موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 11 من 11
Like Tree0Likes

الموضوع: الفائدة المركبة

  1. #1
    تاريخ التسجيل
    Apr 2006
    المشاركات
    46

    الفائدة المركبة

    معايا مبلغ عايز أسيبه لأطفالى ، فايه أفضل وسيلة لاستثماره فى البنوك؟
    أنا مش هاحتاج فائدته وعايزها تبقى استثمار لأولادى بحيث يزيد أصل المبلغ (يعنى تكون الفائدة مركبة)

    ايه وفين الوعاء المناسب لوضعها فيه
    مصـــر هى أمى ... نيلهــــا هو دمى ... شمسهـــا فى سمارى
    شكلها فى ملامحى ... حتى لونى قمحى ... لون خيرك يا مصر

  2. #2
    الصورة الرمزية ibrahim_mig29
    تاريخ التسجيل
    Jan 2008
    المشاركات
    761
    حضرتك افضل حاجه الشهادة المتزايده بتاعة بنك مصر بجد جميله قوى ووعاء ادخارى تقدر تحط فيه فلوس لاولادك بأمان .. وانا رفعت ليك على ميديا فاير كتاب بيشرح كل حاجه عن الشهاده المتزايده .. كتاب pdf .. واى استفسار انا تحت امرك .. تحياتى








    God's curse on the policy



    الاخوان - السلفيين - الفلول - المجلس العسكرى - الشرطة -
    العلمانيين - الليبرالين - البلطجيه



    ||||||| مصر أكبر منكم كلكم |||||||




    ---------------------------------------------------








  3. #3
    الصورة الرمزية ibrahim_mig29
    تاريخ التسجيل
    Jan 2008
    المشاركات
    761

    .. وحضرتك بعد ماتقرا الكتاب هتعرف انى الفائده بتسسحبها كل 6 شهور .. بعد ماتسحب الفائده ممكن تعمل بيها حساب يوم بيوم فى بنك مصر ويعد فتره ممكن تجمع الفائده اللى موجوده فى الحساب ده وتعمل شهادة استثمار تانيه .. وهكذا يعنى ممكن تعمل توليفه بنكيه ممتازه من الحسابات تحقق ليك امتيازات كويسه ..

  4. #4
    تاريخ التسجيل
    Apr 2006
    المشاركات
    46
    متشكر على سرعة الرد وعلى الكتيب ..

    أرجو توضيح التالى :
    ما هى تفاصيل الفائدة فى شهادة بنك مصر المتزايدة .. الكتيب بيقول تبدأ من 9.75 وتنتهى بـ 12 على مدى 10 سنوات .. فما هى فائدة أول سنة ثم الثانية ثم الثالثة وهكذا ..

    الفائدة فى هذه الشهادة غير مركبة ويلزم متابعتها لاعادة استثمار الفائدة .. فهل توجد شهادات ذات فوائد مركبة فى بنك مصر؟

  5. #5
    الصورة الرمزية ibrahim_mig29
    تاريخ التسجيل
    Jan 2008
    المشاركات
    761

    بالنسبه لتفاصيل الشهاده ممكن تتصل بخدمة عملاء بنك مصر وتعرف منهم اكتر ( خدمة عملاء 19888 )

    بالنسبه للفائده المركبه مظنش فيه شهادات اسثتمار ذات فائده مركبه .. ممكن حضرتك تعمل وديعه وتجددها كل سنه بأصل المبلغ زاد الفائده بتاعته .. بس العائد على الودائع اقل من شهادات الادخار .. انا زى مابقول لحضرتك كده
    اعمل انتا محفظة حسابات بنكيه .. وقوم بادراتها بنفسك .. يعنى اعمل شهادة استثمار وخد العائد بتاها وافتح بيه حساب تانى يكون بيديك عائد وهكذا .. افتح حساب يوم بيوم وخد منه عائد برضه .. يعنى حافظ على اصل المبلغ ,, واستثمر العائد فى حسابات تانيه .. يعنى مثلا حطيت 200000 الف فى شهاده متزايده .. خد العائد بتاعهم اللى هيكون كل 6 شهور ووتقريبا هيكون العائد على 200000 حوالى 10000 جنيه .. خد انتا بقا العشر الاف دول وافتح بيهم حساب جديد او اعمل شهادة ادخار تانيه متزايده برضه وهكذا .. نوع فى الحسابات بتاعتك وشوف التوليفه المناسبه اللى تناسبك .. وبرضه حاول تعمل زيارة الى اى بنك وليكن مثى بنك مصر .. واقلهم على طلبك وهما ممكن يعملوا ليك توليفه مناسبه تناسب رغبتك .

  6. #6
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424
    شكرا يا هيما على سرعه الرد
    بالنسبة لسؤال الاستاذ
    حضرتك ممكن تتوجه لاقرب فرع بنك اهلى وتطلب منه عمل شهادات مجموعه أ
    دى شهادات مدتها عشرة سنوات
    ليس لديها عائد كل فترة(شهرى - ربع سنوى- نصف سنوى-سنوى)
    ولكن بتاخد اصل المبلغ + العائد فى نهاية العشر سنوات
    سعر العائد 9.5% فائدة تراكمية"مركبة"
    تقدر تسترد الشهادة وقت الحاجة ولكن ليس قبل مرور ستة اشهر على تاريخ الاصدار
    دى الشهادة اللى غالبية العملاء بيطلبوها لما يحبوا يعملوا حاجة لاولادهم او لاحفادهم فى المستقبل
    ملحوظة
    سعر العائد ارتفع فى 1/10/2011 من تسعه فى الميه الى تسعه ونص فى الميه يعنى من يومين بس
    اتمنى اكون افدت حضرتك
    تحياتى العطرة







  7. #7
    تاريخ التسجيل
    Dec 2009
    المشاركات
    92
    زي ما قالك الاستاذ كده افضل حاجة هي شهادة الاستثمار مجموعة أ في البنك الاهلي لانها ذات فائدة مركبة

  8. #8
    تاريخ التسجيل
    Apr 2006
    المشاركات
    46
    شكراً لكم جميعاً شكراً جزيلاً على اهتمامكم بالمساعدة ..
    فكرة الأستاذ ابراهيم فكرة جيدة بعمل استثمار للفائدة باستمرار ..

    بالنسبة لشهادة أ فى البنك الأهلى هل توجد معادلة أو وسيلة لحساب كم سيصبح مبلع مائة ألف جنيه بعد عشرة سنوات على فائدة مركبة 9.5%؟

  9. #9
    الصورة الرمزية مادا الشقى
    تاريخ التسجيل
    Feb 2007
    المشاركات
    1,565
    شهادات ادخار افضل لك ومدد طويله من 3 ل 7 ل 10


    يونيتيد مكس ماركت

  10. #10
    الصورة الرمزية dede_dodo88
    تاريخ التسجيل
    May 2007
    المشاركات
    131
    اقتباس المشاركة الأصلية كتبت بواسطة Egy Zizo مشاهدة المشاركة
    معايا مبلغ عايز أسيبه لأطفالى ، فايه أفضل وسيلة لاستثماره فى البنوك؟
    أنا مش هاحتاج فائدته وعايزها تبقى استثمار لأولادى بحيث يزيد أصل المبلغ (يعنى تكون الفائدة مركبة)

    ايه وفين الوعاء المناسب لوضعها فيه
    فيه اختيار جديد في HSBC غير حسابات التوفير و الشهادات لو بتفكر في حاجة للمستقبل للأطفال أو ليك أنت شخصياً كمعاش مثلاً و تقريباً بيجيب عائد أكبر من انك تربط فلوسك في شهادة أو غيره,
    الموضوع بالشراكة مع شركة Allianz للتأمين, و الفكرة عاملة زي موضوع الجمعية كده, أنت بتدفع مبلغ كل شهر بيبتدي من 250 جنيه -بيتخصم من حسابك تلقائياً- و لعدد سنين معين, أنت اللي بتحدد المبلغ و المدة الزمنية, يعني مثلاً حاجة للأطفال فبيبقى لحد سن الجامعة أو الجواز, أو لو ليك أنت شخصياً فبيبقى لحد سن المعاش, و في أخر المدة دي بينزلك مبلغ أكبر من كل الل أنت دفعته بشوية حلوين و بيكون عائد أكبر من اللي هتديه الشهادات أو الودايع..
    لو مهتم بالفكرة أو عايز تعرف معلومات أكتر عنها قوللي و هحاول أخلى حد من البنك يكلمك يشرحلك الموضوع بأستفاضة أكتر..
    .

  11. #11
    تاريخ التسجيل
    Jan 2011
    المشاركات
    19
    شهاده البنك الاهلي المصري شهاده استثمار مجموعه (أ) تعلى بالعائد تعطيك فائده 253 % بعد مضي عشر سنوات


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك