موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 8 1 2 3 ... الأخيرةالأخيرة
النتائج 1 إلى 15 من 120
Like Tree0Likes

الموضوع: كيا سيراتو كارثة بجد

  1. #1
    تاريخ التسجيل
    Feb 2005
    المشاركات
    958

    كيا سيراتو كارثة بجد

    دية رسالة جتلى على mail عن السيراتو
    النيو سيراتو
    انا اخوكم المهندس محمد غازي..

    يمكن كتير من الناس تعرف اني من ضمن اول الناس اللي اتكلموا عن النيو سيراتو و من اول الناس اللي حجزت و استلمت العربية في مصر... و من اول الناس اللي اتقلبوا بيها كمان.... طبعا كل الناس هتذهل من ده بس هي دي الحقيقة و يمكن اكون انشغلت فترة عن المنتدى, بس ده كان ضغط شغل و بعدها الحادث المؤلم و المؤسف...

    ربنا اللي يعلم انا كنت بعشق العربية دي قد ايه.... الله يرحمها و والله كنت هحصلها لولا ستر ربنا فقط لا غير.

    انا كنت بشتكي من حدفة شمال في العربية و اول حاجة فكرت فيها ضغط الكوتش.. عملته و تمام و شيكت عليه في مكان تاني 32 تمام... و بردو زي ما هي... يزيد على الكلام ده كله اني بعد 5000 كم لقيت المساعديين الاتنين ورا بيزيقو جامد...!!!!! قلت في صيانة 10000 هنشوف الموضوع ده... بس ملحقتش و قبل ما اروح التوكيل بيوم اتقلبت بالعربية يوم 4 أكتوبر.... الحمد الله

    انا دخلت المستشفى و عندي كسر مضاعف في رجلي اليمين و خلع في الكتف اليمين و كسر في الترقوه... عملت عمليه في رجلي و كانت مسامير و كده طبعا و للأسف مقدرش امشي على رجلي قبل 4 شهور... فات منهم شهرين الحمد لله... و ربنا يسهلها في الباقي

    النهارده انا لازم اتكلم مع الناس ان النيوسيراتو يا جماعه فيها عيب صناعة حقيقي... انا لاحظت ان كل الناس بتشتكي زي ما قلت في اول تقرير عملته عن العربيه ان فيها حدفة شمال!!!!!! ده شيئ غرييييب جدااا, كل السيراتو فيها حدفه شمال..!!! ده غييير ان المساعدين اللي ورا كانو بيزيقوا جداا بشكل رخم... العربيه مكملتش 10000 كم..!!!! هل ده طبيعي او معقووول!!!

    وجهة نظري الشخصية.. العربيه دي فيها مشكله في المقصات و المساعدين.... و والله بعد فتره من سواقتي ليها اكتشفت انها شكل و موتور بس... غير كده والله العظيم ولا حاجه... فقررت ارضى بنصيبي و مقرصش عليها... و انا مش غشيم جري على فكره...

    المفجأه اني لما اتقلبت بيها كنت ماشي في طريق الشيخ زايد على سرعة لا تتجاوز 100كم\ساعه.. و مفيش حد ورايا او قدامي او جنبي... و مخبطش في حد او في الرصيف مثلا... بس كان فيه زي نقره في الشارع بس كبيره شويه, حولت افاديها بس الكوتش نزل في اخرها, و طلعت العربيه عادي جداا و بعدها بمتر العربيه عومت بشكل غرييييييب جداا والله, لاقيتها بتحدف يمين جامد جداا فرحت عادلها شمال, لاقيتها حدفت شمااال جدا و مش عايزه تقبل اي حركة من الدركسيون و مش بتعدل يمين خااالص و الفرامل مش بتوقف العربية.. و الله ما فاكر بعدها غير اني في المستشفى... قالولي بعدها ان العربية اتقلبت حوالي 10-12 قلبة ((و الأغرب ان العربية اتقلبت على وشها..!!!!)) و انا مكنتش رابط الحزام فرحت طاير من البرابرييز 20 متر قدام و بقت العربية في ناحية و انا في ناحية تانيه (ده كلام الشاب اللي شافني و هو جاي من بعييد ورايا بعربيته و وداني المستشفى و دخلني بأسمه و كلم اهلي و لم حاجتي من العربية و جابهالي) مع اني والله ما كان في حد ورايا خالص بس هي دي رحمة ربنا والله, حط الراجل ده في سكتي... الحمد لله... ربنا يباركله والله

    لما والدي سلم العربية التوكيل عشان التأمين يعمل مقايسه (مقايسة اصلاح) تكلفتها كانت 122500 جنيييه!!!!!!! و العربيه بـ116000 زيرو. و بالتالي العربية توتال لوس... التأمين بيماطل طبعا و عايز يحملني 25% من ثمن الايرباجز اللي اتفتحوا, و يخصم استخدام ال6 شهور دول (9600كم) و انا اللي ادفع للتوكيل ثمن المقايسة (3000 جنيه) و انا اللي اواديلهم العربية على حسابي لحد عندهم... و هيدوني بعد كل ده 78000 جنيه اول عن اخر....!!!!! انا مأمن مع كونتاكت و معملتش ولا مطالبة, و دي اول مطالبة بعد 6 شهور من المده التأمينيه...

    اللي انا عايز اقوله ان اللي اشترى العربية ربنا يهنيه بيها و يكفيه شرها... بس ارجوكم و بالله عليكم, بلاش جري بالعربية و احذروا من البلاعات و النقر, و متقرصوش على العربية مش عشان الموتور لأ, بس عشان سلامتكوا و ربنا ما يخللي حد يشوف اللي انا شفته والله, اقسم بالله انا شفت الموت او كنت في عداد الموتى لولا ستر ربنا...

    بفكر ابعت شكوى بالصور لكيا الأم في كوريا و بالصور.... بس لسة مش عارف هعمل ده ازاي, و هرفع قضيه على كيا هنا في مصر, عشان الموضوع بجد انا شايفة خطييير جداا و بجد العربية فيها عيوب خطيره متتشفش بالعين... اسف لو كنت خوفت ناس او قلقتهم, بس هي دي الحقيقه و كان لازم احذر الناس و اطلب منهم ميجرووش و ميسنوش من العربية دي الكتيير..



















  2. #2
    الصورة الرمزية hesham_3587
    تاريخ التسجيل
    Aug 2004
    المشاركات
    891
    ياستر يارب ربنا يعوض عليك والمهم انك بخير وحمدالله علي السلامه

  3. #3
    الصورة الرمزية draculaghost
    تاريخ التسجيل
    Aug 2006
    المشاركات
    51
    السلام عليكم و رحمة الله و بركاته
    ألف حمد الله على سلامتك و الحمد لله على كل حال
    و زي ما الأخ اللي قبلي قال أهم حاجة إنك بخير و ربنا يتم شفاك على خير
    و شكراً على النصيحة و التحذير
    و شكراً للأخ صاحب الموضوع على النقل
    و ربنا يحفظ الجميع

    تقبل تحياتي
    التعديل الأخير تم بواسطة draculaghost; 05-02-2010، الساعة 04:33 PM

    ***
    طالب طيران مدني بكندا
    Student Pilot In Canada

  4. #4
    الصورة الرمزية Amr_AbdelNasser
    تاريخ التسجيل
    Sep 2006
    المشاركات
    407
    الف سلامة عليك و فداك

  5. #5
    تاريخ التسجيل
    Feb 2005
    المشاركات
    958
    اقتباس المشاركة الأصلية كتبت بواسطة hesham_3587 مشاهدة المشاركة
    ياستر يارب ربنا يعوض عليك والمهم انك بخير وحمدالله علي السلامه
    اقتباس المشاركة الأصلية كتبت بواسطة draculaghost مشاهدة المشاركة
    السلام عليكم و رحمة الله و بركاته
    ألف حمد الله على سلامتك و الحمد لله على كل حال
    و زي ما الأخ اللي قبلي قال أهم حاجة إنك بخير و ربنا يتم شفاك على خير
    و شكراً على النصيحة و التحذير
    و شكراً للأخ صاحب الموضوع على النقل
    و ربنا يحفظ الجميع

    تقبل تحياتي
    اقتباس المشاركة الأصلية كتبت بواسطة amr_abdelnasser مشاهدة المشاركة
    الف سلامة عليك و فداك
    الف شكر لكل من ترك رد
    انا غرضى من الموضوع دة ان العربيات الى احنا بنستوردها ونبيعها فى السوق المصرى زى اى سلعة تانية مفيش عليها رقابة لضمان حقوق المستهلك والناس الى بتبيع العربيات مش بتراعى ضميرها فى المستهلك المصرى
    واكبر دليل على كدة العربيات تويوتا الشركة فى اليابان بتسحب عربيات من امريكا واروبا ويجى رئيس الشركة فى مصر يقول العربيات خالية من العيوب يعنى هوبيفهم اكثر من الى صنع العربية وبالطبع الكيا سيراتو عربية لسة جديدة فى السوق مش بنصح اى حد يجيب العربية غير بعد فترة تكون العربية اتعرف المزايا والعيوب الى فيها
    وشكرا

  6. #6
    الصورة الرمزية ashour.hesham
    تاريخ التسجيل
    Feb 2006
    المشاركات
    1,752
    مش السراتو لوحدها دا كان فى واحد مشترى عربيه لانوس وبيحلف والله العربيه بتحدف شمال لوحدها وعمل زوايا وشاف الكاوتشات ومش عارف الحل

    اشهر الالعاب الاونلاين:

    طريقك لمعرفةBitefight


    طريقك لمعرفة حرب الملوك



    طريقك لمعرفة Gladiatus




    التوقيع مخالف لقوانين المنتدى الرياضى

    اداره المنتدى

  7. #7
    الصورة الرمزية midoahlawy
    تاريخ التسجيل
    Dec 2005
    المشاركات
    16,365

    Flag Egypt

    ربنا ستر وألف حمد الله على السلامه
    بس لما فضلت تحدف شمال مرحتش لمركز صيانه معتمد ليه؟؟؟
    ولما عربيه زى دى يبقى فيها عيب خطير زى دا أمال الواحد يجيب أيه؟؟؟



  8. #8
    الصورة الرمزية wwe12
    تاريخ التسجيل
    Apr 2008
    المشاركات
    1,735
    الف سلامة عليك وربنا يعوضك مكانها بالاحسن منها
    والسيراتو دى طلعت مقلب




  9. #9
    الصورة الرمزية wwe12
    تاريخ التسجيل
    Apr 2008
    المشاركات
    1,735
    اقتباس المشاركة الأصلية كتبت بواسطة midoahlawy مشاهدة المشاركة
    ربنا ستر وألف حمد الله على السلامه
    بس لما فضلت تحدف شمال مرحتش لمركز صيانه معتمد ليه؟؟؟
    ولما عربيه زى دى يبقى فيها عيب خطير زى دا أمال الواحد يجيب أيه؟؟؟
    الواحد لو أشترى يابانى أو أى أوروبى هيجبها وهو مطمن أنها تمام لكن أتاكد أن الكورى والصينى والماليزى اللى يبنزلوا هنا مصر أكيد فيهم عيوب

  10. #10
    الصورة الرمزية M.Rgb
    تاريخ التسجيل
    Oct 2003
    المشاركات
    8,138
    ياسبحان الله ...

    اولا الف الحمد لله على سلامتك ف ستين داهية العربية المهم انك بخير

    تصور اقسم بالله انا كنت خلاص حجيب السيراتو الجديدة ولكن جه واحد ابن حلال قالى بلاش تجيبها .. اصل سوقها تقيل وممكن متعرفش تبيعها بعد كدة .. فصرفت نظر ومن غير ماسأل .. وبجد انا حروح اشكره بنفسى واحكيلة على اللى حصل

    الحمد لله انى غيرت رأيى ف اخر وقت الظاهر فعلا سوقها تقيل نظرا لعيوبها

    ومرة تانية الف حمد لله على سلامتك ... العربيات دى زى الزوجات .. لابد من الدقيق والعناية ف اختيارها

    والحمد لله انها جت على قد كدة
    - Legends Never Die .... I'm A Living Example -

    سبحان الله وبحمده سبحان الله العظيم .. عدد ماكان .. وعدد مايكون .. وعدد الحركات .. وعدد السكون

  11. #11
    الصورة الرمزية medo akef
    تاريخ التسجيل
    Nov 2008
    المشاركات
    2,742
    اولا واضح من الصور ان المقصوره الداخليه كلها تمام و في حاجه محطوطه فيها هي ايه مش عارف يعني الامان كامل و ممتاز و الاير بكز طلعت و فل و حضلرتك الي مكنتش حاطط الحزام و اعتقد الشركه عمله الي عليها و حطه لمبه في الطبلو ليه و متقدرشي تعمل حاجه تنيا
    و لانك بتقول اتقلبت 12 مره و شكلها بقا كدا بعد ال12 قلبه هذا يبين انها سياره امان اولي يعني لا شفنا صقف لازق في الكرسي ولا طبلو ميت حته ولا ايم الباب كفانا الشر في جمب الي سايق
    و عن نفسي مش عارف انت مستني منها ايه بعد 12 قلبه و في بدايه الامر السياره مزوده بتكنولوجيا امان عاليه جدا و ده انا شفته في موقعها الاساسي فممكن علي حد نظري بطأ استجابه من السياره بعد النقره في محاوله اعاده توازن السياره و حدث العكس او بكل سهوله الفرده الي نزلت النقره اتقطعت و اعتقد مش هتستنا من العربيه حاجه بعد القطع اكيد هتتقلب
    و لعبة بالدركسيون ممكن يكون هو سبب الحادثه لانك كدا عملت زي الي بيخمسو بحاولو يفقدو العربيه توازنها و ده الي حضرتك عملته لو العربيه حدفت اتجاه اعدل العجل و سنه واحده الاتجاه التاني و بعدها اعدل العجل و استنا علي ما تقف العربيه
    اما عن حدف الشمال و مساعدين بيزيقو ولله انا عمري ما سمعت عن كدا خالص و مع صحبي من السنه الي فاتت و سياره رائعه كسياره رياضيه (دا طبعا ميغنيش عن اننا طلعنا فيها عيوب ولكنها ليست قاتله بل تعيب صناعه لانها جديده و نأمل في تطورها)و للعلم هنا في المنصوره سيراتو كوبيه بقت مشهوره جدا و كتير بقا بيجبها لانها سياره رائعه و امامها كام سنه و تاخد مكان هيونداي كوبيه
    ولله سيراتو في رايي هي سياره ممتازه في سعرها جوده تصنيعها جيده اقل من اليباني بقليل و عبها استخدام التكنولوجيا المعقده مع عدم وجود خبره توازي هذه التكونولوجيا فقد هذين هما العيبين الوحيدين الموجودين في سياره
    التعديل الأخير تم بواسطة medo akef; 06-02-2010، الساعة 11:23 AM
    سبحان الله و بحمده سبحان الله العظيم

  12. #12
    الصورة الرمزية r87
    تاريخ التسجيل
    Jun 2007
    المشاركات
    545
    الحمد لله على السلامة

  13. #13
    الصورة الرمزية Mado EL-Feki
    تاريخ التسجيل
    Oct 2005
    المشاركات
    2,283
    ألف حمد الله على سلامتك وربنا يعوض عليك
    المهم إنك بخير
    واللي حكيته ده نسخة بالكربون من اللي حصلي مع الإلنترا بس الفرق يمكن تكون النقرة اللي إنت نزلت فيها فتحت الشاسية ولا المقص إتعوج
    أنا اللي بتحكيه بالظبط حصلي بس ولا نقرة ولا يحزنون
    طلبت معاها تلف بينا وتدخلنا في العمود فعملتها

    واضح إن الكوري كله كارثة مهما إتطورت التكنولوجيا


    سأظل أقرع باب ربــــي :: :: عله يعفو عن الزلات والعثراتِ
    إني لملتزم بأعتاب الرجا :: :: و الخوف يسبقني إلى الخلواتِ

    ربـــــــــــــــاه ربـــــــــــــــاه ...

    رباه إني عبدك العاصي :: :: وهل لسواك ألجأ من لظى الشهواتِ

    مشــــــــــرف معــــــــــــتزل
    وقريباً ذكرى للمنتدى


  14. #14
    الصورة الرمزية Harmoni
    تاريخ التسجيل
    Sep 2007
    المشاركات
    62
    والله الواحد مش عارف الصدق من الكذب

    وبعدين الاخ يوكو 89 ليه تبعت اللينك على الخاص ... الامور لازم تبقى علنى عشان الحكاية مش ناقصة بلبلة تانى
    وبعدين كاتب الموضوع نفسه بيقول فى أول الموضوع انه جالو على الميل يعنى مش هو صاحب المشكلة زى ما ردرودكم بتشير لكده

    بصراحة انا شايف شبهة فى الموضوع
    سبحان الله وبحمده ...
    سبحان الله العظيم !

  15. #15
    الصورة الرمزية commando1_2020
    تاريخ التسجيل
    Mar 2008
    المشاركات
    439
    أهم حاجة إنك بخير و ربنا يتم شفاك على خير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك