موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 4 1 2 3 ... الأخيرةالأخيرة
النتائج 1 إلى 15 من 52
Like Tree0Likes

الموضوع: مشروع بداية بحدائق اكتوبر بداية حلمك من هنا

  1. #1
    تاريخ التسجيل
    Dec 2007
    المشاركات
    150

    مشروع بداية بحدائق اكتوبر بداية حلمك من هنا

    لو انت بتدور علي شقة اكبر من 63 متر يبقي متكملش الموضوع
    لو انت بتدور علي شقة تستلمها قبل سنة برضو ده مش هنا
    لو انت كملت معايا يبقي لازم اقولك التفاصيل
    المشروع بحدائق اكتوبر عبارة عن مدينة سكنية متكاملة علي مساحة 21 فدان
    الاسعار بتبداء من 75000 جنيه
    الاقساط بتبداء من 500 جنيه
    انظمة البيع نظامين نظام مع الشركة المالكة اللي نسيت اقولكم عليها وهي الشركة المصرية للتنمية العمرانية والاستثمار السياحي وهي شركة تابعه لمجموعة عرفة جروب وصاحبها المهندس اشرف عرفة صاحب محلات كونكريت وتوكيلات اديداس ومشاريع سياحية واستثمارية كتيره لو كلفت نفسك ودورت هتلاقي ان عرفة جروب موجوده في السوق من فترة تزيد عن 50 سنة وسمعتها تسبقها
    نرجع لانظمة البيع في نظامين اول نظام انك تقسط مع الشركة ولمدة توصل ل 5 سنين بدون فوائد
    النظام التاني التمويل العقاري وده ممكن يوصل ل 15 سنه
    اما بخصوص الاستلام هيكون بعد سنة او بعد سنتين او تلات سنوات او اربع سنوات
    طبقا لمواصفات كل مرحلة
    اخر حاجه لو عايز تشوف المشروع علي الطبيعه هتكلف نفسك وتتصل وهتروح تشوف المشروع مجانا من غير ما حد يكلمك في حجز ولا شروط ولا اي حاجه لو حبيت يعني هتقول انا عايز اشوف الاول وبعدين نتكلم الباصات بتطلع من المهندسين لحد المشروع تتفرج براحتك وترجع تاني المهندسين
    المرحلة الاولي تحت التشطيب في الوقت الحالي والمرحلة التانيه تحت الانشاء يعني انت هتروح تتفرج علي مباني موجوده مش حاجه تانيه
    طبعا التفاصيل كتير علشان كده ده رقم الموبايل 0119700089 واسمي علاء او الرقم ده 0166631817 باسم محمد علي
    ولو مهتم بشقة بنفس المواصفات زي ما قلت في البداية اتصل وقول انا عايز اتفرج علي المشروع الاول قبل ما اتكلم في تفاصيل وشوف المشروع علي الطبيعة وبعدين قرر

  2. #2
    الصورة الرمزية الراجح من
    تاريخ التسجيل
    Oct 2009
    المشاركات
    948
    موفق يا اخي لكن انا كنت اتصلت وقالولي ان الاسعار من 69الف
    انا عايز اعرف بس انا اللي فهمتة اني ادفع 10%حجز10% تعاقد ولالاستلام يكون علي حسب القسط انا ممكن ادفع قسط 500 فلالاستلام امي
    واية اللي يضمن ان لما ادفع المقدمة استلم فعلا بعدج نهاية المدة

  3. #3
    تاريخ التسجيل
    Dec 2007
    المشاركات
    150
    مشكور اخ الراجح اولا لو حضرتك هتدفع قسط 500 في الحالة دي يبقي حضرتك النظام اللي هيتوافق معاك هو نظام التمويل العقاري وفي نظام التمويل اقل سعر هيبداء من 81800
    شقه بالدور الارضي بالحديقة
    حضرتك هتدفع 10 بالميه حجز وزيهم تعاقد اما الاستلام مالوش علاقة بالقسط الاستلام له علاقة بالعمارة اللي حضرتك هتختارها لان في عمارة استلام سنه وعمارة استلام سنتين وهكذا اما بخصوص الضامن للاستلام هو العقد حضرتك بعد سداد دفعة التعاقد هتستلم عقد ابتدائي موضح فيه الوحده والعمارة وكافة الشروط ومن ضمنها تاريخ الاستلام

  4. #4
    تاريخ التسجيل
    Dec 2007
    المشاركات
    150
    بشري ساره للي ناوي يتجوز قريب هناك عدد محدود من الوحدات استلام في خلال ستة اشهر بنفس المواصفات والشروط

  5. #5
    الصورة الرمزية doggz world
    تاريخ التسجيل
    Dec 2005
    المشاركات
    2,945
    مع احترامي لصاحب الموضوع
    كل عام وحضراتكم بألف خير
    ليا بس كام نقطه عايز اعلق عليهم
    انا كنت حاجز فيها و لاغيت الحجز
    لان اولا
    كل الكلام اللي اتقالي في التليفون لاقيته مش صحيح
    و المبالغ حتي مش صحيحه
    ثانيا
    بعد ما رحت و اخترت الوحده و حجزت و اتفقت و اخدت استماره حجز مختومه من الشركه باللي ليا و اللي عليا و جيت اتعاقد
    لاقيت تصنيفه فلوس تانيه خالص للقسط و الاستلام و هكذا غير اللي انا كنت متفق عليها
    و لاقيت بنود في العقد مجحفه و دي انا فهمتها علشان انا محامي
    لاقيت مصروفات صيانه زياده و صلت ل 8 الاف جنيه او اكتر مكنتش متبلغ بيها و مطلوب اني اسددها مع دفعه الاستلام كنت متبلغ فقط ب 2500 جنيه مصروفات اداريه و اتقالي ان الباقي اتزود من الوزاره و مالناش يد فيها
    المهم انا لاغيت الحجز لاني بصراحه انا التزمت بالمطلوب و دفعت و هما اخلوا
    ده اللي خلاني اسيبها
    لكن علشان بارضوا ابقي منصف
    الموقع كويس و تقسيم الشقق حلو خصوصا الادوار التانيه و التالته اللي واخده واجهه و ناصيه

    فا اللي موافق علي شروطهم الحاليه يتكل علي الله لانها جميله مش وحشه و بتتسلم شبابيك الواجهه و محاره و علب كهرباء و مواسير صرف
    ترجماتي

    F.R.I.E.N.D.S [Season 4] E == (19) (21)(23&24) SUB

    مبقاش ليا فيك مكان بعد مابقيت تبع مكتوب و ياهوو ...... مبقيتش الديفيدي بتاع زمان , استودعكم الله

  6. #6
    تاريخ التسجيل
    Dec 2007
    المشاركات
    150
    اقتباس المشاركة الأصلية كتبت بواسطة doggz world مشاهدة المشاركة
    مع احترامي لصاحب الموضوع
    كل عام وحضراتكم بألف خير
    ليا بس كام نقطه عايز اعلق عليهم
    انا كنت حاجز فيها و لاغيت الحجز
    لان اولا
    كل الكلام اللي اتقالي في التليفون لاقيته مش صحيح
    و المبالغ حتي مش صحيحه
    ثانيا
    بعد ما رحت و اخترت الوحده و حجزت و اتفقت و اخدت استماره حجز مختومه من الشركه باللي ليا و اللي عليا و جيت اتعاقد
    لاقيت تصنيفه فلوس تانيه خالص للقسط و الاستلام و هكذا غير اللي انا كنت متفق عليها
    و لاقيت بنود في العقد مجحفه و دي انا فهمتها علشان انا محامي
    لاقيت مصروفات صيانه زياده و صلت ل 8 الاف جنيه او اكتر مكنتش متبلغ بيها و مطلوب اني اسددها مع دفعه الاستلام كنت متبلغ فقط ب 2500 جنيه مصروفات اداريه و اتقالي ان الباقي اتزود من الوزاره و مالناش يد فيها
    المهم انا لاغيت الحجز لاني بصراحه انا التزمت بالمطلوب و دفعت و هما اخلوا
    ده اللي خلاني اسيبها
    لكن علشان بارضوا ابقي منصف
    الموقع كويس و تقسيم الشقق حلو خصوصا الادوار التانيه و التالته اللي واخده واجهه و ناصيه

    فا اللي موافق علي شروطهم الحاليه يتكل علي الله لانها جميله مش وحشه و بتتسلم شبابيك الواجهه و محاره و علب كهرباء و مواسير صرف
    في البداية انا لازم اشكر حضرتك لسببين السبب الاول انك خلتيني المس بعض المشاكل اللي ممكن يكون بيتسبب فيها شركات التسويق وعلشان اكون امين معاك قد تكون شركة التسويق مش السبب في الخطاء بالكامل وقد تكون هي السبب بالكامل وده هاقدر اعرفه لما حضرتك تقولي اسمك واسم شركة التسويق اللي اتعاملت معاها لان احنا لينا اربع شركات بتسوق المشروع وطبعا مينفعش اذكر اسمهم لكن حضرتك ممكن تبعتلي رسالة بباقي التفاصيل واوعدك اني هاعرف مين السبب في مشكلتك بالظبط
    السبب التاني اللي خلاني اشكرك هي اشادتك بالمشروع رغم الصعوبات اللي حضرتك اتكلمت عنها والمشاكل الا انك لازلت تشيد بالمشروع
    خليني بقي اوضح موضوع مصاريف الصيانة اولا مصاريف الصيانة 5000 الاف جنيه ولو الشركة المسوقه مقالتش الكلام ده من البداية يبقي الغلط عندها واكيد حضرتك عارف ان شركة التسويق غالبا يهمها تكتب الاستمارة علشان تاخد العمولة والباقي هنخلصه بعدين
    بخصوص المصاريف الادارية هي مبلغ الف جنيه قابل للزيادة في حال وصول عدد الوحدات المباعة لرقم معين
    الفرق اللي ممكن يوصل المبلغ ل 8000 زي ما حضرت ذكرت مستحيل يكون اي مصاريف تانيه الا مصاريف التمويل ومصاريف تمويل يعني حضرتك كنت مختار نظام التمويل العقاري
    وخليني اشرح لحضرتك موضوع مصاريف التمويل باختصار شديد مصاريف التمويل لو حضرتك دخلت علي اي موقع لشركات التمويل العقاري هتلاقيها بتشترط ان يدفع العميل مصاريف تمويل في بداية التعاقد
    واحنا عاملين اتفاق مع الشركة المصرية للتمويل العقاري وبناء علي الاتفاق ده احنا اللي مكلفين بتحصيل وسداد مصاريف التمويل للشركة المصرية يعني مصاريف التمويل مش داخله في قيمة الوحدة والشركة مش بتاخد منها حاجه لانها بتوردها لشركة التمويل بالظبط زي مصاريف الصيانة وتأكد حضرتك ان ده في صالح العميل مش في صالح الشركة في شيء بالعكس ده علشان نحافظ للعميل علي حقه في الديل بينا وبين المصرية للتمويل العقاري
    بخصوص العقد وشروطه المجحفه انا معاك العقد فعلا شروطه شوية صعبه لكن كمان هتلاقي ان الشروط دي علي العميل وعلي الشركة وهتلاقي الشركة كاتبه علي نفسها مواصفات تسليم لا يمكن تلاقيها في اي شركة تانيه وانا واثق من الكلام ده
    كمان هتلاقي ان الشركة بتنص في العقد علي انشاء اتحاد الملاك واستلامه الوديعه وانشاء اتحاد ملاك عام يضم كل المدينة وده برضو مش هتلاقيه في اي عقد تاني
    بجد انا انبسطت من المشاركه وياريت تساعدني وتقولي مين شركة التسويق واسم حضرتك واي استفسار تاني انا موجود

  7. #7
    الصورة الرمزية doggz world
    تاريخ التسجيل
    Dec 2005
    المشاركات
    2,945
    ده كفايه زوقك والله
    انا والله العظيم مش فاكر اسم الشركه لاني بعد ما خرجت رميت الفايل كله علشان انا كنت ساعتها قاعد حوالي ساعاتين منتظر السيلز يجهز العقد علشان اتعاقد و بعدين فوجئت زي ما قلتلك علي اللي حصل و المدير نزلي و كان راجل محترم جدا هو و السيلز و نهيت الموضوع , فا نزلت متضايق علشان انا ضيعت حوالي 4 شهور علي الفاضي زيارات و في الاخر الموضوع يفشل و كمان فلوسي ماخدهاش في ساعتها و انتظرت حوالي اسبوعين و تقريبا رميت الفايل كله لاما لسه موجود في العربيه , ممكن ابقي اشوف و ارجع لحضرتك تاني
    بس انا فاكر موقعها هي بعد المخابرات علي الشمال و جنبيها تقريبا دهانات يوكن او بكين و في الدور التامن تقريبا, الشركه اللي شغال فيها ميس مريم و مستر سمير
    انت لو ممكن تبعتلي اسامي ال اربعه شركات علي الخاص و ان هاقولك انهي واحده ان شاء الله

    وانا اسمي احمد جاد

  8. #8
    الصورة الرمزية doggz world
    تاريخ التسجيل
    Dec 2005
    المشاركات
    2,945
    افتكرته و بعتهولك علي الخاص :)

  9. #9
    تاريخ التسجيل
    Dec 2007
    المشاركات
    150
    اقتباس المشاركة الأصلية كتبت بواسطة doggz world مشاهدة المشاركة
    ده كفايه زوقك والله
    انا والله العظيم مش فاكر اسم الشركه لاني بعد ما خرجت رميت الفايل كله علشان انا كنت ساعتها قاعد حوالي ساعاتين منتظر السيلز يجهز العقد علشان اتعاقد و بعدين فوجئت زي ما قلتلك علي اللي حصل و المدير نزلي و كان راجل محترم جدا هو و السيلز و نهيت الموضوع , فا نزلت متضايق علشان انا ضيعت حوالي 4 شهور علي الفاضي زيارات و في الاخر الموضوع يفشل و كمان فلوسي ماخدهاش في ساعتها و انتظرت حوالي اسبوعين و تقريبا رميت الفايل كله لاما لسه موجود في العربيه , ممكن ابقي اشوف و ارجع لحضرتك تاني
    بس انا فاكر موقعها هي بعد المخابرات علي الشمال و جنبيها تقريبا دهانات يوكن او بكين و في الدور التامن تقريبا, الشركه اللي شغال فيها ميس مريم و مستر سمير
    انت لو ممكن تبعتلي اسامي ال اربعه شركات علي الخاص و ان هاقولك انهي واحده ان شاء الله

    وانا اسمي احمد جاد
    والله حضرتك اللي زوق يا استاذ احمد وشكرا لمتابعتك علي العموم من الاسماء اللي حضرتك ذكرتها انا عرفت اسم الشركة وهحاول افهم بالظبط منهم ايه اللي حصل
    وانتظار حضرتك لاسترداد المبلغ قد يكون بسبب قيام الشركة بتوريد دفعة الحجز وبالتالي انتظرت حتي تسترد الدفعة وده اللي انا هحاول اعرفه الي جانب معرفة سبب المشكلة من الاساس
    وانا بعتذر لحضرتك عن سوء التفاهم اللي حصل لحد ان شاء الله ما افهم الموضوع بالظبط وملابساته

  10. #10
    تاريخ التسجيل
    Dec 2007
    المشاركات
    150
    اقتباس المشاركة الأصلية كتبت بواسطة doggz world مشاهدة المشاركة
    افتكرته و بعتهولك علي الخاص :)
    استاذ احمد جاد الله
    حضرتك كنت حاجز الوحده رقم 10 عمارة 4 الدور التاني
    انا راجعت الاسم مع الداتا اللي عندي واوعدك ان شاء الله بكره اكون قدرت اعرف ملابسات الموضوع

  11. #11
    الصورة الرمزية doggz world
    تاريخ التسجيل
    Dec 2005
    المشاركات
    2,945
    اقتباس المشاركة الأصلية كتبت بواسطة a-aly مشاهدة المشاركة
    استاذ احمد جاد الله
    حضرتك كنت حاجز الوحده رقم 10 عمارة 4 الدور التاني
    انا راجعت الاسم مع الداتا اللي عندي واوعدك ان شاء الله بكره اكون قدرت اعرف ملابسات الموضوع
    تمام يا فندم مظبوط ، و بالنسبه للي حصل فا عفا الله عما سلف :)

  12. #12
    تاريخ التسجيل
    May 2007
    المشاركات
    11
    السلام عليكم

    لو سمحت انا كنت عايز اعرف التفاصيل كلها و انظمه الدفع و ياريت لو في صور من الواقع

  13. #13
    تاريخ التسجيل
    Dec 2007
    المشاركات
    150
    اقتباس المشاركة الأصلية كتبت بواسطة doggz world مشاهدة المشاركة
    تمام يا فندم مظبوط ، و بالنسبه للي حصل فا عفا الله عما سلف :)
    ربنا يعفو عنا جميعا ان شاء الله انا شوفت كلامك متاخر وبالفعل كنت صعدت الموضوع وجاري فتح الموضوع مع الشركة ومعرفة الاسباب وملابسات الموضوع وان شاء الله اتابع مع حضرتك اول ما يوصلني الرد

  14. #14
    تاريخ التسجيل
    Dec 2007
    المشاركات
    150
    اقتباس المشاركة الأصلية كتبت بواسطة morientis مشاهدة المشاركة
    السلام عليكم

    لو سمحت انا كنت عايز اعرف التفاصيل كلها و انظمه الدفع و ياريت لو في صور من الواقع
    انا هجاوب علي حضرتك من الاخر للاول بالنسبة للصور من الواقع انا بالفعل رفعت صورتين من الواقع في مشاركتي الاخيرة وباقي الصور مساحتها كبيرة وللاسف معنديش وقت اتعامل معاها لكن ان شاء الله في اقرب فرصة هارفع باقي الصور بالنسبة للتفاصيل انا قلت تفاصيل كتير عن الموضوع مثلا انظمة الدفع نظام يصل لخمس سنوات تقسيط مع الشركة بدون فوائد
    ونظام تمويل عقاري حضرتك بتقسط مع الشركة فترة لا تقل عن سنة وتصل لثلاث سنوات بدون فوائد بتدفع فيهم حجز + تعاقد 20 بالمية من قيمة الوحده وفترة التقسيط مع الشركه بتدفع فيها عشرين بالمية من قيمة الوحده في صورة اقساط ودفعة استلام والباقي بتدفعه علي مع شركة التمويل لمده تصل ل15 سنة

  15. #15
    الصورة الرمزية doggz world
    تاريخ التسجيل
    Dec 2005
    المشاركات
    2,945
    اقتباس المشاركة الأصلية كتبت بواسطة a-aly مشاهدة المشاركة
    ربنا يعفو عنا جميعا ان شاء الله انا شوفت كلامك متاخر وبالفعل كنت صعدت الموضوع وجاري فتح الموضوع مع الشركة ومعرفة الاسباب وملابسات الموضوع وان شاء الله اتابع مع حضرتك اول ما يوصلني الرد
    ان شاء الله يا فندم و كل عام وانت بألف خير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك