موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 21 من 33 الأولىالأولى ... 11 19 20 21 22 23 31 ... الأخيرةالأخيرة
النتائج 301 إلى 315 من 494
Like Tree1Likes

الموضوع: اكتب اماكن مراكز التدريب و الكورسات اللى خدتها و تعليقك عليها

  1. #301
    اقتباس المشاركة الأصلية كتبت بواسطة nevocat مشاهدة المشاركة
    السلام عليكم ورحمة الله وبركاته,
    ممكن اطلب من الناس اللي بتاخد انجليزي في معهد القوات المسلحة في الوقت الحالي انهم يقولولي العنوان بالظبط لو في الدقي او كوبري القبة و المواعيد من امتي واذا كان في تقديم دلوقتي لاني بجد محتاجة اخد الكورس ده ومن كلامكم حسيت انه مكان كويس فعلا...
    وبجد ربنا يكرمكوا كلكم ما شاء الله عاملين موضوع مفيد لكل الناس وربنا يوفق الجميع
    وعليكم السلام ورحمة الله وبركاته

    بصي بالنسبة لميعاد الحجز فأنا اللي اعرفه بالنسبة للكورس المكثف اللي هو مدة المستوى 5 أسابيع
    انهم خلصوا يوم 11 فبراير
    وكانت مواعيد التقديم بدأت من يوم 9 فبراير
    بس مش عارفه اذا كانوا بدأوا واللا لا
    فنصيحة مني اتصلي بيهم احسن
    وده رقمهم
    22629831
    اما اذا كنتي عايزاه كورس عادي فلسه مواعيد التقديم ما فتحتش
    عشان الكورس اللي شغال لسه ما خلصش
    وهيخلص 17 مارس وعادة مواعيد الحجز بتفتح قبل انتهاء المستوى بحوالي اسبوع

    وبالنسبة لعنوان الفرع الرئيسي اللي هو فرع كوبري القبة
    فهو احسن طريقة انك تركبي مترو الانفاق وتنزلي محطة كوبري القبة
    وتسألي اي حد جوه محطة كوبري القبة
    قوليله عايزه اخرج من الناحية اللي تطلعني على الكلية العسكرية
    هيقولولك
    يعني هو انتي هتمشي شارع طويل شوية
    وبعدين هتعدي الشارع
    وتمشي شارع تاني
    انتي لو بصيتي على شمالك هتلاقي مشتشفى كوبري القبة العسكري هي تبع القوات المسلحة يعني
    انتي امشي من الناحية التانية على الرصيف
    وخليكي ماشية لحد ما هتلاقي الكلية الفنية العسكرية امشي كمان
    كمان شوية هتلاقي البوابة الرئيسية لمعهد القوات المسلحة للغات
    سيبيها وامشي شوية كمان جنبها
    هتلاقي بوابة صغيرة كده
    هي ديه اللي بندخل منها


    وفي 3 طرق اسهل

    1- انك تركبي مترو الانفاق لحد محطة حسني مبارك وبعدين تطلعي برا المترو خالص
    وتركبي مترو مصر الجديدة هم 3 محطات وتنزلي في الرابعة اللي
    هي محطة كوبري القبة
    دي بتكون اقرب كتير من محطة كوبري القبة بتاعت مترو الانفاق
    بعد ما تنزلي اطلعي برا واسألي اي عسكري من اللي واقفين قوليله فين الكلية الفنية العسكرية هيقولك على طول
    ومعهد اللغات جنب الكلية الفنية العسكرية على طووووول
    فهتمشي على طووووول لحد ما هتلاقي تقاطع كده وكوبري من فوقك
    بصي الناحية التنية هتلاقي مستشفى كوبري القبة هي تبع القوات المسلحة
    امشي من هناك بس على الرصيف التاني اللي ادامها
    وافضلي ماشية على طول لحد ما هتلاقي الكلية الفنية العسكرية اول بوابة
    امشي تاني هتلاقي بوابة تانية وامشي تاني هتلاقي بوابة المعهد الكبيرة سيبيها وامشي شوية كمان هتلاقي بوابة صغيرة كده
    دي اللي هتدخلي منها عشان تحجزي
    وقولي للعسكري اللي على الباب
    حجز كورس

    2- انك تركبي المكيف من الجيزة رقمه 791 وفي كمان 796
    وفيه ميني باص من الجيزة برضوا رقمه 26

    دول بيوصلوا على ناصية كوبري القبة وبتمشي شوية صغيره اوي
    اما اذا ما كنتيش من سكان الجيزة يبقى مترو الانفاق احسن طريقة ليكي


    3- تركبي من الهرم او من الجيزة اتوبيس مكيف رقمة 357
    ده بينزل امام المعهد بالظبط

    كده خلصنا اول فرع ( فرع كوبري القبة )

    ثاني فرع هو فرع الدقي

    ده عند شارع نوال لو تسمعي عنه
    في طريقتين ممكن تروحي بيهم
    1- اذا هتركبي من الجيزة اركبي دقي امبابة او اي عربية بتقول دقي وخلاص
    وانزلي عند شارع نوال وامشي في الشارع شوووية وبعدين اسألي فين اكاديمية ناصر العسكرية هو الكورس هناك في الاكادديمية ديه

    2- اذا هتركبي مترو الانفاق
    انزلي محطة الدقي واطلعي في اتجاه شارع عبد الرحيم باشا صبري
    امشي شوية على طووول وبعدين هتبصي على الناصية التانية هتلاقي فيلا كده ديه المركز الثقافي الروسي الفتحة اللي ادامه على طول ( الفتحة اللي بين سوبر ماركت وسينما التحرير ) ادخلي منها وامشي على طووووووووول هو شارع طويل شووووووووية بس سهل خالص


    كده خلصنا فرع الدقي

    ثالث فرع كل اللي اعرفه انه لسه جديد خالص
    وهو في شبرا الخيمة

    الفرعيين التانيين اعرف عنهم التفاصيل دي كلها لاني جربتهم

    وانظمة كورسات الانجليزي بالمعهد انا كاتباهم بالتفصيل في رد سابق في الموضوع ده

    بس هقولهوملك تاني


    في 3 أنواع

    منهم نوعين زي بعض الاختلاف بينهم بس بيكون في مدة المستوى

    النوع الاول منهم
    الكورس العادي
    بيكون 12 مستوى
    سعر الكتاب 20 جنيه
    سعر السي دي 25 جنيه
    مدة المستوى 10 أسابيع
    بمعدل 4 ساعات اسبوعيا
    ممكن يكون الـ 4 ساعات دول على يومين كل يوم ساعتين او في يوم واحد


    النوع الثاني
    الكورس المكثف
    بيكون 12 مستوى
    سعر الكتاب 20 جنيه
    سعر السي دي 25 جنيه
    مدة المستوى 5 أسابيع
    بمعدل 8 ساعات اسبوعيا
    يعني حصتين في الاسبوع مدة كل حصة 4 ساعات



    اما النظام الثالث اللي بيختلف شوية عنهم
    بيختلف في الكتاب ومالوش سي دي
    وبيختلف في الاسعار
    هو نوع البلازما
    ده الدراسة فيه بتكون عن طريف شاشة كبيرة
    بدل السبورة يعني
    وده بيكون 8 مستويات مدة كل مستوى 4 أسابيع
    بمعدل 8 ساعات اسبوعيا
    كل اسبوع حصتين مدة كل حصة 4 ساعات
    وكتابه مختلف عن النوعين السابقين
    وبيكون سعر الكتاب 40 جنيه
    وسعر المستوى الواحد 320 جنيه

    ملحوظات مهمة
    فرع كوبري القبة هو اللي بنحجز منه وبنجيب الكتب والسي ديهات منه
    حتى لو حبيتي تاخدي في فرع الدقي او شبر الخيمة
    الدفع والكتب في فرع كوبري القبة مش في الدقي ولا شبرا الخيمة

    فأنتي اسألي بالتليفون عن مواعيد الحجز بالظبط
    وحضري معاكي صورة البطاقة وصورتين شخصيتين
    وروحي في اليوم اللي تحدديه بس روحي من بدري اويييييييي يعني
    اذا قدرتي تروحي 8 الصبح روحي
    صحيح الموظفين ما بيبدأوش شغل قبل 10 الصبح
    بس مرواحك بدري عشان تلحقي رقم تسلسلي
    اصل العساكر بيدوا الناس اللي جايه بدري ارقام عشان محدش يبقى جاي بدري ويتظلم ويجي حد تاني لسه جاي ياخد مكانه
    فروحي بدري عشان تاخدي رقم قريب
    وربنا معااااااااااااكي
    اتمنى اكون قدرت اساعدك
    واي حاجة تطلبيها انا موجودة
    وبالتوفيق ان شاء الله
    واتمنى اكون قدرت اساعدك

    التعديل الأخير تم بواسطة سمرااااااااااء; 22-02-2008، الساعة 11:26 AM

  2. #302
    اقتباس المشاركة الأصلية كتبت بواسطة khalid75 مشاهدة المشاركة
    اية يا سمراء المجهود الجامد دة
    الله يخليك ده من ذوقك
    وما يجيش حاجة جنب مجهود الاعضاء اللي موجود في الصفحات السابقة
    وجزاهم الله كل خير
    وبالتوفيق لينا جميعا يارب


  3. #303
    تاريخ التسجيل
    Oct 2007
    المشاركات
    55
    انا اخدت فى المنظمة العربية للتنمية الادارية بارت 2 وكان ال Instructor واحده اسمها هبة سرور بس شرحها مش حلو ومش بتفهم كويس زائد كمان ان لغتها اساسا مش حلوه والمفاجأه انى دورت على اسمها فى اللى واخدين الشهاده ملقتهاش

  4. #304
    الصورة الرمزية ohnono
    تاريخ التسجيل
    Jan 2007
    المشاركات
    20
    طب أيه رأيكم فى مركز التدريب vision

    أنا هاخود فيه كورسات جرافيك

    حد يفدنى ياجماعه الله يخليكم بسرعه

    وشكرا

  5. #305
    تاريخ التسجيل
    Jan 2008
    المشاركات
    4,041
    بالنسبه لي عشان أنا بنت فالكورسات بالنسبه لنا مش أساسيه بس الحاجه الوحيده إللي أخدتها شهادة ال icdl في misrlearn مكان تاخد منه الشهاده كويس والشرح معقول ومكانه في ميدان سفير بمصر الجديده

  6. #306
    تاريخ التسجيل
    Sep 2007
    المشاركات
    308
    اقتباس المشاركة الأصلية كتبت بواسطة سمرااااااااااء مشاهدة المشاركة
    السلام عليكم ورحمة الله وبركاته
    في البداية احب اشكر صاحب الموضوع وكل من اضاف تعليقا في اهذا الموضوع
    واشكركم على مساعدتك بخبراتكم لكي يستفيد منها الجميع
    وجزاكم الله كل الخير ان شاء الله

    بالنسبة لي انا خريجة جديدة
    مش خريجة تجارة عشان كده ماليش اهتمام بكورسات المحاسبة ومشتقاتها
    المهم بدأت في الصيف احدد انا عايزه اعمل ايه يعني ابدأ بكورسات ايه ونفسي اشتغل ايه
    في البداية كان نفسي اخد كورسات كمبيوتر ( ICDL ) وانجليزي واشتغل في اي شركة
    وبعديين قولت دي الرخصة الدولية رترتت وبقت كتير اوي اوي
    ففكرت في اني اشتغل ويب ديزاينر مصممة مواقع على الانترنت يعني
    ورجعت قولت لنفسي مشوارها طويل اوي عايز حوالي سنتيين عشان الانجليزي وكورسات الكمبيوتر
    قولت لنفسي ان العامل المشترك بينهم هو الانجليزي طيب ابدأ بالانجليزي
    بدأت اسأل على الاماكن وكان اتجاهي لعدة اماكن

    اهمها المعهد البريطاني
    بس عيبه كان بالنسبة لي انه غالي جدا جدا ميزانية كبيرة اوي ممكن اخد بيها كورسات تانية كتير

    http://www.britishcouncil.org/egypt-...term-dates.htm


    والجامعة الامريكية

    بس خوفت من حكاية انهم مش بيتكلموا ولا كلمة عربي خصوصا اني كنت عايزه اخده من المستوى الاول

    http://www.aucegypt.edu/Pages/default.aspx


    و معهد بيرليتز

    عرفته متأخر بس برضوا هو غالي اوي اقل كورس فيه بـ 800 جنيه وبيوصل الكورس فيه لـ 2500 جنيه ده لما بتكون انت والمدرس بس يعني درس خصوصي

    http://www.berlitz.com/



    وبعدين عملت سيرش على النت اسأل فيه عن معهد القوات المسلحة للغات بعد ما سمعت ان هو احسن حاجة بعد اللي ذكرتهم ليكوا فووق

    بالنسبة لنظام معهد القوات المسلحة للغات فهو كالتالي :


    اولا : الكورس العادي والمكثف :

    الحاجات الثابتة واللي ما بتتغيرش

    هو سعر الكورس ( الانجليزي العام ) 255 جنيه لكل مستوى

    وكمان عدد المستويات 12 مستوى

    وسعر الكتاب 20 جنيه

    وسعر الـ CD يساوي 25 جنيه


    ولكن هناك نوعان من الكورسات :

    1- كورس عادي

    وده مدة المستوى بتكون 10 أسابيع
    بمعدل 4 ساعات اسبوعيا سواء حبيت تاخدهم على يوميين او في يوم واحد

    2- كورس مكثف

    وده مدة المستوى بتكون 5 أسابيع
    بمعدل 8 ساعات اسبوعيا
    2 حصة في الاسبوع

    المدرسيين بيكونوا مصريين


    ********************
    ثانيا : البلازما :

    وفي نوع اسمه بلازما
    ده بيكون 8 مستويات بس
    ومدة كل مستوى 4 أسابيع بمعدل 2 حصة في الاسبوع كل حصة 4 ساعات
    والتدريس فيه زيه زي الكورس الثاني بس الشرح مش بيكون على سبورة
    بيكون على شاشة بلازما كبيرة
    وسعر الكتاب بتاعة 40 جنيه ومالوش CD
    ****************
    بالنسبة للمحادثة
    فهي 8 او 9 مستويات مش فاكره بالظبط
    وسعر المستوى زي سعر الكورس ونظامها زي النظام اللي ذكرته في الاول
    يعني يا عادي 10 اسابيع لكل مستوى يا اما مكثف 5 اسابيع لكل مستوى
    وسعر الكتاب بيكون 150 جنيه
    بس عشان اي حد يدخل امتحان تحديد مستوى المحادثة لازم يكون مخلص المستوى السادس وكمان لازم ينجح في امتحان تحديد مستوى المحادثة بـ 70 % على الاقل عشان يقبلوه في الكورس


    فروع المركز

    1- الفرع الرئيسي : بكوبري القبة بجوار الكلية الفنية العسكرية
    والفرع ده اللي بيتعمل فيه اختبارات تحديد المستوى والتقديم ودفع المصروفات وشراء الكتب والسي ديهات

    تليفونه 22629831


    2- فرع الدقي ده بيتراحله عن طريق المترو او اي مواصله تواصلك عند سينما التحرير والمركز الثقافي الروسي
    هو الشارع اللي في وش المركز الثقافي الروسي تمشي فيه كتير شوية لحد ما هتوصل ليه هي اكاديمة ناصر العسكرية ( وهو ده اللي اخدت فيه )


    3- فرع بشوبرا الخيمة





    وعن تجربتي فيه انا كنت باخد في فرع الدقي كورس مكثف

    انا ما عملتش تحديد مستوى ده لاني كنت عايزه اتأسس لاني كنت بدرس في الجامعة انجليزي متخصص وده بيدمر الانجليزي لانه في المتحان بيعتمد على الكلمات والصطلحات الخاصة بالتخصص لا بيدقق على جرامر ولا اي حاجة

    دخلت المستوى الاول وخلصت وجبت ( A ) امتياز وبصراحة المدرسة كانت ممتازة جدااااااااا

    وبعدين اخدت المستوى الثاني مع مدرسة رائعة رائعة واخدت معاها 3 حصص لن انساهم
    المهم
    روحت عشان احول الكورس لكورس عادي و انقل لكوبري القبة عشان كنت عايزه اخد يوم الجمعة وفرع الدقي ما فيهوش يوم الجمعة فروحت وحولت فعلا وروحت يوم الجمعة واتصدمت صدمة عمري
    فرع كوبري القبة اللي كل ما اجي اقدم يقولولي انه احسن فرع يكون بالمستوى ده
    بصراحة وانا جوا المحاضرة كنت هعيط من القهرة واقول لنفسي ايه اللي خبطني في دماغي عشان احول بس
    ما انا كنت مع مدرسة مش هقدر اعوضها المهم حاولت ارجع تاني ما رضيوش وقالولي هتخليكي لحد ما تخلصي الليفل طبعا انا اللي جبت ده كله لنفسي
    وحاليا انا مش عارفه اعمل ايه لان اللي في كوبري القبة ده هينسيني شوية الانجليزي اللي دخلوا صح في دماغي
    ده انا بسبب المدرسة اللي خدت معاها في المستوى الاول والتاني اتمنيت اني اكون مدرسة انجليزي في كورسات
    فقولت هفوض امري لله ومش هروح ولما يبدأ التقديم للكورسات المكثفة هقدم على المستوى الثاني ككورس مكثف وهرجع الدقي تاني وربنا يقويني يارب
    بس ملخص تجربتي ديه ان اي مكان للكورسات بيكون كويس ووحش بحاجتيين هما المحاضر والطالب
    يعني مجهودي وقدرتي على التحصيل ورغبتي في التعلم وعلى المدرس اللي بيدرسلي وامكانياته من علمه

    وبالنسبة للي بيحبوا يعلموا نفسهم بنفسهم خاصة في الكمبيوتر
    فدول موقعيين فيهم كتب الكترونية لشرح كافة برامج الكمبيوتر

    http://www.kutub.info/library/

    http://www.boosla.com

    الموقعيين اروع من بعض ومفيديين جدااااااااا



    بالنسبة للمهتميين بمجال التنمية البشرية فأنا سألت كتير اوي اوي عن المجال ده
    بس للاسف لقيت مراكز غريبة طلعت وبتدي علوم التنية البشرية فأسلم طريق هو قراءة كتب خاصة بهذا المجال بتأني شديد جدا جداااااا لان للاسف الاماكن الموثوق فيها بتكون غالية جداااااااااااا
    يعني بتلاقي الدورة 4 او 5 أايام بـ 4500 جنيه طبعا ده كتير جداااااااااااااا

    فده مواقع بتهتم بالتنمية البشرية وفروعها

    ده موقع بيهتم بكل المهارات التي تنمي من القدرات البشرية موقع رائع ومفيد


    http://www.maharty.com/vb

    ********

    الموقع ده بيهتم بالبرمجة اللغوية العصبية وطبعا بينصح اذا الواحد اخدها دورة مع مدرب انه يكون واثق من المدرب وميوله الدينية وافكاره عشان الدورة ديه خطيرة جدااااااااا


    http://nlpnote.com/


    ********

    وديه مدونة فيها كتب كتي عن تنمية المهارات الذاتية والكتب كلها للتحميل

    http://naif-3232.maktoobblog.com/



    **********


    وده موقع مركز زيدني اللي موجود بالقرب من مسجد رابعة العدوية بمدينة نصر وفيه كورسات في هذا المجال ومستواه لا بأس به واسعاره في متناول الجميع

    http://zedny.org/ar/Basic_Course.asp


    ***********


    وده موقع مركز الشرق الاوسط للاستشارات

    وده بيدي كورسات في تنمية المهارات كالتالي


    دورات تنمية مهارات التنظيم و الموارد البشرية


    دورات المالية والمحاسبية والاقتصادية


    دورات تنمية المهارات السلوكية والذاتية


    دورات المشتربات والمخازن والتسويق


    تنمية المهارات الإدارية والقيادية



    http://www.mecweb.cc/


    *********************


    وده موقع فرسان النجاح بيدي كورسات في كل فروع التنمية البشرية والمكان ده رائع جدا وكل المدربيين اللي فيه على مستوى عالي جدا وأكفاء وكلهم ذوي خبرات عالية وسيرتهم الذاتية رائعة والاهم طبعا انهم متخصصيين ده غير ان اسعار الكورسات بتاعتهم مش غالية خالص مقارنة بكفاءة المدربيين



    http://www.knightsofsuccess.org



    *****************************************


    في نهاية ردي اتمنى اكون قدرت اضيف ليكم معلومات تفيدكم واكون قدرت اضيف زي ما كلكوا اضافتوا اضافات رائعة
    وخليتوني اقرا كل الردود اللي فاتت
    وقولت لازم ارد على الموضوع الهايل ده
    واللي الواحد بيحس فيه ان لسه فيه خير في الدنيا
    وان لسه في ناس بتساعد الناس
    وكمان اتمنى ان كل واحد يكون حاطط لنفسه هدف
    ويعمل خطط قصيرة المدى
    عشان كل ما يخلص خطة يحس بأنتصار
    وتديله دفعة قوية انه يكمل للاخر
    وربنا يوفقنا جميعا للي فيه الخير لينا يارب ان شاء الله
    جزاكم الله خيرا أختى الكريمه على المعلومات القيمه وخاصة إنى كنت عايز آخذ كورسات فى التنميه البشريه ...لكن بالمنظر ده الواحد يقضيها self study أفضل وفيه كورسات كويسه جدا باللغه الانجليزيه لمهارات التفاوض ان شاء الله أضعها بالمنتدى قريب ...بارك الله فيكم ياكريمه
    اللهم وفقنى والمسلمين لكل خير
    --------------------------------
    لا إله إلا الله محمد رســــول الله

  7. #307
    اقتباس المشاركة الأصلية كتبت بواسطة acc_mma مشاهدة المشاركة


    جزاكم الله خيرا أختى الكريمه على المعلومات القيمه وخاصة إنى كنت عايز آخذ كورسات فى التنميه البشريه ...لكن بالمنظر ده الواحد يقضيها self study أفضل وفيه كورسات كويسه جدا باللغه الانجليزيه لمهارات التفاوض ان شاء الله أضعها بالمنتدى قريب ...بارك الله فيكم ياكريمه

    الله يخليك شكرااااااااا
    انا بس حبيت افيد غيري باللي انا قدرت اعرفه
    في التنمية البشرية في كتب كتير وسي ديهات كتير اوي وبيكون سعرها هايل
    مقارنة بالمحاضرات
    وبتكون بجد ممتعة جدااااااااااا
    بس على شرط انك وانت بتذاكرها تكون جدي جدااااااااا
    وتطبق كل اللي طلب منك وانت بتقراه
    يعني كأنك فيالمحاضرة تمام
    صحيح المحاضرات الحية في النوعية ديه من الدورات بتكون افضل
    بس هنعمل ايه ديه عايزه ميزانية لوحدها
    ده انا لو رحت اخدت البرمجة اللغوية العصبية تكلفتها بس اتعلم بيها انجليزي والـ ICDL
    وكمان ايه كورس البرمجة اللغوية العصبية بيكون من 3 الى 5 ايام

    بس الموقع ده حلو جدااااااا واسعاره كويسة اوي بـ 100 دولا للدورات العادية
    وفيه اساتذة معروفين جدا في المجال ده

    http://illaftrain.co.uk/arabic/modul...bycourse.thtml

    http://www.illaftrain.co.uk/arabic

    بس للاسف مالوش فرع في مصر
    تخيل فيه في غالبية الدول العربية تقريبا ماعدا مصر
    فيه في فلسطين والسعودية والكويت والامارات والسودان
    والجزائر وتونس وسوريا والاردن والبحرين والمغرب واليمن

    هم كانوا جم زيارة لمصر من سنة تقريبا
    بس ما وصلوش لاتفاق مع الوكيل المصري
    فلسه مش موجودين في مصر


    ودي بقى مواقع مراكز موجودة في مصر مستواها عالي اوي في المجال ده

    ده تحففففففففة مركز فرسان النجاح واسعارة كويسة جدااااااااا
    وساعات دكتور ابراهيم الفقي بيجي فيه وبجد فيه اساتذة اقوياء جدااااااا

    http://www.knightsofsuccess.org/


    وده مركز نهضة مصر

    http://nahda.atspace.com/index.html



    وده مركز الشرق الاوسط

    http://www.mecweb.cc/trainingplane.htm



    وبالتوفيق ان شاء الله


  8. #308
    حبيت اقولكم على مواقع رهيبة جداااااااااااااااااااا
    بتعلم الانجليزي والكمبيوتر من على الانترنت
    وده طبعا بيفيد اللي ما يقدرش يروح الكورسات
    سواء لاسباب مادية او وقته ما يسمحش
    ويقدر يتعلم من بيته وفي الوقت اللي يحدده

    اولا المواقع الخاصة بتعليم الكمبيوت
    ر بمختلف برامجه عن طريق الانترنت

    http://www.freelearn.110mb.com/index.html

    http://www.kutub.info/library/

    http://www.boosla.com



    ودي مواقع لتعلم اللغة الانجليزية عن طريق الانترنت

    http://www.english4arab.net/

    http://www.languageguide.org


    وده موقع لكتب اللغة الانجليزية سواء منهج بريطاني او امريكي من جامعة كامبيردج

    www.cambridge.org/elt/catalogue


  9. #309
    الصورة الرمزية hero_xp10
    تاريخ التسجيل
    Feb 2005
    المشاركات
    1,925
    السلام عليكم يا شباب
    انا سألت على معاد التقديم فى معهد اللغات بتاع القوات المسلحة
    والتقديمن من 15 الى 22 مارس
    وبالنسبة للمطلوب
    للمدنيين : مبلغ 255 وصورة البطاقة القومية و2 صورة شخصية
    واللى تبع القوات المسلحة فالمطلوب 75 جنية وصورة البطاقة الشخصية وصورة البطاقة العائلية وصورة البطاقة الصحية



  10. #310
    الصورة الرمزية dida07
    تاريخ التسجيل
    Jan 2007
    المشاركات
    388
    يا جماعة جالى استفسار على الخاص عن نظام و اسعار شهادة ال cma فى الجامعة الامريكيةبرجاء الافادة و بجد انتم زودتو الموضوع و شكرا لكل اللى بيساهموا بجد
    للمساعدة فى الخشوع فى الصلاة:
    - اعلم أن الخشوع في القلب والقلب كالعضلة يجب تمرينها لتكبر وتقوى فلا تتوقع أن يأتيك الخشوع في يوم وليلة
    - أذكر الله خلال اليوم في كل ساعة ولو دقيقة فمن كان قلبه لاهيا عن الله طوال اليوم من الصعب إن ينتقل فجأة إلى الخشوع في الصلاة
    - بطئ السرعة إلى نصف ما اعتدت عليه سواء في القراءة أو في حركة الركوع والسجود فخشوع الجسد يساعد على خشوع القلب.
    - عند السجود تصور وتذكر ارتباطك بالأرض فمنها خلقت وإليها ستعود
    - تعلم الأدعية والأقوال المختلفة في الصلاة كي تنوع وتكسر الملل أو الروتين.


    اماكن الدورات التدريبية و مواقع التعليم فى مكان واحد


  11. #311
    الصورة الرمزية SHADIMETALLIAN
    تاريخ التسجيل
    Jan 2007
    المشاركات
    1,985
    اقتباس المشاركة الأصلية كتبت بواسطة m.said مشاهدة المشاركة
    انا اخدت دورة محاسبة اسمهادبلومةQAD
    برنامج مهني لتأهيل حديثى التخرج و المحاسبين متوسطى الخبرة لسوق العمل المصرى و الخليجى

    برنامج من 6 أجزاء

    الجزء الأول: أساسيات محاسبية

    (Excel & Peachtreeالجزء الثانى : تطبيقات محاسبية باستخدام الكمبيوتر

    الجزء الثالث :أسس محاسبية باللغة الإنجليزية

    الجزء الرابع :أسس ضريبية

    الجزء الخامس :مهارات شخصية

    الجزء السادس :مادة التخصص

    محاسبة شركات تجارية و صناعية

    محاسبة شركات مقولات

    محاسبة شركات سياحة و طيران

    محاسبة شركات بترول

    محاسبة فنادق
    وتكلفته 1200
    ودرسته فى مركز HPA
    وده الموقع بتاعهم
    http://www.hpa-egypt.com/ARABIC/INDEX.ASP
    طب ياريت لو تقولنا يا مان
    استفدت منه ولا ايه النظام؟؟؟؟؟؟؟؟!!!!

  12. #312
    تاريخ التسجيل
    Oct 2006
    المشاركات
    19
    السلام عليكم يا جماعة الخير
    اللى عاوز كورسات الجامعة الامريكية الجنرال ممكن ياخدها فى مكتبة مبارك وبسعر اقل المستوى ب250 جنيه مش 450 زى الجامعة نفسها وهو هو نفس الكورس والاوراق كل حاجة عليها شعار الauc وناس من هناك هى اللى بتمتحنك انا امتحنت تحديد مستوى وحبدأ كمان 10 ايام ان شاء الله واى حاجة جديدة حكتبها هنا اكراما للناس اللى بتساعدنا و بتساعد بعضها ابتغاء وجه الله

  13. #313
    تاريخ التسجيل
    Mar 2008
    المشاركات
    59
    بجد ياجماعة موضع رائع جدا
    وانا كنت عايزة اسال بخصوص الكورس الانجليزى
    اللى فى شارع اسماعيل رمزى
    بتاع دكتور مجدى
    عايزة اعرف حد راحة قريب واستفاد ولا لا
    وبالاخص لو مستواة ضعيف جدا
    لانى للاف مستوايا ضعيف جدا
    والمركز دة جمبة فعايزة اعرف مواعيدة
    ودرجة الاستفادة
    وكمان انا باخد دلوقتى icdl
    وقربت اخلص الشرح واخش فى الامتحانات
    فياريت لو حد دخل الامتحانات قريب
    يقولى الوضع اية لانهم كانو بيقولو هيعملو تحديث فى الامتحانات فالكلام دة صح ولا
    وياريت سرعة الرد للهمية القصوى

  14. #314
    تاريخ التسجيل
    Oct 2007
    المشاركات
    313
    ايه ياجماعة موضوع في منتهي الجمال بس علي حظي الموضوع كدة شكله نام ده انا بقالي 3 ساعات قريت ال 22 صفحة كلهم

    انا طالب في كلية التجاة جامعة الاسكندرية الفرقة الاولي
    وبالنسبة ليا كلو بيقولي ان انا ابتديت حكاية الكورسات دي بدري وده كويس علشان توفر وقت بعد كدة

    وبالنسبة للكورسات اللي اخدتها :

    1-خلصت شهادة ال icdl وحاليا منتظر الشهادة واخدتها الدورة اللي هي المنحة من وزارة الاتصالات من orascom training وده بصراحة مركز تدريب جميل جدا وكانت الدورة عبارة عن شهر ونصف وبعد كدة الامتحانات

    2- بالنسبة للenglish انا حاليا خلصت ال intermediate stage ودي تعني المتوسط والمفروض اني ادخل دلوقتي علي upper intermediate وهي فوق المتوسط بس انا بوقف شوية بعد كل فترة يعني علشان الامتحانات وكدة ودي في المركز الامريكي المصري egyptian american culture center اللي هو في رشدي علي الترام وبرده مركز جميل جدا وكل اللي بيشرحوا هناك علي مستوي عالي وفيهم اجانب واهم حاجة ان الشرح والمعاملة كلها هناك english دي احسن حاجة علشان تتعود علي اللغة بجد وانا بجد حاسس ان مستواي الحمد لله اتحسن بكل ملحوظ وخاصة ال listning وشهاداته كلها معتمدة وبعضها معتمد من جامعات في اوروبا

    بالنسبة للاسعار ال general
    ال level ب 320+20 الكتاب
    اما ال conversation فتٍسألوا انتم بقي لأني لسة مخدتش المحادثة

    واي استفسارات انا موجود معاكم ومتابع الموضوع الجميل ده
    التعديل الأخير تم بواسطة MsForever; 21-03-2008، الساعة 05:32 PM

  15. #315
    تاريخ التسجيل
    Feb 2008
    المشاركات
    129
    الله يعطيكم العافية في خير ما اعملتو
    تم حذف التوقيع لمخالفته لقوانين التوقيعات من حيث الحجم

    إدارة المنتدى

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك