موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 7 من 7
Like Tree0Likes

الموضوع: ♥ܔܓ܏ܛܜ█◄ الحلقة (3) من مطبخ رومانزا (مكرونة بالكبدة الاسكندراني)►█ܔܓ܏ܛܜ♥

  1. #1
    الصورة الرمزية romanza
    تاريخ التسجيل
    Dec 2005
    المشاركات
    13,627

    5 ♥ܔܓ܏ܛܜ█◄ الحلقة (3) من مطبخ رومانزا (مكرونة بالكبدة الاسكندراني)►█ܔܓ܏ܛܜ♥




    معانا ثالث حلقة من حلقات برنامج
    Romanza & DVD4arab kitchen
    وممكن تشوفوا الفهرس لكل الحلقات من هنا

    أكلتنا النهاردة إن شاء الله

    مكرونة بالكبدة الاسكندراني

    هذه الأكلة تكفي شخصين

    إهداء إلى
    Ŧαґεĸ™ صاحب هذا الطلب


    المقادير



    كبدة بقري حوالي ربع كيلو ونقطعها بالشكل ده
    فيه ناس بتحبها مقطعة كبير وفيه بيحبوها صغيرة زي ماتحبو يعنس




    بصلتين متوسطتين في الحجم ده




    واحدة فلفل أخضر









    200 جرام (يعني نص كيس) مكرونة أي نوع تحبوه


    الطريقة




    الطريقة أبسط ما يكون كل اللي نعمله
    نجيب حلة فيها حوالي 8 كبايات ميا
    عشان نعمل المكرونة

    ونحط عليها معلقتين ملح وتلات معالق كبار زيت

    ونسيب الميا تغلي على النار

    أول ماتغلي نحط المكرونة ونسيبها 18 دقيقة لو كبيرة
    و12 لو صغيرة

    طبعا عايزة أقول ان فيه شباب بيعملوا حاجة غريبة في المكرونة
    وتبوظ منهم في الآخر

    فيه بعض الشباب فاكرين المكرونة بتتغسل زي الرز
    لاااااااا
    المكرونة بتتحط في الميا علطول من غير غسيل
    لأن طبعا لو اتغسلت هتعجن في الآخر ومش هتبقى مكرونة

    المهم أول ماتحطو المكرونة في النار لازم تقلبوها لأن لو اتسابت بتلزق في بعض
    والنار تكون عالية

    خلاص بعد ما تتسلق وندوقها نلاقيها مستوى كويس
    وناخد بالنا ماتبقاش مستوية على الآخر لازم تكون بتتمضح مش طرية أوي

    المهم أول ماتخلص نثفيها في المصفا ونفتح عليها الميا بس كده نشطفها بسيط عشان النشا وخلاص
    (فيه ناس بتحبها بالنشا عشان الصلصة تلزق عليها)

    ونسيب المكرونة ونبدا نعمل الصلصة

    الصلصة أنا عملتها بالتوم عشان الكبدة بالبصل
    لو هتعملوا الكبدة بالتوم بدل البصل ممكن تعكسو عشان يبقى فيه اختلاف

    المهم الصلصة نفس طريقة الصلصة اللي موجودة في الحلقة التانية
    حلقة الكشري المصري تابعوها

    بس المرة دي أنا عملتها بمعجون صلصة بدل عصير طماطم عشان تبقى أسهل عليكو

    تابعو طريقة صلصة الكشري وبدل الطماطم نحط كوباية ونص ميا مع معلقتين صلصة أد دي





    ونكمل بنفس الطريقة


    نيجي للكبدة

    نحط الكبدة في حلة وفوقها الفلفل والبصل ومعلقتين (شاي) ملح ومعلقة شاي فلفل اسود
    مش تحطو شاي هي أصغر معلقة اسمها معلقة شاي
    وتزودوا ميا بسيط مش تملوها
    يعني زي كده





    ونخلي النار عالية وكل ما الميا تنشف نقلبها
    ونزود ميا تاني زيهم وهكذا
    بس اوعو تتحرق منكو لازم تكونو جنبها
    الكبدو حسب حجمها ممكن تاخد من نص ساعة لساعة إلا ربع

    كده خلصنا الصلصة والمكرونة والكبدة
    تمام؟

    في الآخر نقلي شوية بطاطس عادية او فارم فريتس وناكلهم سوا

    أحلى طبق مكرونة بالكبدة الاسكندراني
    وبالهنا والشفا مقدما




    عشان ماحدش يسأل انا جبت طماطماية قطعت من نصها شريحة وفضيت اللي جواها بالسكينة
    وحطيتها على منديل ورق عشان الميا بتاعتها تنشف
    وحطيت البطاطس جوة الحلقة كده

    أشوفكو الحلقة الجاية



  2. #2
    الصورة الرمزية سيد جبريل
    تاريخ التسجيل
    Jan 2008
    المشاركات
    9,100
    هى الكبدة الاسكندرانى دى
    جملى ولا كندوذ ولا مستوردة ؟
    توقيع مخالف

  3. #3
    الصورة الرمزية romanza
    تاريخ التسجيل
    Dec 2005
    المشاركات
    13,627
    كبدة جاموسة لا مؤاخذة

  4. #4
    الصورة الرمزية سيد جبريل
    تاريخ التسجيل
    Jan 2008
    المشاركات
    9,100
    كبدة جاموسة لا مؤاخذة
    يعنى كندوذ... شكرا
    كنت اتمنى تكون بالكبدة الجملى

  5. #5
    الصورة الرمزية romanza
    تاريخ التسجيل
    Dec 2005
    المشاركات
    13,627
    بصراحة ماكنتش أعرف يعني إيه كندوز
    وماجربتش الكبدة الجملي قبل كده

  6. #6
    الصورة الرمزية مصطفى ســامـح
    تاريخ التسجيل
    Feb 2009
    المشاركات
    11,617
    جزيتِ خيراً واكلتِ طيراً

    أكلة طيبة

    اللهم إني صائم

    ۞۞ وصــيـــة مـــودع . . " إيــــاكــــم " ۞۞

    من قواعد السعادة :-

    لا تكره أحداً.. مهما أخطأ في حقك
    لا تقلق أبداً.. وأكثر من الدعاء
    عش في بساطة.. مهما علا شأنك
    توقع خيرا مهما كثر البلاء.. وأحسن الظن بربك
    أعط كثيراً.. وإن حرمت
    ابتسم! ولو قطر القلب دماً



    لا يجوز أن ننحرف عن الإسلام وسيلة ونحن نتجه إلى الإسلام غاية


    إن لم تجدوني في الجنة فاشفعوا لي عند ربي
    أحبكم في الله
    أستودعكم الله
    والسلام عليكم ورحمة الله وبركاته


  7. #7
    الصورة الرمزية romanza
    تاريخ التسجيل
    Dec 2005
    المشاركات
    13,627
    الله يكرمك شكرا
    صوما مقبولا إن شاء الله

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك