موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 15 من 26
Like Tree0Likes

الموضوع: ازاي تتغلب علي الملل في حياتك

  1. #1
    الصورة الرمزية royal.toon
    تاريخ التسجيل
    Aug 2008
    المشاركات
    2,311

    4 ازاي تتغلب علي الملل في حياتك

    السلام عليكم
    ازيكم عاملين ايه
    طبعا الملل شئ اساسي في حياة اي شاب مصري اوب بنت مصرية
    وده مش من دماغي لا والله معظم الناس اللي اعرفهم علي طول بيقولوا انهم حاسين بملل في حياتهم
    وانا بصراحة من الناس دي بردوا بحس اوقات كتير ان في ملل
    بس الحمد لله لقيت بعض الحلول اللي عاوز اعرضها علي اخواني واخواتي اعضاء المنتدي
    وان شاء الله هاقول الحلول دي في نقاط
    * اول حاجة سبب الملل هو الوقت والفراغ الذي يملئ الوقت يعني انك تلاقي وقت كبيير مش لاقي تعمل فيه حاجة وانك قاعد في البيت مش بتعمل حاجة
    بس عايز اقولك حاجة انت نسيت ان في مسجد لازم تروح تصلي فيه الخمس اوقات والسنن كمان وبجد هتلاقي الوقت اتملي وكمان هتلاقيك راضي كده رضا غير عادي وتحس ان انت حاسس براحة جميلة وهي اكيد من الصلاة.
    * في نوع تاني من الملل وده عند كتيير من الشباب والبنات المرتبطين ارتباط غير شرعي وطبعا انا بقول غير شرعي لأن غلط ان ولد وبنت يرتبطوا ببعض من غير خطوبة او زواج ، وطبعا الملل الذي يصيب البنت او الولد ان حبيبه او حببته انه بقالوا كتيير ما بيكلمش التاني وده طبعا باب كبيير من ابواب الشيطان لأن الشيطان عايزنا علي طول في حيرة واننا ننسي ان في شرع بينظم تعاملتنا مع بعضنا وبصراحة الحل الامثل للقضاء علي الملل ده هو الانفصال وتقول لنفسك ان الصح اني اكلم زوجي او خطيبي لكن انسان غريب او انسانة غريبة ما يصحش ابدا انك تشتاق للحديث معها وتقول الملل ده طبعا يجماعة انا مش بقول الكلام ده وكأني ملاك لا انا من الناس دي بس لازم نتعود علي الصبر وان شاء الله ربنا هايعطيك الخير لو سمعت كلامه .
    * الصبر ياجماعة ومحاولة وضع حلول للمشاكل التي نواجهها يعني لو انت شاب ومعندكش شغل مش لازم تعقد نفسك وتقول ان الحياة سودة لا عيش حياتك وابحث عن العمل دون تعقيد
    وفي اسباب تاني بس انا لازم اروح الشغل دلوقتي واما ارجع هاكمل ان شاء الله وياريت من اخواني الاعضاء واخواتي انهم يثروا هذا الموضوع بكثيير من الحلول التي تقضي علي الملل.
    وجزانا وجزاكم الله خيرا

  2. #2
    تاريخ التسجيل
    Dec 2005
    المشاركات
    511

  3. #3
    الصورة الرمزية eldoks
    تاريخ التسجيل
    Feb 2004
    المشاركات
    331
    ممارسه الرياضه وانا ان شاء الله عايز اعمل كده وفكره تتغلب على الملل الى ملى حياتنا




  4. #4
    الصورة الرمزية royal.toon
    تاريخ التسجيل
    Aug 2008
    المشاركات
    2,311
    رجعت تاني
    * ممكن كمان نتنغلب علي الملل بتحديد الهدف من يومنا يعني كل يوم يبقي لينا هدف مثلا تقول لنفسك انا هاصوم النهارده تطوع وتجاهد نفسك علي الصيام وصدقني بعد الفطار بعد المغرب هاتحس انك عملت شئ كويس وعظيم.
    * ممكن تحاول تأخذ دورات تعليمية في اي مجال كمبيوتر او انجليزي او قرآن كريم او تروح تحضر دروس في مساجد لأي من الشيوخ الذين ترتاح لهم.
    * حاول تقرب من اهل بيتك اه مستغرب ليه لو ليك اخت قرب منها واتكلم معاها وهتلها هدية او اخوك كبير او صغير هاول تشوف ايه اللي يسعده وقدمه ليه وكمان ابوك او امك ممكن تقعد معهم وتسألهم عن ماضيهم وكيف بدأو الحياة مع بعض واعرف احداث عيلتك
    * خلي بيتك هو الاساس ياعني ايه؟؟؟
    ايوة ياعني بيتك اهم مكان في حياتك واصحابك في الدرجة التانية ياعني مثلا واحد صحبك او واحدة صحبتك هاينديلك او هاتنديلك تخرجوا مع بعض
    وانت وراك حاجة في بيتك تنظيمه او المضبخ هههههههه ايوة
    لازم تساعد وتجعل له الاولوية في حياتك لأن هذا سينمي عندك الانتماء والاحساس بالمسئولية .
    ** اه هتلاقي ناس اغني منك وناس احلي منك وكمان هتلاقي ناس تحس انها مستريحة للغاية ، بقولك ما تحطهمش في بالك هم زي حالتك بالظبط ، عارف ليه
    انت بتأكل وهم بيأكلوا انت بتشرب وهم كذلك اه ممكن يكون عندهم حاجة ازيد ، بس افتكر ان ده ابتلاء ليك ولهم فلازم تصبر وتقول الحمد لله انا راضي يارب مادام انت مقدر رزقي فأنا راضي بقدرك ياااه هاتحس براحة ومش هاتحس انك ملان من الحياة دي خالص.
    *** افهم الدنيا صح عارف ياعني ايه، مش المطر بينزل من السحاب والبحر مايته مالحة ، برده افهم ان الكوسة والواسطة والمحسوبية في بلدنا دي غلط واللي بيعملها غلبان اه والله غلبان لأنه بيستنفذ حسناته وربنا يمهله فالخير هو الذي سيقضي علي الملل، اوعي تقول انا هاتفرج علي افلام جنسية عشان اقضي علي الشهوة لا لا لا ده اكبر غلط اتق الله هتلاقي ربنا رزقك من عنده زوجة وتحيا حياة السعداء ، اوعي تقول انا هاذل نفسي واتمرمط لحد لا والله ده مش حل خليك عزيز وعامل الناس بأدب واجبرهم انهم يعاملوك بأدب ، ده ايه علاقة ده بالملل؟؟
    ده علاقته وثيقة جدا لأنك كل ماتعمل معصية قلبك الابيض اللي علي الفطرة السليمة بيتعب فيحسسك انك حاسس ان الدنيا ضيقة فعشان كده سيبك من الغلط وبس للدنيا انها خير وطاعة لله.
    وان شاء الله للموضوع بقية
    ياريت الاعضاء يشاركونا
    رأيهم

  5. #5
    الصورة الرمزية Di@@ C@Z@LiNoOo
    تاريخ التسجيل
    May 2009
    المشاركات
    341
    جزاك الله كل خير وسلمت يداك

  6. #6
    الصورة الرمزية royal.toon
    تاريخ التسجيل
    Aug 2008
    المشاركات
    2,311
    اقتباس المشاركة الأصلية كتبت بواسطة di@@ c@z@linooo مشاهدة المشاركة
    جزاك الله كل خير وسلمت يداك
    جزانا الله واياك بالخير والرحمة والغفران










    اعتذر يا سيبويه عن اخطائي النحوية او الاملائية واوعدك
    احاول تفاديها ومذاكرة النحو جيدا
    والتمس منك العذر فلا اجد الان من يتحدث اللغة العربية الصحيحة او يكتبها بدقة الا قليل جدا

  7. #7
    الصورة الرمزية حائرةفى الدنيا
      حائرةفى الدنيا غير متصل ربى انى لما انزلت الى من خير فقير
    تاريخ التسجيل
    Nov 2007
    المشاركات
    843
    موضوع رائع....جزاك الله خيرا
    احلى حاجة انه واقعى ومن عندك كآنك بتفضفض...وبتقول الغلط الى بيحصل ...
    واخيرا
    من يتق الله يجعل له مخرجا ويرزقه من حيث لا يحتسب
    واهم حاجة نحاول نرضى ....الرضى =السعادة
    تحياتى لك


    وكم لله من لطف خفى .....يدق خفاه عن فهم الذكى
    وكم من امر تساء به صباحا ........وتآتيك المسرة فى العشى

    وكم يسر يجيئك بعد عسر.......يفرج كربة القلب الشجى
    اذا ضاقت بك الاحوال يوما .......فثق بالواحد الفرد العلى

    حفظك الله يا مصر



  8. #8
    الصورة الرمزية foto_only86
    تاريخ التسجيل
    Aug 2008
    المشاركات
    1,507
    موضوع جميل جدا
    واحسن حاجه انك طارح حلول ممكن تتعمل فعلا
    وبصراحه المفروض تتعمل
    ولكننا كالعاده نعد بعيد ونقول زهقانيين وعاوزين حد غيرنا يحلها
    يارب كل الاعضاء يستفيدوا بجد لانه موضوع جيد وفيه حلول
    حلوه فعلا
    جزاك الله كل خير

    الحمد لله رب العـــــالمين
    ،،،

    ( حفظك الله يا مــــــصر)
    *********


    ( وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ) سوره الطور "48"

    *********
    Sorry ... no boys friendship




  9. #9
    الصورة الرمزية royal.toon
    تاريخ التسجيل
    Aug 2008
    المشاركات
    2,311
    وضوع رائع....جزاك الله خيرا
    احلى حاجة انه واقعى ومن عندك كآنك بتفضفض...وبتقول الغلط الى بيحصل ...
    واخيرا
    من يتق الله يجعل له مخرجا ويرزقه من حيث لا يحتسب
    واهم حاجة نحاول نرضى ....الرضى =السعادة
    تحياتى لك
    اشكرك ياختي بارك الله فيكي الرضا هو الحل
    موضوع جميل جدا
    واحسن حاجه انك طارح حلول ممكن تتعمل فعلا
    وبصراحه المفروض تتعمل
    ولكننا كالعاده نعد بعيد ونقول زهقانيين وعاوزين حد غيرنا يحلها
    يارب كل الاعضاء يستفيدوا بجد لانه موضوع جيد وفيه حلول
    حلوه فعلا
    جزاك الله كل خير


    مروركم علي موضوعي يزيدني شرفا


  10. #10
    الصورة الرمزية carcousha
    تاريخ التسجيل
    Dec 2007
    المشاركات
    788
    طرحك بسم الله ماشاء الله روعـــــــة ..
    اسلوبـــك جميــــل في الكتابة .. وكلامك يدخل القلب ..
    اشكرك ع الموضوع القيم ..


    مصــري
    ..أهـلآوي .. وآفـتـخــر ..

    |||||||||||||||||||||||||
    |||||||||||||||
    ||||||||||||||||||||||||||||||||
    ||||||||
    ||||||||||||||||||||||||||||||||||||||||


    ّ شهادة أعتز بهآ ّّ






  11. #11
    الصورة الرمزية royal.toon
    تاريخ التسجيل
    Aug 2008
    المشاركات
    2,311
    نورت الموضوع

  12. #12
    الصورة الرمزية ledger7
    تاريخ التسجيل
    Nov 2009
    المشاركات
    1,428
    تسلم ايدك على الموضوع
    وفعلا اسلوبك وكلماتك رووعة
    إلهي ما الأرض الا نجمة في عالمك علينا أن نحفظها‏
    ‏ ساعدنا يا إلهي لكي ننهي الحروب والمجاعات ونزيل الخوف ونخفف عذاب البشر مهما كان شكلهم‏.
    وأعطنا القوة والشجاعة لكي نبدأ اليوم حتي يكون أولادنا وأحفادنا فخورين بحملهم اسم
    إنسان



  13. #13
    الصورة الرمزية royal.toon
    تاريخ التسجيل
    Aug 2008
    المشاركات
    2,311
    اهلا بكم مرة اخري اخوتي
    اكتب بقية هذا الموضوع بعدما انتقلت من عملي في مكان الي مكان اخر
    يا سبحان الله تصوروا نسيت اني كتبت الكلام ده
    كأنني اقرأ كلاما كتبه شخص اخر
    الا انني تذكرت متي كتبته فعلا بالضبط وفاكر ساعتها حصل ايه كمان
    هههههههههههههه
    انا مش هارغي كتير لكن هاكمل موضوعي لاء بقي موضوعكم دلوقتي
    كيف تقضي علي الملل ؟؟
    * اذا كنت تعمل طوال الاسبوع ويوم الاجازة تريد ان ترتاح في منزلك استحلفك بالله لا تفعل ذلك بل قم بزيارة اقاربك عارف ليه ؟؟
    زيارة الاقارب صلة للرحم وصلة الرحم توسع الرزق وايضا تغيير للوجوه وللكلام ياعني ايه للكلام
    ياعني هاتتكلم في مواضيع تانية مع اقاربك يشكولك تشكلهم وهكذا وبعدما تروح لبيتك هاتحس برده بسعادة ومش عارف قادمة من وين
    * موهبتك اهم شئ للملل ، ياعني ايه انتي بتحبي الرغي هههههه سوري الكلام الكتير معني كده انك تعرفي تتكلمي وسط مجموعة حاولي تشاركي في اي نشاط اجتماعي او سياسي او ثقافي ، طيب بتعرف تكتب ايوة انت روح اكتب واعرض علي زملائك واكتب علي الانترنت ولا تيأس كل انسان فينا عنده موهبة لازم يستخدمها مهما حدث
    * لا تكبت قوتك يمكن ان تهتم بالرياضة والقوة ليست قوة الجسد فقط بل يمكن ان تكون قويا في المدافعة عن الاخرين فتقوم بذلك؟
    مش فاهم طيب اقول تاني ياعني انت ممكن تفجر قوتك لكن في الخير طبعا وده يجئ بالاجتماعية وليس بالعزلة عن الاخرين فهمت يعني اتعرف علي الناس
    لكن بنية الخير وابعد الحقد او الحسد او غيره عن الاخرين لو كانوا افضل منهم واستفاد من خبراتهم صدقني مش هاتكون ملان خالص
    *خلي علي طول اساليبك ايجابية في الحديث متقولش انا تعبان او انا وحش او انا مش قادر او انتي مش تعرفي تعملي حاجة فحياتك وغيره
    فاكرين فيلم فؤاد المهندس وعبدالمنعم مدبولي
    ايوة انا مش قصير ازعة انا طويل واهبل هههههههه
    ده ياجماعة مش هزار واياك تتعدي من حد سلبي ، او يحاول يكسر مجاديفك سواء في اي مكان وحاسب برده لتخش فيه شمال
    بس خلي عندك مناعة تقوم تقدر تحافظ علي ثقتك بنفسك طوال الوقت
    انت كويس وقادر علي فعل المستحيلات
    * يمكن ان تكون انت ممل ودي اصعب الحالات ، لا اخرج من الملل وفرفش ،عاوز تسمع اغاني اسمع عاوز تخرج مع اصحابك اخرج ، لكن طبعا ما تضعيش دينك ، واعلم ان الحياة بسيطة جدا جدا جدا
    لا تستاهل انك تحبس نفسك بين جدران الملل
    ياه انا عاوز اريح شوية عشان لسة راجع من الشغل
    اكمل وقت تاني

  14. #14
    الصورة الرمزية نور الطاعه
    تاريخ التسجيل
    Apr 2007
    المشاركات
    1,217
    كلام جميل كلام معقول مقدرش اقول حاجه عنوووه
    انا هغنى ولا ايه ... ^_^
    مشاكل وحلول جميله للملل الى مالى حياتنا ومش مخلينا نتقدم خطوه للامام
    بس مش من الشطاره اننا نعرف حلول ومنعملهاش هتبقى مشكله اكبر بكتير من الملل
    اهم حاجه تقطى على اى مشكله مش الملل بس وكمان تتقرب من اصدقائك اكتر وكمان تدخل الجنه من غير حساب وكمان تكون تحت ظل الرحمن يوم لاظل الا ظله ...ازااااى؟
    اقولك ازاى ..اتقرب من اصدقائك المقربين لك واتفقو انكم تصلو مع بعض كل يوم وترنو على بعض اوقات الصلاه عشان كله مينساش يصلى مهما حصل وبكدة هتلاقى نفسكم بتتحدوا بعض فى طاعة الله وبكده نكون اخوه فى الله وننال العفو من الله العزيز القادر ..
    وبكده تشغل وقتك فى طاعة الله بجانب قيامك باولوياتك اليوميه زى المذاكره والشغل ومتنساش حق بيتك فيك ...
    وبكده اليوم ينتهى ببركه عاليه وفوز فى الدنيا والاخره
    هتقولو يعنى نبقى ملائكه ... لا صعب نكون زيهم لاننا بشر وكل بشر خطاء بس خير الخطائين التوابين ... شوفتو كل حاجه ليها حل بس تعمل الحل ده هتكون اسعد الناس
    وشكرا ليك يا رويال توون على الموضوع واتاحة الفرصه لنا لمشاركتك فى القضاء على ملل كل مصرى وعربى ..
    " رب همه احيت امه "
    تحياتى
    التعديل الأخير تم بواسطة نور الطاعه; 05-05-2010، الساعة 06:36 PM


  15. #15
    الصورة الرمزية glediator
    تاريخ التسجيل
    Nov 2007
    المشاركات
    5,431
    الحياه ملل عند الانسان بدون هدف

    يعنى لو واحد حاطط لنفسه اهداف مثلا هيبقى عنده 22 سنه يبقى
    1. مخلص كليه
    2. واخد 4 كورسات
    3. يكون اكتسب لياقه و قوه بدنيه عاليه نتيجه لممارسته للرياضه
    4. نزلت تدريب فى مكتب ولا شركه
    5. مساعد الناس المحتاجه

    صدقنى مش هيبقى فى ملل نهائى و كمان هيبقى كسبان 100 % بدل ما يضيع وقته فى الكيله و البنات والجروبات و قاعد قصاد كافتريا ميدووو ولا كليه السن هههههه و فى نفس الوقت هيخلص كليته هيبقى انسان محترم و ماسك وظيفه محترمه و رضى ربه ووالديه و كمان كسب نفسه وصحته وانا بحاول امشى على الاهداف ديه
    التعديل الأخير تم بواسطة glediator; 05-05-2010، الساعة 06:49 PM






    You are not here to win friends.
    You are not here to look pretty
    You are not here to stare at some chick’s
    You know why you’re here.
    And
    if you don’t,
    then
    get the hell out
    because,
    you’re just taking up space.
    This is heavy duty.
    Can you handle it




ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك