موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 26
Like Tree0Likes

الموضوع: يا جماعة حد يساعدنى فى موضوع شهادة Mba -- ارجو الأفادة

  1. #1
    الصورة الرمزية TheRock Says
    تاريخ التسجيل
    Oct 2006
    المشاركات
    324

    يا جماعة حد يساعدنى فى موضوع شهادة Mba -- ارجو الأفادة

    بسم الله الرحمن الرحيم

    يا جماعة انا عايز ادرس Mba فى الأكاديمية العربية للعلوم المالية و المصرفية
    انا بسأل على الأكاديمية ده بالتحديد .. انا عارف طبعا الأماكن التانية اللى فيها الدراسة ذى مثلا الأكاديمية البحرية و غيرها
    و يمكن بيكونو أفضل منها كمان ... بس انا عايز ادرس فى الأكاديمية العربية للعلوم المالية و المصرفية لأن اجراءات التسجيل سهلة ... و الدراسة فيها من غير الأمتحانات اللى بتبقى فى الأول ذى GAMAT و ال TOIfL علشان أقبل .

    انا عايز حد يسعدنى و تقولولى رأيكو فى الأكاديمية من حيث الشهادة بتاعتها و المكان نفسه اللى هاخد منه الشهادة و هى الأكاديمية .. أرجو الأفادة يا جماعة و المساعدة

  2. #2
    تاريخ التسجيل
    Aug 2005
    المشاركات
    41
    انا بدرس Mbaفى جامعه عين شمس ارخص و احسن و عندهم امتحان انجليزي لتحديد المستوى اسهل اسمه ميتشيجان كمان فى Mbaعربى دى اسهل الوحيده الى فى مصر بتدى Mbaعربى فى ناس كتير بتدرسها الدوره الجديده هاتبتدئ ف شهر 9

  3. #3
    الصورة الرمزية loveme7448
    تاريخ التسجيل
    Apr 2004
    المشاركات
    5,565
    اخي الكريم

    دي عايزه واحد ويكون مجرب

    [SIZE="5"]
    [COLOR="Black"]عن أبي هريرة رضي الله عنه قال :
    قال صلى الله عليه وسلم :
    [/COLOR]
    [/SIZE]
    [COLOR="DarkGreen"][SIZE="4"][ سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضة قيل وما الرويبضة قال الرجل التافه ينطق في أمر العامة ][/SIZE][/COLOR]


    [SIZE="3"][COLOR="Navy"]الراوي: أبو هريرة المحدث: الألباني - المصدر: صحيح ابن ماجه - الصفحة أو الرقم: 327[/COLOR][/SIZE]


    [COLOR="Red"][SIZE="4"]
    [SIZE="5"]أعتذر عن عدم الرد على الرسائل الخاصه لإنشغالي الشديد هذا الأسبوع[/SIZE]
    [/SIZE][/COLOR]

  4. #4
    الصورة الرمزية TheRock Says
    تاريخ التسجيل
    Oct 2006
    المشاركات
    324
    اقتباس المشاركة الأصلية كتبت بواسطة madawi_madawi مشاهدة المشاركة
    انا بدرس Mbaفى جامعه عين شمس ارخص و احسن و عندهم امتحان انجليزي لتحديد المستوى اسهل اسمه ميتشيجان كمان فى Mbaعربى دى اسهل الوحيده الى فى مصر بتدى Mbaعربى فى ناس كتير بتدرسها الدوره الجديده هاتبتدئ ف شهر 9
    الف الف شكر للأفادة
    بس لو ممكن تقولى معلومات اكتر عنها من حيث المصاريف بتاعتها بتبقى كام ... وهل فى شروط علشان اقبل فيها
    و نظام الأمتحانات بتكون أه نظامها .. علشان انا سمعت من ناس كتير ان الأمتحانات بتاعتها بتبقى صعبة جدا
    التعديل الأخير تم بواسطة TheRock Says; 01-07-2008، الساعة 12:55 PM

  5. #5
    الصورة الرمزية TheRock Says
    تاريخ التسجيل
    Oct 2006
    المشاركات
    324
    و يا جماعة لو اى حد يعرف أه نظام الشهادة من الأكاديمية العربية للعلوم المالية و المصرفية يارايت حد يقولى عليها
    و تحياتى للجميع

  6. #6
    تاريخ التسجيل
    Dec 2007
    المشاركات
    110
    سلام الله عليكم ورحمته و بركاته,
    بفضل من الله حصلت على mba تخصص مصارف من الاكاديميه العربيه للعلوم الماليه و المصرفيه فى ديسمبر 2007 م
    هتلاقى عندك تخصصات اخرى , وتقدر تطلع عليها من خلال موقع الاكاديميه http://www.aabfs.org/
    على كل حال اختيارى تخصص المصارف ده لانى باشتغل فى بنك.
    اى استفسار انا تحت امرك لكن ممكن اقولك على الخطوط العريضه زى ان الاكاديميه مش صعبه على الاطلاق
    و مش عاوز ابسط الامور لدرجة انى اقولك انها بالفعل سهله و اسهل من mba فى الجامعات الحكوميه
    من الاخر لانك بتتعلم بفلوسك و صعب جدا ان حد يسقط او يفشل الا اذا كام مابيفهمش حاجه من اساسه
    تقدر تاخد ماده واحده كحد ادنى فى الترم الواحد او اربع مواد كحد اقصى فى الترم
    و كمان فى ترم صيفى مدته شهرين الحد الاقصى اللى ممكن تاخده مادتين فقط لا غير .
    يعنى تقدر تكيف امورك و تاخد عدد المواد اللى يناسبك . عدد المواد اللى بتدرسها 14 ماده و بعد ما تجتاز الامتحان فى كل المواد دى بنسبة نجاح 70% تدخل امتحان شامل فى مواد التخصص 4 مواد فى نفس اليوم و مدة الامتحان 4 ساعات كل ماده ساعه . طبعا فى دراسه عربى و اخرى انجليزى و ده طبعا اختيارك و يرجع لك
    و الشهادة دى معادله من المجلس الاعلى للجامعات .لكن اقولك نصيحه لوجه الله من واحد حاصل على الشهاده
    حاول انك تتجه للحصول على cma او cia هتفيدك اكتر فى سوق العمل
    بالنسبه للتكلفه عليك بالاتصال بالاكاديميه لان تكلفة الماده الواحده اتغيرت من شهر يناير اللى فاتت و على حد علمى بتدور حوالين 1000 الى 1200 للماده الواحده و انا مش متأكد لان جهة عملى كانت مساهمة بالنصف فى تكاليف الدراسه
    وتقدر تعمل زياره للاكاديميه للوقوف على تفاصيل ادق من خلال مقرها فى المهندسين خلف جامع د. مصطفى محمود
    او فى العجوزه ش نوال خلف برج الشرطه .

  7. #7
    الصورة الرمزية TheRock Says
    تاريخ التسجيل
    Oct 2006
    المشاركات
    324
    بجد الف الف شكر على الأفادة ده - بس انا كان ليا شوية استفسارات بالنسبة للشهادة اللى هاخدها من الأكاديمية
    انا بسمع من ناس كتير ان أهم حاجة انك تكون واخد شهادة الماجستير من مكان معروف ذى مثلا الأكاديمية البحرية أو الجامعة الألمانية أو غيرها من الجامعات المعروفة كتير- بس بصراحة كل الجامعات ده انا سألت فيها و العملية معقدة فيها شوية من حيث اتسجيل و المصاريف بتبقى عليا - انا بصراحة معرفتش الأكاديمية العربية للعلوم المالية غير من اعلان كان موجود فى الأهرام - فأنا كنت بسأل هل بعد ما انت خدت الشهادة منها فى فرق بينها و بين الجامعات التانية ؟
    علشان انا بصراحة مش عايز أندم انى دفعت فلوس فى الأرض وأخد شهادة فى الأخر مفيش حد معترف بالمكان اللى انا خدتها منها - وأكيد انت عارف المصاريف أد أه .. حوالى 32 ألف .. فمبلغ كبير جدا .
    معلش انا طولت فى كلامى ... بس انا فعلا محتار جدا و مش عارف أعمل أه واللهى ... فعايز تقولى نصيحة ان كانت الأكاديمية فعلا ممتازة و الشهادة بتاعتها معروفة فى سوق العمل و أخش فيها ولا لأ --- تحياتى لك .. و شكرا على أهتمامك بالموضوع

  8. #8
    الصورة الرمزية loveme7448
    تاريخ التسجيل
    Apr 2004
    المشاركات
    5,565
    شكرا على المعلومات الجميله

  9. #9
    تاريخ التسجيل
    Jun 2008
    المشاركات
    5
    الشهادة حلوة جدا
    وانا كنت هدرسها بس اجلتها عشان ظروف معينة
    بس هى جميلة

  10. #10
    الصورة الرمزية TheRock Says
    تاريخ التسجيل
    Oct 2006
    المشاركات
    324
    اقتباس المشاركة الأصلية كتبت بواسطة minamagdy0777 مشاهدة المشاركة
    الشهادة حلوة جدا
    وانا كنت هدرسها بس اجلتها عشان ظروف معينة
    بس هى جميلة
    الشهادة ممتازة فعلا .. بس انا كنت بسأل بالنسبة للمكان اللى هاخد منه الشهادة و هى الأكاديمية العربية للعلوم المالية و المصرفية ..انا مش عارف هل الأكاديمية معروفة والشهادة بتاعتها معروفة فى سوق العمل ... ولا أكنى بدفع فلوس على الفاضى و بعد كده يقولولى ده شهادة من مكان منعرفوش أو ملهاش لاازمة .. هو ده اللى بسأل عليه ..و ارجو فيه الافادة وشكرا على اهتمامك بالموضوع

  11. #11
    الصورة الرمزية TheRock Says
    تاريخ التسجيل
    Oct 2006
    المشاركات
    324
    أه يا جماعة مفيش حد عنده أى فكرة بالنسبة للاكاديمية العربية للعلوم المالية و المصرفية .. ان كانت حلوة ولا اى كلام
    ارجو الافادة و تحياتى للجميع

  12. #12
    تاريخ التسجيل
    Dec 2007
    المشاركات
    110
    بعد سلام الله عليكم و رحمته وبركاته
    شهادة الاكاديميه العربيه للعلوم الماليه و المصرفيه شهاده معترف بيها و معادله من المجلس الاعلى للجامعات

  13. #13
    تاريخ التسجيل
    Jul 2005
    المشاركات
    87
    السلام عليكم
    ان شاء الله ناوي علي MBA الصيف دي وفي اماكن كتيرة بتدرس الشهادة دي :

    1- جامعة القاهرة. - يقولوا الدكاترة متعبين وبيتاخروا للساعة11 باليل ودي عشان ب 12 الف بس .
    2- عين شمس - معرفش عنها حاجة .0.
    3- اكاديمية النقل البحري .- اظن اقوي من الاكاديمية المصرفية بكتنر جدا لانهم صارمين في نظام الامتحانات والتقدير.
    4-الجامعة الالمانية . معتمدة من 4 جامعات المانية وومكن تكمل دراسة في المانيا بسهولة .
    5- الجامعة الامريكية طبعا فوق الجميع لكن غالية جدااااااااااااااااا وكأنك دارس وحاصل علي الشهادة من امريكا

    المهم بعد مشوار طويل فكان رأي دكاترة كتير اني ادرس الشهادة دي في جامعة اجنبية افضل واستقرت علي الجامعة الالمانية
    في التجمع الخامس ...يعني لا الجامعة الامريكية ولا جامعة القاهرة خليني في النصف احسن .....وبعدين التكاليف حوالي 35 الف يعني زي الاكاديمية المصرفية والنقل البحري ....بس اسمك واخد الشهادة من جامعة مش اكاديمية وكمان المانية .
    بس السؤال اللي محيرني هل رسالة الماجستير اللي تعملها في اخر الشهادة دي زي الماجيستر في الجامعات الحكومية يعني ممكن تشتغل نعيد
    قشطة يامعلم
    ربنا يوفق الجميع
    ارجوا التواصل لاني ناوي اقدم في الجامعة الالمانية في شهر 8
    hany_hagr40@yahoo.com

    --------------

  14. #14
    تاريخ التسجيل
    Aug 2005
    المشاركات
    41
    المصاريف فى جامعه عين شمس 18500جنيه تعتبر من ارخص الكليات تروح كلية تجاره تسأل على مركز تسويق الخدمات الجامعيه WestBrook MBA هايفهموك هناك كل حاجه

  15. #15
    الصورة الرمزية TheRock Says
    تاريخ التسجيل
    Oct 2006
    المشاركات
    324
    اقتباس المشاركة الأصلية كتبت بواسطة stockrider2020 مشاهدة المشاركة
    السلام عليكم
    ان شاء الله ناوي علي MBA الصيف دي وفي اماكن كتيرة بتدرس الشهادة دي :

    1- جامعة القاهرة. - يقولوا الدكاترة متعبين وبيتاخروا للساعة11 باليل ودي عشان ب 12 الف بس .
    2- عين شمس - معرفش عنها حاجة .0.
    3- اكاديمية النقل البحري .- اظن اقوي من الاكاديمية المصرفية بكتنر جدا لانهم صارمين في نظام الامتحانات والتقدير.
    4-الجامعة الالمانية . معتمدة من 4 جامعات المانية وومكن تكمل دراسة في المانيا بسهولة .
    5- الجامعة الامريكية طبعا فوق الجميع لكن غالية جدااااااااااااااااا وكأنك دارس وحاصل علي الشهادة من امريكا

    المهم بعد مشوار طويل فكان رأي دكاترة كتير اني ادرس الشهادة دي في جامعة اجنبية افضل واستقرت علي الجامعة الالمانية
    في التجمع الخامس ...يعني لا الجامعة الامريكية ولا جامعة القاهرة خليني في النصف احسن .....وبعدين التكاليف حوالي 35 الف يعني زي الاكاديمية المصرفية والنقل البحري ....بس اسمك واخد الشهادة من جامعة مش اكاديمية وكمان المانية .
    بس السؤال اللي محيرني هل رسالة الماجستير اللي تعملها في اخر الشهادة دي زي الماجيستر في الجامعات الحكومية يعني ممكن تشتغل نعيد
    قشطة يامعلم
    ربنا يوفق الجميع
    ارجوا التواصل لاني ناوي اقدم في الجامعة الالمانية في شهر 8
    hany_hagr40@yahoo.com

    --------------
    انا فعلا سمعت ان الجامعة الالمانية جامدة جداا و الشهادة منها ممتازة ...وانا هروح ان شاء الله اسأل فيها

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك