موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 15 من 42
Like Tree1Likes

الموضوع: ملف كامل عن خطوات إستقدام الزوج المصري لزوجته المصرية إلى السعودية

  1. #1
    الصورة الرمزية abvt
    تاريخ التسجيل
    Oct 2007
    المشاركات
    1,026

    ملف كامل عن خطوات إستقدام الزوج المصري لزوجته المصرية إلى السعودية

    السلام عليكم ورحمة الله وبركاته



    خطوات إستقدام الزوج المصري لزوجته المصرية إلى السعودية

    الخطوة الأولى :
    (تتم في مصر ويقوم بها الزوج )

    التصديق على قسيمة الزواج ( قسيمة واحدة بس )

    نبدأ اليوم بسم الله ونتوكل على الله ونروح أقرب محطة مترو ونقطع 6 تذاكر مترو

    9.00 صباحاً ننزل محطة التحرير ( السادات ) ونروح مجمع التحرير ندخل المجمع الدور الأرضي هنلاقي البنك الأهلى في وشنا
    وفي ممر يمين وممر شمال ندخل الممر الشمال وندخل أي مكتب ونقوله عاوز أصدق على القسيمة هيدلك على المكتب عشان كل مكتب خاص بعدد من المحاكم
    الموظف هياخد منك القسيمة وهيديك طلب تملاه وهاتدفع 260 قرش :) وهيقولك تروح المحكمة الدور كذا
    ومننساش الراجل اللى هيقابلك في أول الممر ويقولك كل سنة وإنت طيب ياباشا قل له وحضرتك طيب :)
    الموضوع مش هياخد أكتر من ربع ساعة بإذن الله بعد كده نروح عالمترو تاني ...

    9.30 صباحاً نركب المترو وننزل رمسيس ( الشهداء ) ونروح محكمة الزنانيري عند موقف أحمد حلمي أو ممكن ننزل سراي القبة ونركب حاجة لمحكمة مصر الجديدة أو حسب المحكمة اللى الموظف يقول لك عليها
    المهم هتروح مكتب الأمين العام يمضيلك عليها وبعد كده رئيس النيابة يختملك عليها ومش هتدفع حاجة خالص, وطيران عالمترو ...

    10.00 صباحاً نركب المترو وننزل سعد زغلول وطيران على وزارة العدل الدور 14 وتسأل على مكتب التصديقات
    هتدفع 250 قرش وتنتظر شوية , وبعد كده نروح فين ؟؟؟
    طيران عالمترو برضو :)

    11.00 صباحاً ننزل محطة أحمد عرابي ونروح موقف الترجمان ونسأل على مكتب تصديقات الخارجية وتقف فى الطابور وتدي قسيمة الزواج للموظف وهتدفع 11 جنيه كده الحمد لله ناقص مشوار واحد يعتبر أهم واحد ... بسرعة على المترو ...

    12.00 ظهراً ننزل محطة التحرير ( السادات ) ونخرج من المخرج بتاع المجمع ونروح نصلي الظهر في عمر مكرم وبعد كده ناخد تاكسي ونروح القنصلية السعودية بجاردن سيتي وهناك تشوف أي مكتب خدمات سياحية وتقوله عاوز أصدق على القسيمة هتدفع 110 جنيه
    ( الأسعار بتختلف من مكتب لمكتب إسأل في كذا مكتب عشان الإستغلال ) وتستلم بعد أسبوع بإذن الله

    وبعد كدا طيران على المترو عشان تروح البيت بسلامة الله :)

    ممكن تعمل المشاوير دي كلها ورا بعض في يوم واحد او يومين تلاتة إنت وراحتك :) :)

    الخطوة الثانية :
    (تتم في السعودية ويقوم بها الزوج برضو )

    عمل إجراءات الإستقدام للزوجة

    1- تعبئة النموذج الخاص بالطلب سواء للإقامة أو الزيارة مع ملاحظة استيفاء كافة الشروط والبيانات بكل دقة ومن ثم ختمها من صاحب العمل والتصديق على توقيعه من الغرفة التجارية قبل الحضور.

    2 - توضّح أسماء الأشخاص المطلوب استقدامهم من واقع وثيقة السفر مع إيضاح صلة القرابة بصاحب الطلب على أن يقصر ذلك على الزوجة والأبناء.

    3 - في حالة كون الزوجة والأبناء يحملون جنسية خلاف جنسية صاحب الطلب أو كانت لهم جنسيات سابقة فينوه عن ذلك في الحقل المخصص.

    4 - يجب إحضار أصل المستندات التالية مع نسخ منها:

    1 - جواز السفر.

    2 - قسيمة الزواج التي تم التصديق عليها في مصر.

    3 - المؤهلات العلمية.

    4 - الإقامة مع ترجمتها باللغة العربية من مكتب ترجمة معتمد بالمملكة العربية السعودية إذا كانت بغير اللغة العربية .

    5 - يلزم أن تكون الوثائق التالية:

    (أ) المؤهلات العلمية.

    (ب) عقد الزواج الذي تم التصديق عليه في مصر.

    (ج) شهادة الميلاد للأبناء والبنات
    مصدقة من الجهات المختصة في بلد المصدر أو من يمثل المملكة فيها.

    6 - سداد مبلغ الفين ريال عن طريق البنك وتقديم ايصال السداد مرفق مع الاوراق .

    7 - تقدم الطلبات لمكتب الاستقدام التابع لوزارة الداخلية.


    وبعد كده تحصل على الورقة الصفراء وتنسخها اسكانر وتبعتها بالإيميل لزوجتك


    الخطوة الثالثة:
    (تتم في مصر وتقوم بها الزوجة)

    إستكمال إجراءات الإستقدام

    الأوراق المطلوبة :
    1- جواز سفر ساري ومضاف إليه إسم الزوج
    (الزوجة بتروح مصلحة الجوازات ومعاها الباسبور وصورة منه ( من صـ2 إلى صـ 9 ) وقسيمة الزواج وصورة منها لو بطاقتها مفيهاش إسم الزوج وبتدفع 16.25 جنيه دمغات وبتنتظر ساعة وبتاخد الباسبور بس ده في حالة لو معاها الباسبور العادي مش المميكن لو معاها المميكن سيتم تغييره وتدفع 110 جنيه رسوم إصدار جواز سفر جديد لإنه للإسف مينفعش يتضاف إليه بيانات)
    2- الورقة الصفراء اللى الزوج هيبعتهالك وصورتين منها.
    3- 3صورة شخصية للزوجة.
    4- قسيمة الزواج و4 صور منها.

    ( أي ورق يتم تصويره عشان متعطليش نفسك )

    نبدأ يومنا بسم والله ونروح على المترو ...
    9.00 صباحاً ننزل محطة التحرير ( السادات ) ونركب تاكسي ونروح المكتب اللى وثقنا من خلاله قسيمة الزواج
    لو كانت أسعاره معقولة ومش إستغلاليين.
    هنديله جواز السفر وصورة شخصية والورقة الصفراء وهندفع 220 جنيه وناخد وصل وننتظر ساعتين لحين الإنتهاء من تسجيل الإنترنت. ولو في أولاد مش مضافين على جواز سفر الزوجة ولهم جواز سفر خاص بندفع لكل باسبور حوالي 100 جنيه

    خلال ساعتين الانتظار اتصلي بوزارة الصحة واحجزي موعد على رقم 16082

    11.00 صباحاً نروح مكتب جامكا القاهرة عشان تعرفي المستشفى اللى هتعملي فيها الكشف الطبي ومعانا جواز السفر وورقة النت وصورة البطاقة الشخصية وتدخلي تديهم الحاجة دي وتقعدي في استراحة السيدات وبعد ما يتم تحديد المستشفي في واحد بينادي على الأسامي تاخدي جواز السفر وتتاكدي من انه بتاعك وبداخله الورقة اللى هتروحي بيها المستشفى وغالبا بتكون مستشفى قريبة من مكان سكنك
    ( قبل دخولك هتلاقى ناس واقفة بتقول صورى جواز السفر والبطاقة وورقة النت متسمعيش كلامهم ده مجرد لم فلوس )
    هتخرجي من مكتب جامكا هتلاقى تاكسيات بتنادي على المستشفيات اللى فيها الكشف متركبيش معاهم أولا لانهم غاليين وثانيا عشان لازم تروحي تعملي التحاليل الطبية في وزارة الصحة ومتهتميش بالموعد اللى اتحجز لك المهم انك حجزتي واسمك عندهم

    12.00 ظهراً بعد ما خرجتي من مكتب جامكا تتطلعي على وزارة الصحة تعملي التحاليل ومعاكي جواز السفر وورقة النت والبطاقة الشخصية وصورتين شخصيتين و 120 جنيه التحاليل بإذن الله مش هتاخد أكتر من 10 دقائق هي شكة دبوس :)

    12.30 ظهراً تطلعي على المستشفى اللى هنعمل فيها الكشف الطبي ومعاكي جواز السفر والورقة اللى خدتيها من جامكا وورقة النت و 275 جنيه وصورة شخصية او هما هيصوروكي .

    كده الحمد لله ميبقاش ناقص غير تروحي تودي جواز السفر للمكتب وتاخدي معاكي ورقة النت وصورة قسيمة الزواج والورقة الصفراء ومبلغ 350 جنيه رسوم التأشيرة
    وهتاخدي وصل بالإستلام بعد 10 أيام أو أقل إن شاء الله

    وبردو ممكن تعملي المشاوير دي كلها ورا بعض في يوم واحد أو في يومين أو تلاتة

    تم بحمد الله ..,
    التعديل الأخير تم بواسطة ابويوسف1@; 14-11-2011، الساعة 02:35 AM
    قنـاة القـرآن الكريـم على YouTube تفضّـلـوا بالزيارة
    كود PHP:
    http://www.youtube.com/user/QuranSound 

    مــــــــصــــــــــــر
    ثــــورة شــــعـــب




    فوضي + غموض = شــائــعـــــــات

  2. #2
    عليكم السلام ورحمة الله وبركاته
    جزاك الله خيرا على الموضوع الرائع جدا يا عبدالله
    وان شاء الله الاعضاء يستفيدو منه
    فى حفظ الله



    قنـوات القـرآن الكريـم على YouTube تفضّـلـوا بالزيارة
    www.youtube.com/user/QuranSound

    www.youtube.com/user/SoundQuran





  3. #3
    تاريخ التسجيل
    Sep 2008
    المشاركات
    648
    جزاك الله كل خير على المعلومات القيمه و الرائعه ..

    عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( بَدَأَ الإِسْلامُ غَرِيبًا ، وَسَيَعُودُ كَمَا بَدَأَ غَرِيبًا ، فَطُوبَى لِلْغُرَبَاءِ )

  4. #4
    تاريخ التسجيل
    Jan 2005
    المشاركات
    134
    جزاك الله خيراً وارجو من ادارة الموقع تثبيت الموضوع حتى يستفيد منه اكبر عدد ممكن ويكون مرجع دائم لمن يريد استقدام زوجته

  5. #5
    تاريخ التسجيل
    Jul 2005
    المشاركات
    43
    شكراا على الموضوع الرائع ده بس حضرتك محددتش المهن اللى هتقبل عليها استقدام الزوجه فياريت توضحنا ايه المهن اللى تقبل وايه اللى ميقبلش
    وجزاك الله كل خير

  6. #6
    الصورة الرمزية abdallah ismeil
    تاريخ التسجيل
    Jun 2010
    المشاركات
    100
    جزاك الله خيرا على الموضوع الرائع جدا

  7. #7
    الصورة الرمزية abvt
    تاريخ التسجيل
    Oct 2007
    المشاركات
    1,026
    اقتباس المشاركة الأصلية كتبت بواسطة man pro مشاهدة المشاركة
    عليكم السلام ورحمة الله وبركاته

    جزاك الله خيرا على الموضوع الرائع جدا يا عبدالله
    وان شاء الله الاعضاء يستفيدو منه
    فى حفظ الله

    جزانا وإياك يادهبي :)
    نسأل الله أن يجعله في ميزان حسنات الجميع
    نورت الموضوع بردك ياغالي
    ربنا يحفظكم

  8. #8
    الصورة الرمزية abvt
    تاريخ التسجيل
    Oct 2007
    المشاركات
    1,026
    اقتباس المشاركة الأصلية كتبت بواسطة dellwell مشاهدة المشاركة
    جزاك الله كل خير على المعلومات القيمه و الرائعه ..
    جزانا وإياك :)
    وبإذن الله تكون إستفدت من الموضوع

  9. #9
    الصورة الرمزية abvt
    تاريخ التسجيل
    Oct 2007
    المشاركات
    1,026
    اقتباس المشاركة الأصلية كتبت بواسطة galal_14 مشاهدة المشاركة
    جزاك الله خيراً وارجو من ادارة الموقع تثبيت الموضوع حتى يستفيد منه اكبر عدد ممكن ويكون مرجع دائم لمن يريد استقدام زوجته

    جزانا وإياك :)

  10. #10
    الصورة الرمزية abvt
    تاريخ التسجيل
    Oct 2007
    المشاركات
    1,026
    اقتباس المشاركة الأصلية كتبت بواسطة emi2005 مشاهدة المشاركة
    شكراا على الموضوع الرائع ده بس حضرتك محددتش المهن اللى هتقبل عليها استقدام الزوجه فياريت توضحنا ايه المهن اللى تقبل وايه اللى ميقبلش
    وجزاك الله كل خير
    لا شكر على واجب :)
    الحقيقة كل اللى اعرفه بخصوص المهن اللى تقبل
    إن كل المهن بتقبل ما عدا مهنة العامل

    وإن شاء الله لو عرفت أي معلومة جديدة بخصوص المهن هكتبها

  11. #11
    الصورة الرمزية abvt
    تاريخ التسجيل
    Oct 2007
    المشاركات
    1,026
    اقتباس المشاركة الأصلية كتبت بواسطة abdallah ismeil مشاهدة المشاركة
    جزاك الله خيرا على الموضوع الرائع جدا

    جزانا وإياك :)

  12. #12
    تاريخ التسجيل
    Jul 2010
    المشاركات
    49
    موضوع مفيد جدا و أسلوبك سهل و بسيط و رائع.. ربنا يكرمك..

  13. #13
    تاريخ التسجيل
    Oct 2008
    المشاركات
    84
    مجهود رائع وساضيف بعض الملاحظات بناء علي تجارب شخصية لي
    1- لاداعي لارسال اصل الورقه الصفراء وممكن استخدام الصورة فقط عن طريق عمل مسح ضوئي للاصل وارساله للزوجه عن طريق الميل. وبكده حنوفر ثمن البريد الغالي جدااااااااااااااااااااااا في المملكة. ممكن تدفع حوالي 300 ريال في الورقه ده علشان تضمن ارسالها عن طريق الدي اتش ال.
    2- لو المتعاقد بيكون مع جهة حكومية فمش مهم خالص اعتماد الغرفة التجارية في المملكة ولا يتم دفع ال2000 ريال خالص لان ده للمتعاقد مع القطاع الخاص بس.
    3- لما الزوجه تروح لمكتب جامكا ممكن تغمس الفراشه اللي هناك علشان تحدد المستشفي القريبة من بيتها وماتخليشي التحديد عشوائي.
    4- الكشف الطبي في المستشفي ممكن مايتعملشي كله حسب المعرفه وده شيئ عادي لان الزوجه حتعمل كل التحاليل تاني في المملكة لانهم مش بيعترفوا بالتحاليل اللي بتتعمل في مصر وهذا حقهم.
    5- الاقامة بتتكلف هناك 200 ريال والتاشيرة ممكن تتعمل متعددة لمده 6 شهور ب 500 ريال

    والله المستعان

  14. #14
    الصورة الرمزية mancy_ghost
    تاريخ التسجيل
    Jan 2005
    المشاركات
    1,617
    رغم أني لم اصل لهذه المرحله بعد لإني أساسا لسه متجوزتش

    إنما مجهود يستحق الشكر والثناء

    جزاك الله خيرا وبالتوفيق دائما




  15. #15
    الصورة الرمزية abvt
    تاريخ التسجيل
    Oct 2007
    المشاركات
    1,026
    اقتباس المشاركة الأصلية كتبت بواسطة flaxcoder مشاهدة المشاركة
    موضوع مفيد جدا و أسلوبك سهل و بسيط و رائع.. ربنا يكرمك..

    جزاك الله خيراً :)
    ربنا يكرمني وإياك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك