موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 19
Like Tree0Likes

الموضوع: ¤§§§لكل الى هاتشترى عدسه ألوان تعاااااالى بسرعه موسوعه وتيست على الألوان §§§§¤

  1. #1
    تاريخ التسجيل
    Mar 2008
    المشاركات
    1,595

    Great ¤§§§لكل الى هاتشترى عدسه ألوان تعاااااالى بسرعه موسوعه وتيست على الألوان §§§§¤



    هاى
    انا من هواه تغيير لون العين ومن 5 سنسن بستخدم عدسات بما أن نظرى أصلا ضعيف فا العدسات مريحه جدا لى
    فى كل مره باجى انزل اشترى بتعصر :(
    بفضل ادور على المواقع اشوف الألوان والأشكال عشان الى بشوفه فى الأعلانات او الصور الى تبع الشركه بيكون شكل مختلف خالص عن الحقيقه بعد ما تتلبس العدسه فى العين

    فا هنا هاتكون موسوعه عن العدسات
    لكل من يريد شراء عدسه او اى استفسار عن الألوان والماركات مانا بقيت خبير رهيب فى الموضوع دا :) هههه
    المهم ان الموضوع دا موسوعه لكل الانواع وحتى تقسيمهم ايه
    وهاوريكم الألوان على عيونكم فعلا هاتكون ازاى وهاقولكم الماركات والعيوب والمميزات فى كل ماركه عن تجربه شخصيه




    FreshLook ®
    موقع الشركه : http://www.freshlookcontacts.com


    مميزاتها:
    موجوده عند كل المحلات حتى الصيدليات منتشره .
    خفيفه جدا ولينه.
    حلوه وطبيعيه فى الوانها .
    ألوانها خفيفه

    العيوب:
    بعض الألوان فيها مش بتبان قوى فى العين


    فيه منها أربع انواع

    المحدده ®FreshLook ColorBlends


    والعاديه ®FreshLook Color


    والخياليه FreshLook Radiance™


    والماسيه ™FreshLook Dimensions



    طبعا موجود فى مصر هنا الاتنين الأولينين بس

    على فكره الخياليه بيكون فيها ماده بتعكس الضوء من جوا وبتدى بريق فظيع فى العين ودا فيديو ليها










    النوفا nova

    موقع الشركه:
    http://www.novavision.com.au/index.php?page=colournova


    المميزات :
    حجم كبير جدا بتكبر العين بشكل ملحوظ وروعه
    ألوانها ممتازه
    تخلى الى لابسها مثل باربى 

    العيوب :
    مش لينه زى الفريش لوك
    حجمها كبير فا للمبتدئين فى العدسات ممكن يصعب عليهم وضعها بالعين
    غير منتشره بشكل كبير فى كل مكان

    الأنواع:
    محدده من الداخل: CN



    الكريستال : CM











    bausch & lomb بوش أند لومب

    موقع الشركه :
    http://www.bausch.com/en_US/default.aspx


    المميزات :
    شكلها لزيز على العين
    - الدايره الى فى النص محددنها جدا بتخلى شكل العين مظبوط
    - اغلب الفنانين بيستخدموها
    - منتشره فى مصر كمان

    العيوب :
    - ألوانها غامقه بعض الشئ


    الأنواع :













    الأكوفيو ACUVUE أو Johnson الجونسون
    (وهى من شركه جونسون )

    موقع الشركه :
    http://www.acuvue.com
    ألأعلان :



    المميزات :
    - طبيعيه جدا
    - لونها اقوى من الفريش لوك بتبان فى العين اكتر
    -مرنه وخفيفه
    -ناسب العيون الحساسه
    -ألوانها رايقه بدون خطوط او شروط فى العين

    العيوب :
    -متوافره عند البعض من البائعين


    انواعها:
    Opaques


    Enhancers



    النوع الأول موجود فى مصر والتانى بالأوردر











    Tri kolor تراى كولور من شركه وايكون


    المميزات :
    شكل روعه
    ألوان ممزوجه بشكل ممتاز
    طبيعيه
    بتكبر العين جدا بشكل راقى وجميل
    منتشره عند الكل
    طريه ولينه تناسب العيون الحساسه

    العيوب :
    لا يوجد






    دول الأنواع الموجوده فى مصر وبسهوله ممكن نلاقيها بس مش كلها عند كل الناس
    طبعا زى ما احنا عرفين ان الأعلانات او الصور مختلفه تماما عن الحقيقه
    فا أنا هاحطلكم كل ماركه بصور حقيقيه لناس لابسينها عشان نعمل تيست قبل ما نروح نشترى
    فا لما تروح او تروحى تكونوا عارفين الى انتو عاوزينه بالظبط

    وفيه ملحوظه مهمه جدا لما تعملوا تيست العدسه فى المكان ماتخلوش الضوء عالى اوى عشان هايبين العدسه بلون فاتح اوى اوى وغير طبيعتها حاولو تبصوا فى مكان نور فيه عادى زى اى مكان تانى بنروحه




    ***********************************
    *********************
    ************
    ******
    ***
    *
    التعديل الأخير تم بواسطة romanza; 19-10-2008، الساعة 02:19 PM

  2. #2
    الصورة الرمزية romanza
    تاريخ التسجيل
    Dec 2005
    المشاركات
    13,627
    موضوع غاية في الروعة يا POWERiiii

    بجد ميرسي جدا على المعلومات الجميلة دي

    لكن فيه كام نقطة عايزة أفهمها

    أول حاجة فين الفيديو اللي قولت عليه في أول نوع

    تاني حاجة انت قولت في عيوب الجونسون إنها متوافره عند البعض من البائعين

    مش فاهمة هو ده عيب؟؟ وللا انت قصدك مش متوافرة

    وتم تثبيت الموضوع
    التعديل الأخير تم بواسطة romanza; 19-10-2008، الساعة 02:51 PM

  3. #3
    تاريخ التسجيل
    Mar 2008
    المشاركات
    1,595
    اولا ثانكس موووت لردك اول واحده فعلا مشرفه متمكنه :)
    ثانيا العيب يا رومانزا أنها مش منتشره جدا زى الفريش لوك الى ممكن تلاقيها حتى فى الصيدليات بجد
    لاكنها موجوده فى اماكنها زى اى مكان بصريات ومش الكل
    وبخصوص الفيديو اصلا الموضوع ماكملش انا لسه عامله باقيه والموضوع رفض انه يرفع اكتر من 20 صوره فا مضطر أعمله تكمله فى مشاركه تانيه

  4. #4
    الصورة الرمزية romanza
    تاريخ التسجيل
    Dec 2005
    المشاركات
    13,627
    أوك ميرسي جدا على ردك على استفساري
    وفي انتظار المشاركات الباقية

    وبالتوفيق دايما إن شاء الله

  5. #5
    الصورة الرمزية So.far
    تاريخ التسجيل
    Aug 2007
    المشاركات
    4,756
    موضوع جمبل جدا ومعلومات مفيدة وعرفت نوعين جداد مكنتش اعرفهم

    انا استخدمت فريش لوك وجميلة جدا وقعدت معايا كتير ولينة زى ما قولت كدا
    بس كنت بستخدم مخدر موضعى للعين زى القطرة كدا
    علشان محسش بيها وانا بحطها

    وياريت لو فى تكملة للموضوع تكملها فى الموضوع هنا فى مشاركة بعد دى علشان يبقا موضوع كامل
    وصح المشاركة مش بتاخد اكتر من 20 صورة بس لكل مشاركة
    مستنين التكملة

  6. #6
    تاريخ التسجيل
    Mar 2008
    المشاركات
    1,595
    ودول حبه عدسات كدا على الطبيعه بعيدا عن الأعلانات والتعديلات
    اخترتلكم اضيق عيون فى العالم عيون اليابانين وكمان لونها غامق زي اغلب عيون العرب
    تعالو نشوف الصور

    NOVA GRAY



    NOVA BLUE



    N HAZEL









    NOVA GREEN





    TRI COLOR GRAY















    TRAI GREEN







    TRAI BLUE


    التعديل الأخير تم بواسطة romanza; 19-10-2008، الساعة 10:22 PM

  7. #7
    الصورة الرمزية Mariooom
    تاريخ التسجيل
    Aug 2008
    المشاركات
    5,477
    الموضوع مهم جداااا
    ميرسى اوى ليك
    بس ياريت تكمله عشان بجد حيفيد ناس كتير اووووى




    Five...



    four...


    three...


    two...


    one
    ...
    .
    .
    .
    .

    HaPpY RaMaDan


  8. #8
    تاريخ التسجيل
    Mar 2008
    المشاركات
    1,595
    دى تيست حقيقى على عدسه التراى كولور الرمادى
    https://www.youtube.com/watch?v=VJpShUWtl9A




    ودى اختها البوش اند لومب الرمادى
    https://www.youtube.com/watch?v=P12c7bps8eA&feature=user


    اما دى التراى كولور الأخضر تحفففه
    Waicon Green
    https://www.youtube.com/watch?v=j1yQQ...eature=related

    ودى البوش اند لومب الأخضر
    https://www.youtube.com/watch?v=6Snkm...eature=related


    هنا الأكيوفيو الرمادى
    https://www.youtube.com/watch?v=wO0Iy...eature=related


    هنا الفريش لك الرمادى
    FreshLook Gray ColorBlends
    https://www.youtube.com/watch?v=rfPk4f9YXMg
    طبعا لونا مش بيبان من بعيد ومش بتكبر العين اوى
    التعديل الأخير تم بواسطة POWERiiiiiiiiii; 20-10-2008، الساعة 11:40 AM

  9. #9
    الصورة الرمزية ღ♥ღ J€ŜŜY ღ♥ღ
    تاريخ التسجيل
    Apr 2008
    المشاركات
    6,914
    الموضوع حلو جدا
    مع انى ماليش فى العدسات
    بس كنت عايزة اسأل سؤال
    هى العين اللى لونها ملون و فاتح ينفع معاها عدسات؟؟
    اصلى بصراحة فكرت قبل كدة اجيب عدسات لو تانى غير لون عينى
    بس فى ناس قالتلى العين الملونة مش حلوة فيها العدسات
    ياريت حد يجاوبنى
    و ميرسى كتير على الموضوع الهايل دة

  10. #10
    تاريخ التسجيل
    Mar 2008
    المشاركات
    1,595
    طبعاااااااااااااااااااااااااا ينفع معاها يادجيسى
    دى اساسا الى مش بينان فيها العدسات
    الالوان الغامقه بتبين أيطار عشان كدا اخترعوا فكره العدسات الكولور بليندز والمحدده عشان يغطو الفرق بين لون النينى الغامق والعدسه الى فوقيها
    دا غير ان على عنيكى لون العدسه هايظهر أقوى من الالوان الغامقه بكتير
    زى كدا بالظبط صبغه الشعر الى شعرهم اشقر بمنتهى السهوله يغيروه لاحمر او اسود او اى لون لاكن الى شعرهم اسود بيكون صعب او بيبان
    عموما العدسه مش بس عشان تغير لون العين
    العدسه بتدى اشراقه كدا ونور فى الوش دا غير تكبير العين بشكل رهيييييييب شوفى صور اليابانين وشوفى عنيهم متل القطط فى العدسه

    تحياتى وشوفى لو قررتى تشترى بلغينى يا جيس :) انا اعرف واحدد ممتاز فى المهندسين

  11. #11
    الصورة الرمزية ღ♥ღ J€ŜŜY ღ♥ღ
    تاريخ التسجيل
    Apr 2008
    المشاركات
    6,914
    ميرسى جدا لسرعة ردك و اهتمامك
    و معلش كان عندى سؤال تانى
    هيبقى عادى انى انقى اى لون و لا لازم لون قريب شوية من
    درجات لون عينى الطبيعى؟؟

  12. #12
    تاريخ التسجيل
    Mar 2008
    المشاركات
    1,595
    لا يا جيسى أى لون ينفع بس الموضوع هو ان اللون الأزرق عليا هايكون ازرق غامق وعليكى هايكون فاتح شويه
    بس اى لون هايغير لون عنيكى كلو
    بس شوفى لما تقيسى العدسات اى لون لايق عليكى ككل انهى لون منورك اكتر على لون شعرك ولونك وكدا ومش شرط
    انا اعرف بنات سمر جدا بيلبسو عدسات زرقا تحفففففه عليهم والعكس
    فا المسأله نسبيه
    جربى كلو وشوفى انهى واحده مخليه شكلك اجمل واتكلى على الله خديها :)

  13. #13
    الصورة الرمزية الكلمنجي
    تاريخ التسجيل
    Nov 2004
    المشاركات
    853
    شكرا على المعلومات دي
    SoOoOoOoOoOoN




  14. #14
    الصورة الرمزية عصافير الحب
    تاريخ التسجيل
    Jun 2006
    المشاركات
    202
    مرسى على الموضوع الجميل ده انا عمله الرمادى

  15. #15
    الصورة الرمزية poisonivy_otety
      poisonivy_otety غير متصل لƒ¦â™¥لƒ¦Aّّّngel Eyesلƒ¦â™¥لƒ¦
    تاريخ التسجيل
    Apr 2008
    المشاركات
    4,451
    الله عليك يا باور والله

    موضوعك مفيد جدا جدا, وناس كتير كان يهمها تعرف أكتر عن العدسات فعلا

    بس ممكن اسأل ف سؤال؟ واهو يبقى الموضوع بجد موسوعة كاملة للعدسات

    ينفع تقوللنا طريقة العناية بالعدسات خطوة بخطوة , اذا فيه خطوات يعنى, للمبتدئين, وإذا فيه أى instructions تانية يا ريت موش تبقى بخيل

    وألف شكر ليك كمان مرة
    مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ
    دخولـــــى متقطـــــع جداً






ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك