أمر شديد الأهميه.
    و يا للعجب فلقد كنت أنا هذا الأمر شديد الأهميه , لقد كنت محور خطبته الموجزه التى ألقاها الى شعبه و التى ذكر فيها أشياء عنى شديده الغرابه و نعتنى بألقاب مثل الشاب الذى تحكى عنه أساطيرنا و الفصل بينهم و بين أعدائهم و الفارس الأنسى , نظرا للصدمه التى كانت واضحه على ملامحى فقد أحب عم ابراهيم أو الملك ناصر أن يزيل تلك الغمامه التى تفصل بينى و بين ما يعتقدوه فى و أن يشرح لى كل ما يدور فى عقلى من صراعات رهيبه بين الأفكار و بعضها و التى كان أهمها لماذا لى انا بالذات تلك الأهميه الكبيره فى عالمهم؟ و ماهو سبب تلك الحرب التى تدور رحاها بينهم و بين أعدائهم؟؟ بل و من هم أعدائهم هؤلاء؟؟؟؟؟؟
    شاركنى أحداث ذلك الجزء لكى تتعرف معى على ذلك اللقاء الذى دار بينى و بين ملك الجن بمصر و ولده قائد ذلك الجيش المكون من عشره ملايين جنى ......


    مشينا أنا و الملك متقدمين أصدقائى و محمد الثانى و أسماء و أنا اسمع صوت همهمتهم بوضوح ثم دخلنا قاعه أخرى أصغر كثيرا , هنا استبق محمد الثانى الخطوات للوصول قبلهم و دخل بعدنا و أغلق الباب فى وجه أصدقائى و أسماء ووضحت نظره الغضب علي الثلاثه و لكن من الواضح أن تلك الغرفه ذات أهميه خاصه و يجب أن تحاط بذلك القدر من السريه....
    السريه التامه......
    نعم انها تبدوا مثل غرف العمليات الحربيه ذات طاوله مستديره كبيره للاجتماعات و بها خرائط عديده لاجزاء من مصر و العالم و لكن لها ابعاد أخرى غير خرائطنا و مدلولات مختلفه و لكن ما عرفته جيدا كان طاوله عليها ماكيتات لموقعه ما و يتضح بها موقع قواتهم و موقع قوات الاعداء و تضاريس المنطقه أعرف ذلك جيدا لأنى شاهدت الكثير من الأفلام الحربيه ظهرت بها مثل تلك الطاوله بقاعات قياده الحروب.
    أبديت أنبهارا تام بالغرفه جعلنى أحدق فى كل شيء بها حتى انى نسيت لما أنا هنا حتى أفاقنى محمد الثانى من انبهارى و قال لى : محمد تعالى هنقعد هناك عشان نتكلم و تفهم كل حاجه.
    اتجهنا الى مكتب كبير فى أخر القاعه جلس عليه الملك و أشار ألينا ليأخذ كل منا مقعده ففعلنا. و بدأ الحديث الذى غير حياتى كليا منذ سمعته فلقد جعلنى فى قمه الرعب مما سيحدث و مما حدث بالفعل و لم أدرى عنه شيئا فهى حكايات من الماضى السحيق اختلطت بأخبار من زمننا هذا خليط من الكلمات جعلنى أفكر ...
    افكر فيما مضى...
    و فى ما هو أت .....
    فهو يحوي كثيرا من الرعب.....

    الملك ناصر : محمد اريدك الأن فى قمه تركيزك و ألا تغفل عن أى كلمه تقال هنا و لن أوصيك بالسريه التامه.
    محمد : أوعدك أنى مش هطلع أى سر و هركز تمام فى كل حاجه بتتقال بس بالله عليك فهمنى كل حاجه.
    الملك ناصر : حاضر يا سيدى, أنا هبدأ معاك من بدء الخليقه, متستغربش لازم تفهم القديم عشان تقدر تستوعب الجديد.
    محمد بلهفه واضحه : ماشى ماشى أنا فعلا عاوز أعرف القصه من أولها لأخرها.
    الملك ناصر : يبقى متقاطعنيش لحد مخلص كلامى و ابقى أسأل اللى انت عاوز تساله أتفقنا.
    محمد : أتفقنا.
    الملك ناصر : الجن يا محمد كانوا بيسكنوا الأرض قبل سيدنا أدم بوقت كبير جدا و كونوا حضارات و ممالك كبيره و عظيمه و لكن دبت الصراعات فيهم و دخلوا فى حروب رهيبه بينهم و بين بعض و أصبح القتل و سفك الدماء ما بينهم هو السائد , و اصبحوا بيفسدوا فى الأرض اللى هما عايشين عليها لحد ما ربنا سبحانه و تعالى خلق سيدنا أدم ليصبح خليفه له فى الأرض و دارت قصه سيدنا أدم لحد ما وسوس له الشيطان بأن يأكل من الشجره المحرمه الموجوده بالجنه اللى كانوا عايشين فيها فعاقبه المولى عز و جل بأنه أمره هو و زوجته حواء انهم ينزلوا يعيشوا على الأرض و طبعا ده خلق صراع أزلى بين الجن و الأنس فهم جنسين مختلفين يتمتعوا بصفه العقل يعيشوا فى مكان واحد هو كوكب الأرض فهل سيسعهم ذلك الكوكب معا؟
    طبعا عشان الجن أخدوا فرصتهم قبل كده و أهدروها بنفسهم وهى أن تكون لهم الكلمه العليا على الكوكب ده, أهدروها بافسادهم فيها و بسفك الدماء أمر الله بأن يسكن الجن الخلاء و الجزر المنعزله و قاع المحيطات أى الأماكن المنعزله عموما عن البشر.
    و طبعا ربنا جعل لكل جنس من الثقلين الأنس و الجن خصائص و مميزات تختلف عن الأخر تفوق الجن فيها بعدم رؤيه البشر لهم و قدرات أخرى تفوق كثيرا قدرات البشر الطبيعيه.
    و لكن لأن مقاليد الحكم على الكره الأرضيه كانت فى يد الانسان فبذلك أصبح مصير الجن شديد الارتباط بالانسان فى كل شيئ حتى أننا أصبحنا بنمشى على خطاكم فى كل شيئ فكما أختلفتم فى معتقداتكم و ديانتكم اختلفنا احنا كمان فى ده فتلاقى مننا المسلم و المسيحى و اليهودى و حتى الماجوسى و طبعا انت لاحظت فى القاعه اختلاف الاعراق و الاشكال بين الجن حتى فى دوله واحده.
    محمد : صحيح أيه حكايه الدول دى أنتوا كمان عندكم مصر و السودان و سوريا و أمريكا و فلسطين و الدول ده؟
    محمد الثانى بلهجه صارمه جدا و بها شبه عدائيه أثارت قلقى : الملك ناصر أمرك أنك متقاطعهوش ازاى تجرئ على كده .
    هممت بأن أرد عليه و لكن الملك ناصر اشار لى بالصمت فأمتثلت لحكمه و رد هو قائلا : هو من حقه أنه يسأل الموضوع لسه كبير عليه و مفهمش حاجه لحد دلوقتى أصبر و بلاش اندفاع.
    محمد : أنا أسف فعلا مكنش لازم أقاطع بس أنا دماغى هتنفجر.
    محمد الثانى : ماشى بس يا ريت متتكررش تانى.
    نظرت له نظره أمتزج فيها الاحراج بالغضب و التحدى فنعم هو قائد قوات الجن ولكنى أيضا ذو شأن كبير أو على الأقل بعالمهم و لست طفلا عابثا ليوبخنى هكذا.
    لم يكن محمد الثانى بالشخصيه التى قد تهزها نظرتى تلك فبادلنى اياها بنظره تحدى رهيبه حتى أنى قد هبتها قليلا ولكن أستجمعت قوتى كلها لأحافظ على ربطه جأشى فى ذلك الموقف الغريب والغريب جدا

    فأنا أتحدى جنى بل هو قائد للجان......

    الملك ناصر أخذ فى النظر لكلينا و الى نظره التحدى بأعين كل منا مبتسما ابتسامه تعمد اخفائها وقاطعنا قائلا : كفانا هذا الاستعراض للقوه من كليكم ما بكم هل عدتم اطفالا ؟. قالها و قد رسم على وجهه نظره غاضبه أخضعتنا أنا و محمد الثانى فى التو و اللحظه.
    ثم تابع بلهجه صارمه: يا رب بس الأعداء هما اللى يشوفوا النظره ده فى عيونكم لما تحاربوا جنب بعض فى الموقعه الفاصله.
    ذهلنى ما قاله فأخذت أردد بداخلى نحارب؟ جنب بعض؟ موقعه فاصله؟؟؟؟
    فاذا بالملك ناصر يربت على كتفى ليهدئ من روعى فلقد فهم مما أفكر فيه أننى قد بدأت الصوره تتضح أمامى شيئا فشيئا و هى صوره للأسف قاتمه للغايه....
    و لكن الى متى سيظلوا يقرأو أفكارى هكذا الا يوجد مجال للخصوصيه فى عالمهم؟....
    الملك ناصر مجددا : دعنا نكمل حديثنا فالوقت ليس فى صالحنا.
    نظرنا له أنا و محمد الثانى بتركيز شديد فيما شرع هو فى الوقوف و المشى ببطء عاقدا يديه خلف ظهره متجولا بأرجاء غرفه العمليات الحربيه و أكمل قائلا : أنا هجاوبك على سؤالك بخصوص الدول يا محمد زى مقلتلك أحنا بقينا تابعين ليكم فى حاجات كتير و من ضمن الحاجات دى التقسيم الجغرافى لليابسه على الكره الأرضيه طبعا مش هنبقى زيكم فى تقسيم المياه لمياه اقليميه و مياه دوليه لأن أحنا عندنا دول و شعوب عايشين فى المياه الدوليه بتاعتكم دى.
    من ضمن الحاجات اللى احنا تابعين فيها ليكم يا محمد القوه العسكريه و السياسيه فمثلا فى قضيه القدس المحتله نظرا لضعف الجبهه العربيه و الاسلاميه عند الأنس فالبتالى ده بينطبق علينا احنا كمان فى عالمنا فاحنا بسبب تأخركم أنتم بقت لأعدائنا الجن من اليهود الكلمه العليا علينا وبقينا احنا الجبهه الاضعف غصب عننا.
    محمد : اسمحلى حضرتك أنا مش فاهم انتوا ليه بترموا المسؤليه علينا طالما انتوا شايفين نفسكم قادرين على أنكم تحرروا القدس و تنهوا الكيان الصهيونى على الأقل بالنسبه للجن طب معملتوش كده ليه؟ اسمحلى أنا شايف ان ده تواكل منكم مش أكتر.
    محمد الثانى نظر الى غاضبا و قد هم بالكلام و لكن الملك ناصر وضع يده على كتفه و ابتسم بهدوء فابتلع محمد الثانى كلماته و لم تزل نظره الغضب على ملامحه.
    الملك ناصر : أنا مقدر تماما انحيازك لبنى جنسك و دفاعك عنهم بس فى حاجه لازم تعرفها الأول و بعدين تحكم انت بنفسك, بعد نزول الاسلام على سيدنا محمد صلى الله عليه و سلم اعتنق كتير من الجن الاسلام بعد اقتناعهم انه هو الحق من عند الله و أن سيدنا محمد صلى الله عليه و سلم هو خاتم الأنبياء و المرسلين و أن رسالته جائت للعالمين (الأنس و الجن) على حد السواء و لكن انتشار الاسلام السريع بين الجن أثار احقاد الجن من اليهود و الديانات الأخرى و حتى اللى معندهمش دين اصلا ,و لكن طبعا اليهود كانوا أشد كرها للمسلمين و الخطر الأكبر علينا فقررنا اننا نتجمع كمسلمين فى مكان واحد فى شبه الجزيره العربيه عشان تقوى شوكتنا بجوار أخواننا من المسلمين الأوائل من الأنس و نقدر نقف قصادهم و فعلا دخلنا معاهم فى حروب عديده أستمرت لسنين كتيره و بأمر الله استطعنا اننا نفتح انحاء كتيره فى الأرض و البحر و لما لاحظ الأعداء اننا فى تطور مستمر و أعداد معتنقوا الأسلام بتزيد و ان الأرض كلها ممكن تبقى تحت سيطرتنا اضطروا أنهم يضغطوا علينا بورقه رابحه جدا بالنسبه لهم لانهاء الحرب و التوسعات بتاعتنا و كانت فعلا ورقه ضغط قويه جدا علينا عارف أيه هيا الورقه ده يا محمد؟
    محمد: أيه هيا؟؟؟؟
    الملك ناصر : كانت اخواننا المسلمين من الأنس يا محمد, هما هددونا بأنهم هيتدخلوا بشكل مباشر فى حياتكم و هيخلوها جحيم لا تطاق بالنسبه لأى بنى أدم و طبعا احنا كنا عارفين انهم يقدروا على ده فاضطرينا اننا نعقد هدنه معاهم لحد ما نلاقى حل و قد كان.
    ارتسمت نظره أسى على وجه الملك ناصر وهو يحكى تلك الكلمات و كأنها كانت تفتح جرحا قديما بداخله و تابع قائلا : دخلنا فيما يشبه المفاوضات عندكم كده بينا و بين اليهود و باقى الجن الغير مسلم و أخذت فتره طويله نظرا لمراوغات اليهود المستمره طبعا ,ولكن تم الاتفاق فى النهايه ,اليهود كانوا اقترحوا ان طالما احنا بندافع عن الأنس كده و ده مكنش موجود من قبل فى اعرافنا لان المفروض اننا نعاديكم لانكم من جنس و احنا من جنس تانى مختلف تماماوجنسكم اخد مكاننا على الارض ,يبقى حسب وصفهم (نراهن عليكم) و على صمودكم زى ما احنا صمدنا فاقترحوا ان مصائر كل جبهه من الجبهتين اللى فى حرب الجن مع بعض تبقى مرتبطه بما يحققه ما يماثله فى الأنس من انتصارات و من سيطره و قوه , و نظرا لأننا لاحظنا مسلمين من الأنس أولى عزم و بأس شديدين و أيمان قوى و توكل على الله طبعا هم صحابه الرسول صلى الله عليه و سلم و المسلمين الأوائل و رأينا شجاعتهم فى القتال و الرغبه فى نيل أحدى الحسنيين دائما النصر أو الشهاده توقعنا طبعا أن يتفوق المسلمين لأن دى هيا مقومات الأمم القويه و الجيوش القويه القادره على تحقيق الأنتصارات و طبعا راهنا عليكم ووضعنا ثقتنا فيكم و ربطنا مصيرنا بمصيركم و قوتنا بقوتكم على أمل أننا مع بعض ننشر الأسلام فى العالم كله و تم توثيق ده فى العقد اللى تم صياغته على أيد حكماء الجن فى العالم و تم القسم عليه بقسم منقدرش منلتزمش بيه و بقى المسلمين فى قوه حتى غزوا أوروبا نفسها و فتحوا الأندلس و طبعا أحنا كمان توسعنا و نشرنا الاسلام بين الجان فى المناطق ده بدون أى تدخل من طرف المعاهده التانى و كان أملنا أنكم تستمروا على كده كبير , لحد ما الشيطان تدخل بأتباعه من الأنس و الجن و استطاعوا أنهم يرجحوا كفه الأعداء عن طريق اضعاف المسلمين من الأنس أنفسهم داخليا بالصراعات و الأطماع و حب النفوذ و السلطه و طبعا... الكراسى ,كراسى العرش و الحكم يا محمد و اللى تسببت فى أن الأندلس ضاعت , و تقهقر المسلمين فى كل شيئ و تهافتت علينا الأمم و لاقينا هوان كبير من العالم كله لأننا هانت علينا أنفسنا و فرطنا فى ديننا من اجل الدنيا فلا طلنا دنيا ولا دين, و طبعا عشان المسلمين من الأنس تراجعوا فكان علينا احنا كمان التراجع زى ما العهد بيقول و فضلنا ماشيين معاكم خطوه بخطوه و عبر التاريخ خضنا معاكم حروبكم على جبهه الجن و طبعا بدون ما أى واحد من الأنس يعرف بكده لحد ما وصلنا لوقتنا الحالى و الوضع اللى كنا عليه لحد يوم واحد بس من دلوقتى , اليهود يا محمد عرفوا طول عمرهم بخيانه العهود و المواثيق و لكن بأنهم يخونوا عهد الجان الأبدى اللى أقسموا عليه فى معاهدتهم معانا ده كان الغريب جدا, و لكنه كان متوقع مننا من زمان و الحمد لله كنا عاملين احتياطنا.
    أنا عارف انك كده اتلخبطت جدا بس أنا كنت عاوزك تعرف الميثاق اللى بينا ده عباره عن أيه,الميثاق ده يا محمد هو ورقه كتبت بخط أيد حكماء الجان فى وقتها و تم قراءة طلاسم عليها لحمايتها من ان أى حد من الجن يلمسها و الا احترق فورا العهد ده حفظ بمكان لا يقوى على الوصول اليه الجان لأنه داخل نطاق الشهب الحارقه اللى خلقها اللى سبحانه و تعالى لمعاقبه الجن و الشياطين مسترقه السمع ,تم وضعه هناك بأنهم أرسلوا أقوى و أشجع جن طيار ليصل الى حدود الشهب الحارقه لينا و رمى الصندوق اللى اتحطت فيه ورقه العهد بأقصى قدرته داخل نطاق الشهب , و كان اليهود بيعملوا تجارب من زمان عشان يصبح عندهم القدره على خرق العهد ده فى أى وقت و احنا اطلعتنا جواسيسنا عندهم بده , متستغربش احنا كمان عندنا جواسيس و مش بس احنا هما كمان لهم جواسيسهم و مسكنا منهم كتير و أحرقناهم , كانت الطريقه المثلى ليهم انهم يبعتوا أنسى لانجاز المهمه دى اللى ميقدرش الجن عليها ابدا و قد كان , فضلوا يبحثوا عن الأنسى المثالى بالنسبه لهم كتير و استعانوا بالكتب القديمه للجان و الأساطير ,و بالفعل وجدوا ضالتهم فى أسطوره بتقول أن قوى الخير و قوى الشر هيدخلوا فى حرب سمتها الأسطوره بالموقعه الفاصله بين الخير و الشر و أن القوتين كل واحده منهم هتعتمد على كائن من جنس أخر غير جنسهم ليه نفس الهاله و الصفات و حتى اسم قائد كل جيش منهم و أن الكائن ده هو اللى هتتبنى عليه خطه الحرب و قالت بأن القوه اللى هتنتصر هتحكم العالم لفتره كبيره.
    بدى التركيز الشديد فيما يقال و علامات الحيره تسيطر على ملامحى حتى نظر الى الملك ناصر بنظره حزن عميق قائلا : محمد أنا يبنى مش هقدر أخبى عليك أنت طبعا عرفت ليه أنت الأنسى اللى بندور عليه و بنجهزه من زمان للموقعه دى بس يا محمد عشان أنت زى محمد أبنى بالضبط أنا لازم أصارحك أن الأسطوره بتقول أن الكائن اللى بيحقق النصر لجبهته بيموت فى اخر الحرب .
    نظر الى الملك ناصر بنظره استغراب هائله لما رأى على وجهى فعكس ما توقع تماما رأى على ملامحى علامات الابتهاج و كأنه زف الى خبر يفرحنى لا خبر قرب موتى.....
    نظرت له قائلا : متستغربش قال الله تعالى "كل نفس ذائقه الموت" صدق الله العظيم و طالما أنا كده كده ميت يبقى أموت الموته اللى يتمناها كل مسلم مؤمن بالله و قضائه....
    أموت شهيد ...
    قلتها و فرح الدنيا كله يملؤنى و ذهول الدنيا كلها على ملامح ملك الجان و قائد جيشه حتى تحولت الى ملامح سعاده كامله و قام محمد الثانى من مجلسه قائلا لى : محمد أنا أسف أنا مفتكرتش أنك بالشجاعه دى أبدا و فعلا مدتكش حقك أرجوك أقبل أسفى.
    محمد : من غير أسف ولا حاجه أنا مش زعلان.
    الملك ناصر بنبره صوت كلها أمل : كنت عارف أن الاسلام ممتش فى قلوبكم و أن الجيل الحالى قادر على أنه يعيد هيبه الاسلام تانى ,انت اللى قلته ده يا محمد قاله قبلك كتير من المسلمين الأشداء زمان و عشان كده ربنا اكرمهم ,كنت بدأت أفقد الأمل بس انت رجعتهولى تانى شكرا يا محمد.
    محمد : ايه يا جماعه فى أيه هو فى حد يجيلوا فرصه زى ده و يضيعها أنا طول عمرى فى صلاتى كنت بدعى أنه يرزقنى الشهاده و أدينى حسيت أنى دعائى قرب يتحقق أزعل بقى ولا أفرح؟
    الملك ناصر : أنت عارف يا محمد ان رسولنا الكريم صلى الله عليه و سلم قال " من طلب الشهاده بصدق نالها و لو على فراشه " صدق رسول الله صلى الله عليه و سلم .
    محمد : اللهم صلى و سلم و بارك على أفضل الخلق ,أنا بأذن الله هكون عند حسن ظنكم بس قولولى بقى أنا عرفت اللى يشبهلى فى اليهود مطلوب منه أيه انما معرفتش أنا أيه الطلوب منى بالظبط؟؟؟؟
    الملك ناصر توجه الى الطاوله التى عليها ماكيت للموقعه و قد أقترنت بخارطه كبيره للمنطقه و طلب منى و من محمد الثانى الوقوف بجانبه و أخذ يشرح لنا أفكاره التى يريد مننا تنفيذها و زاد تركيزى أنا و محمد الثانى كثيرا فلقد كانت المهمه كبيره و المسؤليه الملقاه على عاتقنا كبيره جدا و ايتدى القلق يسيطر على فهل سأكون عند حسن ظنهم بى أم سأخذلهم و ليس هم فقط من سأخذلهم حينها بل أمه...
    أمه بكاملها تعتمد على؟؟؟؟؟؟

    ولد ذلك الشعور بالمسؤليه شعورا بالقلق فهل سأنجح فى تلك المهمه ؟
    ذلك ما ستعرفه بمتابعتك لباقى أحداث تلك القصه فالى هنا تنتهى أحداث ذلك الجزء لتمهد لأحداث أهم و أقوى فلتقرأ و تدعوا لى فأنا مقبل على مرحله جديده تماما فى حياتى ...
    مرحله خوض الحرب و الاستعداد للشهاده فى أى وقت.



  8. #38
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593
    mizo أشكرك على كلامك المشجع جدا و ان شاء الله الجزء الرابع يعجبك و شكرا تانى مره لمرورك الكريم.
    have a dream الجزء الرابع أهه يا باشا عشان بس متزعلش أنا عارف زعلك وحش يا عم و احنا مش قده هههههه
    صحيح سمعت عن الزملكاويه اللى عاملين جروب بيشجعوا فيه الجزاير عشان حسن شحاته مخدش ميدو المنتخب؟ شفت الخيبه القويه؟

  9. #39
    الصورة الرمزية haveadream
    تاريخ التسجيل
    Oct 2007
    المشاركات
    697
    هانعمل ايه بقي فيهم همه الزبلكاوية كده ربنا يهدي بس انا ولاول مره اتفق مع شحاته في موضوع ميدو ده
    ميدو ده زمان كان بيتنك علي المنتخب بطريقة وكل لما يجي مصر يلعب معانا اتفرج علي ميدو واتمتع بقي وهو بيلعب بربع رجل راجل ناديه عنده اهم من المنتخب دلوقتي بقي فاق وبعدين ده لعيب نحس عمره ما لعب مع مصر ومصر كسبت فاكر ماتش المغرب في 2001
    والجزائر اول لما طلع ابتدينا نكسب
    ربنا يهدي حسن شحاته ومايلعبش شوقي بقي
    الجزء الرابع جااااااااااااااااامد جدااااااااااااااااااااااااااااااااااااااااااااا
    بجد والله تحفه والقصه بقت اجمد من الاول كمل ياسيدنا واهنا مستنيين ومعلش اصل انا مشغول شويه الايام دي علشان الشغل ماتزهعلش مني بقي
    وممكن الناس ماردتش عليك لانهم ياسوا علشان النت بتاعك اخر الجزء الرابع ولسه مابصوش هنا
    واخيرا الحمد لله انها كانت في النت بس

  10. #40
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593

    Flag Egypt

    اقتباس المشاركة الأصلية كتبت بواسطة haveadream مشاهدة المشاركة
    هانعمل ايه بقي فيهم همه الزبلكاوية كده ربنا يهدي بس انا ولاول مره اتفق مع شحاته في موضوع ميدو ده
    ميدو ده زمان كان بيتنك علي المنتخب بطريقة وكل لما يجي مصر يلعب معانا اتفرج علي ميدو واتمتع بقي وهو بيلعب بربع رجل راجل ناديه عنده اهم من المنتخب دلوقتي بقي فاق وبعدين ده لعيب نحس عمره ما لعب مع مصر ومصر كسبت فاكر ماتش المغرب في 2001
    والجزائر اول لما طلع ابتدينا نكسب
    ربنا يهدي حسن شحاته ومايلعبش شوقي بقي
    الجزء الرابع جااااااااااااااااامد جدااااااااااااااااااااااااااااااااااااااااااااا
    بجد والله تحفه والقصه بقت اجمد من الاول كمل ياسيدنا واهنا مستنيين ومعلش اصل انا مشغول شويه الايام دي علشان الشغل ماتزهعلش مني بقي
    وممكن الناس ماردتش عليك لانهم ياسوا علشان النت بتاعك اخر الجزء الرابع ولسه مابصوش هنا
    واخيرا الحمد لله انها كانت في النت بس

    ألف شكر على تشجيعك يا باشا و أنا هنزل الجزء الخامس دلوقتى حتى لو كنت أنت بس اللى هتقراه
    بالنسبه لمحمد شوقى أنا لأول مره بقى بختلف معاك لسبب :
    محمد شوقى بيظهر فى الماتشات الكبيره.
    محمد شوقى للأسف أحسن واحد يلعب جنب حسنى عبد ربه.
    محمد شوقى هيجى ياكل النجيله عشان يثبت لمدربه الجديد أنه مؤثر مع منتخب بلده فيحطه تحت ضغط فلازم يلاعبه بعد كده أو على الأقل ميطلعش من القايمه.
    بصراحه مش عارف من جوايا كان نفسى حيام غالى يجى مع ان كله مش بيحبه عشان هو بيمسك كوره كتير بس أنا شايف انه مهارى أوى و ممكن يعمل مفاجأه تكتيكيه لخاسر حزنان

  11. #41
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593

    Flag Egypt قصه جندى من الأنس مع قائد من الجن (الجزء الخامس)

    قصه جندى من الأنس مع قائد من الجن (الجزء الخامس)

    تابعت معى خطاب الملك ناصر ملك الجن بمصر الموجه الى شعبه , شعب مصر من الجان و ما جاء به من أشياء غريبه و صفات أغرب نعتنى بها و كأن لى شأن كبير عند هذا الشعب من الجن المؤمن بالله , و من خلال متابعتك لما دار بغرفة العمليات الحربيه أتمنى أن تكون قد كونت معى صوره تكاد تكون واضحه المعالم لسبب كونى مهما هكذا بالنسبه لهم , و أيضا بالتأكيد اكتشفت أن لى مهمة محدده بتلك الحرب الطاحنه بينهم و بين أعدائهم من الجن اليهودى الذين بدأوا فعلا فى التحرك لتنفيذ مخططاتهم , و أدركت أيضا مثلما أدركت أنا بأن أساطيرهم تقول بأنى فى حاله نجاحى فى أداء دورى و مهمتى فأنى سألقى حتفى , اذن فما هو دورى؟ و ما هى المهمه التى ستلقى على عاتقى؟ و هل سأستطيع تحقيقها أم سأخذل كل هؤلاء كل من وضعوا ثقتهم فى ؟ و هل ستصدق أساطيرهم فى كل شيئ؟؟؟

    أتمنى ألا أخيب ظنهم , لتتعرف على اجابات تلك الأسئله تابع معى باقى أحداث القصه و لكن عدنى بأنك ستكون فى قمه التركيز و أن تبقى معى طوال أحداث القصه بقلبك و عقلك من يعلم فقد أحتاج منك المعاونه على أعدائنا فهل أنت مستعد؟؟؟

    الملك ناصر بنبره صوت كلها أمل : كنت عارف أن الأسلام ممتش فى قلوبكم و أن الجيل الحالى قادر على أنه يعيد هيبه الاسلام تانى انت اللى قلته ده يا محمد قاله قبلك كتير من المسلمين الأشداء زمان و عشان كده ربنا كرمهم كنت بدأت أفقد الأمل بس انت رجعتهولى تانى شكرا يا محمد.
    محمد : ايه يا جماعه فى أيه هو فى حد يجيلوا فرصه زى ده و يضيعها أنا طول عمرى فى صلاتى كنت بدعى أنه يرزقنى الشهاده و أدينى حسيت أن دعائى قرب يتحقق أزعل بقى ولا أفرح؟
    الملك ناصر : أنت عارف يا محمد ان رسولنا الكريم صلى الله عليه و سلم قال " من طلب الشهاده بصدق نالها و لو على فراشه " صدق رسول الله صلى الله عليه و سلم .
    محمد : اللهم صلى و سلم و بارك على أفضل الخلق ,أنا بأذن الله هكون عند حسن ظنكم بس قولولى بقى أنا عرفت اللى يشبهلى فى اليهود مطلوب منه أيه انما معرفتش أنا أيه المطلوب منى بالظبط؟؟؟؟
    الملك ناصر توجه الى الطاوله التى عليها ماكيت للموقعه و قد أقترنت بخارطه كبيره للمنطقه و طلب منى و من محمد الثانى الوقوف بجانبه و أخذ يشرح لنا أفكاره التى يريد مننا تنفيذها و زاد تركيزى أنا و محمد الثانى كثيرا فلقد كانت المهمه كبيره و المسؤليه الملقاه على عاتقنا كبيره جدا و ابتدى القلق يسيطر على فهل سأكون عند حسن ظنهم بى أم سأخذلهم و ليس هم فقط بل أمه...
    أمه بكاملها تعتمد على؟؟؟؟؟؟


    الملك ناصر : محمد انت تعرف أن فى سفينه فضاء أمريكيه اسمها (أبولو 2012) على متنها رائد فضاء يهودي اسرائيلى كانت قامت بدوران حول الغلاف الخارجى للأرض بدون ابداء سبب واضح لده أو حتى توضيح المهمه اللى بتقوم بيها سفينه الفضاء دى لوسائل الأعلام؟

    محمد : أنا سمعت عن سفينه الفضاء دى فعلا بس متابعتش موضوع مهمتها ده بالظبط .

    الملك ناصر : محمد الثانى هو اللى كان متولى عمليه التجسس على السفينه دى بنفسه و عشان كده هو اللى هيشرحلك كل حاجه أحسن منى .

    محمد الثانى : بص يا محمد احنا من زمان كنا متوقعين غدر اليهود بينا و عشان كده عملنا حسابنا كويس و مفضلناش مأمنين للسلام اللى بينا و بينهم ده لأنهم ملهمش كلمه أبدا زى ما التاريخ بيقول سواء على مستوى الأنس أو الجان .

    هززت رأسى موافقا و أنا فى قمه التركيز و اللهفه لمتابعه شرح القائد لى .

    أرتسمت على ملامح محمد الثانى علامات الجديه الواضحه و هو يكمل حديثه قائلا : وعشان كده احنا كنا مراقبين تحركاتهم و زى ما قالك والدى الملك ناصر قبل كده عرفنا من جواسيسنا هناك انهم بيحاولوا ينقضوا العهد اللى بينا و بينهم بأى طريقه و عشان ينجحوا فى كده كان لازم يحصلوا الأول على الوثيقه الموضوعه فى المكان اللى أشار اليه والدى قبل كده , خلف الشهب الحارقه و طبعا كان لازم يستعينوا بأنسى يقوم بالمهمه دى لهم , اليهود و جدوا ضالتهم فى شاب يهودى الديانه اسرائيلى الجنسيه يدعى أيزاك يعمل فى وكاله الفضاء الأمريكيه (ناسا) , أيزاك هو نفس أسم قائد الجيش الصهيوني أيزاك اليعازر و الأتنين فيهم نفس صفات الوحشيه و حب السيطره و التطلع لحكم العالم بطموح ملهوش حدود و كمان بيشبهوا بعض فى الشكل شبه كبير و عجيب .

    تنهد القائد محمد الثانى و كأنما يعد نفسه لما سيقوله بعدها ثم أستطرد قائلا : طبعا اختفى ايزاك الأنسى فى ظروف غامضه عن البشر لمده يومين ثم ظهر فجأه و من حوله هاله كبيره من التشجيع من رؤسائه و كأنه حصل فى اليومين دول على بعثه جعلته أعظم علماء الأرض , و حصل أيزاك على ترقيه و تم تحويل نشاط عمله بناسا من المتابعه الأرضيه لتغيرات المناخ الى قسم أبحاث الفضاء و فى ظرف اسبوع فقط أصبح مؤهل للعمل كرائد فضاء على متن السفينه الفضائيه (أبولو 2012 ) , السفينه كانت رحلتها غريبه فعلا ففى سجلات (ناسا) لم يكن هناك أى أسباب لقيام تلك السفينه المنضمه حديثا لأسطول سفن الفضاء الأمريكيه برحله الى الفضاء فى ذلك الوقت من العام , كما أنه لا يوجد تفاصيل عن مهمتها الفضائيه و عن مكان المهمه بالضبط .

    علت وجهى نظره حزن واضحه اكتشفها الملك ناصر و عقب عليها قائلا : محمد أنا عارف سر نظره الحزن دى أيه و اعذرنى أنا قريت أفكارك للمره الأخيره برغم أنى بالفعل منعت نفسى و أى جنى من رعيتي أننا نقرى أفكارك أنت بالذات , الا ان اللى شفته من حزن فى عينيك اضطرنى أقرى أفكارك للمره الأخيره , يا محمد أنت زعلان عشان اللى بيقوم بنفس دورك فى الطرف التانى مكانته فى عالم الأنس أكبر من مكانتك صح؟

    محمد : مهو حضرتك شايف الفرق كبير قد أيه , عدوي بقى رائد فضاء فى ناسا و أنا مجرد جندى فى الجيش المصري .

    محمد الثانى محاولا الترويح عنى : عريف مجند لو سمحت .

    قالها و ضحك و ضحك معه الملك ناصر و ابتسمت ابتسامه خفيفه كى أدارى ما بنفسى من ألم و لكن ما زادنى ألم فوق ألمى أنه ليس حالى أنا فقط .....بل هو حال أمتى بأكملها فنحن كثيرون و لكن غثاء كغثاء السيل كما قال رسولنا الحبيب صلى الله عليه و سلم , تهافتت علينا الأمم لضعفنا الداخلى علميا و ثقافيا و حتى أخلاقيا .

    الملك ناصر : بتفكر فى أيه يا محمد؟؟؟

    رددت بسرعه محاولا تفادى السؤال الصعب و المحرج فى نفس الوقت , محاولا اصطناع المرح : أخيرا عرفت أداري افكاري فى عالمكم ده , يا ساتر دانا كنت ولا اللى ناشر غسيله فى محطه مصر .

    ضحك ثلاثتنا كثيرا و أستمرينا فى الضحك عسى ان يهون علينا الوضع الراهن و ما فيه من مخاطر و صعاب.

    محمد الثانى و كأنما شعر بي تلك المره بدون قراءه أفكار ,ولما لا فأنا و هو مثل الأخيين التوائم : محمد لو احنا أمننا بربنا حق الأيمان كل الفوارق اللى بينكم و بينهم ده مش هيبقى ليها معنى بالعكس الايمان هيرجح كفه المسلمين فى المعركه , لأن ايماننا القوي بيبث الرعب فى نفوسهم و أسوء عيب فى أى محارب هو الخوف و الجبن صدقنى ملهوش علاج و مفيش قائد يقدر ينتصر فى حرب و جنوده مرعوبين من أعدائهم , و اللى شوفته منك انهارده و فرحتك و انت بتسمع أنك فى الغالب هتستشهد فى المعركه أكدلى أنك قدها فعلا و أن أيزاك ده ولا حاجه بالنسبه ليك .

    أثلجت كلمات محمد الثانى صدري تماما فهى كلمات تنم على أنه قائد محنك بالفعل و يعرف خبايا و دواخل الجنود الذين هم الأدوات الحقيقه فى المعركه بغض النظر عن العتاد و الأسلحه , وثقته فى زادت من ثقتى فى نفسي التي أحتاجها كثيرا الأن.

    محمد الثانى : نكمل الشرح؟

    محمد : طبعا .

    أكمل محمد الثانى قائلا : السفينه دى رجعت للأرض فعلا وسط اهتمام كبير جدا من جانب القائد ايزاك اليعازر اللى راح بنفسه لاستقبال أيزاك الأنسى , جواسيسنا أكدوا أنه أول ما أيزاك الأنسى شاف أيزاك أليعازر رسم على وجهه ابتسامه خبيثه تأكد أنه أتم مهمته على أكمل وجه بادله القائد اليهودي الأبتسامه بأبتسامه أكثر خبثا تخفى ورائها الكثير .

    الملك ناصر : كده الجن اليهودي قدر يحصل على الوثيقه و ده يعنى أنهم حاليا بيحاولوا فك طلاسمها و ده هيبقى مجرد مسأله وقت مش أكتر , طبعا ده بيعنى أننا قدامنا أربعه و عشرين ساعه فات منهم دلوقتى عشر ساعات لاستعادة الوثيقه .

    محمد و كأنه يسأل سؤالا يعرف اجابته مسبقا و لكنه خائف من اجابته : والا؟؟؟

    الملك ناصر وقد بدى عليه و كأن هموم الدنيا كلها محمله على كتفيه : و الا أصبح قرار دخول الحرب من عدمه فى أيدهم هما , ساعتها مش هينجوا منهم جنى ولا أنسي هتبقى حرب شرسه هما ليهم فيها الأسبقيه نظرا لعنصر المفاجأه الموجود عندهم و مسانده جبهه الأنس القويه كمان اللى أديتهم أفضليه كبيره عننا .

    محمد الثانى : أنت فاكر الكلام اللى قولتهولك أول ما قبلتك عن أن العدو نجح فى اختراق جبهه سيناء و أحتل أجزاء كبيره منها؟

    محمد : أكيد .

    محمد الثانى : ده كان بمجرد أنهم عرفوا أن ايزاك نجح فى مهمته , فما بالك بقى لو قدروا فعلا يفكوا طلاسم الوثيقه؟ صدقنى هيبقى صعب جدا الصمود قدامهم ساعتها .

    محمد : يبقى لازم نتحرك و باقصى سرعه .

    ابتسم الملك ناصر قائلا : طب مش لما تعرف مهمتك أيه بالظبط .
    و أمسك بعصا قصيره و أخذ يشرح لى و لمحمد الثانى ما هى المهمه و كيفيه أدائها على الوجه الأمثل .

    فيا ترى ما هى تلك المهمه ؟
    المهمه التى اذا نجحنا بها سنستعيد السيطره على الوضع و نقلب موازين الأمور كلها .

    المهمه التى سألاقى فيها مصيري .....المصير الذى لا أخفى عليكم خوفى الشديد منه برغم اشتياقى له و رغبتى فيه منذ نشأتي.

    هل ستبقى معى فى الأجزاء القادمه لتتعرف على المهمه و أحداثها و أحداث المعركه الفاصله أم ستنسحب منها ؟ أتمنى بقائك معى ومساندتك لى فالأمور لا تحتمل فقدان جندى واحد فى المعركه....

    المعركه الفاصله

  12. #42
    الصورة الرمزية haveadream
    تاريخ التسجيل
    Oct 2007
    المشاركات
    697
    كلنا معاك يا محمد انت فعلا كل مره وبدون مبالغة والله بتبان فيك ميزة في الكتابة بصراحة انا دخلت جوة القصة لدرجة اني حسيت انها حقيقية
    والله وكل شوية اقول ياعمي دي قصه انت نسيت ولا ايه وشوية اصدق واقول دي حقيقة
    فانا اهنيك انك تقدر تقنع اللي قدامك ان اللي انت بتقولة ده حقيقي
    ربنا يباركلك وتكمل وتبقي في يوم من الايام كاتب كبير
    ان شاء الله
    بالنسبة لمحمد شوقي انا معاك فعلا انه بيبان في الماتشات الكبيرة ومش شوقي بس لا المنتخب كله
    للاسف لما تبقي شايف ان فرصة ضعيفة تلاقيه سبحان الله كانه مارد مثال (ماتشيين البرازيل وايطاليا ) ولما تبقي قايل لا ده اهنا هانكسب اكيد تلاقيه شال الطين مثال (ماتش امريكا) بس انا بخاف لا يتوه ويتطرد لانه عصبي جداااااااااااا
    وانا كمان بحب حسام غالي
    وميزته انه لاعيب بارد ينفع معاهم قوي وحريف فعلا جدااااااااااااااا
    فاكر الباك ورد اللي عمله في بدايته مع الاهلي وترقيصتة لجون ريال مدريد (صحيح هو كان الاحتياطي) بس برده ريال مدريد
    يارب انصرنا يارب وارحمنا من الحراميه والاستغلاليين (اتحاد سمير زاهر)

  13. #43
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593
    have a dream والله انت على طول مشجعنى على تكمله القصه انا عاوز بس اوضحلك نقطه واحده هيا ان القصه بتناقش اوضاع العرب و المسلمين بشكل داخل فيه الجن و العالم الخفى عننا و رايهم ايه فى اللى احنا وصلناله عشان كده تحس انها بتلمس جزء من الواقع فعلا .

    سمعت عن اصابه حسنى عبد ربه؟ ربنا يستر و متقللش من مستواه الواد ده نص الفرقه برغم انى مش بطيقه بس الحق يتقال و فى الوقت ده انا مع اى لعيب يكسبنا الماتش
    اه صحيح انا بكره سمير زاهر برده بس بعد التصريح بتاعه اللى قال فيه اعملوا فى الجزائريين زى ما انتوا عاوزين المهم نكسب بدأت احترمه اول مره الاقى مسؤل معندهوش دبلوماسيه دا احنا اتهرينا دبلوماسيه حتى اسأل الحاج شوبير اللى هيرجع من عندهم على السجن عدل
    حمله المليار صلاه علي الحبيب محمد " صلي الله عليه و سلم "
    قصتي المتواضعه :"لقاء جندي من الأنس بقائد من الجن"
    أنا بقدم إعتذاري لكل جزائري غلطت فيه أو جرحته بكلامي أو بتوقيعي من قبل , أنا بعتبر إن الإعتراف بالحق فضيله و مش مهم عندي مين غلط في مين ولا مين اللي بدأ في الأزمه الأخيره , انا المهم عندي إننا كلنا إخوة في الإسلام و ده اهم من أي حاجه .
    أنا عارف إن ناس كتير هتلومني بس "والله إني لا أخاف في الحق لومه لائم" و أنا متأكد إن ده الحق لأننا ببساطه أمه واحده " أمة محمد" عليه افضل الصلاة و السلام.

  14. #44
    تاريخ التسجيل
    Dec 2008
    المشاركات
    127
    فقدت الاثاره مع تالت جزء للاسف

  15. #45
    الصورة الرمزية mohamed_hamdy81
    تاريخ التسجيل
    Feb 2005
    المشاركات
    593
    totti_cole تصدق أنا مستنى الرد ده من زمان أوى ألف ألف شكر ليك و تابع معايا باقى الأجزاء ان شاء الله هتستعيد القصه اثارتها و شكرا مره تانيه على مرورك , بس قلى لما هيا فقدت الاثاره من الجزء الثالث طب انت بتعمل ايه هنا فى الجزء الخامس؟؟؟؟
    ههههههههه بهزر يا باشا طبعا انت منورنى و الله.

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك