موقع الدي في دي العربي

الموقع الأكثر تطوراً في مجال الترفيه والتسلية وهو أحد مواقع شبكة منتديات مكتوب، تابع أحدث أخبار الأدب والفن الأفلام والمسلسلات، الرياضة، البرامج والألعاب، الفضائيات والاتصالات، العلوم واللغات، شاركنا آرائك مع محبي الفن والثقافة ، انضم الآن



موضوع مغلق
صفحة 3 من 5 الأولىالأولى 1 2 3 4 5 الأخيرةالأخيرة
النتائج 31 إلى 45 من 74
Like Tree0Likes

الموضوع: ......///***عايز تجيب كلب و مش عارف...خش و انت تعرف (موضوع مشترك للمبتدئين)***\\\....

  1. #31
    الصورة الرمزية alaa ashraf
    تاريخ التسجيل
    Oct 2006
    المشاركات
    3,050
    انتظرونا اليوم باذن الله




  2. #32
    الصورة الرمزية alaa ashraf
    تاريخ التسجيل
    Oct 2006
    المشاركات
    3,050

    الجزء الأول: مسئولية الكلب

    مسؤلية الكلب




    قبل التفكير في شراء كلب...لازم ناخد في الاعتبار ان الكلب مسؤلية كبيرة جدا ... في مثل انجليزي بيقول "Three Wee's for a dog..Walk it , Wash it , Well feed it" و ده معناه ان كلبك محتاج منك تلت حاجات 1-تمشيه 2-تنظفه 3-تاكله لو تقدر عليهم يبقا تقدر تربي كلب...انا شايف ان المثل ده غلط تماما..تربية الكلب مش بس التلت حاجات دول...يعني لو كانت علي الاكل و المشي و النظافة , كانت الحياة بقت جميلة جدا و اي حد ممكن يربي كلب...لكن في حاجات تانية كتير لازم تكون قادر عليها....
    اولا:و اهم نقطةالكلب بيكون مقيد جدا في التنقلات...مثال صغير : طبعا معظمنا بيسافر في الصيف و بنغيب عن البيت كتير..مينفعش تسيب الكلب في البيت..لازم تاخده معاك و تدورله علي حتة يركب فيها و مكان يعد فيه في المصيف او تدور بقا علي فندق ياخده و تتحمل التكاليف بتاعته اللي غالبا بتكون كتيرة...
    ثانيا:لازم يكون عندك القدرة المادية علي مصاريف الاكل و الاكسسورات و العلاج
    ثالثا:يجب توافر المكان اللي الكلب هيعد فيه و الاغلبية مش بينفع يتواجد داخل البيت...لو قدرت توفر التلت حاجات دول و تجدلهم حلول , مفيش مشكلة انك تشتري كلب و تاكد انك هتاخد منه اكتر من اللي هتديهولو بكتير...لو مقدرتش توفر بند واحد فيهم فمتعذبش نفسك و تجيب كلب تعذبه معاك.
    نناقش في المشاركة القادمة انواع الكلاب و انسب نوع ليك


    التعديل الأخير تم بواسطة alaa ashraf; 08-10-2009، الساعة 06:51 PM

  3. #33
    الصورة الرمزية yaboty
    تاريخ التسجيل
    Mar 2006
    المشاركات
    1,403

  4. #34
    الصورة الرمزية yaboty
    تاريخ التسجيل
    Mar 2006
    المشاركات
    1,403
    الجزء اثاني: الأختيار الأمثل لنوع الكلب

    اختيارك للنوع المناسب للكلب ينطبق علي احتياجك ليه...و من المعروف ان الكلاب من الحيوانات الوفية اللي بطبيعتها بتحب تحمي صاحبها و تدافع عنه..مما يجعلها كلاب مثالية للحراسة , و لكن بيفرق فصيلة عن اخري مميزات و عيوب..احنا اخترنا كام فصيلة من الاكثر انتشارا في مصر...و اللي الناس بتفضل تربيتها .
    1-الجيرمن شيبرد:و المعروف في مصر عند كل الناس ب"الكلب البوليسي"و دول بنشوفهم في كل حتة مع الشرطة و الامن عند المولات و النوادي...ممكن لو حد يعني تقدم سنة صغيرة يقولك اه اللي هوا "البلاك جاك"...في الحقيقة هو اسمو "جيرمن شيبرد او الراعي الالماني" اشهر كلب في مصر بدون منافس يتربع علي القمة منفردا لما ليه من صفات حسنة جعلته كلب حراسة ممتاز(وحدات الk9 في معظم الولايات الامريكية لا يسمحون الا بيها معاهم في الخدمة ) و هي كلاب شرسة , لعوبة جدا , تحب الاطفال , ذات بنيان جسماني قوي , وفية لصاحبها لابعد الحدود و ديه في كل الكلاب بس عند الجيرمن اعلي شوية , زكية جدا مما يجعلها سهلة التدريب و لا تعتبر من الكلاب العنيدة.طبعا صفاتها تجعلها الاختيار الامثل الي :
    1. المبتدئين عموما لانها سهلة التدريب و تحب تطيع صاحبها و غير عنيدة و ده اللي يرشحها اكتر من كلاب كتيرة للمبيدئين و خصوصا ان عادة اول كلب بتربيه , بتحبه حب شديد جاد و بيكون مدلع بزيادة نتيجة انك مش بتحب تشد عليه
    2. الناس اللي عندهم اطفال في البيت و ده لانها بتحب الاطفال (ولاهي شفت جيرمنات بيراعوا اطفال البيت و يخلوا بالهم عليهم زي مي يكونوا الجراوي بتاعتهم)
    بس للاسف الحلو ميكملش....كلاب الجيرمن شيبرد من الكلاب المزعجة و نادر لما تلاقي كلب فيهم مش مزعج...و ديه طبعا مشكلة كبيرة اولا ليك و لاهل بيتك و ثانيا للجيران اللي حولاك و في اغلب الاحيان الجيران بيلجأول انهم يسمموا الكلب بس لو محطوط في البيت مثلا او ساكن في حتة محترمة متقالقش و الكلب لما كل مرة يزعق فيها تعاقبه او تحبسه شوية هيتعلم و مرة في مرة مش هيهوهو غير للزوم)



    2-الروت وايلر: كلاب المانية بردو..شرسة جدا جدا و بطبيعتها هادية (مش مزعجة زي الجيرمن مثلا) وفية لصاحبها و كلاب حراسة ايضا من الدرجة الولي ....مش مشهور في مصر زي الجيرمن طبعا و ده لسبب انه سعره غالية شويتيين مفيهوش رخيص زي الجيرمن )....كلاب عنيدة جدا و لو لم يتم السيطرة عليه هيمشي صحبه علي مزاجه و هيعمل الي عايزه يعني مينفعش معاه الدلع بمعني انه لازم معاه الشدة الصارمة في حالة الغلط و لازم تكسر عينه كدة علشان الكلب ميسيرطش عليك...كلاب ذكية الي حد ما و بنيانها الجسدي بيساعدها في اعمال الحراسة و عضة الروتويلر اقوي او تاني اقوي عضة حيوان اليف.....من الصفات ديه نستنتج انه:

    1. كلب حراسة ممتاز بسبب مواصفاته الجسمانية الفوق ممتازة (كلب بلك كدة يعني بالبلدي) و كمان مش بيحب الغرب خالص و شرس جدا بطبعه يعني لو خد الاساست الصح من و هوا صغير لما يكبر يبقا و حش
    2. لا ينصح المبتدئين بتربية روت وايلر لعنده الشديد و صعوبة السيطرة عليه...يحتاج حد عنده خبرة )
    3. لا ينصح بيه في بيت فيه اطفال و لكن الكلام ده مش معناه انه مينفعش..يعني ممكن بس يكون في حظر




    3-الجولدن رتريفر:كلمة (Retriever) معناها "صياد" ...كلاب الجولد رتريفير في الاساس كلاب صيد...شكلها حلو جدا جدا و ده لان لونها الدهبي المميز تحفة و كمان شعرها ناعم و يعتبر طويل نسبيا....كلاب ودودة جدا للبشر غير شرسة بطبيعتها و نادر لما تلاقي كلب جولدن شرس الا في حالات قليلة يعني...تحب اللعب جدا جدا جدا زي المية و الهوا..غير كارهة لباقي الحيوانانت....و فية طبعا جدا..ليها استخدمات تانية ملناش دعوة بيها بس معلش احب اذكرها و هي انها تستخدم في اعمال البحث عن المتفجرات و البحث تحت الانقاض...سباحة ماهرة و ذكية لابعد الحدود(في حتة الذكاء ديه نفتح youtube و نكتب في السرش بار smart golden retriever و نتفرج بقا علي الذكاء).....من ده نلخص:
    1. كلاب الجولدن رتريفير غير صالحة للحراسة لانها بطبيعتها ودودة جدا
    2. سهلة للمبتدئين و قابلة للتدريب بسهولة لذكائها الشديد
    3. تنصح بها للبيت الي فيه حيوانات اخري زي كلاب او قطط لانها مش بتحب السيطرة يعني ودودة كدة برده
    4. تحتاج عناية شديدة لشعرها لذلك بتحتاج تمشيط يومي علشان الشعر ميبذش و ده بياخد شوية وقت
    5. لو البيت في اطفال يبقي الجولدن اختيار حلو بردو و في رايي قبل لجيرمن لانه بيحب يلعب و هيقضوا مع بعد اوقات ممتعة


    4-البيتبول: PitBULL و باين من اسمها علاقتها بالتيران كلاب هجنت اساسا لمحاربة التيران.....كلاب شرسة بالفترة , شخصية قوية , سيطرة علي الكلاب الي عيشة معاه (يحب يكون الزعيم)....في رايين حول قوة عضته واحد بيقول انها اقوي عضة حيوان اليف اقوي من الروتويلر و في كلام ان الروت اقوي...وفي لصاحبه جدا....عنيد زي الروتوايلر كدة...كلاب مش بتحب الغريب عنها و غير ودودة..كلاب حراسة كويسة...و لكن يتم منعها في بعد الدول بسبب استخدامها في فيتات الكلاب لانها تعتبر احسن كلب في المجال المقزز ده للاسف.
    1. كلاب حراسة كويسة و قوية جدا جدا بسبب جسمانها العضلي
    2. لا ينصح بيها للمبتدئين و ده بسبب عندها الشديد و طباعها المتسلطة.. أن تكون بدراية كاملة عنه وعن طريقة تربيته وأن يكون لك خبرة سابقة مع الكلاب
    3. لا ينصح بيها في بيت فيه اطفال او حيوانت اخري
    4. لا تحتاج عناية شديدة
    5. اسعارها كويسة



    5-الدنواهAKA الجريت دان:سلالة ضخمة جداجداجدا....ودودة و اجتماعية في معظم الحالات...تكاثرت الاقوال حول غبائها و في ناس تقول ده غبي جدااا و ناس تقول الدنواه ذكي لكن الاغلبية قالوا انه كلب غبي...مضرة للاطفال بسبب كبر حجمها.....غير صالحة للحراسة ....احيانا قليلة نجد دنواه شرس و لكن ده نادر يعني علي العلم انه لو اصبح شرس هجومه بيكون قاتل...طبعا وفي لصاحبه.
    1. ننصح بيه لمحبي الفخامة و الكلاب الضخمة....بردو كلب ليه هيبته واحترامه
    2. لاننصح بيه في بيت فيه اطفال لكبر حجمه و غباء لعبه
    3. لا مانع ان يعيش في بيت معه كلاب اخري
    4. مصاريفه اكتر من اي كلب لانه بياكل كتييييييييييييييييييير.........



    طبعا انا شايف ان مفيش ميزة نربيها علشانه غير فخامته بس الكلب ده ناس كتييييييييير جدا بتحبه و انا واحد منهم و اتمني اني امسك كلب دنواه محترم في يوم
    6-كلاب الزينة:كلاب يمتاز معظمها بصغر حجمه...يعتبر البعد الجولدن رتريفير كلب زينة بس انا مش رايي كدة....في منها الغالي و الرخيص و اشكالها كتييييييير اشهرها في مصر الجريفون او اللولو زي ما الناس بتفول...ليس ليها فايدة عملية.




    يتبع.........

    التعديل الأخير تم بواسطة yaboty; 08-10-2009، الساعة 10:31 PM

  5. #35
    الصورة الرمزية yaboty
    تاريخ التسجيل
    Mar 2006
    المشاركات
    1,403
    شكرا للتثبيت.....جاري التحضير للمشاركة القادمة معلش بطأ شوية علشان بس ظروف الدراسة....انتظروناااا بليل ان شاء الله.

  6. #36
    الصورة الرمزية mehtar303
    تاريخ التسجيل
    Apr 2008
    المشاركات
    66
    السلام عليكم ورحمه الله
    موضوع كويس ماشاء الله عليكم يا شباب وان شاء الله تفيدونا كلنا وكلنا بنتعلم من بعض كل واحد مهما كان بيربي من سنين طويله برضو فيه حجات ممكن تواجه مربي جديد ونتعلم منها كلنا وكمان كل واحد محتاج يفتكر حجات ناسيها ان شاء الله تكون فيه استفاده من موضوعكم ويحقق الهدف المرجو منه وبالتوفيق

  7. #37
    تاريخ التسجيل
    Oct 2005
    المشاركات
    285
    موضوعك حلو و مرتب اوى و منظم وبسيط و سهل
    كلما ازدادت معرفتي برعاع البشر .. زاد حبي للكلاب

  8. #38
    الصورة الرمزية yaboty
    تاريخ التسجيل
    Mar 2006
    المشاركات
    1,403
    اقتباس المشاركة الأصلية كتبت بواسطة mehtar303 مشاهدة المشاركة
    السلام عليكم ورحمه الله
    موضوع كويس ماشاء الله عليكم يا شباب وان شاء الله تفيدونا كلنا وكلنا بنتعلم من بعض كل واحد مهما كان بيربي من سنين طويله برضو فيه حجات ممكن تواجه مربي جديد ونتعلم منها كلنا وكمان كل واحد محتاج يفتكر حجات ناسيها ان شاء الله تكون فيه استفاده من موضوعكم ويحقق الهدف المرجو منه وبالتوفيق
    شكرا يا باشا لردك...و يارب الموضوع لما يكمل يكون فعلا فيه افادة

  9. #39
    الصورة الرمزية yaboty
    تاريخ التسجيل
    Mar 2006
    المشاركات
    1,403
    اقتباس المشاركة الأصلية كتبت بواسطة hell_maker2000 مشاهدة المشاركة
    موضوعك حلو و مرتب اوى و منظم وبسيط و سهل
    نورت الموضوع يا جميل و شكرا لردك

  10. #40
    الصورة الرمزية yaboty
    تاريخ التسجيل
    Mar 2006
    المشاركات
    1,403
    اقتباس المشاركة الأصلية كتبت بواسطة hell_maker2000 مشاهدة المشاركة
    موضوعك حلو و مرتب اوى و منظم وبسيط و سهل
    بس انت عندك لبس في حاجة الموضوع ان و علاء مش شخص معين لواحده...اي مشاركة فيها شغل مننا احنا التنين و بنكمل بعد....

  11. #41
    الصورة الرمزية ahmed kabanash
    تاريخ التسجيل
    Sep 2009
    المشاركات
    72
    عاش اوى يا شباب على الموضوع دة و الف مبروك علي التثبيت

  12. #42
    الصورة الرمزية yaboty
    تاريخ التسجيل
    Mar 2006
    المشاركات
    1,403
    اقتباس المشاركة الأصلية كتبت بواسطة ahmed kabanash مشاهدة المشاركة
    عاش اوى يا شباب على الموضوع دة و الف مبروك علي التثبيت
    الله يبارك فيك والف شكر يا باشا علي ردك...يا رب تكون استفدت حاجة و لسا التقيل في السكة

  13. #43
    تاريخ التسجيل
    Oct 2009
    المشاركات
    158
    بسم الله ما شاء الله عليكم
    بجد موضوع جميل جدا الواحد عمال يستفاد في معلومات في القسم هنا والله
    ومنتظرين منكم كل ما هو مفيد

  14. #44
    الصورة الرمزية alaa ashraf
    تاريخ التسجيل
    Oct 2006
    المشاركات
    3,050
    تابع الجزء الثاني
    7-البول ماستيف:باين من الاسم انها من فصيلة الماستيف العملاقة...كلاب تمتاز بحجمها الضخم و قد يصل وزنها الي 60 كجم , البول ماستيف مصنف رقم واحد عالميا كاحسن كلب حراسة في الخدمة.....كلاب وفية جدا جدا لاصحابها , شجاعة (قلبها ميت)...عندها كره شديد للغريب عنها و ده اللي خلاها احسن كلب حراسة مع حجمها الضخم اللي بتستخدمه في اسقاط الضحية ارضا و الانقضاض عليها....محبة للحيوانات الاخري و غير متسلطة...صعبة التدريب و تحتاج حد متمرس مش زي الجيرمن كدة مثلا ......من هنا نستنتج:
    1. البول ماستيف ينصح بيه كحارس ممتاز لاي حاجة
    2. مفيش مشكلة انه يعيش في بيت فيه حيوانات
    3. لا يفضل انه يعيش مع اطفال لانه حجمه غبي و ممكن يبقي مضر ليهم عن غير قصد
    4. عمره يعتبر اقصر نسبيا زي بقيت كلاب الماستيف و ده اطول سنة صغيرة يعني حوالي 12 سنة
    5. تضاف علي تكلفة شرائه تكلفة تدريبه لان تدريبه من قبل واحد غير متمرس شبه معدوم





    8-الدوبرمان: يرجع الفضل في تهجين الفصيلة ديه "لويس دوبرمان" رجل الماني استعان باحسن الفصائل و طلعلنا كلب زي الفل يحتل المرتبة التانية كاحسن كلب حراسة في الخدمة و المرتبة الخامسة كأذكي كلب بعد الجولدن ريتريفر المرتبة الرابعة و الجيرمن المرتبة التالتة...الدوبر مان شرس بطبيعته...ذكي جدا....رشيق لابعد الحدود مما يرجحه عن كلاب تانية كتير في حراسة الاماكن الكبيرة و المزارع...كلاب وفية جدا لصاحبها و مش هيتردد ان يهجم علي اي حد لو حس ان عيلته في خطر...يمتاز برخص سعره و ده يرجع الي بعض الاشاعات اللي بتقول انه غدار او مش عارف ايه بيتجنن لما يكبر حاجات كدة ملهاش لازمة طيب يا جدعان لو هوا كدة فعلا الناس بتربيه بقالهم فوق ال150 سنة ليه؟؟؟؟..وزنه خفيف حوالي 25 كجم و عمره من 9 سنين الي 25 سنة و في كلب دوبرمان سجل قبل كدة عمر قياسي 33 سنة....كلاب تحب الشغل اوي و شقية جداااا...ماحوظة اخيرة:الكلاب ديه بيقطعولها ودنها و ديلها و ده حرام بس عموما ده لازم يحصل في سن صغير حوالي 12 اسبوع:
    1. حارس ممتاز و رشيق جدا لذلك ينصح بيه لملاك المزارع و المخازن الواسعة
    2. سهل التدريب بسبب ذكائه الشديد
    3. من الكلاب اللي شكلها يفرح كدة لو ربي شوية عضل تحس ان اسد جبلي واقف قدامك









    بكدة نكون انتهينا من الانواع اللي عندنا...لو حد عايزنا نضيفله اي نوع يبعتلي انا او عبدالرحمن علي الخاص و احنا تحت امركم.....انتظرونا قريبا علشان هندخل بقا علي الشغل التقيل


  15. #45
    الصورة الرمزية ahmed kabanash
    تاريخ التسجيل
    Sep 2009
    المشاركات
    72
    انا منتظر الباقى شدوا حيلكو انا عارف انك مزنوء علاشان ال ig انا كمان ig لو محتاجين حاجة اول ل علاء و هوا يوقلى اانا قريبو
    الى الامام ديما
    التعديل الأخير تم بواسطة ahmed kabanash; 10-10-2009، الساعة 01:05 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك