موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



مشاهدة نتائج الإستطلاع: ما رأيك بالموضوع؟

المصوتون
4. أنت لم تصوت في هذا الإستطلاع
  • جيد جدا و مفيد

    4 100.00%
  • يعني عادي

    0 0%
  • مقرف جدا و بطل وجع دماغ بقي

    0 0%
+ الرد على الموضوع
صفحة 1 من 11 1 2 3 ... الأخيرةالأخيرة
النتائج 1 إلى 15 من 165
Like Tree0Likes

الموضوع: موسوعة أنواع الاسماك التي تعيش في النيل و البحار في مصر

  1. #1
    تاريخ التسجيل
    Dec 2005
    المشاركات
    288

    موسوعة أنواع الاسماك التي تعيش في النيل و البحار في مصر

    السلام عليكم و رحمة الله و بركاتة

    انا فكرت نعمل موسوعة بكل انواع الاسماك التي تعيش في نهر النيل و في البحر الابيض و البحر الاحمر في مصر ........ عارفين لية!!!!!!!!!
    اقولكم انا لية ............ علشان اولا الناس تقدر تتعرف علي الاسماك دي سواء في الاسواق او في اي مكان
    ثانيا علشان في انواع سامة و انواع مؤذية فبكدة اللي بيصطاد يقدر يعرف و يخلي بالة منها
    ثالثا هي هتكون موسوعة شاملة لهواة صيد السمك علشان يقدرو يعرفو انواع الاسماك و اماكن تواجدها و كيفية صيدها كمان ان شاء الله
    و الموسوعة دي طبعا عايزة كل واحد يعرف حاجة يشارك بيها بس يا ريت يكون عرض المعلومات كالتالي

    اسم (نوع) السمكة
    صور / ة ليها ان امكن
    اماكن تواجدها
    الغذاء المفضل
    كيفية صيدها ان كانت هناك طريقة معينة

    و ان شاء الله الكل يستفيد من الموسوعة دي ان شاء الله


    و ان شاء الله هنبدأ الموسوعة قريب و علي بركة الله تعالي و بمساعدة كل الاعضاء ان شاء الله
    من سورة نوح
    بسم الله الرحمن الرحيم
    فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً (10) يُرْسِلِ السَّمَاء عَلَيْكُم مِّدْرَاراً (11) وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارا ً(12)
    صدق الله العظيم

    -=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
    من مواضيعي

    إلحق إحجز مكانك في الدورة المجانيه علي الويب عن إدارة المشروعات

    الحق احجز أجازتك بسرعة في شرم الشيخ و بسعر راااااااائع

    موسوعة اسماك النيل و البحار في مصر

  2. #2
    فكره هايله يا اخى العزيز وبالتوفيق ان شاء الله واعتقد ان حتلاقى صدى لدى الاخوه هواة الصيد.

  3. #3
    الصورة الرمزية nady2
    تاريخ التسجيل
    Nov 2005
    المشاركات
    989
    مشكورررررررررررر على المجهود دة يا مان

  4. #4
    اقتباس المشاركة الأصلية كتبت بواسطة nady2
    مشكورررررررررررر على المجهود دة يا مان
    فين المجهود ده؟؟ الراجل حتى ماكتبش حرف كده برده
    طب وجارى التحميل فين ؟

  5. #5
    تاريخ التسجيل
    Dec 2005
    المشاركات
    288

    موسوعة معدات صيد الاسماك

    السلام عليكم و رحمة الله و بركاتة


    معلش انا عارف اني اتأخرت في الرد و تكملة الموضوع بعد اقتراحي للفكرة التي اشرف انها نالت اعجابكم بس ارجو من اخواني في المنتدي المعذرة لإنشغالي الفترة الماضية و ادينا هنكمل علي بركة اللة تعالي

    و نبدأ بالموسوعة اللي عاملها الاخ مستر موسي عن معدات الصيد و طرقة و ادي الرابط ليها اهوة

    و نكمل بقية انواع الاسماك علي بركة الله و ان شاء الله الرد الجاي فية التفاصيل اكتر

  6. #6
    تاريخ التسجيل
    Dec 2005
    المشاركات
    288

    نبدأ مع الاسماك

    بسم الله الرحمن الرحيم

    السلام عليكم و رحمة الله و بركاتة اخوتي الاعزاء

    اود قبل ان نبدأ ان نقسم الموضوع الي : 1- اسماك المياة العذبة 2- اسماك البحر الاحمر 3- اسماك البحر الابيض

    و سنبدأ ان شاء الله بأسماك المياة العذبة و الي حين الانتهاء منها فعلي كل من لدية معلومات عن اسماك المياة العذبة المشاركة اما بالاضافة او التعديل و علي كل من يريد اضافة اي حاجة عن اسماك المالح يستني لحد ما نخلص العزب الاول ان شاء الله ........... و نبدأ علي بركة الله تعالي مع اولي اسماكنا

    مع نجم النجوم و وسمكة كل يوم .....................


    سمكة البـــــــــــــلطــــــــــــــــي

    سمكة البلطي النيلي



    سمكة بلطي موزمبيق



    دة اسم السمكة كدة حتي السمك فية جنسيات

    المهم

    تتواجد اسماك البلطى على جوانب الانهار و الترع و ليس فى منتصفها و في الاماكن التي يكثر فيها الزرع او اماكن للاختباء و ابتعد عن المياه الجارية فابحث عن منطقه تكون المياه فيها هادئة حيث تتواجد اسماك البلطى

    افضل طعم لسمكة البلطى هو الريم و يكون على سن مقاس 12 او اصغر من ذلك و يمكن استخدام دود الارض ايضا على سن مقاس 9

    و يمكن ايضا صيد سمكة البلطي بالعجين حيث يتم اختيار مكان هادى وياحبزا لو كان مدور والمدور هو مكان يلتف به جانب النهر او الترعه لتاخذ شكل نصف دائره فتهدا حركه التيار فيها ويتم استخدام سن مقاس 7 او 8 فرنساوى مع خيط 30 او 35 مع تظفير الدور بقطع صغيره جدا من العيش المبلول بكميات قليله على فترات حتى يتم جذب السمك للمكان وليس بكميات كبيره حتى لا يشبع السمك

    طريقه عمل الجين و يتم عمل العجين عن طريق عجن عيش بلدي مستوى وليس نىء بالماء عجنا مستمر مع اضافه الماء حتى تصبح عجينه مرنه ويتم وضعها على شكل كور صغيره تغطي السناره كلها فيتهافت عليها السمك الصغير اولا ثم ينجذب اليها البلطى الكبير ومبزه هذه العجينه هو تماسكها فى تيار الماء بالاضافه الى تفتت الرده من العجينه الموضوعه على السناره وانتشارها فى مكان الصيد مما يجذب مزيد من السمك
    و العجينه اساسا للصيد من اول ضؤ نهار الى اخر ضؤ و لكن يمكن استخدامها ليلا ايضا ولكن عيب الصيد بالعجينه فى الليل هو ان السمك بياكل على فترات متباعده ولذلك لا تسطيع العجينه الصمود على السناره فترات طويله

    موسم صيد سمكة البلطى يكون ما بين شهر 3 وشهر11 ماعدا شهر 4 لانه موسم وضع البيض و الاسماك لا تاكل لان الانثى تقوم بوضع البيض و الذكر يقوم بالتلقيح و يقومان بعد ذلك بحراسة البيض حتى يفقس

    يكون صيد سمكة البلطى من بعد شروق الشمس حتى منتصف الليل

    يمكن جذب سمكة البلطى عن طريق القاء بواقى الخبز فى منطقه تكون المياه هادئة فيها بعد بل الخبز و تقطيعه قطعا صغيره و بعد ساعه فقط سوف تجد ما يسرك

    و ها هي الاخت بلطية متعلقة في الصنارة الذهبية :clap0000:




    و صورة كمان عشان الحبايب




    للامانة المعلومات في هذا الموضوع مجمعة من اكثر من مصدر و بعض منها بناء علي خبرة شخصية

    ان شاء الله السمكة اللي جاية سمكة شرسة و متعبة في الصيد ..... تابعونا

  7. #7
    تاريخ التسجيل
    Dec 2005
    المشاركات
    288

    سمك القراميط

    بسم الله الرحمن الرحيم و السلام عليكم و رحمة الله و بركاتة

    سمكة القرموط

    السمكة اللي معانا اليوم هي سمكة القرموط و هي سمكة صعبة في الصيد من حيث انها تأكل ببطء و بخفة و كمان انها سمكة شديدة و قوية في الصيد يعني بلغة الصيادين سمكة عفرة :flex0000: لازم بقي يا جماعة نتعود علي لغة الصيادين علشان نعرف نفهمهم و لا اية

    المهم دي المعلومات عن سمكتنا اليوم
    هى سمكه مستطيله الجسم وزعانفها الظهريه تكاد تكون على طول الجسم اما الذيليه فمن فتحه الشرج الى الذيل والزعانف عموما تكون من شويكات لينه, الرائس منخفضه ( مبططه )وجزءه العلوي والسفلى عظمى صلب وله اربعه ازواج من الشوارب وعينه صغيره ,لون اجزائه العليا زيتى داكن وفيها علامات سوداء اما اجزاؤه السفلى فبيضاء وبه خط قاتم حول الجسم فى اسفل الرأس.
    هذا النوع من السمك يستطيع العيش خارج المياه وهو يخرج الى اليابسه فى اثناء الليل او النهار وخاصه فى موسم التزاوج وهو يتغذى على الخضر والنباتات والاعشاب بالاضافه الى الديدان والاسماك الصغيره وقد وجد فى بعض امعاء بعض القراميط جرزان صغيره فهى على العموم تأكل اى شىء و ذلك من رحمة الله عز و جل بنا حيث انها تعتبر من مصادر النظافة الأولي في المياة العذبة وهى تصل الى احجام واوزان متوحشه وهناك نوع فى الوجه القبلى لا يختلف عن الوصف السابق الا في زعنفه الظهر حيث تنفسم الى قسمين.

    أما عن طرق صيدها فهي كالتالي
    يمكن صيد القراميط بالعجين ليلا لنفاذ الطعم وعيب الصيد بالعجينه فى الليل هو ان السمك بياكل على فترات متباعده ولكن حجم السمك كبير ولذلك لا تسطيع العجينه الصمود على السناره فترات طويله.
    و غالبا ما يتم صيد القراميط بالعنب البناتي فالعنب البناتى يستهويها جدا و طريقة الصيد بالعنب البناتي سهلة يتم تثبيت سنارتين اسفل الرصاصه لان القرموط يتغذى من القاع على بعد 25 سم للسناره الاولى و50 سم للسناره الثانيه و ويتم ادخال 7 حبات عنب الى 10 حبات فى نتصف العنبه بحرص مكونه شكل حبات السبحه ويكون العنب مغطى السن وبقية العنب مثبت فى بقية الخيط اعلى السناره وعند جذب السمكه للطعم لا يتم جذب البوصه سريعا حيث ان القرموط يخطف حبه او اثنين من العنب ويبتعد ثم يحوم مره اخرى حول نفس المكان مبتلعا للصناره وبقيه العنب.
    لاستخدام العنب يستخدم شعر 40 على الماكينه وشعر 35 لترميل السنون والسن المناسب للعنب هو رقم 6 او 7 فرنساوى ويجب التعامل بصبر مع السمكه حيث انها سمكه قويه و يمكن ان تقطع الشعر.
    و تأكل القراميط اي شئ كما ذكرنا سالفا فيمكن ايضا صيدها بمصارين الفراخ كطعم كما انهم في صعيد مصر يصنعو العجين بالطريقة التالية لصيدها و هي عمل عجين العيش البلدى وهو نىء و يتم اضافه الدماء اليه (دماء الذبائح طبعا ) ويعجن جيدا ويتم دفنه فى الارض فى مكان مشمس لمده من يومين الى ثلاثه ايام فتتخمر العجينه بالاضافه الى رائحه الدماء المتحلله فتعطى عجينه لها رائحه قويه جدا وتجذب القراميط من على بعد و كذلك يمكن اضافة مادة ذات رائحة نفاذة اسمها الحنتيت بعد اذابتها فى الماء و يتم شرائها من العطار الي العجين لإعطاء الرائحة المطلوبة.

    أما اماكن الصيد و التواجد فهي كالتالي
    القراميط تفضل المياه الهادئه وليس السريعه, ومن ضمن الاماكن التي تكثر بها القراميط جزيره فى قريه القرطيين وهى جزيره كبيره مزروعه موز والفلاحين بيرمو شجر الموز التالف فى المياه على الشاطىء فتكون بيئه جيده لاختباء القراميط تحتها هذ الى جانب الاعداد الهائله لورد النيل المنتشره حول الجزيره والتى تعتبر بيئه ممتازه للقراميط اما جمصه فكميه اسماك القراميط فيها كبيرة جدا فهى عامله زي البلطى فى النيل و احسن شهور لصيدها هو شهر 7 و 8 و 9 , اما عن الصيد من تلك الجزيرة فستحتاج الى رمال السنارة 40 أو 50 على الأقل ويكون على المكنة خيط 50 على الأقل و السن يكون كبير وذلك لأن السمكة اللى حتطلع مش أقل من 4 ك و الرمي يكون حداف او تشويح زي لغة الصيادين برضة و لازم يكون معاك جدالة أو شوكة علشان تطلع السمكة, اما طريقة الوصول لتلك الجزيرة فهي كالتالي تستطيع ان تأحذ ميكروباس من الكيت كات الى برطوس ثم تتمشى داخل البلد حتى تصل الى الشط فتأخذ معدية بنص جنيه الي الجزيرة وممكن تأجر مركب طول النهار الى المغرب بخمسةعشرة جنيها من عند ابوالحديد وهو بيأجر مراكب مش اكتر من ثلاثه صيادين حتى تسطيع الصيد مستريح.

    و ادي بعض الصور لسمك القراميط






    واللي جاية دي طبعا زي صور القراميط اللي بصطادها :clap0000:





    و دول بقي شوية قراميط في الشبكة



    للأمانة المعلومات مجمعة من مصادر عدة وكمان للأمانة انا عمري ما طلعت قراميط ابدا ........ تفتكرو العيب فين :sly00000:

    و كنت عايز اقولكم تخلو بالكم لان سمك القراميط قريب الشبة جدددداااا من سمك اسمة الرعاد او الرعاش و دة سمك بيكهرب ب 260 فولت و ان شاء الله نتناول الرعاد في المرة اللي جاية علشان نعرف الفرق بينة و بين القراميط


  8. #8
    هو ده الشغل :icon30:
    هو ده الكلام :icon30:

    فى انتظار باقى الموضوع على احر من الجمر :bye10000:

  9. #9
    تاريخ التسجيل
    Dec 2005
    المشاركات
    288
    بسم الله الرحمن الرحيم
    شكرا يا مستر موسي علي الرد و التشجيع ....
    بس اكيد المعلومات دي كلها انت عارفها جيدا و جزاكم الله خيرا علي الرد

  10. #10
    تاريخ التسجيل
    Dec 2005
    المشاركات
    288

    سمكة الرعاد او الرعاش

    بسم الله الرحمن الرحيم و السلام عليكم و رحمة الله و بركاتة




    سمكة الرعاد او الرعاش

    السمكة اللي معانا اليوم هي شديدة الشبة بالقرموط جدددااا و كثير من الناس عند صيدها يعتقد انها قرموط و يمسكها و اذا بة يحدث لة ما لا يحمد عقباة :fruits_c: اصل السمكة دي بتكهرب ب 260 فولت مع العلم ان كهرباء المنزل 220 فولت بس و يمكن اقل شوية ...... و هسيبلكم التخيل اية اللي بيحصل لما حد بيمسك السمكة دي :crazy000:

    المهم وصف سمكتنا اليوم هو كالتالي

    جسمها متوسط الطول انبوبى او مضغوط قليلا من الجانبين ليس لها زعانف صدريه سوى زعنفه رخوه قرب الذيل لها ثلاث ازواج من الشوارب وتتوسط عيناها جانبى الرأس و فتحه خياشيمها قصيره.
    لونها رمادى ضارب الى الزرقه وبطنها بيضاء واحيانا يكون منقطا اومبرقشا بالابيض او الاسود وبحافه الزعنفه الذيليه لون احمر او برتقالى والزعنفتان الكتفيتان والبطنيه لونها اصفر ضارب الى الحمره وقد يكون احمر داكن.
    لهذه السمكه عضو كهربائى يمتد على طول الجسم من الرأس الى منشأ الزعانف الذيليه الرخوه وهو بمثابه سلاح للدفاع به عن نفسها ولمهاجمه اعدائها لهذا ينصح بعدم مسكها باليد مباشره بل تمسك بقطعه من القماش او كيس بلاستيك سميك لتفادى صعقه الكهرباء المنبعثه منها وتفقد السمكه هذه الشحنه الكهربية عند موتها وقد كان هذا النوع من السمك معروف لدى قدماء المصريون ومرسوم فى معابدهم .


    اما عن اماكن التواجد وطرق الصيد فهي كسمك القرموط تماما ان شاء الله

    ودي بقي بعض الصور ليها علشان اللي يشوفها يعرفها ان شاء الله و ميمسكهاش بإيدة و الا انا مش مسئول :busted_r:








    نصيحة لما حد يطلع سمكة من فصيلة الكات فيش بليل حتي لو متأكد انها قرموط من الافضل انك تمسكها بقطعة من القماش افضل لتجنب الحوادث لا قدر الله


    للأمانة المعلومات مجمعة من اكثر من مصدر ......... كما اني ايضا لم احظي من قبل بصيد الرعاد

    تابعونا لان لسة بدري النيل مليان سمك خليكو معانا


  11. #11
    تاريخ التسجيل
    Mar 2004
    المشاركات
    1,045
    موضوع اكتر من ممتاز و في انتظار اسماك البحر المتوسط

    و حقيقه تشكر علي المجهود الواضح

    و علشان خاطر مستر موسي (جاري التحميل)

  12. #12
    الصورة الرمزية WiNtEr SoNaTa
    تاريخ التسجيل
    Sep 2005
    المشاركات
    10,673
    اخي العزيز..mohamed180

    شكرا علي هذه الموسوعة الاكثر من رائعة...

    وانا بدات اهتم بمجال الاسماك...

    وبامانة مجهود كبير انت عملته.. وياريت تكمل الموضوع...:clap0000:

    وانا هتابع الموضوع علي طول ان شاء الله ..فمتملش مني

    وبدعوك لزيارة موضوعي عن نباتات الزينة ...

    وشكرا ثانية

    ..
    مع تحياتي...
    Winter Sonata


    :bye10000: :bye10000:
    التعديل الأخير تم بواسطة WiNtEr SoNaTa; 10-07-2006، الساعة 09:27 AM





    فـِــهــaـرَسTلـNــجـَـoـمــِSـيــrعُEمـَــوَtاضNـِــيــiـعــِـىW

    م
    ــــــــــaTaحــــــــــSoNمــــــــــtErــــــــــدWiN

  13. #13
    مجهود جبار وسيتم التثبيت قريبا ان استمر على هذا المنوال..........:icon30:

  14. #14
    الصورة الرمزية sbank
    تاريخ التسجيل
    Dec 2005
    المشاركات
    1,376
    انا عجبنى اوى سمك الارموط الراجل اللى جمبنا عندو ارموطين حلوبن اوى بجد عجبونى جدا قولتلو اسمو اية السمك دا راح قالى على اسمو بس كمان قالى انو شرس ولو حاطتيتو مع اى سمك تانى هتحصل مشاكل كانو اتنين حلوين اوى احسن حاجة عجبتنى فية بقو وشنباتو فظيع ههههههههههه اسم على مسمى .............

    شكرا جزيلا موضوع هيبقى هايل ان شاء اللة ................:icon30:
    ؟؟لماذا لا نشعر بقيمة الاشياء الا بعد ان نفقدها ؟؟




    مفاجاة $$ فيديو لفرح كريم عبد العزيز وصور $$

  15. #15
    اقتباس المشاركة الأصلية كتبت بواسطة sbank
    انا عجبنى اوى سمك الارموط الراجل اللى جمبنا عندو ارموطين حلوبن اوى بجد عجبونى جدا قولتلو اسمو اية السمك دا راح قالى على اسمو بس كمان قالى انو شرس ولو حاطتيتو مع اى سمك تانى هتحصل مشاكل كانو اتنين حلوين اوى احسن حاجة عجبتنى فية بقو وشنباتو فظيع ههههههههههه اسم على مسمى .............

    شكرا جزيلا موضوع هيبقى هايل ان شاء اللة ................:icon30:
    شانيل كات ذى اللى فى الصوره اللى فوق ولا قراميط سوداء ذى اللى فى الصوره اللى تحت؟؟


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك