موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
النتائج 1 إلى 3 من 3
Like Tree0Likes

الموضوع: هذا بيان للناس !!!!!!!!!!!!!!!!!!!!!!!!! Ipa

  1. #1
    الصورة الرمزية free accountant
    تاريخ التسجيل
    Mar 2007
    المشاركات
    696

    هذا بيان للناس !!!!!!!!!!!!!!!!!!!!!!!!! Ipa

    بسم الله الرحمن الرحيم
    الاخوه الاعزاء رواد المنتدى واعضاءه معارضى ipa ومويدوه والعاملين به ان ووجدو فى المنتدى
    الموضوع ده بمثابه ايضاح وتحذير وبيان
    اولا فى الفتره الاخيره تصاعدت حده النقد لمركز ipa بصوره واضحه جدا جدا مما يدل فعلا على وجود بعض السلبيات فى هذا المكان وقد يبدو للبعض ومنهم العاملين فى المركز المذكور ان هذا كله جزء من حمله مدبره ضدهم بالتعاون معنا كإداره لمنتدى التجاريين وهو ماننفيه تماما فكل مايحدث هو ترك الفرصه للاعضاء لتوضيح تجاربهم دون ادنى مسؤليه للمشرفين سواء كانت مشاركات الاعضاء تتضمن راى سلبى او ايجابى بخصوص مركز التدريب عموما كما اننا لانستطيع ان نكمم افواه الاعضاء طالما ان مشاركاتهم فى حدود اللائق ,كما حرصنا فى الفتره السابقه على عدم استغلال المنتدى تجاريا للاعلان عن مراكز التدريب مهما كانت ومهما كان السبب وبدى ذلك فى حذف العديد من المواضيع والمشاركات وايقاف للعديد من العضويات
    كما ان فريق الاشراف ليس له اى مصالح تذكر مع اى مركز تدريب ونؤكد اننا لدينا الاستقلال التام وعدم الانحياز لا طرف على حساب الاخر

    فى الايام القليله السابقه طلت علينا العديد من العضويات الجديده المدافعه عن المركز المذكور بشده وبعضها باسلوب فظيع توقفت امامه لساعه تقريبا اول مره يقابلنى هذا الاسلوب لاى حد له علاقه ب ال CMA اللى المفروض انهم اعلى طبقه اخلاقيه ومهنيه انا اشك كل الشك ان ده اسلوب واحد CMA او حتى دارس لها واذا كنت كده فعلا يبقى كارثه واعتقد ان امثاله مش ممكن يوصلو لشيىء
    من هذه المشاركات العضو
    nor200922
    اقتباس المشاركة الأصلية كتبت بواسطة nor200922 مشاهدة المشاركة
    سلام
    انا جتلك تاني يا ابو العقد يا عم سبتنا في الورقة التانية محدش عبرنا وحيت علي هنا انا هسميك العقاد مشاوير ايه يا عم الخطى الواسعة دي وديني وراك اهوه وخدنا علي طرف جناحك في البزنس وحلوه الصورة اللي انت حطيتها بالرساله اللي فوق منك يا عم اتكلم معايا بدل منت كل شوية تفتح صفحة تكلم فيها نفسك في ناس قاعدة جنبي هنا بيحلفوا انهم ما هيدخلوا المنتدي ده طول ما امثالك فيه بس بصراحة انا معجب بإسلوبك بشرك ده انت استاذ كورس فضايح بس لو ما كنتش تسترزق بالكلام ده بقي هتسقط في نظري اوي ما تديني اي علامة اعرف اتقابل معاك فيها وانا ممكن ابقى الراجل بتاعك عند الناس اللي انت بتشتمهم ونهددهم ونطلع بأي مصلحة وانا هونسك في اي حته تظهر فيها
    يا جماعة الراجل ده علي حق واللي بيشتمهم دول عالم مش حسه به خالص وهنفضل نشتم فيهم لحد مايروقونا لأنهم فعلا ناس مش اد كده ولا ايه يا مان انا عايزك بردة تديني خيط الناس دي بتعمل ايه بالضبط علشان ابقي معاك في الصورة وانا عندي قاموس شتايم يعقدهم بس تفتكر الناس دى ناجحة اوي ومعاها فلوس تشتري راحة بالها والله لو حصل اقول عليك معلم صح بس انت اكيد دارس الناس دول وعارف انهم من النوع المحترم اللي ما يرضاش يرد ونازل فيهم كل يوم تعمل لهم صفحة بس خد باللك بردوا امن نفسك بس اكيد واحد بشرك ده يبقي غويط اوي ومستخبي حلو حاكم الشر ليه ناسه مستني اشارتك يا مان
    وكمان دى

    اقتباس المشاركة الأصلية كتبت بواسطة nor200922 مشاهدة المشاركة
    هاي يا مان ما فيش الا انت بس في الصفحة ده وانا حلفت لازم اونسك بس كويس كده داخل بأسمين بدل ما تكون لوحدك بس اموت واعرف محدش معبرك ليه كام صفحة نازل في الاعداء ولا حد بيرد اوعى يكون الناس دول مبيتعملش من وراهم مصلحة واحلى حاجة الكلمتين اللبط اللي انت كاتبهم وبتحول نظر الناس ليهم بس انت ازاي دايس في المنتدي الدوسة ديه اوعى اكون انا بتعامل غلط وتكون انت واحد من المسؤولين عن المنتدي وانا مصمم برضوا علي اني ماشوفتش صور الفضايح وفكرة ان انت تفتح صفح جديدة فكرة جميلة بس فين بقى فاستمان وشمعدان واسلام الدسوقي واميموا وسليمان الجلاتمة وتيتو ميزوا والتييم بتعنا ده ما تخش بيهم كلهم وكمان الجدع اللي انت منومة مغناطيسي احمد عزت ده علي فكرة ده بيدافع معاك كويس ياريت تملي كل الصفح كده ونفسي افهم الناس ديه ساكته ليه اوعى يامعلمة يكونوا بيحتكرونا والله باين انهم بيحتكرونا كام صفحة اقبلك فيها دلوقتي مفيش إلا انا وانت وواحد بس من الشلة ما تدخل بأسماء تانية يا معلم عايزين نضغط ضغطة جامدة سلام يا مان واقابلك في صفحة تانية
    يا جماعة بحذركم من ipa طارق عزب اسمعوا كلام العقاد ده راجل برفكت وفاهم الدنيا وبيكلمك بأسماء كتيرة ياك تفهموا اللي هيروح عند طارق عزب هيسقط في الشهادة ومش هيلاقي شغل وربنا مش هيوفقوا
    ونبي يا عقاد احلفلهم يامينين من بعتوعك

    انا حسابي في بنك ناصر الاجتماعي علشان الحاجة واخده سلفة من هناك رقمه 582 ام المصريين وحجزين المعاش بتاعها يا ريت يامان اول بأول نفك رهن المعاش وانا بتاعك واكتب باسمي اي حاجة ان شاء الله حتى تعمل شهادة وفاة لل ipa نتقابل في صفحة تانية

    اما بقى المشاركه دى تموت من الضحك والله !! انت كاتب اسماء ناس معروفه مش بس كده دى ناس موجوده ودايمه فى المنتدى والمصيبه السوده انك جبت سيره سليمان واللى اكيد ماشافش المشاركه دى !! كان ظبطك والله
    والمصيبه الكبرى انك انك ربطت كل دول بتيتو ميزو اخويا وحبيبى معتز مشر عام القسم واحد اعمده ومؤسسى المنتدى !!! حاجه تموت من الضحك

    لن اناقش هذه المشاركات فهى لاترقى حتى للاطلاع عليها
    اذا كنت عاوز عاوز تدافع مش ده الاسلوب المناسب لانه very low
    والبعض من مشاركات المدافعين عن ipa جاءت عقلانيه باسلوب رقيق ومهذب يسبقه قصه لطيفه نحسبها صادقه عن حاله نجاح مع المركز المذكور
    وفى نهايتها تحمل نقد للمنتدى او لمشرفى المنتدى او بتحمل توصيات لاسلوب ادارتنا للمنتدى وهو ما
    نرفضه بشده ليس من حقك ان تملى علينا توصيات او شروط فقط لك الحق فى الاقتراح لاى شيى يحسن من وضع النتدى فى المواضيع المخصصه للاقتراح منها على سبيل المثال
    اقتباس المشاركة الأصلية كتبت بواسطة dido.ahmed مشاهدة المشاركة
    اعزائي رواد المنتدي والاخوة المشرفين انا فليب محاسب وحاصل علي cia وتشرفت بالتدريس في ipa ولكني لم اتمكن من استكمال مهمتي لاني تنتقلت في عملي في اكثر من مكان ودخلت المنتدي اكتر من مرة وخرجت تاني اسف علي ما يدور فيه المفروض ان الواحد يتحلي بالصدق ويشهد الحق لما يكون قصده خدمة الناس وتقديم نصيحة لكن انا فوجئت بأسلوب غريب جدا في التعامل في منتداكم يعني ناس عمالة تعمل دعاية وياريت دعاية تكون صادقة وكنت كل مرة لا ارغب في المشاركة لاني حاسس ان هيتغلط في من مجموعة مسيطرة علي المنتدي ومتزعلوش مني شايف ان ادارة المنتدي كان دورها التسخين لحد ما دخلت النهاردة ولقيتهم شالوا حاجات كتيرة بس برضة كلام الاخوة اللي انا هعلق عليه ده المفروض كان يتفلتر لان احنا مش هنا علشان نسب بعض ونهين رواد المنتدي ونسمعهم كلام مقذذ كمان في تعليقات غير حيادية

    1- مثلا الاخ fastment بيقول مركز غير جيد ازاي ده ما هو الا رأي ينقصة الصدق والدقة سبق للسيد مشرف المنتدي انه علق علي واحد بيشكر في ipa ان مش عايزين دعاية وشفت برضة تليفونات ipa ممسوحة ومكانها علامات استفهام وفي نفس المجموعة كل المراكز ببيانتها كاملة ؟؟؟؟؟؟؟؟؟؟

    2- الاخ مصطفي حلمي انا رجعت للمعهد لانه صعب علي لما لقيته كاتب (((لو شوفتوا يوم واحد من اللي اتعمل معايا في ipa )))) كما لو كان معتقل في المعهد ده وسألت في ipa علشان برضة نعرف الحقيقة قالوا ان مفيش حد بالاسم ده خالص درس هناك ؟؟؟؟؟؟؟؟؟؟؟؟؟؟ طيب ليه كده
    بس يكفينا رد الاخ المشرف بان الاخ ده احد العاملين في مركز يدعى cec ومكانه المعادي بس كنت عايز المشرف يعلق بان يا اخي اعمل دعاية زي ما انت عايز بدون تجريح في حد
    وفوجئت برد تاني غريب جدا شكر الاخ مصطفي علي توضيح الماء بالماء

    3- الاخ mallo مالوا فيه ايه بيوصف ipa بانه very bad ويقول انه قد بلغ ماذا بلغت يا اخ يعني ايه اللي تقصده بذلك المفروض انك تعمل قصة زي الاخ مصطفي حلمي

    4- الاخ gadoski بيقول علي فرع دمياط هو فيه اساسا فرع في دمياط
    كل اعتقادي ان هذه الاسماء هي لشخص يعمل في مركز المعادي ده ومش عيب انه يعمل له دعاية طالما ان المنتدي يسمح بعمل ذلك ولكن العيب انه يعمل دعاية علي جثث الاخرين



    السيد المشرف ارجو منكم شيئين
    1- عمل فلتره للحوارات غير البناءة ومعاملة جميع المراكز بنفس المساواة في الرد علي الافتراءات وعدم الانزلاق للاهانات بمعني ان تكون حوارات المنتدي منطقية وعقلانية


    2- عدم غلق اي موضوع علي اراء بدون رد وفي حالة الاراء اللي بدون رد يعني واحد عامل عدة حسابات عامل بيهم ديلوج للتعدي علي ناس مسالمة


    احب اسجل رأيي للحق مركز ipa ده يا جماعة قيمة كبيرة انا رايي ان احنا نحافظ عليه وانا موجة كلامي اكتر للعاملين والمشرفين علي المنتدي لاتسمحوا بالخوض في سمعة هذا المكان الراقي فعلا واهيب بكم ان تراجعوا كل الاماكن التي تم غلقها احاديث باطلة اما برفعها او اعادة فتحها حتى يتمكن كل من له راي عقلاني ان يبديه وشكرا لسعة صدر كل من يقرأ هذه الرسالة وشكرا للعاملين بالمنتدي وشكرا لإدارة والعاملين بال ipa لترفعهم عن الرد ولمجهوداتهم في سبيل إثراء المحاسب العربي

    اقتباس المشاركة الأصلية كتبت بواسطة dido.ahmed مشاهدة المشاركة
    تحياتي لكل الاخوة الرواد والسادة المشرفين لقد عدت للمنتدي مرة اخري لاطالع صفحاته ووجدت ايضا هنا حاجات غريبة جدا ملخصها

    - الاخ shiko داخل بثلاثة اسماء هي shiko و toscannini و yasser zizo علشان يعمل دعاية لمركز اسمه اردوا ديه مش مشكلة يعمل زي ما هو عايز دعاية طالما ان المنتدي يسمح بكده ولكني اكرر عتابي علي المنتدي في الكييل بمكيالين وياريت ادوا واحد اكتر من التاني ولكن تركوا دعاية تقوم علي جثث الاخرين

    - الاول دخل بقتباس مش موجود وانا اعترفله هنا بالحرفية قال فيه انه ipa سئ روحوا ارادو ؟؟؟؟؟؟؟؟؟ فماذا اراد بذلك طيب ما يقول روحوا ارادوا وكل واحد حر هو كل اللي عايز يعمل دعاية لنفسة يدخل ipa في جملة مفيدة

    - وبالأسم الثاني قال كلام يعاقب قانونا ومش عارف ازاي يا سيادة المشرف عدت عليكوا ازاي تسمحوا لواحد ان يوصف انسان زية بأنه حمار هل ده يكون بني ادم طيب ipa بتسمح بتغيير الروند وتغيير المحاضر بس انا هقول الاخ المشرف السبب الاستاذ احمد ده احسن استاذ في مادته وحب مركز ارادوا انه يستدرجوا من ipa ونتيجة لعدم تعاونه مع اردوا فتحت عليه ابواب السباب وللاسف من خلال منتداكم انا دخلت لاني شوفت ان فيه استعداد لتصليح المواقف ودراء الاذي وصدقوني اي حد هيقرأ اللغبطة ديه لا يمكن هيدخل المنتدي تاني الناس ديه بتفقدكم روادكم

    - ودخل باسم ثالث بيقول رواية يشيب لها الجنين طيب اما انت درست بارت 1 وبارت 2 في ipa ونجحت تيجي في الاخر تقول اوعى حد يروح هناك روحوا ارادوا ماذا ارد بهذا مثلا

    - طبعا انا مش هعلق علي الاخ shiko ولكن انا معاتب جدا علي السيد المشرف وياريت نرفع الالفاظ النابية وندي فرصة للدعاية للاخوة دول بدون تجريح هيبقي شكلنا احسن وهتدي فرصة لناس محترمين جدا بالإضافة للناس المحترمين واللي اعتقد ان هم مش عجبهم التدني في مستوي الكلام بانهم بدخلوا ويشاركوا ويفيدونا

    - اوجه شكري للعاملين علي المنتدي وشكرا لكل من يدلوا بدلوه لصالح المنتدي ورواده والمنتفعين به

    - انا واثق ان فيه ناس هيقولو ان انا تابع ال ipa هوفر عليهم ان انا مش تبع ال ipa ولكني مؤمن جدا بال ipa وفعلا الناس ديه تستحق ان اقلام نزيهة تدافع عنهم

    الله عليك!! ممكن تعرفنى ازاى عرفت بذكاءك ان الثلاث عضويات لشخص واحد ثم دى ناس معروفه فى المنتدى من فتره ودائمه فى المنتدى ومش ممكن تعمل الحوارات الفاشله اللى انتو للاسف بتعملوها الراجل شيكو ده شخصيه معروفه وبيشتغل فى ديلويت
    ثم ان ده موضوع من شهر 10 سنه 2007 ليه بقى انتو بطلعو الموضوعات القديمه اللى ضدكم فى واجهه المتدى !! ايه الفكاكه دى!! انتو نايمين سنتين تلاته وجايين تصحو دلوقتى !ولا ايه
    واخر حاجه بخصوص المشاركه ده وعلى الرغم انى وقت الموضوع ماكنتش فى طاقم الاشراف حضرتك ملكش الحق فى انك تملى علينا توصيات او اراء او تعلق على اسلوبنا فى اداره المنتدى


    كلام نهائى وللجميع للخروج من الازمه الحاليه فى المنتدى بالنسبه للعاملين فى ipa او الدارسين فيه والمنحازين له اعتقد من الافضل وكما هو واضح من دراستكم الجده للمنتدى والتى فاقت بمراحل معرفه المشرفين بالمواضيع (ماشاء الله متابعه جيده) ومواضيعه ان تاخذو هذه المشاركات كمساعد لكم فى تطوير مركزكم وتحسينه بدلا من توجيه اللوم للاخرين او التعدى بهذاالاسلوب على اعضاء المنتدى وادارته
    بالنسبه لباقى الاعضاء اصحاب المنتدى الفعليين باذن الله سيتم اصدار تنظيم جديد للاستفسار وابداء الراى فى اى مركز تدريب بدلا من العشوائيه الموجوده والامر الان يتم مناقشته داخل قسم الاداره مع باقى طاقم الاشراف
    وحتى ننتهى رجاء الالتزام باهداف المنتدى العلميه بدلا من تحويله لساحه معركه لا يستفيد منها احد فى النهايه

    ـــــــــــــــــــــــــــــ








    (قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ
    )
    (يونس58)







  2. #2
    تاريخ التسجيل
    Dec 2007
    المشاركات
    27
    السلام عليكم ورحمة الله وبركاته
    أنا حاسس إننا بنتكلم عن موضوع معقد .. كقضية فلسطين مثلا
    يا جماعة ... أنا بتفق مع Free accountant في اللي بيقوله
    " حتى ننتهى رجاء الالتزام باهداف المنتدى العلميه بدلا من تحويله لساحه معركه لا يستفيد منها احد فى النهايه "
    عاوز تدرس .. إدرس في أي مكان تستريح له ؛ علشان تقدر تفهم منه مادة علمية
    عاوز النصيحة .. إسأل مجرب .. واحد تكون متأكد إنه جرب .. مش كل واحد يطل علينا برأسه بأي إسم مستعار ويجرح في الناس .
    ثم ممكن أي مكان في الدنيا يناسب شخص ولا يناسب الآخر - دي قاعدة إقتصادية أصيلة " لولا إختلاف الأذواق لبارت السلع في الأسواق "
    المهم .. عاوز تدلي برأيك .. إنتظر لما القسم الخاص بالاستفسارات يتم إنشاؤه وبعدين قول رأيك بموضوعية و حياد , وبالطبع بكلام مهذب.
    شئ أخير ... حاليا أنا أنهيت دراسة Part 2 وداخل على الامتحان إن شاء الله ؛ لكن مش هقول هنا أنا درست فين ؛ علشان أؤكد إن الكلام هنا علشان نشوف منتدى صح مش كلام دعاية وخلاص .
    والسلام ختام

  3. #3
    الصورة الرمزية free accountant
    تاريخ التسجيل
    Mar 2007
    المشاركات
    696
    اقتباس المشاركة الأصلية كتبت بواسطة leopard_return مشاهدة المشاركة
    السلام عليكم ورحمة الله وبركاته
    أنا حاسس إننا بنتكلم عن موضوع معقد .. كقضية فلسطين مثلا
    يا جماعة ... أنا بتفق مع free accountant في اللي بيقوله
    " حتى ننتهى رجاء الالتزام باهداف المنتدى العلميه بدلا من تحويله لساحه معركه لا يستفيد منها احد فى النهايه "
    عاوز تدرس .. إدرس في أي مكان تستريح له ؛ علشان تقدر تفهم منه مادة علمية
    عاوز النصيحة .. إسأل مجرب .. واحد تكون متأكد إنه جرب .. مش كل واحد يطل علينا برأسه بأي إسم مستعار ويجرح في الناس .
    ثم ممكن أي مكان في الدنيا يناسب شخص ولا يناسب الآخر - دي قاعدة إقتصادية أصيلة " لولا إختلاف الأذواق لبارت السلع في الأسواق "
    المهم .. عاوز تدلي برأيك .. إنتظر لما القسم الخاص بالاستفسارات يتم إنشاؤه وبعدين قول رأيك بموضوعية و حياد , وبالطبع بكلام مهذب.
    شئ أخير ... حاليا أنا أنهيت دراسة part 2 وداخل على الامتحان إن شاء الله ؛ لكن مش هقول هنا أنا درست فين ؛ علشان أؤكد إن الكلام هنا علشان نشوف منتدى صح مش كلام دعاية وخلاص .
    والسلام ختام

    اشكرك وربنا يوفقك فى امتحانك

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك