موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
النتائج 1 إلى 15 من 15
Like Tree0Likes

الموضوع: ثقافه السيارات في مصر

  1. #1
    تاريخ التسجيل
    Jan 2006
    المشاركات
    721

    ثقافه السيارات في مصر

    السلام عليكم و رحمتة و بركاتةدا اول موضوع ليا يا جماعه في منتدي عالم السيارات وارجو انه ينال اعجابكو
    مصر ام الدنيا .. و ارض الكنانه . و ارض الحضاره . و انا اعرف حقائق عجيبه جدا بتقول ان البلد دي الاصل في كي شئ.
    يعني مثلا مصر هي اول بلد في المنطقه اللي تعمل فيها سكك حديديه
    ومكنتشي محتله وقتها زي الهند . يعني كانت ذات سياده

    مصر من اول دول المنطقه اللي عرفت السيارات . اتفرج علي افلامنا في العشرينات و انت تلاقي المصريين راكبين بويك , فورد , وفي الخامسينات كنا بنركب كابريس و كاديلاك
    و يكفي ان تعلمو اخوتي بان مصر اول دوله عربيه يتفتح فيها مصنع فورد واللي اتقفل بعد الثوره بشويه . و ان شركه فيات شافت ان مصر فيها مؤهلات يتصنع فيها سياره و لذلك اختارت مصر كثقه فيها . ويكفي ان تعلم ان فيات اختارت اسبانيا و روسيا و مصر
    نيجي للمهم .
    انا كنت قاعد اقرا جرنال الوسيط و لاقيت اعلان عجيب جدا . واحد عايز يبيع عربيه خنفسه موديل 1968 و فيها بطريه وكاوتشات . انا طبعا افتكرت الراجل بيهرج . لاقيت اعلان تاني واحد عايز يبيع عربيه فيها كاسيت . "طبعا انا ثقافتي في العربيات علي قدها" .
    طبعا قولت دول ناس جهله مبيفهموش حاجه في العربيه . يعني في حد هيبيع عربيه من غير كاوتشات. دا ناقص يقول ان العربيه فيها ماتور .

    المهم روحت معرض عربيات لاقيت اغلبيه العربيات فيها كمليات
    ولما سئلت عنها عرفت ان العربيات اللي فيها كمليات بتكون رافهيه
    وتشمل
    1- مساند للراس
    2- راديو كاسيت
    3-زجاج كهرباء
    4- نظام حقن اليكتروني
    انا كنت في زياره لاحدي الدول الخليجيه لاقيت عندهم الاساسيات هي الكلام ده و ان الكمليات هي
    1- كرسي كمبيوتر(يعني بيكون فيه كمبيوتر في الكرسي علشان تضبطه ولو واحد قعد مكانك و غير المكان .ممكن ترجع الكرسي للاول عن طريق اختلر الديفولت)
    2- مرايات متغيره الالوان مع الاضاءه
    3-نظم امان اختاريه في السيارات المتوسطه (واساسيه في السيارات الكبيره)- مثل الكراون فيكوتريا و الكابرياس الكوري و الافلون
    4-مرايات كهرباء

    المهم انا عايز اعرف مين السبب في جهلنا بالسيارات . ازاي سياره 128 مستعمله تتباع ب 22 الف . ازاي الشاهين و الادا يوصلو ل 60 الف

    بعد ما كنا بنركب الامريكي اصبحنابنشهد بجوده السيارات الايراني
    سبحان الله و لله الحمد علي كل شئ
    التعديل الأخير تم بواسطة mahmoud1882; 29-10-2007، الساعة 10:39 PM

  2. #2
    الصورة الرمزية wave
    تاريخ التسجيل
    Sep 2003
    المشاركات
    72
    شكرا على الموضوع الجيد جدا

    أولا هناك جهل فعلا بين كثير من الناس ويستغله الوكلاء والمستوردين
    ثانيا تجارت المستعمل المنتشره ورائجه فى مصر
    ثالثا ضعف الأقتصاد وتدنى سعر الجنيه أمام العملات الأخره

    حاجه مهمه أحب أقول أنه من فتره قريبه كان حزام الأمان من الكماليات التى تضيف سعر لثمن السياره الجديده وأيضا عند البيع مره أخرى مستعمله
    أختلاف الكماليات من بلد إلى أخرا نتيجة أولا الثقافه ثانياالقوانين المنظمه فى البلاد التى تعتبر الأساسيات فى كل العالم كماليات يستحق دفع جمارك وضرائب أسلوب جبايه يعنى
    ألى يخلى السياره 128 مستعمله تتباع ب 22 الف هى أولا التجار العاملين فى المستعمل وأسواق الدائمه للسيارات المستعمله مثل سوق العاشر فى مدينة نصر لانهم يشترون السيارات من المحافظات و الأشخاص الغير عارفين باأسعار والمحتاجين للبيع السريع بأسعار بخسه ويزهبون للأسواق ويطلبون أسعار كبيره بفارق كبير ووصل الأمر إلى وجود أباطره للتحكم فى أسعار السيارات المستعمله فى هذه الأسواق مما أدى إلى زيادة أسعار المستعمله بوجه عام وخاصه السيارات التى تتراوح أسعارها بين 5000 إلى 80،000 جنيه بسبب الطلب على هذه النوعيه
    وأيضا العرض و الطلب بسبب أيضا ضعف الأمكانيات

    بالنسبه لسيارت الإيرانى فهى أسوء من الصينى وغير جديره بأن تكون سياره أصلا لكن سوق السيارات من التجارات الرائجه خاصة لغسيل الأموال بسب التسهيلات الممنوحه فى مصر من البنوك لشراء السياره ويكفى أن أقول أنه طبقا لأخر أحصائيات (إماك)أن عدد السيارات الملاكى المباعه فى النصف الثانى من سنة 2007 هى 22000 سياره مختلفه

    سبب هذه المهزله هى
    1-الشعب الجاهل المستسلم
    2-التجار و الوكلاء والمستوردين الجشعين ويكفى أن أقول لك أن السعر الأصلى لسياره مثل الهونداى إلنترا 64000 جنيه وتباع 90000جنيه باقى السعر فى جيب الوكيل وأنا واثق ومتأكد مما أقول وأيضا سياره مثل الشيروكى التى تم إقاف إنتاجها من شهر كان هناك ربح صافى منها للموزع 11000 جنيه وأيضا أنا واثق ومتأكد مما أقول
    3-القوانين المنظمة التى تم صياغتها من حوالى 50 سنه والتى لاتنفع الأن بسبب التقادم
    4- تخاذل الحكومه والمسؤولين عن أتخاذ أى مواقف أو تنظيم قوانين بسبب المصالح وأيضا يكفى أن وزير النقل هو صاحب شركات منصور شيفورليه للسيارات

  3. #3
    تاريخ التسجيل
    Jan 2006
    المشاركات
    721
    اقتباس المشاركة الأصلية كتبت بواسطة wave مشاهدة المشاركة
    شكرا على الموضوع الجيد جدا

    أولا هناك جهل فعلا بين كثير من الناس ويستغله الوكلاء والمستوردين
    ثانيا تجارت المستعمل المنتشره ورائجه فى مصر
    ثالثا ضعف الأقتصاد وتدنى سعر الجنيه أمام العملات الأخره

    حاجه مهمه أحب أقول أنه من فتره قريبه كان حزام الأمان من الكماليات التى تضيف سعر لثمن السياره الجديده وأيضا عند البيع مره أخرى مستعمله
    أختلاف الكماليات من بلد إلى أخرا نتيجة أولا الثقافه ثانياالقوانين المنظمه فى البلاد التى تعتبر الأساسيات فى كل العالم كماليات يستحق دفع جمارك وضرائب أسلوب جبايه يعنى
    ألى يخلى السياره 128 مستعمله تتباع ب 22 الف هى أولا التجار العاملين فى المستعمل وأسواق الدائمه للسيارات المستعمله مثل سوق العاشر فى مدينة نصر لانهم يشترون السيارات من المحافظات و الأشخاص الغير عارفين باأسعار والمحتاجين للبيع السريع بأسعار بخسه ويزهبون للأسواق ويطلبون أسعار كبيره بفارق كبير ووصل الأمر إلى وجود أباطره للتحكم فى أسعار السيارات المستعمله فى هذه الأسواق مما أدى إلى زيادة أسعار المستعمله بوجه عام وخاصه السيارات التى تتراوح أسعارها بين 5000 إلى 80،000 جنيه بسبب الطلب على هذه النوعيه
    وأيضا العرض و الطلب بسبب أيضا ضعف الأمكانيات

    بالنسبه لسيارت الإيرانى فهى أسوء من الصينى وغير جديره بأن تكون سياره أصلا لكن سوق السيارات من التجارات الرائجه خاصة لغسيل الأموال بسب التسهيلات الممنوحه فى مصر من البنوك لشراء السياره ويكفى أن أقول أنه طبقا لأخر أحصائيات (إماك)أن عدد السيارات الملاكى المباعه فى النصف الثانى من سنة 2007 هى 22000 سياره مختلفه

    سبب هذه المهزله هى
    1-الشعب الجاهل المستسلم
    2-التجار و الوكلاء والمستوردين الجشعين ويكفى أن أقول لك أن السعر الأصلى لسياره مثل الهونداى إلنترا 64000 جنيه وتباع 90000جنيه باقى السعر فى جيب الوكيل وأنا واثق ومتأكد مما أقول وأيضا سياره مثل الشيروكى التى تم إقاف إنتاجها من شهر كان هناك ربح صافى منها للموزع 11000 جنيه وأيضا أنا واثق ومتأكد مما أقول
    3-القوانين المنظمة التى تم صياغتها من حوالى 50 سنه والتى لاتنفع الأن بسبب التقادم
    4- تخاذل الحكومه والمسؤولين عن أتخاذ أى مواقف أو تنظيم قوانين بسبب المصالح وأيضا يكفى أن وزير النقل هو صاحب شركات منصور شيفورليه للسيارات
    نورت الموضوع يا واف بالكلامك الجميل ..
    بالنسبه لحزام الامان و مساند الراس . انا خالي لما جه من السعوديه بالعربيه دفع عليهم ضريبه هي و المرايه الجانبيه اليمني لانها من الرافهيات . فتخيل بقي لو انت جي بعربيه هيونداي ازيرا مثلا ممكن تدفع عليها رسوم و ضريبه بتاع ربع مليون و جمرك ربع مليون .وهي ثمنها 75 الف جنيه من الخارج مش بزمتك دي مسخره
    التعديل الأخير تم بواسطة mahmoud1882; 30-10-2007، الساعة 03:41 AM

  4. #4
    تاريخ التسجيل
    Oct 2007
    المشاركات
    120
    الف شكر على الموضوع

  5. #5
    تاريخ التسجيل
    Jan 2006
    المشاركات
    721
    اقتباس المشاركة الأصلية كتبت بواسطة seko_66 مشاهدة المشاركة
    الف شكر على الموضوع
    جزاء الله خير ..و نورت الموضوع يا سيكو

  6. #6
    تاريخ التسجيل
    Sep 2007
    المشاركات
    2,058
    هتعمل اية الكوسة فى بلدك
    اكتر من الى موجودة فى سوق العبور
    واحنا كلنا عارفين انا اى حد بيشترى عربية جديدة
    مسروق منوا ربع تمنها
    بس هنعمل اية يعنى
    نبطل نشترى عربيات
    ولا نرفع قضية على الدولة ونروح فى دهية
    لو عندك حل قولى انت

    ومشكور يا مان




  7. #7
    تاريخ التسجيل
    Jan 2006
    المشاركات
    721
    اقتباس المشاركة الأصلية كتبت بواسطة eslam wega مشاهدة المشاركة
    هتعمل اية الكوسة فى بلدك
    اكتر من الى موجودة فى سوق العبور
    واحنا كلنا عارفين انا اى حد بيشترى عربية جديدة
    مسروق منوا ربع تمنها
    بس هنعمل اية يعنى
    نبطل نشترى عربيات
    ولا نرفع قضية على الدولة ونروح فى دهية
    لو عندك حل قولى انت

    ومشكور يا مان
    والله فعلا.. عندك حق. حسبي الله و نعم الوكيل ...

  8. #8
    الصورة الرمزية safeeagent
    تاريخ التسجيل
    Aug 2005
    المشاركات
    776
    انتا مستغرب عسان جمارك ربع مليون جنيه!!؟

    طب خد عندك العربية الليكسس مش فاكر موديلها كام بس كانت 4600 سيسي

    المهم تمنها لما سألت عنه في الكويت كان يساوي 380 الف جنيه مصري

    لما شفتها في معرض فورميللا الأهرام

    كان تمنها مليوووووووون و400 ألف؟؟؟!!!!؟؟؟؟؟؟!

    لما سألت لراجل قالي لو عايزني اسلمهالك في الميناء ب 380 الف أسلمهالك

    بس اتصرف انتا في المليووووووون وعشرين الف بتوع الجمارك !!!!!!!!!!!!!!!!!!!!!؟؟؟؟؟؟؟؟

    والله دي مسخرة والغريب ان انا شفت ناس شارياها !!!

    ولما سألت آلولي دول في مجلس الشعب وبينزلو العربية بدوون جمارك!!!

    هنعمل ايه كل اللي نقولو
    حسبي الله ونعم الوكيل

  9. #9
    الصورة الرمزية amrmeme
    تاريخ التسجيل
    Dec 2005
    المشاركات
    502
    احب اول حاجه اقول السلام عليكم
    بالنسبه للموضوع ده شدني من اول سطر اول ما قريته ولقيت في كلام كويس قوي
    اول حاجه ان مصر اكبر دوله الناس بتتسرق منها فلوس وهي بتشتري العربيات يعني اما تروح تشتري عربيه وانت دخللك علي قدك وتروح تجبللك كده لانسر ولا تويتا كرولا وتروح تلاقيها ب100 الف جنيه وتبقي فرحان انك جبت عربيه ب100 الف فيها تكيف وكاسيت سي دي و1600 سي سي وفيها جنوط والكلام الاهبل ده اللي الناس بتحبه.........
    بس بتاخد الصدمه اما بتسال علي العربيه بره مصر تلاقيها مثلا في الخليج ب35 الف جنيه واللي زاد وغطي انهم مبيحبوهاش هناك فتلاقي الناس مبتركبهاش واحنا عندنا بقت الانسر والتويتا اكتر من ال128
    وكل ده منم الجمارك اللي بقت ضعف تمن العربيه لحد ما توصل ل2000 سي سي وتبقي امك داعيه عليك لما تجيب عربيه فوق ال 2000 سي سي لانها بتاخد جمارك 135 % من تمن العربيه الاساسي يعني مثلا التويتا الكمري في السعوديه والخليج ب60 الف ريال يعني ب90 الف جنيه مصري بس اما تروح تسال عليها تلاقيها ب563 الف جنيه واما تسال عليهايقوللك اصلها 2400سي سي طب بالزم مش حرام وقيس علي كده بقي الفئه السابعه ب220 الف ريال تلاقيها في مصر بمليون جنيه وتلاقيهم بره مش بيحبوها واحنا هنا نفسنا نجيب جنط منها
    تاني حاجه بقي اللي تغيظ ان الناس تطلع تقوللك البلد مفيهاش فلوس والناس غلابه واما تنزل كده مصر الجديده ولا مدينه نصر تحس اننت في عالم تاني من انواع العربيات واشكلها (انا مش بحسد) بس تلاقي 4 او 5 عربيات معدين قدامك ب2 مليون جنيه يعني ياكله حي بحاله لمده سنه
    فاكيد الحكومه طالما لقيا الناس بتشتري العربيات بالسعر اللي بتححده هيا اكيد اسعار العربيات مش هتنزل والناس تولع بقي

    حسبي الله ونعم الوكيل
    التعديل الأخير تم بواسطة Guilty AnGeL; 01-11-2007، الساعة 01:23 AM

  10. #10
    الصورة الرمزية dr_labanita
    تاريخ التسجيل
    Jul 2007
    المشاركات
    126
    موضوع جاااااااامد جدا وانت والله جيت ع الجرح فعلا الشعب عنده كمية جهل ماوردتش علي حد فعلا ايه اللي يخلي عربية 128 مستعملة بقالها 30 شغاله واتعملها 7 عمرات علي الاقل لو صاحبها محافظ عليها يوصل تمنها 22 الف لاء والمصيبة انها رجعت تاني تتصنع الزيروهيه واللادا2107 في مصانع النصر
    بالذمة ده كلام الناس ماشية لقدام واحنا ماشين لورا وبقفانا كمان مش بوشنا
    حد عاقل يفهمني ازاي ترجع تصنع عربية تاني ع الزيرو بنفس الشكل والامكانيات وكل المواصفات اللي كانت عليها من 30 سنة صورة طبق الاصل
    ده الشركة الام نسيتها ياراجل حرام عليك ترجع انت تصنعها وتجمعها زي العجل

    الخلاصة ان الشعب عاوز كدة من 30 سنة وال128 واللادا بتجري في دمه ولحد وقتنا ده العربية اغلي مما تستحق 3 مرات في سوق المستعمل وده يدل علي مدي الجهل اللي احنا فيه مدي التخلف مدي السرقة وضعف الاقتصاد وانهيار سعر الجنيه امام العملات الاخري والغريبة ان الناس بتشتري وراضية
    واللي يغيظك تلاقي واحد معاه 127 هلكانة وكحيانه ويطلب فيها 17 الف

    هو مش بيستهبل هو السوق اللي بيستهبل والنصب علي ودنه و....عجبي

  11. #11
    الصورة الرمزية Challenger4ever
    تاريخ التسجيل
    Jul 2007
    المشاركات
    143
    بسم الله الرحمن الرحيم

    السلام عليكم ورحمة الله وبركاته

    بداية احب اشكر (محمود) على الموضوع الجامد ده بجد
    أنا قريته من أوله لأخره

    طبعا في جهل ونصب وكوسة في سوق السيارات في مصر
    - جهل من الناس
    - نصب من الوكلاء والتجار والموزعين
    - كوسة في الجمارك والمصالح الحكومية

    من حيث الجهل أكيد في جهل من الناس تخلي اللي راكب هيونداي كوبيه مثلا كانه راكب لامبورجيني وللا فيراري،
    تخلي الواحد يقعد يحوش طول عمره عشان في الاخر يروح يجيب عربية صني وللا ماتريكس وللا لانسر
    تخلي ال 128 اللي مش موجودة غير عندنا تتباع ب 22 الف
    ياراجل ده احنا كنا شاريين في السعودية عربية نيسان (200ال) موديل 82 ب 6 الاف ريال وبايعينها ب 4 الاف بعد 6 سنين شغل طحن وكانت 6 سلندر وباور وكهربا في وقت ماكانتش الحاجات دي نزلت مصر من أساسه،
    ولسه شايف اعلان في الوسيط عن عربية كامري موديل 2007 ب 72 الف ريال

    من حيث النصب بقى فكله بينصب عالمشتري فتلاقي اسعار غريبة لعربيات برة ب 60 الف مثلا تلاقيها هنا ب 90 و100 الف

    والكوسة طبعا معروفة من أول الجمارك لحد الترخيص زي العربية البرادو ال 4x4 اللي كانت بتترخص اتوبيس خاص والغريبة انك بتلاقي أغلب العربيات دي متعلق علي نمرها اللوجو بتاع مجلس الشعب!!!!

    معلش طولت عليكم بس الموضوع جاي عالجرح وياريت ماتكونوش زهقتوا مني


  12. #12
    الصورة الرمزية ahmed_sh3
    تاريخ التسجيل
    Aug 2006
    المشاركات
    150
    طب الحل اية اللى بيشترى مضطر يدفع واللى بيبيع مضطر بنصب لانة اتنصب علية وهوة بيشترى

  13. #13
    الصورة الرمزية fox_x5
    تاريخ التسجيل
    Mar 2007
    المشاركات
    841
    مشكور على الموضوع



    مع تحيات اندر
    ____________

  14. #14
    الصورة الرمزية haytham1212
    تاريخ التسجيل
    Sep 2005
    المشاركات
    991
    من الاخر الشعب تعبان والمسئولين هما المرتاحين لكن هيروحوا من مالك الملك فين

    ما حدش يزعل لان حقك هياخده مالك الملك سبحانة وتعالى

    وعامة احنا منقدرش نعمل حاجة

    وفعلا اسعار صعبة

    وانا مش متخيل ال128 دى لو كانت فى امريكا هتتباع بكام والله اشك انها اساسا هتبقى هناك فى الحتة اللى بيرموا فيها السيارات

    ولا حتة اى دولة مرتاحة
    وسبب غلوالعربيات فى مصر هى الجمارك والله حرام دا اللى بيحصل الشعب دا غلبان

    وبالمناسبة تعرف حسبوا ايراد قناة السويس فى اليوم ولو قسموة على الشعب المصرى كل واحد فينا هياخد فى حدود الدولار فى اليوم

    ما بالك الجمارك

    وشكر خاص لصاحب الموضوع
    حسبى الله ونعم الوكيل تكفينا

  15. #15
    الصورة الرمزية saydghanem
    تاريخ التسجيل
    Mar 2007
    المشاركات
    244
    الف شكر يا مان دوست على الجرح
    والجهل دا بسسب قلة الوعى والاعلانات الكاذبة وعدم الاطلاع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك