موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 12 من 12
Like Tree0Likes

الموضوع: عايز اشترى روتر نت جير جديد

  1. #1
    الصورة الرمزية valantino2006
    تاريخ التسجيل
    Mar 2007
    المشاركات
    289

    عايز اشترى روتر نت جير جديد

    السلام عليكم
    يا شباب انا عندى روتر كونكست قديم بقاله 3 سنين
    وماشاء الله مفهوش مشاكل ومشتكاش

    بس انا محتاج اغيره واجيب روتر ويرليس لانى اللى عندى روتر عادى
    فأنا فكرت ونويت ع النت جير , لأنى من مده كبير ولحد دلوقتى بسمع انه الاحسن والاقوى
    لأنه ماركه عالميه قويه

    المهم
    عايز اعرف موديل معين اجيبه
    يكون موديل محترم والاشاره فيه كويسه ويبأ كويس اوى لو بورت lan واحد مش اربعه
    ولو مفيش الا اربعه مفيش مانع
    عاماً عايز اعرف موديل كويس من الناس الخبيره (اشارته حلوه . بيستحمل الشغل . مش بيشتكى)
    يعنى من النهايه اركبه وانساه زى ما انا عامل مع الكونكست

    فأيه الموديل اللى اجيبه
    ويريت لو اعرف سعره فى مصر عامل كام
    ومكان بيعه فين فى السخاوى او الاسيوطى او سوق العصر
    لأنى مش من القاهره
    فعايز اعرف مكان محدد اشتريه منه

    +

    حاجة تانيه يا شباب لو سمحتوا
    دلوقتى عشان اشغل جهاز عادى ويرليس
    اللى اعرفه انى محتاج يأما usb ويرليس , او ويرليس Pci
    كنت عايز اعرف ايه الاحسن لجهاز ثابت
    والبعد ما بينه ومابين الروتر حوالى 10 -15 متر
    فأيه اللى يكون احسن
    وايه سعر ال usb وال pci


    والف شكر ليكم يا شباب
    التعديل الأخير تم بواسطة valantino2006; 01-08-2010، الساعة 03:10 AM

  2. #2
    الصورة الرمزية sherothebest
    تاريخ التسجيل
    May 2008
    المشاركات
    3,022
    اخى الفاضل
    وردا على رسالتك الكريمة على الخاص
    بالنسبة للنت جير فهو طبعا ماركة محترمة جدا بس ابعد عن اى موديل تكون اشارته N يعنى خليك فى الاشارة G ...... احسن موديل اتعاملت فيه فى النت جير وبعت منه كتير ومحدش اشتكى منه هو موديل DG834G فيرجن 3 او 4 وهو من النوع اللى الانتنه بتاعته بتتفك (قلاووظ) علشان لو حبيت مستقبلا تزود مدى الاشارة وتجيب انتنا اعلى وتركبها عليه ...... فيه اقتراح تانى علشان ما تخسرش الكونكسنت اللى عندك ( وعلى فكرة الكونكسنت القديم احسن راوتر على الاطلاق يتعامل مع الخطوط الضعيفة اللى بتسقط اشارة الدى اس ال كتير ) انك تجيب نت جير من نوعية راوتر برودباند وهو ببساطة عامل زى الراوتر بالظبط بس 5 بورت لان ومفيهوش بورت خط الدى اس ال (التليفون) وطريفة عمله ببساطة ان الراوتر الكونكسنت او اى راوتر تانى بيفك ويستخلص اشارة الدى اس ال ويرسلها عن طريق كابل اللان للراوتر البرودباند ده لاعادة بثها (4 بورت سلكى+لاسلكى) يعنى تقدر تقول انه سويتش واكسس بونت فى وقت واحد ...... بالنسبة لكروت الوايرليس فلو المسافة صغيرة كدة زى ما انت بتقول يبقى انت مش محتاج الالفا لانه اغلى طبعا اى كارت تانى pci او يو اس بى هيقضى الغرض معاك وانا بقولك الكلام ده رغم انى عندى الالفا وعارضه للبيع بس الامانة قبل كل شىء ومن الانواع اللى برضه بابيع منها كويس ومحدش بيشتكى منها واسعارها معقولة الدى لينك اما لو غاوى الماركات واغلى شوية يبقى البيلكين او النت جير ...... اماكن البيع انا دايما برشح مول البستان الاول لو ما لقيتش فيه يبقى مولات مصر الجديدة والاسعار جديدة كام انا معرفش لانى بابيع مستعمل وبقالى فترة مش متابع اسعار الجديد ....... نلخص الموضوع فى النهاية ابعد عن اى راوتر اشارته N لانه غالبا هيتعبك خصوصا فى الصيف والحر وهتلاقيه بيسخن ويهنج جامد ....... اى استفسار تانى انا تحت امرك ....... تحياتى اليك
    جميع معروضاتى (عدا المودم) استعمال الخارج بحالة ممتازة
    المكان : بالقاهرة شبرا بجوار محطة مترو الخلفاوى ..الاستفسارات : على الخاص او ت :01152152180 ..المواعيد : او الاتصال من الساعة 2ظهرا الى 9مساءا مع ملاحظة ان اول 10 ايام من كل شهر اكون بمامورية خارج القاهرة وذلك لظروف عملى وفى حالة عدم الرد على التليفون فذلك يعنى انى لازلت فى العمل والافضل فى تلك الحالة ارسال رسالة على الخاص بالمطلوب..متوافر الآن معظم الراوترات خصوصا ثرى كوم ونت جير واسبيدتاتش ولينك سيس وايرليس واكسسات لينك سيس بالفيرموير الجبار DD-WRTوكذلك مودم للتابلت الصينى والعروض متجددة

  3. #3
    الصورة الرمزية valantino2006
    تاريخ التسجيل
    Mar 2007
    المشاركات
    289
    الف شكر يا باشا
    ربنا يباركلك ويزيدك

    وانا ان شاء الله ناوى ع روتر جديد بدل ما ادخل اتنين فى بعض ويبأ دوش
    خلينا فى واحد جديد اريح

    والكونكست هسيبه عندى لو حصل اى ظرف اديه موجود

    ومعلش
    اللى انا فاهمه
    انى اجيب نت جير اى موديل
    بس ميكونش فى اسم الموديل فى الاخر حرف الـ N
    تمام كده ؟

    واى موديل فيه G فى اخر اسم الموديل
    اتوكل ع الله واشتريه

    بس هو مفيش انواع تانيه مثلاً غير ال G وال n
    عشان اكون فاهم وعارف

    وهلاقى اللى فى اخره G ولا ده صعب الاقيه فى السوق ولا ايه باشا بأذن الله
    عشان انا ع سفر وكده
    فعايز ابأ عارف قبل ما اروح

    والف شكر ليك

  4. #4
    الصورة الرمزية valantino2006
    تاريخ التسجيل
    Mar 2007
    المشاركات
    289
    اقتباس المشاركة الأصلية كتبت بواسطة valantino2006 مشاهدة المشاركة
    الف شكر يا باشا
    ربنا يباركلك ويزيدك

    وانا ان شاء الله ناوى ع روتر جديد بدل ما ادخل اتنين فى بعض ويبأ دوش
    خلينا فى واحد جديد اريح

    والكونكست هسيبه عندى لو حصل اى ظرف اديه موجود

    ومعلش
    اللى انا فاهمه
    انى اجيب نت جير اى موديل
    بس ميكونش فى اسم الموديل فى الاخر حرف الـ N
    تمام كده ؟

    واى موديل فيه G فى اخر اسم الموديل
    اتوكل ع الله واشتريه

    بس هو مفيش انواع تانيه مثلاً غير ال G وال n
    عشان اكون فاهم وعارف

    وهلاقى اللى فى اخره G ولا ده صعب الاقيه فى السوق ولا ايه باشا بأذن الله
    عشان انا ع سفر وكده
    فعايز ابأ عارف قبل ما اروح

    والف شكر ليك
    ويا باشا بالنسبه للموديلات
    انا سألت فى منتدى عربى ع موديلات كويسه فى النت جير
    واحد رد بموديل kwgr614
    والتانى رد بموديل WGR614UK
    ديه موديلات غريبه اوى
    ومفهاش حروف زى ما قولتلى فى الاخر
    فيها فى وسط الموديل ال G
    وبالنسبه للموديل الاول
    واحد نصحنى بيقولى متشترهوش
    عشان بيعمل عندى ريستارت كل 10 ساعات

    فمعلش هتعبك انا عايز حاجة من الاخر
    متتعبنيش فى الشغل
    لانى بشتغل نت 24 ساعه
    وبسيب الجهاز بليل مفتوح يخلص شغل
    فمش عايز حاجة توجعلى دماغى ومشاكل وبتاع

    ومعلش تاعبك معايا

  5. #5
    الصورة الرمزية sherothebest
    تاريخ التسجيل
    May 2008
    المشاركات
    3,022
    الموديل g او n مش المقصود بيهم ان الموديل نفسه يكون فيهم الحروف دى ....... المقصود هو المود بتاع الاشارة نفسه يعنى طبيعة الاشارة وده علشان تعرفه قبل ما تنوى على راوتر معين تخش على موقع نت جير وتشوف الشرح او مواصفات الراوتر ايه والاشارة اللى بيبثها جى ولا ان ....... الموديلات الجديدة زى ما قلت لحضرتك انا معرفش فيها قوى لانى مش متابع الجديد بقالى فترة ...... لو لقيت ان صعب تلاقى راوتر بيبث الاشارة g انا فى رايى تجيب راوتر ثرى كوم او اسبيدتاتش فرنساوى مستعمل بحالة نظيفة يبقى احسن من انك تجيب راوتر جديد اشارته n .

  6. #6
    الصورة الرمزية valantino2006
    تاريخ التسجيل
    Mar 2007
    المشاركات
    289
    اقتباس المشاركة الأصلية كتبت بواسطة valantino2006 مشاهدة المشاركة
    الف شكر يا باشا
    ربنا يباركلك ويزيدك

    وانا ان شاء الله ناوى ع روتر جديد بدل ما ادخل اتنين فى بعض ويبأ دوش
    خلينا فى واحد جديد اريح

    والكونكست هسيبه عندى لو حصل اى ظرف اديه موجود

    ومعلش
    اللى انا فاهمه
    انى اجيب نت جير اى موديل
    بس ميكونش فى اسم الموديل فى الاخر حرف الـ N
    تمام كده ؟

    واى موديل فيه G فى اخر اسم الموديل
    اتوكل ع الله واشتريه

    بس هو مفيش انواع تانيه مثلاً غير ال G وال n
    عشان اكون فاهم وعارف

    وهلاقى اللى فى اخره G ولا ده صعب الاقيه فى السوق ولا ايه باشا بأذن الله
    عشان انا ع سفر وكده
    فعايز ابأ عارف قبل ما اروح

    والف شكر ليك
    اقتباس المشاركة الأصلية كتبت بواسطة sherothebest مشاهدة المشاركة
    الموديل g او n مش المقصود بيهم ان الموديل نفسه يكون فيهم الحروف دى ....... المقصود هو المود بتاع الاشارة نفسه يعنى طبيعة الاشارة وده علشان تعرفه قبل ما تنوى على راوتر معين تخش على موقع نت جير وتشوف الشرح او مواصفات الراوتر ايه والاشارة اللى بيبثها جى ولا ان ....... الموديلات الجديدة زى ما قلت لحضرتك انا معرفش فيها قوى لانى مش متابع الجديد بقالى فترة ...... لو لقيت ان صعب تلاقى راوتر بيبث الاشارة g انا فى رايى تجيب راوتر ثرى كوم او اسبيدتاتش فرنساوى مستعمل بحالة نظيفة يبقى احسن من انك تجيب راوتر جديد اشارته n .
    تمام يا باشا
    انا فهمتك دلوقتى
    انا اتصلت بمحل فى القاهره

    وسألته ع النوع اللى عنده
    طلع
    http://www.netgear.com/products/home...g/DGN1000.aspx

    ومكتوب جوه فى الموديل Push 'N' Connect
    يبا كده ده N مش G
    صح كده ؟

    وانا للأسف مش بحب المستعمل حتى لو حالته ايه
    جديد وبس

    والنت جير الاحسن طبعاً
    بس حكايه ال n وال g ديه قلقتنى
    فيريت تقولى اعمل ايه
    ومعلش اسف ع تعبك

  7. #7
    الصورة الرمزية sherothebest
    تاريخ التسجيل
    May 2008
    المشاركات
    3,022

    يا باشا الاجابة موجودة ضمنا فى تعليقى السابق

    اقتباس المشاركة الأصلية كتبت بواسطة sherothebest مشاهدة المشاركة
    الموديل g او n مش المقصود بيهم ان الموديل نفسه يكون فيهم الحروف دى ....... المقصود هو المود بتاع الاشارة نفسه يعنى طبيعة الاشارة وده علشان تعرفه قبل ما تنوى على راوتر معين تخش على موقع نت جير وتشوف الشرح او مواصفات الراوتر ايه والاشارة اللى بيبثها جى ولا ان ....... الموديلات الجديدة زى ما قلت لحضرتك انا معرفش فيها قوى لانى مش متابع الجديد بقالى فترة ...... لو لقيت ان صعب تلاقى راوتر بيبث الاشارة g انا فى رايى تجيب راوتر ثرى كوم او اسبيدتاتش فرنساوى مستعمل بحالة نظيفة يبقى احسن من انك تجيب راوتر جديد اشارته n .
    راجع ما فوق الخط

  8. #8
    الصورة الرمزية valantino2006
    تاريخ التسجيل
    Mar 2007
    المشاركات
    289
    اقتباس المشاركة الأصلية كتبت بواسطة sherothebest مشاهدة المشاركة
    راجع ما فوق الخط
    ايوه يا باشا انا فاهم
    وانا سألتك انى لقيت الجمله ديه
    Push 'N' Connect
    فهل كده هى N
    ده اللى اقصده

    والراجل يا باشا قال ان الموديل الاغلب اللى بينزل مصر هوه
    http://www.netgear.com/products/home...g/DGN1000.aspx

    فأعمل ايه يا باشا
    وانا شاكك ان كلام الراجل ده غلط وهو مش بيفهم

    بس انا ناوى ع النت جير
    واعرف من زمان انه من اقوى الانواع
    بس حكايه ال N وال G ديه قلقانى

    فأنا احتمال اما اروح القاهره بأذن الله
    ادور فى المحلات
    بس مش هينفع كل محل اروحه ادخل ع الموقع واشوف الموديل G ولا N
    فيريت تقولى بيكون مكتوب ع علبه الروتر مثلاً نوع الاتصال بتاعه ولا ايه بظبط

    ولو لقيت وملقتش خالص موديل G
    أعمل ايه ؟ ولا اجيب ايه
    ومعلش تاعبك يا باشا

  9. #9
    الصورة الرمزية sherothebest
    تاريخ التسجيل
    May 2008
    المشاركات
    3,022
    اقتباس المشاركة الأصلية كتبت بواسطة valantino2006 مشاهدة المشاركة
    ايوه يا باشا انا فاهم
    وانا سألتك انى لقيت الجمله ديه
    push 'n' connect
    فهل كده هى n
    ده اللى اقصده

    والراجل يا باشا قال ان الموديل الاغلب اللى بينزل مصر هوه
    http://www.netgear.com/products/home...g/dgn1000.aspx

    فأعمل ايه يا باشا
    وانا شاكك ان كلام الراجل ده غلط وهو مش بيفهم

    بس انا ناوى ع النت جير
    واعرف من زمان انه من اقوى الانواع
    بس حكايه ال n وال g ديه قلقانى

    فأنا احتمال اما اروح القاهره بأذن الله
    ادور فى المحلات
    بس مش هينفع كل محل اروحه ادخل ع الموقع واشوف الموديل g ولا n
    فيريت تقولى بيكون مكتوب ع علبه الروتر مثلاً نوع الاتصال بتاعه ولا ايه بظبط

    ولو لقيت وملقتش خالص موديل g
    أعمل ايه ؟ ولا اجيب ايه
    ومعلش تاعبك يا باشا
    ابسط حاجة يا باشا قول للبياع انك عاوزه الاشارة تكون g لان الشبكة بتاعتك كروت الوايرليس كلها g وانك علشان تشترى منه هتكتب فى الفاتورة ان الراوتر اشارة البث g ويحق للمشترى ارجاعه اذا تبين غير ذلك ....... انا مقدرش اقولك انواع محددة بس كل جيل dg فى النت جير اعتقد ان اشارته g وبالنسبة للبرودباند آخر موديل جبته من حوالى شهر او اكتر اشارته g هو موديل wgt624 ....... قوة الاشارة مش هتختلف فى حالة البرودباند عن الراوتر فى حاجة لان الكونكسنت هيبقى كل دوره انه يفك اشارة الدى اس ال من خط التليفون ويبعتها الى البرودباند اللى هيقوم بكل حاجة بعد كدة بس لو انت مش فاهم قوى فى مواضيع ربط الراوتر بالبرودباند ابعت عنه لانها ما ينفعش تتشرح كلها على النت وغالبا هتجيب حد يعملها لك اول مرة او صديق لك يكون فاهم فى الموضوع ده ...... لو ملقيتش حاجة اشارتها g مبدئبا اكيد هتلاقى بس هتدور طبعا لانك لو تعبت اكيد هتلاقى اما لو فرض وملقيتش فانا معنديش اجابة محددة لان اتعاملت فى الراوترات الاشارة n مرتين والاتنين رجعوا وحرمت اتعامل فيهم تانى

  10. #10
    الصورة الرمزية valantino2006
    تاريخ التسجيل
    Mar 2007
    المشاركات
    289
    اقتباس المشاركة الأصلية كتبت بواسطة sherothebest مشاهدة المشاركة
    ابسط حاجة يا باشا قول للبياع انك عاوزه الاشارة تكون g لان الشبكة بتاعتك كروت الوايرليس كلها g وانك علشان تشترى منه هتكتب فى الفاتورة ان الراوتر اشارة البث g ويحق للمشترى ارجاعه اذا تبين غير ذلك ....... انا مقدرش اقولك انواع محددة بس كل جيل dg فى النت جير اعتقد ان اشارته g وبالنسبة للبرودباند آخر موديل جبته من حوالى شهر او اكتر اشارته g هو موديل wgt624 ....... قوة الاشارة مش هتختلف فى حالة البرودباند عن الراوتر فى حاجة لان الكونكسنت هيبقى كل دوره انه يفك اشارة الدى اس ال من خط التليفون ويبعتها الى البرودباند اللى هيقوم بكل حاجة بعد كدة بس لو انت مش فاهم قوى فى مواضيع ربط الراوتر بالبرودباند ابعت عنه لانها ما ينفعش تتشرح كلها على النت وغالبا هتجيب حد يعملها لك اول مرة او صديق لك يكون فاهم فى الموضوع ده ...... لو ملقيتش حاجة اشارتها g مبدئبا اكيد هتلاقى بس هتدور طبعا لانك لو تعبت اكيد هتلاقى اما لو فرض وملقيتش فانا معنديش اجابة محددة لان اتعاملت فى الراوترات الاشارة n مرتين والاتنين رجعوا وحرمت اتعامل فيهم تانى
    الف شكر يا باشا
    انا هبسط الموضوع
    1.بالنسبه انى اقول للبايع انه يكتب فى القاتوره انه G انا مش من القاهره وهسافر مخصوص عشان اجيبه
    فمينفعش اسافر وارجع فلازم اكون متأكد وانا جايبه ..
    وانا سألت حضرتك لو بيكون مكتوب ع العلبه ان نوع البث بتاعه G ولا N بس حضرتك مأخدتش بالك منها تقريباً

    2.جيل dg حضرتك بتقول انه نوع البث بتاعه G
    بس الموديل ده اللى لقيته عند الراجل اللى كلمته فى التليفون
    اللى هو ده : http://www.netgear.com/products/home...g/DGN1000.aspx
    ده تقريباً N ومكتوب جوه فى الخواص بتاعته Push 'N' Connect
    فهل الجمله ديه (Push 'N' Connect) معناها ان نوع البث بتاعه N ؟

    3.اول مره اعرف ان البرودباند كمان لازم اجيبه اشاره G
    ع كده يا باشا اى نوع برودباند حتى غير النت جير لازم يكون اشاره G برده يعنى ديه حاجة عامه فى عالم الشبكات , ولا فى النت جير بس ؟؟

    4.بالنسبه للتركيب
    انا اللى اعرفه انى هوصل الروتر بالبرود باند (كأنى بوصل الروتر بالسويتش)
    وهاخد وصله من البروباند ع جهازى الاساسى , والابتوب هشغله ويرليس من البرود باند وبس كده
    ولا حضرتك قاصدك ان فيه اعدادت معينه لازم تتعمل مع الروتر , ولا ايه بظبط ؟

    وفى انتظار ردك يا باشا
    ومعلش هتعبك , يريت تفهمنى جزئيه جزئيه , عشان افهم
    ورمضان كريم

  11. #11
    الصورة الرمزية Ahmedhegazy10
    تاريخ التسجيل
    Apr 2008
    المشاركات
    952
    السلام عليكم : ياأخي صحيح اني اعمل ب router الNetgear DG834GL من حوالي 3 سنين وعامل شبكلة سلكية عليه وعمري ما فصلته وعمره ما هنج بفضل الله وانا كنت اول ما جبته الاشارة بتاعته بتوصل كويسة جدا لحد 70 متر بعد كده بتبدأ تهيس وتبقي مش كويسة , لكن انا شغال بسيرفر لشبكة سلكية والWireless واخد من Switch عادي لاكسس بوينت وكان الرواتر سعره من 300-400 جنية

    لكن انت بتقول ان المسافة اللي انت عايز تشغلة فيها صغيرة جدا فهو لو في نفس البيت هيكون كويس جدا وال 15 متر ان شاء الله هتكون الاشارة فيها 100 % ان شاء الله

    ولو انت مش هتغير مكان الجهاز الثابت بتاعك ده او مش هتستخدم الWireless غير فيه هات ارخص كارت ويرليس تلاقية زي الTp-link الناس بتشكر فيه مع رخص ثمنه وهيكون كويس جدا لان الاجهزة الغالية هتكون عشان مشكلة المسافة والعوائق وما ادراك ما العوائق

    يارب اكون وضحت وشكرا علي رسالتك
    التعديل الأخير تم بواسطة Ahmedhegazy10; 09-08-2010، الساعة 05:44 PM


  12. #12
    خليك في التي بي لينك ممتاز جدا و عن تجربة عاطي 290 متر اشارة كويسة و بنج معقول و كنت شاريه من كونكت بالمنصورة ب 195 جنية 4 بورت و الانتنه بتاعته جميلة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك