موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 7 من 7
Like Tree5Likes
  • 1 Post By
  • 1 Post By
  • 1 Post By
  • 1 Post By
  • 1 Post By

الموضوع: أول طلعة تسقيط ليا من بحرى مع ريس محمد أبو ماهر بتاريخ 15/9/2012

  1. #1
    الصورة الرمزية karim_boundok
    تاريخ التسجيل
    Dec 2006
    المشاركات
    46

    Flag Egypt أول طلعة تسقيط ليا من بحرى مع ريس محمد أبو ماهر بتاريخ 15/9/2012

    السلام عليكم يا شباب ,


    دى أول مشاركة ليا بموضوع وده بعد ما شفت مواضيع الأعضاء المحترمين عن طلعاتهم مع ريس سامح أبو مصطفى , بس للأسف ماكانش شغال اليوم ده وأنا كنت نويت وإنتو عارفينها لما تطلب :)

    أنا كنت دايما بطلع من أبوقير وكانت أجمل أيام بصراحة خصوصا مع على سيد أحمد وحمادة عزو وعبد الله وده من حوالى 9 سنين بس من حوالى سنتين العملية قشفرت شوية فبقيت نادرا أما أطلع إلا طبعا فى أحلى شهور التسقيط من شهر 12 ل 3 وخصوصا حبيب قلبى الدنيس إللى بنام أحلم بيه :)
    المهم مش هرغى كتير دى أول تجربة ليا فى بحرى



    المهم نزلت من بيتنا وروحت بحرى لقيت فيه صيادين كتير متجمعين عالبحر , سألت واحد عن حد أطلع معاه فدلنى عالريس محمد , إتعرفت عليه وإديته البطاقة ووقفت مع الناس نتكلموا,
    المهم لقيت الناس بيقولولى إحنا طالعين عالغزيلة , بينى وبينكو بدأت أقلق عشان عارف المشوار وعارف المجهود إللى بتحتاجه فى الصيد , المهم عملت عبده العبيط وقلت للريس طب إدينى رقمك وهظبط يوم تانى إن شاء الله :)) قالى مالك فيه ايه ? قلتله أنا رجعت فى كلامى لما عرفت إنكوا طالعين عالغزيلة بصراحة :) قالى متقلقش فيه لانش تانى طالع عالوعر , قلتله بس تمام أوى كده أنا معاهم


    المهم خلصنا تصاريحنا وظبطنا الكلام وطلعنا من المينا , قلت أظبط عدتى عشان أشتغل على طول لما نقفوا ,


    المهم يادوب خلصت القرمة لقيت اللانش بيقف , قلت لرابسو إحنا خلاص كده ! قالى اه , بصيت لقيت نفسى شايف الكورنيش بوضوح وأنا مش متعود على كده خصوصا إن كل طلعاتى السابقة من أبو قير , وكنا بنطلعوا على أبو حصوة وال 100 وحاجات كده بتاخد وقت , المهم قلت مش مشكلة أهو نبقوا قريبين من البر لو حصل حاجة وربنا يكرم إن شاء الله


    المهم ظبطنا الهلب وأنا أخدت مكانى المحبب فى اخر اللانش فوق وقعدت ,,,
    أول رمية هوب علقت معايا حاجة , لقيت رابسو بيقولى يا عم إسحب السمكة معاك , قلتله خليك طماع فى كرم ربنا :)) قاللى ااااه إنتا منهم , قلتله دول هما إللى منى
    المهم خدنا حبة شراغيش من الأرض دى بس مش كتير وربع ساعت ووقفت خالص , قلنا نستنوا شوية كمان لو ماشتغلتش ننقلوا
    المهم نقلنا لأرض تانية فى 5 دقايق بس ووقفنا ,, الصلى عالنبى , حلابيش ( وقار ) على شراغيش على بعض موزة و ساعة زمن أو ساعة ونص ووقفت وبعد كده تقريبا اليوم باظ ماخدناش كتير , بس بعد ما ربنا كرمنا أحلى كرم فى ساعتين زمن ,,
    بس للأسف مش كل الناس أخدت حلابيش عشان ماكانش كل الناس معاها عقر :) وأنا طبعا كمدمن دنيس العقر معايا شىء أساسى سواء صبف أو شتا وبصراحة دى أول مرة اخد عقر فى حياتى , بس إكتشفت عشقه للعقر
    وكمان الشراغيش كانت داخلة حلو عالعقر ,

    لما طلعنا البر بقى عرفنا إن اللانشات أغلبها صيع وفعلا كانوا بيلفوا كتير قدامنا طول اليوم وإنتهى أول يوم ليا من بحرى على كده ب 3 كيلو سمك زى العسل .

    الصورتين دول لطلعة من طلعات أبو قير بس من سنتين تقريبا بس دول أكبر سمكتين إصطدتهم فى حياتى وطبعا مش محتاج أحذركم من كبدها ومن مصارينها السامة جدا القراض أو الأرنب , السمكتين دول طالعين على صنار رقم 3 وشعر 25 بس ربنا ستر وماقصوش عشان كانوا متعلقين من السن بس لكن الشعر كان بعيد عن بقها إللى عامل زى بق البغبغان وأقوى فك شفته فى حياتى , لدرجة إنى حاولت أفتح بقها بعد ما إتسلخت وطلع عين أمها بدون فايدة , فتخيلوا دى لو قفلت على صوبع حد لاقدر الله عشان كده خدوا بالكو , وأى سمكة بالحجم ده تتظرف سكينة فى دماغها عشان تموت ,


    واليوم ده بقى إتقصت سنون بالهبل وطبعا كل مرة ببقى هعيط لما أحس بضربة السمكة وبعدين تقص ولا تشلح :(( ببقى هتشل بس بقول الحمد لله لأن ده رزق ولو كان مقسومالى كنت هاخدها أكيد زى ما خدت دول








    بس كده أول مشاركة ليا خلصت ويارب ماكونش تقلت عليكو ومنتظر ردودكم :)


    واخر حاجة دى أرقام ريس محمد سيد أحمد فى أبو قير01224269186
    وريس محمد أبو ماهر فى بحرى 01283058986



  2. #2
    الصورة الرمزية samehabumostafa
    تاريخ التسجيل
    Sep 2011
    المشاركات
    266
    حمدلله على السلامه وان شاء الله المره الجايه حظ اوفر

  3. #3
    الصورة الرمزية karim_boundok
    تاريخ التسجيل
    Dec 2006
    المشاركات
    46
    الله يسلمك يا ريس سامح :) نورت الموضوع بمشاركتك :)

  4. #4
    الصورة الرمزية DRAGON AGE
    تاريخ التسجيل
    Jun 2009
    المشاركات
    261
    ده واضح كده إن الصيد ده طلع ليلة كبيرة
    و قال إيه كنت فاكر إنى هافهم كل حاجة لما أدخل هنا
    و أنا أصلاً ما تلعطش غير طالعة فى العين السخنة و كانت رحلة فاشلة جداً
    و أنا لسة بقى عايز أشترى صنارة :)
    لنجاهد مع سوريا

  5. #5
    انا بقالى تلت سنين بطلع مع الريس محمد سيد احمد بس بقى قلت اغير اتصلت بالريس سامح قالى ان ما بينزلش وان الحاجة والدتة بعافية شوية ربنا يشفيها ويقومها بالسلامة رحت مكلم على عم محمد وطلعنى مع عادل اللى بيطلع على اللنش بتاع على سيد احمد والمهم اشتغل صرع وبغبغنات ما اتكيفتش رحت طالع بعديها بيومين مع احمد الطربى خدت قرادة وشوية موزة وكام دنيساية كفافى كدا ومستنيين عودة الريس سامح علشان نجرب بحرى لاول مرة انا سامع انو الاسطورة هناك

  6. #6
    الصورة الرمزية karim_boundok
    تاريخ التسجيل
    Dec 2006
    المشاركات
    46
    نورتوا الموضوع يا دراجون ويا ميدو :)على فكرة يا ميدو على سيد أحمد ده أكتر من أخ , ولانش مارين ده أكتر لانش ربنا بيكرمنى فيه غير لانش عم محمد سيد أحمد خالص :)) سبحان الله يعنى معرفش ليه
    بس نصيحة الفترة الجاية إللى يطلع من بحرى ينزل عالغزيلة عشان الوعر مش حلو بقاله أسبوعين


    أنا بعد طلعة بحرى الأولى طلعت طلعتين كانوا مش قد كده , بس إن شاء الله هنزل مع ريس محمد أبو ماهر أجرب حوار الغزيلة ده شكله جامد
    ويدخل الشتا ونطلعوا على لانش مارين من أبوقير بقى ووشك وأبو حصوة

  7. #7
    انا طلعت الاسبوع الى فات على مارين شغال علية مراكبى اسمة عادل وعم عطى اخو عم محمد سيد احمد قضيناها صرع وبغبغانات وطلعلت من ميامى اخدت موزة وفليجس وشراغيش بس الفليجس اخد 3 وحدات والشراغيش كذلك واخدت قراضة
    وعلى فكرة بقى انا لما بطلع على اللنش بتاع عم محمد ربنا بيكرمنى عكسك خالص انا

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك