موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 5 1 2 3 ... الأخيرةالأخيرة
النتائج 1 إلى 15 من 62
Like Tree0Likes

الموضوع: نظره أعمق علي أقسام البنك المختلفه

  1. #1
    الصورة الرمزية Mr..WhO
    تاريخ التسجيل
    Jan 2006
    المشاركات
    2,192

    نظره أعمق علي أقسام البنك المختلفه

    السلام عليكم ورحمه الله وبركاته

    أنا حبيت أتكلم عن نقطه كلنا بنعاني منها و انا كنت بعاني منها شخصيا و انا في اي انترفيو و اللي هيا السؤال بتاع انت عايز تشتغل ايه في البنك .. و السؤال ده كان اصعب سؤال بالنسبالي في الانترفيو لأني مكنش عندي اي خلفيه عنه و في الموضوع ده حبيت ادي خلفيه صغيره عن الوظايف اللي بيتضمنها اي فرع و عايز انبه اني الكلام اللي انا هقوله ده ينطبق علي البنوك الأستثماريه الكبيره مش البنوك الحكوميه و القطاع العام لأن البنوك دي بيكون فيها معظم ادارات البنك مستقله و لكن البنوك الاستثماريه بتبقي تقسيمه الفروع موحده في العالم كله تقريبا و دلوقت نبدأ علي بركه الله .

    أولا : قسم خدمه العملاء Customer service

    و القسم ده اللي بيستقبل العميل اول ما بيدخل البنك و بيشوف طلباته و بينفذهاله بمعني انه لو عميل جديد و عايز يتعامل مع البنك في مجال معين بيقوم منفذله طلباته و يحاول يستدرجه للتعامل مع البنك في كل شغله يعني لو تاجر يفتحله حساب جاري و يحاول يجذب ودايعه اللي بره و يعمله كريدت كارد و كده و دي حاجه بيسموها Cross Selling يعني تبيع لواحد حاجه من خلال حاجه تاني .
    و القسم ده عايز واحد منتبه جدا و يعرف يقرا الناس كويس لأنه بيتعامل مع مختلف انواع البشر و بيفهم عقليات مختلفه التعليم و الثقافه و في نفس الوقت يكون لبق و مهندم و حسن المظهر .
    و في بنوك بتعمل قسم جوه خدمه العملاء بيختص بالعملاء الفي آي بي VIP في الفروع اللي فيها عملا تقيله لأن العملا دول مش هيستنوا مع العملا العاديين و بيبقي في واحد رئيس لقسم خدمه العملاء كله اسمه هيد كستمر سيرفس Head Customer service

    ثانيا : قسم الخزينه Treasury

    و ده القسم الأهم بالنسبه للعملاء اللي بيقضي المصلحه الحقيقيه اللي هما جايين عشانها و اللي هيا السحب او الايداع بمختلف صورهم و القسم ده بيتكون من تيلرات و هيد تيلر Head Tellers و رئيس خزينه و التيلرات دول المسؤلوين عن اداء الخدمات الماليه بالكامل في البنك من سحب او ايداع او تغيير عمله او تحويل اموال و اي شيء بيتعلق بالفلوس و الهيد تيلر ده اللي بيراقب عليهم أما رئيس الخزينه ده المسؤول عن الخزينه الرئيسيه اللي في البنك و هو اللي بيطلع العهده للصرافين و بيستلمها آخر النهار و بيبقي معاه واحد تاني مسؤول عن الخزينه تطيبقا لمبدأ الرقابه الثنائيه و غالبا بيبقي الهيد تيلر او نائب المدير .
    و القسم ده محتاج واحد مصحح اوي عشان شغلانه الفلوس دي اصعب شغلانه و عايزه واحد منظم و دقيق و مركز جامد و بصراحه اللي يشتغلها بيستلذها جدا .

    ثالثا : العمليات المصرفيه Operations

    و ده بيبقي الثخص المسؤول عن ظبط حسابات الفرع كلها من حيث فلوس داخله و فلوس طالعه و تنفيذ القيود الداخليه علي السيستم و تنفيذ عمليات المقاصه للشيكات و متابعه حركه الكمبيلات و تحصيلها مع العملاء و ده بيكون الشغل الباك اوفيس Back Office و مش بيتعامل مع عملاء خالص بيكون زي اداري في البنك مش بيختلط بالجمهور و دول بيكونوا اتنين بالكتير اوي في الفروع .

    رابعا : المدير و نائب المدير Manager & Deputy Manager

    نائب المدير بيبقي زي رئيس خدمه العملاء و الخزينه مع بعض و بيراقب حركه العملاء في الفرع بالكامل و بيتدخل في حاله وجود غلط او مشاكل و هو اللي بيبقي ليه اختلاط بالعملاء اكتر من المدير أما المدير بقي هو اللي مسؤول عن الفرع بالكامل من تحقيق تارجت لظبط السيوله لكل شيء متعلق بالفرع قدام الاداره المركزيه و بصراحه المنصب ده مبيمسكهوش غير واحد مخضرم .

    في بقي بعض البنوك بتحط في الفروع اداره ائتمان متعلقه بالقروض الشخصيه و قروض السيارات و كافه انواع الائتمان بيس خلاص الاتجاه دلوقت بتوحيد ادارات الائتمان في ادارات مركزيه و خلوا خدمه العملاء تكون حلقه الوصل بين العملا و اداره الائتمان لكن ملهاش دعوه بالتنفيذ .

    و في الآخر اتمني اني اكون قدرت اوضح الصوره و انا برحب اني اي عضو عنده اي اضافه او تعديل يتفضل بيها لأني ممكن جدا اكون نسيت او غلطت


    ن


    Is Now Bank Of


    Group

    معا نفكر, معا نتقدم
    [IMG]file:///E:/images.jpg[/IMG]



  2. #2
    الصورة الرمزية M_NOUR_2008
    تاريخ التسجيل
    Jun 2008
    المشاركات
    235

    Great

    ألف شكر يا مستر هو

  3. #3
    تاريخ التسجيل
    Aug 2007
    المشاركات
    159
    موضوووووووع جميل مستر هو واتمنى ان يكون فيه تفاعل مع الموضوع لاستفاده كل الناس

  4. #4
    تاريخ التسجيل
    Aug 2008
    المشاركات
    42

    4

    ألف شكر ليك
    الحقيقة موضوع كويس جدا
    بس هو اللي أنت قلته ده فالفروع طيب الادارة فيها اه..

  5. #5
    الصورة الرمزية Mr..WhO
    تاريخ التسجيل
    Jan 2006
    المشاركات
    2,192
    اقتباس المشاركة الأصلية كتبت بواسطة M_NOUR_2008 مشاهدة المشاركة
    ألف شكر يا مستر هو
    اقتباس المشاركة الأصلية كتبت بواسطة ابن الشرقيه مشاهدة المشاركة
    موضوووووووع جميل مستر هو واتمنى ان يكون فيه تفاعل مع الموضوع لاستفاده كل الناس
    العفو و ميرسي جدا ليكوا علي الكلام الجميل ده

    اقتباس المشاركة الأصلية كتبت بواسطة mariam22 مشاهدة المشاركة
    ألف شكر ليك
    الحقيقة موضوع كويس جدا
    بس هو اللي أنت قلته ده فالفروع طيب الادارة فيها اه..
    انا قلت احط اقسام الفروع الاول لأنها مجال سؤال في الانترفيوهات

    و ان شاء الله اقسام الادارات المركزيه هنزلها في سلسله متجدده ان شاء الله

  6. #6
    تاريخ التسجيل
    Jul 2008
    المشاركات
    34
    thank u sooooooooooooooooooo much
    شكر خاص لـــ elta2b على التوقيع الرائع

    + قطار الفشل يمشى على عجلات من الكسل +

  7. #7
    الصورة الرمزية m_salem_10
    تاريخ التسجيل
    Dec 2005
    المشاركات
    361
    فعلا فكرة ممتازة فيها معلومات ضرورية لأى حد عايز يعرف يشتغل ايه فى البنك
    Salem

  8. #8
    الصورة الرمزية m_salem_10
    تاريخ التسجيل
    Dec 2005
    المشاركات
    361
    و ياريت اى حد عنده معلومات يقدر يضيفها من اجل الاستفادة العامة
    و شكرا ياباشا على الموضوع و ياريت الموضوع يتثبت.
    التعديل الأخير تم بواسطة m_salem_10; 04-10-2008، الساعة 07:53 AM

  9. #9
    الصورة الرمزية Mr..WhO
    تاريخ التسجيل
    Jan 2006
    المشاركات
    2,192
    اقتباس المشاركة الأصلية كتبت بواسطة m_salem_10 مشاهدة المشاركة
    و ياريت اى حد عنده معلومات يقدر يضيفها من اجل الاستفادة العامة
    و شكرا ياباشا على الموضوع و ياريت الموضوع يتثبت.
    اولا ميرسي علي الكلام الجميل ده

    ثانيا انا بطلب من الناس فعلا اللي عنده اضافه او تعديل يتفضل بيهم

  10. #10
    الصورة الرمزية aymanfgf
    تاريخ التسجيل
    Jul 2008
    المشاركات
    485

    Great

    بجد مواضيعك هايلة
    ==========================
    لا اله الا أنت سبحـانك ... انى كنت من الظالمين

    و ما من كــاتب الا سيفنى
    و يُبقى الدهر ما كتبت يداه
    فـلا تكتب بكفـك غيـر شيئ
    يسرك يوم القيـامة أن تراه


  11. #11
    الصورة الرمزية aviator333
    تاريخ التسجيل
    Aug 2006
    المشاركات
    541
    الحقيقة موضوع اكتر من رائع
    وياريت يامستر هو توضح لينا اقسام البنوك الحكوميه زى الاهلى ومصر
    وشكرا جزيلا ليك





  12. #12
    تاريخ التسجيل
    Jun 2006
    المشاركات
    256
    من اروع من اجمل من احسن منمن منمن

    مين منمن دة

    اية يا باشا المواضيع العالية دية

    بجد تسلم ايدك موضوع فى الصميم

  13. #13
    الصورة الرمزية Mr..WhO
    تاريخ التسجيل
    Jan 2006
    المشاركات
    2,192
    اقتباس المشاركة الأصلية كتبت بواسطة aviator333 مشاهدة المشاركة
    الحقيقة موضوع اكتر من رائع
    وياريت يامستر هو توضح لينا اقسام البنوك الحكوميه زى الاهلى ومصر
    وشكرا جزيلا ليك

    اولا ميرسي ليكم علي الكلام الجميل ده

    و ثانيا بحب اوضح اني شكل البنوك الحكوميه في طريقه للأنقراض

    و ده من ناحيه البنوك الحكوميه نفسها .. يعني الأهلي و مصر و كل

    البنوك الحكوميه حاليا بتغير شكل فروعها لشكل الفروع الأستثماريه

    و اي انترفيو هيسألك علي دول .. يعني لو قلت في الأنترفيو انك

    عايز تشتغل موظف شهادات هيقلك كل سنه و انت طيب ده كان زمان دلوقت

    الموظف بيعمل كل حاجه

  14. #14
    الصورة الرمزية rimaaas
    تاريخ التسجيل
    Oct 2008
    المشاركات
    77
    متشكرين كتير على مجهودك الرائع
    وياريت لو تقدر تقولنا على اقسام البنوك الحكوميه زى بنك مصر
    وايه احسن الاقسام اللى نشتغل فيها
    وشكرا لتانى مره ليك يامستر هو

  15. #15
    الصورة الرمزية Mr..WhO
    تاريخ التسجيل
    Jan 2006
    المشاركات
    2,192
    يا جماعه البنوك الحكوميه هتبقي كلها بالشكل اللي انا كاتبه ده

    و كل البنوك العالم هتبقي خدمه عملاء و صرافيين و عمليات مصرفيه

    و كل مكان و ليه ميزته و متتطلباته , التيلر عايز واحد مركز جدا و منتبه

    و بيحي يشتغل في الفلوس و يكون جد عشان الهزار في الحاجات دي كلف جدا

    و خدمه العملاء عايز واحد مشوق جيد يعني يعرف يبيع خدمات البنك للعميل اللي قدامه

    و يكون كمان يقدر يحل مشكله عميله في اسرع وقت ممكن و العمليات المصرفيه

    لازم يكون حابب المحاسبه و القيود و الحاجات دي لأن كل شغل الفرع بيصب عنده

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك