موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 2 من 9 الأولىالأولى 1 2 3 4 ... الأخيرةالأخيرة
النتائج 16 إلى 30 من 129
Like Tree3Likes

الموضوع: ازاى تسوق نفسك (بجد هتندم لو معرفتش)

  1. #16
    الصورة الرمزية صقر الجزيره 1
    تاريخ التسجيل
    Jun 2009
    المشاركات
    1,355

  2. #17
    الصورة الرمزية صقر الجزيره 1
    تاريخ التسجيل
    Jun 2009
    المشاركات
    1,355
    يعني تعرفنا انت عملت ايه غير تسويق نفسك علشان تدخل هذه الاماكن اصل الموضوع مش تسويق وبس

    لان الاماكن دي مش هتديلك مرتب علشان انت لسانك حلو

    وانت جامعه ايه بتقدير ايه واخذت كورسات ايه وبعد الدراسه ولا اثناء وتكاليف الكورساتواماكنها ومعلومات منك لاخواتك

    انت انتهيت من عمليه سرد الحكايه وعاييزين نبدأ في ماهو بعدها


    يعني ماذا بعد وكيف نمشي في طريقك؟

    وربنا يكرمك ويوفقك

  3. #18
    تاريخ التسجيل
    Dec 2006
    المشاركات
    275
    ربنا يوفقك كمان وكمان

  4. #19
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424
    اقتباس المشاركة الأصلية كتبت بواسطة هبة المصرى مشاهدة المشاركة
    انا عايزة اسال حاجة هو التوتر بياثر علي تقيم الانترفيو يعني بمعني تاني الاتش ار بيقدر يميز بين الشخص المتوتر ومش كويس وشخص متوتر وكويس لاني انا ممكن اتوتر بسهولة وده حصل معايا في بنك اسكندرية اتوترت وبعد ما ترجمت صفحة كاملة صح معرفتش اترجم سطرين اه كنت عايز اسال حاجة كمان لو بتاع الاتش ار سالته رايك فيك وقال انك كويس بتبقي مجاملة انا مش عارفة انا استغبيت نفسي لما سالته انا كنت كويسة ولا لا بس لما واحد تاني من الاتش ار ساله عليا قاله كويسة
    التوتر مش حلو فى الانترفيو ودة بيدى انطباع بعدم الثقة فى النفس والقلق وبالتالى هتبقى متوتر والكلام مش هيبقى منظم وفى تهتهه فى الكلام ويمكن كمان ياثر على الحل لو انت فى امتحان مثلا ولكن الاتش ار بيبقى عارف الشخص الكويس من الشخص الوحش لانه بيبان من تفكيرك ونوع الكلام اللى بتقوله ومش طريقة العرض (ولكن طريقة عرض الكلام مهمه جدا)لان فى الانترفيو تعبيرات وشك والالفاظ اللى بتقولها هية دية اللى بيحكم عليها المحاور ومش نيتك وشعورك الداخلى
    ثانيا ما ينفعش ابدا اننا نسال الاتش ار احنا كويسين ولا لآ وبرضو لنفس السبب اللى ذكرته قبل كدة وهوة عدم الثقة فى النفس لانك لو واثق من كلامك وانت عارف ان شخصيتك قوية وعرفت تدير الحوار عمرك ما هتسال السؤال دة ولكن برضو بتختلف من محاور لاخر وفى ناس مش بتتقبل السؤال دة ولكن فى الاساس المحاور بيتعمد انه يخرجك من الانترفيو وانت مش عارف اذا كان راضى عنك ولا لآ
    وبلاش القلق وان شاء الله خير







  5. #20
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424

    Great

    اقتباس المشاركة الأصلية كتبت بواسطة رامى محمد شوقى مشاهدة المشاركة
    بجد موضوع مهم بدرجه كبيرة جدا جدا جدا وانا شايف انه اهم حاجه علشان تقدر تشتغل , لان فعلا لم بتوصل لانترفيو لازم تقدر تسوق نفسك ومن غير كدة مش هينفع تشتغل
    انا بس كنت عايز اسالك على اسئله اان مش عارفه فعلا
    لو قالى انت عايز تسيب شغلك ليه اقول له ايه
    وكمان لم يقولى ايه اللى يخلينى اقبلك اقوله على الكورسات اللى انا وخدها وشغلى السابق ولى ايه
    متشكرين جدا
    اولا لو سالك عاوز تسيب شغلك لية هتقوله على السبب الحقيقى ....اين كان السبب ...يعنى لو تعبان من الشغل قله على الحقيقة..........و زى ما حصل معايا وقلت !!!!!!!ان السيلز شغل متعب جدا وبيشد الاعصاب وبيعمل ارهاق ذهنى وبدنى و وكل شوية التارجيت يزيد والسوق مقفول بسبب الازمة العالميةفماقدرتش اكمل لانها حاجة خارجة عن ارادتى......... وفى نفس الوقت ممكن تقوله ان اى حد بيدور على الاحسن وانا شايف نفسى انى ممكن انتج اكتر فى الوظيفة دية وانا شايف مستقبلى فيها احسن من اى شغل تانى بالاضافة لو العائد اعلى طبعا هتقوله انى بدور على العائد المادى الافضل وكمان المعنوى
    ثانيا بالنسبة لسؤال لية انا ممكن اقبلك فدة سؤال اجابته سهله جدا .........يعنى ممكن تقوله على امكانياتك اللى ممكن مش هيلاقيها فى حد تانى او تقدر تقله على الكلام المعروف والرد الطبيعى للسؤال دة وهوة انك منظم ودقيق وتقدر تحفز نفسك من غير ماتعتمد على شغل اللى حوليك ومنتظم فى مواعيدك وبتحب الشغل وبتخلصله وتقدر تشتغل فى جروب وياحبزا لو تبقى القائد بتاعه وكمان عندك قدرة على حل المشاكل بسرعه ومن غير اثار جانبية على الشغل بتاع غيرك ولو عاوز تزود زود والكلام دة مفيش اكتر منه..............
    التعديل الأخير تم بواسطة ahlamasr; 09-07-2009، الساعة 07:24 PM

  6. #21
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424

    22

    اقتباس المشاركة الأصلية كتبت بواسطة mohamed_samy154 مشاهدة المشاركة
    متشكريييييين جدايالستاذ محمد علي مجهودك بس كنت عاوزاضيف حاجة صغيرة ان انا كنت عملت 3 انترفيو في شركة من اكبر شركات التامين هنا في مصر ويمكن في العالم كله وهي اليكو للتامين ولما قعدت مع الراجل اللي انا المفروض هشتغل معاه ف الفينال كان بيعرض عليا وبشدة ان انا اشتغل معاه في customer agency بس انا صممت علي محاسب وانا دلوقتي علي الويتنج ليست بسبب كدة وشكرا ليك جدا علي مجهودك الرائع انا اخوك مصطفي
    ربنا يوفقك ان شاء الله خير وشكرا على مرورك الجميل

  7. #22
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424

    19

    اقتباس المشاركة الأصلية كتبت بواسطة tarek roka aror مشاهدة المشاركة
    موضوع جيد جدا أحييك عليه
    بس انا شايف انى لما ادخل انترفيو وأقول أن خلال 6 شهور أشتغلت في 4 أماكن مختلفة اللى بعمل معاه الانترفيو هياخد عنى انطباع سيئ جدا
    وأبسطها هيعرف انى شخص مش مسئول لما يدينى مسئوليات هيلاقينى سبت الشغل
    أما حكاية انك تسوق لنفسك فأنا بشوف أن مافيش إدارة HR في مصر ناجحة أصلا غير معدودين (يمكن يكون أوراسكوم والعز وفقط) فأنت كده كده لو عملتلهم عفريت فأنت وحظك
    وأكيد أنت حسيت بده في البنك اللى أنت شغال فيه لأنك هتلاقي ناس ماتجبش شكل Bankers حتى شغالين معاك

    وبالتالى عشان تسوق كويس لنفسك فأنا شايف أن كلمة السر هى إثبات الجدارة في مكان واحد وفقط
    تمسك شغل وتطحن نفسك فيه ، وبعد كده هتلاقي نفسك الشغل هو اللى بيناديك من كل المؤسسات اللى في مجال شغلك
    ندى أمثلة ومن داخل البنك اللى أنت شغال في

    طارق عامر (رئيس مجلس الادارة) - خارج من مدرسة سيتي جروب وبعدين بنك مركزى وبعدين في البنك الأهلى

    هشام عكاشة (نائب رئيس مجلس الادارة) - خارج من مدرسة البنك العربي الأفريقي وحاليا البنك الأهلى

    حازم حجازى (رئيس مجموعة التجزئة المصرفية) - خارج من مدرسة HSBC وبعدين البنك العربي ودلوقتي البنك الأهلى

    اللى عايز أقولة أن لما تعوز تسوق لنفسك ما تبصش في CV ولا انترفيو ولا الكلام ده
    بص أنك تبقي في شغل تثبت نفسك فيه عشان شغلك هو اللى هيسوقك

    اتمنى ماكونش طولت
    وشكرا ،،،
    اولا منور الموضوع يا طروقه واتمنى تبقى بخير واشكرك جدا لمساعدتك ليا لما كنت بقدم فى hsbc وبجد انت انسان محترم وتستاهل كل خير لانك متعاون وتحب تخدم الناس وبصراحة انت من اكتر الناس اللى فادتنى فى المنتدى بالمواضيع والاراء والمشاركات

    ثانيا: كلامك ياباشا زى الفل وليس علية اى غبار ولكن انت بتتكلم فى مرحلة متقدمة من الخبرة المهنية يعنى انت دربت امثله على ناس خبرة فى القطاع المصرفى وعلى هذا الاساس قدرت تسوق نفسها بس سيادتك ما لمستش الجزئية الخاصة ببداية حياتهم والفرصة جالتلهم ازاى ........
    بمعنى تانى الناس السابق ذكرهم قدروا ينتقلوا من مكان لتانى فى القطاع المصرفى بناءا على البوزيشن والخبرات السابقة ليهم ولكن مش انا مش بنكر دو الخبرة واللى الجزء التانى من موضوعى بيتكلم عنها ولكن برضو اللى اقصده ان الخطوة الاولى اللى الناس تقدر تدخل بيها اى حته بمعنى اصح الشخص اللى لسه متخرج ولا يمتلك من الخبرة شىء هيتقبل ازاى فى مكان لو مكنش واخد كورسات فى نفس المجال او ادرب فى مكان متعلق بشغله المتقدم لية لو حتى اشتغل فى اى شغل يعرفه طبيعه العمل ويفصله عن الحياه الاكادمية ؟؟؟؟؟؟؟!!!!!!!!!!!
    هوة دة اللى بتكلم فية ......
    يعنى فى البداية لازم تعرف ازاى تدخل دنيا العمل وتسوق نفسك بامكانياتك المحدودة كخريج جديد وبعد كدةلما تشتغل و بناءا على خبراتك السابقة تقدر تسوق نفسك بحكم خبرتك المهنية

    ثالاثا وما يخص انى انتقل من شغل للتانى فى ستة شهور
    انا مش بدعو للتغير السريع فى الشغل ومش هوة دة الهدف الرئيسى للموضوع وانما اللى حصل دة لظروف خاصة وانا ذكرت النقطة دية علشان ابين للناس ان لما كل ما يظهر قدامى فرصة احسن كنت بعرف استغلها صح واعرف ازاى اخلى الناس تقبلنى فى الشغل معاه ودة طبعا توفيق من ربنا
    واشرحلك اللى حصل:
    انا اشتغلت فى سيتى بنك حوالى شهر او شهر ونص وكنت عارف ان السيلز شغل صعب خصوصا فى البنك لان سمعته سيئة جدا فى السوق المصرى واعتقد يا باشا انك عارف الموضوع دة كويس (مش عاوز اذكر الاسباب لانه مش موضوعنا).......اكيد انا استفدت من الشغل فى سيتى بنك حتى لو كانت المدة صغيرة بس انا عرفت ازاى الناس بتتكلم مع العملاء وطريقة عرض المنتج سواء كان كريدت كارد او لونز وكمان عرفت اية المفروض يتقال للعميل واية المفروض مايتقلش وتعرف ترد على سؤال معين ازاى وبطريقة تخليك مقنع.........مش هنكر ان جزء من الاسلوب ملتوى شوية بس بالبلدى كدة زى ما بيقولوا الشغل فى ستى بنك يخليك تعرف تلف العميل وتحطة فى جيبك...(علشان كدة بيسموا سيتى بنك مدرسة السيلز فى مصر) وفعلا لقيت ناس من سيتى موجوديت فى hsbc وكان معظمهم team leaders هنا.......
    تعالى بقى للhsbc وانت واحد من الاستاف وعارف كويس البنك بيتعامل ازاى مع الموظفين بتوعه وماشاء الله على العوائد المادية وخلافه من سمعه جيدة جدا ونوعية العملاء اللى البنك بيتعامل معاهم سواء ماديا او عقلية........(اللهم لا حسد ) بس انا بذكرلك المميزات علشان اقولك ان لما يظهرلك فرصه انك تدخل فى العالم دة اكيد هتسيب سيتى بك اللى سمعته اقل بكتير -او حتى لا يوجد وجه مقارنه - مش هتتاخر انك تروح تشتغل فى hsbc
    علشان كدة سيبت سيتى بنك ورحت hsbc
    تعالى بقى لاتصالات
    السبب انا قلته فى الموضوع وكررته فى كذا رد وهوة انى لقيت السيلز مرهق جدا ومتعب ذهنيا وبدنيا (تعب اعصاب من التارجت لان مش هتصدق الرقم اللى هقولك علية.........انت عارف ان اول ما رحت الhsbc كان الترجت بتاعى loans 250,000 فى الشهر وكمان 15 credit card انت عارف الرقم زاد لكام بعدها بشهرين..........بقى loans 1,500,000 فى الشهر برشو بالاضافة ل15 كارت ) عرفت بقى السبب الرئيسى
    السبب التانى وانى كنت بشتغل يوميا من الساعه 8 صباحا لغاية 9او 10 مساءا وكان فى ايام بننزل فى الويك اند بتاعنا سواء الجمعه او السبت علشان نخلص شغل..........
    بالله عليك بعد ما قريت الكلام دة انت ممكن تستحمل كدة .؟؟؟؟؟
    علشان كدة قررت اشوف مكان تانى افضل!!!!
    وبالفعل والحمد لله قدمت فى جوب فير عرفت عنه من خلال المنتدى (شوفت المنتدى مهم ازاى) ولقيت حد من الاتش ار بتاع اتصالاات بيتصل بيا وعملت انترفيو فى التليفون على السريع واتوافق عليا مبدأيا وبعد كدة عملت اتنين انترفيو فى الشركة واتقبلت والحمد لله..............
    اشتغلت خدمة عملا على الرغم من انها ملهاش علاقة بكليتنا ولكن وافقت لسببين .الاول وهوة التعب والارهاق اللى بشوفه فى البنك مش هيبقى اكتر من الشغل فى خدمة العملا
    والسبب التانى وهوة العائد المادى
    ونيجى بقى للبنك الاهلى
    معتقدش ان في حد فى مصر ممكن يرفض اوفر البنك الاهلى المصرى يعرضة عليه ويقول لآ.........
    (اكيد يبقى شخص عبيط اللى يقول للبنك الاهلى لآ)
    خصوصا لو انت مش شغال فى مجال عملك الاصلى زى ما كنت فى اتصالاات
    وكمان انى هشتغل فى البنك الاهلى فى مجال عملى الاصلى وان الطبيعى ان اى خريج تجارة بيشتغل تيللر او فى قسم تانى بس المهم فى البنك الاهلى
    ثالثا وهوة العائد المادى
    ....
    .......
    ..........
    .............
    ..............
    .....................
    اتمنى يا طروقه انك تكون فهمت وجه نظرى واسف لو طولت عليك
    التعديل الأخير تم بواسطة ahlamasr; 09-07-2009، الساعة 08:11 PM

  8. #23
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424
    اقتباس المشاركة الأصلية كتبت بواسطة هبة المصرى مشاهدة المشاركة
    سلام عليكم ازيك يا محمد محمد بما انك اشتغلت في بنك عايز اسالك سوال وبكل صراحة هل فعلا البنات مش بيفضلوهم في البنوك لاني سمعت ان لو بنت وولد نفس الكفاة ومحتاجين واحد بيخدوا الولد تاني حاجة ودي اهم حاجة انا معايا كورس icdl انا معايا تجارة انجليزي وليا ترتيب علي دفعتي المشكلة اني مش عارفة احسن نفسي ازاي خصوصا اني في محافظة الشرقية وما فيش كورسات متاحة غير الانجليزي وانا اصلا كويسة فيه يعني بمعني تاني عايزة اكون بنت متميزة حتي لو اي بنك مش بيفضل بنات ابقي بالنسبة له لقطة اذا كانت ظروف اقامتي في الشرقية منعاني اني اخد الكورسلت دي تفتكر احسن مستويا ازاي يارت تجاوب عليا لانك مش متخيل احساس ان عدي سنة من عملرك مش عملت فيها حاجةو انا كمان عندي مشكلة اني مش عندي خبرة مع اني من النوع الا بتعلم بسرعة جدا والحمد لله مستويا بتحسن مع مرور الوقت يعني تفتكر ايه الا نقصني علشان ابقي انسانة متميزة وياريت حضرتك تهتم وترد عليا
    شكرا على مرورك الجميل اتمنى انك تكونى استفدتى من الموضوع
    الشىء التانى بخصوص سؤال:-
    اولا ما شاء الله عليكى (ترتيب على الدفعه/انجلش قوى/icdl/بتتعلمى بسرعه) من كلامك عن نفسك فانتى تعتبرى متميزة نسبيا عن باقى البنات اللى فى دفعتك........بس ينقصك حاجتين وهى الخبرة والكورسات اولا بالنسبة للخبرة .....
    ممكن تشتغلى فى اى مكتب محاسبة وتعرفى الشغل ماشي ازاى واعتقد ان فى مكاتب كتير فى الشرقية للمراجعه والمحاسبة ودية تعتبر خطوة اولى وما تقوليش ملهاش علاقه بالبنوك لان زميلى اللى بيشتغل معايا تيلر جاى اصلا من مكتب محاسبة ومراجعه وماشاء الله المرتب اعلى لان خبرة المكتب اتحسبتله خبرة على الرغم من انها ملهاش علاقة بالشغل (بس دية سياسة بنك) والشغل فى المكتب حتى لو بعائد ضعيف او من غير عائد اصلا (عادى جدا جداجدا) بس النتيجة والتحصيل مستقبلا بيقى جميل جدا كعائد مادى ومعنوى ووضع فى الشغل وخبرة مهنية واسالى مجرب
    ثانيا بالنسبة للكورسات فممكن تاخدى كورسات محاسبة وبرجع يبقى كورس تبع مكتب و ممكن تبدأى cma لو امكانياتك تسمح انك تدرسيها فى مركز او ممكن تبدايها self study بحكم انك تجارة انجلش زى ما انا بعمل حاليا.......
    بالنسبة بقى لموضوع ان البنك بيميز البنت عن الولد والكلام دة فدة عارى تماما من الصحة وكلام عبيط واللى يقولك كدة يبقى عبيط او بيهزر معاكى
    ولكن فى حاجات بيفضل فيها البنات وحجات يفضل فيها الشباب
    فى البنك مثلا يفضل البنات فى خدمة العملاء
    والشباب فى شغل التيللر
    ولكن دة ما يمنعش انه يحصل العكس ودة فعلا حصل معانا فى الفرع وفروع كتير كمان وهوة ان فى معانا بنت وبتشتغل تيللر وفى شباب بتشتغل فى خدمة العملا
    القصد ان مش قاعده ان البنات فى مكان والشباب فى مكان ولكن يفضل فى بعض الاحيان

    ودة لسبب بسيط انا البنات عندها طوله بال وتقدر تستحمل كلام العملاء الطويل واسئلتهم اللى ما بتنتهيش
    اما الشباب فخلقهم ضيق وكمان معروفين بالدقة ويقدروا يشتغلوا فى الفلوس وتحمل مسؤلية المبالغ الكبيرة بعكس البنات
    عموما اقرأى كتير فى مواضيع المنتدى فى كل اقسام منتدى التجاريين وانتى تعرفى اكتر عن المهم وهتكتسبى معلومات وخبرات ناس كتير
    واتمنالك التوفيق من الله

  9. #24
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424
    اقتباس المشاركة الأصلية كتبت بواسطة هبة المصرى مشاهدة المشاركة
    سلام عليكم ازيك يا محمد محمد بما انك اشتغلت في بنك عايز اسالك سوال وبكل صراحة هل فعلا البنات مش بيفضلوهم في البنوك لاني سمعت ان لو بنت وولد نفس الكفاة ومحتاجين واحد بيخدوا الولد تاني حاجة ودي اهم حاجة انا معايا كورس icdl انا معايا تجارة انجليزي وليا ترتيب علي دفعتي المشكلة اني مش عارفة احسن نفسي ازاي خصوصا اني في محافظة الشرقية وما فيش كورسات متاحة غير الانجليزي وانا اصلا كويسة فيه يعني بمعني تاني عايزة اكون بنت متميزة حتي لو اي بنك مش بيفضل بنات ابقي بالنسبة له لقطة اذا كانت ظروف اقامتي في الشرقية منعاني اني اخد الكورسلت دي تفتكر احسن مستويا ازاي يارت تجاوب عليا لانك مش متخيل احساس ان عدي سنة من عملرك مش عملت فيها حاجةو انا كمان عندي مشكلة اني مش عندي خبرة مع اني من النوع الا بتعلم بسرعة جدا والحمد لله مستويا بتحسن مع مرور الوقت يعني تفتكر ايه الا نقصني علشان ابقي انسانة متميزة وياريت حضرتك تهتم وترد عليا
    شكرا على مرورك الجميل اتمنى انك تكونى استفدتى من الموضوع
    الشىء التانى بخصوص سؤال:-
    اولا ما شاء الله عليكى (ترتيب على الدفعه/انجلش قوى/icdl/بتتعلمى بسرعه) من كلامك عن نفسك فانتى تعتبرى متميزة نسبيا عن باقى البنات اللى فى دفعتك........بس ينقصك حاجتين وهى الخبرة والكورسات اولا بالنسبة للخبرة .....
    ممكن تشتغلى فى اى مكتب محاسبة وتعرفى الشغل ماشي ازاى واعتقد ان فى مكاتب كتير فى الشرقية للمراجعه والمحاسبة ودية تعتبر خطوة اولى وما تقوليش ملهاش علاقه بالبنوك لان زميلى اللى بيشتغل معايا تيلر جاى اصلا من مكتب محاسبة ومراجعه وماشاء الله المرتب اعلى لان خبرة المكتب اتحسبتله خبرة على الرغم من انها ملهاش علاقة بالشغل (بس دية سياسة بنك) والشغل فى المكتب حتى لو بعائد ضعيف او من غير عائد اصلا (عادى جدا جداجدا) بس النتيجة والتحصيل مستقبلا بيقى جميل جدا كعائد مادى ومعنوى ووضع فى الشغل وخبرة مهنية واسالى مجرب
    ثانيا بالنسبة للكورسات فممكن تاخدى كورسات محاسبة وبرجع يبقى كورس تبع مكتب و ممكن تبدأى cma لو امكانياتك تسمح انك تدرسيها فى مركز او ممكن تبدايها self study بحكم انك تجارة انجلش زى ما انا بعمل حاليا.......
    بالنسبة بقى لموضوع ان البنك بيميز البنت عن الولد والكلام دة فدة عارى تماما من الصحة وكلام عبيط واللى يقولك كدة يبقى عبيط او بيهزر معاكى
    ولكن فى حاجات بيفضل فيها البنات وحجات يفضل فيها الشباب
    فى البنك مثلا يفضل البنات فى خدمة العملاء
    والشباب فى شغل التيللر
    ولكن دة ما يمنعش انه يحصل العكس ودة فعلا حصل معانا فى الفرع وفروع كتير كمان وهوة ان فى معانا بنت وبتشتغل تيللر وفى شباب بتشتغل فى خدمة العملا
    القصد ان مش قاعده ان البنات فى مكان والشباب فى مكان ولكن يفضل فى بعض الاحيان

    ودة لسبب بسيط انا البنات عندها طوله بال وتقدر تستحمل كلام العملاء الطويل واسئلتهم اللى ما بتنتهيش
    اما الشباب فخلقهم ضيق وكمان معروفين بالدقة ويقدروا يشتغلوا فى الفلوس وتحمل مسؤلية المبالغ الكبيرة بعكس البنات
    عموما اقرأى كتير فى مواضيع المنتدى فى كل اقسام منتدى التجاريين وانتى تعرفى اكتر عن المهم وهتكتسبى معلومات وخبرات ناس كتير
    واتمنالك التوفيق من الله

  10. #25
    الصورة الرمزية kio4
    تاريخ التسجيل
    Sep 2007
    المشاركات
    759
    انا شايف انه موضوع جيد جدا بس اعتقد ان الاستقرار مطلوب جدا فى وقت تنقل بيه نفسك تحياتى
    ]

  11. #26
    الصورة الرمزية Ahlawy_07
    تاريخ التسجيل
    Oct 2008
    المشاركات
    542
    محمد باشا ايه اخبارك
    عامل ايه
    انت غيرن اليوسير نيم بتاعك لية بس

    بس انا عاوز اشكرك على الموضوع
    بجد موضوع رائع ويعتبر احسن موضوع
    فى القسم فى اخر 5 شهور
    بجد موضوع رائع

    بس اعذرنى انا مع طارق روقة فى اللى بيقولة
    عن موضوع ان صعب تشتغل كذا شغلانة فى فترة صغيرة
    لأن كده فعلا ممكن اللى قدامك ياخد فكرة عنك سيئة

    وكانت عاوز اسال سؤال هو مش قد كده بس كنت عاوز اعرف اجابتة

    دلوقتى لو الواحد مش شغال فى مجال البنوك
    ايه اخر سن البنك ممكن يسمح ان يعين حد جديد فية

    يعنى لو الواحد شغال فى مجال تانى وعاوز يشتغل فى مجال البنوك
    ايه السن اللى بعديه مش ينفع انه يتعين ؟


    وشكرا على الموضوع الرائع

  12. #27
    تاريخ التسجيل
    Oct 2008
    المشاركات
    34
    جزاك الله كل خير عن موضوعك الجميل ده بس انا مش عارفة اعمل ايه اتخرجت من تجارة انجلش بتقدير جيد واخدت كورس تبع جمعية جيل المستقبل انجلش وكمبيوتر ومهارات اتصال وكورس خدمة عملاء وقدمت السي في بتاعي في كل البنوك اللي اعرفها وبقدم كل يوم عالنت وانا الحمد لله حد مثقف اوي ومتابعة الاحداث الاقتصادية وغيرها وحاسة اني عملت اللي عليا ممكن حد يقولي ايه الغلط اللي فيا عشان اصلحه يمكن هو ده اللي موقفني في مكاني لحد دلوقتي واسفة عالاطالة وشكرا

  13. #28
    الصورة الرمزية هبة المصرى
    تاريخ التسجيل
    Apr 2009
    المشاركات
    800
    اقتباس المشاركة الأصلية كتبت بواسطة ahlamasr مشاهدة المشاركة
    شكرا على مرورك الجميل اتمنى انك تكونى استفدتى من الموضوع
    الشىء التانى بخصوص سؤال:-
    اولا ما شاء الله عليكى (ترتيب على الدفعه/انجلش قوى/icdl/بتتعلمى بسرعه) من كلامك عن نفسك فانتى تعتبرى متميزة نسبيا عن باقى البنات اللى فى دفعتك........بس ينقصك حاجتين وهى الخبرة والكورسات اولا بالنسبة للخبرة .....
    ممكن تشتغلى فى اى مكتب محاسبة وتعرفى الشغل ماشي ازاى واعتقد ان فى مكاتب كتير فى الشرقية للمراجعه والمحاسبة ودية تعتبر خطوة اولى وما تقوليش ملهاش علاقه بالبنوك لان زميلى اللى بيشتغل معايا تيلر جاى اصلا من مكتب محاسبة ومراجعه وماشاء الله المرتب اعلى لان خبرة المكتب اتحسبتله خبرة على الرغم من انها ملهاش علاقة بالشغل (بس دية سياسة بنك) والشغل فى المكتب حتى لو بعائد ضعيف او من غير عائد اصلا (عادى جدا جداجدا) بس النتيجة والتحصيل مستقبلا بيقى جميل جدا كعائد مادى ومعنوى ووضع فى الشغل وخبرة مهنية واسالى مجرب
    ثانيا بالنسبة للكورسات فممكن تاخدى كورسات محاسبة وبرجع يبقى كورس تبع مكتب و ممكن تبدأى cma لو امكانياتك تسمح انك تدرسيها فى مركز او ممكن تبدايها self study بحكم انك تجارة انجلش زى ما انا بعمل حاليا.......
    بالنسبة بقى لموضوع ان البنك بيميز البنت عن الولد والكلام دة فدة عارى تماما من الصحة وكلام عبيط واللى يقولك كدة يبقى عبيط او بيهزر معاكى
    ولكن فى حاجات بيفضل فيها البنات وحجات يفضل فيها الشباب
    فى البنك مثلا يفضل البنات فى خدمة العملاء
    والشباب فى شغل التيللر
    ولكن دة ما يمنعش انه يحصل العكس ودة فعلا حصل معانا فى الفرع وفروع كتير كمان وهوة ان فى معانا بنت وبتشتغل تيللر وفى شباب بتشتغل فى خدمة العملا
    القصد ان مش قاعده ان البنات فى مكان والشباب فى مكان ولكن يفضل فى بعض الاحيان

    ودة لسبب بسيط انا البنات عندها طوله بال وتقدر تستحمل كلام العملاء الطويل واسئلتهم اللى ما بتنتهيش
    اما الشباب فخلقهم ضيق وكمان معروفين بالدقة ويقدروا يشتغلوا فى الفلوس وتحمل مسؤلية المبالغ الكبيرة بعكس البنات
    عموما اقرأى كتير فى مواضيع المنتدى فى كل اقسام منتدى التجاريين وانتى تعرفى اكتر عن المهم وهتكتسبى معلومات وخبرات ناس كتير
    واتمنالك التوفيق من الله
    سلام عليكم انامتشكرة ليك خالص يا محمد لاهتمامك بالرد تاني حاجة اناالحمدلله الامكنايات تسمح اني اخدcma س المشكلة اني من الشرقيةمش عارفة متاح دراسته ولا لا ياريت لوحد عارف حاجة يقول بالنسبة لسوالي في المقابلة اناواحد قال عليا ممتازةفلما التاني قال مش كويسة هوده الا قلقني وخلاني اسال في الاخر بس طلع بضحك تفتكر ده ياثر علي التقيم معلش هو لما اروح انترفيولازم لبس رسمي لاني رحت فجاةمش لبست رسمي وهل ده بياثر علي التقيم

  14. #29
    الصورة الرمزية اسلام العايدى
    تاريخ التسجيل
    Jan 2007
    المشاركات
    1,367

    Great

    اقتباس المشاركة الأصلية كتبت بواسطة ahlamasr مشاهدة المشاركة


    بسم الله الرحمن الرحيم

    والصلاة والسلام على اشرف المرسلين سيدنا محمد عليه الصلاة وافضل السلام



    كل سنة وانتم طيبين بمناسبة السنة المالية الجديدة وكمان بمناسبة قرب شهر رمضان الكريم
    اتمنى ان كل الجميع بخير وتكونوا ديما فى افضل حال

    كلمة شكر
    بجد انا فعلا عاجز عن الشكر لكل شخص ساهم فى نجاح المنتدى العظيم دة ومهما قلت مش هيوفى بجمايل الناس هنا فى المنتدى عليا لانى بجد من غير المنتدى دة مكنتش عرفت حاجة ولا كنت قدرت اتكلم كلمة واحدة فى اى انترفيو انا دخلته مش عاوز اقول ان كل موضوع هنا فى المنتدى ان استفدت منه قد اية وعرفنى حجات كتير جدا عن القطاع المصرفى والمحاسبة والاقتصاد والشهادات المهنية والامتحانات والانترفيو وكل حاجة متعلقة بينا كتجاريين وبعد المقدمة الطويله دية بدعى لكل الناس اللى كانوا سبب فى انى اعرف معلومة جديدة بان ربنا يكرمهم ويكتبلهم التوفيق وكل خير.


    صلب الموضوع
    زى ما حاضرتكم شايفين كدة الموضوع باين من عنوانه وهوة "ازاى تسوق نفسك" يعنى ازاى تدخل انترفيو وتتكلم بمنتهى الشجاعة والثقة والثبات وشوية حاجت كدة....... وفى الموضوع هنا هنتطرق لكل جزئية خاصة بالانترفيو ومش هتكلم بطريقة الكتب والورقة والقلم.........لآ........انا هتكلم بلسانى انا,,,,,, بحكم خبرتى المتواضعة وكم الانترفيو اللى انا دخلته وكمان هحكى ان شاء الله عن كل انترفيو دخلته من اول ما تخرجت لغاية ما وصلت للبنك الاهلى اللى انا فيه حاليا

    السبب اللى خلانى اعمل الموضوع دة
    ان القسم هنا بيتكلم ديما عن فرص للتوظيف سواء فى بنوك او شركات واسئلة كتير ديما بتسال "اية اللى حصل
    معاك فى الانترفيو وهكذا "......... واوقات الناس ترد واوقات كتير ما تردش

    كمان فى نقطة تانية
    ان انتاج القسم بدأ يقل وكل المواضيع بتتكلم حول نقطة واحدة وهية البنوك اللى محتاج ناس دلوقت وفى محافظة اية والناس قدمت ازاى وكدة ..................بس الناس نسيت نقطة مهمه قوى وهية ازاى تخلى من نفسها شىء مطلوب وله قيمة علمية وتخلى اى مكان تدخله يتمنى انه يشغلك معاه وكل دة والحمد لله حصل معايا ودة اللى هحكية ان شاء الله فى السطور اللى جاية

    ملحوظة
    انا تعمدت انى اكتب الموضوع بالعامية علشان مايبقاش ممل ويزهق فارجو ان الناس تتقبلى فكرتى وبحكم المواضيع الللى عملتها قبل كدة بالعامية وكانت الناس مبسوطة قوى من طريقة العرض وان شاء الله يتحقق كمان فى الموضوع دة

    يلا بينا نتكلم
    سالت نفسك هوة انا لية كل ماقدم على اميل او بالبريد او باى وسيلة تانية "اين كان نوعها"..........محدش يعبرنى ولا يبعتلى لية؟

    الاجابة :اكيد فى حاجة غلط (يا اما فى الاتش ار بتاع البنك او فينا احنا)
    طيب لو فى الاتش ار يبقى الغلط فين؟؟؟؟؟؟
    اكيد الاتش ار معندهمش غلط ولا بيشتغلوا الناس علشان يقدموا بالكميات الضخمة دية وفى الاخر ميعبروش حد
    يبقى الغلط اكيد فينا احنا!!!!!!!!!!!!!!!
    اة فعلا الغلط عندنا احنا........(اقولك فين الغلط)
    1-السى فى بتاع حضرتك مش مكتوب باسلوب جذاب ومش ملفت للانتباه (مش هتصدق ان ليا واحد صاحبى اتقبل فى شركة كبيرة بسبب السى فى بتاعه ولما اشتغل قالوله ان احنا قبلناك بنسبة 70% بسبب السي فى بتاعك)
    تصدق ان دة ممكن يحصل؟؟؟!!! فعلا دة حصل

    يبقى اول حاجة لازم السي فى بتاعنا يكون منظم وله اولويات ومكتوب بصيغه فيها حبكة واسلوب مميز يجذب اللى يقراه وكمان فى ترتيب فى اولويات السي فى يعنى مثلا (فى البداية مقدمة صغيرة وبعد كدة بياناتك الشخصية وبعد كدة الهدف من الالتحاق بالوظبفة وبعد كدة الدرجة العلمية اللى انت عليها وبعدين الكورسات اللى معاك وبعدين التدريب سواء فى بنك او شركة وبعد كدة النهاية)


    2-تانى سبب يخلى الاتش ار ما يتصلش بيك وهوة الكورسات اللى حضرتك حاصل عليها او خبراتك العلمية او المهنية بمعنى انى كتير بلاقى ناس بتاخد كورسات ملهاش علاقة بينا خالص وعلى سبيل المثال وليس الحصر تلاقى ناس بتاخد كورسات فى الفيجوال بيزك والجرافكس والفوتوشوب وكورس اتش ار وحاجات تانية ملهاش علاقة بالمحاسبة او بشغلنا الاساسى.........
    بيفرق قوى مع الاتش ار انك تكون اشتغلت قبل كدة حتى لو فى مكتب محاسبة حتى لو سيلز حتى لو تدريب بس ..........فى اى مكان
    انت عارف انك لو متدرب فى بنك وانت فى الكلية او حتى شركة بتميزك فى الاختيار عن الناس اللى ما اتدربتش

    ودة لسبب بسيط جدا جدا
    انت لو اشتغلت فى اى مكان او حتى ادربت دة معناه انك انتقلت من الحياة الاكادمية الى الحياه المهنية وراحت منك رهبة التعامل مع الناس ومعناه انك كل يوم بتقوم بدرى علشان تروح الشغل وبتلتزم بمواعيد معينة وبقوانين المكان اللى انت بتشتغل فية او حتى بتدرب فيه
    تخيل بقى نفسك متعرفش ولا حاجة من دية هل ممكن الاتش ار يفكر انه يتصل بيك علشان يوجع دماغه مع واحد ""ابيض يا ورد"" زى ما بنقول بالبلدى ...............وما يعرفش حتى نظام العمل ماشي ازاى بس مش هوة دة كل حاجة ومش هوة دة الاساس

    3-الحاجة التالته بقي وهية الانترفيو ودة الاساس اللى بتكلم علية"وهوة ازاى تبيع نفسك فى الانترفيو" واقصد بتبيع نفسك"انك ازاى تسوق نفسك،ازاى تخلى من نفسك سلعه تشبة الجوهرة والناس بتتلاهف عليها وعايزة تشتريها باى تمن" هوة دة اللى انا بتكلم عنه"
    طبعا كلنا لازم نؤمن بان اى شغل دة رزق وربنا كاتبه لعبادة ولو ليك نصيب فيه اكيد هتاخده لو مفيش نصيب يبقى مكتوب لغيرك ولكن برضو كل شىء وله سبب والسبب انك تعمل اقصى ما عندك فى الانترفيو علشان تتقبل وربنا يكتبلك الخير فى شغلك الجديد

    حجات لازم تكون عارفها وفاهمها ودارسها كويس قبل ما تروح اى انترفيو:
    1-معلومات عن الاحداث الجارية خصوصا المالية وشوية سياسية زى الازمة العالمية وافلاس بنوك معينة وشركات تامين وحاجات زى كدة
    2-تبقى عارف كويس وفاكر محتوى كل كورس انت اخدته لان ناس كتير بتاخد كورسات كتير ومن كترها بتنسي الكورس كان بتكلم عن اية لان فى الغالب الراجل بتاع الاتش ار بيناقشك فى اغلب محتوى السي فى وممكن يسالك عن الكورس اللى انت كاتبه............ وبالمناسبة"ممكن يسالك اية احسن مادة كنت بتحبها فى الكلية وجبت فيها تقدير؟"وخلى بالك السؤال دة مش من فراغ يعنى فى سؤال ديما بيبقى تابع لية وفى ديلة وهوة """"طيب كلمنى عن الجزئية الخاصة بكذا فى المادة اللى انت ذكرتها""ويبدأ يسالك فيها.............
    3-اهم شىء بقي وهوة الاستعداد النفسي بمعنى انك تبقى مروق بالك ومش قلقان ولا متضايق من حاجة ولازم تكون واثق من نفسك وعندك ثبات عالى وتركيزك عالى........... برضو (الابتسامه الخفيفة ،الوقار،الذكاء فى التصرف، الثقة اللى مش زايدة عن اللزوم،جرىء،ودود،منظم فى كلامك،عارف هتقول اية ومش هتقول اية،خليك صريح وبلاش تكذب لانه ممكن يسالك سؤال فى اول الانترفيو ويقوله بصيغه تانية فى نهاية الانترفيو و انت مش واخد بالك وتجاوب باجابة مختلفة وكدة كلامك يبقى متناقض وبعد كدة "يلا السلامة"..........وبعدين يا اخى الكذب حرام(بلاش علشان الراجل خليها علشان ربنا) ههههههههههه

    0000لا0000(لا تفعل الاتى):-
    (لاللانفعال،لا للخجل،لا تكن احمق،لاتكن ثرثار يعنى ماتتكلمش كتير وتلوك على الفاضى وتبقى فزلوكة وتعمل فيها ابو العرييييف.......،تجنب الضحك فى مواقف لاتتطلب منك حتى الابتسامه،تجنب الهزار يعنى بالبلدى مش هوة دة المكان اللى الواحد ممكن فيه يستخف دمه)

    هام وخطير جداجدا جدا

    اياك ثم اياك ثم ايالك -مهما كانت درجتك العلمية وخبراتك العملية- انك تستخف بعقلية اللى قدامك مهما كان سازج فى نظرك واعرف كويس ان مفيش حد فى الاتش ار اهبل وبرياله.......وماتحاولش ابدا تحسسه انك احسن منه حتى لو انت كدة

    ماتكنش كثير الكلام لان فى مثل بيقول"من كثر كلامه كثرت سقطاته"
    كل كلمة طالعه من لسان ديما تكون بميزان لان الكلمه لها اتجاة من اتنين يا اما هتبقى ليك او عليك........
    اعرف شخصية الشخص المحاور بمعنى انك تقرا تفكيرة وتعرف هوة عاوز اية ومركز على اية وفى الغالب ديما بيعرف طريقة تفكيرك وطريقتك فى الكلام وردود افعالك وتصرفاتك فى مواقف معينة وهوة ممكن يحط فى موقف اثناء الانترفيو من غير ما تاخد بالك او يحصل موقف بالصدفة ويشوف رد فعلك وعلى سبيل المثال وليس الحصر"دخل عليكم زميل واتكلم فى موضوع معين قدامك...................وقتها هيشوف... هل انت مركز معاه ولا مركز فى حاجة تانية وممكن يخليك تشارك فى الحوار ويشوف طريقة كلامك وتصرفك ورد فعلك
    مثا ل تانى الموبيل رن وهوة مش عاوز يرد ويسالك ارد ولا لآ وبرضو هيشوف انت هتقول اية........
    مثال تالت يولع سجارة (ودية مش بتحصل الا فى الاماكن النص كوم) ويسالك انت مضايق منها ولا عادى...........خصوصا لما يسالك فى اول الانترفيو انت بدخن ولالآ..............

    ديما:

    لازم يكون فيه اسئلة ذكاء واختبار تفكيرك وردود افعال ومدى تصورك وتخيلك للامور..........

    حاول تجذب المحاور لمنطقة كلام انت حاببب تتكلم فيها وحاسس انك هتبدع فيها يعنى ارمى الكورة فى ملعبة وانت اللى تشوط.......انت بتحب البورصة وفاهم فيها كلمة عن كورساتك فيها واشرحله اللى حصل فى السهم الفلانى ولو كان حصل كذا كان ممكن نتجنب كذا..........ورايك مثلا فى حل المشكلة وسببها وازاى نعاجلها فى مصر ونواجهها ازاى لو حصلت تانى وهكذا.........


    الاسئلة الشائعة

    فى الغالب او بنسبة 90% فى اى انترفيو رسمى فية خمس او ستة اسئلة معروفين:
    1-عرف نفسك
    2-نفسك تبقى اية بعد خمس سنين او طموحك اية فى السنين القادمة
    3-قول نقطتين ضعف ونقطتين قوة فيك
    4-يسالك عن الحاجة اللى انت رايح تشتغل فيها يعنى لو خدمة عملا يسالك تعرف اية عنها لو عمليات يسالك عاوز تشتغل اية فى العمليات او تعرف اية عنها وهكذا
    5-لية شايف نفسك مناسب للوظيفة دية وقولى الاسباب اللى تخلينى اقبلك معانا فى البنك او الشركة بتاعتنا
    6-عاوز تسيب شغلك الحالى لية (دة لو كنت شغال قبل كدة)

    طبعا مش اقل من ثلاث اسئلة من الخمسة لازم تتسالهم فى اى انترفيو.

    انا برجح انى ما اجاوبش على الاسئلة لدية لان لو جاوبت اجابة معينة هتبقى Standard وتتحفظ ويبقى كل مصر بترد نفس الرد فى اى انترفيو فى اى مكان وفى اى وقت...............

    وانا سايبها لتفكيرك وزوقك ياعم وانت وشطارتك

    الانترفيو انواع:
    1-انترفيو فردى(يعنى انت وحد من الاتش ار)
    2-انترفيو جماعى(مجموعه من المتقدمين للوظيفة وحد من الاتش ار)
    3-اكتر من محاور وانت لوحدك او معاك حد

    من رايي اسهلم واحد من الاتش ار ومجموعه من المتقدمين لانك بتحس بالامان اكتر وممكن تستفيد من خبرة اللى قبلك وتتجنب الاخطاء اللى وقعوا فيها وكمان بتحس انك مش وحدانى والتركيز كله مش عليك لوحدك........

    كل انترفيو على حسب الوظيفة اللى انت متقدملها ودة هيبان فى كلامى عن تجربتى الشخصية






    تجربتى الشخصية


    انا اشتغلت فى اربع اماكن تقريبا فى اقل من خمس شهور
    طبعا مستغرب وهتقول اية الهبل دة ........صح.........

    هقولك على حاجة :ديما الانسان بيسعى للافضل وطالما انت شايف انك ممكن تشتغل فى اى حاجة فى اى مكان وفى وقت تحت اى ظرف (طبعا من غير من نغضب ربنا) يبقى انت كدة ولد تمام.

    انا فى البداية كنت رافض انى اشتغل سيلز ولكن كنت غلطان !!!!!!!!!!
    عارف لية؟؟؟؟؟؟؟
    لان السيلز دة اكتر حد ممكن يتحط تحت ضغط شغل وضغط اعصاب ومعروف عنه ان يعرف يتكلم لانه اصلا بياع كلام وهنا يكمن السر ومش هقولك انى واد فت ومقطع السمكة وديلها واعرف كل حاجة (لا والله انا واحد غلبان خالص وكنت يدوب اعرف ارد على عميل فى مواقف عادية ) بس لما تندمج مع الناس اللى ليهم فى الكلام اكيد لازم هتتعلم منهم وهتلقط الصنعه زى ما بيقولوا..........................
    الفايدة من الكلام دة اية..........
    انى عاوز اقولك : المواقف الكتير اللى انت بتتحط فيها مع الناس و تقابل صعوبات ومشاكل وبعون الله تحلها دية فى حد ذاتها خبرة كبيرة جدا وتخليك تدخل اى مكان وتتكلم بمنتهى الشجاعه والجراءة ومنتهى الثقة


    الاربع اماكن اللى انا اشتغلت فيهم:-

    1-سيتى بنك (سيلز) سابقا
    2-HSBC(سيلز او ممثل مبيعات الخدمات البنكية الشخصية لانو ماكنش سيلز بس) سابقا
    3-شركة اتصالاات (011) خدمة عملاء دولى سابقا
    4-البنك الاهلى المصرى (تيللر) حاليا


    اكيد انت ملاحظ ان كل دول Brand Names يعنى مش بيقبلوا اى حد وانا مش بقول كدة علشان اكبر او اعظم من نفسي لا سمح الله
    لا انا بقول كدة علشان اكيد فى اسباب خلتنى اتقبل فى الاماكن دية على الرغم من انهم اوتسور ماعدا الاهلى طبعا
    اولا توفيق ربنا وكرمه الغير عادى وفضله عليا (احمدك واشكر فضلك يارب وديمها علينا نعمه)

    ثانيا :زى ما ذكرت فوق انى كنت مظبط السي فى بتاعى واتعلمت كتير من الناس اللى حوليا ومن المنتدى هنا وكل مكان بروحة او شغل بعرف حاجة جديدة بالاضافه للعامل النفسى والثقة ورغبتى انى اكون انسان كويس ذو قيمة.......الخ

    تعالو بقى للاحداث اللى تمت فى كل انترفيو من الاماكن الاربعه اللى دخلتهم:
    [center]يلا بينا:-[/CENTER]

    سيتى بك:
    عملت حوالى سبعه انترفيو فى يوم واحد فى ست ساعات
    تخيل مدى الضغط على الاعصاب والارهاق الذهنى من كتر التركيز والانتظار
    المهم
    دخلت مع اول واحد وسالنى عرف نفسك و اية الكورسات اللى اخدتها وتعرف اية عن السيلز وهتعرف تبيع ولا لآ ووالدك شغال اية ومعاك عربية ولا لآ؟
    دخلت مع التانى ونفس الاسئلة اللى فوق وزود عليها وقالى معاك موبيل.........قلتله اة......قالى بيعهولى
    دخلت مع الثالث وسالنى عاوز تشتغل معانا لية وعرفت منين اننا محتاجين ناس وولع سجارة وقالى مضيقاك ولااطفيها ...................................ربنا يسامحك يالى فى بالى......................روح منك لله
    دخلت للرابع وسالنى نفس اسئلة الاول وزود عليها انت متوقع تاخد مرتب كام
    ودخلت للخامس ونفس الاسئلة وزود عاوز تبقى اية فى الكام سنة اللى جاية
    وهكذا لغاية السابع
    وعرفت انى اتقبلت فى نفس اليوم والحمد لله




    تعالى بقى لل HSBC

    ادخل الموضوع دة وانت تعرف اية اللى حصل بالتفصيل!!!!!!! اضغط هنا بس لما تخلص قراية الموضوع دة


    وبعدها اتقدمت لشركة اتصالات وكنت مقدم لخدمة عملاء لانى فعلا تعبت من السيلز وضغط التارجت والسوق مقفول زى ما انتوا عارفين علشان الازمة العالمية فقررت اسيب السيلز واروح خدمة عملاء فى اتصالات بس ما اقدرش انكر فضل السيلز عليا انوا غير حياتى وعرفت منه حاجات كتير ودة طبعا بعد فضل ربنا عليا.


    المهم عملت اتنين انترفيو فى اتصالات
    وكانوا كلهم بالانجلش (عرف نفسك تعرف اية عن خدمة العملا هتعمل اية لو عميل شتمك.....لية عاوز تسيب الشغل ......مع انك بتشتغل فى مكان له اسم وسمعه كبيرة وبعد كدة دردشنا بالعربى)


    وفى النهاية بقي
    البنك الاهلى المصرى

    عملت حوالى تلاته انترفيو
    الاول كان كله انجلش
    1-عرف نفسك
    2-اية خبراتك واحكى عن طبيعه شغلك
    3-عاوز تسيب الشغل لية
    4-عاوز تشتغل معانا فى قسم اية
    تانى انترفيو كان لذيذ قوى وبالعربى:
    كان واحد اسمة استاذ هشام ودردش معايا............ يعنى ما يعتبرش انترفيو وسالنى كام سؤال على السريع
    من الابلكيشن بتاعى (انت اشتغلت اية فى HSBC و CitiBank واية كانت مهامك ومسؤلياتك وعاوز تشتغل فين قلته فى العمليات او خدمة العملا او تيللر............... وخلصنا الانترفيو على كدة)
    وبعدها جيت فى يوم تانى وسالنى انت عاوز تشتغل فين بالظبط ورتب اولوياتك فى الاقسام........... قلتله عمليات وبعدين ائتمان وبعدين تيللر وبعدين خدمة عملا)
    المهم قالى طيب لو قلتلك سيلز بحكم خبرتك هتوافق) قلتله لا مش هقدر ادخل فى كارير السيلز تانى لانى جربتة فى بنك من افضل البنوك واقل بنك فى مصر من حيث السمعه وبرضو تعبت جدا بسبب ضغوط التارجت وارهاق الاعصاب دة فقالى الوضع عندنا مختلف غير برة....قلتله برضو لآ ..............قالى طيب المتوفر حاليا تيللر (موافق ولا تستنى شوية لغاية ما يجيلى بوست تانى ) قتلته اوك موافق على تللر)
    المهم دخلت تانى لمستر هشام وحاول يقنعنى بالسيلز وانا مصمم ومش موافق والمهم مضى على الاوفر انى ابقي تيللر وقالى براحتك طالما مصمم والحمد لله ربنا كملها على خير
    وعقبال كل الناس وربنا يكرمك كلكم

    ملاحظات هامة:
    1-لو حد معترض على شىء معين او حابب يشارك براية فى الموضوع ياريت مايبخلش على نفسة وعلينا بالمناقشة فى الموضوع وطبعا فى حدود الاسلوب اللبق والعلمى وياريت بلاش تريقة لان فى ناس وظيفتها كدة وبس ومش بقصد حد بعينة.
    2-لو فية امكانية تثبيت الموضوع للمنفعه العامة حتى لو لفترة معينة (يبقى متشكر ليك يا ابو حميد "(MRWHO
    3-رجاء رجاء رجاء ......محدش يسالنى فى الموضوع هنا الاسئلة اللى بتتسال فى كل موضوع واللى بصراحة بقت صعبة قوى ومملة جدا (زى مثلا انت قدمت ازاى وانت من محافظة اية ولسة عاوزين ناس والكلام دة..............) انا مش معترض ابدا انا اساعد الناس واقولهم على كل حاجة ولكن لكل مقام مقال وكل حاجة ولها الموضوع بتاعها المخصص للمناقشات من النوع دة واى حد محتاج اى مساعدة او اى خدمة انا تحت امركم فى اى وقت
    انا ديما فى خدمتكم واسف على الاطالة
    اخوكم محمد حافظ
    البنك الاهلى المصرى (الاقرب اليك)
    تم بحمد الله
    السلام عليكم
    موضوع اكثر من ممتاز وطبعا بحييك علية يا استاذ محمد
    وكمان بحييك على جراتك فى كتابة الموضوع
    بس بردوا انا بتفق مع الاستاذ طارق انك المفروض تركز فى Position واحد
    خصوصا ان كثرة الوظائف فى فترة قليلة اعتقد انها مش حلوة فى السي في
    وممكن تعطى انطباع سي لصاحب العمل
    الحقيقة انا ليا زمايل كتير شغالين فى البنك الاهلى وبحاول انى اقدم كتير بس مفيش توفيق الفترة السابقة
    مع انى معايا MBA _ كورسات من الجامعة الامريكية ليفيل 8 _ وكمان كورس ICDL _ كورس البنك المركزى المصرى
    بس عموما بالتوفيق ليك ان شاء الله فى البنك الاهلى

    مواضيعي

    -*-*-*-*-*-*-**-*-*-*-*-*-*-*-*-*-*-*-*-*-*-*-*-*-*-*-*-*

    -*-*-*-*-*-*-**-*-*-*-*-*-*-*-*-*-*-*-*-*-*-*-*-*-*-*-*-*

    -*-*-*-*-*-*-**-*-*-*-*-*-*-*-*-*-*-*-*-*-*-*-*-*-*-*-*-*

    -*-*-*-*-*-*-**-*-*-*-*-*-*-*-*-*-*-*-*-*-*-*-*-*-*-*-*-*
    يا رب عوض صبري خير

  15. #30
    الصورة الرمزية ahlamasr
      ahlamasr غير متصل <اللهم لك الحمد حتى ترضى>
    تاريخ التسجيل
    Sep 2007
    المشاركات
    1,424

    Great

    اقتباس المشاركة الأصلية كتبت بواسطة mr..who مشاهدة المشاركة
    أكيد فيه تثبيت لأنه فعلا موضوع رائع

    جزاك الله كل خير

    تسلم حبيب وشكر على التثبيت يا ابوحميد

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك