موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 1 من 10 1 2 3 ... الأخيرةالأخيرة
النتائج 1 إلى 15 من 149
Like Tree0Likes

الموضوع: طرق تظبيط الفيات 128 والتعديل فيها حصريااااا

  1. #1
    تاريخ التسجيل
    Nov 2005
    المشاركات
    143

    طرق تظبيط الفيات 128 والتعديل فيها حصريااااا

    بص بقى الموضوع ده بخصوص ال 128 الى قرفت الشعب 37 سنه وهتكلم فيه عن طرق تظبيط العربيه دى وده طبعا لعشاقها والمهتمين بيها وانا هقولكم العشق والاهتمام ده جى من فين..........طبعا كل واحد معاه العربيه نفسه يخليها بى ام دبليو وده طبعا لانه اتخنق من ان العربيه ملهاش برستيج ولا ليها حاجه خالص يعنى من الاخر 128 معفنه ولا بتمشى عدل ولا اى حاجه خالص.......وطبعا الواحد لما يركبها ويسوقها ويحس انها مصيره لفتره طويله من الزمن لازم طبعا يفكر انه يعدلها ويستمتع بيها ويحس انها احسن من عربيات تانيه كتير....طبعا فى حلول كتير بتبدى من اول تسجيل اسطوانات وسمعات بيونير الى ب 300 جنيه لحد مصاريف توصل ل 20000 جنيه وكله تظبيط علشان الواحد يحس بالرفاهيه والمتعه فى القياده والتميز......
    يعنى فى ناس نفسها ال 128 يبقى فيها تكييف ودى امنيه حياته طبعا الكلام ده فى الصيف بس.....وفى ناس نفسها يبقى عندها عده صوت نضيفه قوى يعنى شغل الراب وكده عايز دبه وصوت عالى ودى برده روشنه وبتتحس انك راكب فيرارى......وفى ناس نفسها العربيه متعطلش خالص والمهم توديهم المشاوير وخلاص ومعندهمش اصلا تسجيل صينى فى العربيه ولا حتى سمعات من الى ب 10 جنيه.......وفى ناس نفسها تركب جنط وهتموت وبتحوش علشان الجنط يتركب وفى الاخر بيجيبوا جنط معفن وشكله وحش ومبيعرفوش ينقوا وانا اجيب جنط ليه والعربيه اصلا جربانه ومعفنه دى ناس تانيه بتقول كده!!!!!!..........وفى ناس كل يوم بتغسل العربيه صبح وليل وهم اصلا مش عرفين انها 128 ومحدش هيبص عليها حتى لو طالعه زيرو من المصنع!!!!......وفى ناس بتروح تفيم وتركب كام استيكر من ابو ربع جنيه ويجيب ديل (يعنى مفلر للشكمان) من ابو 20 جنيه ويقولك انا ظبط العربيه وعلى فكره الحجات دى احسن حل لل 128 تملاها دبدييب من ابو 2.50 وقضيها......عربيه غريبه والله تصلح حاجه تتطلع حاجه ولو مصلحتش متطلعلكش حاجه المهم تسيبها بعيب لانك لو حليت كل العيوب العربيه فيها كمبيوتر بيدور على عيب جديد ويطلعه:sly00000:.......ويقلك قطع غيار رخيصه هى رخيصه بس بايظه ومش معمره وبتقرف فى المواقف الى بتعملها زميلى اخدو فكره وحشه عنها خالص من المواقف الى عملتها معانا كتيير بس بتتحل فى الاخر وبسهوله بس بتكون عطلت الواحد وقرفته......
    المهم ان العربيه دى ليها تاريخ كبير فى مصر ولازم نكرمها على الى عملته فينا سواء نعمه او نقمه وعلشان كده انا هتكلم عن الطرق الفنيه لتظبيط ال 128 خصوصا الى بيفكروا فى تسقيط موتور عليها وايه الى لازم يعملوها علشان يسقطو موتور وحتى للى مش عايز يسقط برضه هيلاقى طرق تظبيط للعربيه من ناحيه الشكل او الاداء والراحه....
    نبداء الموضوع:::
    هنبتدى من جوه وبعد كده نخرج لبره يعنى هتكلم عن الشاسيه وطرق تدعيمه لانه اكبر مشكله فى ال128 بجد اكبر بلوه فيهاااااا:

    الشاسيه:


    1-صب رصاص او الامونيوم على الشاسيه وبالاخص علب الشاسيه وده بيساعد فى تقويه الشاسيه وبيزود تحمله للموتور (الموتور راكب على الشاسيه بواسطه قاعده موتور موصوله بالجانب الايسر من السيارة ومع حركة العربيه وطلعت الموتور بتتاثر هذه القاعده وبالتالى بتأثر على علب الشاسيه لان القاعده ملحومه فى الشاسيه

    فى قاعده اخرى للموتور وهى الى بتكون على شكل حامل على شكل شنكل بتمسك الموتور من فوق القاعده دى مهمه برده فى تسبيت الموتور...






    3-العفشه العفشه العفشه العفشه يعنى لو المساعدين ضايعين او تعبانين شويه هيكسروا علب الشاسيه والرفارف وقول يارحمان يارحيم على العربيه لانك هتقضيها لحامات فعلشان كده لازم مساعدين يكونوا جامدين بالذات من قدام وخصوصا ال 128 بجد تستاهل مساعدين رياضى او مساعدين هيدروليك اى حاجه نضيفه وتريح العربيه خصوصا قدام...
    احظ ان الوزن بتاع العربيه هيزداد من قدام علشان الموتور الجديد والى هيبقى اتقل من الى فات هو والفتيس طبعا....
    ودى صورة لمساعدين كونى ومعاهم السوست بتاعتهم ودول مساعدين لل فيات 128 من شركه كونى:

    طبعا راحه فى المطبات على السرعات العاليه بدون اى تاثير على بودى العربيه خصوصا علب الشاسيه وكمان ثبات جامد على الطريق وخاصه فى الملفات على سرعات عاليه يعنى مشى العربيه هيتغير وطبعا الاداء على الطريق هيتغير بشكل ملحوظ....
    طبعا الكلام ده للمساعدين الى وراء والى قدام وطبعا السوست ليها دور مهم يعنى لازم يكونو من شركه نضيفه ويكونو معمولين للاداء العالى يعنى سوست رياضيه وياريت السوست تبقى نفس طقم المساعدين قصدى من نفس الشركه......

    4-البار والبار ده عباره عن ماسوره معدنيه تركب على جناب المساعدين فى الحوض يعنى :يعنى ماسورة بتتركب فى الحوض وبيكون مكانها عند القبه بتاعت المساعد من الداخل يعنى فى الحوض وفايدتها بتمسك العربيه من فوق علشان الشاسيه ميفتحش وبتساعد فى الملفات لانها بتخلى الشاسيه ميتحركش فى الملفات على فكره البار ده بيتركب وراء وقدام وراء فى الشنطه وقدام فى الحوض ومهم فى ثبات العربيه على الارص وفى الملفات وفى صنيعيه بتقول مش مهم لا ده مهم جدا وله تاثير.....



    البارات دى مهمه لثبات العربيه على الارض وبتساعد الشاسيه يعنى تتعتبر من مقويات الشاسيه وفى ناس بتركب بارات اسفل العربيه فى المنتصف وبيطلق عليها شداد.......


    طبعا لما نتكلم عن المواتير الى بتتسقط لل 128 هنلاقى مواتير كتير طبعا لازم يكون الموتور فيات او لانشيا علشان الترخيص بيحتم ان يكون الموتور من نفس نوع العربيه علشان كده هيكون عندنا كذا اختيار لتسقيط الموتور :

    فيات رتمو :1100 سى سى 55 حصان
    1300 سى سى 65 حصان
    1500 سى سى 75 حصان

    فيات ريجاتا:
    1300 سى سى 68 حصان
    1500 80-85 حصان حسب الكربراتير بابين ولا باب واحد
    1600 انجيكشن 100 حصان

    فيات لانشيا:
    1300 70 حصان يوجد به تكييف
    1600 انجيكشن 90 حصان
    2000 انجيكشن 130 حصان بس يحتاج الى تعديل كبير فى الشاسيه

    فيات اونو:
    1300 68 حصان
    1300 تربو 105 حصات الموتور ده جامد جامد جامد
    1400 تريو 118 حصان اجمد واجمد

    دول اشهر الموتير للتسقيط فى ال 128 طبعا لازم يتركب مع كل موتور الفتيس بتاعه لان الفتيس بياثر فى السرعه والسحب وفى اداء الموتور بالنسبه لمواتير ال 128 هم :
    1100 55 حصان
    1290 62 حصان
    1300 65 حصان


    طبعا مواتير الريجاتا 1500 هى الاختيار الانسب او يعنى اقل اختيار للتسقيط الاحسن طبعا المواتير الانجيكشن طبعا موتور الريجاتا هيخلى العربيه توصل لسرعه 170 عادى جدا وهو موتور شديد وهيبقى اشد من وهو فى الريجاتا لان ال 128 اصغر حجما واخف وزنا طبعا والموتور ده بيجيب من 0 الى 100 فى 13 ثانيه طبعا رقم قياسى بالنسبه لل 128 1100 سى سى لانها بتجيب من صفر الى 100 فى 18 ثانيه وال 1300 من صفر الى 100 فى 15 ثانيه بس هنلاحظ ان ال 1100 وال 1300 السرعه القصوى ليهم واحد وهى 140 كيلو متر فى الساعه طبعا صوت موتور الريجاتا اهدى من مواتير ال 128 ده بالنسبه للصوت غير ان الريجاتا 1500 ممكن يركبلو تكييف.....
    التعديل الأخير تم بواسطة HRH Sameh; 17-06-2007، الساعة 12:34 PM

  2. #2
    تاريخ التسجيل
    Nov 2005
    المشاركات
    143
    طبعا مع تسقيط الموتور هنحتاج نجهز العربيه وده من ناحيه الثبات اصلا العربيه بموتور 1100 مبتبقاش ثابته قوى على السرعات العاليه بس برضه ارجع اقول ثبات ال 128 كويس مش بطال....... يبقى نشوف خطوات تثبيت العربيه على الارض :
    1-كوتش عريض الكاوتش العريض مش الجنط الجنط ده مجرد شكل من الخارج المهم الكاوتش يبقى عريض طبعا ميتعداش ال 14" علشان مياثرش على العفشه احسن حاجه 13 عريض اعرض حاجه فى ال 13 على فكره ال 13 مش وحش ده جامد ومناسب طبعا نوعيه الكاوتش بتفرررررق كتييييير لان الكاوتش تصميمه بيفرق فى المطبات والثبات على الطريق كمان يبقى كوتش عريض لازم منه اساسى وهتحس بفرق طبعا
    ودى عربيه فيها جنط 13 عريض:

    2-توطى العربيه ومحدش يقولى مطبات مصر على فكره وطى العربيه هتحس براحه احسن طبعا مع مساعدين نضاف وتوطيه العربيه عن طريق قص لفه من السوست وبتتقص بدون التسخين عليها علشان خواصها متتأثرش ودى بتتعمل فى الحرفيين وسهله مش معضله وهثبت العربيه فى الارض يعنى هتزود الثبات بنسبه 50% حتى فى السرعات البطيئه مش هتحس بالملفات خالص وهتحس انك راكب عربيه من الجداد
    ودى صورة للسوست الاماميه ومكان القطع لتوطيه العربيه واوعى تسخن السوست علشان كده انت هتبوظهم يعنى اقطع من غير متسخن على السوست:

    ودى صور عربيات متسقطه:













    3-البارات الى اتكلمنا عليهم سواء فى الشنطه او الحوض بتثبنت العربيه عند الملفات وفى ناس بتعمل بار تحت العربيه فى المنتصف بالظبط البارات دى بثبت شاسيه العربيه وتمنعه من الحركه فى الملفات وطبعا فى المطبات
    4-تغيير الفرامل بفرامل اكبر يعنى انت سقطت موتور ريجاتا ركب بقى فرامل الريجاتا لانك هتحتاجها فى السرعات الكبيرة وحتى السرعات البطيئه هتلاقى العربيه بتفرمل اسرع واحسن لان فرامل الريجاتا اكبر وممكن تدور على حاجه تركب فى ال 128 وتكون اكبر وادائها احسن
    5-متنساش مساعدين وسوست رياضى يعنى ثبات اعلى وقدرة على اخد الملفات بسرعه اكبر وبدون تاثير على ثبات العربيه

    نتكلم بقى على المكونات الى بداخل السيارة:
    طبعا سقطت موتور او مسقطتش تعالى نخلص من مشاكل ال 128 المقرفه هى مشاكل سهله بس مقرفه شويه بالاخص كهربه السيارة:
    1-الابلتين والكوندنسر متستخسرش حاجه غاليه وتجيب ابو 12 جنيه هات الغالى علشان ميلدعش كل شويه وتقعد تصنفر والعربيه تقف وهيه ماشيه ويبقى منظرك وحش او ياخى غير الاسبراتير كله باى اسبراتير بتاع عربيه جديه هيفرق معاك فى التدوير
    2-البوجيهات هات بوجيهات غاليه غاليه غاليه ياريت بوجيهات رياضى لانى دى بتاثر فى الموتور ومعن ان ادائها عالى يبقى الاحتراق فى الموتور بيتم بشكل كويس وتستفيد من اداء الموتور بالكامل
    3-الاسلاك الى بتوصل بين البوجيهات والاسبراتير هاتها نضيفه علشان ميبقاش فى فقد فى الشراره
    4-الكربراتير نضفه كل شويه واتاكد انه شغال تمام ومفهوش مشاكل
    5-هات موبينه الى بتشتغل فى الثلج يعنى موبينه روسى علشان فى البرد العربيات مبدورش
    6-استخدم زيت نضيف وغالى علشان بجد بجد بيحافظ على الموتور وبيدى اداء عالى جدا ومع الحرق الموتور مش هيتاثر يعنى احرق وميهمكش
    بيتهيالى كده خلصنا من الحجات المقرفه الى بتبوظ كل شويه طبعا فى حجات كتير تانى بس نصيحه هات الغالى بيعيش هو مش غالى قوى بس بيبقى فيه فرق فى السعر
    طبعا بالنسبه للمواتير فى ناس بتشترى كربراتير بابين والى بيشترى كربراتير لكل سلندر والى بيشترى كربراتير ليه فتحتين لسحب الهواء ودى كلها علشان يحسن دخول الهواء والبنزين علشان يحصل على اداء عالى وفى ناس بتغير المنفولد والمسورة بتاعت الشكمان كلها علشان يركب منفولد رياضى احنا ملناش دعوه باكلام ده المهم انت سقطت موتور بالفتيس والكربراتير بتاعه ويكون موتور حالته كويسه واعمل بقى الحجات الى قولتلك عليها.....
    طبعا فى ناس بتغير بساتم وتكون بساتم رياضى ذات ضغط عالى او يغيرو عمود الكامات وعمود الكرنك والبلات او يوسعو فى السلندرات احنا ملناش دعوه بالناس دى......
    كده اكون انتهيت من الكلام على العربيه من الداخل سواء تدعيم الشاسيه اوتسقيط الموتور....


    هتكلم عن العربيه من الخارج وكيفيه تظبيطها سواء من اللون الخارجى او حتى العتب والاكصدامات والتنفيخ والفرش الداخلى للسياره والتابلوه وكل حاجه عن التظبيط الخارجى للسيارة:

    اولا اللون:

    اللون الخارجى للسيارة مهم جدا جدا لانه بيعبر عن السيارة وصاحبها وبيشد الانظار اليها ويخليها مميزة وطبعا الالوان حسب الذوق بس دلوقتى بقى فيه الوان مشهوره ومحبوبه للتظبيط طبعا كلها بتكون ميتالك بس بتكون عبارة عن لونين مضروبين فى بعض او اساس العربيه بيكون لون ابيض مثلا وبيضرب فوقيه برتقالى او اخضر فاتح او بتكون العربيه لونين متداخلين فى بعض سواء من فوق لتحت او من اول العربيه الى اخرها او العكس طبعا نصيحه لاى حد بيدخل عربيته فرن او ناوى يدخلها ياريت تشترى اجود الانواع من ادوات البياض وطبعا تختار صنيعى جامد علشان الشغل يطلع كويس وعلشان اللون ميتغيرش او يبوظ فى وقت قريب طبعا الخلط بواسطه الكمبيوتر قصدى خلط الالوان بواسطه الكمبيوتر بقت من الحلول الجامده قوى والى سهلت العمليه ودلوقتى هفرجكم على مجموعه صور لل 128 بالوان الميتالك:
    (زى الرموش الى بتركب على رفارف

    طبعا بعد دخول الفرن والخروج منه لازم تغيير الفوانيس الى وراء والى قدام بجداد ويكونو من الاصلى علشان ميبهتوش بسرعه وطبعا تغير الشيكه الامامى وفوانيس الاشاره وكل مايتعلق بالنور والكهرباء الخارجيه طبعا علشان العربيه تبان جامده متركبش الفيبر بتاع ال 128 سواء الى فى الاكصدام او الى على الرفرف او الى فى جناب العربيه لان شكلهم استيل قديم ولاحظ الصور.......

    ودى صور لبعض الالوان الجامده على ال 128:





    طبعا بعد لما شوفت اللون وكده هنتكلم على التنفيخ او البودى كيت body kit التنفيخ والعتب والاكصدامات وكده طبعا فى ناس فاكره التنفيخ ده صعب او مكلف بس لا التنفيخ ده عباره عن رفارف صغيره (زى الرموش الى بتركب على رفارف ال 128 وبتكون بلاستك او فيبر)
    بس دى بتكون صاج وبتتركب على رفرف العربيه الاصلى عن طريق السمكرى بيلحمهم فى الرفرف وطبعا التنفيخ بيتعمل قبل الفرن ولو مفيش فرن اصلا يبقى تدهن الصاج بلون العربيه لان الصاج بيجى لونه اسود:
    بالنسبه للعتب فدده بيكون فيبر وبيتركب تحت البابين من الجنبيين للعربيه وبالنسبه للاكصدامات دى بتتعمل عموله عند بتاع الفيبر وبتختار شكل او انت بتجبله شكل وهوبيعمله...
    فى ناس بتغير الفوانيس الى وراء بفوانيس (انا مسميها فوانيس فرارى) ودى بتكون عباره عن فانوسين مدورين فى كل جنب بيكون لونهم احمر ودى بتتعمل عادى برضه عند السمكرى وبتدى شكل جامد
    ولو مكنش كده يبقى تفيم الفوانيس اسود الفوانيس الى وراء طبعا......
    طبعا المرايات تتغير بمرايات جانبيه يكون شكلها حلو اقله مرايات الشاهين وتكون بنفس لون العربيه فى ناس بتعمل فتحت سقف وطبعا ده شغل السمكرى وفى ناس بتنفخ الكبوت الامامى ودى برده تبع شغل التنفيخ وكده طبعا الجنوط وهوريكم صور كام جنط جامد....
    اسبويلر بس انا مبفضلوش فى ال 128 طبعا نور زينون مش شرط من ابو 1000 جنيه لا فى 60 جنيه وجامد برده بيكون 400 وات طبعا كشاف جديد اصلى من قدام مع زجاج اصلى اتفرج بقى على احلى نور واحلى رؤيه طبعا التفييم انا مبفضلوش علشان المشاكل مع المرور وكده فى ناس بتفيم السقف جلد اسود وبيبقى شكل العربيه جامد الاستيكرات موضوع جامد برضه بتبقى على جناب العربيه والكبوت وفى منها الوان وابيض واسود وفى منها بيكون غالى وفى رخيص جدا طبعا مبتكلمش عى الاستيكرات التعبانه الى بتخلى شكل العربيه فرح لا طبعا انا بتكلم على الاستيكرات النضيفه بتاعت اندر جروند وكده.....بالنسبه لمفلر صوته عالى انا مبحبوش قوى لانه بيدى صوت مزعج جدا جدا ومبيديش راحه خالص وانا من رائى اى ديل عادى مبيعملش صوت يكون منظر احسن طبعا فى ناس مبتركبش الاكصدام الامامى فى ال 128 وبعتمدو على شكل سدر العربيه والفتحات الى فيه فبيديها شكل رياضى وده سواء الاكصدام من قدام او وراء......فى برضه ناس بتركب اكصدامات زى بتاع الجيب وبيكون عليها كشفات ضباب بتبقى حلوه برده وفى برده فتحات هواء بتتكرب فى الكبوت او الرفارف او فوق السيارة وبتتكرب برده على انها شغل تنفيخ وبودى كيت......
    ودى صور الصاج بتاع التنفيخ وصور العربيه وهى متنفخه:





    تكلم بقى عن العربيه من جوه والكماليات الى ممكن تبقى فيها:
    1- زجاج كهربائى للاربع ابواب
    2-سنتر لوك
    3-انذار
    4-طاره اسبور مع طقم دواسات للارضيه ودواسات لبدالات البنزين والفرامل والدبرياج يكونوا نفس اللون او متشابهين
    5-فرش داخلى لونين ويكون شبيه للون الطاره واللون الخارجى للسيارة او على الاقل متناسب معاه ويكون الفرش شامل الكراسى بالابواب ويكون لونين ويفضل طبعا فرش جلد نوع فاخر او نضيف على الاقل
    6-تابلوه نضيف او تغيير التابوه بتابلوه سيارة حديثه مثل الاونو او الاوبل كورسا ودول ينفعو ويركبو على طول وهيدو شكل حلو وجامد للعربيه
    7-عداد ار بى ام ومعه مجموعه من عدادت الزيت والمياه والحراره
    8-تسجيل سى دى وسماعات نضيفه وجى ام(طبعا الاختيارات كتيييييير والميزانيه مفتوحه) طبعا التسجيل بيعمل فرق كبير
    9-طبعا دى فى دى بس انا بعتبره بزخ على الفاضى وملوش لازمه وكفايه منظره وانت مش عايش فى العربيه علشان تركب دى فى دى
    10-كراسى طياره بالنسبه للكرسيين الى قدام
    11-التكييف طبعا لو اتسقط موتور فيه تكييف
    التعديل الأخير تم بواسطة HRH Sameh; 17-06-2007، الساعة 12:26 PM

  3. #3
    تاريخ التسجيل
    Nov 2005
    المشاركات
    143
    ودى صور لعربيات متظبطه من جوه طبعا فيات 128:






















    كده بقى ال 128 مبقيتش 128 ومفيش احسن من كده تظبيط للعربيه دى والكلام ده مش مكلف ولا حاجه طبعا فى ناس هتقولى ده كتير....انا مبقولش اعمل كل حاجه اعمل الى هتقدر عليه والى انت شايفه اولى والباقى هييجى براحته وقدامك اختيارات كتير ابتدى بالى انت عايزه.....
    مستنى ارائكم فى الموضوع والى عنده افكار يضيفها.........
    mohammed_ak47@hotmail.com
    mig44n..........
    التعديل الأخير تم بواسطة HRH Sameh; 17-06-2007، الساعة 12:28 PM

  4. #4
    يشرفنى انى اكون اول واحد يرد على الموضوع الهايل دة

    رغم انى مبحبش 128 وعندى امشى على رجلى ومركبهاش

    بس انتا فعلا راجل بتفهم

    شكرااااااااااااااااااااااااااااااااااااا
    التعديل الأخير تم بواسطة Mr.Esl@m; 17-06-2007، الساعة 01:40 AM

    F.C.Barcelona






  5. #5
    تاريخ التسجيل
    Nov 2005
    المشاركات
    143
    شكرا ليك يااسلام على ردك الجميل ده وباذن الله يعجب باقى الاعضاء..........:shiny000:

  6. #6
    الصورة الرمزية HRH Sameh
    تاريخ التسجيل
    Mar 2005
    المشاركات
    2,598
    موضوع جامد جدا يا محمد باشا
    تم التظبيط والتثبيت
    وتسلم ايدك

  7. #7
    تاريخ التسجيل
    Jan 2006
    المشاركات
    163
    بصراحة موضوع جامد جدا جدا جدا
    ومجهود جامد جدا جدا جدا

  8. #8
    تاريخ التسجيل
    Jan 2006
    المشاركات
    163
    بصراحة موضوع جامد جدا جدا جدا
    ومجهود جامد جدا جدا جدا

  9. #9
    تاريخ التسجيل
    Jan 2006
    المشاركات
    163
    بصراحة موضوع جامد جدا جدا جدا
    ومجهود جامد جدا جدا جدا

  10. #10
    الصورة الرمزية zAzU
    تاريخ التسجيل
    Aug 2005
    المشاركات
    492
    جامد جدا جدا بس ياريت تقولنا الاسعار مثلا سعر المواتير والعفشه وسعر التابلوه
    يعنى موتور الاونو التربو ده يعملو كام كده ؟؟
    التعديل الأخير تم بواسطة zAzU; 17-06-2007، الساعة 09:12 PM

  11. #11
    تاريخ التسجيل
    Nov 2005
    المشاركات
    143
    شكراااا لاداره منتدى السيارات لانها ثبتت وعدلت الموضوع بالسرعه دى بس يارب متكونش مسحت منه حاجه....:icon30:.....
    التعديل الأخير تم بواسطة mig44n; 17-06-2007، الساعة 10:17 PM

  12. #12
    الصورة الرمزية hesham69
    تاريخ التسجيل
    Nov 2005
    المشاركات
    144
    موضوع جامد اوى يا مان انا عندى اتنين 128 كنت قربت اتخنق خلاص وعايز اغير بس انا النهارده شوفت واحده بتشد مركب لانشيا 1600 عقدنى ومهبط العربيه حسسنى ان ال128 ديه جامده اوى وموضوعك كمان خلانى احبها شكرا ياباشا
    * إسم الشركة : بص وشوف لخدمات الانترنت
    * صاحب الشركة : هشام محمد محمود
    * مقر الشركة : جمهوريه مصر العربيه الجيزه
    * خدمات الشركة : استضافه - دعم فني
    * هاتف الشركة : من دخل مصر 0121477563
    من خارج مصر 0020121477563
    * بريد الشركة : admin@boswshoof.com
    * الدعم الفني : sales@boswshoof.com
    * روابط الشركة : http://www.boswshoof.com

  13. #13
    الصورة الرمزية HRH Sameh
    تاريخ التسجيل
    Mar 2005
    المشاركات
    2,598
    اقتباس المشاركة الأصلية كتبت بواسطة mig44n مشاهدة المشاركة
    شكراااا لاداره منتدى السيارات لانها ثبتت وعدلت الموضوع بالسرعه دى بس يارب متكونش مسحت منه حاجه....:icon30:.....
    هههههههههههههه لأ ماتخافش ما فيش حاجة اتشالت
    والموضوع جامد ويستحق المجهود والتثبيت بأقصي سرعة كمان

  14. #14
    تاريخ التسجيل
    Nov 2005
    المشاركات
    143
    ارجع واقول شكرااا لاداره المنتدى......:icon30:
    اقتباس المشاركة الأصلية كتبت بواسطة hesham69 مشاهدة المشاركة
    موضوع جامد اوى يا مان انا عندى اتنين 128 كنت قربت اتخنق خلاص وعايز اغير بس انا النهارده شوفت واحده بتشد مركب لانشيا 1600 عقدنى ومهبط العربيه حسسنى ان ال128 ديه جامده اوى وموضوعك كمان خلانى احبها شكرا ياباشا

    طبعا انا عارف ان فى ناس كتير بتكره ال 128 وانا مبقولش انها فيرارى او انها بى ام بس فى حاجه واحده لازم الكل يعرفها وميتكلمش فيها ولا يجادل:
    الفيات 128 ارخص عربيه فى التكاليف ممكن تعدلها فى مصر......الفيات 128 ليها تعديلات كتييييير قوى يعنى قدامك اختيارات كتير للتعديل فيها.....وطبعا احنا كلنا عارفين ان اكتر عربيه فى مصر هيا ال 128 علشان كده اى حد مظبطها بيسيب اثر كبير قدام الناس بالنسبه للعربيه دى وبيخليهم يغيرو رائيهم فيها وده لان تظبيطتها سواء الخارجيه او الداخليه (موتور وعفشه الخ......) بتكون تظبيطات مؤثرة على العربيه وتاثيرها بيبان فى قياده العربيه طبعا بتتغير 100 % بالنسبه للقياده......طبعا الى هاوى تظبيط عربيات وتسقيط مواتير انصحه انه يبتدى بال 128 يعنى ال 128 بدايه مش اكتر.....
    وبكرر ان ال 128 بدايه مش اكتر....... ونفسى من كل الى اتخنق من ال 128 يقولى اتخنق منها ليه وانا هعمله علاج نفسى علشان ميتخنقش ويستحملها:sly00000:.......

  15. #15
    تاريخ التسجيل
    Nov 2005
    المشاركات
    143
    ودى بقى شويه صور ل 128 جميله جدا وفيها تابلوه بتاع فيات اونو بس جامد وكمان الموتور وكل المكونات الى فى الحوض مدهونه بالوان جميله جدا:








    ودى صور لواحد رش التابلوه بتاعه بس طبعا لو هترشه طبعا طلعه من مكانه واوعى ترشه وهو متركب علشان الرش عن طريق بخاخه الاسبراى ودى بتعمل 7 جنيه يعنى الاسبرى بتاع الرش بيعمل 7 جنيه ترش بيه التابلوه على نفس اللون الخارجى للسيارة او على الاقل نفس لون الفرش الداخلى للسيارة وادعيلى بعد كده بس اوعى تعمل حاجه غلط وتدعى عليا:crazy000::



    طبعا انا بفضل تابلوه مختلف عن تابلوه ال 128 لانه مش حلو وشكله قديم قوى....ممكن يبقى تابلوه فيات اونو او تابلوه اوبل كورسا.......

موضوع مغلق
صفحة 1 من 10 1 2 3 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك