موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 14 من 14
Like Tree0Likes

الموضوع: اغاني لمنير منسية مننا

  1. #1

    اغاني لمنير منسية مننا

    سلاموا عليكوا

    انا يا جماعة عضو جديد معاكوا هنا كنت داخل عشان الافلام والكلام دة
    بس طبعا لما لقيت رابطة للكنج سكيت على الكلام دة كله وبقت هى من النهاردة اهتمامى الاول والاخير فى المنتدي دة
    المهم انا النهاردة هانزل موضوع كويس ممكن يفيد الناس اللى مبتدئة فى حب منير
    وبرضه مفيد جدا للناس اللى دايبة فيه دوب
    الموضوع هو
    ان فى اغاني جميلة جدا بس هى منسية او منير مش بيغنيها فى حفلاته كتير او برضه فى ناس مش بتهتم بيها
    او من الاخر بتبقى اغانى واقعة مننا
    الاغاني دى انا ببقى مهتم بيها جدا لانها بتبقى معانيها والحانها جميلة جدا
    انا هابقى انزل الكلمات بتاعتها وبعد كدة اللى عايزها ممكن ارفهاله

    وبرضه الموضوع مش مقتصر عليا انا بس
    لا ممكن اى حد شايف ان فى اغنية من الاغانى الحلوة بتاعت منير منسية
    ومش بيجى سيرتها كتير
    ينزل كلمتها برضه ويشترك معانا بحيث ان احنا يبقى عندنا مكتبة كاملة نفكر بيها بعضنا
    اتفقنا

    اشطة انا هابتدى باغنية اسمها " كان ياما كان " هى اغنية قديمة بس للاسف انا مش عارف غناها فى أي مناسبة بالظبط وكلمات الاغنية بتقول
    كان ياما كان
    فى اجمل الاوطان
    قمراية وعروسة
    وضلة وشموسة
    وسكة فى الوادى
    ونهر موجه هادى
    وبيت جميل قريب
    وحصان عجوز وطيب
    وراجل اسمرانى مصاحب الشجرة
    والنهر والنجمة
    وراجل اسمرانى مصاحب الشجرة
    والشمس فى العالى
    يا طالع الشجرة
    هاتلى معاك قمرة
    عيونها بصاصة
    واديها حساسة
    اسهر واغنيلك
    احلب واسقيلك
    يا ضيك القمحى
    ياغنوتى وفرحى
    ايدك على ايدى
    وصوتك على صوتى
    وعطشك على عطشى
    ياغنوتى وفرحى
    ياطالع الشجرة
    هاتلى معاك قمرة

  2. #2
    الصورة الرمزية ™ ELRAKAIBY
    تاريخ التسجيل
    Jul 2005
    المشاركات
    3,781
    شكرا لك اخى الكريم
    و فكره الموضوع رائعه.....

  3. #3
    الصورة الرمزية dvd_fly
    تاريخ التسجيل
    Dec 2005
    المشاركات
    6,974
    والله فكرة جميلة جدا يا حبي
    و إضافة روعة
    بص يا سيدي بالتسبة للأغاني النادرة فيه مكتبة للأغاني النادرة لو عايز تضيف حاجة فيها أو لو عايز تضيفها هنا مافيش مشاكل
    مكتبة الأغاني النادرة و السينجل للملك
    و كمان يا سيدي فيه موضوع بكلمات الأغاني لو عايز تستعين بيه
    كلمات أغاني الملك
    و عايزك تظبط موضوعك بقى عايز أشوف حاجات جديدة جدا و إلا حأموتك :busted_r:
    نورتنا يا باشا و إستمر و يارب المواضيع دي تنفعك في مشروعك الجامد ده
    و مستنين أكتر منك :bye10000:

  4. #4
    الصورة الرمزية shesham
    تاريخ التسجيل
    Oct 2006
    المشاركات
    484
    ana 3andy el o3'neia deeh weheia gamda mooooooooot bas lel asaf el quality 3andy we7sha awy fa momken law quality 3andak 7elwa te3melaha upload thax ya basha

  5. #5
    الصورة الرمزية hamzawyas
    تاريخ التسجيل
    Feb 2005
    المشاركات
    770
    موضوع جميل جدا فعلا

  6. #6
    انا متشكر ياجماعة على البداية المشجعة ديا وكنت متوقع الترحاب دة ليا وان شاء الله هايكون فى مواشيع وكلمات اغانى نادرة كتير بس شدو حيلكوا معايا لو حد عندو اغانى نادرة يكتبها هنا فى الموضوع دة اشطة
    بالنسبة للبرنس shesham انا برضه عندي الاغنية بنفس الكوالتى اللى عندك للأسف

    انا النهاردة هكتب اغنية حلوة جدا جدا بس برضه مش بتتسمع كتير وهى " فى عنيكى غربة وغرابة "
    الاغنية بتقول

    فى عنيكى غربة وغرابة
    وانا فيكى مغرم صبابا
    مغرم صبابا

    شعرك خيوط قمر المسا
    طب ليه فى ليلك بتنسى
    بين المسا وقمر المسا
    طب ليه فى ليلك بتنسى
    اتكلمى ولا نادينى
    صمتك كلام بيكفينى
    دة انتى انا
    وبكرة ليا وليكى ليا وليكى

    بحلم وانا شالك وانام
    كأنى فرد من الحمام
    برموش عنيكى تغطينى
    رمشك شطوط طب رسينى
    دة انتى انا
    وبكرة ليا وليكى ليا وليكى

    امتى اتقبلنا وليه وفين
    لحظة قدر ولا حنين
    ولا التقينا من زمان
    مولودة جوايا من زمان
    دة انتى انا
    وبكرة ليا وليكى ليا وليكى

  7. #7
    تاريخ التسجيل
    Jun 2006
    المشاركات
    16
    ممكن طلب يا جماااااااااااااااااااااااعة
    بجد انا نفسى فى اغنية

    برة الشبابيك


    للكنج منير وياريت تجيبوها بسررررررررررررررررررررررررررعة

    مشكوووووووووووووووووووووورين جدااااااااااااااااااااااا
    التعديل الأخير تم بواسطة fmaba; 29-10-2006، الساعة 02:13 PM

  8. #8
    الصورة الرمزية shesham
    تاريخ التسجيل
    Oct 2006
    المشاركات
    484
    basha ana el o3'neia deeh mesh a3rafah ya reet law 3andak teb3athali

    thax

  9. #9
    الصورة الرمزية shesham
    تاريخ التسجيل
    Oct 2006
    المشاركات
    484
    اقتباس المشاركة الأصلية كتبت بواسطة fmaba
    ممكن طلب يا جماااااااااااااااااااااااعة
    بجد انا نفسى فى اغنية

    برة الشبابيك


    للكنج منير وياريت تجيبوها بسررررررررررررررررررررررررررعة

    مشكوووووووووووووووووووووورين جدااااااااااااااااااااااا

    etfadal ya basha o3'neit bara el shababeek

    http://rapidshare.com/files/1177569/..._shababeek.mp3

  10. #10
    وادي ياعم كلمات الاغنية
    وعلى فكرة اللى كاتب الكلمات دى عبد الرحمن الابنودي
    والحان الملحن الكبير كمال الطويل

    والاغنية بتقول

    برة الشبابيك
    برة الشبابيك غيوم
    برة الشبابيك مطر
    منا خايف كدة خايف
    وحاسس بالخطر
    دة حزن ولا وتر
    دة قلب ولا حجر
    دة دمع ولا مطر
    مني خايف خايف خايف
    وحاسس بالخطر

    اخر مرة اما سيبتك
    كتمت الشكوي ليه
    مش كان احسن حاسبتك
    وعرفت القصة ايه
    لكن محسبتكيش
    وقلتلك مفيش
    كأنك ياحبيبتي امرك ميهمنيش
    انا خايف من دة فيا
    من الشكوي المدارية
    بالذات فى الليلة ديا
    تحت الغيم والمطر

    يكفيني شرفاً اني عضو في رابطة الملك

    شجر الليمون دبلان علي ارضه



    " غزة " الجرح الغائر

  11. #11
    الصورة الرمزية SAMEHLR
    تاريخ التسجيل
    Aug 2005
    المشاركات
    265
    ماشى يا نجم ومعاك
    احزن اغنى افرح اغنى


    الدنيا دايرة غصب عنى فى اديا اية غير انى اغنى
    الدنيا دايرة غصب عنى فى اديا اية غير انى اغنى

    الغربة فينا جوانا او برانا فينا تندة علينا تجوبها ايامنا الحزينة
    الغربة فينا جوانا او برانا فينا تندة علينا تجوبها ايامنا الحزينة
    يا حزن
    لية ساكن ملامحى
    وبقيت كأنك حتة منى
    يا حزن لية ساكن ملامحى
    وبقيت كأنك حتة منى
    الدنيا دايرة غصب عنى فى اديا اية غير انى اغنى
    الدنيا دايرة غصب عنى فى اديا اية غير انى اغنى

    يا عمرى يا ايامى اةةةةةة
    من لحظة الميلاد تغربنا الحياة
    يا عمرى يا ايامى اةةةةةة
    من لحظة الميلاد تغربنا الحياة
    عن بعضنا عن نفسنا عن عمرنا عن جلدنا
    عن بعضنا عن نفسنا عن عمرنا عن جلدنا
    يا عمرى يا ايامى اةةةةةة
    من لحظة الميلاد تغربنا الحياة
    باعنى الزمن لزمن يخنى
    باعنى الزمن لزمن يخنى
    احزن اغنى اتعب اغنى ديما بغنى
    الدنيا دايرة غصب عنى فى اديا اية غير انى اغنى
    الدنيا دايرة غصب عنى فى اديا اية غير انى اغنى

    ** §wEëT **

    MCSD

  12. #12
    الصورة الرمزية amroty
    تاريخ التسجيل
    Aug 2006
    المشاركات
    463
    شكرا لك عل كلمات الاغنيه
    بس هل هى عندك صوت لو عندك ياريت تنزلهالنا
    :bye10000: :bye10000: :bye10000: :bye10000:

  13. #13
    الصورة الرمزية SAMEHLR
    تاريخ التسجيل
    Aug 2005
    المشاركات
    265
    اقتباس المشاركة الأصلية كتبت بواسطة amroty
    شكرا لك عل كلمات الاغنيه
    بس هل هى عندك صوت لو عندك ياريت تنزلهالنا
    :bye10000: :bye10000: :bye10000: :bye10000:

    موجود يا باشا بس انت تامر

    احزن اغنى افرح اغنى

  14. #14
    الصورة الرمزية amroty
    تاريخ التسجيل
    Aug 2006
    المشاركات
    463
    شكرا ليك يا باشا
    على زوقك و اجابتك لطلبى الف شكر
    الاغنيه رائعه فعلا

    :bye10000: :bye10000: :bye10000: :bye10000:
    صوت منير =صوت مصر
    التعديل الأخير تم بواسطة amroty; 03-11-2006، الساعة 06:32 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك