موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 14 من 14
Like Tree0Likes

الموضوع: ماهو الشيك السياحي

  1. #1
    تاريخ التسجيل
    Nov 2007
    المشاركات
    256

    ماهو الشيك السياحي

    بالله عليكم ردوا عليا

    ماهو تعريف الشيك السياحي؟؟؟

  2. #2
    تاريخ التسجيل
    Nov 2007
    المشاركات
    256
    و ياريت كمان تعريف الcollections check
    يارب حد يرد عليا

  3. #3
    الصورة الرمزية elazez
    تاريخ التسجيل
    Mar 2011
    المشاركات
    719
    الشيك السياحي ده هو عبارة عن شيكات مطبوعة ومحددة بالفئات مسبقا وبيكون فيها مكانين للامضاء لصاحب الشيك وديه اهم حاجه انه فيه ماكنين للامضاء لصاحب الشيك
    يعني انتي دلوقتي روحتي للبنك وقولتيله انك عاوزه شيك سياحي مثلا فئة 50 دولار هيديكي ورقة مطبوعة تشبه تشبه بالظبط النقود فئة 50 دولار لكن طبعا بيكون متحدد فيها اركان الشيك
    وممكن تشتري بالشيك السياحي عادي ( بس الكلام ده بره ) بتمضي قدام صاحب المحل الامضتين علي الشيك قدامه
    الشيك السياحي ده بيعتبر فلوس انتي شيلاها ومش بتاخدي عليها فائدة
    كن متميزا في مكان عادي ولا تكن عاديا في مكان متميز




    ياااااااااااااااااارب عطفك وكرمك

    والله تعبت بجد

    اللهم يامسهل الشديد و يا ملين الحديد و يا منجز الوعيد و يا من هو كل يوم في أمرجديد أخرجني من حلق الضيق إلي أوسع الطريق بك أدفع ما لا أطيق و لا حول ولا قوة إلا بالله العلي العظيم ، يارب ضاقت بي السبل فمن لي سواك يفرجها "... قال رسول الله صلي الله عليه و سلم :"من قالها و علمها للناس أذهب الله كربه و أطال فرحه

  4. #4
    الصورة الرمزية elazez
    تاريخ التسجيل
    Mar 2011
    المشاركات
    719
    اقتباس المشاركة الأصلية كتبت بواسطة bascota2010 مشاهدة المشاركة
    و ياريت كمان تعريف الcollections check
    يارب حد يرد عليا
    الــــــــ collection check هي طبعا ادارة تحصيلات الشيكات المسؤلة عن تحصيل الشيكات المسحوبة لصالح عملاء البنك بتاعهم او المسحوبة علي عملاؤهم يعني بيعملوا مقاصة للشيكات وبتكون عن طريق البنك المركزي

    اتمني ان اكون افدتك باي معلومة

  5. #5
    الصورة الرمزية elazez
    تاريخ التسجيل
    Mar 2011
    المشاركات
    719
    الشيك السياحي تصدره شركات السياحية التي تتوافر فيها صفات الشركات العالمية او تكون عندها نظام عالمي بيغطي معظم انحاء العالم
    مزايا الشيكات السياحية :
    تعمل عمل النقود
    اكثر امانا ( لو الشيكات ضاعت بتبلغ الشركة والشركة بتعوضك خلال 48 ساعة )
    الشيك السياحي ليس له تاريخ محدد
    الشيكات السياحية سهلة الحمل
    ممكن استرداد قيمة الشيكات في اي وقت

    ــــــــــــــــــــــــــــــــــــــــــــــــــ ـــــــــــــــــــــــــ

    تقوم البنوك باخذ الشيكات السياحية من الشركات السياحية المصدرة للشيكات علي سبيل الامانة بهدف :

    تقديم خدمات جديدة لعملاء البنك وتلبية رغباتهم
    البنك بيضع اللوجو الخاص به كدعايه له علي الشيكات
    البنك بيستفيد من فلوس الشيكات السياحية وبيستثمرها وده لان اغلب العملاء مش بيستعملوا الشيكات كلها علي طوول او بيستردوا قيمتها بسرعة وكمان الشيكات ديه مش بتكلف البنك انه يدفع فائدة او فلوس

    يااااااارب تستفيدي اي حاجة من كلامي

  6. #6
    تاريخ التسجيل
    Aug 2005
    المشاركات
    443
    الشيكات السياحية اعتقد حاليا اتلغت

  7. #7
    تاريخ التسجيل
    Nov 2007
    المشاركات
    256
    اقتباس المشاركة الأصلية كتبت بواسطة elazez مشاهدة المشاركة
    الشيك السياحي ده هو عبارة عن شيكات مطبوعة ومحددة بالفئات مسبقا وبيكون فيها مكانين للامضاء لصاحب الشيك وديه اهم حاجه انه فيه ماكنين للامضاء لصاحب الشيك
    يعني انتي دلوقتي روحتي للبنك وقولتيله انك عاوزه شيك سياحي مثلا فئة 50 دولار هيديكي ورقة مطبوعة تشبه تشبه بالظبط النقود فئة 50 دولار لكن طبعا بيكون متحدد فيها اركان الشيك
    وممكن تشتري بالشيك السياحي عادي ( بس الكلام ده بره ) بتمضي قدام صاحب المحل الامضتين علي الشيك قدامه
    الشيك السياحي ده بيعتبر فلوس انتي شيلاها ومش بتاخدي عليها فائدة
    بجد أنا مش عارفه اشكر حضرتك ازاي ع المعلومات القيمه ديه وجعله الله في ميزان حساناتك

  8. #8
    تاريخ التسجيل
    Nov 2007
    المشاركات
    256
    اقتباس المشاركة الأصلية كتبت بواسطة elazez مشاهدة المشاركة
    الــــــــ collection check هي طبعا ادارة تحصيلات الشيكات المسؤلة عن تحصيل الشيكات المسحوبة لصالح عملاء البنك بتاعهم او المسحوبة علي عملاؤهم يعني بيعملوا مقاصة للشيكات وبتكون عن طريق البنك المركزي

    اتمني ان اكون افدتك باي معلومة
    حضرتك أفدتني جدا والدنيا بقيت عندي كويسه اها كفايه ان حضرتك أستجبت للاغاثه لاني بجد مكنتش عارفه موضوع الcollection checks بس معلش انا أصلي مش فاهمه يعني ايه مقاصه ممكن توضحهالي

  9. #9
    تاريخ التسجيل
    Nov 2007
    المشاركات
    256
    اقتباس المشاركة الأصلية كتبت بواسطة elazez مشاهدة المشاركة
    الشيك السياحي تصدره شركات السياحية التي تتوافر فيها صفات الشركات العالمية او تكون عندها نظام عالمي بيغطي معظم انحاء العالم
    مزايا الشيكات السياحية :
    تعمل عمل النقود
    اكثر امانا ( لو الشيكات ضاعت بتبلغ الشركة والشركة بتعوضك خلال 48 ساعة )
    الشيك السياحي ليس له تاريخ محدد
    الشيكات السياحية سهلة الحمل
    ممكن استرداد قيمة الشيكات في اي وقت

    ــــــــــــــــــــــــــــــــــــــــــــــــــ ـــــــــــــــــــــــــ

    تقوم البنوك باخذ الشيكات السياحية من الشركات السياحية المصدرة للشيكات علي سبيل الامانة بهدف :

    تقديم خدمات جديدة لعملاء البنك وتلبية رغباتهم
    البنك بيضع اللوجو الخاص به كدعايه له علي الشيكات
    البنك بيستفيد من فلوس الشيكات السياحية وبيستثمرها وده لان اغلب العملاء مش بيستعملوا الشيكات كلها علي طوول او بيستردوا قيمتها بسرعة وكمان الشيكات ديه مش بتكلف البنك انه يدفع فائدة او فلوس

    يااااااارب تستفيدي اي حاجة من كلامي
    حضرتك كلامك وشرحك بسيط جدا خلاني فهمت الموضوع كويس جدا شكرا جزيلا

  10. #10
    تاريخ التسجيل
    Nov 2007
    المشاركات
    256
    اقتباس المشاركة الأصلية كتبت بواسطة mohamed13 مشاهدة المشاركة
    الشيكات السياحية اعتقد حاليا اتلغت
    أنا عارفه انها اتلغت بظهور البطاقات البلاستيكيه

  11. #11
    الصورة الرمزية elazez
    تاريخ التسجيل
    Mar 2011
    المشاركات
    719
    اقتباس المشاركة الأصلية كتبت بواسطة bascota2010 مشاهدة المشاركة
    حضرتك أفدتني جدا والدنيا بقيت عندي كويسه اها كفايه ان حضرتك أستجبت للاغاثه لاني بجد مكنتش عارفه موضوع الcollection checks بس معلش انا أصلي مش فاهمه يعني ايه مقاصه ممكن توضحهالي
    الحمد لله انك استفدتي معلومه وبجد انا بفرح جدا لما بساعد حد واحس فعلا انه استفاد

    بالنسبة بقي لموضوع المقاصة

    ايه هي المقاصة ؟

    مقاصة يعني تسوية

    بصي شوفي المثال ده

    نزلت انا واحد صاحبي علشان نشتري ملابس فعجبني بنطلون وكان تمنه مثلا 120 جنيه فراح صاحبي ودفع تمن البنطلون ، كده صاحبي له عندي 120 جنيه اوك

    وبعد كده صاحبي عجبه تي شيرت نقول ب 90 جنيه ههههههه فرحت انا للراجل ودفعت تمنه
    اذن انا دلوقت دفعت 90 جنيه يعني ليا عند صاحبي 90 جنيه

    جينا انا وهو في اخر اليوم بعد ما روحنا للبيت نتحاسب بقي
    المفروض ان صاحبي له عندي 120 جنيه
    انا ليه عنده 90 جنيه
    فالمفروض انا بقي بدفعله 120 -90 =30 جنيه الفرق بين اللي دفعه هو واللي دفعته انا
    هي ديه بقي المقاصه
    بس المقاصه بتكون بين شيكات

    اذن المقاصة هي تسوية حسابات بين البنوك وبعضها البعض سواء كانت لصالح العملاء او مسحوبة عليهم

    المسؤل عن المقاصة بين البنوك طبعا هو البنك المركزي المصري

    المقاصة ديه بتم ازاي ؟

    اقولك بتم ازاي طبعا مينفعش اي موظف يدخل غرفة المقاصة اللي بيتم فيها تسوية الحسابات بين البنوك وبعضها ليه ؟ علشان طبعا كل اللي جوه في غرفة المقاصة عبارة عن شيكات فمينفعش اي موظف يدخل الغرفة ديه الا اللي لديه الصلاحية انه يدخل
    طب مين الموظفين اللي بيدخلوا هناك ؟
    البنك المركزي المصري بيطلب من كل بنك انه يعين مندوب او اكثر عن البنك اللي يكون ليهم الصلاحية لعمل المقاصة عن البنك
    وبتم عملية المقاصة علي فترتين
    فترة صباحية وفترة بعد الظهر

    هناخد مثال هنا بقي بين بنكين وكيف المقاصة بتم بينهم


    نفرض ان عملاء بنك مصر معاهم شيكات مسحوبة علي عملاء البنك الاهلي فيه طريقيتن لصرف الشيكات ديه

    الاولي
    ان عملاء بنك مصر يروحوا علي طووول علي البنك الاهلي ويصرفوا الشيكات اللي معاهم
    وبكده مش هيكون فيه مقاصة بين البنكين

    التانية

    ان عملاء بنك مصر بيروحوا لبنكهم ( بنك مصر ) ويقولوا احنا معنا شيكات مسحوبة علي عملاء في البنك الاهلي وعايزينك تحصلهم لينا وبيدوا الشيكات طبعا لموظفين بنك مصر وبياخدوا منهم ورقة تفيد انهم اخدوا الشيكات منهم للتحصيل وطبعا قيمة الشيكات ديه مش بتنزل في حساب العميل علي طوووول لانه ممكن يكون العملاء بتوع البنك الاهلي اللي مسحوب عليهم الشيكات معندهمش رصيد يغطي القيمة

    المهم
    موظفين بنك مصر بيجمعوا الشيكات كلها وبيختموها بختم البنك علي وش الشيكات وظهرها ليه بقي؟
    علشان لا قدر الله لو الشيكات ضاعت او اتسرقت من موظف البنك محدش يقدر يصرفهم طالما عليهم ختم بنك

    بعد ما يختموا الشيكات بيبعتوها للفرع الرئيسي بتاعهم وهناك موظف مسؤل عنهم بياخد الشيكات ويظبطهم طبقا لتعليمات البنك المركزي وبيحط الشيكات كلها في ملف الكتروني وبيبعته للبنك المركزي

    كده بقي بدات المقاصة

    طبعا كل بنك في مصر عنده حساب في البنك المركزي

    البنك المركزي بياخد الشيكات من مندوب بنك مصر وطبعا الشيكات ديه مسحوبة علي البنك الاهلي
    بيخصم البنك المركزي قيمه الشيكات من حساب البنك الاهلي وبيضفهم لحساب بنك مصر

    طب فيه حاجتين هنا ؟

    الاولي

    ما هو ممكن يكون فيه عملاء البنك الاهلي رصيدهم مش مغطي قيمة الشيكات المسحوبة عليهم
    ايه ذنب البنك الاهلي انه يتخصم الفلوس من حسابه ويدفعها هو للبنك مصر والعميل معندوش رصيد ؟

    اقولك لا طبعا البنك الاهلي مش هيتحمل حاجة ليه ؟
    لانه اول ما البنك المركزي بيستلم الشيكات من مندوب بنك مصر وبيخصمها من حساب البنك الاهلي وبيرسل الشيكات الي مندوب البنك الاهلي علشان يتاكد من الشيكات انها مفهاش غلط وكمان يتاكد من رصيد كل عميل مسحوب عليه شيك
    فاذا البنك الاهلي وجد شيكات بتاعت عملاء معندوهمش رصيد بيعمل رفض للشيكات ديه علي طوووووووووول في نفس التو واللحظة وفي نفس اليوم اللي استلم فيهم الشيكات وبيبعتهم للبنك المركزي وباسباب الرفض
    طبعا البنك المركزي مش بيخصم قيمة الشيكات المرفوضة ديه وبيدي لمندوب بنك مصر الشيكات المرفوضة واسباب الرفض
    ومندوب بنك مصر بيرجع الشيكات الي عملاء بنك مصر وسبب الرفض


    الحاجة التانية

    ما هو ممكن البنك الاهلي يكون عنده شيكات مسحوبة لعملاء بنك مصر يعني

    لما البنك المركزي يبعتل الي البنك الاهلي الشيكات اللي استلمها من مندوب بنك مصر
    علشان يفحصها فالبنك الاهلي بيشوفها وبيرد علي البنك المركزي وكمان بيبعت للبن المركزي الشيكات المسحوبة علي بنك مصر
    وبيدا بقي نفس المشوار السابق
    انه كل بنك يتاكد من الشيكات ويفحصها ويتاكد من رصيد كل عميل


    اخر حاجة بقي في المقاصة

    فيه نوعين من المقاصة

    المقاصة الصادرة وهي الشيكات المسحوبة علي عملاء بنوك اخري لصالح عملاؤنا

    المقاصة الواردة وهي الشيكات المسحوبة علي عملاؤنا لصالح عملاء بنوك اخري

    وبكده تكون انتهت المقاصة

    وياااااااااارب مكنش طولت في الشرح ورخمت عليكوا

  12. #12
    تاريخ التسجيل
    Nov 2007
    المشاركات
    256
    اقتباس المشاركة الأصلية كتبت بواسطة elazez مشاهدة المشاركة


    الحمد لله انك استفدتي معلومه وبجد انا بفرح جدا لما بساعد حد واحس فعلا انه استفاد

    بالنسبة بقي لموضوع المقاصة

    ايه هي المقاصة ؟

    مقاصة يعني تسوية

    بصي شوفي المثال ده

    نزلت انا واحد صاحبي علشان نشتري ملابس فعجبني بنطلون وكان تمنه مثلا 120 جنيه فراح صاحبي ودفع تمن البنطلون ، كده صاحبي له عندي 120 جنيه اوك

    وبعد كده صاحبي عجبه تي شيرت نقول ب 90 جنيه ههههههه فرحت انا للراجل ودفعت تمنه
    اذن انا دلوقت دفعت 90 جنيه يعني ليا عند صاحبي 90 جنيه

    جينا انا وهو في اخر اليوم بعد ما روحنا للبيت نتحاسب بقي
    المفروض ان صاحبي له عندي 120 جنيه
    انا ليه عنده 90 جنيه
    فالمفروض انا بقي بدفعله 120 -90 =30 جنيه الفرق بين اللي دفعه هو واللي دفعته انا
    هي ديه بقي المقاصه
    بس المقاصه بتكون بين شيكات

    اذن المقاصة هي تسوية حسابات بين البنوك وبعضها البعض سواء كانت لصالح العملاء او مسحوبة عليهم

    المسؤل عن المقاصة بين البنوك طبعا هو البنك المركزي المصري

    المقاصة ديه بتم ازاي ؟

    اقولك بتم ازاي طبعا مينفعش اي موظف يدخل غرفة المقاصة اللي بيتم فيها تسوية الحسابات بين البنوك وبعضها ليه ؟ علشان طبعا كل اللي جوه في غرفة المقاصة عبارة عن شيكات فمينفعش اي موظف يدخل الغرفة ديه الا اللي لديه الصلاحية انه يدخل
    طب مين الموظفين اللي بيدخلوا هناك ؟
    البنك المركزي المصري بيطلب من كل بنك انه يعين مندوب او اكثر عن البنك اللي يكون ليهم الصلاحية لعمل المقاصة عن البنك
    وبتم عملية المقاصة علي فترتين
    فترة صباحية وفترة بعد الظهر

    هناخد مثال هنا بقي بين بنكين وكيف المقاصة بتم بينهم


    نفرض ان عملاء بنك مصر معاهم شيكات مسحوبة علي عملاء البنك الاهلي فيه طريقيتن لصرف الشيكات ديه

    الاولي
    ان عملاء بنك مصر يروحوا علي طووول علي البنك الاهلي ويصرفوا الشيكات اللي معاهم
    وبكده مش هيكون فيه مقاصة بين البنكين

    التانية

    ان عملاء بنك مصر بيروحوا لبنكهم ( بنك مصر ) ويقولوا احنا معنا شيكات مسحوبة علي عملاء في البنك الاهلي وعايزينك تحصلهم لينا وبيدوا الشيكات طبعا لموظفين بنك مصر وبياخدوا منهم ورقة تفيد انهم اخدوا الشيكات منهم للتحصيل وطبعا قيمة الشيكات ديه مش بتنزل في حساب العميل علي طوووول لانه ممكن يكون العملاء بتوع البنك الاهلي اللي مسحوب عليهم الشيكات معندهمش رصيد يغطي القيمة

    المهم
    موظفين بنك مصر بيجمعوا الشيكات كلها وبيختموها بختم البنك علي وش الشيكات وظهرها ليه بقي؟
    علشان لا قدر الله لو الشيكات ضاعت او اتسرقت من موظف البنك محدش يقدر يصرفهم طالما عليهم ختم بنك

    بعد ما يختموا الشيكات بيبعتوها للفرع الرئيسي بتاعهم وهناك موظف مسؤل عنهم بياخد الشيكات ويظبطهم طبقا لتعليمات البنك المركزي وبيحط الشيكات كلها في ملف الكتروني وبيبعته للبنك المركزي

    كده بقي بدات المقاصة

    طبعا كل بنك في مصر عنده حساب في البنك المركزي

    البنك المركزي بياخد الشيكات من مندوب بنك مصر وطبعا الشيكات ديه مسحوبة علي البنك الاهلي
    بيخصم البنك المركزي قيمه الشيكات من حساب البنك الاهلي وبيضفهم لحساب بنك مصر

    طب فيه حاجتين هنا ؟

    الاولي

    ما هو ممكن يكون فيه عملاء البنك الاهلي رصيدهم مش مغطي قيمة الشيكات المسحوبة عليهم
    ايه ذنب البنك الاهلي انه يتخصم الفلوس من حسابه ويدفعها هو للبنك مصر والعميل معندوش رصيد ؟

    اقولك لا طبعا البنك الاهلي مش هيتحمل حاجة ليه ؟
    لانه اول ما البنك المركزي بيستلم الشيكات من مندوب بنك مصر وبيخصمها من حساب البنك الاهلي وبيرسل الشيكات الي مندوب البنك الاهلي علشان يتاكد من الشيكات انها مفهاش غلط وكمان يتاكد من رصيد كل عميل مسحوب عليه شيك
    فاذا البنك الاهلي وجد شيكات بتاعت عملاء معندوهمش رصيد بيعمل رفض للشيكات ديه علي طوووووووووول في نفس التو واللحظة وفي نفس اليوم اللي استلم فيهم الشيكات وبيبعتهم للبنك المركزي وباسباب الرفض
    طبعا البنك المركزي مش بيخصم قيمة الشيكات المرفوضة ديه وبيدي لمندوب بنك مصر الشيكات المرفوضة واسباب الرفض
    ومندوب بنك مصر بيرجع الشيكات الي عملاء بنك مصر وسبب الرفض


    الحاجة التانية

    ما هو ممكن البنك الاهلي يكون عنده شيكات مسحوبة لعملاء بنك مصر يعني

    لما البنك المركزي يبعتل الي البنك الاهلي الشيكات اللي استلمها من مندوب بنك مصر
    علشان يفحصها فالبنك الاهلي بيشوفها وبيرد علي البنك المركزي وكمان بيبعت للبن المركزي الشيكات المسحوبة علي بنك مصر
    وبيدا بقي نفس المشوار السابق
    انه كل بنك يتاكد من الشيكات ويفحصها ويتاكد من رصيد كل عميل


    اخر حاجة بقي في المقاصة

    فيه نوعين من المقاصة

    المقاصة الصادرة وهي الشيكات المسحوبة علي عملاء بنوك اخري لصالح عملاؤنا

    المقاصة الواردة وهي الشيكات المسحوبة علي عملاؤنا لصالح عملاء بنوك اخري

    وبكده تكون انتهت المقاصة

    وياااااااااارب مكنش طولت في الشرح ورخمت عليكوا
    بجد بجد بجد أنا مش عارفه اشكرك أزاي ما شاء الله طريقه شرح حضرتك بسيطه وسهله بجد انا دورت كتير ع النت علي شرح المقاصه ملقتهاش بالبساطه دي ممكن حضرتك تديني درس ف البنوك عشان انا حلمي اشتغل في بنك ونفسي لما اروح انترفيو واتسال ف الحاجات دي اكون عارفها كلها وعشان كمان ابقي فاهمه الشغل كويس بيمشي أزاي هو حضرتك بتشتغل في بنك ايه؟؟؟

  13. #13
    الصورة الرمزية elazez
    تاريخ التسجيل
    Mar 2011
    المشاركات
    719
    اقتباس المشاركة الأصلية كتبت بواسطة bascota2010 مشاهدة المشاركة
    هو حضرتك بتشتغل في بنك ايه؟؟؟
    تخيلي انتي بقي ؟

    عارفه مش هتصدقي والله


    مش شغال في اي حتة نهاااااائي

    عااااااطل

    بس بحاول علي قد ما اقدر اجهز نفسي للمقابلات

    يعني باخد كورسات ( اخدت كورس بتاع المعهد المصرفي )

    بذاكر في كتب

    بحاول علي قد ما اقدر اكون جاهز وربنا يكرم بقي

    يااااااااااااارب اكرمنا وارزقنا بوظيفة في بنك

  14. #14
    تاريخ التسجيل
    Nov 2007
    المشاركات
    256
    اقتباس المشاركة الأصلية كتبت بواسطة elazez مشاهدة المشاركة
    تخيلي انتي بقي ؟

    عارفه مش هتصدقي والله


    مش شغال في اي حتة نهاااااائي

    عااااااطل

    بس بحاول علي قد ما اقدر اجهز نفسي للمقابلات

    يعني باخد كورسات ( اخدت كورس بتاع المعهد المصرفي )

    بذاكر في كتب

    بحاول علي قد ما اقدر اكون جاهز وربنا يكرم بقي

    يااااااااااااارب اكرمنا وارزقنا بوظيفة في بنك
    أتصدق انا كمان لسه مخلصه كورس المعهد المصرفي واصلا بذاكر عشان امتحاني قرب وناويه اكثف مجهوداتي بعد الكورس في معرفه كل شي عن البنوك بس فعلا والله البلد دي مش بتقدر قيمه الناس اللي زي حضرتك وحضرتي وغيرنا كتير من الشباب الطموح اللي دماغه حلوه ولكن بيقبلوا بناس اقل في المعلومات بمجرد انهم متوصي عليهم
    بس انت معملتش اي انترفيو في اي بنك وكمان ياريت تقولي كتبت الكورس بتاع المعهد ازاي في السي في بحيث انه يبقي مقوي السي في

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك