موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 19 من 98 الأولىالأولى ... 9 17 18 19 20 21 29 69 ... الأخيرةالأخيرة
النتائج 271 إلى 285 من 1456
Like Tree0Likes

الموضوع: من كل بلد أكلة

  1. #271
    الصورة الرمزية الباروطى
    تاريخ التسجيل
    May 2007
    المشاركات
    861

    الجمبري الصيني باللوز

    الجمبري الصيني باللوز

    الشيف يسري خميس

    من كل بلد أكلة

    الاثنين 20 / 7 / 2009



    المقادير :

    - 1 / 2 ك جمبري منظف ومفتوح
    - كوب دقيق
    - 2 ملعقة كورن فلور ( نشا )
    - 2 ثمرة خيار
    - نصف كوب لوز محمص أو بندق
    - 2 ملعقة زنجبيل فريش
    - 2 ملعقة خل
    - 2 بيضة
    - بصل
    - ثوم
    - زيت
    - 2 فلفل الوان
    - 2 مشروم





    الطريقة :

    - في بولة نضع البيض وعليه الدقيق ومعلقة نشا ونخلط بالمضرب السلك ونضيف شوية ماء حتى تكون العجينة متجانسة وخفيفة شوية ونضيف ملح

    - نتبل الجمبري بملح وفلفل وننزله في العجينة ونقلبه فيها ونتركه شوية ثم ننزله في زيت ساخن وغزير

    - في طاسة نضع مادة دهنية ونضيف شوية بصل وثوم وجنزبيل ونقلبه معا حتى يدبل ونطفيه بشوية خل ثم نضيف المشروم شرائح والفلفل الالوان ونشوحهم شويه ثم نضيف عليهم شوية ماء ونتركها حتى تغلي ثم نضيف شوية نشا مذابة في ماء ونقلبهم كربط ثم نضيف اللوز أوالبندق ونقلبهم ثم ننزل بالخيار ونرفعهم من على النار .

    - في طبق التقديم ننزل الجمبري ثم نضيف عليه الصوص والخضار ويقدم













  2. #272
    الصورة الرمزية عاشقة المستحييل
    تاريخ التسجيل
    Nov 2007
    المشاركات
    655

    22 يا صباح الخير

    يا صباح الخير يا شيفنا يا عظيم

    ايه النشاط ده بسم الله ما شاء الله
    ايوا كده عاوزين النشاط ده كده على طول
    حقيقى مجهود رائع تسلم ايديك
    وفى انتظار الوصفات اليومية من الشيف الباروطى ان شاء الله

    بعد ازن حضرتك انا عاوزة كده طلب تخين شوية معلش
    عاوزة حلقة المخللات للشيف محمد
    وحلقة السندوتشات للشيف اشرف كانت يوم الخميس 16/7/2009
    وحلقة السبت 18/7

    معلش طلباتى كتير انا عارفة بس للاسف مش بعرف اتفرج خالص على القناة غير هنا فى المنتدى فى موضوع حضرتك القناة عندى مش شغالة خالص مش عارفة ليه
    اسفة جدا انى طولت على حضرتك

    شكرا جزيلا يا شيف باروطى
    وياريت متنسنيش فى الحلقات دى

  3. #273
    تاريخ التسجيل
    Jan 2007
    المشاركات
    8
    مساء الخير
    ممكن طريقةعجينة البيتزا بتعت الشيف شربيني من سفرة دايماحلقة 20\7 ولو ممكن ونبقى شاكرين

  4. #274
    الصورة الرمزية الباروطى
    تاريخ التسجيل
    May 2007
    المشاركات
    861

    حصري .... وتحدي ........ أحنا الأحلى

    المسقعة اليوناني


    الشيف خالد أبو سريع

    برنامج " من كل بلد أكلة "

    يوم الثلاثاء 21 / 9 / 2009







    المقادير :

    - باذنجال رومي شرائح مقلي
    - لحمة مفرومة معصجة
    - لبن
    - دقيق
    - بصل مفروم
    - كرات مفروم
    - كرفس مفروم
    - ثوم
    - جبنة بارميزان ( الشيف استخدم جبنة رومي )
    - زبدة فريش
    - صلصة طماطم



    الطريقة :

    - في طاسة على النار مادة دهنية نضع البصل والكرفس والكرات المفرومين ونقلب حتى يدبلوا ( مايستووش ولا يتركوا حتى يصفروا ) ثم نضع الثوم المفروم ونقلب ثم نضع اللحمة المفرومة المعصجة وملح وفلفل ثم نضيف صلصة الطماطم ونقلب ( ينصح الشيف بأن تكون اللحمة جوسي فيها نسبة دسم شوية يعنى طرية ) .

    - نقلب اللحمة المعصجة ثم نضيف شوية ماء أو بيون ( شوربة ) ونقلب حتى تستوى .

    - في بايركس فرن نفرد شوية باشاميلا من تحت ( كأننا بنعمل لا زانيا ) ثم نبدأ نرص شرائح الباذنجال ثم اللحمة المعصجة ونفردها على الباذنجال ثم شوية باشاميل ثم جبنة مبشورة ثم باذنجال ثم لحمة معصجة ثم باشاميل ثم جبنة مبشورة ثم لحمة معصجة وشرائح باذنجال ثم بشاميل ونسويها في البايركس ثم نضع الجبنة المبشورة .

    - نمسح حروف البايركس من الزيادات ثم ندخلها الفرن على درجة حرارة من 180 إلى 200 درجة لتأخذ جاراسان حيث ان كل المقادير مستوية .

    - ويقدم بالهنا والشفا

















  5. #275
    الصورة الرمزية الباروطى
    تاريخ التسجيل
    May 2007
    المشاركات
    861

    البشـــــــــــــــاميل

    البشـــــــــــــــاميل


    الشيف خالد أبو سريع

    برنامج " من كل بلد أكلة "

    يوم الثلاثاء 21 / 9 / 2009




    ملاحظات :

    - ان تكون الزبدة سايحة ( ما نتركهاش الى ان تحمر )
    - نستخدم مضرب سلك
    - نقلب فيها كل شوية
    - عند اضافة اللبن يكون دافئ مش ساخن



    المقادير :

    - زبدة فريش
    - دقيق ( كمية الدقيق مثل كمية الزبدة )
    - لبن دافئ


    الطريقة :

    - في أناء نضع الزبدة حتى تسيح ثم ننزل بالدقيق واحنا شغالين بالمضرب نحرك على طول حتى يتحور ( يتجانس ) وقبل الدقيق مايصفر ننزل باللبن واحنا بنقلب بسرعة ومستمر حتى لا يتكتل ونتابع دائما التقليب وتكون النار متوسطة وقبل البشاميل ما يربط نضيف ملح أو فلفل ابيض ( لا نضع فلفل اسود ) ونستمر في التقليب حتى يربط ويستوى

    - نعرف ان البشاميل استوى عندما يغلي مرتين

    - ننزله بعد السوى ونستخدمه











  6. #276
    الصورة الرمزية الباروطى
    تاريخ التسجيل
    May 2007
    المشاركات
    861

    الشيش طـــــــــــاووق

    الشيش طـــــــــــاووق


    الشيف خالد أبو سريع

    برنامج " من كل بلد أكلة "

    يوم الثلاثاء 21 / 7 / 2009






    المقادير :

    - أوراك فراخ مقطعة
    - فلفل ألوان
    - بصل



    تتبيلة الشيش طاووق :

    - مستردة
    - بصلة مبشورة
    - طماطم
    - عصير ليمون
    - ثوم
    - زيت ذرة



    الطريقة :

    - في اعواد خشبية ( خلة ) نضع قطعة فراخ وقطع مكعبات من الفلفل الألوان والبصل

    - في بولة نضع البصل المبشور وعليها الطماطم المشورة ثم عصير الليمون والثوم المفروم والمستردة ونقلبها جيدا ونضيف زيت الذرة والملح والفلفل الأسود وبهارات .

    - نضع التتبيلة على الشيش طاووق ونتركها لمدة ساعة على الأقل

    - ثم نضع اعواد الشيش طاووق على شواية ساخنة أو على الفحم أو في طاسة ساخنة مدهونة بزيت ثم تستكمل سواها في الفرن

    - وتقدم في طبق التقديم على خبز شامي مع البيجز بطاطس وسلطة الزبادي




    يقدم مع الشيش طاووق

    - فيجز بطاطس ( اي بطاطس مكمورة في الفرن )
    - نغسل البطاطس جيدا ونلفهاجيدا في ورق المونيوم فويل وندخلها الفرن لمدة نصف ساعة .

    يقدم مع الشيش طاووق

    - سلطة زبادى ( زبادي وخيار مبشور مصفى من الماء وليمون وثوم مفروم وورق نعناع أخضر مفروم وزيت زيتون وتقلب جيدا )























  7. #277
    الصورة الرمزية Drama-queen
    تاريخ التسجيل
    Jul 2009
    المشاركات
    2

    Mdr

    احب اسال الشيف الباروطى ايه الى بيعادل الكريمة اللبانى فى دول الخليج خصوصا السعودية بسبب اختلاف الاسماء ,و احب اسال باردو لو مش هتقل عن طريقة الفراخ الكنتاكى و ازاي تبقى كريسبى ؟؟؟

  8. #278
    الصورة الرمزية الباروطى
    تاريخ التسجيل
    May 2007
    المشاركات
    861
    اقتباس المشاركة الأصلية كتبت بواسطة Drama-queen مشاهدة المشاركة
    احب اسال الشيف الباروطى ايه الى بيعادل الكريمة اللبانى فى دول الخليج خصوصا السعودية بسبب اختلاف الاسماء ,و احب اسال باردو لو مش هتقل عن طريقة الفراخ الكنتاكى و ازاي تبقى كريسبى ؟؟؟
    الكريمة اللباني تباع في السوبر ماركت ويكون مكتوب عليها كريمة لباني او كريمة للخفق واسم الكريمه اللباني بالانجليزي heavy whipping cream


    بستبدل اى حاجة فيها كريمة لبانى بكوب لبن وادوب فيه بودرة بشاميل ماجى او كنور الجاهزة بيدى الاكلة طعم رائع جدا

    وممكن تضربى لبن فى الخلاط بمعلقتين دقيق و تحطي عليهم شوية ملح و على النار هيتخن و يبقى زى الكريمة و احلى كمان

    وممكن استبدالها بالقشطة

    وكريمه الطبخ هي نفسها الكريمه المخفوقه بس زيدي عليها سكر ناعم و فانيلا و اخفقيها جيدا تصبح كثيفة جاهزه لحشو الكيك و اسمها بالإنجليزي (whiping cream) أو (cool whip).

    أما بالنسبة لدجاج كنتاكي وكيف يصبح كرسبي .... سأتناوله قريبا

  9. #279
    الصورة الرمزية الباروطى
    تاريخ التسجيل
    May 2007
    المشاركات
    861
    اقتباس المشاركة الأصلية كتبت بواسطة sadaqqa مشاهدة المشاركة
    مساء الخير
    ممكن طريقةعجينة البيتزا بتعت الشيف شربيني من سفرة دايماحلقة 20\7 ولو ممكن ونبقى شاكرين
    ممكن قريبا .............جدا جدا

    ودي تصبيرة .........





  10. #280
    الصورة الرمزية الباروطى
    تاريخ التسجيل
    May 2007
    المشاركات
    861
    اقتباس المشاركة الأصلية كتبت بواسطة عاشقة المستحييل مشاهدة المشاركة
    يا صباح الخير يا شيفنا يا عظيم

    ايه النشاط ده بسم الله ما شاء الله
    ايوا كده عاوزين النشاط ده كده على طول
    حقيقى مجهود رائع تسلم ايديك
    وفى انتظار الوصفات اليومية من الشيف الباروطى ان شاء الله

    بعد ازن حضرتك انا عاوزة كده طلب تخين شوية معلش
    عاوزة حلقة المخللات للشيف محمد
    وحلقة السندوتشات للشيف اشرف كانت يوم الخميس 16/7/2009
    وحلقة السبت 18/7

    معلش طلباتى كتير انا عارفة بس للاسف مش بعرف اتفرج خالص على القناة غير هنا فى المنتدى فى موضوع حضرتك القناة عندى مش شغالة خالص مش عارفة ليه
    اسفة جدا انى طولت على حضرتك

    شكرا جزيلا يا شيف باروطى
    وياريت متنسنيش فى الحلقات دى
    معلهش اتأخرت عليكي بالرد ..........لكن انتي صاحبة بيت .. من أهل الدار

    - بالنسبة لحلقة المخللات للشيف محمد فوزي للاسف لم اشاهدها ولكنى اوعدك بالحصول على محتواها او شبيه لها

    - اما حلقة ساندوتشات الشيف اشرف قريبا جدا جدا

    - حلقة السبت 18 / 7 كانت عبارة عن ايه

  11. #281
    الصورة الرمزية الباروطى
    تاريخ التسجيل
    May 2007
    المشاركات
    861

    حصري .... وتحدى .......

    بطاطس جراتان



    الشيف يسري " برنامج المطبخ "

    حلقة اليوم الأربعاء 22 / 7 / 2009




    المقادير :



    الطريقة :

    - في اناء على النار نضع اللبن ونضع عليه الكريمة ثم شوية من بشر الطيب وشوية ملح وفلفل ابيض ونتركهم حتى يغلى اللبن

    - نقطع البطاطس بعد تقشيرها ( البطاطس لا تغسل ) ونقطعهاشرائح اتخن من الشيبسى وأرفع من بطاطس الصينية

    - نضع البطاطس على اللبن والكريمة ونتركها حتى تستوى على النار

    - ثم نرفع البطاطس ونضعها في بايركس ونضع عليهااللبن اللى استوت فيه ثم نضع جبنة مبشورة اي نوع وندخلهاالفرن تأخذ لون جارتان .


















  12. #282
    الصورة الرمزية الباروطى
    تاريخ التسجيل
    May 2007
    المشاركات
    861

    حصري ...... وتحدي .... حلقة اليوم

    شرائح الريش الضاني بالبصل المقلي


    الشيف يسري " برنامج المطبخ "

    حلقة اليوم الأربعاء 22 / 7 / 2009






    المقادير :




    الطريقة :

    - في طاسة على النار نضع مادة دهنية بسيطة ونضع الريش بعد تتبيلها بملح وفلفل وزعتر فريش ونقلبهاحتى تأخذ لون ثم ندخلها في صينية الفرن

    - نقطع شرائح رفيعة وعريضة من الباذنجان الرومي ونضعها في صينية مدهونة بزيت زيتون وعليهاالشرائح ونرش عليها شوية زيت بسيط وشوية ملح وفلفل وزعتر وندخلها الفرن تحت الشواية لمدة دقيقتين

    - في طاسة ساخنة على النار نضع بصل بنفسجي مفروم وزيت زيتون معاً ونقلبهم بسرعة حتى يدبل البصل نضيف عليه 4 ملاعق خل عنب ونقلبهم ونتركهم حتى يتشرب الخل ( وهذا يسمى صوص شارلوت )

    - في طاسة ثانية نضع شوية زيت بسيط وعليه نضع مكعبات باذنجان وملح وفلفل وفص ثوم سليم ونقلبهاحتى يستوى

    - في طاسة أخرى على النار نضع شوية زيت وعليها بصل ابيض مفروم ونقلبه حتى يدبل نضيف مكعبات طماطم وفص ثوم سليم ونقلبهاشوية ثم نضيف عليها الباذنجان المكعبات الموجود في الطاسة الثانية ونقلب حتى يستوى وهذا يسمى ( رادتويه )

    - في طبق تقديم نضع شوية من صوص الشارلوت ( البصل البنفسجي الغامق ) وبجوارها قالب صغير نضع بها على الجوانب شرائح الباذنجان المشوي ثم نضع في وسطها شوية من الرادتويه وحولها نضع الريش الضانى ونرش عليها شوية من صوص الشارلوت .

    ويقدم بالهنا والشفا




























  13. #283
    تاريخ التسجيل
    Oct 2007
    المشاركات
    86
    مجهووووووووووود جبااااااااااااااااار

    بارك الله فيك و جزاك الله خيرا

  14. #284
    الصورة الرمزية الباروطى
    تاريخ التسجيل
    May 2007
    المشاركات
    861

    19 الى اعضاء dvd4arab فقط

    الى اعضاء dvd4arab فقط


    يوجد لدى العديد من حلقات برامج

    - من كل بلد أكلة
    - المطبخ
    - سفرة دايمة

    على ملفات فيديو وعلى c d من اعدادي

    فعلى من يرغب ترك الايميل او وسيلة ارسالي لهذه الملفات اليه

    مجـــــــــــــــــــــــــانا ... لعيونكم فقط

  15. #285
    الصورة الرمزية Pyramids.imp_ex
    تاريخ التسجيل
    Jun 2009
    المشاركات
    668
    شكرا جزيلا

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك