موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 1 من 103 1 2 3 11 51 101 ... الأخيرةالأخيرة
النتائج 1 إلى 15 من 1539
Like Tree1Likes

الموضوع: ::معلومات عن أنواع الجيتار وأسعارها:: (( هنا توضع أستفسارات الاعضاء ))

  1. #1
    الصورة الرمزية yahia meto
    تاريخ التسجيل
    May 2008
    المشاركات
    62

    Rules ::معلومات عن أنواع الجيتار وأسعارها:: (( هنا توضع أستفسارات الاعضاء ))



    شباب الموضوع ده اتعمل للى بيستفسر عن انواع الجيتار واسعارها واماكن بيعها

    ياريت شويه تفاعل معانا من الأعضاء علشان الموضوع يبقى ليه اى فايده

    نبدأ على بركه الله


    الجتارات أنواع
    (( بتكلم عن الأنواع مش الموديلات ))

    أولا

    Classic Guitar

    بيجى حد يسألى ايه الفرق بينه وبين الأكوستك (ده النوع التانى اللى هنتكلم عنه ان شاء الله)


    الفرق بسيط جدا هوه ان الكلاسيك الـ3 أوتار اللى فوق معدن والتلاته اللى تحتيهم نايلون

    أما الأكوستك هو صوته احسن لكن مش ينفع تبدأ تتعلم عليه لأن اوتاره معدن


    نبدأ بالموديلات



    ده شكل الجيتار الكلاسيك وفى منه الصينى واليابانى والأيطالى والأسبانى والألمانى <<<< كده دخلنا فى اللغه التانيه ههههه
    المهم

    1-الصينى:

    Suzuki


    وده زى مابيقولوا احسن الوحشين

    سعره يتراوح بين 260-450 جنيه

    أما اماكن بيعه فى القاهره

    انا معرفش غير اتنين
    1- واحد فى شارع 9 فى المعادى اسمه Destingo وده بيبيعه بحاول 260 جنيه ((انا سألت عليه من حوالى اسبوعين)

    2- فى 24 شارع البستان - باب اللوق - بجوارمترو محمد نجيب
    ت: 23915243

    اسم المحل:شركه جوهره الفن

    سعر السوزوكى عنده حوالى 450 جنيه ((لأنه ماسك التوكيل بتاعه ))

    دول المحلين اللى اعرفهم بيبيعوا النوع ده


    2-الماركات الـ(@#$%%^#$)


    فى ماركات تانيه كتير غير اللى اتكلمنا عنها زى فلانتينو و كمان دنيا وغيرها


    بالنسبه للسعر دول من حوالى 180-250

    على فكره صوتهم زى الزفت لأن الخشب بيبقى من اسوأ الأنواع<img alt="" title="41" border="0">

    3-فى كمان الـAsh
    انا بصراحه مش عارف ايه نوع الماركه دى لكن من كلام ناس كتير بيقولولى هى كويسه

    4-الماركات التانيه زى الأيطالى والأسبانى والألمانى

    دى اكيد مدام مش صينى تبقى حلوه
    مجرد وجهه نظر لحسن حد يكون هنا صينى ولا حاجه <img alt="" title="Jap" border="0">

    هنتكلم على بقيه الأنواع دى فى الجزء التانى من الموضوع





    التعديل الأخير تم بواسطة zomahm; 03-06-2012، الساعة 09:02 PM

  2. #2
    الصورة الرمزية yahia meto
    تاريخ التسجيل
    May 2008
    المشاركات
    62
    نكمل بقى الكلام

    الأنواع التانيه دى بتبقى غاليه شويه

    لأنك متدخلش فيها لال اذا كنت متمكن اوى من الجيتار


    زى مثلا
    Alvaro E800 ((فى ناس هنا عارفه انا اقصد مين )) هههههه

    دى صورته


    النوع كلاسيك والموديل اسبانى

    وفى كمان المشهور اوى بيننا

    Yamaha



    بصراحه انا معرفش سعر ده كام

    ننقل للنوع التانى
    ِAcoustic Guitar

    ]النوع ده نبدأ نفكر فيه لما صوابعنا تنشف من اللعب على الفريت بورد لأن الأوتار معدن


    الصور




    ده
    APX9 Acoustic Guitar

    ياماها


    ده الـIbanez Acoustic Guitar

    هقولكم على حاجه كمان

    فيه محل اسمه
    شركه الشمس فى شارع محمد على بيدى ضماان على الأوتار والمفاتيح

    يعنى لو وتر اتقطع منك انت مش مضطر تشترى الـ6 اوتار
    لأ
    انت ممكن تشترى وتر واحد بس بدل اللى اتقطع

    ولو لا قدر الله انكسر مفتاح انت بتشترى جنب واحد بس بحوالى 25 جنيه بدل ما تشيل الأتنين

    العنوان :
    154 شارع محمد على -القاهره
    ت: 23931758


    شباب ده كل اللى اعرفه متحرمونيش من ردودكم واستفساراتكم

    انا بدخل المنتدى كل يوم

    واى استفسار ان شاء الله ارد عليه

    سلاااااااااام

  3. #3
    تاريخ التسجيل
    Apr 2008
    المشاركات
    541
    برافو برافو
    بداية كويسة وبدأت المشاركات الجميلة تطلع


    الفرق بسيط جدا هوه ان الكلاسيك الـ3 أوتار اللى فوق معدن والتلاته اللى تحتيهم نايلون
    وكمان الاكوستك بيبقى الـNeck بتاعه أرفع وأطول
    الكلاسيك بيبفى أقصى وأتخن

    الأكوستك صوته بيبقى أقوى وأعمق وتقيل على الودن
    الكلاسيك صوته بيبقى رقيق إلى حدٍ ما




    ده الجيتار بتاعي


    اللي اعرفه ان الياماها بتبقى اسعاره في الـ 600

    معلش انا متحيز شوية للياماها

  4. #4
    الصورة الرمزية yahia meto
    تاريخ التسجيل
    May 2008
    المشاركات
    62
    ولا يهمك يابوب المهم ردك اللى زى العسل
    D:

  5. #5
    الصورة الرمزية فيع
    تاريخ التسجيل
    Jun 2006
    المشاركات
    959

  6. #6
    الصورة الرمزية yahia meto
    تاريخ التسجيل
    May 2008
    المشاركات
    62
    العفو حبيبى فيع

    اسف لأنى معرفتش افيدك فى موضوع اسكندريه ده

    بس هحاول اعرف لك مكان

  7. #7
    الصورة الرمزية zamalkawy_3000
    تاريخ التسجيل
    Nov 2005
    المشاركات
    3,831


    ايوة كدة !!!!!!

    بس عاوز اضيف كام حاجة كدة

    _________________

    Oo محلات الجيتار و اماكنها oO


    * محلات شمس *

    الفـــــــرع الرئيســـــى

    216 ش رمسيس - القاهرة ( ت: 26845208 )

    فرع شهـــــــاب

    14 ش شهاب بجوار التوحيد و النور - المهندسين - الجيزة ( ت: 33388743 )

    فرع محمد على

    154 ش محمد على - القاهرة ( ت:23931758 )

    فرع مديـــنة نصــــر

    81 ش طريق النصر - بجوار طيبة مول ( ت: 24028907 )

    ________________

    * جوهرة الفن *

    فرع محمد على

    160 168 ش محمد على العتبه ( ت: 23919909 - 23915243 )

    فرع مديـــنة نصــــر

    15 ش الطاقه مدينه نصر ( ت: 22877714 - 22877713 )

    _______________

    * أماكن أخرى *

    فرى ميوزك

    19 ب ش نخله المطيعى ميدان تريومف مصر الجديده ( ت: 26435858 - 26435757 )

    فيفو للالات الموسيقيه

    156 شارع طيبه ( ت: 5919529 - 5914554 )

    دار الموسيقى

    83 ش شبرا ( ت: 22028443 )


    ((( و عامة شارع محمد على مليان محلات جيتار كتير )))

    _________________

    Oo نصائح قبل شراء جيتار جديد oO

    أولا لو انت مبتدئ يعنى لسة هتتعلم ..... نصيحة اشترى ( Classic Guitar ) و ابعد عن الAcoustic و الElectric

    الجيتار اللى هتشتريه هيبقا فى حدود 250 - 350

    تروح المحل تدخل بثقة و تحسس الراجل انك فاهم انت بتشترى ايه

    و تختار جيتار ... و تاخد وقتك تماما , تتأكد ان الاوتار ال6 مش بتزن , و تتأكد ان الجيتار مافيهوش خدش , و ان المفاتيح ال6 بتلف زى الفل , و أن رقبة الجيتار مستقيمة و مش معووجة

    و بعد ما تشترى , تخلى الراجل يديك مع الجيتار جراب و Pick

    * الأنواع المفضلة *

    Suzuki , Ash , Crimona

    و ابتعد عن

    Hohner , Donia , Valentino

    ____________________

    بس كدة

    و الموضوع مثبت بقااااااا

    تحياتى ليك يا معلم

  8. #8
    الصورة الرمزية yahia meto
    تاريخ التسجيل
    May 2008
    المشاركات
    62
    الف شكر على التثبيت ياغالى

    والله فرحتنى بردك قبل التثبيت

    لكن ليه الهوهنر لأ

    فلانتينو ودنيا صينى

    لكن hohner ده المانى مش صينى وصوته حلو

    ولاايه؟

  9. #9
    الصورة الرمزية flute_boy
    تاريخ التسجيل
    May 2007
    المشاركات
    3,134
    شكرا علي المعلومات

    انا بس هقول عنوان شمس وجوهرة الفن في مدينة نصر بالتفصيل لاني رحتهم الاتنين

    اولا شمس مدينة نصر

    لما يكون طيبة مول في طريق النصر علي يمينك ونتا ماشي بعدها بكم محل هاتلاقيه علي طول في الدور الارضي...

    تاني واحد جوهرة الفن مدينة نصر

    طبعا اي حد في مدينة نصر عارف بوابة النادي الاهلي الخلفية اللي بيتطلعلها مطلع من طريق النصر برضو المهم هو في الشارع اللي فيع بو النادي الخلفية بس بعدها بمسافة هيكون علي الشمال لما النادي يكون عدي وهو علي اليمين والشارع فعلا اسمه شارع الطاقة ولو حد راح سال هناك هيدلوه علي مكان يتعلم فيه برضو في مدينة نصر ....

  10. #10
    الصورة الرمزية abdoserry
    تاريخ التسجيل
    Jan 2008
    المشاركات
    136
    ah ana gebt guitaree men el ma7al dah we fe3lan el wasf dah tamam
    we 3ando el yamha el c 40 be 500 wana 3ref nas sha3'la henak law 7ad 3ayez 7aga ye2oli

  11. #11
    الصورة الرمزية zamalkawy_3000
    تاريخ التسجيل
    Nov 2005
    المشاركات
    3,831
    لكن hohner ده المانى مش صينى وصوته حلو
    لا فعلا الهوهنر من اردأ الانواع اللى فى السوق

    ممكن عفقتو كويسة ... بس مش سلس تماما و الصوت منو اكثر من ردىء

    حتى الدكاترة فى كلية تربية موسيقية مش بيحبو النوع ده

    و شكرا على الموضوع


  12. #12
    الصورة الرمزية yahia meto
    تاريخ التسجيل
    May 2008
    المشاركات
    62
    طيب شباب حد يعرف يعنى ايه نقل كوردات open و closed ؟؟

  13. #13
    الصورة الرمزية zamalkawy_3000
    تاريخ التسجيل
    Nov 2005
    المشاركات
    3,831
    اه يا عم

    الOpen Chord ده اللى بيتعمل منغير بار فى اول رقبة الجيتار .... يعنى بيكون نوعا ما سهل

    الClosed Chord ده اللى بيتعمل ببار .... و ده بيكون اصعب شوية على المبتدئين

    هو ده اللى انت عاوز تعرفه و للا انا مافهمتش السؤال ؟

  14. #14
    الصورة الرمزية yahia meto
    تاريخ التسجيل
    May 2008
    المشاركات
    62
    تمام هو ده يا معلم زملكاوى

    والله معلم

  15. #15
    تاريخ التسجيل
    Apr 2008
    المشاركات
    541
    طيب يا معلمين ياريت حد يفيدني انا في موضوع الرتم

    انا مش بعرف ازبط الرتم مع الاغنية خاااالص

    قصدي : down down up up down ...... إلخ

    اكيد المعلمين فاهمني



    وعايز شوية نصايح للهارموني
    عايز اغني وانا بعزف

    اغني كويس والعزف يبقى سلس وماشي مع الاغنية



    بانتظار الرد من علاوي باشا


    سلاموز باللوز

موضوع مغلق
صفحة 1 من 103 1 2 3 11 51 101 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك