موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 6 1 2 3 ... الأخيرةالأخيرة
النتائج 1 إلى 15 من 88
Like Tree0Likes

الموضوع: لو عندك عيد ميلاد,دى افكار للهدايا الرجالى والحريمى,وكمان اجمل اماكن تروحوها واسعارها

  1. #1
    الصورة الرمزية monnem82
    تاريخ التسجيل
    Sep 2008
    المشاركات
    685

    26 لو عندك عيد ميلاد,دى افكار للهدايا الرجالى والحريمى,وكمان اجمل اماكن تروحوها واسعارها

    هاى يا جماعة ازيكم..ده الموضوع اللى وعدتكم بيه وحاطط لكم فيه افكار لهدايا وكمان خروجات واماكن تحفة ويارب يكون الموضوع مفيد خصوصا للمرتبطين..

    اولا الهدايا:

    فى البداية احب اقول ان كل مناسبة لازم تختار الهدية المناسبة ليها..بمعنى ان هدايا العيد ميلاد تختلف كتير عن هدايا الفلانتين مثلا والنجاح وكده.وبتختلف حسب هو بنت ولا ولد..ولذلك انا حقسم الهدايا حسب المناسبة وحسب هى لبنت ولا لولد.

    اولا هدايا اعياد الميلاد:
    اهتم باللى هى بتهتم بيه واعرف هى محتاجة ايه وانتى كذلك..

    الهدايا الحريمى:

    1-الذهب (سلسلة؛خاتم؛انسيال؛.....) واحسن مكان تجيب منه طبعا هو ميدان الجامع وخصوصا المحلات اللى على صف (جاد) هناك..ولف كتير عشان تعرف الاسعار والحاجات الحديثة والموضة..وحاول لو جبت سلسلة انك تعمل الدلاية فيها حاجة خاصة بيكم زى حرف من اسمك واسمها او صورة,بس اهم حاجة تعرف هى بتحب الذهب الابيض ولا الاصفر,,لو مش عارف هات مخلط

    2-برفان..بس انصحك تجيب حاجة حديثة ومن الحاجات اللى ليها اعلانات مشهورة واحسن مكان تجيب منه هو palais des parfums وهو زى mazaya بالضبط بس بيبقى فيه عادة sale وموجود فى city stars
    3-شنطة make up او shower gell & perfume برده من نفس المكان بتاع البرفان
    4-طقم شيك شنطة وجزمة وحزام ويفضل يكونوا سواريه
    5-موبايل حديث جديد
    6-Labtop
    7-فستان سواريه
    8-هات box كبير قبل عيد ميلادها بسنة كاملة يعنى من اخر عيد ميلاد ليها وطول السنة هات حاجات وحطها فى البوكس ده اى حاجة زى شوكولاته مثلا,دبدوب,ماديليه,كارت شحن,بارفان,حزام,شمع,dvd فيلم رومانسى.شريط كاسيت,اكسسوارات حريمى,وهكذا....الفكرة ان كل ما تيجى على بالك حاجة عايز تجيبها هاتها وحطها فى البوكس طول السنة..على عيد ميلادها تخيل حيبقى مليان قد ليه وحتفرح قد ايه..بس طبعا املاه بكل حاجة ممكن تيجى على بالك.
    9-ipod 30 gega
    10-ساعة
    11-قطة شيرازى بيضاء مون فيس او هيمالايا ذكر عنيه زرقاء فى سن 50 يوم ومتنساش تكشف عليه وانصحك متشتريهوش من اى محل عادى ودور فى اعلانات الوسيط
    12-نظارة شمس اصلية


    الهدايا الرجالى:

    1-لو هو بيحب الموسيقى قوى هاتى الة موسيقية زى جيتار مثلا
    2- فى شباب بيحبوا الكلاب هاتيله كلب حراسة
    3- برفان وخصوصا لو حاجة حديثة ليها اعلانات..متجيبيش الحاجات اللى هو متعود يجيبها
    4- labtop
    5- حاجة لعربيته زى مثلا كاسيت cd او جنوط سبور
    6- بدلة وكرفات
    7-سماعات Bluetooth
    8- mp4
    9- جزمة adidas او CAT
    10-ساعة
    11- موبايل جديد
    12- نظارة شمس ray ban


    ودى حاجات تعملها مع الهدية:
    1-لازم تبقى اول واحد تقول لها كل سنة وهى طيبة
    2-التورتة اهم من بوكيه الورد..ولو جبت الاتنين يبقى كويس,وانصحك لو حتشترى تورتة اشتريها من ساليه سوكريه عشان ملوش حل
    3-حاول تعمل الحاجات الغير متوقعة
    4-املأ العربية بالونات وخد قلم فلومستر معاك واكتب انت وهى على البالونات كلمة زى بحبك,عقبال 100 سنة وارموهم فى الشارع والعربية ماشية
    5- اعمل اهداء على قناة او الراديو
    6-كارت فيه كلمات موجزة ورقيقة


    هدايا اى مناسبة اخرى:
    1-دلاية وتقسموها نصفين
    2-الفضة (سلسلة؛خاتم؛......)
    3-دبدوب كبير
    4-قلب ومعاه علبة شوكولاتة من النوع اللى بتحبه galaxy مثلا
    5-شوكولاتة كبيرة جدا وحتلاقيها فى الhyper markets
    6-مج شكله مميز
    7-مصحف او انجيل شيك
    8-برواز من الكريستال عليه صورتك وصورتها
    9-لوحة مرسومة باليد فيها صورتكم
    10-Flash memory
    11-Cd اغانى مع البوم صور ليكم
    12-بوكيه الورد اساسى فى الفلانتين هات على الاقل وردة واحدة حمراء
    13- طرحة مع عباية
    14-اغنية من كلماتك والحانك
    15- تى شيرت نفس الشكل ليك وليها


    اجمد الاماكن اللى تخرجوا فيها تقضوا احلى سهرة واسعارها:

    1-اجمل واحلى مكان رحته بجد يا جماعة هو المطعم الدوار اللى فى الدور الاخير فى grand hyatt وده اكله كويس وال view بتاعه رائع جدا على النيل وشايف مصر من فوق وتحفة .. حتتكلف حوالى 650 جنيه للفردين

    2-Blue nile وهناك احسن مكان تروحوه هو المطعم الصينى واكله تحفة تحفة وقعدته جامدة اخر حاجة وال minimum 150 جنيه للفرد

    3-Nile crystal وده مركب بتمشى فى النيل وفيها band وعشاء open bofeh وال minimum 160 جنيه للفرد

    4-المركب التابعة ل grand hyatt وده نفس النظام بتاع nile crystal بس اغلى حاجة بسيطة

    5-Chillis الكوربة واجمل فروعه هو nile city وهناك مش حتصرف اقل من 90 جنيه للفردين معا

    6-La notre واحلى فرع ليه هو nile city بس ده ممكن تاخد فيه desserts فقط منصحكش تاخد عشاء وحتصرف حوالى 80 جنيه للفردين

    7-Jony carino's موجود فى الميرغنى وهو مطعم ايطالى حيكلفك حوالى 100 جنيه للفردين

    8-Mu,hares ودول كافيهين فة شارع النزهة ال minimum فى mu 50 وفى hares 35 وعلى فكرة hares قعدته احلى واكله جامد

    9-Viking فى ضهر التوحيد والنور بتاع الميرغنى ويا جماعة المكان جامد والاكل جامد جدا وال minimum 45 للفرد

    10-Fridays واجمدهم بتاع كورنيش المعادى و بتاع الجيزة عند كوبرى الجامعة بس بتاع كوبرى الجامعة فيه pop للرقص و bar وال minimum فيه 100 للفرد اما بتاع المعادى ف 35 للفرد واكلهم جامد جدا

    11- Hard rock فى grand hyatt والمكن جميل جدا واكله جميل ومفيهوش minimum لحد 11 مساء ومن 11 للساعة 4 الفجر بيبدأ ال disco ب minimum 200 جنيه للفرد

    12-Tuscano فى شارع نبيل الوقاد واخر مرة رحته كان ال minimum 25 للفرد

    13-بورتو السخنة فى العين السخنة وقبل بورتو على طول فى قرية فيها كافيه جامد قوى بس للاسف مش فاكر الاسم قعدته عربى ومفهوش minimum هو لازق فى بورتو على طول

    14-بورتو مارينا وانصحك تروح هناك حلقة السمك القعدة تحفة على البحر وبيشتغلوا قبل ال season ما يبدأ هناك


    اتمنى اكون اضفت لكم معلومات و ساعدتك فى التفكير وبرده اللى عنده افكار يقولها عشان كلنا نستفيد وشكرا
    اللهم صلى وسلم على سيدنا محمد

  2. #2
    الصورة الرمزية medo11medo11
    تاريخ التسجيل
    Dec 2007
    المشاركات
    1,548
    هدايا high class دى هدايا تجيب احباط للناس
    واحب اضيف للرجل عربيه او موتوسيكل ريس او حصان بنى او اسود يكون عربي اصيل
    وممكن تذكرة سفر لباريس او لندن او شقة على النيل او بيتش بجى بهزر طبعا
    وشكرا على الموضوع




  3. #3
    الصورة الرمزية pisko
    تاريخ التسجيل
    Dec 2005
    المشاركات
    660
    الف شكر على الافكار اللى تجنن
    موضوعك الاولانى جميل والتانى تحفه
    بس ياريت تنتقل للاسكندريه شويه .. الاماكن الجميله .. وافضل المحلات
    ميرسى

  4. #4
    الصورة الرمزية pisko
    تاريخ التسجيل
    Dec 2005
    المشاركات
    660

    Aww

    اقتباس المشاركة الأصلية كتبت بواسطة medo11medo11 مشاهدة المشاركة
    هدايا high class
    واحب اضيف للرجل عربيه او موتوسيكل ريس او حصان بنى او اسود يكون عربي اصيل
    وممكن تذكرة سفر لباريس او لندن او شقة على النيل او بيتش بجى
    وشكرا على الموضوع
    ههههههههههههههه
    افكارك مبدعه وسهله التنفيذ

  5. #5
    الصورة الرمزية ღ♥ღ J€ŜŜY ღ♥ღ
    تاريخ التسجيل
    Apr 2008
    المشاركات
    6,914
    ميرسى ليك يا مصطفى انك وفيت بوعدك و بسرعة كمان
    و عملتلنا الموضوع دة
    اكيد هيفيدنا اوى
    بس ياريت تزود شوية الحاجات اللى ممكن البنت تجيبها
    او تعملها فى المناسبات
    اكيد برضو احنا بيبقى نفسنا نعملكم مفاجات و نفرحكم

  6. #6
    الصورة الرمزية monnem82
    تاريخ التسجيل
    Sep 2008
    المشاركات
    685
    اقتباس المشاركة الأصلية كتبت بواسطة ღ♥ღ J€ŜŜY ღ♥ღ مشاهدة المشاركة
    ميرسى ليك يا مصطفى انك وفيت بوعدك و بسرعة كمان
    و عملتلنا الموضوع دة
    اكيد هيفيدنا اوى
    بس ياريت تزود شوية الحاجات اللى ممكن البنت تجيبها
    او تعملها فى المناسبات
    اكيد برضو احنا بيبقى نفسنا نعملكم مفاجات و نفرحكم
    انا اللى شاكر ليكم جميعا وانا استحالة اقول كل الافكار لأنها مش بتخلص..كله يدخل يقول فكرته والكل يستفيد..
    اما بالنسبة لحكاية high class فممكن تنفذ اللى فى حدود امكانياتك ولكن انا موضوعى بيتكلم عن الهدايا اللى عادة بنجيبها والافكار وحتلاقى برده حاجات مش مكلفة واغلب الهدايا ممكن تتنفذ بأسلوب مناسب لامكانياتك
    التعديل الأخير تم بواسطة monnem82; 20-10-2008، الساعة 03:50 PM

  7. #7
    الصورة الرمزية romanza
    تاريخ التسجيل
    Dec 2005
    المشاركات
    13,631
    موضوع هايل وكنت مستنياه منك عشان أثبته

    بالنسبة للهدايا الرجالي أكيد مش أي حد بيحب الموسيقى هجيبله جيتار لازم يكون بيعرف يعزف

    انا جوزي بيحب الكلاب جدااااااا

    بس انا عايزة اجيبله كلب صغير وهو يربيه

    بس انا مش عارفة أسامي كلاب الحراسة ولا أسعارها ولا أماكنها ياريت لو تعرف فيدني

    موضوع البدلة ده صعب جدا أعرف أظبط مقاسه لأنها ممكن ما تطلعش مظبوطة عليه

    كرافت ممكن مافيهاش مشكلة

    بالنسبة لحلواني ساليه سوكريه ده فين بالظبط؟؟
    إيه حكاية البالونات دي

    افرض فرقعت في وش حد؟؟

    D :



    حلوة أوي أوي فكرة التي شيرت دي

    جامدة دخلت دماغي أوي بصراحة

    بالنسبة للمطاعم بقى

    جراند حياة

    ده تحفة تحفة تحفة بجد والفيو من فوق مش معقوووووووووول

    رائع يا جماعة بس ده للي جيبه مليان على فكرة

    يعني اللي عايز حاجة في الخمسين كده يبعد عنه أحسن

    المطعم الصيني ده بقى انا بقلق منه جدا

    أخاف آكل هناك يجيلي تسمم مش عارفة ليه

    بجد الأكل طعمه حلو على ضمانتك؟؟؟!!!

    Jony carino's
    أول مرة أسمع عنه حلو؟؟

    أما بالنسبة للحاجات اللي انت بتقول من غير منيمام

    يعني ممكن الواحد يعمل حسابه على كام وهو رايح؟؟؟


    عايزة أضيف مطعم كمان

    مطعم اسمه كورتيجيانو

    مش فاكرة الحروف صح وللا لا بس تقريبا كده


    Cortejiano

    ده في المهندسين وديكوراته تحفة بجد روعة ومختلفة وفي نفس الوقت أكله جميل جدا والخدمة حلوة أوي

    وده ممكن نقول حوالي 150 للفردين

    لو غدا وحاجة تتشرب

    فيه كمان مكان تاني وهو عبارة عن مركب لكن ثابتة على النيل مش بتمشي إسمها

    imperial

    ودي تلات أدوار كل دور له نظامه بس دي لازم بالحجز قبلها

    كل دور له ديكوراته وكله طبعا بيطلوا على النيل والمنظر منها حلو أوي أوي بجد

    والأكل هناك حلو برضه

    ولو عايزين تشوفوا شكلها من غير ماتروحوا
    هي جت في فيلم عمر وسلمى المكان اللي كانوا بيتعشوا فيه عشا عائلي وكانت مي عز الدين لابسة طقم اسود

    المكان ده بيروحوا سياح عشان كده ممكن تلاقوه مكلف برضه

    الدور اللي فوق ده مكشوف فأغلى من اللي في النص

    اللي في النص ممكن نقول المنيمام 90 في الأيام العادية

    وفي الويك إند أو خميس وجمعة وسبت بيكون 150 للفرد

    موضوع جميل جدا جدا بجد

    بس ده ممكن يكون لناس معينة

    أو للكل لو في المناسبات بس

    عشان الأماكن دي نوعا ما ممكن نقول مكلفة شوية

    أنا هضيف كمان بعض الأماكن الغير مكلفة

    طبعا أكيد هنبقى كلنا عارفين مؤمن وكوك دور وبيتزا كينج

    دول حلوين أوي في المعادي والزمالك

    أو في أركاديا مول كورنيس النيل

    بس ده مافيهوش مؤمن فيه كوك دور

    فيه مكان بقى أعدة بس

    يعني تبقى أعد في العربية أو يتاخد مواصلات وتقعدوا على السور هناك لو مافيش عربية يعني

    حتة اسمها المنسترلي في المنيل

    وده مكان كده على النيل (حتة واسعة يعني مش مطعم ولا محل حتة من الشارع)

    بتطل على النيل علطول وأدامه من الناحية التانية من النيل هتشوف زرع وشكله حلو ورومانسي كده

    المكان الهوا فيه حلو والأعدة هناك جميلة

    اللي كمان مش مكلف وأعدته حلوة المقطم
    المنظر من فوق تحفة

    وفيه هناك كافيهات كده فاتحين عاملين سور سلك لكن مش فاتحين محل يعني

    ولو وقفت جوة السور السلك ده لازم تاخد حاجة

    وقفت براه مش مشكلة استمتع بالمنظر وامشي D :

    حديقة الأزهر

    مكان تحفة تحفة بشكل رائع

    أولا الزرع هناك حلو أوي ومنظره جميل جدا والهوا رائع (ماتتراحش في الشتا لأن الهوا جامد)

    والمطاعم هناك حلوة برضه فيها مطعمين

    ستديو مصر ده أعتقد مافيش منيمام فيه

    ومطعم تاني مش فاكرة اسمه لكن المنيمام هناك 35 للفرد

    طبعا تم تثبيت الموضوع

    وطبعا الاقتراحات مفتوحة للكل سواء أماكن للخروج أو هدايا

    وياريت يا جماعة أي حد زار أي مكان من الموجودين هنا يقول رأيه فيه عشان الناس تاخد فكرة لو لسة ماراحتش

    وانا عن نفسي لو افتركت حاجة تانية هقولكوا

  8. #8
    الصورة الرمزية monnem82
    تاريخ التسجيل
    Sep 2008
    المشاركات
    685
    هاى يا جماعة..انا اتفاجئت بتثبيت الموضوع وسعيد لأن ده اول موضوع يتثبت لى فى المنتدى..
    بالنسبة لأنواع الكلاب يوجد فى المنتدى قسم للحيوانات اعتقد فيه معلومات جيدة..
    وزيادة للهدايا الرجالى احب اضيف هدية جميلة جدا وهى :
    مكنة حلاقة كهربائية..ويفضل نوع براون حديث وبجد دى هدية تحفة.

    scarf شيك وانصحك تتابعى الموضة فيها قبل ما تشترى مع حزام جلد كلاسيك.

    وبالنسبة للهدايا الحريمى: حقول لك على حاجة اعملها فى اى مناسبة عشان تفرح حبيبتك بس مش مناسبة لعيد ميلاد:
    خدها مكان زى كارفور مثلا وخليها تجيب اللى هى عايزاه .. هات لها كل اللى بتحبه من شوكولاتات على شيبسى على عصير على ايس كريم ان شا الله سيريلاك و كورن فليكس ووالله انا لسه بحب اجيب الحاجات دى عشان بحب طعمها..وفيمتو و سبراى و زيوت للشعر..حتتكلف بس شوية بس حسب امكانياتك هات.يا اخى دلعها لو انت مدلعتهاش مين حيدلعها!!

    بالنسبة للاستفسار عن مكان ساليه سوكريه هو ليه فروع فى المهندسين وفى مدينة نصر ورا طيبة مول مباشرة وفى الرحاب واعتقد كمان فى مصر الجديدة
    بالنسبة للمطعم الصينى اسمه asia bar واكله مضمون وتحفة عن تجربة شخصية

    بالنسبة للبالونات دى فكرة بسيطة انك تملى العربية بالونات وانتوا مروحين اكتب كلمة وهى كمان تكتب كلمة ليك..مثلا بحبك..حرفى اسمكم سوا مع قلب..الحاجات دى يعنى..اكتبوا وارموا من الشباك وهكذا لما تكونوا ماشيين بالعربية فى طريق سريع او حتى عادى..متقلقش مش حتفرقع فى وش حد ولا حاجة دى مجرد بلونة

    بالنسبة ل carino's فهو مشهور قوى وليه فروع بس اشهرها المرغنى وده مطعم ايطالى

    الحاجات اللى من غير minimum هى بتفرق حسب المكان..يعنى hard rock لو حتتعشى مثلا اعمل حسابك على 200 جنيه للفردين ده لو مخدتش اى حاجة تانية وطبعا ده قبل الساعة 11 مساءا

    بالنسبة للاسكندرية انا خبرتى فيها قليلة لكن فى فكرة لكن مكلفة شوية:

    اجر لانش واملاه زينة و هات تورته واعمل لها عيد ميلاد فى وسط البحر

    الفكرة دى ممكن تتنفذ فى النيل بطريقة ابسط وارخص..اجر فلوكة وزينها واعمل على الشراع قماشة كبيرة مكتوب عليها كل سنة وانت طيبة واحتفلوا بعيد الميلاد وسط النيل لوحدكم.

  9. #9
    الصورة الرمزية So.far
    تاريخ التسجيل
    Aug 2007
    المشاركات
    4,756
    موضوع جميل اووى وحلوة الاضافات دى اللى ضفتها لتانى مرة واول مرة برده

    موضوع فعلاا حلو اووى

    شكرا ليك على الحاجات الحلوة دى

    خاصة البالونات دى اول مرة اعرفها

  10. #10
    الصورة الرمزية • яjαн вσџ •
    تاريخ التسجيل
    May 2008
    المشاركات
    71
    عـــــــيــــــــد المــــــــيلاد حــــــــــــرام
    التعديل الأخير تم بواسطة • яjαн вσџ •; 21-10-2008، الساعة 05:44 PM

  11. #11
    الصورة الرمزية monnem82
    تاريخ التسجيل
    Sep 2008
    المشاركات
    685
    اقتباس المشاركة الأصلية كتبت بواسطة • яjαн вσџ • مشاهدة المشاركة
    عـــــــيــــــــد المــــــــيلاد حــــــــــــرام
    انت لست مفتيا حتى تحلل او تحرم..والعيد ميلاد لو الغرض منه زيادة الحب والمودة واضافة احاسيس والتقريب بين زوجين مسئولين عن بيت مسلم ده يبقى حلال ونص وكمان مستحب..
    عايزين بيوت المسلمين تبقى كلها دفء وحب ومودة و اعياد الميلاد بيبقى ذكرى جميلة وفرصة ممتازة للتعبير عن المشاعر فى زمن كله سرعة وجرى وراء الرزق ونسيان الزوجة والعلاقة فى بحر الحياة..
    وحتى بين الاصدقاء اعياد الميلاد فرصة للتقريب بين الناس والتهادى والكلام الجميل وسبب بيخلى الناس تتجمع وتشوف بعضها وتسأل عن احوال بعض طالما مفيهاش شىء يعارض الدين..كفاية كلمة كل سنة وانت طيب..كلمة طيبة كشجرة طيبة وده اللى الدين علمهولنا

  12. #12
    الصورة الرمزية Dark-Knight
    تاريخ التسجيل
    Nov 2005
    المشاركات
    845
    موضوع جميل فعلا ومفيد
    وبالنسبه للاسكندريه - فى أماكن كتير - أذكر منها على سبيل المثال :
    - كوفى شوب لا سيرين فى فندق سان جيوفانى ، وده المينيمم فيه حوالى 45 جنيه للفرد ( والفيو هناك روعه أمامك كوبرى ستانلى مباشرة ).
    - شيلليز أمام قصر المنتزه .
    - تريانون - محطة الرمل ( حوالى 150 جنيه للفردين ) .
    - teka grill فى حدائق قصر المنتزه أو بحرى - ( حوالى 250 ج للفردين ) .
    - فى مطعم زفير وسي جل فى المكس ، و زفيرون فى أبو قير ودى كلها متخصصه ف الأسماك .

  13. #13
    تاريخ التسجيل
    Dec 2004
    المشاركات
    58
    شكرا لك على الموضوع الجميل ده جالي بصراحة في وقته
    وإن شاء الله نشوف مزيد من الافكار لاصدقائنا اللي خاطبين او المتجوزين عملوا ايه

  14. #14
    الصورة الرمزية mhkm177
    تاريخ التسجيل
    May 2006
    المشاركات
    1,137
    Mawdo3 Coooooooool





    وسلمووووووووووووووووووووولي عليـــــــــــــــــــــــــه


  15. #15
    الصورة الرمزية oshi20
    تاريخ التسجيل
    May 2008
    المشاركات
    618

    22

    دى فكره تانيه للى يحب يعمل مفاجاه

    ممكن تجيب هديه شيك موبايل مثلا وتروح الكافيه اللى هتفعدو فيه

    وتدى الهديه لاى مسؤول فى الكافيه وتتفق معاه انه يديهالكو على انها جايزه هى كسبتها

    مثلا كرقم الترابيزه دى او تلعبو دور طاوله مثلا ومسؤول من الكافيه يقول اللى هيكسب ليه هديه قيمه

    وطبعا تخليها تكسب واول ماتفتح الهديه تلاقى جواه كارت شيك فيه كلمه حلوه منك واسمك


    يارب تكون الفكره عجبتكم

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك