موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 16
Like Tree0Likes

الموضوع: شرح مفصل لمضرب التنس من A to Z

  1. #1
    الصورة الرمزية bellydancer
    تاريخ التسجيل
    Jul 2009
    المشاركات
    178

    Icon1 شرح مفصل لمضرب التنس من A to Z

    بسم الله الرحنمن الرحيم
    وبه نستعين
    أما بعد

    الاخوة و الاخوات أعضاء المنتدى الكرام و رواد قسم التنس... أقدم اليكم اليوم شرح مفصل لمضرب التنس من الالف للياء
    و أرجو من الله التوفيق , ومنكم الردود , و من المشرف التثبيت

    طبعا أختيار مضرب من بين كل المضارب اللى موجودة فى الوقت الحالى أمر صعب جدا انا عن نفسى كنت بشد فى شعرى من الحيرة ولاى زود الموضوع معايا أنى ملاقتش حد فاهم فى المضارب علشان يساعدنى فى الاختيار ودة طبعا كلكم مجربينة بس الحمد الله عملت بحث عن النت و قرات فى الموضوع دة كويس و جربت فبل ما احاول اعمل الموضوع دة بحيث انى اساعد الاعضاء كلهم و أوفر عليهم عناء الاختيار.

    فى ناس كتير جدا بيميلو انهم يشتروا مضارب الMasters زى Federer و Nadal ودة أغلب الناس فى العالم كلة مش فى مصر بس وده اكبر غلط لان كل واحد لازم يختار المضرب المناسب للاسلوب لعبة هو مش لعب واحد هو من معجبية

    و أن شاء الله هتكلم عن الFrame من حيث :-
    Racquet Head Size - Length - Weight - Handle Grip Size
    كما سيشمل الموضوع أيضا بعض النقاط الهامة الخاصة بالخيوط من حيث :-
    String pattern - String tension - String Gauge

    واحب أأكد انى جربت اكتر من 15 مضرب مختلفين علشان انقل ليكم معلومات صحيحة و متكنش اى كلام نظرى

    أولا الاطار (Frame) :-
    1-Head Size : وتعنى حجم و أتساع رأس المضرب و بتقاس بالانش - دى أول ,اهم حاجة الواحد لازم يعمل حسابها لما يشترى مضرب .
    وتقسم الى 3 أنواع (MidSize -MidPluse - OverSize)

    A- الOver Size دة يبدأ من 105 ~118 و هو الاختيار الامثل للمبتدئين لان المضرب فى Power عالى بسبب الهد الكبيرة فهى أشبة (بالنطيطة ) عارفنها ? :P الى هى Trampolina كل لما الهد تكبر الكرة هتروح ابعد من غير مالاعب يبذل أى جهد و دة حاجة المبتدئين محتاجنها جدا علشان يضمن ان الكرة هتعدى الشبكة

    B- ال MidPlus ودة من 95 ~ 104 ودة الاشهر بين لاعبة التنس المحترفين فمثلا Nadal أختار Babolat Areo Pro والهد بتاعتة 100 أما Gonzalez فاختار Babolat Puer Stom والهد بتاعة 98 و الهواة الى مستواهم مرتفع و النوع دة من المضارب بيوفر كلا من الPower & Control

    C-ال MidSize من 94~88 و أشهر من لعب بهذا النوع من المضارب فى العصر الحالى Roger Fedrer فقد أختار Wilson BLX Six.One و الهد بتاعت المضرب 90 و من العصر السابق Pete Sampres و أختار Wilon K Pro Staff و الهد بتاعة 88 و يتميز هذا النوع بانه يوفر الحد الاقصى للتحكم Pure control

    قبل ما أنتقل الى النقطة الثانية أحب أجاوب على سؤالكم ( يعنى هى جت على 2 أنش فرق = 13سم مربع ) ?
    وبصراحة دة سؤال رخم لان فعلا محدش يقدر يحس بالفارق الى بين الاحجام الا واحد عندة sensation عاااااااالى , بس سبب الاختلاف ان شركات المضارب عاوزة توفر أنسب حاجة لكل لاعب فمثلا لو لاعب بيحب يعمل Short Swing هيختار هيد 100 + وعكسة الFull Swing هيختار 98 و أنتا نازل و بردة ال BackHand 2 أو BackHand 1


    2-Length : ودة طول المضرب و فى الغالب بيكون ال Stander وهو 69سم أو 27 أنش - ولاكن ممكن يتغير ل 27.25 أو 27.5 أى ما يعادل 69.425 و 69.85 و دة ناااااااااادرا لما تلاقى حد بيروح لهذا التغير عن الStander لان الطول الزيادة دة بيؤثر على عزم المضرب (قوة الدوران ) علشات كدة منصحش حد انة يخاطر و يجيب أطول من 27 أنش

    3- Weight : وزن المضرب وده بيكون بدرجة كبيرة مرتبط بالهد سيز و الشركات بتربط بينهم وبتنسق الموضوع دة كويس فمثلا المضرب ال Dunlop ِِِAreoGel 4D الجديد اللى ديفيدنكو و فيرداسكو بيلعبو بيه الشركة عمله منه 3 أنواع Stander 300 gm , Toue 320 gm , Lite 280 gm
    نرجع نسأل نفس سؤال الHead Size يعنى هيه جت على 20 جراااااام ؟ (أيه الهيافه دى)
    بصوا يا شباب كل لما وزن المضرب يخف ال Power يزيد !!!!!!!!!
    ايوة لان دة هيخلى ال Swing أسرع فسرعة الكرة تزيد مما يعنى زيادة البور
    واحد ذكى يقول طب على كدة منا أجيب مضرب 10 جرام و أضيها
    لاأ حاسب يجيى بقى زيادة الوزن كل لما الوزن زاد الControl يزيد (طيب أزاى؟ )
    لما وزن المضرب يزيد دة هيقلل سرعة الSwing الكورة مش هيبقى فيها بور عالى دة يخلى توجيه الكورة سهل اللى هو Control

    4- Handle Grip Size : فى ناس كتيييييييييييييير متعرفش يعنى أيه دة أصلا , لو عندك مضرب أصلى امسكه و بص على أخر المقبض بتاعه من تحت , هتلاقى 3# و النحية التانية 8/3 دة الغالب ممكن يتغير
    المهم يعنى اية الارقام دى !!!!!!!!
    الرقم اللى جنب ال# دة رقم مقاس المقبض و موجود من 1~5 , 1~2 للاطفال و 3~4 لاأغلب الناس أما 5 دة للى كف اديهم كبير زى Jhone isner
    أما الرقم الاخر فدة مقاس جوة المقاس الاساسى و هم (1/8 - 1/4 - 3/8 -1/2 - 5/8 - 3/4) وكل دة علشان تختار أنسب حاجة لكف ايدك
    بس أغلب التوكيلات بتسورد مقاسين فقط #3 3/8 و #4 1/4 لان دول بيمشوا مع كل الناس و يعتبروا Stander وايضا ممكن لو طلعت صفيرة انك تكبرها عن طريق لف DoubleOver Grip + Repleacment Grip أو حسب ما انتا تحس انه مناسب

    و أنا انصح ب 3# 3/8 لانة ممكن تظبطه على مزاجك

    أن شاء الله هكمل الموضوع فى نفس الصفحة و لو فى حد عندة سؤال ممكن اجاوب عليه لو اعرف أجابته و أتمنى ان نتناقش جميعا فى الموضوع حتى نستفيد من تجاربنا و خبراتنا

  2. #2
    الصورة الرمزية eng_loly
    تاريخ التسجيل
    Nov 2008
    المشاركات
    3,821
    اول شكرا جدا على المعلومات ديه
    استفدت منها جدا فعلا بالرغم انى مبلعبش ومش هلعب تنس بس بصراحة حسيت انى فعلا استفدت
    منتظرة انك تكمل ان شاء الله ولو كان ردى ديه هيغيرلك تنظيم الموضوع قوللى
    الموضوع طبعا مثبت







    The King Never Dies,,, Long Live The King

    peRFect






  3. #3
    الصورة الرمزية bellydancer
    تاريخ التسجيل
    Jul 2009
    المشاركات
    178
    بسم الله الرحمن الرحيم
    نستكمل الموضوع...

    أنا كدة الحمد الله شرحت كل حاجة متعلقة بالمضرب و قبل ما أنتقل للخيوط أحب أتكلم عن أختلاف المضارب من حيث الشركات
    وأشهر الماركات فى الاسواق Wilson - Head - Babolat - Dunlop -Prince وكلهم بيتنفسو من أجل تحقيق أعلى أرباح و أكفء مضرب علشان كدة كل سنة هتلاقى Update للمضرب و الملحوظ أن لما شركة بتخترع حاجة الشركات التانية بتقلدها ولكن بتغير فى أسم الاختراع و المادة المصنوع منها فمثلا كل مضارب 2010 الحالية الشركات زودات الصلابة بتاعت المضرب stiffness
    فشركة Wilson أخترعت ال BLX ودة خليط بين 10 مواد خام زى الجرافيت و البازلات وكاربون
    أما Babolat أخترعت ال GT دى عبارة عن الجرافيت G و Tungsten و اسمة اللغوى عنصر التنجستين الفلزى
    و Head عملت ال Youtek - شركة Dunlop أطلقت أسم AeroGel 4D - و Prince أسمت EXO3
    خلاصة القول موضوع الشركة دة حسب رغبتك و الشركة التى تغريك بشكل المضرب و أسمة و المشاهير الى متعقدة معاهم بس المهم أنك تركز على الموصفات الى شرحتها فى الاول وانته هتلاقى اللى انتا عاوزه

  4. #4
    موضوع رائع يا ريس وفعلا مفيد جدا لناس كتير

    بس اسمحلى انا هعلق على حاجة

    موضوع الوزن بتاع المضرب وانه كل ما المضرب وزنه بيخف البور بتاعة بيزيد والعكس صحيح

    هو انت شرحك للسبب هنا كان يتعلق بسرعة السوينج بس انا شايف ان الوزن مش الوحيد اللى بياثر على سرعة السوينج

    شكل فريم المضرب والمادة اللى مصنوع منها المضرب برضه من العوامل المؤثرة على سرعة السوينج

    سرعة السوينج وعلاقتها بالوزن ده اللى بيتحكم فيها قوة ذراع الاعب

    هديك مثال فيدرر شايل مضرب 360 جرام واتفرج على سرعة السوينج بتاعه
    سريعة جدا

    اللى عاوز اقوله انه المفروض كل ما الوزن يزيد الStability بتاعة المضرب بتزيد وقدرته على ال Return وصد الكور القوية بتزيد

    وايضا قدرته على توليد كور ذات بور عالى بتبقى اعلى

    بالتوفيق للجميع
    التعديل الأخير تم بواسطة Black Dead; 21-05-2010، الساعة 11:36 AM

    Retired Gamer

  5. #5
    الصورة الرمزية fuooz
    تاريخ التسجيل
    Nov 2007
    المشاركات
    13,101
    توبيك جميل اوى وفعلا استفدت منه كتير تسلم ياغالى
    بس تنصح ايه للمبتدئين يلعبوا بيه كمضرب

  6. #6
    معلومات غايه في الدقه والجمال انا كنت عارف جزء قليل منها
    بس استفدت جدا ودي تبقي مرجع لاي حد يبقي عايز يشتري مضرب يبقي فاهم بيجيب ايه
    تسلم ايدك


    Simply He Is The Best Ever - Messi and RF FOREVER



    SAMSUNG Merchandiser (12-2009 : 03-2011 )
    Now from 03-2011 SAMSUNG Supervisor


  7. #7
    الصورة الرمزية bellydancer
    تاريخ التسجيل
    Jul 2009
    المشاركات
    178
    الاخ العزيز Fuooz
    فى مدربين بينصحوا المبتدأ انه يشترى مضرب رخيص زى ONYX & WISH دة لان سعرة بيتراوح بين 100 ~150 جنيه بحيث أنك تبدأ بيه وتشوف هتكمل فى التنس ولا لآء
    بس دة من وجه نظرى خطأ كبير لان المضارب دى مصنوعة من الالمنيوم و النحاس ودى مواد رديئة جدا ومفيش فيها أى تكنولوجيا , مجرد حتت حديد بتضرب الكور ودى مش هتفيدك بأى حاجة بالعكس ممكن تضرك زى محصل معايا كدة ويجيلك Tennis ELBow قدر الله

    أنا أنصحك أنك تجيب مضرب أصلى من الماركات اللى انا أشرت أليها بس يكون موديل قديم شويه 2005~2007 و دة سعرة فى حدود 250~400 جنيه أو حاجة مستعملة موديل جديد شويه 2007~2009 ودى أكيد أغلى فى حدود 550

    وبالنسبة للموصفات بتاعت المضرب هات الStander يعنى :-
    HeadSize:- 100 Legnth :-27 Wight:-300 String pattern 16x19 GripSize :- #3 3/8
    بحيث تبقى مسكت العصا من المنتصف لو حسيت أن فى حاجة مش مريحاك تعرف تتفداها لما تيجى تشترى مضرب جديد موديل السنة زى اللى مع المشاهير وفى نفس الوقت متزعلش على اللى ادفع فى المضرب اللى هتجيبة

    أما لو أنتا جاااااااااد فى موضوع التنس وناوى تدخل بطولات زى ما بتقول أنصحك و أنا مغمض أنك تجيب Babolat Puer Drive GT ودة المضرب اللى بدا بية معظم الاعبين المتعاقدين مع Babolat الاضافة أنه محقق أعلى مبيعات من بين المضارب اللى Babolat مصنعاها
    سعر المضرب 1285 بالفتلة و موجود فى التوكيل بأكادمية سماش بالمطار
    وبالتوفيق ومستنين بطل مصرى منافس فى بطولات الماسترز

  8. #8
    الصورة الرمزية bellydancer
    تاريخ التسجيل
    Jul 2009
    المشاركات
    178
    ثانيا الخيوط (String)
    1-String Pattern:- تعنى عدد الخيوط الطولية Main و العرضية Cross ويوجد 3 أنواع منها
    A) كثيف الخيوط و يكون مكون من Manis 18 X Crosses 20
    B) الخيوط متوسطه الكثافة ويكون Mains 16 X Crosses 19
    C) قليل الكثافة و مكون من Mains 16 X Crosses 18

    ويرجع التنوع و الاختلاف بينهم الى تاثير كل نوع منهم على الكرة وينحصر فى نقطتين :-

    1- مقدار القوة Power أو التوجيه Control فكلما زاد عدد الخيوط أزداد القدرة على التحكم و التوجيه بينما كلما أنخفض عدد الخيوط أرتفعت القوة التى تعطيها الخيوط للكرة,
    ويمكن شرح هذة النقطة --> الخيوط ما هى الا أسلاك قابلة للثنى و الالتواء وعندما تصدم الكرة هذة الاسلاك ‏سوف تنحنى ولكن الوضع الطبيعى أن تكون الاسلاك مستقيمة لذالك سوف تحدث ردة فعل لكى ترجع لما كانت عليه تتأثر بها الكرة فى شكل أندفاع - وفى حالة الخيوط الكثيفة يكون الترابط بينهم شديد ولا تستطيع الكرة ثنى الاسلاك و العكس

    2- القدرة على توليد الدوران Spin فى الكرة فالاسلاك قليلة الكثافة قادرة على توليد كمية كبيرة من الدوران حيث تزدات المسافات بينها فيكون لكل سلك منفرد تأثير كبير على الكرة

    2-String Gauge:- ودة قطر السلك ويقاس بالمليمتر والشركات اللى بتصنعها أتفقوا على توحيد الاسماء و القياسات ورمزوا لها بالارقام التالية (16=1.30 مم , 17=1.25مم , 18=1.20مم) فمثلا هتلاقى الخيوط و أنتا بشتريها أسمها كدة Babolat Pro Hurricane 18 String الاختلاف بين المقاسات دى بيعمل شوية فروق يمكن توضحها فى الجدول دة


    3-String Tension:- عبارة عن قوة شد الخيوط على اله الشد و أى مضرب بيكون مكتوب عليه المدى المسموح به اللى المضرب يتحمله Recommended Tesnion أنتا بتختارمابين أقل رقم أو أقصى أو أى رقم مابنهم ويمكن توضيح الاختلاف فى الجدول التالى

    بهذا أكون أنهيت كل الشرح الخاص بمضرب التنس من A To Z زى ما وعدت
    أشوفكم فى موضوعى الجديد Tennis Player Gear&Equipment

  9. #9
    الصورة الرمزية hassanchat
    تاريخ التسجيل
    Oct 2004
    المشاركات
    2,419
    Nice Work .. Thanks A lot



  10. #10
    الصورة الرمزية bellydancer
    تاريخ التسجيل
    Jul 2009
    المشاركات
    178
    العفو يا جميل
    مبعملش غير الواجب ,واتمنى ان أعضاء المنتدى يستفيدوا و يتحسن مستواهم فى اللعبة
    و يبقى عندنا ابطاااال بجد مش شريف صبرى و كريم مئمون بس اللى هما كمان مش مهتمن بالتتس كرياضة احتراف و بيلعبوا محليا و البطولات الدولية المقامة عى ارض مصر

  11. #11
    الصورة الرمزية khokha_12
    تاريخ التسجيل
    Apr 2008
    المشاركات
    203
    موضوع بجد جامد اخر حاجه ومجهود عالى جدااااا شكرااا جداااا بجد
    بس كان فى سؤال انا بلعب دلوقتى والكوتش قال لى غيرى المضرب بتاعك
    اوكى انا دوقتى بلعب تنس بجد يعنى نفسى ابقى فى بطولات فا تنصاحنى اجيب
    مضرب نوعه ايه بس مؤقت لغايت ما اجيب واحد ماركه
    التعديل الأخير تم بواسطة khokha_12; 24-06-2010، الساعة 07:22 AM

  12. #12
    تاريخ التسجيل
    May 2009
    المشاركات
    1,940
    اقتباس المشاركة الأصلية كتبت بواسطة eng_loly مشاهدة المشاركة


    استفدت منها جدا فعلا بالرغم انى مبلعبش ومش هلعب تنس بس بصراحة حسيت انى فعلا استفدت

    أولاً شكرأ أخى على الموضوع الممتاز والشرح المفصل ..
    ثانياً .. مثل حضرتك لم أمسك فى حياتى مضرب تنس .. ولكن لا أعرف ما سبب عشقى لهذه اللعبة
    أتابع أخباراها وأخبار أبطالها وأشاهدها لساعات يومياً وبدون ملل .. هى فعلاً رياضه عريقة
    ورياضة الأمراء
    فى حفظ الله
    *****************
    قنـاة القـرآن الكريـم على YouTube تفضّـلـوا بالزيارة


    كود PHP:
    http://www.youtube.com/user/QuranSound 
    *****************

  13. #13
    شكراً bellydancer أفدتني بحجات كنت بدور عليها من فترة بس جبت مضرب Techno Fiberبالاحساس

    شكراً يا باشا أوي للمضرب الجديد بقا




    Will Be Back Soon

  14. #14
    الصورة الرمزية bishothelord2
    تاريخ التسجيل
    Jun 2009
    المشاركات
    68
    entaa ra2eee3 !! , begad mawdo3 to7fa we kont 3ayez a3raf 7agat kter la2etha feh
    thnxxxxxxx alot :)
    Love Is Like Wind , You Can`t See It , But You Can Feel It


  15. #15
    الصورة الرمزية tanman
    تاريخ التسجيل
    May 2008
    المشاركات
    712
    موضوع رائع و انا كان ليا استفسار
    انا عايز اخلي اخواتي البنات يلعبو تنس
    واحد عندها 11 سنه و التانيه 8 سنين
    في نوع معين ممكن اجيبه ؟
    اتقوا دعوه المظلوم فإنها تحمل على الغمام يقول الله
    :وعزتي وجلالي لأنصرنك ولو بعد حين

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك