موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 1 من 3 1 2 3 الأخيرةالأخيرة
النتائج 1 إلى 15 من 44
Like Tree0Likes

الموضوع: كل ما يخص السيبريان هاسكي Siberian Husky

  1. #1
    الصورة الرمزية thecobra
    تاريخ التسجيل
    Jan 2006
    المشاركات
    3,244

    كل ما يخص السيبريان هاسكي Siberian Husky

    [SIZE="6"]
    بسم الله الرحمن الرحيم






    اولا احب اهدي الموضوع ده للعضوة المتميزة دودي ويا رب الموضوع ده يساعدها هي او اي حد عايز يجيب الكلب ده

    ول سؤال بييجي في دماغ اللي عايز يجيب الكلب ده

    ان هل الكلب ممكن يتقبل ويتكيف في العيش في اجوائنا علرغم انو بيعيش في الطبيعة في بيئة مثلجة؟؟



    انا من رأي الخاص وحسب ما شفتوه نعم يستطيع التكيف مع اجواءنا بس بشروط
    -اول هذه الشروط ان الكلب ما يجيش من بره كبير
    بمعني ان الكلب يكون من فرخ البلد اللي هيعيش فيها وما يكونش جاي من اي بلد تتميز بالبرد لان وقتها هيكون الكلب اتكيف خلاص علبرد
    يعني من الاخر احسن حاجة انك تجيبو جرو


    تاني حاجة بقى ان يكون البيت بتاع الكلب في حتة غير معرضة للشمس لفترة طويلة ويفضل يكون ارضية بيته من المواد الباردة واللي مش بتسخن بسهولة
    -ان يتم توفير كميات من المية المناسبة في كل الاوقات
    -ان يتم تحميم الكلب باستمرار ولمرات اكتر من المعدل خصوصا في الصيف ويكون تحميمه بمية باردة او مضاف اليها ثلج

    اظن ان بالطريقة دي ممكن نتغلب على طبيعة الكلب ونشاته في البيئة المثلجة

    [CENTER]aw ba2a momken te3mel zay da

    [CENTER] |
    |
    |
    v
    نييجي بقى نتكلم عن الكلب بصفة عامة

    اولا تاريخ الكلب



    موطن الكلب الاساسي هو القطب الشمالي وشمال شرق اسيا وبالتحديد الاسكا
    و وكان اول ظهور ليه على يد شعب (chukchiوهو شعب شمال شرق اسيا ) كان بيستخدم في حمل الاشياء الخفيفة ونقلها لمسافات طويلة او في جر الزلاجات الثلجية (مش عارف الظاهر كانو فاكرينو حمار ولا ايه)ة
    المهم ابتدى الكلب ده في الانتشار في كل انحاء القطب وعرفتو الناس لما ابتدوا يعملو بيه سباقات في عام 1909



    وفي عام 1910 قطع بيه المتسابق جون الملقب بالرجل الحديدي مسافة 400 ميل يعني تقريبا 600 كيلومتر في الثلج وفي وسط مناخي سئ للغاية مما يعكس القدرة الفائقة للهاسكي على التحمل

    وتم الاعتراف بالسيبريان هاسكي في نادي الهواة الامريكية عام 1930

    وقوات الجيش في مختلف البلدان استخدمت السايبرين هاسكي في عمليات الانقاذ والبحث عن المفقودين خصوصا في الحرب العالمية الثانية



    نييجي بقى نتكلم في المفيد

    كلام عام عن الهاسكي


    ولا هو كلب شغل من الدرجة الاولى (بيجر زلاجات- اصلا),متوسط الحجم وخفيف وحر في حركته

    انتصاب اذنيه وشكل ديله الاقرب لشكل ديل الثعلب بيديله شكل- مميز
    شخصيته سلسة وسهل ترويضها-

    شكل جسمه وابعاده يعكس مدى قوته وسرعته وقوة تحمله ودي- اكتر الحاجات اللي بيتميز بيهم

    يمكنه تحمل حمولات خفيفة والمشي بيها بسرعة لنقلها لمسافات- طويلة

    يسخر كل طاقته وقوته في اداء المطلوب منه-

    -ذكور السايبرين هاسكي ممكن معرفتهم بالنظر فقط
    فبتلاقيه باين فيه الشموخ وقوة الشخصية

    -اما اناث الهاسكي فبتحس فيهم بالانوثة ( مش معناها الضعف او الانكسار طبعا)



    نييجي بقى للتقليب

    اولا الحجم والوزن


    الذكور
    بيكون طولها من 21-23.5 انش
    ووزنه من 45-60 باوند
    وطبعا الوزن بيعتمد على الطول




    الاناث
    بيكون طولها من 20-22 انش
    ووزنها من 35-50 باوند
    وبرضو الوزن اكيد بيعتمد علطول



    طبعا الوزن ده الوزن المثالي للكلب
    اما الطول فده اساسي واي نقصان او زيادة فيه يعيب الكلب

    -طبعا طول جسم الكلب من اخر الرقبة لمؤخرة جسمه اطول بجزء بسيط عن ارتفاع الكلب من الارض ل اعلى ظهره




    -----راس الكلب-----



    لما بتبص في وش الكب بتحس انو بيتمتع بحدة الطبع والقوة والتحمل بس تحسوا شكلو لذيذ وظريف وصدوق

    -شكل راسه من الامام دائري بتبدأ تقل من بعد طرف عينه


    -حجم راسه لازم يكون مناسب لحجم جسمه




    -----العين-----



    ليها شكل اللوزة بس مايلة شوية وعينيه متباعدتين عن بعض

    -لون عينه بيكون اما ازرق او بني وممكن يبقى الاتنين عادي

    -ومن الاخطاء الشائعة اللي بتقلل في تقليب الكلب ده ان تكون عينه معدولة ومش ماية او تكون قريبة من بعض





    -----ودان الكلب-----



    متوسطة الحجم , مثلثة الشكل , منتصبين وقريبين من بعض
    وسمكها بيكون قليل وبتكون مقوسة من الخلف
    الاخطاء :ان تكون ودانه كبيرة الحجم بالنسبة لحجم راسه
    او ان تكون غير منتصبة بقوة واستقامة وان تكون متباعددة



    -----البووز-----



    وهو من اهم الحاجات اللي لازم ندقق فيها لاختيار تقليب الكلب الصح
    -بيكون متوسط الطول والسمك
    -مستقيم وعمومدي على الراس وبتكون الانف على طرفه عمودية على الراس وعلى الشفة السفى
    الاخطاء : ان يكون البوز طويل او رفيع او به ميلة





    -----الاسنان-----



    من السهل انك تتعرف على الكلب ده
    وده بالنظر الى اسنانه واللي بتقفل على شكل مقص
    واي حاجة غير كده تعتبر غلطة وبتنقص من الكلب
    التعديل الأخير تم بواسطة thecobra; 08-06-2008، الساعة 02:14 PM

  2. #2
    الصورة الرمزية thecobra
    تاريخ التسجيل
    Jan 2006
    المشاركات
    3,244
    تابع الموضوع


    -----الرقبة-----


    متوسطة الطول ومستديرة وانسيابية جدا
    ووقوفها بيبين الفخر والشموخ



    -----الديل-----




    بيتميز النوع ده من الكلاب ان شكل ديله شبيه جدا بديل الثعلب
    والديل وضعه الطبيعي انوا يكون نازل لتحت بس في حالة ما بيتنشن الكلب او بيتشد انتباهه لاي حاجة بتلاقي الديل وقف وبيكون فيه زي كيرف قليل

    اما طول الديل فمتوسط وبالضبط بيوصل تقريبا لعرقوب الكلب
    الاخطاء : ان يكون في الديل ان تنية او كسرة
    او يكون طويل زيادة او قصير زيادة






    -----الالوان-----




    من اكتر ما يميز الكلب الوانه
    فهو موجود بكل الالوان من الاسود للابيض







    -ومن الممكن ان يكون في الكلب بعض العلامات والبقع المميزة في الوش والراس





    -[COLOR="navy"]من الممكن ان ترى في هذه الفصيلة بعض الخطوط الملونة والتي لا يمكن تراها في اي نوع كلاب اخرى



    نييجي بقى للون الانف
    فهو ممكن ييجي باكتر من لون
    وبتكون سوداء لما بيكون لون الكلب رصاصي او بني بكل درجاته وطبعا الاسود
    وممكن تييجي باكتر من لون في حالة الكلاب البيضاء بالكامل
    والريد نووز منتشرة برضو في الهاسكي





    ------صفات الكلب وطباعه-----



    بصفة عامة الهاسكي من الكلاب الودودة والاجتماعية جدا
    بس بيتعامل بحرص جدا مع الاغراب وبيكون عدائي جدا مع الكلاب الغريبة عنه

    -بس ما بيتميزش الكلاب دي بصفات كلاب الحراسة

    -وبتتميز السايبرين هاسكي بعزة نفس وكرامة عالية جدا وبتحسها اوي مع الكلاب الكبيرة






    ما بقى من عيوب الهاسكي واللي بتخلي ناس كتير مش بتقدر تقتنيه هو نتيجة لطبيعته الاجتماعية الشديدة فهو بيضايق جدا لو قعد لوحده
    فالمفروض ياما يكون معاك في البيت او يتربى مع اي كلب تاني

    -عنده قابلية عالية جدا للتدريب والتصرف في المواقف الغريبة عنه
    كل الصفات دي خلته كلب مثالي ككلب رفقة وكلب شغل بالدرجة الاولى

    -بس نتيجة عزة نفسه فده بيحتاج من صاحب الكلب ان يكون عنده شخصية قوية وخبيرة في تربية الكلاب خصوصا لايقافها عندما تثور

















    ya riet ya gama3a
    ay 7ad yekhosh l mawdoo3
    yo2oly heya l sowar baina wala la2

    ana ba2aly 6 sa3at bazabat fiha
    bas law mesh baina oolo yemken ala2y 7al
    التعديل الأخير تم بواسطة thecobra; 08-06-2008، الساعة 02:15 PM

  3. #3
    الصورة الرمزية dody*lody
    تاريخ التسجيل
    Dec 2007
    المشاركات
    342
    اولا / ميرسى جدااا على تعبك معايا ومجهودك الرائع والسريع
    فى طرح الموضوع بالشكل الجميل دة والمبسط

    ثانيا/ انا بجد مش عارفة اشكرك ازاى لان الموضوع فعلا جميل جدا وانا استفدت منة اوى اوى اوى بس تربيتة هتكون صعبة جدااااا بس هو كلب جميل اوى وشكلة جميل ويستحق المجازفة فى تربيتة ..

    ميرسى كتير ليك يا كوبرا موضوع يجنن

  4. #4
    الصورة الرمزية dody*lody
    تاريخ التسجيل
    Dec 2007
    المشاركات
    342
    لا هيا موجودة بس عبارة عن لينكات يا كوبرا لازم نضغط عليها علشان تظهر
    مش تتعب نفسك سبها كدة لحد ما تقدر تظبطها فى اى سيبر وخلاص انا شوفت الصور وبجد عجبتنى جدااا

  5. #5
    الصورة الرمزية judo_fox
    تاريخ التسجيل
    Sep 2006
    المشاركات
    1,397
    تسلم ايدك يا كوبرا موضوع منسق ومميز ( والشخص القيم لا ياتى الا بما هو قيم)
    الموسوعة الشاملة عن الكلب وسلوكياتة
    https://dvd4arab.maktoob.com/f385/3428628.html
    الموسوعة الذهبية ( للجيرمن شيبرد ) من الالف الى الياء
    ..................الموسوعة التفصيلية عن البول ماستيف.................
    موسوعة كل شئ عن الجراء
    https://dvd4arab.maktoob.com/f385/2273198.html

    البوكسر ببساطة

    تعرف على خطوط الدوبر مان واهم الاختلافات بينهم

  6. #6
    الصورة الرمزية sayed_seso
    تاريخ التسجيل
    Oct 2007
    المشاركات
    868
    شكرا يا كوبرا باشا علي الموضوع الرائع
    بنسبه للصور هيه لنكات لازم تدوس عليها عشان تفتح
    بس عموما بلاش تتعب نفسك الموضوع كده جامد برده
    sayed_seso





    معلش مكنتش موجود الفتره ال فاتت عشان كنت في الجيش (الجيش المصري)
    دا اجباري مش بمزجنا

  7. #7
    الصورة الرمزية محمود الجافى
    تاريخ التسجيل
    May 2007
    المشاركات
    828
    والله انا مش عارف اشكرك
    ازاى موضوع متميز ومتكامل
    جدااااا
    تسلم ايدك

  8. #8
    الصورة الرمزية thecobra
    تاريخ التسجيل
    Jan 2006
    المشاركات
    3,244
    اقتباس المشاركة الأصلية كتبت بواسطة dody*lody مشاهدة المشاركة
    اولا / ميرسى جدااا على تعبك معايا ومجهودك الرائع والسريع
    فى طرح الموضوع بالشكل الجميل دة والمبسط

    ثانيا/ انا بجد مش عارفة اشكرك ازاى لان الموضوع فعلا جميل جدا وانا استفدت منة اوى اوى اوى بس تربيتة هتكون صعبة جدااااا بس هو كلب جميل اوى وشكلة جميل ويستحق المجازفة فى تربيتة ..

    ميرسى كتير ليك يا كوبرا موضوع يجنن
    awalan de ana 7asis fiha taria2a
    wala a??
    3moman ma3lish et2akhart 3aliky bih bas enty shaifa shoghl l ******* mesh beikhlas

    2- l 3afw w tab3an l kalb shaklo w tab3o gamed awy
    bas ana oltilek men l awel lazem tet3aby law nawya tegibih

  9. #9
    الصورة الرمزية thecobra
    تاريخ التسجيل
    Jan 2006
    المشاركات
    3,244
    اقتباس المشاركة الأصلية كتبت بواسطة dody*lody مشاهدة المشاركة
    لا هيا موجودة بس عبارة عن لينكات يا كوبرا لازم نضغط عليها علشان تظهر
    مش تتعب نفسك سبها كدة لحد ما تقدر تظبطها فى اى سيبر وخلاص انا شوفت الصور وبجد عجبتنى جدااا
    tb kowais enek oltily
    w isa hazabatha bardo 3ashan mesh 3agbany kida
    bas kont faker n l moshkila 3andy ana w hatetla3 3andoko

  10. #10
    الصورة الرمزية dody*lody
    تاريخ التسجيل
    Dec 2007
    المشاركات
    342
    اقتباس المشاركة الأصلية كتبت بواسطة thecobra مشاهدة المشاركة
    awalan de ana 7asis fiha taria2a
    wala a??
    3moman ma3lish et2akhart 3aliky bih bas enty shaifa shoghl l ******* mesh beikhlas

    2- l 3afw w tab3an l kalb shaklo w tab3o gamed awy
    bas ana oltilek men l awel lazem tet3aby law nawya tegibih

    ههههه لا والله مش تريقة لية بس قولت كدة
    بجد الموضوع جميل اوى يا كوبرا تسلم ايدك
    وفلا شكل تربيتة متعبة شوية بس بصراحة يستحق التعب علشانة
    ميرسى يا كوبرا اوى تعبتك معايا
    التعديل الأخير تم بواسطة dody*lody; 24-01-2008، الساعة 12:54 AM

  11. #11
    الصورة الرمزية thecobra
    تاريخ التسجيل
    Jan 2006
    المشاركات
    3,244
    اقتباس المشاركة الأصلية كتبت بواسطة judo_fox مشاهدة المشاركة
    تسلم ايدك يا كوبرا موضوع منسق ومميز ( والشخص القيم لا ياتى الا بما هو قيم)
    ALLAH yekhalik ya judo
    bas l mohem yekoon mofied

  12. #12
    الصورة الرمزية thecobra
    تاريخ التسجيل
    Jan 2006
    المشاركات
    3,244
    اقتباس المشاركة الأصلية كتبت بواسطة sayed_seso مشاهدة المشاركة
    شكرا يا كوبرا باشا علي الموضوع الرائع
    بنسبه للصور هيه لنكات لازم تدوس عليها عشان تفتح
    بس عموما بلاش تتعب نفسك الموضوع كده جامد برده
    alf shokr ya sayed
    bas l sowar ana afesh eny azabatha
    bas estano 3alaia yoomen bas

  13. #13
    الصورة الرمزية BAssAM AmR
    تاريخ التسجيل
    Sep 2005
    المشاركات
    677
    بجد يا اخ كوبرا موضوعك رااااائع جدا جدا

    تسلم ايديك على الموضوع وبجد باين انك تعبان فيه اوى

    جزاك الله كل خير

  14. #14
    الصورة الرمزية thecobra
    تاريخ التسجيل
    Jan 2006
    المشاركات
    3,244
    اقتباس المشاركة الأصلية كتبت بواسطة محمود الجافى مشاهدة المشاركة
    والله انا مش عارف اشكرك
    ازاى موضوع متميز ومتكامل
    جدااااا
    تسلم ايدك
    ALLAH yekhalik ya mahmoud

  15. #15
    الصورة الرمزية thecobra
    تاريخ التسجيل
    Jan 2006
    المشاركات
    3,244
    اقتباس المشاركة الأصلية كتبت بواسطة bebonas1983 مشاهدة المشاركة
    بجد يا اخ كوبرا موضوعك رااااائع جدا جدا

    تسلم ايديك على الموضوع وبجد باين انك تعبان فيه اوى

    جزاك الله كل خير
    ALLAH yekhalik ya basha
    w kolo yehoon 3ashan khaterko

موضوع مغلق
صفحة 1 من 3 1 2 3 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك