موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 5 من 5
Like Tree0Likes

الموضوع: الزمالة البريطانية في الجراحة mrcs , الشرح الكامل

  1. #1
    الصورة الرمزية ahmadatta2009
    تاريخ التسجيل
    Sep 2009
    المشاركات
    7,047

    23 الزمالة البريطانية في الجراحة mrcs , الشرح الكامل






    ملاحظة مهمة قبل البدء في الموضوع :...

    هذا الموضوع كاملا بجميع نقاطه وحروفه من كتابتي الخاصة وتعبي الخاص

    لذلك رجاءا حارا عدم نقله الى اي موقع طبي او منتدى اخر , الا بإذن مني .




    السلام عليكم ورحمة الله وبركاته

    بصراحة سبب كتاتبي لهذا الموضوع هو انني

    رايت الكثيرين من طلاب الطب وبعض الاطباء المتخرجين حديثا

    لا يفهمون ولا يعرفون ما هو الـــ


    MRCS



    لذلك احببت انشاء هذا الموضع البسيط لشرح الــ MRCS

    كاملا لكم وما هو بالضبط


    ونبدأ على بركة الله سبحانه وتعالى


    MRCS

    هي اختصار لجملة واسعة تدعى

    Membership of the Royal College of Surgeons

    وهي بالعربية تدعى

    شهادة عضوية كلية الجراحين الملكية


    وهي عبارة عن جراحة تخصصية تمنح للجراحين عن طريق الكليات الملكية

    في المملكة المتحدة ( بريطانيا ) وايرلندا .

    وهي عبارة عن اربع 4 كليات ملكية
    هي :...

    1- كلية الجراحين الملكية بإنجلترا .

    2- كلية الجراحين الملكية في إدنبرة .

    3- كلية الاطباء والجراحين الملكية في غلاسكو .

    4- كلية الجراحين الملكية في ايرلندا .

    ولقد كانت كل من هذه الكليات الملكية الاربعة التي سبق وتم ذكرها منفصلة عن بعض

    حيث انها كانت تعقد امتحاناتها بشكل مستقل عن الاخرى .

    ولكن وفق لمنهج علمي محدد , حتى شهر واحد ( يناير - جانيواري ) عام 2004

    حيث قامت الكليات الاربعة بتوحيد امتحاناتها في امتحان واحد , يدعى :.

    ( الامتحان المشترك لعضوية الكلية الملكية للجراحين )

    وهو بالانجليزي يدعى

    Intercollegiate MRCS



    وهناك درجة علمية أخرى تمنحها هذه الكليات هي :..

    درجة زمالة كلية الجراحين الملكية

    وهي تدعى بالإنجليزية

    Fellowship of the Royal College of Surgeons‏

    والتي تسمى اختصاراً FRCS

    وهي أكثر تخصصاً من درجة العضوية، حيث يُمنح من يجتاز امتحاناتها درجة التخصص
    في أفرع الجراحة مثل جراحة العظام، وجراحة المسالك البولية، وجراحة القلب والصدر، إلخ .

    وتُمنح هذه الدرجة بعد اجتياز امتحان يعقب عامين من التدريب الجراحي المتقدم

    بالإنجليزية

    Higher Surgical Training‏


    وقد كانت درجة العضوية أيضاً يُشترط للتقدم لامتحاناتها أن يستكمل الطبيب فترة تسمى

    التدريب الجراحي الأساسي

    بالإنجليزية

    Basic Surgical Training‏

    ولكن بعد التعديلات الجديدة أصبح يُسمح للأطباء بدخول بعض أجزاء هذا الامتحان الثلاث
    دون اشتراط الحصول على التدريب الجراحي الأساسي.

    ورغم أن درجتي العضوية والزمالة وضعتا في الأساس لتأهيل الجراحين في بريطانيا وأيرلندا
    إلا أن معظم المتقدمين لهاتين الدرجتين هما في الأساس من خريجي كليات الطب في دول العالم الثالث
    ونظراً لإقبال هؤلاء الأطباء على مثل هذا الامتحان فقد بدأت الكليات الأربع
    في عقد بعض امتحاناتها خارج بريطانيا وأيرلندا.

    ====================================
    ==================================================


    الزمالة البريطانية للجراحين
    اولا تتكون من 3 اجزاء
    1- الجزء الاول:applied basic scienceتشريح وفسيولوجي وباثولوجي
    والاسئلة عبارة عن best single answer and multiple true or false questionsمدة الامتحان 3 ساعات.
    2-الجزء التاني:clinical problem solvingوالاسئلة extended matching questionsمدة الامتحان 3 ساعات.
    3-الجزء التالت:عبارة عن جزئين شفوي & اكلينيكي وcommunication skills
    يلزم للدخول الجزء الاول ان تكون حاصل علي البكالوريوس يعني ممكن في سنة الامتياز
    اما الجزء التاني لازم تكون خلصت الامتياز
    ممكن تدخل الجزئين مع بعض مرة واحدة وممكن تدخل كل جزء لوحده
    وممكن تدخل الجزء التاني قبل الاول عادي بس لازم تعرف ان من اول محاولة لدخول الجزء التاني سواء كانت قبل الاول او بعده
    يحسب ليك 3.5 سنوات لتنهي جميع الاجزاء الاول والتاني والتالت حتي لوكانت اول محاولة ليك فشل لاقدر الله.
    ممكن تدخل الجزء الاول والتاني اي عدد من المرات بس التني زي مقالنا لازم تعرف هيحسبولك 3سنين ونص
    من اول محاولة ليه سواء نجحت او فشلت.
    الشترالك والتسجيل للجزء الاول والتاني في المركز البريطاني الثقافي بالعجوزة او في الاسكندرية
    الاوراق المطلوبة ورقة التسجيل من المركز & شهادة البكالوريوس بالانجليزي والامضاء بالانجليزي عليها حتي الختم بتاع الجامعة
    انجليزي وصورتين مختومين ومكتوب عليهم الاسم علي ظهرهم.
    لو هتدخل الجزء التاني يبقي تضيف شهادة الامتياز بالانجليزية بنفس الطريقة
    ممكن تمتحن الجزء 1&2 في القاهرة او اسكندرية
    تكاليف الجزء الاول والتاني 190 جنية استرليني يعني يعادل2185 جنية مصري او حسب العملة ايام التسجيل
    مواعيد الامتحانات الجاية
    24 ابريل 2007 واخر ميعاد للحجز 21 فبراير2007
    10 سبتمبر2007 واخر ميعاد للحجز27 يونيو2007
    الجزء التالت:التسجيل ايضا في المركز الثقافي البريطاني في القاهرة او اسكندرية قيل اغلاق ميعاد التقديم
    الاوراق المطلوبة
    استمارة التسجيل&صورتين مختومين والامضاء علي ظهرهم&صورة ضوئية من اخطار النجاح في الجزء الاول والتاني
    الجزء التالت يتكون من جزئين الشفوي ويعقد في الاكاديمية الطبية العسكرية والاكلينيكي وهو جزئين
    اربع حالات قصيرة واختبار للتواصل مع المريض
    التكلفة oral &clinical&communication skills
    490جنية استرليني يعني مايعادل 5635 جنية مصري فقط لاغير.
    لازم تكون ناجح في الشفوي علشان تدخل امتحان الاكلينيكي واذا لاقدر الله دخلت امتحان الاكلينيكي ورسبت
    تعيده فقط ولاتعيد الشفوي مرة اخري
    تكلف clinical&communication
    270جنية استرليني يعني مايعادل 3105 جنية مصري
    تكلفة الcommunication only
    150جنية استرليني يعني مايعادل 1725 جنية مصري
    مواعيد الامتحانات
    شفوي 16-19 ابريل 2007 وخر ميعاد للتسجيل 7 فبراير2007
    الاكلينيكي والcommunication
    23-26 ابريل 2007 واخر ميعاد للتسجيل 7 فبراير 2007
    *المهم ان الزمالة لاتجبرك علي دورات او انك تاخد اجازة من الشغل يعني ممكن تباشر عملك عادي جدا وتتعلم اللي تقدر عليه
    وتروح تمتحن فقط يعني مثلا الزمالة المصلرية تتعلم فيها كويس والزمالة البريطانية qualificationليك وترفع من فرصتك في العمل في مكان كويس في الخليج وتكون فرصة ان تعمل clinical attachmentفي بريطانيا زي ما د/ حسام قالكم في الباطنة بالظبط
    بالنسبة للنظام امتحانات الجزء التالت بالتفصيل
    يمكنكم قراءة advice to candidates for MRCS
    من علي الموقع

    The Royal College of Surgeons of England —

    ========================================
    =========================


    ده اللى كتبته في اليوم اللى رجعت فيه من الامتحان :

    النهارده 10 سبتمبر كان يوم موعود
    امتحنت فيه الجزء الاول من امتحان زمالة الجراحة
    للكلية الملكية البريطانية للجراحين

    امتحنت فى الاكاديمية العسكرية الطبية فى
    منشية البكرى عند كوبرى القبة

    المهم.. انا اساسا رايح وانا قلقان جدا
    لانى ماكانش معايا حد اعرفه من جامعة المنصورة
    داخل الامتحان معايا.. واول مرة اروح اساسا منطقة منشية
    البكرى .. ده انا مشيت مشى

    فوجئت هناك لقيت تقريبا ان 95% من المتقدمين للامتحان
    شباب صغير .. ولاحظت فى كلامهم عن النوبتجيات وكده
    ان منهم كتير نواب فى الجامعة.... كنت متخيل انى هألاقى دكاترة
    كتير كبار فى السن .. مثلا فوق الثلاثين

    ولاحظت كمان انهم جروبات .. يعنى مجموعات من الشباب عارفين
    بعض حتى انى اتحسرت على نفسى لانى ماكانش معايا ولاواحد صاحبى
    يشجعنى على دخول الامتحان...

    لاحظت كمان ان معانا دكتور داخل الامتحان وكبير فى السن ..شعره ابيض
    اعتقد يكون اصغر من والدى بكم سنة ... كمان لقيت كم طبيب كده عمرهم
    تقريبا فوق التلاتين بس كانوا قليلين .. يتعدوا ع الصوابع

    كمان لقيت كم بنت.. حوالى 5 مثلا .. فوجئت حقيقة ان فيه بنات مهتمة
    بزمالة الجراحة .. يعنى فى بالى ان الاطفال او الباطنة افضل لهم

    المهم فضلت قاعد لوحدى فى الاستراحة بأراجع شوية ... واتخنقت شوية
    من الشباب وهمّــا بيسلموا على بعض ويعلّــوا صوتهم فى الكلام وكأننا قاعدين
    فى شارع....

    طبعا مش لازم أوصف الاكاديمية من جوه نضيفة إزاى .. مستوى عالى طبعا..
    المهم دخلنا قاعة الامتحان الساعة 11 قبل الظهر .. وقعدنا على الديسكات
    وكان المراقبين علينا من المركز الثقافى البريطانى ناس محترمة وكويسة
    وكانوا بيقولوا لنا التعليمات طبعا بالإنجليزى كلها ... وكل ديسك عليه قلم رصاص
    وأستيكة لسه جديدة ... وبعدين وزعوا الاول ورقة الاجابة
    وبعدين ورقة الاسئلة وغير مسموح لك تفتح ورقة الاسئلة إلا لما يقولوا لك ابدا
    ولازم تقرا التعليمات اللى على ورقة الاسئلة كويس...

    على فكرة ورقة الاسئلة شكلها مخيــــــف ...
    تحس انها كشكول اسئلة لانها كانت 160 سؤال ومكتوبين بخط كبير وواضح

    على فكرة ورقة الاجاية بتتصحح بالكمبيوتر ... يعنى مثلا السؤال رقم 1 لو
    إجابته الصحيحه هى C انت بتظلل بالقلم الرصاص الخانة فى ورقة الاجابة
    اللى تحت الرمز C ... وهكذا ... طبعا ماينفعش تعمل اجابتين والا مش هتاخد
    درجة ولو عملت اجابة غلط مش هيتخصم منك درجة زى نظام بعض الامتحانات
    التانية... ولو عايز تعدل اجباتك لازم تمسح التظليل كويس جدا بالاستيكة
    وتظلل الرمز اللى انت شايفه اصح ...

    طبعا القاعة والمراقبين كانوا منظمين جدا .. والوضع كان كويس والحمد لله

    المهم ... المصيبة الكبرى .... الوقت ضيــــــــــــق جدااااااااا
    مش ممكن ..... الامتحان 3 ساعات يعنى 180 دقيقة
    140 إختيارى Single Best Answer
    + صح وغلط 20 واحدة True or Fals
    ملحوظة : انا اخر امتحان هيكون فيه اسئلة صح وغلط
    وإن شاء الله الامتحانات اللاحقة هيكون فيها 180 Single BA
    يعنى كل واحدة صح وغلط بيشيلوها بيحطوا مكانها 2 SBA

    المهم .. كل SBA لك فيها دقيقة واحدة فقط تقرا السؤال وتفكر
    فى الاجابة وتتاكد منها فى دماغك وتظلل الخانة فى ورقة الاجابة

    خلى بالكم ان فيه اسئلة كتير طويلة .. يعنى مثلا يقولك حالة عملت
    عملية كذا وبعد العملية بكم يوم حصل له كذا وعملنا له فحوصات لقينا
    كذا وكذا وكذا وكذا .. واربط بقى ياباشا الطلاسم ببعضها فى دقيقة واحدة

    هتلاقى نفسك بعد ساعة مثلا من الامتحان بتجرى فى الاسئلة عشان
    تلحق تخلص... انا كنت بفكر لفترة بسيطة اوى ... وبعدين اقرر الاجابة الاقرب
    للصواب فى دماغى... حتى انى لما الاقى نفسى محتار بين اجاتين من ضمن
    الاربع اختيارات ... لازم اقرر بسرعة عشان الحق السباق...

    والله انا كنت حاسس انى بجرى ... وياااااااادوب لحقت اخلص قبل ماتقول سيب
    القلم تقريبا بدقيقة واحدة...

    المشكلة انى حسيت ان الوقت ضيق جدا... والاسئلة اللى كنت حاسس انى
    قابلتها فى حل الاسئلة وعدت عليا يمكن مثلا 40-50 % من الامتحان فقط
    وبعدين مثلا 30 % من الامتحان ماعدوش عليا بنفس الاسلوب بس حليت
    على حسب المعلومات اللى اكتسبتها من مذاكرتى
    وبعدين حوالى 20 % من الاسئلة كانت صعبة عليا
    ومشكلتى انى ماكانش عندى وقت كفاية افكر وأراجع المعلومات فى دماغى

    انا حاليا بصراحة قلقان من نتيجة الامتحان وعارف انى مش هاجيب درجة عالية
    فيه.. ودلوقتى بفكر ياترى مطلوب منى اجيب كم فى المية فى النتيجة
    عشان اعدى الامتحان ..انا بعت لهم إيميل قبل الامتحان اسألهم
    عن النسبة المطلوبة للنجاح بس قالولى انه مش حددة لسا
    المهم ان النتيجة ان شاء الله مش قبل
    3 اكتوبر الجاى ان شاء الله وهتكون من الموقع عن طريق رقم ال ID اللى
    استملته منهم ..
    ادعوا لى انى اجتاز الامتحان ان شاء الله بنتيجة كويسة...
    وانصح اللى بيفكر يدخل امتحان الزمالة انه لازم يراجع مرتين على الاقل
    لانى راجعت مرة واحدة بس ... وكمان لازم يكون مستعد للسرعة فى استيعاب
    السؤال وحله ...
    كمان لما يقابلك معلومات وانت بتذاكر .. زى مثلا
    ال Risk factors وال Incidence with certain age وال
    Common incidence of specific disorder or disease after
    certain trauma or surgical operations
    لازم تاخد بالك منها كويس جدا جداااا
    مثال : Papillary Thyroid Carcinoma common in females
    risk factors for Cancer breast,e.g. late menopause & early menarche
    طبعا لازم تذاكروا كويس جدا الاعصاب والاوعية الدموية
    فى Upper & Lower Limbs
    كذلك العضلات ... وخاصة علاقة ال Muscle Tendons مع
    عظام ال hand & foot
    كذلك علاقة الاعصاب والاوعية الدموية ببعضها
    مثال : Median Artery cross brachial artery
    from lateral to become medial to it

    كل الامثلة اللى قلتها لكم دى .. جت لى النهارده فى الاسئلة

    يارب اكون افدتكم وانا مش بقول كده عشان احبط اللى عايز يخش الامتحان
    ولكن لازم تستعدوا كويس ليه ... مع تمنياتى بالتوفيق لكم جميعا


    ==================================================
    ======================================



    الاجزاء التلاتة بتمتحنها فى مصر
    لأن مصر دولة من ضمن حوالى 4 أو 5 دول
    مش فاكر بالظبط عددهم.. وهم المسموح لهم
    بإجراء الامتحانات كاملة للزمالة البريطانية للجراحة MRCS
    ونوعية الاسئلة فى الجزء الاول هى
    Applied Basic Science Questions
    وهتكون Single Best Answers
    يعنى اختيار حل واحد من اربع اختيارات

    بخصوص الكتب ...انت بس ادخل اى مكتبة طبية وقول له
    عايز كتب الجزء الاول فى زمالة الجراحة وهمّـا بيبقوا غالبا عارفينهم

    انا جبت الكتب دى :
    Basic Science for the MRCS ------ Raftery and Delbridge
    وده كتاب 421 صفحة وفيه شرح بإختصار عشان يذكّرك
    بمنهج التشريح والباثولوجى والفسيولوجى

    كتاب MCQ للتشريح ...
    Anatomy Tutor for Surgeons in Training---- Reuban Johnson
    وده كتاب جميل اوى للتشريح ... ماعدا الجزء بتاع ال Neuroanatomy
    وهتلاقى فيه حاجات كده تقيلة لم تمر عليا فى الاسئلة ولا شفتها
    فى الامتحان.. واللى يهمك هو ال Cranial Nerves وعلاقتها ب ال
    Skull foramina ولما تحل الاسئلة هتعرف ايه اللى يهمك كمان

    باقى كتب الاسئلة :
    Pastest ..Single Best Answers Parctice Papers -- Irfan Halim & Lorna

    System Modules Practice Papers ---- Christopher LH Chan

    Pastest ..Applied Basic Science MCQs ---- Christopher LH Chan

    Pastest .. 300 Single Best Answer Questions ---- Shahzad G.Raja

    Pastest ... Last Minute.. Applies Basic Science -- Samena & Tahseen Chaudhry

    MCQs in Applied Basic Science --- A.Raftery

    MCQs for MRCS Examination --- Rahij Anwar

    دى كت الاسئلة اللى ذاكرتها وكلها محلولة .. وانا مرتبهم على حسب
    تصنيفى لهم ... يعنى اول كتابين هم افضل كتابين فى رايى .. وهكذا
    بالترتيب .. وكاتب لك اسماء مؤلفى الكتب
    والكتب كانت كلفتنى حوالى 170 جنيه ككل

    وفيه نقطة اخيرة .. الراجل اللى فى المكتبة عرض عليا اطلس تشريح
    تقريبا ل Herald على ماأذكر بس انا ماخدتوش لانى عندى Grant's وده
    كان كفاية جدا ... وكنت بألجأ له وانا بأذاكر التشريح


    ===========================
    =====================


    يتبع .. ده الرد اللى كتبته يوم نجاحى :

    السلام عليكم ورحمة الله وبركاته

    الحمد لله رب العالمين ::: نجـــــــحـــــــــــت

    المفروض مكتوب لى فى الورقة اللى فيها رقمى

    Candidate number

    ان النتيجة مش قبل 3 اكتوبر 2007

    Not before 3rd of October 2007

    يعنى معناها انى انتظرها من بعد يوم 3 اكتوبر إلى ماشاء الله

    المهم : يوم 3 اكتوبر دخلت موقع المركز الثقافى البريطانى لان

    المفروض اننا هنشوف النتيجة من على النت وممنوع نتصل بيهم

    فى المركز الثقافى البريطانى نسالهم عن نتيجتنا ..

    مالقيتش النتيجة .... قلت اصبر لبكره ... دخلت تانى يوم

    برضه مش لاقى النتيجة ... اتصلت بيهم عشان اعرف النتيجة هتظهر

    امتى ... ردت عليا واحدة وقالت لى ان النتيجة ظهرت فعلا

    بس طلعت انا غلطان .. لان النتيجة كانت فى موقع الكلية الملكية

    The Royal College of Surgeons of England —

    وليس المركز الثقافى البريطانى Egypt Home

    بعد ماقفلت معاها ودخلت الموقع كنت قلقااااان جدا والله

    كنت خايف جدا انى ماعدّيش ... والمشكلة انى لما دخلت ع النتيجة

    لقيتها عبارة عن جدول طويل مكتوب فيه رقم كل واحد وقدّامه

    إما PASS أو FAIL

    او اربعة فى القايمة لقيتهم FAIL اتخضيت .. وفضلت نازل نازل

    وفوجئت ان FAIL كتير .. اكتر مما كنت اتوقع

    لغاية مارقمى قرّب ... والتلاتة اللى قبلى FAIL

    لغاية مالقيت نفسى PASS والحمد لله شكرت ربنا وكنت فرحااان جدا

    وبعدين عملت احصاء .... لقيت ان الناجحين 221 والراسبين 143

    يعنى تقريبا نسبة النجاح فى الناس اللى دخلت الامتحان 61 %

    الصراحة انى فوجئت ... لانى كنت متوقع اكتر من كده

    المفروض ان الزمالة دى اسهل من الباطنة والاطفال

    وكمان الجزء الاول اسهل من الجزئين التانيين

    كنت متوقع نسبة النجاح اكتر من 85 %

    وكمان اتضح لى انهم مش كاتبين اى درجات او نسبة فقط نجاح

    او رسوب.....

    الخلاصة : الحمد لله انى نجحت .... وان شاء الله اعدى باقى الزمالة

    وبما انى نجحت .... اقدر اقول ان الكتب اللى ذاكرت منها دى كفاية

    وانصح اللى داخل ان شاء الله انه يراجع كويس يعنى يكون بادىء بدرى

    لانى زنقت نفسى فى المراجعة وده من اسباب قلقى انى مانجحش

    مع تمنياتى بالتوفيق للجميع .... اخوكم : احمد ماهر


    ========================================
    ===============================


    السلام عليكم ورحمة الله وبركاته

    طريقة التقديم :

    أولا هتحتاج من الكلية شهادة البكالوريوس " بالإنجليزى "
    ولو لسه فى الامتياز يبقى هتجيب بيان نجاح بالإنجليزى
    وفى الكلية رخّـموا شوية عليا عشان بيان النجاح اللى بالانجليزى
    ده وقالولى زمايلك بياخدوه عربى ووووو .. خلى بالك ممكن الموظف
    او الموظفة يكون مش فاهم ويضللك
    المهم انا أصريت .. وبعدين هما اتصرفوا وعملوا لى بيان نجاح
    بالانجليزى وده صيغته عشان لو احتجت تمليه للموظف فى الشؤون :
    This is to certify that "your name " has obtained the M.B.B.Ch
    Session:November 2006 "ده تاريخ امتحان البكالوريوس "
    Cumulative Grade : Good "ده التقدير التراكمى "
    Percentage :% "مجموعك بالنسبة المئوية "
    This certificate is issued to the applicant upon his request
    to be presented to The British Council.
    He is now spending the required internship duration as of
    01/03/2007 to 28/02/2008
    "ده تاريخ الامتياز بتاعك من وإلى "
    His examination result is still being approved by the
    University Council.

    طبعا الكلام اللى بين الاقواس ده تعليقى ومش من الورقة
    والورقة بيكون عليها صورتك ملصقة وعليها ختم الكلية
    وبتاخد امضاء رئيس شؤون الخريجين ووكيل الكلية

    ====================================
    ============================


    الخطوة التانية : مطلوب منك تجيب استمارة التقديم من المركز الثقافى
    البريطانى طبعا مجانى او من موقع الكلية الملكية من هـــــنــــا

    http://www.britishcouncil.org/egypt-...pplication.pdf

    واستمارة التقديم للجزء الاول والتانى استمارة واحدة حتى انك ممكن
    تقدم تمتحن الاتنين مع بعض بنفس الاستمارة بس بتدفع الفلوس على كل
    جزء . يعنى تقريبا 4680 جنيه مصرى

    طبعا هتطبع الاستمارة وانت محتاج منها فقط اول 4 ورقات
    انما الورقة الخامسة والسادسة مش هتحتاجهم لانك هتمتحن عن
    طريق المركز الثقافى البريطانى بالقاهرة وليس مباشرة عن طريق
    الكلية الملكية..

    البيانات :
    طبعا هتكتب بياناتك كلها بحروف انجليزى كلها Capital
    الورقة الاولى :
    اول خانة سيبك منها لانك مالكش اى يوسرنيم مع الكلية
    لان دى اول مرة بتقدم للكلية
    تانى مستطيل للبييانات هتكتب فيه اسمك وعنوانك ووو
    وماتنساش تكتب الايميل عشان هيبعتوا لك عليه
    من الكلية الملكية ايميل يقولوا لك ان ملفك وصلهم
    وبعدين ايميل تانى انهم قبلوك وهيكتبوا لك ايميل تبعت لهم
    عليه اى استفسارات عايز تسألها

    تالت مستطيل تختار انت عايز تمتحن الجزء الاول ولاّ التانى
    ولاّ الاتنين معا .. بعدها اختار الكلية الملكية اللى انت
    عايزها من اربع كليات .. انا اخترت انجلترا
    ومركز الامتحان هوه British council

    المستطيل الاخير فى الورقة الاول وهو اهم واحد :
    ده تاخد فيه امضاء من " مدير شؤون الاطباء "
    بالمستشفى اللى انت فيها..
    هيكتب اسمه ويمضى .. ودرجته الوظيفيه
    طبعا بالانجليزى .. افتكر انه كتب لى
    Director of internship وحاجة كمان مش فاكرها
    المهم هوه تقريبا متعود بيكتب ايه وبيبقى فاهم غالبا

    وبعد مايمضى .. هتاخد الاستمارة وتروح تختمها ختم المستشفى
    وبالنسبة لمستشفى جامعة المنصورة .. الختم هو ختم النسر
    وهتلاقيه فى مبنى سكن الاطباء
    وكمان هيكون معاك صورتين تكتب على ضهرهم اسمك بالكامل
    انجليزى وكابيتال .. وتختم الصور بختم المستشفى فوق الاسم

    بعد كده باقى البينات سهلة ولو حاجة وقفت معاك سيبها
    فاضية وبعدين ابقى اسال هناك فى المركز الثقافى البريطانى
    وانت بتقدم وهيقول لك تكتب ايه
    يعنى هتلاقى بيانات شهادتك واللى هى M.B.B.Ch
    ومن جامعة ايه وبتاريخ ايه وبلدك ولغتك اللى هى عربى
    وخانة ال GMC or IMC registration number
    تسيبها فاضية لان المفروض ان مش معانا الرقم ده
    ------------
    كده انت بتسافر تقدم الاستمارة وبيان النجاح والصورتين
    المختومين ... وتدفع الفلوس بالجنيه المصرى فى المركز الثقافى
    البريطانى .. بيان النجاح هياخده يصوره منك ويرجع لك الاصل
    وياخد منك الصورتين والاستمارة وتروّح بيتك
    -----------
    بعد ماتقدم وتتقبل ان شاء الله .. المركز هيبعت لك على عنوانك
    قبل ميعاد الامتاحن تقريبا ب 10 أيام
    جواب فيه ال Admission Paper اللى انت لازم تدخل بيه الامتحان
    ولو الجواب ماوصلكش .. تروح تاخد نسخة بديلة من المركز الثقافى
    البريطانى ... الورقة دى مكتوب فيها ال Candidate number
    تقدر تقول عليه رقم الجلوس .. وكمان مكتوب لك عنوان المكان اللى
    هتمتحن فيه وهو الاكاديمية العسكرية .. وانا امتحنت فيها
    وسهل تروح لها .. ركبت لها المترو من رمسيس ونزلت محطة كوبرى القبة
    و مشيت بس مشيت كتير لانى كنت نازل اسال وفاكره قريب
    او ممكن تاخد تاكسى من بعد المترو
    الجواب وصلنى السبت والامتحان كان يوم الاتنين
    طبعا اتاخر وانا كنت خلاص فقدت الامل وكنت ناوى اسافر لهم الاحد
    قبل الامتحان اخد منهم نسخة بديلة للورقة
    ولما اتصلت بيهم عرفت انهم بعتوه من الاحد يعنى تقريبا اخد اسبوع
    عشان يوصلنى ..
    كمان هتحتاج صورة معاك وانت رايح الامتحان وكده تبقى دى رابع صورة
    هتحتاجها .. الاولى كانت لبيان النجاح وكمان اتنين للاستمارة
    ------------
    طبعا المراقبين فى الامتحان هيكلموك انجليزى كتير
    مع انهم مصريين بس عشان تعيش الدور
    وكمان فيه رقابة جامدة اوى ونظام جااامد ولازم تروح
    قبل الميعاد تقعد تراجع فى قاعة مكيفة نضيفة
    عشان لو وصلت متاخر لهم الحق انهم يمنعوك من الدخول
    ويروح عليك الامتحان ..
    كمان ابقى قابلنى لو عرفت تبص حواليك او تسال حد
    مش عشان الرقابة .. بس الوقت ضيـــق اوى ويادوب
    تلحق تجرى فى الحل ..

    ================================
    ======================


    معلومات هتحتاجها ان شاء الله

    المركز الثقافى البريطانى
    192 شارع النيل - العجوزة
    Tel 02 33001666
    ده رقم خدم العملاء
    واتصل اسالهم ع اللى انت عايزه

    الموقع Egypt Home

    وهنا فيه صفحة بالزمالات
    404 Error page

    ده موقع الكلية الملكية البريطانية للجراحين
    وفيه هتشوف نتيجتك ان شاء الله
    The Royal College of Surgeons of England —



    ==============================
    ===================

    بالنسبة للمذاكرة :
    كتاب رافترى Basic Science for MRCS
    فيه خلاصة لل3 مواد اللى انت مطالب بيهم
    التشريح "الاهم" والفسيولوجى والباثولوجى
    ده كتاب حوالى 421 صفحة مقسومين وخط صغير
    وده كفاية انك تقراه عشان تسترجع بيه المعلومات
    طبعا مش هتحفظه ... بس فيه حاجات هترجع تحفظها منه
    بعد ماتخلص اسألة ان شاء الله
    وانت هتحددها بنفسك ان شاء الله
    زى مثلا : جدول فيه ايه ال Skull foramina
    بأسمائهم وايه اللى معدى منهم
    وكمان جدول فيه Derivatives of Branchial arches
    وكمان انواع ال sections فى ال Spinal Cord
    وتقسميات ال Brachial plexus
    يعنى دى أمثلة .. ورايى انك تسيبه بعد ماتقراه للاخر
    وترجع تشوف هتحفظ منه ايه
    -----------
    الاسالة : اولا اعرف ان الاسألة اتغيرت من True or False
    إلى Single Best Answer
    يعنى فيه كتب قديمة اسألتها T OR F
    وفيه كتب جديدة SBA
    طبعا مش مهم الكتاب ده نوع اسالته ايه .. بس المهم
    ان فيه معلومات كويسه ولا لا
    لان وانت بتحل هتقرا الحل طبعااا وتحت الحل عن كل سؤال
    فيه Paragraph حوالى 4 سطور شرح لسبب الحل او معلومات
    عن الجزء اللى عليه السؤال .. وال Paragraph
    ده احلى مافى الكتب لان منه هتجمع معلومات 10 على 10
    احسن من رافترى ...
    وهتلاقى مثلا معلومات مش فى رافترى زى مثلا
    Malignant Hyperthermia
    وإزاى تتعامل معاها
    يعنى من الاخر هتحاول تحفظ المعلومات اللى تقابلك فى الحلول
    وده اللى فادنى الحمد لله
    طبعا فيه كتب اسألة كانت مية مية وفيه كتب اسألة متوسطة
    وفيه كتب خنقتنى شوية فى بعض الاسالة .. كمان هيقابلك بعض
    الحلول فيها اخطاء وغالبا هتعرفها من نفسك لان اسالة كتير
    بتتكرر بين الكتب وهتلاقى نفسك بدات تحفظ المعلومة
    وحتى الاخطاء دى مش هتفرق كتير لانهم قليلين
    رايى الشخصى فى ترتيب الكتب للمذاكرة هو كالاتى :
    MCQs in Applied Basic Science --- A.Raftery
    ده ممكن تبدا بيه بعد كتاب رافترى الشرح
    والاسالة فيه بصراحة اسالة خايبة شوية وبسيطة
    يعنى تقدر تقول تسخين قبل الدخول فى الجد
    --------
    بعد كده
    Pastest ..Single Best Answers Parctice Papers -- Irfan Halim & Lorna
    System Modules Practice Papers ---- Christopher LH Chan
    ------------
    Pastest ..Applied Basic Science MCQs ---- Christopher LH Chan
    ثم
    Pastest .. 300 Single Best Answer Questions ---- Shahzad G.Raja
    وده افتكر ان كان فيه بعض الاسالة الخنيقة شوية فى الباثولوجى
    واحلى مافيه اسالة التشريح
    -----------
    Pastest ... Last Minute.. Applies Basic Science -- Samena & Tahseen Chaudhry
    ثم
    MCQs for MRCS Examination --- Rahij Anwar
    وبعدين فيه كتاب
    Anatomy Tutor for Surgeons in Training---- Reuban Johnson
    وده كتاب جميل للتشريح يفيدك
    بس هتلاقى حاجات تقيلة فى الاخر خاصة جزء النيورو
    وماركزتش عليها الصراحة وطنشتها
    -------------
    طبعا غالبا هتحتاج اطلس تشريح عشان
    تشوف فيه رسومات وصور توضيحية كويسة
    وانا استخدمت Grant's

    وطبعا فيه كتب اسالة نزلت جديد او ماقابلتنيش وانا مش كاتبها
    هات كتب الاسالة اللى تقابلك وخاصة لو كانت
    من سلسلة Pastest لان الاسالة هى اللى بتفيد ان شاء الله

    ملحوظة: فيه كتابين ل Pastest للشرح .. بصراحة لقيت حجمهم كبير
    وماكانش فيه وقت ليهم وطنشتهم واكتفيت برافترى الشرح فقط
    ------------
    فى النهاية اتمنى لجميع من ينوى على دخول الامتحان التوفيق
    باذن الله ورايى اللى كتبته فوق عن الكتب "راى شخصى "
    وياريت تحلوا الاسالة وتراجعوا مرتين
    لانى راجعت مرة واحدة بس وندمت عشان كان فيه اسالة
    فى الامتحان قعدت افتكر فيها فترة .. خاصة وانا متوتر
    وكل سؤال له دقيقة فقط
    بالتوفيق ان شاء الله

    ============================
    =====================



    طبعا زى مانتم عارفين ان الاشاعات المحبطة
    انتشارها بين طلاب الطب من اسهل مايكون
    وفيه ناس تسمع معلومة ماتكونش متاكده منها
    وتنقلها ....
    واحد صاحبى اكبر منى وهو حاليا فى التكليف
    و " كان " ناوى على دخول
    امتحان زمالة الجراحة و سمع كلام عـقّـده شوية
    وخلاه يتردد فى قراره وهو ندم حاليا انه مادخلش
    والكلام ده قاله لى وانا كنت لسه بجمع معلومات
    واستشارات قبل تقديمى للزمالة..
    الكلام ده سمعته من ناس تانية غيره.. والكلام هو الاتى ..
    قال ايه !!!!! .... لازم قبل دخولى الجزء التانى من
    الزمالة انى اقضى 12 شهر " وفى اقاويل اخرى بتقول 24 شهر"
    فى الجراحة فى مستشفى شرط تكون " معترف بيها من قبل
    الكلية الملكية البريطانية ".... والمفاجاة والصاعقة
    ان مفيش مستشفيات فى المنصورة معترف بيها من الكلية الملكية
    البريطانية .. وانى هاضطر اروح الفترة دى فى مستشفى فى القاهرة
    ..........
    ههههههه..... ياصبااااااح التعقيـــــــــد
    .........
    طبعا الكلام ده غير صحيح واساسه هو الاتى
    لازم قبل دخول الجزء التانى انى اكون اخدت البكالوريوس
    وكذلك قضيت ال BST وهو اختصار
    ل Basic Surgical Training
    تقريبا فيها ناس اعتبرتها الفترة المزعومة فى مستشفى معترف بيها
    الخلاصة .. ان ال BST ده هو الامتياز وطبعا ده مش كلامى
    ده كلامهم فى المركز الثقافى البريطانى لما سألتهم
    -----------------
    فيه نقطة كمان ... تكلفة الجزء الاول 2340 جنيه
    والتانى مثله .. والتالت 6100 جنيه
    واحتمال تتغير التكلفة شوية لانها زادت السنة دى تقريبا 140 جنيه
    يعنى تسالوا قبل التقديم ان شاء الله
    -----------------
    ممكن تمتحن الجزء الاول والتانى مع بعض .. تقريبا فى نفس اليوم
    بس بتدفع تمن الامتحانين معا... واعرف طبيب جراح
    امتحن الاتنين مع بعض وهو فى السعودية
    وانا ماكنتش اقدر اعمل كده عشان يلزمنى الاول اعدى الامتياز
    عشان اكون مؤهل لدخول الجزء التانى
    ---------------
    تقدر تدخل الجزء الاول وتنجح وتصبر براحتك على دخول الجزء التانى
    لكن لو دخلت الجزء التانى ونجحت .. قدامك 3 سنين ونص عشان تنهى الزمالة
    ----------------
    كمان تقدر تدخل الجزء التانى قبل الاول ... بس ساعتها هتزنق
    نفسك فى 3 سنين ونص عشان تنهى الجزء الاول والتالت
    انما الجزء التالت عشان تدخله لازم تكون نجحت فى الجزء الاول والتانى
    ----------------
    يارب اكون افدتكم ... واتمنى لكم التوفيق بإذن الله


    ======================================
    =========================


    IMRCS =
    Intercollegiate Membership of Royal College of Surgeons
    -----------------
    فيه كتابين شرح ل Andrew Raftery ده غير كتاب اسألة كمان لنفس الشخص
    بس الكتاب اللى انا ذاكرت منه اللى فيه شرح .. مكتوب عليه
    Basic Science for the MRCS

    وده كتاب 421 صفحة مقسوم 3 اقسام : تشريح وفسيولوجى وباثولوجى
    اتاكد ان عليه العنوان ده لان كتاب الشرح التانى
    اسمه Applied Basic Science for Basic Surgical Training

    وانا ماذاكرتش منه .. واكتفيت بالكتاب الاول فقط
    ---------------
    بعد كده .>>>>>>>

    تحل أســـــــالة ... هات كل كتب الاسالة اللى تقابلك
    ودى كتب اسامى لكتب الاسالة اللى انا جبتها

    Pastest ..Single Best Answers Parctice Papers -- Irfan Halim & Lorna

    System Modules Practice Papers ---- Christopher LH Chan

    Pastest ..Applied Basic Science MCQs ---- Christopher LH Chan

    Pastest .. 300 Single Best Answer Questions ---- Shahzad G.Raja

    Pastest ... Last Minute.. Applies Basic Science -- Samena & Tahseen Chaudhry


    MCQs for MRCS Examination --- Rahij Anwar
    وكمان كتاب :
    Anatomy Tutor for Surgeons in Training---- Reuban Johnson

    وده فيه اسالة للتشريح فقط بس هتلاقى موسـّـع شوية
    لأنه للتشريح عموما ومش موجه لامتحان الزمالة
    ممكن تبدا فيه باسالة ال Thorax , Upper and Lower Limbs

    كمان فيه 3 كتب ماكنتش انا جبتهم لأنهم ماكانوش موجودين
    فى المكتبة وانا بأشترى الكتب .. بس لو كنت شفتهم كنت اشتريتهم
    الكتب دى هى :

    Core Modules :::Parctice Papers
    System Modules :::: The complete test

    Get Through ::: MCQ & EMQ

    طبعا الكتب دى بعضها True or False مش النظام الجديد
    اللى هو Single Best Answer بس المهم انك تحلها وتكسب منها
    المعلومات اللى فيها ...
    بعض الكتب فيه اسالة EMQ دى سيبك منها دلوقتى لانها للجزء التانى

    ----------------------
    فيه كتابين هم Pastest BOOK1 VOL 1& 2
    اللى شكله يخـضّ ده وكمان كتاب Core Modules revision notes
    سيبك منهم
    لأن اللى يهمك اساساااااااااا هو كثرة حل الاسالة وفيه
    واحد اعرفه دخل الجزء التانى ونجح فيه فقط بحله الاسالة
    كتاب رافترى اللى قلت لك عليه ده المفروض انه يفكرك بال3 مواد دول
    وهتبقى تحفظ منه اجزاء معينة فى المراجعة ..
    بعد حلك للاسالة هتبقى تحددها لنفسك ...
    زى مثلا جدول فيه Derivatives of Branchial arches
    وجدول فيه Skull Foramina وايه اللى بيعدى منهم
    وكمان انواع Spinal Cord Transections
    وكمان موجات ال a ,c ,y ....waves اللى تبع ال Jugular Vein
    ووو .... حاجات بييجى عليها اسالة كتيررر
    عشان كده بعد ماتخلص حل الاسالة ... تبقى ترجع لكتاب رافترى
    وتشوف الاجزء اللى انت عايز تحفطها كويس فى المراجعة

    طبعا فيه حاجات هتقابلك فى الاسالة وماكنتش فى رافترى
    اوعى بقى تروح مضيع وقت وتروح تذاكر كتب شرح اكتر عشان
    تلم باكبر كمية شرح ... احفظ المعلومات اللى تقابلك
    فى حلول الاسالة احسن من مذاكرة الكتب دى

    كتب الاسالة دى بقى تتحل مرتين على الاقل ... والافضل انك تحلها
    وتراجعها مرتين .. يبقى مية مية

    وزى ماقلت قبل كده فى الموضوع ..
    الحلول اللى على الاسالة فى الكتب دى فيها معلومات كويسة جدا
    حتى انت ممكن تبقى تعلّـم على حاجات فيها عشان تركز عليها فى المراجعة
    ومش لازم السؤال ييجى بالظبط زى ماقابلك فى الكتاب
    بس المهم ان المعلومة قابلتك ...

    طبعا هتبقى فى الاول وانت بتحل هتلاقى نفسك
    مش عارف تحل كويس " او مش عارف تحل خالص " وييجى لك احباط شوية
    بس ده عادى جدا .. وواحدة واحدة هتلاقى نفسك كويس
    يمكن على ماتخلص كتابين اسالة .. وهتستريح لما تلاقى اسالة بتتكرر
    وانت بدات تحفظها ..

    كمان وانت بتحل هتلاقى بعض الحاجات الرخمة شوية ..
    يعنى مثلا بعض الاسالة كانت عن TNM Staging بتاع بعض الاورام
    وانا اساسا كنت باتخنق منها فى الكلية ... بصراحة دى قررت اسيبها
    والا كنت هاحفظ ال TNM لكذا ورم وكان فيه منهم حاجات معقدة ..
    وفى الامتحان جه سؤال واحد فقط عنها

    لما تبقى تخلص حل الاسالة كويس ولقيت وقت تبص على كتب الشرح التانية
    غير رافترى ... ابقى بص عليهم .. بس صدقنى الل هيفيدك اكتررررر
    هو اللى قلت لك عليه من حلك للاسالة ومراجعتك كويس جدا



    ==============================
    =================


    بسؤال العضو عن مواعيد الامتحانات أجاب

    مواعيد الامتحان للجزء الاول والتانى بتكون فى شهر يناير وابريل واسبتمبر
    وفيه ميعاد للتقديم وفيه deadline للتقديم .. يعنى اخر ميعاد للتقديم
    يعنى مثلا التقديم لامتحان ابريل اخر فرصه ليه فى اخر فبراير
    والتقديم لسبتمبر اخر فرصه له فى اول شهر يوليو
    وانت فى امتياز ان شاء الله تلحق تدخل فى شهر سبتمبر او شهر يناير اخر الامتياز
    شرط دخولك للجزء الاول من زمالة الجراحة انك تكون عديت البكالوريوس
    انما عشان تدخل الجزء التانى لازم تكون عديت الامتياز

    انما زمالة الاطفال او الباطنة ... الدخول للجزء الاول فيهم لازم بعد 18 شهر
    من البكالوريوس او 6 شهور من الامتياز
    يعنى تدخل فى امتحان سبتمبر اللى بعد الامتياز وبتقدم له فى شهر مايو

    طبعاااااااااا .. اللى هتذاكره لزمالة الاطفال مختلف عن اللى هتذاكره لزمالة الجراحة
    او الباطنة ...




    ===============================
    ===============



    التعديل بدا فى بريطانيا من سبتمبر 2007 بعد اضافة OSCE

    وهو ان الامتحان بقى عبارة عن Part A + Part B + OSCE

    OSCE = Objective Surgical Clinical Examination

    الجزء الاول والتانى بقوا Part A والتالت بقى B

    حاليا داخل بريطانيا فيه اطباء بداوا يمتحنوا بالنظام الجديد ده وفيه اطباء

    لسه بيمتحنوا بالنظام اللى احنا شغالين فيه ... من بعد 2010 ان شاء الله

    هيكون الامتحان داخل بريطانيا بالشكل الجديد فقط وهيتلغى الشكل الحالى

    اما خارج بريطانيا هيفضل الامتحان بشكله الحالى لحين اشعار اخر

    وطبعا لو هيتم التعديل زى ماحصل فى بريطانيا هيتم التنبيه قبلها بفترة

    اذا كان هما فى بريطانيا نفسها عملوا الانتقال للتعديل الجديد فى 3 سنين

    يبقى لو هيتعدل عندنا الامتحان هيبقى فيه تحضير وتنبيه قبلها بفترة كويسة

    وبعدين كده او كده .. سواء امتحنت بالشكل الحالى او الشكل الجديد المهم فى الاخر

    تحصل على العضوية فى الكلية الملكية للجراحين ...

    بخصوص الجزء التالت طبعا صعب ... بس على قد مذاكرتك وكفاءتك تقدر تعدى

    ان شاءالله مش على قد واسطتك وهداياك وبعدك عن الدكاترة المعقدين ..

    الجزء التالت ان شاء الله مش هاخده الا لما اكون قعدت على الاقل سنة فى نيابة

    الجراحة وكمان فيه كورسات بتتعمل له فى القاهرة ان شاء الله هابقى اخد له كورس..

    ده غير انك بتذاكر له نظرى بجانب كفائتك فى الكلينيكال ... كمان بيهتموا جدا

    بال Communication Skills مع المريض يعنى تعاملك مع المريض ازاى

    وحتى تعاملك مع الدكتور اللى بيمتحنك ازاى ... يعنى مثلا كنت قريت انك ماتكررش

    كلمة "Sir " زيادة اوى وانت بتكلم الدكتور اللى بيمتحنك ولازم يكون عندك ثقة

    =======================
    ===================



    أتمنى ان اكون قد افدتكم اخواني الكرام

    التعديل الأخير تم بواسطة ahmadatta2009; 20-09-2011، الساعة 11:37 PM

    أشهد أن لا إلـہ إلاَّ اللـَّـہ و أشهد أن مُـכـمَّــدْ رَسُــولُ اللـَّـہ ,,,


    مشرف عام المنتديات الطبية

    مؤسس و مشرف رابطة عشاق ملكة الروك Amy Lee

    Amy Lee FanS







  2. #2
    تاريخ التسجيل
    Dec 2004
    المشاركات
    208
    شكرا يا دكتور على الشرح الجميل .... بس أنا ليا سؤال بعد إذنك ....

    دلوقتي بالنسبة لموضوع ال frcs .... إيه الحاجات المطلوبة بالضبط على شان أتقدم وأتقبل

  3. #3
    تاريخ التسجيل
    Aug 2012
    المشاركات
    21
    معلومات رائعة ومفيدة
    الله يكرمك و جزاك الله خيرا

  4. #4
    الصورة الرمزية Preventive Medicine
    تاريخ التسجيل
    Mar 2012
    المشاركات
    3,548



    يا دكتور احمد .... لو سمحت اكتب معلومات اكتر عشان الموضوع يكمل ويكون مفيد

    فلوس و رسالة و كتب و ميعاد الامتحان وكده

    ما من عامٍ إلَّا والَّذِي بَعدَهُ شرٌّ مِنْهُ ، حتى تَلْقَوا ربَّكمْ


    الراوي: أنس بن مالك المحدث:الألباني - المصدر: صحيح الجامع - الصفحة أو الرقم: 5731
    خلاصة حكم المحدث: صحيح



    ========================
    لدي مواضيع في قسم روضة المنتديات الاسلامية

    https://dvd4arab.maktoob.com/f1634/


    معظمها بتواريخ يوم 3 شهر 9 عام 2013
    فبراير2014
    ===============================

    لدي مواضيع في قسم للاطباء وقسم طلاب الطب

    https://dvd4arab.maktoob.com/f1810/


    نصائح هامة جدا لطلبة كلية الطب

    https://dvd4arab.maktoob.com/f990/3952136.html

    ==========================

    نفسك تتوب
    http://www.nefsyatoop.c.la/


  5. #5
    الصورة الرمزية Preventive Medicine
    تاريخ التسجيل
    Mar 2012
    المشاركات
    3,548



    تم تعديل الموضوع و عنوان الموضوع و زيادة المعلومات في المشاركة رقم واحد للاجابة علي جميع الاسئلة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك