موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 14 من 14
Like Tree0Likes

الموضوع: اوبريت الليلة الكبيرة "فيديو من مسرح العرائس"

  1. #1
    تاريخ التسجيل
    Aug 2008
    المشاركات
    178

    اوبريت الليلة الكبيرة "فيديو من مسرح العرائس"

    السلام عليكم

    اقدم لكم أوبريت "الليلة الكبيرة" كلمات صلاح جاهين وألحان سيد مكاوى.

    الاوبريت على اربع اجزاء:

    http://www.ziddu.com/download/256069...part1.avi.html
    http://www.ziddu.com/download/265923...part2.avi.html
    http://www.ziddu.com/download/265948...part3.avi.html
    http://www.ziddu.com/download/257131...part4.avi.html

    قبة سيدنا الولي دول نوّروها
    ما أحلى البيارق والناس بيزوروها
    قبة سيدنا الولي دول نوّروها
    ما أحلى البيارق والناس بيزوروها
    قبة سيدنا الولي .. فى الجو عالية
    ما احلى البيارق لما دوّروها ..
    ما احلى البيارق لما دوّروها .....
    بتاع الحمص يقول :
    حمص حمص تل ما ينقص عالنار يرقص
    حمص حمص تل ما ينقص عالنار يرقص
    حمص حمص تل ما ينقص عالنار يرقص
    حمص حمص تل ما ينقص عالنار يرقص
    يرقص يرقص ويقول .. الي شاف حمّص ولا كلش
    حب وأتلوع ولا ولا طلشي

    تضحك الفتاة وتقول :
    يسترك هات حبة بقرش
    يضحك الاولاد
    ها ها ها
    حمّص حمّص حمّص حمّص حمّص حمّص
    أسعى أسعى أسعى حمّص حمّص حمّص
    حمّص حمّص حمّص أسعى أسعى أسعى

    مصوّراتي يقول :
    خدلك صورة ستة في تسعةأسعى أسعى أسعى
    خدلك صورة ستة في تسعةأسعى أسعى
    أسعى أسعى أسعى أسعى
    يا سي عجوره النار خسعه

    الناس في المولد يقولون :
    الله الله الله عجمبية باللوز
    الله الله طعمية أراجوز
    الله الله الله الله الله
    أراجوز
    الله الله الله الله
    الاراجوز يقول :
    الليلة الكبيرة يا عمي والعالم كتيرة
    ماليين الشوادر يابا م الريف والبنادر
    الاولاد يرددون :
    الليلة الكبيرة يا عمي والعالم كتيرة
    مالين الشوادر يابا م الريف والبنادر
    الاراجوز يقول :
    دول فلاحين ودول صعايدة
    دول م القنال ودول رشايده
    الاولاد يرددون :
    الليلة الكبيرة يا عمي والعالم كتيرة
    مالين الشوادر يابا م الريف والبنادر
    حوار بين الاراجوز والعمدة
    العمدة : يا حضرة الاراجوز قولي
    الاراجوز : نعم يا عمدة عاوز ايه
    العمدة : منين يروحوا المتولي
    الاراجوز : امدح نبينا وصلي عليه
    العمدة : اللهم صلي عليه
    الاراجوز : تمشي كده على طول على طول لحد ما تلاقي عمارة
    العمدة : لحد ما الاقي عمارة
    الاراجوز : تكسر يمين تلقى بتاع فول دكانته على ناصية حارة
    العمدة : دكانته على ناصية حارة
    الاراجوز : تدخل يمينك وشمالك شارعين وفي التالت تكسر
    العمدة : شارعين وفي التالت اكسر
    الاراجوز : على اليمين واخد بالك .. وتمشي على طول تتمخطر
    العمدة : وامشي على طول واتمخطر
    الاراجوز : تفضل كده تمشي وتلف .. وتخش من مطرح ما طلعت
    العمدة : واخش من مطرح ما طلعت
    الاراجوز : ولما تلقى مقلة لب تعرف بأنك تهت وضعت
    العمدة : ااه دي وصفة سهلة
    الاراجوز : سهلة اوى
    العمدة : ودي وصفة هايلة
    الاراجوز : مع السلامة مع السلامة مع السلامة يا ابو عمة مايلة
    الاطفال : مع السلامة يا ابو عمة مايله مع السلامة يا ابو عمة مايلة

    رجل يدعو الاولاد للتصويب بالبندقية في المولد يقول :
    فتّح عينك تاكل ملبن فينك فينك .. تاكل ملبن
    فتّح عينك تاكل ملبن فينك فينك تاكل ملبن
    أوعى لجيبك للعيب عيبك قرّب جرّب نشّن
    وسطن ايدك وسطن اضرب
    ضرب أحد الشباب بالبندقية واصاب الهدف
    فقال له صاحب البندقية :
    يحميك يا ابني تبقى غالبني
    قرّب خدلك حتة ملبن قرّب خدلك حتة ملبن قرّب خدلك حتة ملبن
    رجل يبيع العاب للأطفال يقول :
    فوريرة للعيل يا ابو العيال ميّل
    خدلك سبع فرارير زمّارة شخليلة عصفورة يا حليلة
    طراطير يا واد طراطير
    الاولاد يردودون :
    طراطير يا واد طراطير طراطير يا واد طراطير
    طراطير طراطير طراطير طراطير طراطير طراطير

    في السيرك رجل يقول :
    الليلة اللية السيرك تعالو دي فرجة تساوي جنيه قولو هيه
    الاولاد يردودون هيه هيه هيه
    بمناسبة هذا المولد يوجد برنامج سواريه قولوا هيه
    هيه هيه هيه
    الليلة الليلة السيرك تعالو دي فرجة تساوي جنيه قولو هيه
    هيه هيه هيه
    بمناسبة هذا المولد يوجد برنامج سواريه قولوا هيه
    هيه هيه هيه
    في السيرك شجيع يهجم على السبع ويركب دغري عليه قولو هيه
    هيه هيه هيه
    وبنات قمرات زي الشربات حلوين مش عارف ليه قولو هيه
    هيه هيه هيه
    وكمان بلياتشو تعالو اسمعو ناتشو
    وشوفو حيعمل ايه قولو هيه
    هيه هيه هيه
    وكمان بلياتشو تعالو اسمعو ناتشو
    وشوفو حيعمل ايه قولو هيه هيه هيه هيه هيه هيه هيه

    رجل يستعرض عضلاته في السيرك يقول :
    أنا شجيع السيماأبو شنب بريمة
    أنا شجيع السيماأبو شنب بريمة
    أول ما اقول عالي هب
    واصرخ لي صرخة ها ها ها
    السبع يتكهرب ويبقى فرخة
    حالا بالا سأصارع أسد أنما ايه متوحش
    وحخلي وجهه شوارع تصقيفه يا ناس ميصحش
    حالا بالا سأصارع أسد أنما ايه متوحش
    وحخلي وجهه شوارع تصقيفة يا ناس ميصحش
    تصقيفة يا ناس ميصحش

    الاسد وصل ويقول الرجل :

    اهو جه اهو جه .. تصقيفه بقى
    اهو جه اهو جه .. تصقيفه بقى
    تصقيفه اومال .. تشجيعه اومال
    تصقيفه اومال .. تشجيعه اومال
    تعالى لالي اللاي اللالي يا حبيبي تعالى لالي
    تصقيفه اومال .. تشجيعه اومال
    تصقيفه اومال .. تشجيعه اومال
    تعالى لالي اللاي اللالي يا حبيبي تعالى لالي
    فرقة موسيقية عابرة .. يقول رجل فيها :
    دقي يا مزيكا

    بياع يقول :
    السمك مقلي .. كل وبرقلي
    صنف زي الفل
    استخار واختار
    فشة أو منبار
    يلا يلا سمي وكل.. يلا يلا سمي وكل
    يلا يلا سمي وكل .. يلا يلا سمي وكل

    فتاة تغني وتدعو الأمهات ليباركن أولادهن وتقول :
    يا أم المطّاهر رشي الملح سبع مرات
    يا أم المطّاهر رشي الملح سبع مرات
    في مقامه الطاهر خشي وقيدي سبع شمعات
    يا أم المطّاهر رشي الملح سبع مرات
    في مقامه الطاهر خشي وقيدي سبع شمعات
    يا عريس يا صغير علقة تفوت ولا حد يموت
    لابس ومغير وحتشرب مرقة كتكوت
    يا عريس يا صغير علقة تفوت ولا حد يموت
    لابس ومغير وحتشرب مرقة كتكوت
    يا أم المطّاهر رشي الملح سبع مرات
    يا أم المطّاهر رشي الملح سبع مرات
    في مقامه الطاهر خشي وقيدي سبع شمعات .....

    عالقهوة
    بالذمة ده سابع عيّل مزفوف من وقت قليل
    مولد شلاه يا معلم .. عقبال أولادك .. كلم

    واحد مظبوط واتنين مصري
    عالنار حاضر جايلك دغري

    فنان يغني على القهوة ويقول :
    مسا التماسي .. مسا التماسي
    يا ورد قاعد على الكراسي
    مسا التماسي .. مسا التماسي
    يا ورد قاعد على الكراسي

    رجل جالس على القهوة يقول :
    هات شاي يا دقدق ..
    دقدق رجل القهوة يقول :
    عيني وراسي
    سمعنا يا ريس حنتيرة
    للصبح معاك السهيرة
    سمعنا يا ريس حنتيرة
    للصبح معاك السهيرة

    الجالسون على القهوة يقولون :
    سمعنا .. سمعنا .. سمعنا .. سمعنا

    الريس حنتيرة يغني ويقول :
    يا غزال .. يا غزال العشق حلال دوبتني دوب خلتني خيال
    يا غزال .. يا غزال العشق حلال دوبتني دوب خلتني خيال
    يااااااه .. يا شفتك فص فراولة .. وانا لا قوة ولا حول
    يااااااه .. يا شفتك فص فراولة .. وانا لا قوة ولا حول
    دوبت لي جلبي علاوله .. ااه يا غزال العشق حلال
    يا غزال العشق حلال
    يا غزال العشق حلال
    يــا ليل .... يــا ليل
    يارب يا عالم بالحال .. تهدي حبيبي ويصبح عال
    يارب يا عالم بالحال .. تهدي حبيبي ويصبح عال
    واغني وارقع بالموال .. واقول يا غزال يا غزال
    يــا ليل
    صاحب القهوة يقول بغضب :
    وقّف يا ريس حنتيرة
    فيه ناس هنا قاعدة كتيرة
    ولا حد قال هات تعميرة ولا واحد شاي
    ولا حد قال هات تعميرة ولا واحد شاي
    اه .. الي حيطلب راح يقعد ولا ما يطلبش يبعد

    رجل جالس على القهوة يخرج بسبب ما قاله صاحب القهوة ويقول :
    يلا بنا نخرج يا مسعد شارع التورماي
    يكمل الريس حنتيرة غنائه ويقول :
    يـا ليل .. كمان ... يــا ليل
    يا غزال يا غزال العشق حلال دوبتني دوب خلتني خيال خيال
    يا غزال يا غزال العشق حلال دوبتني دوب خلتني خيال خيال

    رجل يريد القيام بلعبة اظهارالقوة يقول :
    ورينا القوة .. يا ابني انت وهو
    مين عنده مروّه وعاملي فتوة
    مين عنده مروّه وعاملي فتوة
    يقدر بقدارة على زق الطارة .. ويفرقع بومبة
    رجل وقع في الفخ واعلن عن دخوله للعبة وقال :
    وسع .. وسع .. وسع
    أنا أزق الطارة وأضرب مية بومبة
    ده أنا الاسطى عمارة من ضرب شاكمبا
    صيتي من القلعة .. للقلعة لسوقة اللالة .....
    أنا واخد السمعة

    صاحب اللعبة يقول :
    طيب يلا تعالى
    الرجل :
    لا يا عم سعيدة
    دي البدلة جديدة

    صاحب اللعبة بسخرية :
    هأ هأ هأ سعيدة يا ابو بدلة جديدة

    الاطفال يقولون ايضا بسخرية:
    هأ هأ هأ سعيدة يا ابو بدلة جديدة ...

    الرجل الذي ترك القهوة السابقة فارا من كلام صاحبها يقول وقد وجد قهوة اخرى ومعه صديقه مسعد :

    إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
    أدي كمان قهوة .. يلا بينا يا مسعد .. ندخل على سهوة .. ايوه على سهوة

    ودخلو القهوة .. وكانت هناك من تغني وتقول :

    طار في الهوى شاشي وانت متدراشي ..يا جدع
    طار في الهوى شاشي وانت متدراشي ..يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    الرجال في القهوة يرددون :
    يا حلاوة .. يا حلاوة .. يا حلاوة .....ايوه
    هوى العصاري ياواد
    على سطح جاري ياواد
    هوى العصاري ياواد
    على سطح جاري ياواد
    خدني ورماني رماني عليك ولا انت داري
    طار في الهوى شاشي وانت متدراشي ... يا جدع
    طار في الهوى شاشي وانت متدراشي ... يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي
    الرجال في القهوة يرددون :
    يا حلاوة .. يا حلاوة .. يا حلاوة .....ايوه
    آآهين يا ناري .. يا ناري
    منك يا جاري
    آآهين يا ناري .. يا ناري
    منك يا جاري
    خدنى ورماني .. رماني عليك هوى العصاري
    طار في الهوى شاشي وانت متدراشي ...يا جدع
    طار في الهوى شاشي وانت متدراشي ...يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    صاحب القهوة الجديدة .. يؤكد على الموجودين .. ويقول كصاحب القهوة السابقة :
    ماشي .. ماشي .. ماشي كلامك
    آه الي حيطلب راح يقعد والي ميطلبش يبعد

    الرجل يقول لصاحبه مسعد :
    يلا بينا نخرج يا مسعد شارع التورماي

    تكمل المغنية وتقول :
    طار في الهوى شاشي وانت متدراشي ...يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    مجموعة في المولد اكتشفو وجود اقارب لهم من نفس بلدتهم يقول احدهم :
    ناس من بلدنا هناك اهم
    روح يا ابراهيم انده لهم
    سلامات .. سلامات .. سلامات على البلديات
    سلامات .. سلامات .. سلامات على البلديات

    منشدين دينيين يقول واحد منهم :

    ليلتكم أنس وجلجلة .. جلجلة .. جلجلة ..
    أنشد ولعلع يا ولة .. يا ولة .. يا ولة ..
    ليلتكم أنس وجلجلة .. جلجلة .. جلجلة ..
    أنشد ولعلع يا ولة .. يا ولة .. يا ولة ..
    شفت في منام صاحب المقام .. ده اوبهه .. أوبهه .. اوبهه
    ويمامة حايمة عليه تسبح ربها
    يا نور النبي .. يا نور النبي .. يا نور النبي

    ميّلت فوق يده وجيت احبها.. حبها حبها .. حى .. صلى ع النبى
    صحوني من النوم .. خدت بعضي وتني جي
    وبعودة .. وبعودة ... وبعودة

    أمراة تبحث عن طفلتها التي تاهت في المولد وتقول :
    يا أولاد الحلال .. بنتي تايهة طول كده
    رجلها الشمال فيها خلخال زي ده
    يا أولاد الحلال .. بنتي تايهة طول كده
    رجلها الشمال فيها خلخال زي ده

    رجل يقول :
    زحمة يا ولداه .. كام عيّل تاه
    وتقول الناس فى النهاية :
    الليلة الكبيرة يا عمي والعالم كتيرة
    مالين الشوادر يابا م الريف والبنادر
    زحمة يا ولداه .. كام عيّل تاه
    الليلة الكبيرة يا عمي والعالم كتيرة
    مالين الشوادر يابا م الريف والبنادر

    وفى النهاية يؤذن المؤذن
    الله أكبر الله أكبر .. الله أكبر الله أكبر

    ارجو ان تعجبكم وبانتظار ردودكم.

  2. #2
    تاريخ التسجيل
    Oct 2008
    المشاركات
    84
    جزاك الله خيرا على هذا المجهود الرائع

  3. #3
    تاريخ التسجيل
    Mar 2008
    المشاركات
    20
    شكرا لمجهودك جدا

  4. #4
    الصورة الرمزية CAVE_MAN_WAGDY
    تاريخ التسجيل
    Aug 2006
    المشاركات
    93
    شكراااااااااااا جدااااا جدااااااااا جداااااااا والله الموضوع جميل جدا

  5. #5
    الصورة الرمزية euro_fox
    تاريخ التسجيل
    Oct 2005
    المشاركات
    630
    مشكوررررر على العمل الأكثر من رائع
    ولكن ياريت لو في جودة أفضل



  6. #6
    تاريخ التسجيل
    Apr 2006
    المشاركات
    36
    مشكور على الليلة

  7. #7
    تاريخ التسجيل
    Jun 2005
    المشاركات
    321
    مشكور على المجهود الرائع ده و ياترى هاتبقى انت بطل الابطال و تجيب صحصح لما ينجح اتمنى انك تلاقيه و ترفعه

  8. #8
    تاريخ التسجيل
    Jul 2007
    المشاركات
    15
    شكرا جدا . بجد كنت بادور عليها من زمان

  9. #9
    تاريخ التسجيل
    Feb 2010
    المشاركات
    5
    السلام عليكم
    بجد مش عارفه اشضكرك ازاي ..انا كنت بدور عليها من زمان العرايس بالذات
    بس لالاسف جيت احملها مش راضيه تتحمل ..ومش عارفه وقتها انتهي في الرفع ولا ايه المشكله
    ارجووووووووووووووووووووووكي ..لوسمحتييييييييييييييي.ارفعيها تاني
    حتعبك معايا بس اتمني ان تستجيبي لطلبي وترفيعهاتاني..
    واشكرك مقدما وفيانتظار رفعها علي احرمنالجمر..سلام

  10. #10
    الصورة الرمزية WallyPower118
    تاريخ التسجيل
    Feb 2010
    المشاركات
    959
    تسلم الايادي علي الابداع هذا يعطيكم العافية
    مشكور ماقصرت
    :)

  11. #11
    تاريخ التسجيل
    Jun 2004
    المشاركات
    25
    جامـــــــــــــــــــــــــــــــــــــــــــــــ ـــــــــــــــــــــــــــــــــــــدة جدا
    شـــــــــــــــــــــــــــــــــــــــــــــــــ ــــــــــــــــــــــــــــــــــكرا

  12. #12
    الصورة الرمزية سعيد عمر مرزوق
    تاريخ التسجيل
    Apr 2008
    المشاركات
    66
    مشكور اخى العزيز
    برجا رفعها مرة ثانية وياريت يكون على كذ سيوفر وجزاك الله عنا الخير

  13. #13
    الصورة الرمزية Eagle_m
    تاريخ التسجيل
    Oct 2010
    المشاركات
    880
    الصديق العزيز
    لك منى جزيل الشكر ووافر الاحترام على مجهودك المتميز
    واتمنى لك المزيد من التقدم

  14. #14
    الصورة الرمزية SAEB123
    تاريخ التسجيل
    Jun 2007
    المشاركات
    1,161
    مشكووووووووووووووووووووووووووووووووووووووووووو
    وووووووووووووووووووووووووووووووووووو
    ووووووووووووووووووووووووووور
    يا غــ يا ـــالي الغالـــ ابن ـــي



ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك