موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
النتائج 1 إلى 6 من 6
Like Tree0Likes

الموضوع: عربية Fiat 131 للبيع

  1. #1
    تاريخ التسجيل
    Feb 2006
    المشاركات
    477

    Icon14 عربية Fiat 131 للبيع

    بسم الله الرحمن الرحيم

    أن شاء الله انا قررت أبيع عربيتى Fiat 131 للتتحديث فقط لا غير
    العربية لسة عاملة أول عمرة كاملة للماتور فى تاريخها و رقم البستم الجديد او رقم ..
    جايب كل حاجة فى العمرة الاصلى حتى البستم جبت المايلى الالمانى بالرغم ان سعره مبالغ فيه
    العمرة من حوالى شهرين و بتغير زيت 3000 الامارات و بينزل زى ماهو و مافيش اى تسريب الحمد لله
    ( انا مش راضى أغسل الماتور من التراب علشان اللى يشوفها يتأكد ان مافيش زيت )
    • عامل الكراسى جلد كامله و مظبط الكراسى من سوست و خلافة الجلد لونه اسود
    • السقف معمول جلد لونه بيج و الارضية فيها الموكيت الاصلى بتاع بلادها و فوقيه عامل دواسة جلد لونها اسود لسهولة التنضيف ..
    • الجلد بتاع الابواب الاصلى بتاع بلاده
    • معموله عزل حرارى كامل من تحت التابلوه و مكمل لحد الكراسى اللى قدام
    ( الكهربائى ربنا يسامحه قطع حتة فى العزل قدام الراكب اللى جنب السواق محتاجة تتعمل فى حدود 30 جنيه )
    • راكب فيها 2 زجاج كهرباء امامى + 2 وحده رفع
    • راكب فيها سنتر + أنذار بالريموت من حوالى 3 اشهر
    • راكب فيها اريال كهرباء بيشتغل اوتوماتيك مع الكاسيت و الكاسيت بيقفل اتوماتيك هو و الاريال مع السنتر
    فيها طقم جنوط سبور و الكاوتش الامامى عامل 15.000 كم و الكاوتش الخلفى جديد لسة ماعملش 500 كم
    و الاستبن حالته ممتازه و تيوبلس طبعا



    من حوالى شهر كدة كانت مع ابن خالى مسافر بيها و البرابريز الامامى اتكسر منه و غيره فى الصحراوى بس اللى ركبه ماكنش عنده ضمير و ركب باربريز مش بتاعها و علشان يركبه فى مكانه قعد يدق على القوايم اللى قدام و عملها زرجينه غلط لحد ماركب و لما رجع القاهره رميت البرابريز دة و ركبت الاصلى بتاعها بس احتاجت زرجينه علشان تتظبط و انا حتى سايبها زى ماهى مارضتش ارشها علشان ماحدش يقول انى عامل شغل فى القوايم

    العربية انا باحط فيها بنزين 90 بس طبعا هى ممكن تمشى على بنزين 80 عادى جدا
    العربية ماشاء الله عليها انا لسة جاى بيها من مطروح من حوالى ثلاث ايام
    بالنسبة للجرى انا مش هاتكلم اللى هايشوفها يبقى يجرب بنفسه الـ 120~140 بالنسبه ليها عادى من غير حرق على الغيارات ..
    مش محتاجه اى مصاريف غير شوية سمكره عاديه ممكن تبقى تعملها على الفحص لو عايز ( 5/2013 )
    للامانه هى بتعمل صوت بعد ال 100 فى العجلة اليمين قدام و الميكانيكى قالى البلية قدامها شوية و عايزة تتغير لو بتجرى و الصوت بيدايق ممكن تتغير بحوالى 25 جنيه بالمصنعيه

    بالنسبة للعفشة العفشة بالكامل مونرو

    و علبه دركسيون من حوالى كام شهر يعنى العفشة بالكامل مش محتاجة حتى تتربط
    العربية كل حاجة فيها شغالة حتى البخاخات بتاعه المساحات شغالة

    السعر ان شاء الله 25.000 و على فكرة هى جابت فى السوق من تاجر 21.500
    بس طبعا حرام لان العربيات هناك اسعارها اعلى من كدة و حالتها على الاقل مش احسن من عربيى
    و اى كلام فى السعر هايكون فى المعاينه
    و دة رقمى 01000492728
    م / حاتم الطوخى
    متاح من الساعة 12 ظهرأ لحد الساعة 2 بالليل

    العربية مرور العجوزة و الرخصة بأسم والدى مافيش فيها اى توكيلات

    دى صورة ليها من فتره و هاحاول اصورها فى خلال يومين ان شاء الله



  2. #2
    تاريخ التسجيل
    Apr 2006
    المشاركات
    9,189
    كام سي سي
    وكامة ولا اتنين
    والتصنيع إيه
    وموديل سنة كام
    والمكان تحديدا
    والسعر بتاع البيع بعد إذنك

  3. #3
    تاريخ التسجيل
    Feb 2006
    المشاركات
    477

    Rofl

    انا اسف نسيت اكتب الماتور و تاريخ الصنع
    الماتور 1600cc اتنين كامه
    بلد الصنع : المانيا

    بالنسبة لموضوع المانيا دة ممكن حد يقول مافيش فيات المانى ..
    لو دخلت على جوجل هاتلاقى فية 131 المانى و دة المصنع اللى كان بيعمل ال 131 Racer بتاعت الرالى اللى كانت بباب واحد و دة بيفرق فى الماتور طبعا

    بالنسبة لتاريخ الصنع 1975
    العربية موجودة فى العيلة معانا من حوالى 14 او 15 سنة ثانى يد
    بالنسبة للسعر ممكن حضرتك تشرفنى انا ساكن فى الرماية - هرم
    و شغلى فى المهندسين
    تشوف العربية و تحكم على حالتها الاول و بعد كدة ان شاء الله حضرتك مش هاتحتاج تتكلم فى السعر لما تشوفها

    و لو هايكون فيه تفاوض هايكون فى حدود المعقول لان الحالة بتحكم


  4. #4
    تاريخ التسجيل
    Feb 2006
    المشاركات
    477
    كل عام و أنتم بخير


  5. #5
    الصورة الرمزية Albostan-Aluminium Works
    تاريخ التسجيل
    Jul 2012
    المشاركات
    25
    ربنا يحسنلك سوقها
    البستان لأعمال الألوميتال
    شبابيك - أبواب - مطابخ - واجهات01143565585

  6. #6
    الصورة الرمزية محمد.الشقنقيري
    تاريخ التسجيل
    Dec 2010
    المشاركات
    10,670
    النهائى لوسحت

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك