موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 33
Like Tree0Likes

الموضوع: عاوز افتح حساب توفير

  1. #1
    تاريخ التسجيل
    May 2005
    المشاركات
    60

    عاوز افتح حساب توفير

    السلام عليكم ورحمة الله يا شباب عاوز افتح دفتر توفير بمبلغ سبعين الف جنيه بس مش عارف انهو بنك بيكون نسبة الفوائد فيه كويس عن التانى والحاجة التانية عاوز اعرف هل الفوائد بتنزل كل شهر ولا كل سنة ولا ايه بالظبط وياترا نسبة الفوائد كل شهر بتكون كام ونسبة الفوائد كل سنة بتكون كام ياريت احد من الاخوة يعطينى معلومات عن اكثر من بنك وهل هناك مصاريف بتتسحب منى ولا ايه بالظبط اتمنى الاقى معلومات كافية

  2. #2
    الصورة الرمزية sedyrohy
    تاريخ التسجيل
    Jul 2006
    المشاركات
    322
    على حسب كل بنك و نظامه عندك اقل فتره لانزال الفوائد على الحساب منها باركليز بس سعر الفائده فيه قليله توصل ل 6.5 %
    اما مثلا هنا بنوك مثل السي اي بي و الاهلى سوسيتيه جنرال الفائده كل 6 اشهر و بتوثل الفايده الي 8.5 %
    كمان في البنك الاهلى و بنك مصر كل سنه و هنا الفائده بتوصل ل 8 او 8.5 في بعض الحسابات

    انا عن بنك محترم هو سوسيتيه او سي اي بي اما عن مصاريف الاهلى سوسيتيه جنرال كل شهر 3 جنيه و باركليز كل 3 شهور 30 جنيه انا الاهلى ف صفر و اتمنى اكون وفرتلك معلومات مبسه و لو عايز اكتر رد عليا

  3. #3
    تاريخ التسجيل
    May 2005
    المشاركات
    60
    اخى الفاضل اشكرك على المعلومات ولكن ممكن حضرتك تبعتلى ايميلك عاوز اكلمك فى الماسنجر استفسر عن امور اخرى

  4. #4
    الصورة الرمزية sedyrohy
    تاريخ التسجيل
    Jul 2006
    المشاركات
    322
    m_a_s_3010@yahoo.com

  5. #5
    الصورة الرمزية m.ghazala
    تاريخ التسجيل
    Sep 2007
    المشاركات
    70
    السلام عليكم
    دى اسعار الفوائد على حسابات التوفير المعمول بها من اول مارس
    توفير شهرى 7.25%
    توفير ربع سنوى 7.5%
    توفير نصف سنوى 7.75%
    توفير سنوى 8%
    لا اله الا انت سبحانك انى كنت من الظالمين


  6. #6
    الصورة الرمزية Abdelrazak bm
    تاريخ التسجيل
    Mar 2008
    المشاركات
    55
    السلام عليكم اخى العزيز
    بالنسبة لحسابات التوفير فى بنك مصر يمكنك فتح حساب توفير ذو العائد السنوى او النصف سنوى او الربع السنوى او الشهرى علما بأن معدلات العائد السارية خلال هذد الفترة العائد السنوى 8%, العائد النصف سنوى 7.75%,العائد الربع سنوى7.5 % العائد الشهرى 7.00% وكل هذة المعدلات قابلة للزيادة والنقصان .
    اذا كان هذا المبلغ من الممكن ان تستثمرة لفترة طويلة لمدة 3 ثلاث سنوات يمكنك فتح حساب شهادات التميز ذات العائد الثابت وهى حاليا 10% وتعطى عائد كل ثلاث شهور ومن مميزاتها ثبات معدل العائد .
    ارجو ان اكون قد افدتك ومنتظر ردك واستفساراتك ان وجد
    عبدالرزاق ابراهيم
    بنك مصر

  7. #7
    الصورة الرمزية bayoumisoft
    تاريخ التسجيل
    Oct 2005
    المشاركات
    1,747
    انا سمعت ان الفايدة نزلت عن كده كمان

    . وسمعت كمان عن عرض جامد فى بنك عودة

    يا ترى فية حد سمع عنة؟

  8. #8
    الصورة الرمزية momobanker
    تاريخ التسجيل
    May 2009
    المشاركات
    8,741
    الفوايد حبه فوق وحبة تحت
    ده مرة على مدار تلت ايام تلت منشورات بتغيير معدل الفائدة




    مشغول و حياتكم مشغول :)



  9. #9
    تاريخ التسجيل
    Apr 2009
    المشاركات
    19
    ياجماعة كيف طريقة حساب العائد السنوي في البريد المصري(الطريقة الرياضية )
    شكرا

  10. #10
    اقتباس المشاركة الأصلية كتبت بواسطة kirk_hammett83 مشاهدة المشاركة
    السلام عليكم ورحمة الله يا شباب عاوز افتح دفتر توفير بمبلغ سبعين الف جنيه بس مش عارف انهو بنك بيكون نسبة الفوائد فيه كويس عن التانى والحاجة التانية عاوز اعرف هل الفوائد بتنزل كل شهر ولا كل سنة ولا ايه بالظبط وياترا نسبة الفوائد كل شهر بتكون كام ونسبة الفوائد كل سنة بتكون كام ياريت احد من الاخوة يعطينى معلومات عن اكثر من بنك وهل هناك مصاريف بتتسحب منى ولا ايه بالظبط اتمنى الاقى معلومات كافية

    طبقا للبنك الاهلى المصرى انا هقولك على حاجه احسن من حساب التوفير دلوقتى فى شهادات خماسيه بتتجدد كل 5 سنين ودى بتنزل فايده كل شهر ودى نسبتها 9.25 يعنى انت لو عملت الشهاده ب 70000 جم هتبقى الفايده الشهريه تساوى 70000×9.25%×1÷12 = 539 تقريبا
    اما بقى لو دفتر توفير النسبه تقريبا 7.25% وفى كل سنه وفى كل 3 شهور وفى كل 6 شهور

  11. #11
    الصورة الرمزية a.mac
    تاريخ التسجيل
    Oct 2009
    المشاركات
    257
    لو عايز اعلي عائد علي حساب توفير يبقي بنك مصر

    أعلي من البنك الأهلي

  12. #12
    الصورة الرمزية egypt_fiancee
    تاريخ التسجيل
    Aug 2007
    المشاركات
    1,597
    السلام عليكم

    البنك الاهلي المصري
    لازم قبل اي حاجه تعرف انك مش محتاج المبلغ ده لفترة قد ايه عشان نقدر نختار الحاجه الاصح والافيد لحضرتك يعني هل ممكن تحتاجه بعد سنة بعد سنتين ولا ااقل من كده ولا اكتر من كده ؟
    عموما
    اولا الحد الادنى لفتح الحساب هو 1000 جنيه مصري
    وفيه نوعين من حساب التوفير
    1/ حساب المدخر الصغير ودي ياحمد ياخيري مافييهااااااش تقريبا دي حقيقة 7% سنويا وفي النوع ده مش باخد العائد غر في نهاية السنة الماليه اللي هيا 1/7 من كل سنة
    2/ حساب التوفي بالاضطلاع وده فيه ميزةان ممكن اخد العايد بتاعي على حسب احتياجي يعني ممكن يتصرفلي عائد شهري او كل 3 شهور او كل 6 شهور او كل سنة
    لو كل شهر يبقى العايد بنسبة 6.4%
    لو العائد كل 3 شهور يبقى العائد بنسبة 6.6%
    لو العائد كل 6 شهور يبقى العائد بنسبة 6.8%
    لو اخير العائد كل سنة يبقى 7%
    يعني حسابات التوفير مهما كانت نوعها لو هاصرف العائد كل سنة العايد بتاعي متساوي بنسبة 7%
    باكد عليك اني لو محتاج المبلغ في فتره لا تتعدى السنتين يعني انا ممكن بعد مافتح حساب التوفير ممكن احتاج المبلغ ده في مده من يوم وحتى سنتين يعني ممكن اعمل ايداع في اي وقت او اسحب من الحساب في اي وقت
    بس خلي بالك شهر الادياع والسحب من الحساب باجي في الفترة دي هاحسبلك العائد على اقل رصيد يعني مثلا لو كنت في شهر يناير عملت ايداع بملغ 5000 جم وعدى عليه شهر فبراير كله وجيت في شهر مارس سحبت 1000جم يبقى لما اجي هاحسبلك العائد في الفتره دي يبقى هتاخد نسبة العائد كاملة في في المبلغ كامل اللي هوا 5000 لكن في شهر مارس هاحسبلك العائد على ال 4000جم لانك سحبت ال 1000 جم
    يعني لازم عاشن استفيد من نسبة العائد كامله لازم المبلغ يعدي عليه 30 يوم في شهره ولازم يكون الحد الادنى لاحتساب العائد هو 1000 جم يعني لو قل المبلغ بتاعك في حسابك عن ال 1000جم مش هاحسبلك عليه حاجه
    مصاريف فتح الحساب في البنك الاهلي 35جم وبيتم اصصدار كارت ATM صلاحيته 5 سنين والحساب عليه مصاريف سنوية 25 جم
    وفيه مراسلات هاتجيلك لغايه العنوان اللي انت تحب تختاره ودي مصاريفها في السنة 35 جم وبده هايجيلك كشف حساب كل 3 شهور يوضحلك الحركات اللي على حسابك من سحب او ايداع او مشتريات تمت عن طريق كارت ATM لانه يعتبر مش كارت خصم بس لا ده بقى debit card ممكن تستخدمه في المشتريات محليا وعالميا وده بيتم اصداره في خلا مده تترواح من 10 ايام الى 12 يوم بالكتيييييييييييير خالص وده مصاريف اصداره 15 جنيه بس
    ---------------------------------------------
    في حالة لو انت مش محتاج الملبغ في فترة تتعدى ال 3 سنوات يعني انك مستحيل تقول للبنك انا عايزفلوسي بعد ماعملت الشهادات
    الشهادات دي كويسه خالص
    يعني فييه نوعين
    شهادات قصيرة الاجل
    1/ شهادات بلاتينية ودي بتبدا من 1000جم ومضاعفاتها وده العائد بتاعها 9% وبيضاف في حسابي كل 3 شهور
    2/ شهادات خماسية ودي بردوا بتبدا من 1000جم ومضاعفاتها وده العائد بتاعها 9.25 % وبيضاف لحسابي كل شهر
    شهادات طويلة الاجل
    3/ شهادات الاستثمار ب بسس لمدة 10 سنين لهواة الصبر وتحمل الاسية في الفلوس ودي العائد بتاعها 9.5% والعائد بيضاف اما عن طريق حساب ليا او ليه كارت فيزا اليكتزورن مخصوص اصرف بيه العائد من على ماكينة الصرف الالي
    4/ شهادات الاستثمار أ وبردوا لمدة 10 سنين ودي العائد بتاعها 9% بس العائد في الشهادة دي تراكمي يعني في اخر ال10 سنين بصرف مبلغ الشهادة وكل العائد بتاعها في وقت واحد
    كل الشهادات دي بتجدد اتوماتيكا مالم انت روحت البنك قبل تاريخ التجديد وطلبت منهم انهم مش يجددوا الشهادات ودي عادي جدا انك في تاريخ استحقاق الشهادة تقول مش عايز اجدد الشهادة وعادي جدا بسترد القيمة الاسمية للشهادة او يعني المبلغ كله مش ناقص قرش واحد
    على فكرة ممكن تكون مش محتاج المبلغ في فترة زي كده وتورح تشتري شهادات بس لا قدر الله وحصل انك احتجت المبلغ يبقى احب ارعفك انك مش هتقدر تسترد الشهادات الا بعد 6 شهور من تاريخ اصدارها بس خلي بالك انك في هذه الحاله مش هاتسترد او يعني ترجع الشهادات بقيمتها اللاسمية اللي هيا القيمة اللي انت اشتريت بيها الشهادة وليكن ال70000جم فانت بعد ال 6 شهور لو رجعت الشهادات لاي سبب ما فالبنك هيرجعهالك بقيمة استرادية يعني هيبقى فيها نسبة خسارة لانك لم توفي بفترة الشهادة اللي انت حددتها وبردوا عشان انت صرفت اصلا عائد من الشهادة يبقى هتلاقي فيها نسبة خسارة ودي بتتحسب اتوماتيكا على نظام الكومبيوتر بيحددلك انت رجعت الشهادة في يوم ايه وفي شهر ايه لسنة ايه عشان نقدر نطلع باقل الخسائر الممكنة في حالة لاقدر الله رجعنا الشهادة قبل ميعاد استحقاقها
    عشان كده بقولك وباكد عليك شوف انت قد اي الفترة اللي انت مش محتاج فيها المبلغ عشان نختار المنتج الاصح
    --------------------------------------------------------------
    ملحوظة اعلى بنك بيدي عائد على حساب التوفير هوا البنك الاهلي المصري ودى بنسبة 7% سنويا
    بنك اسكندرية 6% وتقريبا بنك مصر زيه
    سيتي بنك وبنك المشرق 5%
    بنك HSBC و ال CIB كان في حدود 4%
    ------------------------------------------------------------------
    يارب اكون عرفت افيد حضرتك
    التعديل الأخير تم بواسطة egypt_fiancee; 22-06-2010، الساعة 09:30 PM

  13. #13
    تاريخ التسجيل
    Oct 2007
    المشاركات
    78
    اخي العزيز بنك مصر 7% مش 6 % سنوي

  14. #14
    الصورة الرمزية egypt_fiancee
    تاريخ التسجيل
    Aug 2007
    المشاركات
    1,597
    اقتباس المشاركة الأصلية كتبت بواسطة midohemo916 مشاهدة المشاركة
    اخي العزيز بنك مصر 7% مش 6 % سنوي
    اخي العزيز انا قولت بنك اسكندرية 6% وتقريبا زيه بنك مصر
    واسف للغلطةدي وشكرا ليك لتصحيح الخطا وعلامي بالمعلومة الصحيحة

  15. #15
    الصورة الرمزية magdi_fawzy
    تاريخ التسجيل
    Oct 2007
    المشاركات
    1,188
    الله ينور عليك كدة انا ممكن اشغلك خدمة عملاء

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك