موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
النتائج 1 إلى 10 من 10
Like Tree0Likes

الموضوع: مساعدة في شراء عصافير الكوكتيل

  1. #1
    الصورة الرمزية asfom
    تاريخ التسجيل
    Jul 2005
    المشاركات
    58

    Icon4 مساعدة في شراء عصافير الكوكتيل

    السلام عليكم ورحمة الله
    في البداية برحب بكل اعضاء المنتدي وانا عندي استفسار هام بخصوص شراء زوج الكوكتيل والمفروض بكرة هدفع فلوسهم للراجل بس عاوز اتأكد منكم انهم تمام وعاوز اعرف هل دول لسة شباب صغير ولا كدة في مرحلة شغل وانا ملاحظ كمان ان ديل النتاية قصير شوية هل العصفور ريشه بيتعدل بعد كدة وبيظبط ولا هي كدة فيها مشكلة ؟ ودي صور ليهم







    (`'•.¸(` '•. ¸ * ¸.•'´)¸.•'´)
    «´¨`.¸.* Ahmed *. ¸.´¨`»
    (¸. •'´(¸.•'´ * `'•.¸)`'•.¸ )

    دقات قلب المرء قائلـة لــه .::. إن الحياة دقائق وثـوان
    فارفع لنفسك بعد موتك ذكرها .::. فالذكر للإنسان عمر ثـان

  2. #2
    تاريخ التسجيل
    Nov 2007
    المشاركات
    6,211
    اخي الغالي طبعا هم شكلهم ان سنهم مناسب يعني على شغل و بص على رجليهم هتلاقي واضح انهم موش صغيريين خالص

    اما بالنسبة لذيل الانثى انا شايف ان ريشهم مبهدل شوية يمكن من السلاكة او القفص صغير مثلا يعني اكيد هيتظبط تاني


    بس اهم حاجة السعر ميكونش عالي لاني من اسبوع شاري انا واحد صاحبي جوز لاتيني شغالين و حلوين و زي الفل يعني على مية بيضة بـ 165 و جوز ذكر حبشي و انثى ايزابل 135 و شغالين بردو و هو ابن الايه محظوظ نزل تاني الجمعة دي و اشترى جوز + انثى و ابنها شروة على بعضهم بـ 200 جنيه فقط !!!


    خالص احترامي وتقديري



  3. #3
    الصورة الرمزية asfom
    تاريخ التسجيل
    Jul 2005
    المشاركات
    58
    شكرا لردك واهتمامك ياباشا بس انا قلقت برضه من الأنثي بسبب موضوع ريشها دا وقولت للراجل اني هغيرها منه بعد كدة لما تجيله حاجة تانية تكون كويسة وياريت لو تديني سعر مناسب ليهم برضه كدة

  4. #4
    تاريخ التسجيل
    Nov 2007
    المشاركات
    6,211

    Flag Egypt

    اقتباس المشاركة الأصلية كتبت بواسطة asfom مشاهدة المشاركة
    شكرا لردك واهتمامك ياباشا بس انا قلقت برضه من الأنثي بسبب موضوع ريشها دا وقولت للراجل اني هغيرها منه بعد كدة لما تجيله حاجة تانية تكون كويسة وياريت لو تديني سعر مناسب ليهم برضه كدة
    و الله يا اخي انت ممكن تريح دماغك و تروح السيدة عائشة بعد الصلاة هتلاقي ناس بتبيع بس ابعد عن التجار عموما و هتلاقي سعر كويس انشاء الله بس اللوتينو الي لسه مشتغلش 120 لـ 135 مثلا ودا كبيره اوي

    اما الي شغال من 150 الى 170 ودا كبيره اوي ودا اليومين دول عشان دا افضل موسم انتاج و الاسعار بتنزل في الصيف عموما


    اما لو التاجر الي بتتعامل معاه ثقه اشتري منه و طبعا فاصل في السعر و اهم حاجة تشتري جوز شغالين و حلوين عشان متستناش كام شهر على ما يشتغلوا عشان توفر 30 جنيه لاء طظ في الـ 30 جنيه و اشتري حاجة كويسة و شغالة و اهم حاجة تاني انهم ميكونوش اخوات يعني لو تشتري الذكر لوحدة و الانثى لوحدها افضل 100 مرة عشان تقدر تنتج عندك و تكتر ذاتيا موش محتاج تغير الدم بعد فترة


    و ممكن تنزل السيدة عائشة تلف لفة كدا و ادخل جوة هتلاقي واحد بيجي بعد صلاة الجمعة اسمه جرج بسلاكة فيها كوكتيل و فيشر و حاجته كويسة و كذا واحد جمب الشيخ الي بيبيع ادوية بس هتلقيهم حراقين شوية و في واحد اسمه العمدة انا اشتريت منه مرة واحدة و لي صاحب بيتعامل معاه و هو كويس بردو و ممكن يحضرلك الحاجة مسبقا اذا اتصلت بيه و فاصل معاه بردو عشان بيغلي شوية في الاول و رقمه هبعتهولك على الخاص بس للامانه انا متعاملتش معاهم غير مرة واحدة سواء جرج او العمدة

    و في محل تعبان كدا اول السوق على ايدك الشمال صاحبه كويس شوية بردو بس بئيت التجار على الشمال و اليمين الحاجة ام 10 بيقولو عليها بـ 20 و ياريتها كويسة بس مفيش مانع تسأل و تتفرج و تسأل فين الذكر و دي نتاية ولا لاء و دا شغال ودا موش شغال و الكلام دا عشان تاخد خبرة و تتعلم لانك موش هتخسر التاجر حاجة من السؤال دول قاعدين طول النهار فاضين بالعكس وقفة الناس على حاجته مكسب عشان الناس تفتكر انه شغال و تجارته ماشية ههههههههههه


    اتمنى اني اكون افدتك


    خالص احترامي و تقديري


  5. #5
    الصورة الرمزية asfom
    تاريخ التسجيل
    Jul 2005
    المشاركات
    58
    شكرا ياباشا بجد انا استفدت فعلا والله بس عاوز اغلس واسأل سؤال تاني انا حابب اشتري عصافير كناري بس نادر جدا لما الاقيها عند محلات العصافير او تقريبا مش بلاقيها خالص ايه سبب كدة ؟؟ هل تربيتها مختلفة عن باقي العصافير ولا ايه نظامها والجوز يعمل كام منها ؟؟

  6. #6
    تاريخ التسجيل
    Nov 2007
    المشاركات
    6,211

    Flag Egypt

    اقتباس المشاركة الأصلية كتبت بواسطة asfom مشاهدة المشاركة
    شكرا ياباشا بجد انا استفدت فعلا والله بس عاوز اغلس واسأل سؤال تاني انا حابب اشتري عصافير كناري بس نادر جدا لما الاقيها عند محلات العصافير او تقريبا مش بلاقيها خالص ايه سبب كدة ؟؟ هل تربيتها مختلفة عن باقي العصافير ولا ايه نظامها والجوز يعمل كام منها ؟؟
    تسلم يا اخي و انا انشاء الله في الخدمة

    بالنسبة للكناري طبعا موجودة عند محلات العصافير و موجودة في سوق السيدة عائشة و العادي من 200 الى 300 حسب الشكل و السن و اللون و الحجم و الكلام دا

    اما موضوع انها قليلة دا لانها غالية في السعر طبعا و ثانيا لان مربيها قليلين و غالبا من القاهرة و الاسكندرية و ثالثا لانه موش طائر قوي و مقاوم ذي البادجي و الفيشر و الكوكتيل و الحاجات دي لاء هو طائر رقيق شوية

    و اخيرا لان اغلب المربيين في مصر ابتدوا بالبادجي و المشكلة في المربيين المصريين انهم بيحبوا يمشوا في نفس خط نوع الطيور و دي حاجة انا لاحظتها الا في القليل هتلاقيهم عندنا هنا في الهوايات الي بيحبوا يربوا كل حاجة

    يعني تلاقي واحد ابتدا بالبادجي و مشي فيه على طول يعني ينوع في الوانه و اشكاله و انواعه لكن في النهاية بيربي بادجي

    او يطور شوية و يخش في الفيشر و الكوكتيل و الدرة و لما تكبر معاه يجيب زنجباري و لو ربنا كرمه من وسع يجيب كوكاتو او مكاو و يبئة كدا وصل لقمة الهرم في التربية بالنسباله

    او انه ينوع فيشتري زيبرا و مع ذلك هتلاقيه ماشي في هرم البادجي اياه

    او انه يربي زيبرا و يفكر يربي فرولة او ينتج منه(صعب شوية ) و بعدين يبص على الجاوه و ممكن بنجليز و اخيرا الجولديان و دول قليلين شوية

    او انه يخش في الكناري و انواعه و بعدين في الحسون و البسبوس و التهجينات بينهم عشان كدا تلاقي اغلب مربيين فلسطين و الجزائر و المغرب من النوع الاخير يبتدي كناري و يعيش طول عمره في لغة الحسون و تهجين الحسون بالكناري و البسبوس بالكناري و الحسون بالخضري و هكذا

    عشان كدا تلاقي الكناري قليل عندنا بس القليل دا فيه مربيين عمالقة في الكناري و انواعه و التهجينات بالحسون و الخضيري و التفحي

    ولو عاوز تشتري كناري كويس و بسعر معقول انزل سوق السيدة عائشة ادخل جوة السوق خالص هتلاقي قهوة و قبل ما تدخل القهوة هتلاقي واحد شيخ بيبيع ادوية عصافير و اكل كناري و حسون في اكياس صغيرة هتلاقي جمبيه على طول واحد قاعد جوة القهوة معاه سلاكة فيها كناري و حسون اسمه أ.ماجد الشباسي دا تقعد تتكلم معاه على الي انت عاوزة و فاصل معاه بردو بس متقلش عليه و هو انشاء الله هيديك المفيد بس للامانة انا عمري ما اتعاملت معاه لكن لي صديق اتعامل معاه و قعد يستفسر منه على حاجات و صحبي دا بيشكر فيه اوي و ابئه اسأله على سعر الحسون لو نزلت الجمعة دي و اعملنا موضوع عن سعر الكناري و الحسون يعني جبلنا شوية اسعار كدا
    و بالتوفيق انشاء الله و ربنا يكرمك

  7. #7
    الصورة الرمزية asfom
    تاريخ التسجيل
    Jul 2005
    المشاركات
    58
    تسلم ياباشا والله وياريت لو تبعتلي ميلك عالخاص علشان يكون في تواصل بينا دايما وتكون معرفة خير ان شاء الله وبشكر كل اعضاء المنتدي

  8. #8
    تاريخ التسجيل
    Nov 2007
    المشاركات
    6,211

    Flag Egypt

    اقتباس المشاركة الأصلية كتبت بواسطة asfom مشاهدة المشاركة
    تسلم ياباشا والله وياريت لو تبعتلي ميلك عالخاص علشان يكون في تواصل بينا دايما وتكون معرفة خير ان شاء الله وبشكر كل اعضاء المنتدي
    تسلم صديقي و انشاء الله هبعتلك اميلي على الخاص دلوئتي

    خالص تحياتي و احترامي و تقديري

  9. #9
    الصورة الرمزية محمد امام3
      محمد امام3 غير متصل الحـمـد لله على كـل شـئ ♥
    تاريخ التسجيل
    Oct 2010
    المشاركات
    3,614
    متابعه رائعه يا ابو حنفى

    ربنا يكتر من امثالك الصالحين




    عندما نتحدث عن كريزة الديفيدى فليستمع الجميع



    كلمـــــــــه

    ღღღ حبــــــــــة ♥♥ كــــــــــــــــــريز ♥♥ الدى فى دى ღღღ

    .. نبتــدي منيــن الحكايــة ..

    ♥ (.هــجــراتٍ عــظــمــي ♥♥ GreAt miGrAtiOnS.) ♥

    اشباه البشر * موضوع القرن * اهداء الى * _ * ميس رورى

    ╗◄۞البطريق الملك ،، اهداء لكريزة الديفيدى ۞►╔





    اقتباس المشاركة الأصلية كتبت بواسطة MS.RORY مشاهدة المشاركة
    بسم الله الرحمن الرحيم

    محمد امام
    انت اجمل تنسيق فى الهوايات بعدى انا ميس رورى
    افرح بقى بالكلمتين دول
    لانهم حقيقة يا بنى ...
    ده غير موضوعاتك ليس لها مثيل
    خالص مودتى وتقديرى لموضوعك الرائع المفيد^ ^




    الهوايات هى MS.RORY
    دائما وابدا مديرتنا واختنا الكبرى اللى بنعتز بيها
    مهما فعلنا لن نوفيكى جزء من ما تستحقية




  10. #10
    تاريخ التسجيل
    Nov 2007
    المشاركات
    6,211

    Flag Egypt

    اقتباس المشاركة الأصلية كتبت بواسطة محمد امام3 مشاهدة المشاركة
    متابعه رائعه يا ابو حنفى

    ربنا يكتر من امثالك الصالحين

    تسلم يا ابو حميد و طول ما فيه ناس زي ابو حميد هنروح احنا فين يا سكر الدي في دي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك