موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 2 من 28 الأولىالأولى 1 2 3 4 12 ... الأخيرةالأخيرة
النتائج 16 إلى 30 من 416
Like Tree0Likes

الموضوع: @@ طرق صيد الاسماك في الاسكندرية @@

  1. #16
    تاريخ التسجيل
    Jan 2006
    المشاركات
    20
    بجد الواحد ما يقدرش يقول غير

    تسلم ايدك يا باشا

    بجد كلامك ممتع ومفيد جدا

    يالله

    كلمنا بقى عن المياس لو كنت بتسلك

    تحياتى

  2. #17
    تاريخ التسجيل
    Jan 2006
    المشاركات
    20
    انت فين يا باشا

  3. #18
    الصورة الرمزية شراغيش
    تاريخ التسجيل
    Sep 2008
    المشاركات
    217
    اقتباس المشاركة الأصلية كتبت بواسطة elropaa مشاهدة المشاركة
    بجد الواحد ما يقدرش يقول غير

    تسلم ايدك يا باشا

    بجد كلامك ممتع ومفيد جدا

    يالله

    كلمنا بقى عن المياس لو كنت بتسلك

    تحياتى

    السلام عليكم
    الف شكر يا باشا على مرورك وردك الجميل
    وبالنسبة للمياس اوعدك انه يكون هو السمكة الجاية
    بس معلش عندي شوية شغل على السريع كده
    بس شغل ايه ده اللي ياخدني من الصيد
    سلام مؤقت

  4. #19
    الصورة الرمزية gobble
    تاريخ التسجيل
    Mar 2004
    المشاركات
    242
    انت 100 100 والله، ربنا يكرمك يا معلم.
    بس ليا طلب رزل، لو تفدر تحط رسوم توضيحية كروكى حتى للسبح اللى بتشرحها، ساعات الواحد بيبقى مش متخيل الكلام النظرى يتطبق ازاى و بيحتاج صورة تسهل الموضوع، الناس مش خبرة زيك يا معلم
    جازاك الله خير

  5. #20
    تاريخ التسجيل
    Jun 2005
    المشاركات
    1,898
    الف شكرا على الموضوع
    ايدى فى جيوبى وقلبى طرب
    سارح فى غربة بس مش مغترب
    وحدى لكن ونسان وماشى كدا
    ببتعد .. معرفش او بقترب

  6. #21
    الصورة الرمزية abdelkhaleke
    تاريخ التسجيل
    Oct 2007
    المشاركات
    42

    مفيش احلى من الشراغيش

    السلام عليكم
    الصراحة يا شرغوش حكاياتك دي مية مية ولا فراخ الجمعية
    انا اسكندراني وعندي برده 35 سنة يعني قريب منك ومهندس زراعي بأعمل في مجال الكمبيوتر، واتعلمت صيد السمك على ايد ابويا برضه الله يمسيه بالخير، بس اتعلمته متأخر شوية وانا عندي حوالي 12 سنة على صيد البلطي في المصارف جنب شركة بتروجيت، المهم انا من الابراهيمية وأغلب صيدي كان هناك قبل التوسعة طبعا، يا ريت تليفونك علشان نتواصل، انا دلوقتي اغلب صيدي تسقيط من مركب بأخدها من عند أبو هاشم في ميامي، يا ريت تكلمنا عن صيد البوري، علشان زي ما انت عارف مش أي حد بيصطاد البوري، ومتتأخرش علينا انت بقالك من 12 اكتوبر مكتبتش حاجة
    سلام

  7. #22
    الصورة الرمزية شراغيش
    تاريخ التسجيل
    Sep 2008
    المشاركات
    217
    اقتباس المشاركة الأصلية كتبت بواسطة abdelkhaleke مشاهدة المشاركة
    السلام عليكم
    الصراحة يا شرغوش حكاياتك دي مية مية ولا فراخ الجمعية
    انا اسكندراني وعندي برده 35 سنة يعني قريب منك ومهندس زراعي بأعمل في مجال الكمبيوتر، واتعلمت صيد السمك على ايد ابويا برضه الله يمسيه بالخير، بس اتعلمته متأخر شوية وانا عندي حوالي 12 سنة على صيد البلطي في المصارف جنب شركة بتروجيت، المهم انا من الابراهيمية وأغلب صيدي كان هناك قبل التوسعة طبعا، يا ريت تليفونك علشان نتواصل، انا دلوقتي اغلب صيدي تسقيط من مركب بأخدها من عند أبو هاشم في ميامي، يا ريت تكلمنا عن صيد البوري، علشان زي ما انت عارف مش أي حد بيصطاد البوري، ومتتأخرش علينا انت بقالك من 12 اكتوبر مكتبتش حاجة
    سلام
    السلام عليكم
    اهلا بيك يا باشا
    ومتشكر جدا على الكلام الجميل ده
    ومعلش اذا كنت اتاخرت شويتين بس معلش الشغل عامل عمايلة معايا
    وانا بجهز دلوقتي عن المياس
    وبعده ان شاء الله يكون البوري حبيب الملايين
    وبالنسبة للتليفون
    انا حاليا مقيم في الكويت
    ونازل اجازة ان شاء الله اول ديسمبر
    لو ممكن تكتبلي تليفونك وانا اول ما انزل اسكندرية ان شاء الله اكلمك ونطلعوا طلعة تسقيط مع بعض
    سلام

  8. #23
    الصورة الرمزية abdelkhaleke
    تاريخ التسجيل
    Oct 2007
    المشاركات
    42

    خد تليفوني

    السلام عليكم
    يا باشا مش مهم، لو عاوز اديني تليفونك في أي بلد انتا فيها وأكلمك، على العموم تليفوني هو 0124057483

    الايميل الخاص بي هو : abdelkhaleke@yahoo.com

    لما تيجي بالسلامة اتصل بي ونتطلع رحلة تسقيط مع خميس التربي أو غزال أو حمادة شرغوشة، أنا ناوي أطلع في الاسبوع القادم ان شاء الله، في انتظار حكاياتك عن صيد البوري ، شكرا

  9. #24
    الصورة الرمزية tarekmohamd
    تاريخ التسجيل
    Nov 2004
    المشاركات
    45
    بسم الله مشاء الله موضوع ممتاز ممتاز ممتاز وياريت تستمر على نفس المستوى وربنا يكرمك ويجازيك خير على المعلومات الجميلة ديت وعايز اقولك على حاجه يمكن تقدر تساعدنى فيها إنت او حد تانى فى المنتدى وهيا إنى من إسكندرية وبحب الصيد اوى بس انا مش بعرف اصتاد ومعرفشى حد بيروح يصتاد فلو حد بيروح يصتاد ياريت تبعتلى ويقولى علشان اروح معاه وشكرا

  10. #25
    الصورة الرمزية شراغيش
    تاريخ التسجيل
    Sep 2008
    المشاركات
    217
    السلام عليكم
    اخباركم ايه يا صيادين ؟؟؟؟
    الحمد لله

    معلش اتاخرت عليكم شويتين
    بس والله مش بايدي اني اتاخر عليكم كده
    المهم
    معادنا النهاردة مع سمكة مش كل الصيادين بيعرفوا يصطادوها
    لانها صعبة وبتحتاج مجهود وصبر كبير
    معادنا النهاردة مع
    المياس
    للاسف مش لاقي ليها صورة على النت علشان اجيبها
    ياريت اللي يلاقي صورة للمياس يحطها
    نبتدي على بركة الله
    موسم المياس
    المياس موجود طول السنة ولكن بيبقى كتير في الربيع والصيف
    وفي الشتاء موجود بس قليل

    اوقات صيد المياس

    من العصر لغاية بعد غروب الشمس بساعة تقريبا
    ومن قبل الفجر بساعة لغاية شروق الشمس

    مش معنى كده انه مش بياكل باقي اليوم
    لا بيبقى موجود بس قليل جدا
    انا عن نفسي لما بنزل على المياس بنزل من الساعة 12 بالليل لغاية 7 او 8 الصبح واكبر مياسة جيبتها كانت 4 كيلو تقريبا وجيبتها الساعة 1 ونص بالليل
    معنى كلامي ان فيه اوقات معروفة السمكة بتاكل فيها لكن ممكن السمكة تاكل في اي وقت لو موجوده
    وكمان مش معنى ان المياس بياكل في اوقات معينة يبقى لازم تاخد منه لا ممكن ماتاخدش منه ولا سمكة مع انه بيكون في الموسم بتاعه وفي الوقت بتاعة

    طرق صيد المياس

    اللي اعرفهم من طرق صيد المياس طريقتين
    الاولى ودي بتكون من المراكب ومش اي صياد بيستخدمها لانها صعبة و الهواة اللي زي حالاتنا مش بيستمتعوا بيها لان الهدف منها بيكون كمية السمك مش مجرد الصيد للمتعة
    وهي
    غزل السنار
    وده بيكون شعر نمرة 100 او 120 وطولة ممكن 200 او 250 متر وبيربطوا كل 2 او 3 متر سنارة كبيرة شوية في سلك مش شعر عادي وبين كل سنارة والتانية يحطوا رصاصة ويطعم في كل سنارة سردينة كاملة او نص سردينة ويفرد الشعر في المية ويسيبة من بالليل للصبح ويرجع يلمة وزي ما ربنا يرزق بقى

    نيجي للطريقة التانية اللي كلنا ممكن نعملها

    البوصة والماكينة
    قبل ما نبتدي نصطاد مياس لازم نعرف ان المياس من الاسماك اللي بتاكل اسماك واللي شاف المياس قبل كده يعرف ان ليه اسنان حادة جدا يعني الشعر العادي ماينفعش معاه لانة ببساطة سنانة عاملة زي الموس فتخيلوا لو انت عديت بالموس على الشعر ايه اللي حيحصل ؟؟
    علشان كده بنستخدم سلك صلب
    والسلك ده انا عن نفسي اتعلمت ازاي اعمله بس لو تشترية بيكون اسهل بكتير ومش غالي
    وهو بيبقى عبارة عن سلك مجدول طولة حوالي 20 سم وملحوم فيه سنارة كبيرة بتكون 05 او 04 على حسب ما انت تختار

    حتحتاج كمان بوصة تكون قوية جدا لان مقاومة المياس جامدة انا عن نفسي مش بصطاد المياس الا ببوصة بامبو عاملها على ايدي من اول ما جيبتها خام وقطعتها وحمصتها لغاية ما بقت بوصة يعتمد عليها وهي بوصة حتة واحده 5 متر
    مش معنى كلامي ان البوص الفيبر ماينفعش
    لا
    بس لو بوصة انت واثق فيها
    المهم
    الشعر اللي حنستخدمة هو الشعر العادي يعني 40 او 50 مش محتاجين شعر جامد لان السمكة مش حتوصلة

    الرصاصة متوسطة الوزن

    نيجي دلوقتي لاهم جزء في صيد المياس
    وهو
    الطعم
    زي ما قلنا المياس بياكل سمك يبقى احنا لازم نصطاده باللي هو بياكلة
    ممكن تجيب سردين من السوق وتشتغل بيه
    ولكن
    انا بفضل اني ارمي بسمكة من المية اللي حرمي فيها
    بمعنى
    اني ممكن ارمي بمرمارة او شرغوش او موزة ومش حتصدقوا اني مرة رميت بدنيس بس كان يستاهل
    وممكن انك تاخد البوصة العادية معاك وتطلعلك مرمارتين وتحطهم في جردل مية وتشتغ بيهم

    نيجي دلوقتي
    لطريقة التطعيم
    فيه طريقتين
    اما انك تعمل السمكة شرايح وتدككها في السنارة عادي جدا بس الطريقة دي مش بتخلي الطعم يعيش معاك كتير في المية لان صيد المياس زي ما قلنا محتاج صبر يعني ممكن ترمي وتقعد جنب البوصة ساعتين تلاتة لغاية ما حاجة تضرب
    الطريقة التانية للتطعيم ودي المفضلة عندي وهي انك تصطاد بالسمكة كاملة
    وعلشان تحط السمكة كاملة يبقى قبل ما تحط السلكة في الشعر لازم تطعم السمكة وطريقتها سهلة جدا
    السلكة ليها طرفين الطرف الاول بيكون فيه السنارة والطرف التاني اللي بنركبة في الشعر
    احنا بقي حنجيب السمكة اللي حنستخدمها كطعم وندخل الطرف الفاضي من السلكة في فم السمكة وتعدية بالراحة داخل بطن السمكة لغاية ما توصل للفتحة اللي في بطن السمكة وتطلع السلكة منها وتعديها وتخلي الداير بتاع السنارة طالع من فم السمكة وتيجي عند ديل السمكة وتربطة بحتة شعر مع السلكة علشان تبقى محكومة كويس وانت بترمي

    توكلنا على الله ورمينا
    نصيحة لكل اللي عايز يصطاد مياس لازم تفتح وش الماكينة على الاخر علشان لو السمكة شدت ما تكسرش البوصه

    المياس بياكل ويشد ودايما بيجري لجوه يعني لازم تديلة براح في الشعر وسيبه يجري براحتة حيتعب ويقف وزي ما قلنا انه مقاوم عنيد جدا بس لما بيتعب بيسلم فماتحاولش انك تتعافى عليه لاني للاسف بشوف ناس بترمي على المياس وفاكرين ان كل ما تكون السمكة قوية يبقى لازم انت تكون اقوى
    وانا بقولكم ان كل ما كبر حجم السمكة كل ما كان لازم تكون انت ارق والين على السمكة وكل ما قاومت السمكة لازم تضعف قدامها علشان تقدر تطلعها

    اول ما تشدك المياسة افتح القلاب بتاع الماكينة وسيب الشعر حر على الاخر تاخد منه زي ما هي عايزة لغاية ما تقف بعد كده تقفل القلاب وترد في السمكة بكل قوتك لان فم المياس قوي جدا فلازم تتاكد ان السنارة غرزت فيها وعيش واستمتع بمقاومة المياس الجميلة

    وربنا يكرمنا جميعا

    نصيحة اخيرة
    خلوا بالكم لما تطلعوا المياس وانتو بتسلكوا السنارة لان لا قدر الله لو السمكة قفلت بقها على صباعك ممكن تقطعه

    والى اللقاء مع سمكة تانية
    اللي هي
    البوري


  11. #26
    تاريخ التسجيل
    Oct 2008
    المشاركات
    3

    Flag Libya


    مشكور اخي الكريم علي هده المشاركة القيمة

    واستمر في المعلومات القيمةط
    وارجو ان تكلم عن اصطياد سمك الابرة او سمك الفروج او الدندشي
    ولكل مني جزيل الشكر
    والسلام

  12. #27
    تاريخ التسجيل
    Jan 2006
    المشاركات
    20

    Flag Egypt

    بجد مشكور جدا على الحكايات الجميله بتاعتك وتعريف طرق الصيد

    انت 100 100 فعلا

    تحياتى لك وربنا يرجعك بالسلامه ان شاء الله

  13. #28
    الصورة الرمزية abdelkhaleke
    تاريخ التسجيل
    Oct 2007
    المشاركات
    42

    Great مية مية

    ما شاء الله يا باشا ، ايه الكلام الجميل ده، على فكرة انا برضه سمعت عن حكاية اللي راح صباعة وهو بيطلع السنارة من فم المياسة، شد حيلك في اللي جاي واحنا في انظار صيد البوري

  14. #29
    الصورة الرمزية شراغيش
    تاريخ التسجيل
    Sep 2008
    المشاركات
    217
    السلام عليكم ورحمة الله
    اخباركم ايه يا صيادين
    واخبار الصيد ايه معاكم
    يعني مفيش حد بيقول اخبار السمك ايه والموسم عامل معاه ايه
    لو تمام يبقى ماشاء الله وربنا يزيدكم
    ولو مش قد كده يبقى ربنا يرزق ان شاء الله


    وبالنسبة للاخ الفاضل اللي طلب انه ينقل الموضوع لمنتدى تاني
    مفيش اي مشكلة بالنسبة لي وكمان مش طالب منك انك تذكر اسمي
    اللي بطلبه منك انك تقول ان الموضوع منقول من منتديات (دي في دي العرب) مش اكتر من كده

    المهم
    معادنا النهاردة زي ما وعدتكم مع
    سمكة البوري

    ودي صورتها

    اسماء البوري
    البوري الصغير: جران
    البوري المتوسط: بوري
    البوري الكبير: كمبوت

    اماكن تواجد البوري

    البوري بيتواجد في المياة متوسطة العمق يعني من 3 ل 6 متر تقريبا
    والبوري عادة بيعيش في مجموعات كبيرة
    ومن المناظر الغريبة اللي شفتها بعيني كان في ميناء الدخيلة
    المية على مسافة لاتقل عن 2 كم وبعرض الحوض كله مردومة بوري واحجام كبيرة لدرجة ان كان فيه ناس بتمسكة بايديها
    وعلى فكرة البوري من الاسماك اللي بتعيش في المية الحلوة والمالحة وفيه معلومة سمعتها ومش متاكد صحتها ان البوري بيهاجر من النيل للبحر علشان يبيض
    بس احنا حنتكلم عن صيد البوري في البحر لان عمري ما طلعت بوري من المية الحلوة

    موسم صيد البوري

    البوري موجود في المية طول السنة بس بيقل جدا في الصيف والشتا يعني لما المية تسخن قوي ولما تبرد قوي

    طرق صيد البوري

    البوري عادة بنصطاده بالبوصة العادية وده بيكون بطريقتين
    الصيد بالفلة او الصيد بالربع (المشنقة)

    صيد البوري بالفلة
    البوري من الاسماك الحساسة جدا علشان كده لازم نختار وقت الصيد وعدة الصيد المناسبة بمعنى
    صيد البوري لازم يكون بهدوء شديد ولو بتصطاد بالنهار لازم تختار مكان ميكونش فيه خيالك على المية يعني ماتكوش الشمس في ضهرك علشان ضلك مايجيش على المية وعلشان كده انسب وقت لصيد البوري بيكون من بعد المغرب لغاية الفجر
    الشعر الاساسي مش اكتر من 25
    شعر الفروع من 15 ل 20
    السلاح 25 ل 20
    صيد البوري بالفلة يكون طعمك عجينة ومش اي عجينة لازم تكون طرية وحقولكم ازاي بنعملها في الاخر
    بالنسبة لشعر الفروع بيكون قصير يعني فرع 25 سم والتاني 15 او 20 سم
    العمق اللي بتصطاد علية يكون نص عمق المية
    اطعم العجينة وارمي xxxxxxxxxxxxxxx
    غلط غلط غلط
    احنا قلنا ان البوري حساس جدا لاي حركة غريبه
    لو انت رميت زي ما بترمي يبقى مش حتلاقي ولا بوراية في المية
    يبقى احنا لازم ننزل الفلة بالراحة في المية
    توكلنا على الله
    البوري مش بياكل زي باقي السمك
    البوري فيه ناس بيقولو انه بيلحس الطعم وده طبعا مش صحيح لانه بياكل ولكن لان بقه فتحته لفوق وبقه صغير جدا فبيسحب من الطعم حتت صغيرة جدا وعلشان كده لما بياكل بنلاقي ان الفلة مش بتغمز
    بنلاقي ان الفلة بتتحرك حركة بسيطة احنا بنقول انه بيخنق الفلة
    لما السمكة تاكل معاك اوعى ترد فيها جامد وده لسببين
    اولا لاننا قلنا ان اي حركة غريبة حتخلي السمكة تفزع
    وثانيا لان بق البوري ضعيف لو اديتة واحدة جامده شوية حتلاقي بقة بس هو اللي طالعلك

    صيد البوري بالربع (المشنقة)
    الطريقة دي احنا شرحناها في صيد البطاطا
    وهي بتكون
    شعر اساسي 25
    شعر فروع 15 ل 20
    الصيد بدون فلة
    الشعر الاساسي طولة نص عمق المية
    السلاح كبير شوية يعني 6 او 5
    وبيكون عدد من 5 ل 7 سنانير بنعمل 3 طولهم حوالي 10 سم والباقي طولهم حوالي 5 سم
    ونحط رصاص شريط حوالين مكان توصيل السنانير
    الصيد بيكون بعجينة ناشفة
    وحنتكلم عنها بعدين
    بتحط العجينة على الرصاص وبتنزلها المية بالراحة لغاية ما اللبلوب بتاع البوصة يوصل اول المية
    في الطريقة دي البوري هو الي بيوقع نفسة وعلشان كده سموها المشنقة
    وممكن نستخدم طعم تاني مع الطريقة دي وهو السردين
    ايوه السردين
    تشيل راس السردينة وتفتحها من بطنها وتعلقها على السناير يعني تخلي السنانير كلها جوة بطن السردينة وتغرزها فيها من جوة
    وربنا يكرمكم بسمكة بوري من اللي بياكل السردين
    اقل سمكة تعدي الكيلو ونص

    دلوقتي نيجي لصيد البوري بالبوصة والماكينة
    محدش يستغرب
    بنصطاد البوري بالماكينة وله طريقة واحدة اسمها السندويش
    ودي بتكون كالاتي
    الشعر الاساسي 40
    شعر الفروع 30 او 35 وده لازم لان السمك اللي بيضرب عليك سمك تقيل
    السلاح بيكون حوالي من 15 ل 25 سنارة نمرة 20 او ممكن 18
    بنربط السنانير كلها طول واحد اللي هو حوالي 15 سم
    وكلهم يتوصلو في الشعر الاساسي من نفس المكان اللي هو فوق الرصاصة بحوالي 30 سم
    الطعم بيكون عيش بلدي اسمر
    بنقطع الرغيف شرايط عرضها حوالي 5 سم وبنلفه على شكل اسطوانة بحيث يكون الجزء الداخلي للرغيف هو اللي برة
    ونجيب استيك عادي من بتاع الفلوس ده ونثبت بيه العيش على الشعر الاساسي جنب وصلة الفروع
    ونجيب السنانير كلها ونغرزها في العيش بشكل عشوائي ونرمي ونسيبها
    وان شاء الله حتلاقي البوصة دي بتعمل زلزال تعرف ان معاك بوراية لا تقل عن اتنين كيلو ونص او تلاتة كيلو

    طريقة التحضير لصيد البوري

    طريقة التحضير للبوري تنقسم لحاجتين
    طرق عمل العجينة

    اولا العجينة الطرية
    كوب دقيق - مية حسب الاحتياج – سكر
    حنحط الدقيق على النار ونقلبة لغاية ما يسمر ونضيف له معلقة سكر صغيرة مش مليانة وبعد كده نضيف المية شوية شوية لغاية ما تلاقي القوام بقى متماسك بيبقى قوامها عامل زي قوام الشحم اللي بنشحم بيه المكن
    سيبها تبرد وحطها في علبة
    بس لازم لاحظ ان تطعيم العجينة الطرية عايز خبرة لانك لازم تطعمها ببقك بمعنى انك بتاخد حتة عجينة صغيرة ببقك وتحط السنارة في بقك وتلف العجينة على السنارة بلسانك فالغلطة حتلاقي انك اصطدت نفسك في الاخر

    ثانيا العجينة الناشفة
    ودي بتكون للصيد بالربع وهي عبارة عن عيش بلدي عادي جدا وبنبلة ونعجنة بادينا ونسيبة جنبنا في السمش او الهوا ولو احتاج مية تاني نديلة وده تطعيمة ساهل جدا لانك بتاخد حتة وتحط الرصاصة في نصها وتلف العجينة عليها بايدك زتاكد عليها زي ما تكون بتعمل كفتة كده

    تاني حاجة في التحضير لصيد البوري
    تحضير المرمى
    وهو انك لازم تجمع السمكة الاول وده بيكون بالتزفير
    والتزفير بيكون بعيش مبلول في جردل مية لغاية نا يفرول وتعملة كور صغيرة وترمية في المية
    والتزفير للبوري شئ اساسي لان البوري بيتجمع على ريحة العيش في المية
    وكمان لازم تلاحظ ان مع كل سمكة تطلعها لازم ترميلك كورة او اتنين تزفر بيهم علشان تثبت السمكة تحت منك
    التزفير بيكون قبل ما تبتدي تصطاد بفترة ممكن توصل ساعتين او تلاتة ويكون متواصل علشان تقدر تجمع اكبر كمية من البوري

    ارجو اني اكون وفيت في طريقة صيد البوري لان البوري من الاسماك الصعبة جدا في صيدها ومش كل الناس بتحب صيدها لانة بيحتاج صبر وفن وخبرة كبيرة
    واشوفكم مع سمكة تانية ان شاء الله
    وبالتوفيق

  15. #30
    تاريخ التسجيل
    Jun 2008
    المشاركات
    3

    1 msg

    tamam ya mostafa
    u have alot of info about fishing and most of it are completly right
    sorry me coz i writ in english but its coz i dont kno how to write in arabic

    this is akhok Krim FM eskendria w madroob bel saed bardo
    ana kont 3aiez a3raf mennak if u still in kuwat, what abou 3eddet el saed 3andokom
    or eah heya el anwa3 el kwayesa fi el makan elli mawgoda delwa2ty
    and from where i can get it
    by z way u forgot to tell ur fans that MARINA is the best for all kind of fishes u mentioned coz u dont have to go makan mokhtalf kol marra 7asab no3 el samak elli enta 3ayzo, but at marina hatla2y koll elli nefsak fi
    the only problem is el security 3ala el bawabat law 3arafo ennak dakhel testad hayrakhimo 3alik,laken law dakhel teshrab mokhaddarat mafish moshkel tedkhol 3adi!!!!!!!!
    waiting to know fm you about my inquiry and thanks for the infor i had got fm u..
    karim Elsayad

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك