موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 41
Like Tree0Likes

الموضوع: تفاصيل الامتحانات فى جميع البنوك و طريقه التقديم

  1. #1
    الصورة الرمزية only4dodi
    تاريخ التسجيل
    Oct 2006
    المشاركات
    135

    Lock تفاصيل الامتحانات فى جميع البنوك و طريقه التقديم

    السلام عليكم
    يا جماعه احنا ممكن نعمل تفاصيل للامتحانات فى البنوك و ازاى نقدم فيها و بيبقى فيه كام انترفيو و كل حاجه عن البنك اللى عاوزينه
    يمكن الفكرة تقليديه بس انا عامل الموضوع ده علشان نجمع كل البيانات
    لو الفكره كويسه ممكن نشارك و نبدأ

  2. #2
    الصورة الرمزية only4dodi
    تاريخ التسجيل
    Oct 2006
    المشاركات
    135
    يا جماعه شكل الفكره اصلا مش حلوه على العموم كان نفسى اشارك

  3. #3
    الصورة الرمزية 20_MOORA_08
    تاريخ التسجيل
    Jan 2008
    المشاركات
    574
    ليه بس دى فكرة ممتازة !!!

    بس علشان تكون مختلف عن باقى المواضيع

    اتكلم عن الامتحانات بس

    ممكن تراجع كذا موضوع وتظبط منهم

    علعمووووم ...

    انا معاااااااااك

    اوك ولا ايه !!

  4. #4
    الصورة الرمزية only4dodi
    تاريخ التسجيل
    Oct 2006
    المشاركات
    135

    Warn

    1-cib Bank
    اختبارات الفروع عباره عن ايه: عباره عن 25 سؤال منها انجلش ومنها ذكاء
    طب ايه هى الاسئله؟
    خد عندك يا سيدى
    مين مكتشف الجاذبيه الارضيه (اسحق نيوتن)
    اول واحد طلع على القمر كان سنه كام
    فيه كام قاره فالعالم
    الجيجا فيها كام ميجا
    متسلسله 48 29 26 13 10 5 2 1ايه الرقم الغلط فالمتسلسله
    واحد طلع 13 من فوق والتلاتش من تحت فمسايقه يبقى المسابقة كام شخص طبعا 25
    سؤال كده بتاع واحده معاها كيك ادت اخوها نص اللى معاها وكلت واحده وبعدين ادت لاختها نص اللى معاها حوار كده الاجابه 23
    اسئله كاستمر سرفيس عبيطه كده حلوها لوحدكو دى
    وتذاكر فالقواعد قاعده المضارع التام والماضى التام Before After
    والكلام ده والمضارع البسيط وسينس وفور و وين وهوايل بس متذكرش غيرهم
    هتلاقى كده فالاخر بيقولك الكب الكيميائى هايكو اوكسيد مش عارف ايه مش فاكره المهم اجابته Co2
    ده بالنسبه لامتحانات الفروع وبعض الادارات القليله
    ##امتحان الادارات بقى الجامده هو امتحان فالمريلانديعنى مثلا لو كتبت كريديت هتعمل انترفيو هنتكلم عنو كمان حبه وهتروح المريلاند وتمتحن هناك
    تذاكر ايه بقى
    تذاكر اقتصاد العرض والطلب وقانون الطلب والعرض والتضخم والبطاله والتوازن والكلام ده
    المحاسبه ذاكر الاساسيات اوى التعاريف يعنى المعادله المحاسبيه ايه هى الارباح المحتجزه دى امثله طبعا تذاكر اى كيو طبعا مغرق مواقع النت وهرفعلكم حبه متجمعين كده هايلين ووتذاكرو جرامر الانجلش كويس وهبقى اجبلكو معلومات اكتر ولو حد راحه يا ريت يكتب تفاصيله واسئله منو طيب الانترفيو بقى اللى رايح الفروع
    بعد ميخلص الامتحان ويقولوله انت اوك نجحت هيدخل انترفيو الاول عرف نفسك ليه اخترتنا وبعدها اشمعنى البوزيشن ده تبقى مجهز اجابه بقى فت يعنى حاجه كده واضحه وديما تربط مهام الوظيفه بحاجه فشخصيتك يعنى لو تيلر انا دقيق اوى مش بخاف من التعامل مع الفلوس وكده لو خدمه عملاء تقول اصلى بحب اتكلم مع العملاء وبحب اقنعهم بالحجات والحمد الله عندى موهبه الاقناع وكده
    وخلى فيه ثقه فقدراتك وانت بتتكلم وخليك موتفيايد يعنى متحفز وبتتكلم بتحفز اوى كده وتحضر نقطه ضعف ونقطه قوه وطبعا نقطه الضعف متكنش ضعف ولا بتاع لانه هيقولك بدل البيه عارفها مصلحهاش ليه فاختار واحده روش كده مثلا بهتم اوى بالتفاصيل والدقه ايه العيب فالموضوع اصلى برهق نفسى جدا فالموضوع ده وباجى على نفسى وده بيخلى فيه ملل بسيط بس دلوقتى بحاول اضبط الموضوع ده عن طريق انى بحاول اخلى الدقه متناغمه مع السرعه يعنى خليك كده دبلوماسى وممكن تقول انا معتقدش ان فيا عيوب شخصيه تاثر على مهام وظفتى وابتسم وخلاص واخيرا ممكن تقولك عاوز تبقى ايه بعد 5 سنين خليك طموح وفنفس الوقت واقعى يعنى شوف اقصى حلم ممكن تحثثه بعد 5 سنين اقصى اقصى حلم وقوله
    2-hsbc
    الامتحان عباره عن 3 ساعات:
    الساعه الاولى:ابلكيشن من 6 صفح :3 منهم عن حياتك فى الجامعه و شويه مواقف .
    الساعه التانيه :عباره عن 60 Iq:اشكال سهله بس عاوزه تركيز
    الساعه التالته:75 English:عباره عن جرامير و قطعه و كام مسئله و شويه رياضه
    3-nsgb
    3 انترفيو ؟؟؟؟
    الاول :اسئله بيروسنال
    التانى :عباره عن شويه محاسبه :ايه الفرق بين المخصص و الاحتياطى
    و مذكره التسويات للبنك .....
    التالت : مع مدير Hrو اسئله بيروسنال و هيديك مجله بتاعنت البنك تقرا منها
    يا جماعه المعلومات من المنتدى انا بس بحاول اجمعها

  5. #5
    الصورة الرمزية MR.ESSAM
    تاريخ التسجيل
    Dec 2007
    المشاركات
    228
    موضوع جامد

    جزاك الله كل خير

  6. #6
    الصورة الرمزية 20_MOORA_08
    تاريخ التسجيل
    Jan 2008
    المشاركات
    574
    كده بقى 100 %

  7. #7
    الصورة الرمزية only4dodi
    تاريخ التسجيل
    Oct 2006
    المشاركات
    135
    اقتباس المشاركة الأصلية كتبت بواسطة MR.ESSAM مشاهدة المشاركة
    موضوع جامد

    جزاك الله كل خير
    الله يخليك يا باشا




    اقتباس المشاركة الأصلية كتبت بواسطة 20_MOORA_08 مشاهدة المشاركة
    كده بقى 100 %
    والله كان نفسى حد يشارك و الناس اللى امتحنت تقول الامتحان شكله ايه و نجمع الامتحانات كلها بس؟؟؟؟؟؟
    يا عم انا هروح ابيع عيش....... يلا عيش.....

  8. #8
    الصورة الرمزية Mr..WhO
    تاريخ التسجيل
    Jan 2006
    المشاركات
    2,192
    موضوع هايل و الله
    بس بالنسبه لأمتحانات بنك مصر و بنك القاهره دول ليهم كذا موضوع متعلق بيهم ممكن تجمع الأمتحانات منهم و تحطها لوحدها
    و جزاك الله كل خير


    Is Now Bank Of


    Group

    معا نفكر, معا نتقدم
    [IMG]file:///E:/images.jpg[/IMG]



  9. #9
    الصورة الرمزية ZAMALKAWY_3
    تاريخ التسجيل
    Aug 2007
    المشاركات
    519
    والله دا كلام كويس

  10. #10
    تاريخ التسجيل
    Sep 2005
    المشاركات
    153

    44

    هايل جدا جدا جدا الموضوع ده
    وان شاء الله يكمل اكتر من كده
    المعلومات المتفرقة فى مواضيع المنتدى اكتر من كده كتير
    ان شاء الله نحاول نجمعها هنا



    اقتباس المشاركة الأصلية كتبت بواسطة Mr..WhO مشاهدة المشاركة
    موضوع هايل و الله
    بس بالنسبه لأمتحانات بنك مصر و بنك القاهره دول ليهم كذا موضوع متعلق بيهم ممكن تجمع الأمتحانات منهم و تحطها لوحدها
    و جزاك الله كل خير
    لا اله الا الله
    الحمد لله عدد ما كان وعدد ما سيكون وعدد الحركات والسكون

  11. #11
    الصورة الرمزية only4dodi
    تاريخ التسجيل
    Oct 2006
    المشاركات
    135

    بالنسبه لامتحان بنك مصر و القاهره

    في الاول طبعا.. رحنا و ملينا الابليكشن..
    وقالوكم هناك.. حنتصل بيكم بعد شهر و لا شهر و نصف.. تمام..
    ممكن يتصلو بيكم.. وممكن لأ.. ماتقلقوش.. ده شغل الروتين بقى..
    ممكن يتصلو بعد 3 شهور تقريبا.. و يمكن اكتر..


    وعلى فكرة.. الامتحان سهل و بسيط.. ولاهو مكلكع و لاحاجة..
    كان جوالي 200 سؤال اختيار من متعدد وزمن الامتحان كان 3 ساعات..
    في الاول كده بيكون فيه حوالي 70 سؤال كده محاسبة على اقتصاد على تسويق.. كوكتيل كده..
    بالنسبة للمحاسبة.. معظم الاسألة عن اساسيات المحاسبة..
    يعني عن المعادلة الاساسية بتعاة الاصول و الخصوم دي..
    ممكن كمان حتة عن ايرادات و مصروفات.. سؤال كده عن نوع التزام معين.. يجيبلك حاجة صغيرة ناقصة في الميزانية..
    وكلها اسألة سهلة جدا والله و كلها اختيارت من متعدد..
    ونفس الكلام عن الاقتصاد.. بتكون معظم الاسألة عن العرض و الطلب.. مرونة.. كده يعني
    والتسويق بيكون ف الغالب عن عناصر المزيج التسويقي..

    بعد كده فيه جزء بتاع 15 سؤال ولا حاجة Iq
    وبالعربي كمان.. عاوزين ايه اكتر من كده..
    كلها اسألة منطقية.. يادوب تقرا السؤال مرتين كده ولا حاجة.. حتلاقيه بيجاوب نفسه..

    وفيه برضه حوالي 10 ولا 15 سؤال ف المعلومات العامة..
    زي مثلا مصري نال على جائزة نوبل مناصفة.. مين هو مؤسس بنك مصر..
    كام مرة مصر فازت ببطولة الامم الافريقية.. وحاجات زي كده يعني

    وبعد كده فيه شوية اسألة انجليزي في اللذيذ يا حلوين..
    ولا عاوزين تشتغلو في بنك من غير ماتكونو بتعرفو انجليزي ولو شوية صغنتتين.. منظرة يعني ..
    بيكون شوية اسألة جرامر و فوكاب كده..
    وبرضه اخيار من متعدد.. وعلى فكرة حتلاقي الحاجات دي شبه الحاجات اللي اخدتها في اعدادي.. ايام Abc
    وبعد كده حتتين ترجمة ع السريع.. واحدة عربي و التانية انجليزي..

    وفي الاخر خالص حتلاقي اربع مواقف كده..
    مثلا انت بتشتغل في حاجة معينة و عميل سألك انك تقضيله خدمة.. حاتعملها؟؟ ولا مثلا زميل لك قصدك في اداء جزء من مهامه.. حتعمل ايه ؟؟
    النفروض انك تحط نفسك في كل موقف و تقول انك موافق ولا مش موافق و ليه..
    تشرح بقى انت قلت موافق و لا مش موافق على اي اساس و بعد كده لنا تنجح ان شاء الله

    النظام هناك بيكون 3 بيدخلو مع بعض.. واللي بيعملك المقابلة برضه 3
    في الاول بيكون الموضوع عبارة عن دردشة صغيرة كده.. بيعرف عنك كام حاجة عن شخصيتك.. عن وظيفتك لو كنت شغال قبل كده.. لانه حيسألك ساعتها عن مجال وظيفتك.. سؤالين كده ولا حاجة متعلقين بوظيفتك دي..
    اما بقى لو كنت رايح عاطل-زي حلاتي كده- فبيعرف منك من الدردشة دي انت كنت بتحب مواد ايه ايام الكلية وايه المواد اللي جبت فيها اعلى تقدير,,
    و يقوم سألك سؤالين عنها كده..
    والاسألة المعتادة طبعا.. ايه الفرق بين الموازة و الميزانية..
    المخصص و الاحتياطي .. الاسهم و السندات.. اعتمادات مستندية و خطابات الضمان.. كده يعني
    بعد كده بقى.. يشوف ايه نظام المعلومات العامة عندك..
    يسالك مثلا عن عاصمة ولا حاجة.. عملة البلد الفلاني ايه..
    مين هو وزير المالية..
    حاجات كده يعني...
    وطبعا حاشرلك كالعادة حتة انجليزي,,
    ف الغالب حيقلك قدم نفسك بالانجليش.. شوف انت بقى اخر حاجة ف الانترفيو و يقلك قدم نفسك..
    و ربنا يكلرم و اقدر اجمع الباقى بس يا جماعه فين المشاركه......

  12. #12
    تاريخ التسجيل
    Feb 2008
    المشاركات
    13
    حد يعرف اية نظام كريدى اجريكول فى الانترفيوة ياجماعة لو حد يعرف ياريت ييقولى غفر اللة لى ولكم

  13. #13
    الصورة الرمزية ahmedsabry_84
    تاريخ التسجيل
    Jan 2007
    المشاركات
    275
    انا خريج تجاره انجليزى وتقديرى مقبول ممكن اشتغل فى بنك ولا لازم اكون جيد على الاقل]

  14. #14
    الصورة الرمزية ahmedsabry_84
    تاريخ التسجيل
    Jan 2007
    المشاركات
    275
    انا خريج تجاره انجليزى وتقديرى مقبول ممكن اشتغل فى بنك ولا لازم اكون جيد على الاقل]

  15. #15
    الصورة الرمزية only4dodi
    تاريخ التسجيل
    Oct 2006
    المشاركات
    135
    اقتباس المشاركة الأصلية كتبت بواسطة ahmedsabry_84 مشاهدة المشاركة
    انا خريج تجاره انجليزى وتقديرى مقبول ممكن اشتغل فى بنك ولا لازم اكون جيد على الاقل]
    والله فى بنوك بتشترط تكون جايب جيد عار الاقل و فى بنوك مش بتهتم بس قدم و اعمل اللى عليك علشان انا اعرف ناس مقبول و فى بنوك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك