موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 120 1 2 3 11 51 101 ... الأخيرةالأخيرة
النتائج 1 إلى 15 من 1788
Like Tree2Likes

الموضوع: البنك الاهلى سوستيه جنرال.....nsgb

  1. #1
    تاريخ التسجيل
    Apr 2005
    المشاركات
    719

    البنك الاهلى سوستيه جنرال.....nsgb

    البنك الاهلى سوستيه
    يعتبر الان تانى اكبر بنك خاص فى مصر انشا البنك فى عام 1978 وانشاء البنك الاهلى عن طريق البنك الاهلى المصرى وبنك سوستيه جنرال فرنسا البنك سوستيه جنرال فرنسا يعتبر من اكبر 16 مؤسسه فى فرنسا وتقريبا تانى اقوى بنك فى فرنسا يمكن البنك الاهلى سوستيه جنرال شبكه حاليا مكونه من 120 فرعوالفروع فى تزايد مستمر
    وفى اواخر الاعوام السابقه استحوزت سوسته فرنسا على حصه البنك الاهلى كامله واصبح البنك مملوك لسوستيه فرنسا وتم شراء مى بانك بنك مصر الدولى عام 2005 واصبح هو الاخر سوستيه جنرال وكان هذه من اكبر خطوات التوسع الاتى صنعها البنك فى مصر راس مال البنك حوالى اتنان مليار وسبعمائه وخمسين مليون
    كده احنا اتكلمنا عن البنك اكاديميا وكده وعرفناه تعالو ندخل فالمفيد نظامه عشان تتعين هناك
    تروح شاملبليون ادام المتحف المصرى تبقى لابس بدله ومتشيك ولو بنت تبقى لابسه اللى على الحبل وتروح بدرى جدا مثلا8 وربع عشان ده معاد دخول الموظفين ومحدش بيبقى واخد باله من حد
    تروح عادى وتطلع الدور السابع لمروه السباعى او كريم عاطف تحاولى او تحاول تقنعه بنفسك وتقوله الكوالفكيشن بتاعتك وكدهوقوله عاوز اعرف هيتبعتلى ولا لاء المهم ان شاء الله هيتصل بيك الاول تعمل مقابله مع كريم عاطف ومروه دول هيقعدو يسالوك عرف نفسك بالانجلش طبعا عاوز تبقى ايه بعد 5 سنين وايه الكاريير باس اللى انت عاوزه بتحب الارقام ولا تحب اكتر تتعامل مع العملاء قولنا بتشتغل ايه ايه الجوب ديسكربشن بتاعك ايه هى نقاط قوتك ونقاط ضعفك و تعرف ايه عناا وليه جيت تقدم هنا واشمعنى احنا وهيقولك فالاخر ان شاء الله فضلك كده مقابلتين
    عندك حد بقى من 3 هتقابله اسامه العايدى : طبعا ده لو انت هتنزل الفرع هيقعد يقولك تعرف ايه عننا ليه اخترتنا دخلت الموقع بتاعنا ايه رايك فيه تعرف احنا كام فرع طيب عاوز تشتغل ايه حاول تقوله اللى انت بتحبه اذا وافق كان بيها موفقش هيعرض عليك هو اللى عنده بس مترحش تقوله قسم الحسابات اولا اسمها عمليات فالحسابات الناس خريجه كليه التجاره بتدخل البنك فكراه شركه لاء يا جماعه البنك عباره عن ادارات كتير ادارات اعتمادات ووداع وغرفه تداول وائتمان وحاجت كتير لو انت ولد حاول تبعد عن التيلر قوله بعرف ابيع وممكن اشتغل اكونت اوفيسر وبتاع وبعرف اتعامل مع الجمهور وكده
    لو هتقابل ميشيل هو راجل فرنسى ملوش فالانجلش هيحاول يخبط معاك كده ده بردو حاول تقوله بحب البيع ومش عارف ايه ونفسى اشتغل اكونت اوفيسر ومتقلقش عشان هو فرنسى انت هتحس انك احسن منه فالانجلش اصلا
    وممكن تقابل باسم نور ههههههه ده بقى لازم تقوله انك اهلاوى هينجحك على طول هو هيقعد يتناقش معاك ولذيذ موت وهيقولك ايه هى الكونجينينت ليبلتس ولازم وانت رايحله تذاكر محاسبه والقائمه الماليه وكده وهو محترم ومش بيسقط حد
    بعد كده بقى تطلع لايهاب رافت هيديك مجله انجليزى تقرها ويسمع نطقك وكده عاوز تشتغل ايه باباك بيشتغل ايه واخواتك ومش عارف ايه كلام كل من النوع ده فاخر المقابله هيقولك عاوز تقول حاجه قوله اه نجحت ولا لاء بس يا جماعه هو ده الان اس جى بى
    لو رحت اداره بقى طبعا هتعمل انترفيو بيرسونال مع مديرها ودى طبعا بتبقى حسب احتياج المدير عاوز فريش ايه اللى طالبه فيك بتختلف من حد لحد
    كده احسن بكتتتتير الحمد الله

  2. #2
    تاريخ التسجيل
    Aug 2006
    المشاركات
    374
    أستاذ يا محمد وموضوعك هايل والله
    ربنا يوفقنا كلنا

  3. #3
    الصورة الرمزية medomedoo
    تاريخ التسجيل
    Oct 2007
    المشاركات
    1,076
    موضوع مميز كالعاده طبعا يا باشا بس ايه معني اكونت اوفسر

  4. #4
    الصورة الرمزية walled119
    تاريخ التسجيل
    Aug 2007
    المشاركات
    280
    موضوع هايل
    بس هم ممكن ياخدوا تجارة عربى ..أنا عارف ان السؤال ده اتسألك كتير بس أنا عايزك تقول أجابته هنا بصراحة علشان الموضوع يبقى كامل
    وياريت يا أستاذ محمد تكلمنا شوية عن المقابلة للى ممكن يشتغلوا فى ادارة
    يعنى المقابلة اللى هتبقى مع مدير الأدارة بالعربى ولا بالأنجليزى وممكن يسأل فى أيه
    ياريت ترد عليا علشان يبقى الموضوع مكتمل .. وعلى فكرة المقابلة دية هتفيد الجماعة اللى تخصصهم أدارة أكتر لأنهم طبعا ماينفعش يشتغلوا تيلر
    وألف شكر مرة تانية ياباشا على المجهود الرائع ده
    التعديل الأخير تم بواسطة walled119; 01-01-2008، الساعة 04:00 PM

  5. #5
    الصورة الرمزية mr-lion
    تاريخ التسجيل
    Dec 2007
    المشاركات
    442
    يا أستاذ ميدو انا تجاره عربى ورحت قدمت السى فى بتاعى فى الاهلى سوستيه جنرال وقالولى انهم مش بياخدو تجاره عربى راحت الموظفه اللى فى الموارد البشريه قالتلى سيبه ومش هتخسر حاجه وسيبته ( من شهرين الكلام ده) وحدش رد عليا لغاية دلوقت .

  6. #6
    تاريخ التسجيل
    Apr 2005
    المشاركات
    719
    روح تانى وهما بيخدو تجاره عربى وتجاره ازهر وكل حاجه زن عليهم وهتتاخد

  7. #7
    الصورة الرمزية walled119
    تاريخ التسجيل
    Aug 2007
    المشاركات
    280
    ياريت يا أستاذ محمد تكلمنا شوية عن المقابلة للى ممكن يشتغلوا فى ادارة
    يعنى المقابلة اللى هتبقى مع مدير الأدارة بالعربى ولا بالأنجليزى وممكن يسأل فى أيه

  8. #8
    الصورة الرمزية mr-lion
    تاريخ التسجيل
    Dec 2007
    المشاركات
    442
    اقتباس المشاركة الأصلية كتبت بواسطة medo434 مشاهدة المشاركة
    روح تانى وهما بيخدو تجاره عربى وتجاره ازهر وكل حاجه زن عليهم وهتتاخد
    معلش ياميدو انا عايز اعرف ازن عليهم ازاى
    يا استاذ ميدو انا اصلا لما رحت اقدم قالولى كده فى وشى على طول احنا مش بناخد تجاره عربى

  9. #9
    الصورة الرمزية medomedoo
    تاريخ التسجيل
    Oct 2007
    المشاركات
    1,076
    يجماعه اكونت افسر دي يعني ايه

  10. #10
    تاريخ التسجيل
    Apr 2005
    المشاركات
    719
    يعنى واحد بيبقى شغلته يجيب شركات للبنك وقروض وباى رول الشركات مرتبات يعنى وحاجات كده وهو اللى مفروض يحقق تارجت الفرع هو وخدمه العملاء

  11. #11
    تاريخ التسجيل
    Dec 2007
    المشاركات
    12
    السلام عليكم.... أنا عاوز الناس تكون متفائله أكتر.... أنا أقدمت السي في وردو علي بعد شهرين أو أكتر .......عملت الإنترفيوهات شويه تكلم إنجليزي وشويه عربي ..... على فكرة أنا تجارة عربي....وهو بصراحة بنك محترم جدا.... والناس إلي فيه محترمين وباخصوص الناس الكبيرة فيه... بمعنى إنهم بيديرو الإنترفيو بصورة ودية تبعد عنك الرهبة والخوف......
    .................................بالتوفيق يارب

  12. #12
    الصورة الرمزية shahrazan
    تاريخ التسجيل
    Oct 2007
    المشاركات
    342
    مشكووووووور جدا لتعبك انا بعت السى فى بتاعى لمس منى هناك فى فرع اللى ورا شارع طلعت حرب وكان ليا واحدة صحبتى اتدربت هناك ومحدش اتصل بينا خالص . تعرف فية ناس قولنا تيجى من المعرفة دى ومحدش كلمنا .سبحان الله بقة بس بصراحة ناس هناك خبرة واخوات فى المعاملة ومحترمين .

  13. #13
    تاريخ التسجيل
    Dec 2007
    المشاركات
    12
    يا جماعة مش كل حاجة ماشية بالواسطة والمعرفة.... أنا دخلت السوستيه وأنا معرفش أي بني أدم بيشتغل هناك...لازم الواحد يصبر...ويقدم السي في في أكتر من مكان.... وأوعدكم هتلاقي الشغل جيلك لغاية عنك ...بس لازم نعمل إلي علينا

  14. #14
    الصورة الرمزية shahrazan
    تاريخ التسجيل
    Oct 2007
    المشاركات
    342
    انا مقولتش حاجة انا على فكرة لفيت على البنوك لف كدة رحت ايفر جرين كل دور حطيت سى فى رحت المبنى اللى امام تمثال نضهة مصر رحت بى ان بى باريبا بس حسيتهم نصابين لانهم اشترط التدريب عندهم ل 3 شهور والتغيب عنه تدفع 10 الاف جنية . رحت سمارت فيلادج وديت سيفهاااااات مش سى فى هههههه وميأستش الحمدلله عادى بقول ربنا لسة مأردش ..

  15. #15
    الصورة الرمزية walled119
    تاريخ التسجيل
    Aug 2007
    المشاركات
    280

    استفسار هام

    هل لازم نكتب فى السى فى عنوان يكون فى القاهرة أو الجيزة ولا العنوان مبيفرقش معاهم بغض النظر عن الأقاليم
    ..يعنى لازم اللى عايزينوه يشتغل فى فرع فى القاهرة لازم يكون عنوانه فى القاهرة ولا مبيدقوش على الحكاية دى ؟
    ياريت ترد عليا يا أستاذ ميدو ..أنا أظن انك ساكن فى بنها صح ؟؟هل انت كنت كاتب عنوانك الأصلى ولا كنت كاتب عنوان حد قريبك فى القاهرة مثلا..
    وشكرااااااااااااااااااااااااااااااااااااااا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك