موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 17
Like Tree0Likes

الموضوع: النــانو ايجيبت

  1. #1
    تاريخ التسجيل
    Aug 2004
    المشاركات
    120

    Flag Egypt النــانو ايجيبت

    السلام عليكم و رحمة الله و بركاته
    كلنا طبعا سمعنا عن نانو ايجيبت ارخص سيارة في مصر و ظهرت اراء كتيير عنها و اغلبها انها سبارة غير مجدية و ان التوك توك احسن..
    المهم انا ذهبت الى معرض ابوستة في الاسكندرية جنب جامع سيدي بشر و سألت عنها و عرفت ان فيه اربع موديلات بتبتدي من 600 سي سي لحد 1100 سي سي
    و جربت العربية ال 600 سي سي و لقيتها فاشلة بكل المقاييس عشان كلنا بنسوق عربيات يا مانيوال يا اوتوماتيك بس دول عندهم نوع تالت مش فاكر اسمه بس شبه الموتوسيكل ..
    دا غير ان الموتور بتعها من الخلف و مايفرقش عن حجم موتور المياة كتير لدرجة اني افتكرت ان الزيت بيتحط مع البنزين زي الموتوسيكلات القديمة بس مندوب الشركة نفى الكلام دة
    المهم اتكلت على الله و حجزت السيارة نانو ايجيبت gl
    و مواصفتها انها مانيوال 800 سي سي
    الموتور من قدام زي عربيات الناس
    و طبعا سبب اني حجزتها ان تقسيطها صغير جدا و بدون ضمانات كتير زي باقي المعارض
    و السؤال حد جرب العربية دي ولا لأ يا جماعة ؟
    و يا ريت الي عنده معلومات عنها يكتبهلنا خصوصا الموديلات 800 سي سي
    و 1100 سي سي

  2. #2
    و عليكم السلام و رحمه الله و بركاته

    اولا انتا لازم تاخد بالك من حاجه ان فى فرق بين التاتا نانو و بين عربيه هبله كده بتتجمع فى مصر بس ب 3 عجلات اللى هيا دى:




    و حتى التاتا مش حلوه و اعرف ان مافيهاش مارش :D
    يعنى لو عايز ترجع لورا مور العربيه و انزل زق..انا قريت الكلام ده فى مجله عربيتى بس مش متأكد منه

    عموما ربنا يوفقك يا باشا و مبروك مقدما.


    مشرف معتزل...وداعاّ
    ŶƠǗȿȿȨƑ_ ƑĄĻƇƠƝ



  3. #3
    الصورة الرمزية msa142
    تاريخ التسجيل
    May 2009
    المشاركات
    188
    بكام سعر النانو ايجيبت gl

  4. #4
    الصورة الرمزية amoor89
    تاريخ التسجيل
    Jul 2007
    المشاركات
    1,567
    يا جماعة والله فى رأى الشخصى مش هقول عليها عربيه لانها لا ترتقى لمستوى عربية وحرام يدفع فيها أى مبلغ
    تحياتى
    MY PC
    !!Erorr!!
    برجاء عدم ارسال استفسارات على الخاص

  5. #5
    تاريخ التسجيل
    Aug 2004
    المشاركات
    120
    اقتباس المشاركة الأصلية كتبت بواسطة ™youssef_falcon مشاهدة المشاركة
    و عليكم السلام و رحمه الله و بركاته


    اولا انتا لازم تاخد بالك من حاجه ان فى فرق بين التاتا نانو و بين عربيه هبله كده بتتجمع فى مصر بس ب 3 عجلات اللى هيا دى:



    و حتى التاتا مش حلوه و اعرف ان مافيهاش مارش :d
    يعنى لو عايز ترجع لورا مور العربيه و انزل زق..انا قريت الكلام ده فى مجله عربيتى بس مش متأكد منه

    عموما ربنا يوفقك يا باشا و مبروك مقدما.
    الاخ الغالي يوسف
    شكرا يا باشا على الرد بس العربية الي في الصورة مش هي الي شوفتها
    الي شوفتها ب 4 عجلات مش 3 زي الصورة و موتورها من الامام و فيها مارش.
    و سعرها 32 الف جنية

  6. #6
    الصورة الرمزية msa142
    تاريخ التسجيل
    May 2009
    المشاركات
    188
    طب shiko206 ايه الفرق بين 600 سى سى وال 800 غير ان الموتور من ورا دا عادى المهم الاداء عشان بفكر اشترى عربية فى الحدود دى واستخدامى هيكون مشاوير صغيرة يعنى مش سفر . وتنصح بال 600 ولا ايه
    التعديل الأخير تم بواسطة msa142; 04-06-2010، الساعة 04:06 PM

  7. #7
    تاريخ التسجيل
    Aug 2004
    المشاركات
    120
    بص يا ياشا انت لو معاك التمن كامل و مش حتقسط يبقى متفكرش تشتري العربية دي عشان انا مرغم اشتريها عشان تقسيطها سهل و مش محتاج ضمانات زي باقي العربيات
    و لو انت مش معترض على شكل الماروتي يبقى طبعا الماروتي احسن و اضمن
    بس الفرق الكبير الي بين ال600 سي سي و ال800 سي سي هو غير اختلاف مكان الموتور:
    ان ال 600 سي سي الفتيس بتعها غريب علينا يعني مش مانيوال ولا اوتوماتيك اعتقد اسمه ستربتونك و لما جربته معرفتش اتعامل معاه شكله زي فتيس الموتوسيكل بس دا مش بالرجل زي الموتسكلات
    دا غير الن الشكل الخارجي يشبه للكيا بيكانتو مع الفرق طبعا
    و ال 800 سي سي مجهزة عشان يركبلها تكيف(حسب كلام التاجر) بس ال 600 لأ
    بس كدا يا باشا دي اهم الفروق بس ارجع و انصحك تاني لو انت معاك التمن كامل او شغال في مكان تقبل البنوك تتعامل معاه مش محامي زي حلاتي يبقى تشتري اي عربية تانية بداية من الالتو 1100 سي سي

  8. #8
    الصورة الرمزية msa142
    تاريخ التسجيل
    May 2009
    المشاركات
    188
    انا هقسط للاسف بس لما انزل لفرع الشركة واشوف ال 600 سى سى لانها الخيار الوحيد المفروض ادامى ولو عيوبها مش كتير يبقى على بركة الله وكمان انا مش طالب عربية محصلتش هيا مش بتمشى ادام وترجع ورا ... هوا دا المطلوب وربنا يستر


  9. #9
    تاريخ التسجيل
    Aug 2009
    المشاركات
    81
    دي مش النانو دي التوكتوك اللي عامله مصنع الطيارات التابع للهيئه العربيه للتصنيع

    اما النانو فهي باربع عجلات عاديه













  10. #10
    تاريخ التسجيل
    Aug 2004
    المشاركات
    120
    الاخ sukhoi35
    الله ينور عليك يا باشا هي دي موديل ال dx من النانو ايجيبت بس الموديل الي انا حجزته للاسف معنديش صورة منه
    و لما عملت search عليه معرفتش اجيبه
    هو glx او gl

  11. #11
    الصورة الرمزية modyegypt
    تاريخ التسجيل
    Jul 2006
    المشاركات
    2,923
    للأسف انا مش معتبرها عربية
    واللى يكسف فى الموضوع انهه من مصنع طيارات مصر
    وال bmw كانت مصنع طيارات الول
    شيفين الفرق


  12. #12
    تاريخ التسجيل
    Jun 2007
    المشاركات
    259
    اقتباس المشاركة الأصلية كتبت بواسطة shiko206 مشاهدة المشاركة
    الاخ الغالي يوسف
    شكرا يا باشا على الرد بس العربية الي في الصورة مش هي الي شوفتها
    الي شوفتها ب 4 عجلات مش 3 زي الصورة و موتورها من الامام و فيها مارش.
    و سعرها 32 الف جنية

    معلش يا باشا نصيحة اخوية

    الغى الحجز لان ديه عربية فاشلة وهتتعبك و احجز مثلا سوزوكى ماروتى ب35 الف

    او جيب اكسيل 98

  13. #13
    تاريخ التسجيل
    Aug 2004
    المشاركات
    120
    الاخ الغالي esknderiya نصيحتك على عيني يا باشا بس ده المعرض الوحيد القابل بالتقسيط المباشر و بدون فوايد تقريبا
    دا غير انه مش محتاج لاي ضمانات و بيتعامل مع المحاميين و الضباط و المستشارين ودة الفئات الي مبتتعملش معاهم البنوك بالتقسيط.
    لو عندك يا باشا معرض يقسط زي المعرض ده انا حلغي الحجز من بكرة و اشتري الماروتي

  14. #14
    تاريخ التسجيل
    May 2007
    المشاركات
    5
    على فكره فى واحد عامل موضوع على انه اتنصب عليه فى المقدم خلى بالكم وكل واحد ياخد الضمانات لانها شكلها نصبايه وربنا معاكم اما موضوع الفلوس انا شايف ان 127 برقبتها ومممكن تشتريها ب 7 الاف جنيه وسيبك من جنون الزيرو اللى هيخليكوا تركبوا موتسيكل مقفول والله حرام اللى هتعملوه فى نفسكم
    HoSsNy TeMpRa


  15. #15
    تاريخ التسجيل
    Oct 2010
    المشاركات
    54
    موفق اخي.......

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك