موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 5 من 5
Like Tree0Likes

الموضوع: ما معنى المجلة ؟

  1. #1
    تاريخ التسجيل
    May 2006
    المشاركات
    617

    ما معنى المجلة ؟

    صادفني و أنا أبحث عن تصميم المواقع و المنتديات كلمة المجلة فماذا تعني هذه الكلمة و فيما تستخدم المجلة و بشرح ممل
    و لكم جزيل الشكر

  2. #2
    الصورة الرمزية MA2MOUN
    تاريخ التسجيل
    Apr 2005
    المشاركات
    412
    هي مش محتاجه شرح ممل، لأن الموضوع بسيط أوي، بس طالما أنت طلبت:

    المجله Portal أو البوابه هي زي واجهه لمنتداك، و هي بتكون سكريبت لوحده بعيد عن سكريبت المنتدي (في معظم الأوقات)، في شويه سكربتات منتديات فيها مجله داخليه فيها (محدوده شويه) زي Vb و Ipb و Mybb.

    طب أنا لسه مش فاهم يعني أيه؟ بص يا باشا: أنت دلوقتي عندك منتدي، و المنتدي ده أول صفحه فيه عباره عن عرض للمنتديات (ده الطبيعي)، يعني منتدي كذا و كذا، بس في الحاله دي الموقع يبقي أسمه منتدي أكتر ما يكون موقع، لأن الموقع عباره عن لينكات و صفح و كده.

    البورتال أو المجله بتخليك يكون عندك واجهه للموقع تظهر للزوار قبل ما يروح للمنتدي، يعني يبقي الموقع شكله موقع بجد، لينكات علي اليمين، صفح، و طبعا لينك أو رابط من دول بيوصل للمنتدي، الفكره من المجله أنها طريقه منظمه تقدر بيها تحصل علي موقع متكامل مش بس منتدي، لأن معظم سكريبتات المجله بتديك كمان الأمكانيه أنك تضيف مركز تحميل، نظام مقالات، صفح متعدده، يعني بأختصار تشبه ال CMS Content management systems (و هي سكريبتات بتستخدم في عمل المواقع الديناميك زي Drupal, جمله أو مامبو أو أكسوبس إلخ) و لكن بأختلاف أنها بتعتمد علي المنتدي في نظام الدخول و التسجيل و معظمها مينفعش يشتغل من غير منتدي.

    علي الرغم من كل ده، ممكن تستخدم CMS كمجله لو ربط المنتدي بال CMS عن طريق جسر أو بريدج، و الجسر بيخلي فيه نظام دخول واحد للمنتدي و الموقع، يعني الأعضاء مش محتاجين يسجلوا مرتين، لو دخلوا يدخلوا المنتدي و الموقع في نفس الوقت بأسم و باسورد واحد، بصراحه منصحش بالجسور لأن عيوبها كتير، الأحسن يكون سكريبت مجله متخصص للمنتديات زي Mkportal أو Vb advanced إلخ، لأنه بيتربط تلقائيا مع المنتدي.

    طب أيه فكره المجله من الناحيه التقنيه؟ المجله ممكن تكون سكريبت منفصل أو هاك لسكريبت المنتدي، في حاله أنه يكون سكريبت منفصل بيبقي ليها ملفاته لوحده بعيد عن المنتدي بس بيبقي المنتدي في فولدر أو مجلد تحته مثلا:
    ملف ال index.php الخاص بالمجله بيبقي فوق مجلد المنتدي:
    www.xxx.com/index.php
    www.xxx.com/myforum/
    في حاله الهاك بتختلف من سكريبت لتاني.

    طب هو المجله لازم تكون زي شكل المنتدي؟ لأ مش ضروري، علي حسب سكريبت المجله، السكريبتات المنفصله عادا بتبقي ليها شكل منفصل ممكن تغيره عشان يبقي زي المنتدي، أما الهاكات فتربط نفسها بشكل المنتدي علطول.

    طب ما تديني شويه لينكات كده لسكريبتات مجلات عشان أجربهم؟
    مجله أم كيه بورتال - سكريبت منفصل - يدعم تقريبا كل أنواع المنتديات www.mkportal.ws
    النيوك - منصحش بيه عشان كده مش هكتب الرابط ليه P:

    ملحوظه: أنا معنديش أنفصام في الشخصيه ونظام السؤال و الأجابه نظام ممكن أستخدامه للشرح P:

  3. #3
    تاريخ التسجيل
    May 2006
    المشاركات
    617
    ده أنت بجد فظيع مش عارف أقولك أيه أو اشكرك ازاي لأني كاتب الاستفسار من فترة و مكانش حد معبرني و شرحك و أسلوبك تحف
    ألف ألف شكر

  4. #4
    الصورة الرمزية MA2MOUN
    تاريخ التسجيل
    Apr 2005
    المشاركات
    412
    العفو يا أحمد باشا و لو عندك أي سؤال تاني أو مساعده أنا و باقي الأعضاء في الخدمه :)

  5. #5
    تاريخ التسجيل
    May 2006
    المشاركات
    617
    هما فين باقي الأعضاء يا باشا أنا كاتبه من شهر و محدش عبرني غيرك على العموم ألف ألف شكر مرة تانية

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك