موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 11 1 2 3 ... الأخيرةالأخيرة
النتائج 1 إلى 15 من 165
Like Tree0Likes

الموضوع: ماهى كليه العلوم فى سطور ( مرحبا بخريجى الثانويه العامه )

  1. #1
    تاريخ التسجيل
    Mar 2007
    المشاركات
    1,333

    ماهى كليه العلوم فى سطور ( مرحبا بخريجى الثانويه العامه )

    بسم الله الرحمن الرحيم

    الكثير منا لايعرف ماهى كليه العلوم وما يدرس بها من مواد واقسام ولكن يجب علينا ايضاح كل المعلومات لمن يريد ان يعرف




    تعريف الكليه :
    هى الكليه التى يدرس بها كل العلوم الحيه والغير حيه الخاصه بالطبيعه من حولنا
    لا ندرس فيها اى من المواد الادبيه او التاريخيه ونختلف تماما عن كليه دار العلوم
    والدراسه باللغه الانجليزيه بالجامعات الكبرى ( القاهره - عين شمس - حلون - الاسكندريه )
    ولكن فى الاقاليم الدراسه فى سنه اولى باللغه العربيه ( نقطه نقاش )
    والدراسه على اربع سنوات ( نقطه نقاش )



    اقسام الكليه الرئيسيه


    1- قسم الكمياء chemistry


    ويأتى تحته كل فروع الكمياء




    الكمياء الحيويه BIOCHEMISTRY






    ( وتدرس فيها جميع التفاعلات الخاصه بالكائن الحى وخصوصا جسم الانسان )



    وهى من اقوى الفروع فى الكمياء وتفتح مجالات عمل للمتخصصين فيها مثل التحاليل والادويه والكمياء الطبيه
    ومفهوم الكمياء الحيويه يخرج منه الكثير من التخصصات الحديثه الجديده اللى كانت غير معروفه فى السابق


    مثل تخصص البيوتكنولوجى وهو التخصص المختص بدراسه الكمياء الحيويه فى التطوير والتكنولجيا مثل تطبيقات DNA

    وتخصص الكمياء الاكلينيكه ( السريريه ) وهو علم الكمياء المسئول عن تشخيص الامراض
    (وظائف الجسم المختلفه من كلى وكبد وقلب ودهون ومعادن)


    وبذلك اصبح المفتاح او الحل السحرى لمن لم يستطيع ان يلتحق بكليات الطب البشرى

    ان يلتحق بكليه العلوم ويقوم بدراسه تخصصات التحاليل الطبيه

    عن طريق دبلومات وماجستير ( دراسات عليا )

    ويصبح اخصائى تحاليل طبيه






    الكمياء التحليليه


    ( ويدرس فيها كل مايخص التحليل الكميائى لاى شئ بالقوانين والمعادلات والنظريات

    وتاتى فى المرتبه الثانيه من الكمياء لارتباطها الشديد بالاجهزه التحليليه

    ويكون المتخصص فيها قدر على استخدام شتى انواع الاجهزه فى المصانع والمستشفيات ومراكز البحوث و الجامعات



    الكمياء العضويه


    ( ويدرس فيها كل مايخص العضويه من تفاعلات خارج الجسم وفى التربه وفى الطبيعه

    وهى مرتبطه كثيرا بالصناعه فى مختلف المجالات )



    الكمياء الصناعيه


    ( ويدرس فيها المواد الصناعيه مباشره وبعض المؤثرات والعلاقات فى الصناعه )


    وهناك مواد اخرى كثيره ولكن لن اعرف وصفها بالعربى او حتى اسمها مثل

    spectroscopy الكمياءالطيفيه

    - sterochemistry الكمياء الفراغيه

    - inorganic chemistry كمياء غير عضويه

    - physical organic- quantm-
    natural product - and more








    ومن هنا تجد ان الكمياء هى من اهم متطلبات سوق العمل لانها تدخل كل المجالات لذلك قامت الكثير من كليات العلوم بوضع التخصص المذدوج مع اى فرع اخر يعنى التخصص ومعاه الكمياء



    لعلمك اقوى قسم كمياء هو علوم القاهره واقوى كمياء حيوى هو عين شمس

    والعيب الموجود فى الدراسه بالنسبه للكمياء لايوجد تخصص للجوده فى كليات العلوم على الرغم من ان معظم العاملين فى مجال الجوده خريج علوم
    التعديل الأخير تم بواسطة الكميائى; 20-07-2009، الساعة 04:15 PM



    ولدي نصحتك لما صوتي إتنبح متخفش يوم من جني ولا من شبح
    وإن هب فيك عفريت قتيل إساله مادفعش ليه عن نفسه يوم ما أندبح




  2. #2
    تاريخ التسجيل
    Mar 2007
    المشاركات
    1,333
    2 - قسم البيولجى
    وينقسم الى ثلاث اقسام

    قسم zoology علم الحيوان

    وده قسم من اقوى الاقسام وتتدرس فيه كل مايخص الحيوان والطفيليات من تشريح ومناعه وفسيولجى وسلوك وتقسيم و وراثه وغيرهم ويختص ايضا بامراض الدم للتحاليل وغيره
    طبعا قسم ابحاث ومواد بحثيه


    قسم Botony علم النبات
    ويختص بدراسه كل مايتعلق بالنبات من تشريح ومناعه وفسيولجى وسلوك وتقسيم و وراثه وغيرهم ويختص ايضا
    بدراسه الفيروسات

    قسم entomology الحشرات
    ويختص بدراسه الحشرات من تشريح وفسيولجى وسلوك وتقسيم و وراثه وغيرهم ويختص ايضا
    بمقاومه الافات والحشرات ( الجراد)


    وهناك قسم microbilogy الميكرو بيولجى

    وده مهم جدا زى الكمياء الحيوى ويختص بدراسه الكائنات الدقيقه ودايما بتوع حيوان ونبات بيتنافسوا عليه
    لاهميته فى الابحاث
    وطبعا لاننسى ان كل من هذه التخصصات مذوج مع الكمياء حتى يسهل وجود فرصه عمل فى بلد لاتعرف معنى للبحث العلمى
    التعديل الأخير تم بواسطة الكميائى; 12-07-2007، الساعة 08:03 PM

  3. #3
    تاريخ التسجيل
    Mar 2007
    المشاركات
    1,333
    ويأتى بعد ذلك

    قسم الجولجيا


    وهوقسم يختص بدراسه سطح الارض ومافيها من معادن وغيره

    قسم الفيزياء


    قسم خاص بالتجارب والقوانين والعلاقات الرياضيه والدوائر الكهربائيه

    قسم الحاسبات والرياضه

    وهوقسم قوى جدا ومعقد جدا ولكنه مطلوب فى سوق العمل


    قسم الفلك والارصاد الجويه


    مش عارف عنه اى حاجه غير ان اللى بيدخله بيكون لوحده غصب عنه بيطلع معيد



    اعتذر عن الايجاز فى تلك الاقسام لانها ليست تخصصى


    وكان هذا موجز عن الاقسام الاساسيه فى كليات العلوم المصريه

    وسنتحدث لاحقا عن كل اخبار الكليه بدايه من التنسيق وتوزيع الكليات فى مصر
    وعدد سنوات الدراسه وكل اخبار الكليه
    انتظروانا

    مش هتقدر تغمض عنيك
    التعديل الأخير تم بواسطة الكميائى; 14-07-2007، الساعة 03:35 PM

  4. #4
    تاريخ التسجيل
    Mar 2007
    المشاركات
    1,333
    التنسيق


    تاتى كليه العلوم فى المرتبه الثالثه فى كليات القمه العلميه
    فهى لاتتخلف كثيرا عن كليات الطب والصيدله والعلاج الطبيعى واسنان والهندسه بانواعها
    ولكن من الملاحظ ارتفاع الحد الادنى خلال السنوات الماضيه
    اعتقد الحد الاعلى وصل 93% العام الماضى
    واكيد هيزيد مع مرور الزمن

    وتتوزع كليات العلوم فى جميع جامعات مصر من اسكندريه الى اسوان
    ولكن ليس هناك اى تنسيقبين هذه الكليات وبعضها
    فمواد الدراسه هنا والاقسام تختلف تمام عن هناك وهكذا

    واقوى الكليات هى التى فى المحافظات الكبرى على الرغم من معظم اعضاء هيئه التدريس فى اصغر الكليات من ذوى الكفاءه العلميه والعمليهواكيد سافروا للخارج عده مرات

    وبعد دخولك الكليه تقوم بكشف طبى اى كلام وعمى الوان
    وعلى الرغم من ان الدراسه تعتمد فى العملى على الالوان الاانه ليس له قيمه هذا الكشف

    نظام الدراسه :

    اربع سنوات ممكن اكتر مش اقل :evil_lol:
    الدراسه باللغه الانجليزيه فى الجامعات الكبرى
    ولكن الاقاليم فى اولى بالعربى وده طبعا نقطه ضعف مهمه جدا


    تنقسم سنه اولى الى مجموعات عامه تؤهلك لدراسه والتخصص بعد ذلك
    والمجموعات على حسب مواد الثانويه العامه ودرجاتها

    الصف الثانى تكون تخصص عام مثل بيولجى
    الصف الثالث والرابع تخصص اكتر مثل حيوان - او غيره

    ده طبعا مع تخصص الكمياء اللى بيطبق فى الجامعات الكبرى

    وطبعا التخصصات الحلوه هتلاقيها بتقدير لدخولهامن سنه 2
    زى كمياء منفرد - كمياء حيوى - قسم حيوان - ميكروبيولجى - قسم نبات


    فى امتحانات اسمها midterm ودى بتكون بعد اول شهر او اسبوعين
    وبعدين قبل النظرى بشهر او اقل العملى
    وبعدين النظرى مادتين فى الاسبوع

    اصعب سنه فى ناس بتقول اولى وناس بتقول 3 او 4
    بس الكل اجمع ان 2 اسهل سنه

    فى نظام الساعات المعتمده وده قلب كل الموازين وانا لم اجربه ولكن بشجعه جدا


    واحب اقول ان كل ده بيختلف من جامعه لاخرى وكل لما تروح الاقاليم بيكون الموضوع اسهل فى كل شئ

  5. #5
    تاريخ التسجيل
    Mar 2007
    المشاركات
    1,333
    العمل
    طيب انت خلصت الكليه هتشتغل ايه ؟

    انا عن نفسى عرفت هشتغل ايه لما فعلا خلصت ونزلت سوق العمل
    المجالات المتاحه

    انت اسمك كميائى او لو تخصص مذوج ممكن تسمى نفسك بالتخصص الثانى (بيولجى -جيولجيى - فيزيائى )

    المجالات المتاحه فى سوق العمل كتير جدا ولكن اشهرها

    ( اخصائى تحاليل طبيه - مهندس جوده - باحث- مهندس بترول - مندوب شركات ادويه medical rep.
    التدريس فى المدارس بكافه مراحلها -- التدريس فى الجامعات- تخصصك نفسه كميائى او فيزيائى )


    مع التنبيه على ان المسمى الوظيفى والتفاصيل تختلف من مكان الى اخر وعلى حسب شخصيتك هتفهم بعدين

    التحاليل الطبيه :

    عند تخرجك من الكليه اسمك كميائى ولكن عند حصولك على دبلومه او ماجستير بتقوم باستخراج كارنيه اخصائى
    على الرغم من التعيين فى الحكومه تحت مسمى وظيفه اخصائى تحاليل دون دبلومه او ماستر

    فى المعامل الكبيره نوعين
    sampling سحب عينات مرتبها يبدا من 300 ويصل الى 1000 او اكتر على حسب المكان والزيارات
    chemist كميائى واحدات وتعمل على اجهزه التحاليل الطبيه فىالوحدات 400 جنيه

    او معمل صغير تشتغل فيه سحب ويدوى وده على حسب مستواك الاحترافى وخبرتك يبدا من 300
    وبتكون المده فيه قليله

    الجوده :

    لايعمل الكثير منا فى الجوده على الرغم من فلوسها الكتير ولكن لاسباب الاتيه

    الجوده يعمل بها خريجى الجامعه العماليه بتخصص يسمى حوده
    خريجى هندسه
    خريجى علوم

    وتنقسم الجوده الى جوده معمل وهى تابعه فى الغالب الى مدير المصنع وجوده انتاج وهى تابعه للانتاج
    يعنى واحده سلطه والتانيه فلوس اكتر
    المرتبات فى الشركات المحترمه تبدا من 800 +200 يعنى حوالى الف


    البترول :

    وده انا سمعت عنه كلام كتير اوى
    اول حاجه شركات خدمات بتروليه ودى مرتبهازى ماسمعت حوالى لف ونص ووحشه
    شركات البترول ودى لن اتحث عن مراتبتها عشان الحسد 2000 دولار:crazy000:

    بتشتغل فى المعمل او بتحضر mud وهى الواد المسئوله عن زوبان التربه
    بصوا انا زهقت اى حتى فيها معمل اى كان ممكن نشتغل فيها
    وياريت اسمع الردود والتعليقات ورسائل الشكر
    التعديل الأخير تم بواسطة الكميائى; 20-07-2009، الساعة 04:23 PM

  6. #6
    الصورة الرمزية ™HYDRO
    تاريخ التسجيل
    Feb 2007
    المشاركات
    2,256
    شكرا على الموضوع الرائع والمجهود المبذول في عمله


    جزاك الله كل خير



    سبحان الله
    الحمد لله
    الله أكبر
    لا اله إلا الله

  7. #7
    تاريخ التسجيل
    Jul 2007
    المشاركات
    42
    thank very much

  8. #8
    الصورة الرمزية ze3ze3
    تاريخ التسجيل
    Dec 2006
    المشاركات
    369
    يعنى حضرتك أنا فى علوم عين شمس الدنيا عندى ضلمة خالص والحياة كحلى بس الناس بتشكر فى عين شمس للعلم أنا علوم طبيعية يعنى ليا إنى أدخا كيمياء بس أنا حاسس إنى هدبلر فى السنة الاولى ليا وممكن ملحقش أى حاجة أصلا بس أنا بسألك بما إنك فى الكلية إنت حاسس إن الكلية حلوة
    وممكن يبقى ليها مستقبل؟؟؟؟؟؟؟

  9. #9
    تاريخ التسجيل
    Apr 2007
    المشاركات
    142
    علي فكرة انت نسيت تتكلم عن اقسام الجيوفيزياء والبيوفيزياء

  10. #10
    تاريخ التسجيل
    Mar 2007
    المشاركات
    1,333
    فى حكمه بتقول حب ماتعمل لكى تنجح
    حتى لو انت مش شايف الحياه وردى تخيلها ارسمها بنفسك
    بس لازم تكون واقعى مش متواكل
    وايه يعنى سنه انا نزلت سنه بعد ماكنت التانى على الدفعه بس كملت


    وبالنسبه للاقسام البيوفيزياء والجيوفيزياء انا اسمع عنها فقط ولم اختلط بها

  11. #11
    تاريخ التسجيل
    Mar 2006
    المشاركات
    31
    [b]على فكرة انا مش بعترض على كلامك بس انا ليا توضيح صغير بس علشان اكون رضيت ضميرى ( على فكرة انا مش بعقد حد ) بس انا لاحظت ان سيادتك منتمى اوى للكلية وراسمها بصورة وردى على حد قولك بس انا هقولكم الكلام اللى ما حدش قاله ليا وانا داخل الكلية
    انا فى علوم عين شمس سنة رابعة السنة دى ( لسه النتيجة ما ظهرتش ) وربنا يكرمنى (قولوا امين )
    المهم انا بقالى ست سنين فى الكلية انا فعلا كنت مقصر شوية بس صدقونى هما اللى بيرغمونا على كده ( فين العقل البشرى اللى يستحمل دراسة 8-10 ساعات يوميا متواصل ) ما علينا وعديت من ده كله الحمد لله اما بقى بالنسبة لموضوع الشغل ف 98 % بيشتغلوا ميديكال حيث الاهانة وقلة الذوق والباقى اللى ليه واسطة بيشتغل فى اى شركة كيميائية والواحد فى المية الاخير يا اما بيشتغل فى معامل او فى صيدليات ( 200-300 جنيه )
    لكن من الاخر فى مصر مفيش غير الميديكاااااااااااااااااااااال بس
    على فكرة انا حاليا شغال فى شركة اسمها عجلان فارما وباخد 600 جنيه و100 جنيه انتقالات غير بقى البهدلة والتناكة ( معلش فى اللفظ )
    بس انا عارف انى وجعت دماغكم وعنيكم بس علشان اكون خلصت ضميرى من ربنا وربنا يوفقكم جميعا

  12. #12
    الصورة الرمزية A7moudy
    تاريخ التسجيل
    Jan 2007
    المشاركات
    2,661
    ولكن الاقاليم فى اولى بالعربى وده طبعا نقطه ضعف مهمه جدا

    علي فكره الدراسه عادي بالانجلش في الاقاليم (انا جامعه بنها

  13. #13
    تاريخ التسجيل
    Sep 2005
    المشاركات
    343
    مشكور جدا وبارك الله فيك

  14. #14
    الصورة الرمزية midoalaa
    تاريخ التسجيل
    Mar 2007
    المشاركات
    1,752
    مشكور

    موضوع رائع

    Nothing 2 say

    *****************

  15. #15
    تاريخ التسجيل
    Mar 2007
    المشاركات
    1,333
    ياجماعه عايز مشاركات بأراء
    مش عايز شكر وبس
    قول رأيك حتى لو فيه نقض بس مش سلبيه وخلاص

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك